Mohammed ElGhaleez

حاجة واحدة زود منها #الجواب #محمد_الغليظ

الدنيا حلوة، مُزينة في العيون، ومليانة شهوات محببة للنفس.. بس تخيل بقى إن الدنيا دي بكل ما فيها، ركعتين سنة الفجر أفضل منها! قال الصادق المصدوق ﷺ: "ركعتَا الفجرِ خيرٌ من الدُّنيا وما فيها".. ولو ده ثواب نافلة الفجر، فما بالك بثواب الفريضة نفسها! فاظبط من النهاردة منبهك على ميعاد صلاة الفجر، واوعى تفوتك.

السلام عليكم ورحمة الله وبركاته صباح الخير يا شباب لو قصرت في العشر الأوائل من ذي الحجة، فأنت معاك فرصة عظيمة ومنّة من الله عز وجل، إوعى تضيعها.. بعد أيام قليلة، سنبدأ عاماً هجرياً جديداً، وبدايته شهر الله المحرم.. وقال فيه رسول الله ﷺ: «أَفْضَلُ الصِّيَامِ بَعْدَ رَمَضَانَ شَهْرُ اللهِ الْمُحَرَّمُ، وَأَفْضَلُ الصَّلَاةِ بَعْدَ الْفَرِيضَةِ صَلَاةُ اللَّيْلِ».. ودي وصية واضحة من الحبيب ﷺ 🤍 فاستعن بالله، ومن دلوقتي جهز نفسك وحط خطة للصيام خاصة، ولكل عمل صالح تنوي فعله عامة، فقد قال تعالى: (وَتَزَوَّدُوا فَإِنَّ خَيْرَ الزَّادِ التَّقْوَى).

ده امتحان .. هتختار إيه؟ #إيه_المشكلة

الواقع إننا في زمن فتن شديد، اختلاط في الأمور، انتشار للفساد، انغماس في المعاصي.. فواجب علينا أن نفر بديننا من ضيق تلك الفتن إلى سعة العبادة.. قال رسول الله ﷺ: "العِبادَةُ في الهَرْجِ كَهِجْرَةٍ إلَيَّ".. ودي رسالة واضحة جدا إن المتمسك بالعبادة في زمن كثرة الفتن فضله كفضل من هاجر إلى النبي صلى الله عليه وسلم قبل فتح مكة.. فإياك أن تفوتك تلك الهجرة.

السلام عليكم ورحمة الله وبركاته صباح الخير يا شباب مستحيل تلاقي إنسان مبيغلطش أبدا مستحيييل، حتى لو كان من أولياء الله الصالحين بس مش معنى كده إنك هتستسلم لده لازم تجاهد نفسك وتقاوم هواها، وتحاسبها، وتحاول تعرف حال قلبك إيه؟ صالح ولا فاسد؟ وعشان تعرف الفرق بين القلب الصالح والفاسد فيه 3 حاجات لازم تفتش فيهم: - حجم المعاصي اللي بتقع فيها >> صغيرة ولا كبيرة، ولو صغيرة مداوم عليها؟ - سرعة التوبة بعد الذنب>> بتندم وتتوب في وقت قريب، ولا بعد كتير؟ - فرق الوقت بين التوبة والذنب بعدها >> بعد التوبة بتقع بسرعة تاني في ذنب ولا بتاخد وقت طويل؟

حديث هيصبرك ويصبر أي حد #الصبر #فضفضة_الأحد #سلسلة_هذه_أخلاقنا

شوف كده لما والدك حبيبك اللي أنت عارف إنه غني وكريم، ولما بيوعد بيوفي، يقولك: لو عملتها ونجحت ليك عندي مكافأة.. طبعا إنت كده اطمنت إنها مكافأة ماحصلتش، وهتذاكر وتشد حيلك.. طب لما تعرف أن الله عز وجل قال في الحديث القدسي: "كلُّ عملِ ابنِ آدمَ له إلا الصومَ، فإنه لي، وأنا أجزي به".. قولي بقى هتعمل إيه؟

السلام عليكم ورحمة الله وبركاته صباح الخير يا شباب (لو سمحت عود ابنك إنه يسمع منك النصيحة، وعوده إنه يحكيلك).. مش لازم يكون فيه مشكلة علشان يكون فيه نصيحة وتوجيه وكلام بينكم.. فلو سمحت متتعرفش على ابنك وقت الأزمات وتنساه بعدها.. اعرفه في العموم وهتتقابلوا كدا كدا وقت الأزمات.. إنما يبقى دايماً علاقتك بابنك وقت المشكلة وبس!! دي غلطة، فخلي يكون بينكم حوار. (ودي رسالة لكل أب وأم، ولكل حد متخصص في التربية، ولكل واحد مقبل على الزواج في يوم من الأيام).