السيرُ إلي اللّٰه."🌿

, هل انتصرت عليهما؟ يقول الدكتور عبدالرزاق البدر حفظه الله: "فالنفس والشيطان هما مصدر الآثام ومنبع الشرور، فالعبدُ إذا جانب المعصية فإنه قد قهر نفسه، وأرغم الشيطان، وذاق حلاوة العزة بطاعة الرحمن". ,

٢- اعتمادية على الشغل workaholic انك تبقى مدمن شغل دي حاجة زمان كان بيفتخر بيها رجال الأعمال والمليونيرات اللي بيطلعوا يقولوا للناس ازاي تبقى مليونير زينا. ولكن الحقيقة ده إدمان زيه اي نوع إدمان وله خطر على الصحة قد يؤدي للوفاة أو أمراض نفسية وجسدية مزمنة برده باختصار الانسان اللي بيعمل كدا بيبقى حياته مالهاش معنى بدون شغل لا عنده ناس بتحبه بجد ولا عنده انشطة بيمارسها بتملاه نفسيًا ودول بيصابوا بالهلع في الاجازات او لو طلعوا معاش لإن حرفياً هو من جواه "أنا بدون شغل ولا حاجة. انا قيمتي الوحيدة في الحياة هو شغلي" وإنك تسند حياتك كلها على الشغل دي مخاطرة كبيرة جدًا ولما بيجتمع على حد ال٢ يعني احتراق نفسي وإدمان العمل هنا تشوف الدمار بجد! واحد مش قادر يشتغل جهازه العصبي خانه خلاص مش قادر ينتج ولا يركز وفي نفس الوقت هو مش قادر ياخد أجازة ويرتاح عشان يواصل فخد بالك! الحياة تحتاج لتعدد مصادر المعنى والقيمة ١- عبادة ٢- اسرة ٣- اصدقاء ٤- اعمال خير ٥- انشطة ترفيهية ٦- رياضة ٧- هوايات إلخ ملحوظة أخيرة: الجسد لا ينسى، والفاتورة بتدفع هتدفع.. لو ماحترمتوش في ال٢٠ مش هيعملك حساب وهيزعلك في ال٣٠ وال٤٠ وال٥٠ _________ 4️⃣معايير الرضا ومفاهيم الرزق هبدا الجزء ده بسؤال في غاية الأهمية ومن فضلك فكر فيه بدون تسرع لو انت بتشتغل ٨ ساعات بتكسب ١٠ ج.. هل لو اشتغلت ١٦ هيبقوا ٢٠ ج ؟ وهل ممكن تشتغل ٦ ويبقوا ٢٠ ج؟ هل سُنة الله في الرزق إنه اللي بيشتغل أكتر بياخد أكتر؟ هل إنت متحكم لهذه الدرجة في رزقك؟ هل حد اشتغل ١٠ ساعات ودخله مستقر وحد اشتغل ١٦ وحصله مشاكل في الشغل وفلس؟ وده يرجعنا لحتة أساسية لو اختلفنا فيها كلامي كله مش هيبقى ليه معنى من هو الرزاق؟ ساعات العمل؟ أم الله؟ هتقولي سؤال مستفز مانا بشتغل ساعات عمل عشان اطلب من ربنا الرزق هقولك قسمًا بالله أحلى إجابة إذن انت تطلب من الله ؟ صح كدا فوجب على من يطلب من الله أن يطلب كما أمره الله ويرضى بما كتبه الله ولا يشترط على الله استحقاق مادي معين بتقديم كم من السعي محدد. يارب اديك ١٦ ساعة تديني ١٠٠ الف لا ما بتتحسبش كدا ياصاحبي 😅 المقال اللي فات لما كتبت اسباب الرزق من وجهة نظري قولت ايه؟ ١- دعاء ٢- صدقة ٣- بر ٤- سعي واجتهاد ٥- مساعدة الناس ٦- يقين بالله كلها حاجات متوزعة مش كلها بتصب في عمل مباشر لو حسبتها شغل بس: هتروح عزاء ليه، ما نت ممكن تشتغل الوقت ده تصل رحمك ليه.. مانت ممكن تشتغل الوقت ده تقضي وقت مع مراتك ليه.. مانت ممكن تشتغل الوقت ده تقعد تربي عيالك وتستثمر فيهم من وقتك ليه.. مانت ممكن تشتغل الوقت ده وهنا يبان المعنى: الله هو الرزاق .. أعبد الله كما امرك وتأكد انك ستحصل على أوسع رزق كُتب لك مَن أَحَبَّ أن يُبْسَطَ له في رزقِه ، وأن يُنْسَأَ له في أَثَرِهِ ، فَلْيَصِلْ رَحِمَه تفتكر النبي صلى الله عليه وسلم بيقولنا حديث زي ده ليه؟ عشان ماتحسبهاش مادة بس عشان ماتخافش على الرزق من انك تعبد ربنا صح ولكن يتبقى شئ... هي منظومة عبادة كاملة ماينفعش نجزأها هتقولي: عملت كدا ياكريم ورزقي برده قليل هقولك: لو ده قدر الله ليك.. هترضا بيه ولا لا؟ للأسف تاني عقلية إنه البسيط اللي رزقه قليل ده سمعته وحشة وغبي وضعيف دي كلها افكار رأس مالية بحته إنما إحنا عندنا: لا فضلَ لعربيٍّ على عجميٍّ ، ولا لعجميٍّ على عربيٍّ ، ولا لأبيضَ على أسودَ ، ولا لأسودَ على أبيضَ - : إلَّا بالتَّقوَى ، النَّاسُ من آدمَ ، وآدمُ من ترابٍ وعندنا: فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ لازم تبقى محدد بوصلتك.. انت رايح للآخرة ولا الدنيا... لإن النبي صلى الله عليه وسلم بيقولك: من كانت الدُّنيا همَّه ، فرَّق اللهُ عليه أمرَه ، وجعل فقرَه بين عينَيْه ، ولم يأْتِه من الدُّنيا إلَّا ما كُتِب له ، ومن كانت الآخرةُ نيَّتَه ، جمع اللهُ له أمرَه ، وجعل غناه في قلبِه ، وأتته الدُّنيا وهي راغمةٌ هترضى ولا مش هترضى؟ صدقني دي عقلية لإن فيه عنده ملايين ومش راضي ولسه عايز اكتر فمن الآخر وملخص اذا جمعت 1️⃣2️⃣3️⃣4️⃣ اجتهد في أنك تعبد الله عبادة كاملة شاملة كل جوانب الحياة، هتلاقي نفسك بتشتغل ١٦ ساعة عند ربنا اكل وشرب وصلاة وصلة رحم وعمل وكل شئ قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ صدقني أحسن من انك تشتغل ١٦ ساعة في شركتك ولا مشروعك ١٦ ساعة صاحي بتعبد الله في كل جوانب الحياة- ٨ ساعات بتنام تريح فيهم الجسد ده لوجه الله لإنه امانة وفي النهاية انت قولت الرزق من الله فهيجازيك أوسع رزق يُصلحك ولا يضلك بال١٦ ساعة شغل دول ان شاء الله 🤍 ولو وصلت لهنا جزاكم الله خيرا وادعيلي بالإخلاص والقبول _ لكريم اسماعيل. مقال مهم جدا جدا

بمناسبة الشغل ١٦ ساعة.. عشان تقيم النصيحة دي محتاج تبصلها بمنظور شامل ١- إيماني عقائدي ٢- علمي وعملي وده مقال طويل بس الأمر فعلاً محتاج تفصيل ومن فضلك اقرأه كامل قبل ما تعلق لإن في نقاط هتكمل بعضها قدام. ٣ كلمات لو فهمتهم هتحل الموضوع ده بالطريقة اللي تناسبك. "الهدف" "الاضطرار" "الإختيار" "معايير الرضا" 1️⃣ بس خلينا أول نبني على كلام النبي صلى الله عليه وسلم عشان البنا يبقى مظبوط النبي صلى الله عليه وسلم نهى عن المبالغة في قيام الليل والعبادة دخَل رسولُ اللهِ صلَّى اللهُ عليه وسلَّم المسجدَ وحبلٌ ممدودٌ بينَ ساريتَيْنِ فقال: ( ما هذا ؟ ) قالوا: لزينبَ تُصلِّي فإذا كسِلَتْ أو فتَرَتْ أمسكت به قال: ( حُلُّوه ) ثمَّ قال: ( لِيُصَلِّ أحدُكم نشاطَه فإذا كسِل أو فتَرَ فليقعُدْ ) وفي مواقف كتيرة ينصح بها صحابة من الرجال في الإعتدال بين زوايا الحياة. وهنا نلاحظ إن بيأمرهم بمراعاة التوازن وعدم المغالاة في أهم شئ في الحياة وهو العبادة. ولذلك ١٦ ساعة شغل مما لا شك فيه هي مغالاة في العمل. ولكن هنا السؤال: هل المفروض نعملها عشان الظروف الحالية ولا لا؟ وهنا ده يودينا لكلمتين من اللي ذكرتهم فوق ١- الهدف ٢- الإضطرار إن يكون هدفك أو معيارك للعمل انك تشتغل ١٦ ساعة ده من وجهة نظري خطأ❌ قد تضطر في بعض الأوقات ان تعمل ١٦ ساعة ✅ ده ضروري وماتخيلش حد في زمنا ده ما اضطرش انه يعمل كدا ولكن الفكرة هنا فين؟ في فرق بين إن دي تبقى حالة استثناء بخرج فيها عن المألوف لفترة ولكن أنا مش شايفها إنجاز أو بطولة في حد ذاتها. هي ضرورة شغلي حتمها عليا والمفروض يكون هدفي الرجوع للتوازن المنطقي للعمل في أقرب وقت مايكنش ده هدفي لمدة ١٠ سنين من حياتي. _______ 2️⃣ الإختيار: الله سبحانه وتعالى خلقنا مختلفين، عندنا احتياجات نفسية مختلفة تعميم النصيحة بيلغي الاختيار ده زي نصائح "الوظيفة عبودية" لما درسنا توجيه مهني كان في معادلتين مهمين جدًا الإنسان محتاج يبحث عنهم وهو بيختار مجاله ١- النجاح (يختار المجال اللي تبرز فيه مهارات ونقاط قوته ويقدر فعلاً يحقق فيه انجازات) ٢- الرضا ومقصود بيه هنا أن تكون المهنة فيها جانب يتماشى مع قيمي الشخصية وبناء عليه ابقى حاسس بشئ من المعنى وانا بشتغل وده مش مقصود بيه الرسالة والأثر في قيم زي الأمانة - الأسرة - التعاون - المال - الوضوح الخ فلو انا عملي بيناقض قيم عليا عندي هكون دايمًا في حالة عدم رضا حتى ولو رزقت فيه بعض الإنجازات وبناء عليه: محتاج يكون عندك وضوح ووعي بطبيعتك وشخصيتك وقيمك ومهاراتك عشان ما تروحش تعمل حاجة وانت مش قادر تقدر أثرها النفسي عليك وبعدين تيجي تقول "انا مكتئب" مثال: بعض الناس قيمة الأسرة عندهم عالية جدًا وبعض الناس قيمة الإنجاز عندهم عالية جدًا الفريق الأول لو فضل يشتغل وفقد بال١٦ ساعة دول تواصله مع أسرته أولاده مابقوش مرتبطين بيه، شريكته بقيت مش حاسة انها متجوزة ولا عندها شريك مصاحبها أنقطع رحمه بأهله مهما حقق من إنجازات .. سيشعر دائماً انه بداخله فراااااغ ووالله الكلام ده شوفناه على أرض الواقع. ناس محققة انجازات مادية تخليك مبلم بس تقعد معاه تلاقي حالته النفسية مدمرة على عكس التاني: ممكن اصلاً يبقى مافكرش يجوز او اتجوز حد فاهم طبيعته دي او مش هيأثر في نفسيته الفراغ ده على قد ما الانجازات المادية هتملاه.. هتقولي: يعني انا لو من الفريق التاني اعمل كدا؟ (هقولك اتقل شوية بعدين قرر 😅 .. انا بدي مثال محدد للتركيبة النفسية هنا) _______ 3️⃣ من جانب علمي وعملي: هل يستطيع الإنسان إنه يشتغل لمدة ١٦ ساعة في عشريناته أي لمدة ١٠ سنين؟ مش هقولك لأ قولاً واحداً بس هقولك بتسبة ٩٠٪؜ من رأيي الشخصي "لاااااااا" انا عملتها في فترة من حياتي وإنتهى بيا الحال بعد ٦ شهور وأنا شاب رياضي عندي ٢٣ سنة لإني ماشي بجهاز ضغط ودواء ضغط لإن بيجيلي هبوط مفاجىء في الضغط وافتكر في مرة كان عندي محاضرة في اسكندرية اصحابي نزلوني متشال وماروحتش غير بحقنة ووقتها قررت انه الحمد لله في شغل بس لو كملت كدا هموت قبل ال٣٠ أصلاً الجدير بالذكر إني دفعت فاتورة ده ما لا يقل عن ٢-٣ من الاضطرابات الصحية. فانا مش شخص متكاسل مش بيحب الشغل وجاي انظر عليك انا الشخص الحماسي اللي كان بيسمع وبيقول الكلام التحفيزي بتاع "لازم تشتغل اكتر من الناس كلها لو عايز تحصل على حاجة اكبر من الناس كلها" بس الحقيقة ان كل ده طلع فستك.(وهوضح ده أكتر في النهاية) طيب من منظور علمي بحت.. الشغل بالطريقة دي بيحقق مصيبتين بجد!! ١- احتراق نفسي burnout وده بيطلع فيه كمية مشاكل جسدية ونفسية تقريبًا مفيش جهاز في الجسم إلا وبيضرر منها ولو استمر الإنسان دون رعاية ممكن ينتقل لحالة من الإكتئاب المرضي، واصلاً الاحتراق النفسي اعراضه شبيهة جدًا بالإكتئاب وده أكيد مش هيخليك منتج ولا جامد ولا اي حاجة

عندي ليك عرض لا يُفوت، تكسب كل يوم ألف حسنة بأقل مجهود، ايه رأيك؟ قال رسول الله ﷺ: "أيعجز أحدكم أن يكسب في كل يوم ألف حسنة! فسأله سائل من جلسائه: كيف يكسب ألف حسنة قال: "يُسبح مائة تسبيحة فيُكتب له ألف حسنة، أو يحط عنه ألف خطيئة". وصية سهلة ومباشرة متاخدش من يومك إلا دقايق، ما عليك غير إنك تستغلها ومتعديش يوم من غير ما تعمل بيها. #أيام_معلومات

الساعة الآن الواحدة فجراً، القصف لا يتوقف، هذا ليس جديداً، بل يحدث كل يوم !!

"لا تَنقل إلى صديقك ما يؤلم نفسه، ولا ينتفع بمعرفته، فهذا فعل الأراذل، ولا تكتمه ما يستضرّ بجهله، فهذا فعل أهل الشرّ". ✍🏻ابن حزم | مداواة النفوس (١٥٥)

- - لن تحيا وتُروى إلا بالقرآن.. "القرآن يا صاحبي يجعلك حيّا قلبًا وقالبًا، فإن هجرته وعشت بدونه، فأنت والله لست بخير!" وردكم واذكار المساء

وصلت؟

كل عام وانتم بخير.🤍🤍🤍🌼