Caqliyadda dhalinyarada maanta.!
Waxa jirta caqliyad marar badan buugta psychologyga lagu sheego oo la dhaho (victim mentality ) oo noqoneysa caqliyadda dhibanaha, dadka caqliyaddan lihi waa dad markasta aaminsan iney iyagu dulmanyihiin, khaladkasta oo ay sameeyaan waxay isku dayaan iney cidkale u sababeeyaan ama ay dusha ka saaraan, waxaad arkeysaa qof dhaliyaro ah oo muuqaalkiisa marka aad aragto aad yaabeyso wax nadaafad ah ma lahan , salaadii ilaahay ma tukanayo , mustaqbalkiisii hore iyo kasoo socda midna war uma hayo haddana markasta madaxda ayuu caayayaa mar Africa ayaan ku noolahay ayuu dhahayaa, intaa wuxuu isku dayayaa in khaladaadka uu sameynayo uu iska duwo cidkalana dusha ka saaro.
Waxa jirta iyaduna dhalinyaro markasta niyad jab kaala hor imaneysa markasta waxay filanayaan waxa aan wanaagsaneen fifircooni iyo farxad midna malaha waa kuwa dhaha dalka shaqo ma taalo , si kasta oo aad aqoon u leedahay kuma shaqeysen kartid, dhalinyarada maanta siyaasadda wax ba kuma laha, africa maalin uun waan ka tagayaa, iyagu kuwii hore wey yara dhaamaan lakiin isuma qalmaan waxa ay rabaan iyo dadaalkoodu iyadoo duruufo badan wadankeena ay ka jiraan miyay sax tahay ineynu ka dadaal yaraano dhaliyarada wadamadoodu wax walba u diyaariyeen boqol jeer iyagaa inaga dadaal iyo shaqo badan aduunkanna lama helo wax aan loo tabcan loona raafaadin ee bal ii sheeega wax idinkoo noloshuba bilow idiin tahay bilaa rajada idinka wada dhigay.
Wakhtigan aynu joogno looma baahna dhalinyaro jilicsan oo markasta cabanaysa madaama aynu ognahay xaaladaha jira oo dhan waa ineynu noqonaa dhalinyaro ku suntan hal-adeyg, niyad jab la'aan , shaqo badan iyo hubka ugu weyn ee aynu adeegsan karno si aynu musiibooyinka ina haysta wax uga qabano waana aqoonta, maalinkasta kusoo kac firfircooni, rajo iyo inaad diyaar u tahay inaad wax tarto naftaada iyo dadkaaga.
#Maymun