የጽርሐ ጽዮን ሐዋርያት ጎላ ቅዱስ ሚካኤል የፍኖተ ብርሃን ሰ/ት/ቤት (Official Channel)

"ወንድሞች በኅብረት ቢቀመጡ እንሆ መልካም ነው እንሆም ያማረ ነው።" መዝ.132÷1 ውድ የባለትዳር አባላት እንደ እግዚአብሔር መልካም ፈቃድ የጉባዔያችን ቀን ደረሶ ነገ በ24/01/19 ዓ/ም ከቀኑ 5:00 ሰዓት ጀምሮ ወርሃዊ ልዩ ጉባዔያችን ላይ ልንገናኝ ነው በመሆኑም የጉባዔያችንን ሰዓት አክብረን እንድንገናኝ በአምላከ ቅዱስ ሚካኤል ስም በድጋሚ ጥሪያችንን እናስተላልፋለን በሰላም ያገናኘን።

ብርሃን ለጻድቃን፥ደስታም ለልበ ቅኖች ወጣ። ፤ጻድቃን፥በእግዚአብሔር ደስ ይበላችኹ፥ለቅድስናውም መታሰቢያ አመስግኑ። --መዝ ፺፮፥፲፩-፲፪

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

እናንተ ግን ለራሳችሁ ተጠንቀቁ፤ ወደ ሸንጎ አሳልፈው ይሰጡአችኋል በምኵራብም ትገረፋላችሁ ምስክርም ይሆንባቸው ዘንድ ስለ እኔ በገዥዎችና በነገሥታት ፊት ትቆማላችሁ። አስቀድሞም ወንጌል ለአሕዛብ ሁሉ ይሰበክ ዘንድ ይገባል። ሲጐትቱአችሁና አሳልፈው ሲሰጡአችሁም ምን እንድትናገሩ አስቀድማችሁ አትጨነቁ፥ ዳሩ ግን በዚያች ሰዓት የሚሰጣችሁን ተናገሩ፤ የሚነግረው መንፈስ ቅዱስ ነው እንጂ እናንተ አይደላችሁምና። ወንድምም ወንድሙን አባትም ልጁን ለሞት አሳልፎ ይሰጣል፥ ልጆችም በወላጆቻቸው ላይ ይነሣሉ። ይገድሉአቸውማል፤ በሁሉም ዘንድ ስለ ስሜ የተጠላችሁ ትሆናላችሁ፤ እስከ መጨረሻ የሚጸና ግን እርሱ ይድናል። --ማር ፲፫፥፱-፲፫

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

የሐዘን መግለጫ የሰንበት ት/ቤታችን ሥራ አመራር ሰብሳቢ የሆነው የመ/ር ኢ/ር ዳዊት አበበ ወላጅ እናት እንዲሁም የእህታችን ሊዲያ አሰፋ አያት አርፈዋል። ሥርዓተ ቀብራቸው ነገ መስከረም 22/2019 ዓ.ም በለቡ ቅዱስ ገብርኤል ቤ/ክ ከቀኑ 5:30-6:00 ሰዓት የሚፈጸም በመሆኑ በቀብሩ ላይ መገኘት የምትችሉ ተገኝተን እንዲሁም በመኖሪያ ቤታቸው 43 ቀበሌ አካባቢ በመገኘት እንድናጽናናቸው ይሁን።  የእናታችንን ነፍስ  ይማርልን ። ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተሰጠው የቴሌግራም ቻናል ነው። https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc የዌብሳይት ገጻችን https://finotebirhan.com

"...ማርያም ድንግል ምክሆን ለደናግል ፡፡ ይእቲኬ ቤተ ምስኣል ፡፡ ዘአስተዐፀቡ ታቀልል ፡፡ ለኵሉ ፍጥረት ትተነብል ፡፡ በአክናፈ መላዕክት ትትኬለል ፡፡ ይእቲ ተዐቢ እምኪሩቤል ፡፡ ወትፈደፍድ እምሱራፌል ፡፡ መንክር ወመድምም ዕበያ ወክብራ ለድንግል ፡፡ ጽሕፍት ውስተ ወንጌል ፡፡ ወዲበ ርእሳኒ አክሊል በትዕምርተ መስቀል ” ቅዱስ ያሬድ          ትርጉሙ “…የደናግል መመኪያ የኾነች እመቤታችን ድንግል ማርያም የተጨነቁበትን ነገር ኹሉ ታቀላለች ፡፡ ለኹሉ ፍጥረት ትማየምተመሰገን። በመላእክት አክናፍ ተከባ የምትኖር የምተመሰገን። አምላካችንን የምንለምንባት የጸሎታችን ማሰረጊያ ናት ፡፡ እርሷ ከኪሩቤል ትበልጣለች ፡፡ ከሱራፌልም ትልቃለች ፡፡ በወንጌል ውስጥ የተገለጸች በራሷ ላይም በትዕምርተ መስቀል የብርሃን ዘውድ የደፋች የድንግል ክብሯ ፈጽሞ እጅግ ድንቅ ነው ፡፡…” ቅዱስ ያሬድ

ከእመቤታችን፣ ከቅዱስ መስቀሉ፣ ሃይማኖትን ካቀኑ አርዮስን ካወገዙ ከሠለስቱ ምዕት፣ በዚህች ዕለት ከሚታሰቡ ቅዱሳን ሁሉ በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

መስከረም 21 #ብዙኃን_ማርያም በቤተ ክርስቲያናችን ከሚዘከሩ የእመቤታችን ቅድስት ድንግል ማርያም ክብረ በዓላት መካከል መስከረም ፳፩ ቀን የሚውለው በዓል ‹‹ብዙኃን ማርያም›› በመባል ይታወቃል፡፡ በዓሉ በሁለት ዐበይት ምክንያቶች ይከበራል፤ የመጀመሪያው ሊቃውንተ ቤተ ክርስቲያን ሃይማኖታዊ ውሳኔ ለማዘጋጀት ከሩቅም ከቅርብም የተሰባበሰቡት ቀን፤ ሁለተኛው ደግሞ ጌታችን መድኀኒታችን ኢየሱስ ክርስቶስ የተሰቀለበት ዕፀ መስቀል በግሸን ደብረ ከርቤ የተቀመጠበት ዕለት መኾኑ ነው፡፡ ጉባዔ_ኒቅያ በ325ዓ.ም አርዮስ የሚባል መናፍቅ የእግዚአብሔር ወልድን የባሕርይ አምላክነት አልቀበልም በሚል ክህደት እርሱ ተሰናክሎ ለሌሎችም መሰናክል ኾነ፡፡ ኦርቶዶክሳውያን ሊቃውንት አርዮስ ክህደቱን እንዲተው ቢመክሩትም ሊመለስ አልቻለም፡፡ ይህ የአርዮስ ክህደትም በሊቃውንቱ መካከል መለያየትን ፈጥሯል፡፡ ጊዜው ታላቁ ንጉሥ ቈስጠንጢኖስ ‹‹አብያተ ጣዖታት ይትአጸዋ አብያተ ክርስቲያናት ይትረኀዋ፤ የጣዖታት ቤቶች ይዘጉ! አብያተ ክርስቲያናት ይከፈቱ!›› የሚል ዐዋጅ የነገረበት ወቅት ነበርና ንጉሥ ቈስጠንጢኖስ በአርዮስ ክህደት ምክንያት በኒቅያ የሃይማኖት ጉባኤ እንዲካሔድ በየአገሩ ላሉ ሊቃውንት መልእክት አስተላለፈ፡፡ በዚህም መሠረት ከሚያዝያ 21 ቀን ጀምሮ እስከ መስከረም 21 ቀን ድረስ 2348 (ሁለት ሺሕ ሦስት መቶ ዐርባ ስምንት) ሊቃውንት በኒቅያ ተሰበሰቡ፡፡ ኒቅያ ለዚህ ጉባኤ የተመረጠችበት ምክንያትም ጳጳሱን ከማኅበረ ካህናቱ፤ ንጉሡን ከሠራዊቱ ጋር አጠቃላ ለመያዝ የምትችል ሰፊና ምቹ ቦታ ከመኾኗ ባሻገር ለኹሉም አማካይ ሥፍራ ስለ ነበረች ነው፡፡ በጉባኤው ከተሰበሰቡ ሊቃውንት መካከልም እንደ ቅዱሳን ሐዋርያት ሙታንን ያስነሡ፣ ለምጽ ያነጹ፣ አንካሳ ያረቱ፣ የዕውራንን ዓይን ያበሩ ድውያንን የፈወሱ፣ ሌላም ልዩ ልዩ ተአምር ያደረጉ፤ እንደዚሁም ስለ ርትዕት ሃይማኖታቸው በመጋደል ዓይናቸው የፈረጠ፣ እጃቸው የተቈረጠ ይገኙበታል፡፡ ሊቃውንቱ ሱባዔ ይዘው በጸሎት ከቆዩ በኋላ ኅዳር ፱ ቀን በንጉሥ ቈስጠንጢኖስ ሊቀ መንበርነት፣ በእለእስክንድሮስ አፈ ጉባኤነት ጉባኤው ተጀመረ፡፡ ንጉሡ ሊቃውንቱን "ስማችሁን፣ አገራችሁንና ሃይማኖታችሁን ጽፋችሁ ስጡኝ" ባላቸው ጊዜም ከ (2348) መካከል (318) ሊቃውንት ሃይማኖታቸውን ሲገልጹ እንደ አንድ ልብ መካሪ፣ እንደ አንድ ቃል ተናጋሪ ኾነው "ዘዕሩይ ምስለ አብ በመለኮቱ፤ ወልድ ከአብና ከመንፈስ ቅዱስ ጋር በመለኮት፣ በሥልጣን፣ በፈቃድ፣ በህልውና አንድ ነው" ብለው ጽፈው ሰጡት፡፡ ንጉሡም "ሃይማኖት እንደ 318 ቱ ሊቃውንት ይኹን" ብሎ ዐዋጅ አስነግሯል፡፡ እነዚህ ሊቃውንት በኦሪት ዘፍጥረት የተጠቀሱት 318ቱ የአብርሃም ብላቴኖች ምሳሌዎች ናቸው /ዘፍ.፲፬፥፲፬/፡፡ 318ቱ ሊቃውንት በጉባኤው አርዮስን አውግዘው በመለየት "ነአምን በአሐዱ አምላክ፤ በአንድ አምላክ እናምናለን" የሚለውን የሃይማኖት ጸሎት (የሃይማኖት መሠረት) እና ሌሎችንም የሃይማኖት ውሳኔዎችን ደንግገዋል፡፡ ሊቃውንቱ ጉባኤውን ያካሔዱት ኅዳር ፱ ቀን ይኹን እንጂ በአንድነት የተሰባሰቡት መስከረም ፳፩ ቀን ስለ ነበረ ይህ ዕለት "#ብዙኃን_ማርያም" እየተባለ ይጠራል፡፡ ብዙ የቤተ ክርስቲያን አባቶች ለሃይማኖታዊ ጉባኤ የተሳባሰቡበት ዕለት ነውና፡፡ 2. ዕፀ መስቀል በሌላ በኩል መስከረም ፳፩ ቀን የጌታችን መድኀኒታችን ኢየሱስ ክርስቶስ መስቀል በአምባሰል ተራራ በግሸን ደብረ ከርቤ የገባበትና በዓሉ የከበረበት ዕለት ነው፡፡ ታሪኩም በአጭሩ የሚከተለው ነው፤ ዐፄ ዳዊት መንፈሳዊና ደግ ንጉሥ ነበሩ፡፡ በዘመናቸው በኢትዮጵያ ቸነፈር ተከሥቶ ሕዝቡ ስለ ተሰቃየባቸው እጅግ አዘኑ፤ በጸሎት ወደ እግዚአብሔር ቢያመለክቱም ከእግዚአብሔር ዘንድ የተላኩ ባሕታዊ መጥተው "የጌታችን መድኀኒታችን ኢየሱስ ክርስቶስን መስቀል አስመጥተህ በአገርህ በኢትዮጵያ ቤተ ክርስቲያን አሠርተህ ብታስቀምጥ ረሃቡ፣ ቸነፈሩ ኹሉ ይታገሥልሃል" አሏቸው፡፡ ዐፄ ዳዊትም ከብዙ ገጸ በረከት (ስጦታ) ጋር "የጌታችንን መስቀል ላኩልኝ" የሚል መልእክት አስይዘው መልእክተኞችን ወደ ኢየሩሳሌም ሰደዱ፡፡ መልእክተኞቹም በታዘዙት መሠረት መስቀሉን ይዘው መምጣታቸውን ዐፄ ዳዊት ሲሰሙ "ክተት ሠራዊት ምታ ነጋሪት" ብለው መስቀሉን ለመቀበል ጉዞ ጀመሩ፡፡ ዐፄ ዳዊት ስናር (ሱዳን) ደርሰው ከመልእክተኞቹ ጋር ተገናኝተው መስቀሉን በክብር አጅበው ወደ መካከል ኢትዮጵያ ለማስገባት ሲነሡም ከበቅሏቸው ወድቀው ጥቅምት ፱ ቀን ከዚህ ዓለም በሞት ተለዩ፤ በዚህም ሠራዊታቸው ተደናግጠው የጌታችንን መስቀል እዚያው ትተው የዐፄ ዳዊትን አስከሬን ይዘው ተመለሱ፡፡ መስቀሉ በስናር ከቆየ በኋላ የዐፄ ዳዊት ልጅ ዘርዐ ያዕቆብ ሲነግሡ ወደ መሃል ኢትዮጵያ አምጥተው ቤተ ክርስቲያን አሠርተው ለማስቀመጥ ቢያስቡም ምቹ ቦታ ግን ሊያገኙ አልቻሉም ነበር፡፡ ንጉሡና ሠራዊታቸው ምቹ ቦታ ሲፈልጉ መስቀሉን በኤረር ተራራ፣ በደብረ ብርሃን፣ በመናገሻ ማርያም ዓምባ፣ በእንጦጦ ጋራ ብዙ ጊዜ አስቀምጠውት ቆይተዋል፡፡ መስቀሉ በእንጦጦ ጋራ ሳለ እግዚአብሔር አምላክ "አንብር መስቀልየ በዲበ መስቀል፤ መስቀሌን በመስቀለኛ ተራራ ላይ አስቀምጥ" የሚል ቃል ለንጉሡ በራእይ ነገራቸው፡፡ መስቀሉን ወደ ወሎ ሀገረ ስብከት እንዲወስዱትም አዘዛቸው፡፡ ንጉሡና ሠራዊታቸው በእግዚአብሔር መሪነት መስቀሉን ይዘው ወሎ ሲደርሱም ጌታችን ወደ አምባሰል እያመለከተ "አንብር መስቀልየ በዲበ መስቀል፤ መስቀሌን በመስቀለኛ ተራራ ላይ አስቀምጥ" ይላቸው ነበር፤ ንጉሡ መስቀሉን ይዘው ወደ ቦታው ሲያመሩ መስቀለኛው የግሸን ተራራን አገኙ፤ በዚያም ቤተ ክርስቲያን አሠርተው በ፲፬፻፵፮ (1446) ዓ.ም የጌታችንን መስቀል በክብር አስቀምጠውታል፡፡ ከዚህ በኋላ ንጉሡ ‹‹መካከሏ ገነት፤ ዳሯ እሳት ይኹን! የበረረ ወፍ፣ የሠገረ ቆቅ አይታደንባት! በድንገት ሰው የገደለ፣ ቋንጃ የቈረጠ ወንጀለኛ አይያዝባት!›› ብለው ዐዋጅ ነግረዋል፡፡ የእመቤታችን ጽላትም አብሮ በግሸን ደብረ ከርቤ እንዲቀመጥ አድርገዋል፡፡ ስለዚህም መስከረም ፳፩ ቀን በየዓመቱ በቤተ ክርስቲያናችን በድምቀት ይከበራል፡፡ ከበዓሉ ረድኤት በረከት ያሳትፈን። ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተሰጠው የቴሌግራም ቻናል ነው። https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

"ወንድሞች ሆይ መጠራታችሁን ተመልከቱ እንደ ሰው ጥበብ ጥበበኛዎች የሆኑ ብዙዎች ኀያላን የሆኑ ብዙዎች ባላባቶች የሆኑ ብዙዎች አልተጠሩም።"  1ኛ ቆሮ. 1÷26

እውነት እውነት እላችኋለሁ፥ ወደ በጎች በረት በበሩ የማይገባ በሌላ መንገድ ግን የሚወጣ እርሱ ሌባ ወንበዴም ነው፤በበሩ የሚገባ ግን የበጎች እረኛ ነው።ለእርሱ በረኛው ይከፍትለታል፤ በጎቹም ድምፁን ይሰሙታል፥ የራሱንም በጎች በየስማቸው ጠርቶ ይወስዳቸዋል።የራሱንም ሁሉ ካወጣቸው በኋላ በፊታቸው ይሄዳል፥ በጎቹም ድምፁን ያውቃሉና ይከተሉታል፤.. --ዮሐ ፲፥፩-፬

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

«ቶማስም። ጌታ ሆይ፥ ወዴት እንደምትሄድ አናውቅም፤ እንዴትስ መንገዱን ማወቅ እንችላለን? አለው። ኢየሱስም፦ እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም አለው።» --ዮሐንስ 14፥5-6

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

#ነገረ_መስቀል ክፍል-5 (የመጨረሻው ክፍል) ጌታ በመስቀል ላይ ሳለ የተናራቸው ሰባቱ የመስቀል ቃላቶች እኒህ ናቸው ፡፡ ሀ- "ወይቤ እግዚእ ኢየሱስ አባ ሥረይ ሎሙ እስመ በዘኢየምሩ ይገብሩ ፡፡" ሉቃ = 23 ፥ 34 ፡፡ ለ- "ነዋ ወልድኪ ፡፡ ወነያ እምከ" -የሐ = 19 ፥ 25 ፡፡ ሐ- "አማን እብለከ እመን ፈድፋደ ከመ ዮም ትሄሉ ምስሌየ በውስተ ገነት ፡፡" ሉቃ = 23 ፥ 43 ፡፡ መ- "ጸማዕኩ ፡፡"የሐ = 19 ፥ 28 ፡፡ ሠ- "ኤሎሄ ኤሎሄ ኤልማስ ላማ ሰበቅታኒ" ማቴ = 27 ፥ 46 ፡፡ ረ- "አባ ውስተ እዴከ አመኀፅን ነፍስየ" ፡፡ሉቃ = 23 ፥ 46 ፡፡ ሰ- "ተፈጸመ ኵሉ ፡፡" ዮሐ = 19 ፥ 30 ፡፡ የዓለም ቤዛ ኢየሱስ ክርስቶስ በመስቀል ላይ የተናገራቸውን እነዚህ ቃላት፣ በልባችን ሰሌዳ ላይ ተጽፈው ሊኖሩ ይገባል። በአጠቃላይ የመስቀል በዓልን ስናከብር የምናገኛቸው ትምህርቶች ብዙ ቢሆኑም የተወሰኑትን ለመዳሰስ #በአረጋዊ_ኪራኮስ ----ምንም ብናውቅ አረጋውያንን እንጠይቅ ፡፡ ---ወይም ከቀደሙን ለመማር መዘጋጀት ---ኹሉም ነገር ቢኖረንም ለመጠየቅ አንፈር አንፍራ ፡፡ ---ዕውቀት በአባቶች ዘንድ እንጂ በሥልጣን ኀይል ላይ አይደለም ---ነባር ታሪክን ከአበው መጠየቅ በራስ መተማመንን ያስገኛል ፡፡ #በእንጨቶቹ_መደመር ---በኑሯችን ብቻ ሳይኾን እያለፍንም ለሌሎች ብርሃን እንኹን ፡፡ ---ልዩ ልዩ መኾናችን ለአንድነታችን አስፈላጊነትን ያሳያል ፡፡ ---የአስተሳሰረን ማንነት እንዳለን ያመለክታል ፡፡ #መዓዛ_ጢስ ከሩቅ የሚሸት መልካም ስም ሊኖረን ይገባል ፡፡ ---በእሳት በተመሰለ የመንፈስ ቅዱስ ፍቅር ለመቃጠል መዘጋጀት ---በውስጣችን የያዝነው ለብዙዎች ሊተርፍ የሚችል በጎነት አለን ---በአለን ችሎታ ኹሉ ለተቸገሩ ሰዎች የመነሣሣት አቅጣጫን እናሳይ #ቁፋሮ ----በራሳችን ራሳችን መቈፈር መጀመር አለብን ፡፡ ---ምንድነው ያለን ጸጋ (ተውህቦ) ብለን እንጠይቅ ፡፡ ---የምንሰማውን ኹሉ እውነት ብለን አንቀበል ፡፡ እንመርምር ፡፡ ---ውስጣችን የተቀበረ ጠቃሚ ችሎታ እንዳለን መገንዘብ #ስታገኝ የመስቀሉን ችንካሮች ነው ለልጇ ቆስጠንጢኖስ መላኳ ---ከምናገኘው ነገር ኹሉ ለሌሎችም መካፈል እንደሚገባ፡፡ #በመስቀሉ_እንማራለን መስቀል ተመርኵዘን ወንጌል ተጫምተን ሃይማኖትን ሰበክን በክርስቶስ አምነን ማን ያሸንፈናል እኛ ክርስቲያንን ክርስቶስ አለልን! ምንጭ ፦ ከኢትዮጵያውያን አበው ሊቃውንት ትምህርት የተወሰደ! አዘጋጅ፦ ሊቀ ጉባኤ ታረቀኝ (የቅኔና የትርጓሜ መምህር፤ የደብራችን ስብከተ ወንጌል ኃላፊ) #ወስብሐት_ለእግዚአብሔር #ወለወላዲቱ_ድንግል #ወለመስቀሉ_ክቡር #አሜን!

ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

#ነገረ_መስቀል ክፍል-4 ሰላም በስምምነት አብሮ ተከባብሮ ተቻችሎ መኖር ማለት ነው ፡፡ እንዲህ ያለው ሕይወት ደግሞ ፍጹም የዕረፍት ስሜትን የሰጣል ፡፡ ሰው እንዲህ ሲኾን ልክ እንደ ክረምት ወራት በራሱ ሕይወት ውስጥ የዘርእ የአበባ ወርኅ ያልፍና “ ወፍሬሁሰ ለመንፈስ ቅዱስ ተፋቅሮ ፍሥሓ ሰላም ትእግሥት ምጽዋት ኂሩት ሃይማኖት የውሃት ኢዘምዎት ይላል ፡፡” ከተባሉት ከዘጠኙ የመንፈስ ቅዱስ ፍሬያት ታላቁን ፍሬ ሰላምን ያፈራል ገላ = 5 ፥ 22 ፡፡ በእርግጥ ነቢዩ ኢሳይያስ በ9 ፥ 6 ላይ እንደሚነግረን የሰላም አለቃ ኢየሱስ ክርስቶስ ነው ፡፡ እርሱን ሰላም እንያዝ ፡፡ ምድር ክብሩን የምትናገርለትን ፤ ሰማይ የምትመሠክርለትን አይሁድ በጎልጎታ በቀበሩት መስቀል ላይ ተሰቅሎ የአዳነን የሰላምን አለቃ ለመከተል እንድንችል ፡፡ ለዚኽም ነው ቅዱስ ያሬድ “ ትነግር ምድር ፡፡ ወይዜኑ ሰማይ ፡፡ እስመ ተረክበ ዕፀ መስቀል ክቡር በጎልጎታ ዘደፈኑ አይሁድ ፡፡ ይኩን ሰላም ወዛኅን በዲበ ምድር ” ሲል የዘመረልን ፡፡ #የሰላሙ_ንጉሥ_ኢየሱስ_ክርስቶስ_ለሀገራችን_ሰላም_ያድለን! ክፍል-5 ይቀጥላል! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

#ነገረ_መስቀል ክፍል-3 ሳየገድልባት የምትኖር የንጉሥ እናት ንግሥት ናት መስቀሉን ለማግኘት ለምን ፈለገች ፡፡ ስለምንስ መጀመሪያ በዚያ የመጀመሪያው ትዳሯ ውስጥ እያለች መስቀልህን እፈልጋለሁ የሚል ስለትን ተሳለች ፡፡በእውነት የሚገርም ጉዳይ ነው ፡፡ መልሱ ግን እውነተኛ ሰላምን ለማግኘትነው ፡፡ ክርስቶስ ለሰው ልጆች ሰላምን የሰጠው ፡ የሰጠውን ይኽንኑ ሰላም የአጸናውም በመስቀሉ ነው ፡፡ ቅዱስ ጳውሎስ በቆላ = 1 ፥ 21 ፡፡ ላይ “ ወገብረ ሰላመ በመስቀሉ------በመስቀሉ ሰላምን መሠረተ ፡፡ ” ይላል ፡፡ ይኽ ዓለም ሰላም ይገባዋል ፡፡ ለዚኽ ደግሞ መስቀሉ ወደ ክርስቶስ መዳረሻ መንገድ ነው ፡፡ የሰላሙ ጌታ ክርስቶስን አማናዊ ሰላም በመስቀሉ ማግኘት ይቻላል ፡፡ መስቀሉ ራሱ ኀይልን ከሚሰጥ ክርስቶስ ኀይለ ተዐምራትን የታጠቀ ሲኾን እርሱን በክብር በመያዝና በማኖር በእርሱ ማለትም በመስቀሉ ላይ የተከፈለን ዋጋ ማስታወስ የሚቻልበት የጽድቅና የእውነት የሕይወት መንገድን መከተል ይቻላል ፡፡ የመንገድን አቅጣጫ ከሚያስቱ የጠላት ኀይሎች አጋንንት የሚጠብቅ የመዳን መንገድ አመላካች ስለኾነ ኀይሉንም በድንቅ ድንቅ ተዐምራት የሚገጽ በመኾኑ መስቀልን መያዝ አስፈላጊ መኾኑ ስለተረዳች ነው የፈለገችው ፡፡ ደግሞም መስቀሉ ማለት መንፈሳዊ ትጥቅ ነው ፡፡ ከጠላት ኀይል የምንከላከልበት ፡፡ ቅዱስ ዳዊት “ወወሀብኮሙ ትዕምርተ ለእለ ይፈርሑከ ከመ ያምሥጡ እምገጸ ቅስት ወይድኀኑ ፍቁራኒከ ...የሚፈሩህ ወዳጆችህ ከሰይፍ ስለት ከጦር ንድፈት ይድኑ ዘንድ ምልክትን ሰጠኻቸው ”ይላል ፡፡ ያ ክርስቶስን የምናይበት ምልክታችን ፤ ክርስቶስ የሰጠን ቅዱስ መሣሪ ያችን መስቀል ነው ፡፡ ስንኳን የክርስቶስ ቅዱስ ደም የፈሰሰበት መስቀሉ ቀርቶ የክርስቶስ ቅዱሳት እግሮቹ የዐረፉበት የረገጡት ስፍራ ኹሉ ቅዱስ ይባላልና ፡፡ የጌታ እግር የዐረፈበት የረገጠውን መሬት ቅዱስ ጴጥሮስ በ2 መልዕክቱ =ሀ1 ፥ 18 ላይ “ እንዘ ሀሎነ በደብረ መቅደሱ…” ሲል ይገልጸዋል ፡፡ በቅዱሱ ተራራ ሳለን የሚለው ደብረ ታቦርን ነው ፡፡ ጌታ ስምንቱን ደቀ መዛሙርቱን ከእግረ ደብር (ከተራራው ሥር) ትቶ ሦስቱን ደቀ መዛሙርቱን ማለትም እነቅዱስ ጴጥሮስን ይዞ ወደ ደብረ ታቦር ወጥቷል ፡፡ ቅዱስ ጴጥሮስ በቅዱሱ ተራራ ሳለን ያለው እንግዲህ በዚኽ ምክንያት ነው ፡፡ መስቀል ግን ከተራራውም በላይ ጌታ የሰው ልጆችን የማዳን ሥራ የፈጸመበት ታላቅ ዙፋን ታላቅ ኀይል ኀይላችን ፡፡ ታላቅ ጽንዕ ጽናችን ፡፡ ታላቅ ቤዛ ቤዛችን ፡፡ በክርስቶስ የነፍሳችን መዳኛ መድኃኒተ ነፍሳችን ነው ፡፡ ቅዱስ ነው ፡፡ቅዱስ መስቀል ያድናልና ፡፡ ሰላምንም ይሰጣልና ንግሥት ዕሌኒ ፍጹም ሰላምን ለማግኘት መስቀሉን ሽታ ስለመስቀሉ ተንከራተተች ፡፡ ያም ኾነ ይኽ ቁፋሮውን መስከረም 16 ቀን ጀምረው መጋቢት 10 ቀን መስቀሉን አገኙት ፡፡ እንደገና መጋቢት 11 ቀን ሕንፃ ቤተ ክርስቲያኑን ጀምረውና መስከረም 16 ቀን ፈጽመው ለመጀመሪያ ጊዜ በቅዱስ መስቀል ስም ሕንፃ ቤተ ክርስቲያን የተተከለበት ቀን ነው ፡፡ እንግዲህ ንግሥቲቱ ዕሌኒ የተንከራተተችበትን ቅዱስ መስቀል በፈቃደ እግዚአብሔር በአረጋዊ ኪራኮስ ጥቆማ ጢሰ ዕጣን በአመለከታት መሠረት አገኘችው አስቈፍራ አወጣችው ፡፡ የመስቀሉ ብርሃንም በዓለም ኹሉ አበራ ፡፡ዛሬም እኛም በእርሷ አምሳል ደመራ ደምረን በመስቀሉ የአገኘነውን ሰላም ለሰጠን ክርስቶስ ምስጋና እናቀርባለን ፡፡ ስለመስቀሉም እናዜማለን እናወድሳለን ፡፡ “መስቀለ ክርስቶስሰ ቤዛነ ወኀይልነ ፡፡ አግአዘ ጻድቃነ ወኀጥኣነ እምግብርናተ ሰይጣን ጸላዒነ ነሢኦ ሥልጣነ እምኀበ እግዚአብሔር አምላክነ ፡፡ ” እያልን እንመሠክራለን ፡፡ ክፍል-4 ይቀጥላል። ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

የመስቀል ደመራ በዓል በታላቅ ድምቀት ተከብሮ ዋለ። የጌታችንን መስቀል በምቀኝነት የቀበሩት አይሁድ ከተቀበረበት ለማውጣት በቅድስት እሌኒ ንግስት አማካኝነት ደመራ የተደመረበትን በዓል ቅድስት ቤተክርስቲያን መስከረም 16 አክበራ ትውላለች። የጽርሐ ጽዮን ሐዋርያት ጎላ ቅዱስ ሚካኤል ፍኖተብርሃን ሰ/ት/ቤት ዘማርያን በዓሉን በዝማሬ ከሌሎች አብያተክርስቲያናትን አህት ሰንበት ት/ቤቶች ጋር በጋራ በመሆን በዝማሬ አክብረን አምሽተናል። እግዚአብሔር ለሀገራችን ሰላሙን ሰጥቶ ለዓመቱ ያድርሰን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

#ነገረ_መስቀል ክፍል-2 አይሁድ ሊያጠፉት የማይቻላቸውን የዓለም ብርሃን ጌታን ብንገድለው እናርፋለን ብለው ሰቅለው በፈቃዱ እንደገደሉት ኹሉ አሁንም የመስቀሉን ኀይል ለመድፈን ፈልገው ቈሻሻ ከሚጣልበት አካባቢ ቈፍረው ቀበሩት ፡፡ ሦስት መቶ ዓመታት የጥራጊ መፍሰሻ ኾኖ ኖረ ፡፡ ከቈሻሻው ክምር የተነሣ ስፍራው ተራራ ኾነ ፡፡ በእርግጥ እነዚኽን የመስቀሉን ኀይል ለመድፈን የሞከሩትን አይሁድንና በእየዘመኑ የሚነሡ አጽራረ መስቀልን ቅዱስ ጳውሎስ በ1 ቆሮ = 1 ፥ 18 ፡፡ “ እስመ ነገረ መስቀሉሰ እበድ ውእቱ በኀበ ኅጉላን ፡፡ ወበኀቤነሰ ለእለ ድኅነ ኀይለ እግዚአብሔር ውእቱ----የመስቀሉ ቃል ለማያምኑት ሞኝነት ለሚያምኑት ግን የእግዚአብሔር ኀይል ነው” በማለት ያሳፍራ ቸዋል ፡፡ በዚኽ ብቻ ሳያቆም በ1 ፊል = 3 ፥ 17 ፡፡ “ ኪያየ ተመሰሉ አኃውየ ፡፡ ወተዐቀብዎሙ ለእለ ከመዝ የሐውሩ ሑረተ ካልዐ ዘከመ እብለክሙ ዘልፈ ፡፡ ወይእዜኒ ገሀደ እነግረክሙ ከመ እሙንቱ ጸላዕቱ ለመስቀለ ክርስቶስ-------ብዙዎች ለክርስቶስ መስቀል ጠላት ኾነው ይመላለሳሉ ፡፡ ” የመስቀል ጠላቶች በተለይ ከኹለት መቶ ሰማኒያ ዓመተ ምሕረት በኋላ የመካከ ለኛው ምሥራቅ ዛሬ ኢራቅ ኢራን ሶርያና የሮምም ዐላውያን ነገሥታት እንዱድያኖስ እነዲዮቅልጥያኖስ እነመክስምያኖስ ክርስቲያንን የሚያሠቃዩበት የከፋ ጊዜ ነበር ፡፡ ያ ዘመን ክርስቲያኖች ሙሉ በሙሉ ሕይወታቸውን ለክርስቶስ ክብር መሥዋዕትነት ያዘጋጁበት ጊዜ ነበር ፡፡ ደማቸው እንደ ውኃ በየትኛውም ክልል በየትኛውም ሀገር ፈሰሰ ፡፡እንደውም በዚያን ጊዜ ነው የእስክንድርያው ሊቀ ጳጳሳት ኋላም ተፍጻሜተ ሰማዕት ቅዱስ ጴጥሮስ “ ኦ እግዚኦ ረስያ ለደምየ ማኅተመ ደመ ኵሎሙ ክርስቲያን -------አቤቱ ጌታየ እባክህ ደሜን የክርስቲያን ደም ኹሉ መጨረሻ አድርግልኝ ፡፡ ” እያለ ይጸልይ ነበር ፡፡ ጸሎቱም ተሰምቶለት እርሱ በሰማዕትነት ከዐረፈ በኋላ ቆስጠንጢኖስ ነገሠ ፡፡ ጻድቁ ንጉሥ ቆስጠንጢኖስ ዛሬ ኢስታቡል የተባለው የቊስጥንጥንያ ወይም የቱርክ ንጉሥ ነው ፡፡ ያቺን ጥንታዊት ኢስታንቡል ከተማን የቀናት እርሱ ነው ፡፡በእርግጥ ቆስጠንጢኖስ ትውልዱ ሮማዊ ነበር ፡፡ እናቱ አይሁዳዊት ናት ፡፡ የመጀመሪያ ባሏ ተርቢኖስ እርሷ ዕሌኒ ትሰኛለች ፡፡ እናቱ “ልጄን ወደ ክርስትና ብትመልስልኝ የጠፋውን መስቀልህን እፈልጋለሁ ፡፡ ” የሚል ብፅዐትን ለእግዚአብሔር ተስላ ነበር ፡፡ ምክንያቱም ላይ እንደጠቀስነው አይሁድ መስቀሉን ከቀበሩት ሦስት መቶ ዓመታት ስለኾነ የት እንዳለ የት እንደተቀበረ የሚያውቅ ሰው አልነበረም ፡፡ ዕሌኒ ልትፈልግ የተነሣችው የተደበቀውን ይኽንን የመስቀሉን እውነት ነው ፡፡ ይኽ እውነት ከአልወጣ ከአልተገኘ በቀር ሰላም ሊገኝ አይችልም ፡፡ በእርግጥ ራሷ ዕሌኒ የገዛ ቤቷ ውስጥ ሳይቀር ሰላም የነሣት የባል ቅናት ገጥሞት ነበር ፡፡ በሌላ መጠርጠር ፡፡ ባሏ በሌላ ስለጠረጠራት በባሕር ጉዞ ላይ እያሉ ወደባሕሩ ወረወራት ፡፡ ነገር ግን አምላከ ግፉዓን እግዚአብሔር አጓጕል ተጠርጥራ ባሕር ላይ የተጣ ለችው ዕሌኒን ከሥጥመተ ባሕር አዳናት ፡፡ የአገኛት ሰውም ጥንት ብራንጥያ ዛሬ ብሪታንያ ለሚባላው ሀገር ንጉሥ ሰጣት ፡፡ የዚኽ ንጉሥ ሚስት ኾነች ፡፡ ከእርሱም ወንድ ልጅ ወለደች ፡፡ ስሙንም ቆስጠንጢኖስ አለችው ፡፡ቆስጠንጢኖስ አባቱ ሲሞት በአባቱ እግር ተተክቶ ነገሠ ፡፡ ንግሥት ዕሌኒም በልጇ ዘመነ መንግሥት ያንን ስለቷን ልትፈጽም ተነሣች ፡፡ ከላይ እንደተገለጸው መስቀሉ ከተቀበረ ሦስት መቶ ዓመታት ኾኖታል ፡፡ ነባሮቹን ፤ ሽማግሎቹን ፤ ዐዋቆቹን መጠየቅ ማጠያየቅ ያዘች ፡፡ በጊዜው ከነበሩት ሽማግሎች አንድኛው ኪራኮስ የተባለ ሰው “መስቀሉ የተቀበረበት ከእነዚኽ ተራሮች አንዱ ነው ይባላል ፡፡” ብሎ ነገራት ፡፡ እንግዲህ ንግሥት ዕሌኒ ካህናቱን ሰብስባ ልብሰ ተክህኖ አስለብሳ መስቀል አስይዛ ካህናቱ ዕጣን ሲወግሩ የተወገረው ዕጣን ወደሰማይ ደርሶ ተመልሶ መሬት ላይ አመለከተ ፡፡ ቅዱስ ያሬድ “ ዘዕጣን አንጸረ ሰገደ ጢስ----ዕጣኑ ወደአመለከተበት አቅጣጫ ጢሱ ሰገደ ፡፡ የዕጣኑ ጭስ አሳየ ፡፡ ጠቆመ ፡፡ ይኽ ነው ብሎ አረጋገጠ ” ማለት ነው ክፍል-3 ይቀጥላል! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ። የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc