HAILE GEBRIEL - በማለዳ ንቁ

እኔ አባታችሁና መምህራችሁ ነኝ፥ ሁላችሁ ልጆቼ ትእዛዜን አዳምጡ፤ በቅድስት ሥላሴ ማመንን እንድትከተሉና እንድትጸኑ እነግራችኋለሁና፤ የተወደዳችሁ ልጆቼ እርስ በእርሳችሁ በእውነተኛ ፍቅር ትዋደዱ ዘንድ እለምናችኋለሁ። የተወደዳችሁ ልጆቼ በፍጹም ሰብአዊነት መልካምን አንድታደርጉ እለምናችኋለሁ፤ ልጆቼ ዓለም እንድታታልላችሁ አትፍቀዱላት፤ በእግዚአብሔር አገልግሎት ዳተኞችና ቸልተኞች አትሁኑ ብዬ እለምናችኋለሁ። የተወደዳችሁ ልጆቼ ያለማቋረጥ እና ያለ መታከት እንድትጸልዩ እለምናችኋለሁ፤ ልጆቼ መለያየትን ከሚያመጣ ንግግር አንደበታችሁን እንድትጠብቁ እለምናችኋለሁ። የተወደዳችሁ ልጆቼ የተጠመቃችሁባትን ቅድስቲቱን ጥምቀት እንድትጠብቋት እለምናችኋለሁ፤ የተወደዳችሁ ልጆቼ ሰውነታችሁን ለጌታ ንጹሕ አድርጋችሁ እንድትጠብቁ እለምናችኋለሁ። ልጆቼ መብራታችሁ ፈጽሞ እንዲጠፋ አትፍቀዱ ይልቅስ ብርሃንን እንዲሰጥ እንድታደርጉት እለምናችኋለሁ፤ ልጆቼ እግዚአብሔር የሰጣችሁን ትእዛዝ እንድትጠብቁ እለምናችኋለሁ። ልጆቼ  እግዚአብሔርን መፍራት ከእናንተ ጋር እንዲሆን እለምናችኋለሁ፤ የነገርኳችሁን ሁሉ ከጠበቃችሁ የእባቡንና የዘንዶውን ራስ ትቀጠቅጣላችሁ፤ ያልኋችሁን ካደረጋችሁ የምድርን በረከት ትበላላችሁ፤ ብርሃናዊያን ኪሩቤል ይጠብቋችኋል፡፡ ብፁዕ አቡነ ሺኖዳ ሣልሳዊ

❗️መላሽ ያላገኘው ጥያቄ። - በመንበረ ፓትርያርክ ጠቅላይ ቤተ ክህነት በ44ኛው አጠቃላይ የሰበካ መንፈሳዊ  ዓለም አቀፋዊ ጉባዔ ላይ አንጋፋው አባት ብፁዕ አቡነ ኤልያስ የሚከተሉትን መልስ የሌላቸው ጥያቄዎች እንዳቀረቡ ሰማን! - የምንሰበሰበው ለምንድነው? ምክንያቱን አውቀን ነው የተሰበሰብነው? እስከ ዛሬስ የተወሰኑት ውሳኔዎች ይተገበራሉ? ልባችንን ሰጥተን ነው የምንመካከረው? - ጉባዔው 44ኛ ነው። በ44 ዓመት ውስጥ ምን ሠራን? በፓትርያርክ መመራት ከጀመርን 66 ዓመታችን ነው። በግብጻውያን ሥር እያለን ምን ተሠራ? ከእነርሱ ነጻ ከወጣን በኋላስ ምን ሠራን? ከልባችን ብናስብ ኖሮ ዛሬ የሚታዩ ችግሮች ባልኖሩ። - ክርስቶስን የምንከተለው ለምንድነው? ጌታችን በሚያስተምርበት ዘመን ለእንጀራና ልዩ ልዩ ምድራዊ ምክንያቶች የሚከተሉ ነበሩ። ዛሬስ? - ይህ ጉባኤ ከተኛበት ይንቃ ይነሣ። ምንም አልሠራንም!! - ብፁዕ አባታችን አቡነ ኤልያስ  በዕድሜና በጤና ይጠብቅልን። - እንደ እርስዎ የሚያስቡ ቢበዙ ኖሮ ቤተ ክርስቲያን እንዲህ ባለ በታሪክ ባልታየ ምስቅልቅል ውስጥ አትገኝም ነበር። #Subscribe #Like #Share    👇👇👇👇 www.youtube.com/@haileG2239 www.facebook.com/hailegebrieltube2021 https://www.tiktok.com/@iam_haile

«አንተ ኃጢአትን በምትሠራበት ጊዜ በገበያ መካከል ብዙ ሰዎች በዚያ ስላሉ በግልጽ በአደባባይ አትሠራም። ይህም ለክብርህና ኃጢአትን አብሮህ ለሚሠራው ሰው ክብር ፈርተህ ነው። ነገር ግን አንተ ሰዎችን የምትፈራና የምታፍር ከሆነ በሁሉ ቦታ ባለ ሁሉን በሚያይ ሁሉን በሚሰማ በልዑል እግዚአብሔር ፊት ይህን የመሰለውን ስድብና ድፍረት ስትሠራ እንዴት አታፍርም? አያይም እንዳትል ያያል፤ አይሰማም እንዳትልም ይሰማል።» ቅዱስ ዮሐንስ አፈወርቅ #Subscribe #Like #Share 👇👇👇👇 www.youtube.com/@haileG2239 www.facebook.com/hailegebrieltube2021 https://www.tiktok.com/@iam_haile

በምትጸልይበት ጊዜ አትቸኩል፥ ምጽዋት መመጽወትንም አታቃልል። የሚያሳዝን፥ ደስ የሚያሰኝም አለና፥ ባዘነ ሰው አትሳቅ። . ብዙ ናቸው ብለህ ከኃጢአተኞች ጋር አንድ አትሁን። [ሲራክ 7: 10-11 & 16] ———______——— 1. ጥድፍ ጥድፍ ብለህ ብዙ ለመጸለይ ከመመኮር አጭርም ቢሆን ጸሎት ተረጋግተህ ከልብህ በማስተዋል ሆነህ መጸለይ 2. ስለ ምጽዋት ቅዱሳት መጽሐፍት የሚምሰክሩት ነገር በጣም ጠንካራ ነው.. “ለደሃ የሚሰጥ ለእግዚአብሔር ያበድራል” የሚልም ሳይቀር ነው ያለው[ምሳ 19:17].. ስለዚህም በፍቅር የሆነ ቸርነትን እናድርግ.. በማርያም ብሎ እየለመነን አልፈነው ቤት ስንገባ እኛም ጌታችንን “በማርያም” ብለን የምንለምን ነን.. 3. በኃጢአት ውስጥ ያሉ ብዙዎች ቢሆኑ ለመመሳሰል ብለህ ኃጢአተኛ አትሁን.. ለነ ኖኅ እና ሎጥ የተነገረውን አስብ 2ጴጥ 5-8.. ራስህን ለእግዚአብሔር ለይ.. አብረህ መሞትና እግዚአብሔርን ማጣት የለብህም.. መልካም ውሎ..ይሁን ለሁላችን!

«ብፁዕ ወቅዱስ አቡነ ማቲያስ» » በጥቅምቱ ጉባኤ መክፈቻ ከተናገሩት » ያለምንም ደመወዝ በራሳቸው አቅም በግብርና እየተዳደሩ ቤተ ክርስቲያንን በጥሩ ስብዕና በንፅህና በቅድስና ጠብቀው ያስረከቡ እልፍ አእላፍ አበው እንዳልነበሯት ዛሬ የተሻለ ኑሮና ደመወዝ እያገኘን #እግዚአብሔርን እንደ ቀኖናው ማገልገል አቅቶናል። እግዚአብሔር ይማረን። የብጹዕ አባታችን በረከት ይደርብን!

ጥቅምት ፭ /5/ ‎ ‎አቡነ ገብረ መንፈስ ቅዱስ (ገብረ ሕይወት) ‎ ‎ጻድቁ የተወለዱት ግብፅ (ንሒሳ አካባቢ) ሲሆን አባታቸው ስምዖን እናታቸው አቅሌስያ ይባላሉ:: ‎ ‎አባታችን ገብረ መንፈስ ቅዱስ ለ562 ዓመታት በዚህች ዓለም ሲኖሩ እህል ያልቀመሱ ልብስ ያልለበሱ ከግብፅ እስከ ኢትዮዽያ ብዙ ነፍሳትን ያዳኑ አባት ናቸው። ‎ ‎የንሒሳው ኮከብ ገብረ መንፈስ ቅዱስ ስለ ሀገራችን ፍቅር ሲሉ ለ100 ዓመታት በደብረ ዝቋላ መከራን ተቀብለዋል። ምሕረትን ሲለምኑ ሥጋቸው አልቆ በአጥንታቸው ቁመው ነበርና ሃገራችን አሥራት ሆና ተሰጠቻቸው። ‎ ‎በ8ኛው ክ.ዘ አካባቢ የተወለዱት አባታችን ያረፉት በ14ኛው መቶ ክ.ዘ አካባቢ ነው። ፍጥረታትን ሁሉ አዘው መጋቢት 5 ቀን ሲያርፉ ግሩማን መላእክት ገንዘው አካላቸውን ሠውረዋል። ‎ ‎ጻድቁ አባታችን አቡነ ገብረመንፈስ ቅዱስ እረፍቱ መጋቢት 5 ቀን ነው ይህ ደግሞ በታላቁ ዓብይ ጾም ወቅት ነው ፍትሃ ነገስት አንቀጽ 15 ላይ በዓብይ ጾም በዓል ማክበር ይከለክላል የሀዘን ወቅት ነውና ከበሮ አይመታም እልልታና ጭብጨባ የለም ፍጹም ሀዘን እንጂ የመጋቢት 27 ስቅለት ጥቅምት 27 ቀን እንደሚከበረው ሁሉ ወደ ጥቅምት 5 ቀን ተዛውሮ እንዲከበር ተደረገ፡፡ ‎ ‎የቅዱሳን በረከታቸው ይደርብን!አሜን ‎ወስብሐት ለእግዚአብሔር ‎ምንጭ፦ መጽሐፈ ስንክሳር እና ፍትሃ ነገስት

«ስለ ሌሎች መዳን ከማይጨነቅ ክርስቲያን በላይ ሰነፍ ሰው የለም፡፡ ወዳጄ “እኔ ድኻ ነኝና ይህን ማድረግ አልችልም” የምትል አትኹን፤ ባለ ኹለት ዲናሯ ሴት ትወቅስሃለችና፡፡ ዳግመኛም “ወርቅም ብርም የለኝም” ብሎ የተናገረ ጴጥሮስ ይወቅሰሃልና፡፡ ምናምንቴ ነኝ አትበል፤ እንዲህ ስትል ምናምንቴዎቹ ሐዋርያት እንዳይሰሙህ! "እኔ በሽተኛ ነኝ" አትበል፤ በሽተኛው ጢሞቴዎስ ይታዘብሃልና፡፡ ፈጽመህ “እኔ ሌሎች ሰዎችን ወደ ክርስቶስ ማምጣት አይሆንልኝም” አትበል፡፡ በእውነት ክርስቲያን ከኾንክ ይህን ከማድረግ ይልቅ አለማድረጉ ይከብዳልና፡፡ እግዚአብሔር እንዲህ እንድትኾን አድርጎ ፈጥሮሃልና ተፈጥሮህን መካድ አይቻልህም፡፡ ክርስቲያን በጨለማ ውስጥ ለሚኖሩ ወንድሞቹ ብርሃኑን ከሚከለክል ይልቅ ፀሐይ ብርሃኗን ብትከለክል ይቀላልና ስለዚህ አልጠቅምም አትበል፡፡» ቅዱስ ዮሐንስ አፈወርቅ #Subscribe #Like #Share 👇👇👇👇 www.youtube.com/@haileG2239 www.facebook.com/hailegebrieltube2021 https://www.tiktok.com/@iam_haile