News Of Myanmar

မြန်မာနိုင်ငံအတွင်း တရားမဝင်ဝင်ရောက်နေထိုင်လျက်ရှိသည့် ပြည်ပနိုင်ငံသား ၄၃ ဦးအား ကွန်ဟိန်းမြို့နယ်၊ ကာလိမြို့၊ ဝမ်မိုင်ကျေးရွာအနီး ထပ်မံဖမ်းဆီးရမိ မေ ၁၊ ၂၀၂၆ မြန်မာနိုင်ငံအစိုးရအနေဖြင့် နိုင်ငံအတွင်း အွန်လိုင်းလိမ်လည်လောင်းကစားမှုလုပ်ငန်းများ လုံးဝအခြေမပြုနိုင်စေရေးအတွက် အွန်လိုင်းလိမ်လည်လောင်းကစားမှုတိုက်ဖျက်ရေးလုပ်ငန်းစဉ်များကို အမျိုးသားရေးတာဝန်တစ်ရပ်အဖြစ် ဆောင်ရွက်လျက်ရှိပြီး ပြည်တွင်းအင်အားစုများအပြင် အိမ်နီးချင်းနိုင်ငံအစိုးရများနှင့်လည်း ပေါင်းစပ်ညှိနှိုင်း၍ တက်ကြွစွာဆောင်ရွက်လျက်ရှိရာ တိုင်းဒေသကြီးနှင့် ပြည်နယ်အသီးသီးရှိ ဌာနဆိုင်ရာပူးပေါင်းအဖွဲ့များသည်လည်း အွန်လိုင်းလိမ်လည် လောင်းကစားမှုတိုက်ဖျက်ရေးလုပ်ငန်းများနှင့် နိုင်ငံအတွင်းသို့ ပြည်ပနိုင်ငံသားများ တရားမဝင် ဝင်ရောက်နေထိုင်မှုမရှိစေရေးတို့ကို အသေးစိတ်စစ်ဆေးကြပ်မတ် ဆောင်ရွက်လျက်ရှိသည်။ ထိုသို့ ဆောင်ရွက်လျက်ရှိစဉ် ရှမ်းပြည်နယ်(တောင်ပိုင်း) ကွန်ဟိန်းမြို့နယ်၊ ကာလိမြို့၊ ဝမ်မိုင်ကျေးရွာအနီး သံလွင်မြစ်ကူး ကူးတိုဆိပ်၌ တရားမဝင်ပြည်ပနိုင်ငံသားများ ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များ၊ အုပ်ချုပ်ရေးအဖွဲ့အစည်းများနှင့် ဌာနဆိုင်ရာတာဝန်ရှိသူများ ပါဝင်သော ပူးပေါင်းအဖွဲ့များက သွားရောက်ရှာဖွေစစ်ဆေးခဲ့ရာ ယနေ့နံနက်ပိုင်း ၂ နာရီခန့်တွင် မြန်မာနိုင်ငံအတွင်းသို့ တရားမဝင် ဝင်ရောက်နေထိုင်လျက်ရှိသည့် တရုတ်နိုင်ငံသား အမျိုးသား ၄၃ ဦးအား ဖော်ထုတ်ဖမ်းဆီး ထိန်းသိမ်းနိုင်ခဲ့သည်။ အဆိုပါ ဖမ်းဆီးရမိသူများ၏ ကနဦးထွက်ဆိုချက်အရ ၎င်းတို့သည် ရှမ်းပြည်နယ်(မြောက်ပိုင်း) တန့်ယန်းမြို့နယ်အတွင်း တရားမဝင်အွန်လိုင်းလောင်းကစားလုပ်ကိုင်နေစဉ် လုံခြုံရေးတပ်ဖွဲ့ဝင်များမှ လိုက်လံရှာဖွေဖော်ထုတ် ဖမ်းဆီးလျက်ရှိသဖြင့် တရုတ်နိုင်ငံသို့ ပြန်ရန်အတွက် တောလမ်းအတိုင်း ထွက်ပြေးလာစဉ် ဖမ်းဆီးခံခဲ့ရခြင်းဖြစ်ကြောင်း သိရှိရသည်။ မြန်မာနိုင်ငံအစိုးရအနေဖြင့် အွန်လိုင်းလိမ်လည်မှုများနှင့် အွန်လိုင်းလောင်းကစားမှုတိုက်ဖျက်ရေးလုပ်ငန်းစဉ်များကို တက်ကြွစွာ ပူးပေါင်းဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် မြန်မာနိုင်ငံအတွင်းသို့ ရောက်ရှိနေပြီး အွန်လိုင်းလိမ်လည်လောင်းကစားမှုတွင် တစ်နည်းနည်းဖြင့် ပါဝင်ပတ်သက်နေသည့် ပြည်ပနိုင်ငံသားများကိုလည်း တရားဥပဒေနှင့်အညီ စစ်ဆေးကာ လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကို ရှေးရှု၍ သက်ဆိုင်ရာနိုင်ငံများသို့ ပြန်လည်လွှဲပြောင်းပေးခြင်းများ၊ အဓိကပြစ်မှုကျူးလွန်ခဲ့သူများကိုလည်း ဖမ်းဆီးထိန်းသိမ်းပြီး သက်ဆိုင်ရာအစိုးရအဖွဲ့ထံ တရားဝင်လွှဲပြောင်းပေးခြင်းများနှင့် တရားဥပဒေနှင့်အညီ ထိရောက်စွာ အရေးယူခြင်းများ ဆောင်ရွက်လျက်ရှိကြောင်း သတင်းရရှိသည်။

ညောင်ဦးမြို့နယ်၊ ညောင်ကြီးကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့က ဖမ်းဆီးခေါ်ဆောင်သွား မေ ၁၊ ၂၀၂၆ မန္တလေးတိုင်းဒေသကြီး၊ ညောင်ဦးမြို့နယ်၊ ညောင်ကြီးကျေးရွာနေ ဦးဝင်းဇော် (၅၈) နှစ်သည် ဧပြီလ ၃၀ ရက်နေ့ နံနက် ၁၁ နာရီအချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်သမားငါးဦးက ဆိုင်ကယ်နှစ်စီးဖြင့် ရောက်လာပြီး ၎င်းအား အကြမ်းဖက်ခြိမ်းခြောက်၍ ဖမ်းဆီးခေါ်ဆောင် သွားခဲ့ကြောင်းသိရသည်။ NOM

တပ်မတော်ဆေးရုံများ၌ တက်ရောက်ဆေးကုသမှု ခံယူနေသူများအား ကြည့်ရှုအားပေး မေ ၁၊ ၂၀၂၆ တပ်မတော်အနေဖြင့် တိုင်းရင်းသားပြည်သူများ၏ ကျန်းမာရေးစောင့်ရှောက်မှုလုပ်ငန်းများတွင် နိုင်ငံတော်အစိုးရနှင့်အတူ တစ်ဖက်တစ်လမ်းမှ ကူညီစောင့်ရှောက်မှုများ ဆောင်ရွက်ပေးလျက်ရှိရာ တိုင်းဒေသကြီးနှင့် ပြည်နယ်အသီးသီးရှိ တပ်မတော်ဆေးရုံများ၌ အရာရှိ၊ စစ်သည်၊ မိသားစုများ၊ ပြည်သူ့စစ်မှုထမ်းများ၊ စစ်မှုထမ်းဟောင်းအဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ၊ ပြည်သူ့စစ်(ဌာနေ)တပ်ဖွဲ့ဝင်များအပြင် သံဃာတော်များ၊ သာသနာနွယ်ဝင်သီလရှင်များနှင့် ဒေသခံတိုင်းရင်းသားပြည်သူများကိုလည်း လက်ခံဆေးကုသပေးခြင်းများ ဆောင်ရွက်ပေးလျက်ရှိသည်။ ထိုသို့ဆောင်ရွက်ပေးလျက်ရှိရာ ယနေ့တွင် ရှမ်းပြည်နယ်(တောင်ပိုင်း) တောင်ကြီးမြို့ရှိ တပ်မတော်ဆေးရုံနှင့် ဧရာဝတီတိုင်းဒေသကြီး၊ ပုသိမ်မြို့ရှိ တပ်မတော်ဆေးတပ်ရင်းတို့၌ တက်ရောက်ဆေးကုသမှုခံယူလျက်ရှိသော အရာရှိ၊ စစ်သည်၊ မိသားစုဝင်များ၊ မြန်မာနိုင်ငံရဲတပ်ဖွဲ့ဝင်များ၊ စစ်မှုထမ်းဟောင်းအဖွဲ့ဝင်များ၊ ပြည်သူ့စစ်(ဌာနေ) တပ်ဖွဲ့ဝင်များနှင့် ဒေသခံတိုင်းရင်းသားပြည်သူများအား တိုင်းစစ်ဌာနချုပ်များမှ တိုင်းမှူးများနှင့် တာဝန်ရှိသူများက သွားရောက်ကြည့်ရှု၍ လူနာတစ်ဦးချင်း၏ ရောဂါဖြစ်ပွားမှု၊ ဆေးဝါးကုသပေးထားမှုနှင့် ကျန်းမာရေးတိုးတက်ကောင်းမွန်မှုအခြေအနေများကို ရင်းရင်းနှီးနှီး မေးမြန်းအားပေးစကားပြောကြားကာ အာဟာရဖြည့်စားသောက်ဖွယ်ရာများနှင့် ချီးမြှင့်ငွေများ ပေးအပ်သည်။ ထို့နောက် တိုင်းစစ်ဌာနချုပ်များမှ တိုင်းမှူးများနှင့် တာဝန်ရှိသူများသည် ဆေးရုံများအတွင်း လှည့်လည်ကြည့်ရှုစစ်ဆေးကြပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြကြောင်း သတင်းရရှိသည်။

အီရန်နိုင်ငံသည် ၎င်းတို့၏ 'နောက်ဆုံးအဆင့် အဆိုပြုချက်' ကို ပါကစ္စတန် ကြားခံစေ့စပ်ပေးသူများမှတစ်ဆင့် အမေရိကန်ထံသို့ မနေ့ညက ဆက်သွယ်ပေးပို့ခဲ့သည်။ NOM

အိန္ဒိယရေတပ်ဦးစီးချုပ် Admiral ဒါရ်နေးရှ် ကုမားရ် ထရီပါ Dinesh Kumar Tripathi, PVSM, AVSM, NM ဦးဆောင်သော ချစ်ကြည်ရေးကိုယ်စားလှယ်အဖွဲ့ ရန်ကုန်မြို့သို့ ယနေ့ မေလ ၁ ရက်နေ့ ညနေအချိန်၌ရောက်ရှိ မေ ၁၊ ၂၀၂၆

ပွင့်ဖြူမြို့နယ်၊ ရွာသစ်ကုန်းကျေးရွာနေ ကျောင်းဆရာမတစ်ဦးနှင့် အမျိုးသားနှစ်ဦးကို PDF အကြမ်းဖက်အဖွဲ့က ဖမ်းဆီးခေါ်ဆောင်သွား မေလ ၁၊ ၂၀၂၆ မကွေးတိုင်းဒေသကြီး၊ ပွင့်ဖြူ မြို့နယ်၊ ရွာသစ်ကုန်းကျေးရွာသို့ ဧပြီလ ၃၀ ရက်နေ့ နံနက် ၁၀ နာရီခွဲအချိန်၌ PDF အကြမ်းဖက်အဖွဲ့ အင်အား ၁၅ ဦးက ဆိုင်ကယ်ခုနစ် စီးဖြင့် ရောက်လာပြီး အဆိုပါကျေးရွာနေသူများဖြစ်ကြသည့် ရွာသစ်ကုန်းကျေးရွာအခြေခံပညာ မူလတန်းလွန်ကျောင်းမှ ဒုတိယအလယ်တန်းပြဆရာမဖြစ်သူ ဒေါ်သီတာဦး (၄၉) နှစ်၊ ဦးရဲမြင့် (၅၉) နှစ် နှင့် ဦးမြင့်ဆွေ (၆၄) နှစ်တို့သုံးဦးအား အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။ NOM

ရန်ကုန်မှ မန္တလေးသို့ DEMU ရထားဖြင့် ယနေ့စတင်ပြေးဆွဲ NOM၊မေ၁၊၂၀၂၆ ရန်ကုန် - မန္တလေး ရထားလမ်းပိုင်းတွင် အမှတ် (၅) အဆန် / အမှတ် (၆) အစုန်ရထားအား ခေတ်မီ DEMU ရထားတွဲဆိုင်းများဖြင့် စတင်ပြေးဆွဲခြင်း ဖွင့်ပွဲအခမ်းအနားကို ယနေ့ နံနက်ပိုင်းက ရန်ကုန်မြို့၊ ရန်ကုန်ဘူတာကြီးတွင် ကျင်းပသည်။ အခမ်းအနားသို့ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူ၊ ရန်ကုန်တိုင်းဒေသကြီး အစိုးရအဖွဲ့ဝင် ဝန်ကြီးများ၊ ဌာနဆိုင်ရာအကြီးအကဲများ၊ တာဝန်ရှိသူများနှင့် ဖိတ်ကြားထားသော ဧည့်သည်တော်များ တ‌က်ရောက်ကြသည်။ အဆိုပါအမှတ်(၅)အဆန် ရန်ကုန်-မန္တလေး DEMU ရထားသည် ရန်ကုန်ဘူတာကြီးမှ မနက် ၆ နာရီ၌ စတင်ထွက်ခွာခဲ့ပြီး မန္တလေးဘူတာကို ညနေ ၄ နာရီ၌ ရောက်ရှိခဲ့သည်။ ထို့အတူ အမှတ်(၆)အစုန် မန္တလေး-ရန်ကုန် DEMU ရထားသည် မန္တလေးဘူတာမှ မနက် ၆ နာရီ၌ ထွက်ခွာပြီး ရန်ကုန်ဘူတာကြီးကို ညနေ ၄ နာရီ ၁၀ မိနစ်၌ ရောက်ရှိခဲ့သည်။ လက်မှတ်ခနှုန်းထားများသည် အထက်တန်း ၄၈၀၀၀ ကျပ်၊ ပထမတန်း ၃၄၀၀၀ ကျပ်ဖြစ်သည်။ လမ်းခရီး၌ တိုးကြောင်ကလေး၊ ပဲခူး၊ ညောင်လေးပင်၊ တောင်ငူ၊ ပျဉ်းမနား၊ နေပြည်တော်၊ ရမည်းသင်း၊ သာစည်နှင့် ကျောက် ဆည်ဘူတာများ၌ ရပ်တန့်ပေးမည် ဖြစ်‌ကြောင်းသိရသည်။

အိမ်ဖြူတော် တာဝန်ရှိသူတစ်ဦး၏ ပြောကြားချက်အရ အစိုးရအဖွဲ့သည် အီရန်နိုင်ငံနှင့် အကြီးအကျယ် စစ်မက်ဖြစ်ပွားနိုင်ခြေအတွက် ခွင့်ပြုချက်ရယူရန် လွှတ်တော်နှင့် ဆွေးနွေးညှိနှိုင်းမှုများ လုပ်ဆောင်နေကြောင်း သိရသည်။ NOM

ရေပေးဝေသည့်ကိစ္စ စကားများရာမှ မောင်ဖြစ်သူက အစ်မအရင်းအား ပေါက်တူးဖြင့်ရိုက်နှက်၍သေဆုံး NOM၊မေ၁၊၂၀၂၆ ​ရန်ကုန်တိုင်းဒေသကြီး ကျောက်တန်းမြို့နယ်တွင် ရေပေးဝေသည့်ကိစ္စဖြင့် မောင်နှမချင်းစကားများရာမှ မောင်ဖြစ်သူက အစ်မရင်းဖြစ်သူအား ပေါက်တူးဖြင့်ရိုက်နှက်သတ်ဖြတ်ခဲ့မှု ဧပြီ ၃၀ ရက်ည ၈ နာရီခွဲခန့်ကဖြစ်ပွားခဲ့ကြောင်း သိရသည်။ ဖြစ်စဉ်မှာကျောက်တန်းမြို့နယ်၊ နရွှဲချောင်ကျေးရွာနေ ဒေါ်မြဝင်း (၅၆) နှစ်သည် အိမ်ဘေးချင်းကပ်လျက်ရှိသော နေအိမ်သို့ ရေပိုက်ဖြင့်ရေပေးဝေခြင်းအား တစ်အိမ်တည်းနေ မောင်ဖြစ်သူ ကျော်ကျော်(ခ)မောင်ကျော် (၅၁) နှစ်က မကျေနပ်သဖြင့်မောင်နှ မ နှစ်ဦးစကားများခဲ့ကြကြောင်းသိရသည်။ စကားများစဥ်မောင်ဖြစ်သူက စိတ်မထိန်းနိုင်ဘဲ ပေါက်တူးဖြင့် အစ်မဖြစ်သူ၏ဦးခေါင်းကို သုံးချက်ခန့်ပြင်းထန်စွာရိုက်နှက်ခဲ့ရာ ဒေါ်မြဝင်းသည် ဦးခေါင်းကြေမွကွဲပြဲသည့်ဒဏ်ရာများဖြင့် အခင်းဖြစ်နေရာ၌ ‌သေဆုံးသွားခဲ့ကြောင်း သိရသည်။ ထို့ကြောင့် ကျော်ကျော်(ခ)မောင် ကျော် အားဖမ်းဆီးပြီးနောက် ကျောက်တန်းမြို့နယ်မြေရဲစခန်းက (ပ) ၆/၂၀၂၆၊ အမှုကြီးအမှတ်စဉ် (၁/၂၀၂၆)၊ ရာဇသတ်ကြီးပုဒ်မ ၃၀၂ ဖြင့်အမှုဖွင့်စစ်ဆေးလျက်ရှိကြောင်း သိရသည်။

ဒဂုံမြို့သစ်‌ေမြာက်ပိုင်းတွင်ကားမှုတ်ဆေး အရောင်း ဆိုင် မီးလောင် NOM၊မေ၁၊၂၀၂၆ ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၊အမှတ်၂၉ ရပ်ကွက်၊ ရွှေတောင်တန်းလမ်းနှင့် မန္တလေးလမ်း​ထောင့်ရှိ 99 ကားမှုတ်ဆေး အရောင်း ဆိုင် တွင်ယ‌ နေ့နံနက်၆း၁၀နာရီအချိန်ခန့်က မီးလောင်မှုဖြစ်ပွားခဲ့‌ကြောင်းသိရသည်။ မီး​လောင်ရာသို့ ဒဂုံမြို့သစ်မြောက်ပိုင်းမြို့နယ်မီးသတ်စခန်းမှမီးသတ် ယာဉ်အုပ်စုများ ထွက်ခွာငြှိမ်းသတ်ခဲ့ရာ ၆း၁၇နာရီ အချိန်မီးထိန်းနိုင်ပြီး ၆း၂၄နာရီ တွင်မီးငြိမ်းခဲ့ကြောင်း သိရသည်။

ဒီနိုင်ငံမှာ နီပေါ ထမိန်ခြုံဘဝ အမည်ခံဖို့ တော်ရုံ ဉာဏ်တိမ်လို့တော့ မရဘူး။ ဘွားတော်အလွန် NLD ရဲ့ အနာဂတ် ခေါင်းဆောင်ပါဆိုပြီး ဘောမ ခဲ့ကြတဲ့ နီပေါ တွေက ဖြိုးမင်းသိန်းက ဒေါ်စုကို လာဘ်ပေးလာဘ်ယူ ပေးခဲ့ပါတယ်လို့ အရှင်လတ်လတ် ပြောခဲ့တာတောင် ဒါက Fake video ပါ လုပ်ကြသေးတာ။ ဒါတောင် ခုချိန်ထိ ဘွားတော်က အဂတိမကျူးလွန်ပါဘူး မငြင်းနိုင်ဘူး။ အခြေအမြစ်မရှိဘူးလို့ပဲ မယုတ်မလွန် ပြောထားတာ။ ဦးကျော်ဇေယျကြီး ပါတီထဲ ဝင်တော့ ဒါမှ စစ်သားကောင်း။ PPP ထဲ ဝင်တော့ မိုးမွှန်အောင် ဆဲကြပြန်ရော။ ဒေါ်သက်သက်ခိုင်တို့ ပါတီထဲ ရှိတုန်းက တစ်မျိုး။ ပါတီထောင်တဲ့အချိန် အနတ္တ စကားတွေပြောကြပြန်တာလည်း ဒီနီပေါ မိသားစုတွေချည်းပဲ။ ခုလည်း အစိုးရကို ရွေးကော်တုတွေ၊ အစိုးရ အတု တွေ ပြောနေ၊ ရေးနေပြီး ပြန်လွှတ်ဖို့ ကို ခခယယ တောင်း ဆိုနေရတာက ဘယ်သူတွေလဲ သိဖို့ လိုတယ်ထင်တာပဲ။ လက်ရှိ လွှတ်ခြင်း မလွှတ်ခြင်းတွေ၊ အသံဖိုင် ပြပေး၊ မပေး ဆိုတာတွေကို ပြောတိုင်း လိုက်လုပ်ရအောင် လုပ်ပိုင်ခွင့်နဲ့ အာဏာက ဘယ်သူ့မှာ ရှိသလဲ။ ဘယ်သူ့ကြိုးဆွဲရာကို ဘယ်သူတွေက "က" နေကြရတာလဲ ဒါလေး သိဖို့ လိုတယ် ထင်တာပဲ။ ဗြမ္မာ ဦးခေါင်း ၊ ဘယ်နေရာရာ ထားထား သောက်ပြဿနာရှာ။ မြန်မာပြည် စည်းလုံးညီညွတ်ဖို့ အရေးထက် အနောက် အာဂျင်တာတိုင်း လုပ်ရတဲ့ သူကို မြန်မာပြည်ရဲ့ နိုင်ငံရေး ခေါင်းဆောင်အဖြစ်နဲ့တော့ မမြင်ချင်တော့ဘူး။ ဦးအောင်ဆန်းဦးက လွဲရင် အစ်ကိုအရင်းနဲ့လည်း ရိုသေမှုမရှိ အမွေလု၊ မြန်မာပြည် မြေပုံကို ကိတ်လုပ်ခွဲ။ မျိုး မစောင့်လေတော့ ဗိုလ်ချုပ်ရုပ်တောင် မထွက်တော့တဲ့ ဒီမျိုးဆက်က ဗိုလ်ချုပ် သွေး ပါရုံနဲ့ မြန်မာ့နိုင်ငံရေးမှာ လုပ်ချင်တိုင်း လုပ်ခွင့် ရနေဖို့ မသင့်ဘူး ထင်တာပဲ။ (နရီမိုး)

၁၀ ရက်အတွင်း တိုင်းနှင့်ပြည်နယ်အနှံ့ ရက်ရှည်မိုးရွာမည် NOM၊မေ၁၊၂၀၂၆ မြန်မာနိုင်ငံအတွင်းရှိ တိုင်းနှင့်ပြည်နယ်အနှံ့တွင် ယနေ့ မေ ၁ ရက်မှလာမည့် ၁၀ ရက်အတွင်း ရက်ရှည်မိုးရွာသွန်းနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ခန့်မှန်းချက် ထုတ်ပြန်ထား သည်။ မိုးရွာသွန်းမှုအ‌နေဖြင့် နေပြည်တော်၊ မန္တလေးတိုင်း၊ မကွေးတိုင်း၊ စစ်ကိုင်းတိုင်း၊ ကချင်ပြည်နယ် နှင့် ချင်းပြည်နယ်တို့တွင် ရွာသွန်းမြဲထက်ပိုနိုင်ပြီး ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ် တို့တွင်မူ ရွာသွန်းမြဲခန့် မိုးထစ်ချုန်းရွာနိုင်ကြောင်း မိုးဇလကခန့်မှန်းထားသည်။ အဆိုပါ ရက်များအတွင်း စစ်ကိုင်းတိုင်း(အထက်ပိုင်း)၊ တနင်္သာရီတိုင်း၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင် ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် ခြောက်ရက် မှ ရှစ်ရက် ခန့်၊နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း (အောက်ပိုင်း)၊ ဧရာဝတီတိုင်း၊ ကယားပြည်နယ် နှင့် ရှမ်းပြည်နယ် (တောင်ပိုင်းနှင့် အရှေ့ပိုင်း)တို့တွင် သုံးရက်မှငါးရက်ခန့် မိုးထစ်ချုန်းရွာနိုင်ကြောင်း ထုတ်ပြန်ထားသည်။

အမေရိကန်သမ္မတကဂျာမနီအဓိပတိကိုပြင်းထန်စွာဝေဖန် NOM အမေရိကန်သမ္မတထရမ့်သည် အီရန်နှင့်ပတ်သက်၍ ဂျာမနီအဓိပတိမာ့ဇ်အား ထပ်မံပြင်းထန်စွာ ဝေဖန်ခဲ့ပြီး ယူကရိန်းစစ်ပွဲကို အဆုံးသတ်ရေးအာရုံစိုက်ရန် တောင်းဆိုခဲ့သည်။ "ဂျာမန်ဝန်ကြီးချုပ်သည် ရုရှားနှင့် ယူကရိန်းအကြား စစ်ပွဲကို အဆုံးသတ်ရန် ကြိုးပမ်းမှုများလုံးဝထိရောက်မှုမရှိကြောင်း သက်သေပြခဲ့ပြီးဖြစ်သည်။သူ၏ပြဿနာဖြစ်နေသောနိုင်ငံတွင် အထူးသဖြင့် ရွှေ့ပြောင်းနေထိုင်မှုနှင့် စွမ်းအင်ကိစ္စရပ်များတွင် ငြိမ်ဝပ်ပိပြားမှုကို ပြန်လည်ထူထောင်ရန် အချိန်ပိုမိုပေးသင့်သည်။အီရန်၏နျူကလီးယားခြိမ်းခြောက်မှုကို ဖယ်ရှားပေးနေသူများအပေါ်မဝေဖန်သင့်”ဟုအမေရိကန်သမ္မတက ရေးသားခဲ့သည်။ ဂျာမန်ဝန်ကြီးချုပ်က အီရန်စစ်ပွဲမှ မည်သို့ထွက်ခွာရမည်ကို မသိသော အမေရိကန်ကို "အီရန်သည်အမေရိကန်ကိုအရှက်ရစေသည်" ဟု ပြောကြားမှုအပေါ်အမေရိကန်သမ္မတကဒေါသထွက်နေခြင်းဖြစ်သည်။

တွံတေး-လှိုင်သာယာသွားကားလမ်းတွင် ဆီဘောက်ဆာကားကလမ်းဘေးသစ်ပင်ဝင်တိုက်ယာဉ်မောင်း‌သေဆုံး NOM၊မေ၁၊၂၀၂၆ ရန်ကုန်တိုင်း‌ဒေသကြီး၊ တွံတေးမြို့နယ် တွံတေး-လှိုင်သာယာ ကားလမ်းတွင် မေ ၁ ရက်နံနက် ၅ နာရီ ကျော်က ဆီဘောက်ဆာကားကလမ်းဘေးသစ်ပင်ကို ဝင်တိုက်မိခဲ့မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။ ဖြစ်စဥ်ကြောင့် ခေါင်းခန်းအတွင်းညပ်နေသည့်ယာဥ်မောင်းသူမှာ ထိခိုက်ဒဏ်ရာများရရှိ၍ အခင်း ဖြစ်နေရာတွင်‌ေသဆုံးသွားခဲ့သဖြင့် ရုပ်အလောင်းအား စိတ္တသုခလူမှုကူညီရေးအသင်းက တွံတေးမြို့နယ်ပြည်သူ့ဆေးရုံသို့ပို့ဆောင်ပေးခဲ့ကြကြောင်း သိရသည်။

နိုင်ငံတော်အတွင်း စက်သုံးဆီဖူလုံမှုအနေဖြင့် ၆၀ ရက်စာလုံလောက်မှုရှိ NOM၊မေ၁၊၂၀၂၆ နိုင်ငံတော်အတွင်း စက်သုံးဆီဖူလုံမှုအနေဖြင့် ၆၀ ရက်စာလုံလောက်မှုရှိကြောင်း ယနေ့ (မေလ ၁ ရက်)နေ့တွင် လျှပ်စစ်နှင့် စွမ်းအင်ဝန်ကြီးဌာနက အသိပေးထုတ်ပြန်ထား ကြောင်းသိရသည်။ ကမ္ဘာ့စက်သုံးဆီဈေးနှုန်းများမြင့်တက်ခဲ့သော်လည်း ပြည်တွင်းစက်သုံးဆီဈေးနှုန်း များစွာမြင့်တက်သွားခြင်းမရှိစေရေးအတွက် နိုင်ငံတော်အစိုးရမှ ကြပ်မတ်ညှိနှိုင်းဆောင်ရွက်ပေးခဲ့ရာ လက်ရှိတွင် နိုင်ငံတော်အတွင်း စက်သုံးဆီဖူလုံမှုအနေဖြင့် ၆၀ ရက်စာလုံလောက်မှုရှိသည့်အတွက် ပြည်သူများအနေဖြင့်စက်သုံးဆီ ဝယ်ယူသုံးစွဲသူများအနေဖြင့် လိုအပ်သည်ထက် ပိုမိုဝယ်ယူသိုလှောင်ခြင်းမပြုဘဲ လိုအပ်သည့်အချိန်တွင် လိုအပ်သည့် ပမာဏကိုသာ ဝယ်ယူသုံးစွဲရန်အသိ ပေးထုတ်ပြန်ထားသည်။ အရှေ့အလယ်ပိုင်းဒေသရှိ ပဋိပက္ခများကြောင့် ကမ္ဘာ့ရေနံစျေးနှုန်းများ မြင့်တက်နေသော်လည်း လျှပ်စစ်နှင့် စွမ်းအင်ဝန်ကြီးဌာနအနေဖြင့်စက်သုံးဆီခြိုးခြံချွေတာရေးအတွက် နိုင်ငံတော်မှ ထုတ်ပြန်ထားသည့် လမ်းညွှန်ချက်များနှင့်အညီ စက်သုံးဆီ စနစ်တကျသုံးစွဲနိုင်ရေး၊ ချွေတာသုံးစွဲနိုင်ရေးနှင့် ဖူလုံမှုရှိစေရေးအတွက် ဒစ်ဂျစ်တယ်နည်းပညာအခြေပြု၍ စီမံကြပ်မတ်ကွပ်ကဲဆောင်ရွက်လျက်ရှိ ကြောင်း သိရသည်။

အိနွဒိယတွင်မိုးသည်းထန်သဖြင့်ဆယ်ဦးသေ NOM အိန္ဒိယနိုင်ငံစီလီကွန်တောင်ကြားဘင်ဂါလုရုမြို့တွင်မိုးသည်းထန်ပြီးမိုးသီးများကြွေကျမှုကြောင့်ယမန်နေ့ကလူဆယ်ဦးသေဆုံးခဲ့သည်။

မန္တလေး မဟာအောင်မြေမြို့နယ် ရတနာဘုမ္မိအရှေ့ရပ်ကွက်မှ ပြည်သူ့စစ်မှုထမ်းအပတ်စဉ်(၁)တက်ရောက်ပြီး တာဝန်ကျေပွန်စွာထမ်းဆောင်ခဲ့ပြီးသောနိုင်ငံသားကောင်းများအားဂုဏ်ပြုကြိုဆိုပွဲ။

တပ်မတော်စစ်ကြောင်းများက အကြမ်းဖက်သောင်းကျန်းသူပူးပေါင်းအဖွဲ့များ ယာယီစိုးမိုးထားသည့် အင်းတော်မြို့နှင့် အဆိုပါဒေသတစ်ဝိုက်အား အလုံးစုံပြန်လည်သိမ်းပိုက်ထိန်းချုပ် ဧပြီ ၃၀၊ ၂၀၂၆