أدب وأشياء..

" ‏إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا " اللهٌم صلِ وسلم على نبينا مٌحمد و على آله و صحبتِه آجمعّين

‏تَكالبَ قَومٌ كُنتُ أُحسِنُ ظَنَّهُم ‏فَصاروا عَليَّ اليَومَ أعدى الحَرائِبِ ‏فَصَبراً جميلاً إِنَّ رَبّي كَفيلُ من ‏تَوَلّى عِداهُ بالكَرامَةِ واهِبِ

‏﴿ رَبِّ اجْعَلْ هَٰذَا الْبَلَدَ آمِنًا ﴾ ‏اللهم اجعل هذا الوطن عزيزًا لا يُضام، آمنًا لا يُستباح، محفوظًا لا يناله سوء، وردّ عنه كيد كل من أراد به شرًّا 🇸🇦

أنطفى نور الأمان و ما غدى للصبح طاري و أبتدأ ليل الشعر يرسل مع العتمة نذيره   مرّ في بالي شريطٌ فيه من عمّري مواري يشبه أحلام السنين و عثرة اليأس الأخيرة  ما هو غريب إن السكون يجول في سكة نهاري الغريب إن الصخب في ليلي أحداثه كثيرة!  بين صدفه جابها العمر و وداع بإختياري! ما عرف قلبي يطيع الواقع أو يرضي ضميره  كنت أظن إن مرّت الأيام بـ يجف إنتظاري ما هقيت إن الأمل يستمطر إليا جفّ بيره!  كيف صارت وحشة الغربه تغنّي في دياري؟ ذبلت أنوار الشوارع و أنطفَت شبه الجزيرةْ

‏نَصّ أكتوبر ٢٠٢٦ م.

‏سمحين ونعدي الغلطات ونمشّي ‏والظاهر انْ بعضهم ناسين من حنّا ‏كنّا ذرى يوم كان الخوف متفشّي ‏والحمد لله حنّا مثل ما كنّا ‏نلين ونجامل العالم ببعض الشي ‏لكن ببعض الأمور نموت ما لنّا

أنت لا جيتني بسالفة عصرك دقات قلبي تسبق أنفاسي تمر و أيدينك على خصرك و تروح و أيديني على راسي - جمال بندر

‏"يموت الفطين اللي معه معرفه وإحساس ‏ ويعيش البليد اللي تعايش مع جهله" ‏ - قلة الفطنه بعض الأحيان مكسب -

تمرّد حرف ثاير فالصدر واللي تشكّل قاف بعد ماطال حكم الصمت طاح وفازت الثوره  عسى ربي يعين اللي يعيش وخاطره شفاف لو انه يخفي كسوره عيونه تكشف كسوره  تمنّى يرمي الذكرى والايام العجاف خلاف ولكن كيف يرميها وهي فالذهن محفوره  ما حدّ اكثر شواعير العرب ل اللعب والمشراف سوى جرحٍ قديمٍ ينفتح لامن فتح صوره  معاذ الله من كلمه تعادل ضربة السيّاف تدل القلب وتمرّه وتتمرجح على سوره  تقبّلها من الصدمة بتغميضة وضحكٍ جاف وهو كنّه يحس الكون من حوله خذا دوره  يعيش بحرقها طول العمر في حالة استنزاف ما يقدر ينتهي منها .. ولا يتدبّر اموره  ياليت الله جعل لي خاطر اليا عاف شي عاف ما كان ادنات حاجه تحرفه عن سيره وطوره  وش اللي بخسره لامن خذيت من السهاد لحاف مادام ان الضمير ارتاح من ظلمه ومن جوره  يقوله من خذا جرعة من الدنيا وعاش وشاف فهم بعض الامور اللي ما تشرح وسط سبوره

إله الكون " ياربّي لك : التبجيل ، والإجلال أعذني من هوى نفسي وضعف الوازع الديني  انا اكثر من هلك روحه بدرب : التيه والغربال تعدّيت الحدود وتاهت الخطوات انا ويني !  وتعرّض لي على دربي ! قوام ، كاعبٍ ، ميّال نقى له من سنين العمر صفوةَ زهرة سنيني  خذاني من نطاق الزيف والتشكيك، والاهمال وعرّفني على نفسي مع انّي كنت ناسيني !  تعاهدنا "وعلّقنا على صدر السمّا آمال " وقامت تلعب الدنيا على [ صوتك يناديني ]  ولكنّ الهوى من عااادته ما يفرح « العذّال » انا وشلون ابكتم حبك وحبك ،، ملا عيني ؟  تسلل بيننا حكي العواذل بين " قيل ، وقال " وخذو قلبي من يديني عسى الله ياخذ يديني !  [ تقاليد السلايل ] خالفت ! [ تقليدة السلسال ] وحال الموووت في هيئة وداعٍ بينه وبيني ...!  وودعته وودعت القصيد ، وسبحتي ، والشال ودفنت احلامنا الحلوه بـ قاعة « بحر الهجيني »  ارد الدمع في عيني " وصعبه دمعة الرجال "! وخااان الدمع يوم ان قال " تكفى لاتخليني.."  - دغيم

مضي العمر ما بين اللقا والرحيل لا التلاقي نعيم ولا المودع بلا  ذكريات الأماني والطريق الطويل والحنين لـ ديار و خاطرٍ ما سلا  ليه ابين غلاك وبالعيون الدليل الحكي ما يزيد ولا يزيل الغلا  لي خفوقٍ يعاف من الكثير القليل والعتب ما يغيّر من طبوع الملا  البرود بـ علاقتنا يحط و يشيل يا حبيبي وقلبي بالجروح امتلَى   قلت اصدّ وعسى من صدّتي ما تشيل دام بـ وداعة الله حيل تشبه هلا  مير من يوم ودّعتك ودربي جميل حمل وصلك ثقيل وبالبعاد إنجلى  الندم في حياتي صافح المستحيل ما بقى لـ الحلول برجعتي لك ولاء  - فيصل القاضي

‏لاخاب العشم لاترجع تحاول تداريه ‏يموت العشم من يوم ندفع تكاليفه ‏شعور الوجع يوم الغلا طاح من عاليه ‏ماهو شي وانت تطيّحه من مشاريفه ‏مهو كل جرح تمرّ الايام وتداويه ‏ياليت الليال تخلّي الجرح في كيفه ‏نضيف الفرح بس الفرح ماتجود يديه ‏بخيلٍ يشوف الضيف ويصدّ عن ضيفه

حسب مفهوم الاوامر والنواهي  والنفوس : ومّا لها - ومّا عليها  العدالة : ما يضاهيها مضاهي  حكمها جاري لو انك ما تبيها  إن حسبت الكيد لعب ولهو لاهي  إحسب حساب الامور اللي تليها  واعتبرها ( درس ) فالعدل الإلهي  من حفر حفرة لاخيه يطيح فيها

‏بيني وبين صويحبي وقفة أحوال ‏يامن يدير الصلح بينه وبيني ‏وأعطيه ماتملك يميني من المال ‏وأجعل مقره بين جفني وعيني

ياللي تعاتبني وكنك ما تشوف كيف المصايب لـ الهلاك تجرني وقفت لـ الدنيا وطولت الوقوف وبريت في وقتي وهو ما برني طوفت لي حاجات كانت ما تطوف لـ انسان سريته وهو ما سرني عاتبني من العالم ميات الالوف وهو الوحيد اللي عتابه ... ضرني انا رجل مريت في عدة ظروف اللي يمر الطيبين يمرني - فواز بن عواض

" ‏إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا " اللهٌم صلِ وسلم على نبينا مٌحمد و على آله و صحبتِه آجمعّين

‏ما وصلت الأعراب ساسك والعجم ‏وغيرك جعل عمره ما فهم ‏أطول طويل أهل العطا حولك قزم ‏بدري على كفينه وطوايله ‏جنوبك اللّٰه خلقنها للدحم ‏وعظام راسك هي سبب صمايله ‏مدّت إيديك توسم اللي ما انوسم ‏وسمّ تشوفه في رقاب الحايله

‏يامل قلبً من الحرمان عانا كثير ‏عانا من الصبر ومْن اللي يبيه انحرم ‏من اولً كان في رجوى سعاده وخير ‏واليوم من كثر مايطري عليه انصرم ‏واحرّ من ضيقة المشتاق خطوا عصير ‏الضيقة اللي حرارتها تجيب الطرم ‏كن ازدحام الطواري في زوايا الضمير ‏مثل ازدحام الحجيج اللي تزور الحرم ‏- علي الدعيه