ፍኖተ-አማራ ሚዲያ (Finote Amhara Media)

አገር በፈተና ስትናጥ፣ መሠረቷ ሲናጋ እና ሕልውናዋ ሲደፈር... ቤቱን አስተካክሎ፣ ግድግዳውን አፅንቶ ቆሞ የሚቀረው የማይናወጥ ኃይል አለ እሱም ከአማራ ግዛቶቹ ውስጥ አንዱ ሽዋ የአገር ማገር ነው!! ​ይህ አባባል ዝም ብሎ የተነገረ አይደለም፤ ከታሪክ ማሕፀን፣ ከጥንታዊ የአርበኝነት ውርስ እና ከወቅቱ የህልውና ትግል ማዕበል የተገኘ የፅናት ቃል ነው። ከኤፋቶቹ መንደር አንስቶ እስከ እያንዳንዱ የድል ግንባር ድረስ የሚሰማውና የሚሞገሰው፣ የኩራታችን መገለጫ የሆነው የአማራው ልጅ የፋኖ የማይበገር የጀግንነት ገድል ነው። ​ፋኖ ማለት ዛሬ ላይ ቆሞ ትናንትን በደሙ የደገመ፣ በቆራጠኝነቱ ታሪክን ያስገረመ ፅኑ ጀግና ነው። የኤፋት ለምለም ምድር፣ የሸዋ ደጋማ ዳርቻዎች እና የኢትዮጵያ እያንዳንዱ ስንዝር መሬት፤ የፋኖን የሞት ሽረት ትግል በደማቅ ታሪክ ይመሰክራሉ። ​ጠላት ሲመጣ እንደ እሳት የሚንቦገቦገው፣ ወገኑ ሲነካ እንደ አንበሳ የሚቆመው... መብቱንና ነፃነቱን ለማስከበር ሲል ሕይወቱን እንደ ቅጠል የሚሰጠው የአማራው ልጅ የፋኖ፤ የዚህች አገር የክብር ዋስትና፣ የድል አርማ ነው። ​ሸዋ የአገር ማገር፤ የአማራው ልጅ ፋኖ ደግሞ የዚያ ማገር ምሰሶ ነው! ​ታሪክን በኩራት የጻፈው ትውልድ ዛሬም በድል አድራጊነት ጸንቷል ድል ለአማራ ህዘብ ጀግኖቹ ከሽዋ ሰማይ ስር!!

የምሽት መረጃ ተጨማሪ 64ኛ ክ/ጦር በዲማ በወሰደው ከባድ እርምጃ ፊልማታ አብዱ፣ሀብታሙ በየነ፣ሙባረክ ሀጅ ይማም፣አስማመው፣ደረጀ ተስፋየ፣ጫላ አደም፣ኡመር ሙሀመድ፣ገመቹ ሚሊከሳ፣ግብርሀም እንዳሌ እኛ ለይ 9 ገብተዎል ከዘጠኙ ውስጥ 1ሞቶ የወጣ 1 ሪፈር የሄደ 1 ኦብሬሽን ተሰርቶለት በጣም ደክሟል ሀጅ ነው ሌሎች ስድስቶች ቀላልና ከባድ ቁስለኛ ሆነው ከዚህ አውጥተዎቸዎል። ብቸና ሆስፒታል የተገኘ መረጃ።

ከኢትዮጵያ ሕዝባዊ ኃይሎች ትብብር ለሕልውና (ትብብር ለሕልውና) ምክር ቤት የተሰጠ መግለጫ የኢትዮጵያ ሕዝባዊ ኃይሎች ትብብር ለሕልውና ምክር ቤት ስድስተኛ መደበኛ ስብሰባውን ከጥቅምት 20 እስከ 21/ 2019 ዓ.ም አካሂዷል። ምክር ቤቱ የትብብሩ መመስረት በይፋ ከታወጀ በኋላ ባካሄደው በዚህ የመጀመርያ ስብሰባ ወቅታዊ ዓለም አቀፋዊ፣ ቀጣናዊ እና ሀገራዊ የኃይል አሰላለፍ ሁኔታዎችን እንዲሁም የኢትዮጵያንና ሕዝቦቿን ተጨባጭ ሁኔታ በጥልቀት በመገምገም የትብብሩን የመካከለኛ ጊዜ ዕቅድ ያፀደቀ ሲሆን በሌሎች ልዩ ልዩ አጀንዳዎችም ላይ ተወያይቷል። በምክር ቤቱ ግምገማ መሰረት ኢትዮጵያ በአምባገነናዊ ዘረ-ፈጅ አገዛዝ ስር የወደቀች፣ የዜጎች መፈናቀል እንዲሁም የከፋ ድህነትን መገለጫዋ ያደረገች ሀገር ሆናለች። በትግራይ፣ በአማራ፤ በኦሮሚያ እና በሌሎች ሕዝቦች ላይ በይፋ ባወጀው ጦርነት ምክንያት ዜጎች እንደሰው የመኖር ሰብአዊና ዴሞክራሲያዊ መብታቸው የተገፈፈ እንዲሁም እንደሕዝብ የመኖር ሕልውናቸው አደጋ ውስጥ የወደቀ ሆኗል። በተጨማሪም በሕዝቦች መሃል የእርስ በርስ ግጭቶችን በመፍጠር በሞያሌ፣ በአርሲ፣ በወለጋ፣ በጋምቤላ፣ በሱማሊ፣ በአፋር፣ በሲዳማና በሌሎች አከባቢዎች እንደታየው ሞት፣ እልቂትና ከፍተኛ ውድመትን በመፍጠር ዘረ-ፈጁ አገዛዝ የሕዝቦች የህልውናና የደህንነት ጠንቅ ሆኖ ቀጥሏል። አገዛዙ ሀገሪቱንና ሕዝቦቿን እየበላ ያለውን ጦርነት የመግታት፣ ዘላቂ ሰላም የማምጣት፣ የዜጎችን ፍላጎት የማድመጥና የማረጋገጥ፣ ሕግና ሥርዓትን የማስፈን፣ ድህነትንና ኋላቀርነትን እንዲሁም ዘርፈ ብዙ ሀገራዊ ችግሮችን የመፍታት ባህሪ፣ አቅምና ፍላጎት ስለሌለው ውስጣዊ ችግሮችን ለመደበቅ በአይዞህ ባዮቹና በላኪዎቹ ፍላጎት መሰረት በሀገር ውስጥ የቀሰቀሳቸውን ጦርነቶች በማስፋት ቀጠናዊ ጦርነት ለማድረግ የጎረቤት ሀገራትን መውጋትና መተንኮስን ተያይዞታል። ይህም የሀገሪቱንና የሕዝቦቿን ሕልውና ከድጡ ወደማጡ የሚከት፣ የቀጠናውን ሀገራት ሰላምና እድገት የሚያውክ፣ የዓለም አቀፍ ማህበረሰቡንም ጥቅም አደጋ ላይ የሚጥል አካሄድ ነው። የትብብሩ ምክር ቤት ሰፊና ጥልቅ ወቅታዊ ግምገማ ካካሄደ በኋላ የሚከተሉትን መሰረታዊ መርሆዎችን አጽንቷል። 1. የብልጽግና አገዛዝ ለሕዝቦች ሰላምና ደህንነት፣ ማሕበራዊ ውልና ባህላዊ መሰረት፣ ፖለቲካዊና ኢኮኖሚያዊ ጥቅም በፍጹም ግድ የሌለው የሀገርንና የሕዝቦችን ሕልውና አደጋ ውስጥ በመክተት የስልጣን ዕድሜውን ማራዘም የሚፈልግ አገዛዝ ነው። ስለሆነም በስልጣን ላይ ያለው አምባገነናዊ ዘረ-ፈጅ አገዛዝ የሁሉም የኢትዮጵያ ብሔሮች፣ ብሔረሰቦችና ሕዝቦች የጋራ ጠላት ነው። 2. የትብብር ለህልውና መሰረታዊ ዓላማ የብልጽግናን አምባገነናዊ ዘረ-ፈጅ አገዛዝ ከስልጣን በማስወገድ ላይ የተገደበ ትብብር ብቻ ሳይሆን የኢትዮጵያን ሕዝቦች ህልውና ለማረጋገጥ የተመሰረተ ስትራተጂካዊ ትብብር ነው። ትብብር ለህልውና ኢትዮጵያን ለዘመናት ተብትቦ የያዛትን የጦርነት አዙሪት ለአንዴና ለመጨረሻ ጊዜ መስበር የሕዝቦችን ፍላጎት መሰረት ያደረገ ሁሉን አቀፍ የሽግግር ምዕራፍ መክፈት ጽኑ አቋሙ ነው። ይህ ታሪካዊ ተልዕኮም በትብብር ለህልውና ብቻ የሚፈጸም እንዳልሆነ ግልጽ ነው። በሽግግሩ ሂደት የፖለቲካ ፓርቲዎች፣ የሲቪክ ማሕበራትና የልዩ ልዩ ሕዝባዊ ተቋማት እንዲሁም የኢትዮጵያ ሕዝቦች ንቁና ቀጥተኛ ተሳትፎ መተኪያ የሌለውና ወሳኝ ጉዳያችን መሆኑን እናረጋግጣለን። 3. የአፍሪካ ቀንድ ሰላም፣ ልማትና ትብብር የኢትዮጵያ የመጪው ዘመን የፖለቲካ፣ የማህበረ-ኢኮኖሚና የዲፕሎማሲ ምሰሶዎችን የሚያጠናክር መሆኑን ትብብር ለህልውና ያምናል። ይህንን ወሳኝ ጉዳይ ተግባራዊ ለማድረግ ትብብሩ በቀጠናችን ሕዝቦችና ሀገራት መካከል የኖረውን የጋራ መግባባትንና አብሮነትን ለማስፈንና ወዳጅነትን ለማጠናከር ካለመታከት ይሰራል። የኢትዮጵያን ወቅታዊ ሁኔታ በግልፅ በመረዳት፣ ባስቀመጣቸው መርሆች በመመራትና ተጨባጭ ለውጥ ለማምጣት የትብብሩ ምክር ቤት የሚከተለውን የመካከለኛ ጊዜ የተግባራት ዕቅድ አጽድቋል። 1. ለኢትዮጵያ ሕዝቦች ሕልውና የሚያካሄደውን ዘርፈ-ብዙ ትግል ማጠናከር፤ 2. በሀገር ውስጥና በዲያስፖራው ማህበረሰብ የሚካሄደውን ህዝባዊና ዲፕሎማሲያዊ ትግል ማበረታታትና ማቀናጀት፤ 3. የትብብር ለህልውና አባል ድርጅቶችን አቅም ማጠናከርና በአገዛዙ ላይ ውጤታማና ተግባራዊ እርምጃዎችን መውሰድ፤ 4. የትብብሩን ዓላማና ግብ ለማሳካት ከፖለቲካ ፓርቲዎች፣ ከሲቪክ ማሕበራትና ልዩ ልዩ ሕዝባዊ ተቋማት እንዲሁም ከትብብሩ ዓላማ ጋር ከቆሙ ምሁራንና ዲፕሎማቶች እንዲሁም ተሰሚነት ካላቸው እውቅ ግለሰቦች ጋር በቅርበት መስራት፤ 5. ከአፍሪካ ቀንድ ሕዝቦችና መንግስታት ጋር ወዳጅነትና ትብብርን ማጠናከር፤ 6. የዲፕሎማሲና የሚድያ ሥራዎችን ማጠናከር፤ ከዘህ በመነሳት የትብብር ለሕልውና ምክር ቤት የሚከተሉት ጥሪዎች ያስተላልፋል፤ ለመላው ህዝቦቻችን የብልጽግና አምባገነናዊ ዘረ ፈጅ-አገዛዝ ዋና ዓላማ ተፈጥሯዊና ዲሞክራሲያዊ መብቶችህን በመቀማት፣ ሕልውናህን አደጋ ውስጥ በመክተት፣ የሀገርንና የህዝብን ጥቅም በመሸጥ በስልጣን የመቆየትና የላኪዎቹን ፍላጎት ማሳካት ነው። ስለሆነም ከህዝባዊ ኃይሎች ጋር በመሆን እያደረግክ ያለኸውን ትግል አጠናክረህ እንድትቀጥል ጥሪያችንን እናቀርባለን። ለመላው የትብብር ለሕልውና አባል ድርጅቶች የህዝቦቻችንን የሕልውና አደጋ የመቀልበስ፣ በኢትዮጵያውያን መፈቃቀድ ላይ የተመሰረተ የሽግግር ምዕራፍ የመከፈት፣ ዲሞክራሲያዊ ስርዓት የመገንባት ሥራዎች የሚወሰኑት ሰራዊታችን በሚከፍለው የማይተካ መስዋዕትነት ነው። በመሆኑም የየድርጅቶቻችን ሰራዊት እርስ በርስ በመተሳሰር በጋራና በአንድነት የጠላትን አከርካሪ በመስበር የአገሪቱንና የህዝቦችዋን ሕልውናና ሰላም ለማረጋገጥ ከመቸውም ጊዜ በላይ ተግተንና ተናበን በመሥራት ታሪካዊ ኃላፊነታችንን በተግባር እንደምንወጣና የድል ባለቤቶች እንደምንሆን እናረጋግጣለን። ለቀጠናውና ለዓለም አቀፍ ማሕበረሰብ መላው የዓለም ዓቀፍ ማሕበረሰብ የብልፅግና አምባገነናዊ ዘረ ፈጅ አገዛዝ በቀጠናው ጦር ሰባቂና ግጭት ጠማቂ በመሆን በሀገሪቱ ህዝቦችም ሆነ በአከባቢው አገራት የሕልውናና የሰላም ደህንነት ጠንቅ በመሆን እየተጫወተ ላለው አፍራሽ ሚና በተገቢው መንገድ በመረዳትና ከትብብር ለሕልውና ኃይሎች ጋር በመተባበር የኢትዮጵያ ህዝቦች ሰብአዊና ዲሞክራሲያዊ መብቶች እንዲከበሩና በቀጠናው ሰላምና መረጋጋት እንዲፈጠር ለማድረግ እንዲሰራ ስንል ጥሪያችንን እናቀርባለን። የኢትዮጵያ ህዝባዊ ሃይሎች ትብብር ለህልውና (ትብብር ለህልውና) ምክር ቤት ጥቅምት 21/2019 ዓ.ም ኢትዮጵያ

የአፋብን ማህበራዊ ዘርፍ መምሪያ ኃላፊ አርበኛ መ/ር ፀዳሉ ሙላት በዛሬው ዕለት ጥቅምት 21/2019 ዓ.ም በልዩ ኮማንዶዎቹ ምርቃት ስነ ስርዓት ላይ በመገኘት ያስተላለፈው መልዕክት!

ሰበር የድል ዜና ዲማ ጊዮርጊስ ‼️ 64ኛ ክ/ጦር ጥቅምት 21/2019 ዓ.ም ~~~~~~~ ድርጅቱ አፋብን በምስራቅ ግንባር ደቡብ ወሎ የሰጠውን ግዳጅ በብቃት የተወጠው አይበገሬው 64ኛ በላይ ዘለቀ ክ/ጦር ጥቅምት 21/2019 ዓ.ም በእነማይ ወረዳ ታላቁ ዲማ ጊዮርጊስና አካባቢው ወረራ ለመፈፀም እና ለማውደም የመጠው ዘራፊ እና አውዳሚው የብልፅግና አገዛዝ ሰራዊት አባላት ሙትና ቁስለኛ አድርጓል። ከአገዛዙ ብልፅግና አጀንዳ የተቀበሉት ኮሎኔል አለምሰገድ እና ነጋሲ ከደ/ማርቆስ እስከ ሞጣ የሚገኘው 6ኛ ዕዝ የሚገኙ ክ/ጦሮች በማንቀሳቀስ የታላቁ ዲማ ጊዮረጊስ ገዳምን ለመዝርፍና ለማውደም መካናይዝድ፣ 2 መድፍ፣ 107 BM፣ 2 ዙ 23፣ 3 ዲሽቃና በርካታ የእግርኛ ሰራዊት በመያዝ ዲማ፣ ቦርቦር፣ ቅድስጌ እና አካቢው ወረራ ለመፈፀም ጨለማን ተገን አድርገው እንቅስቃሴ ያደርጉ ቢሆንም ጥቅምት 21/2019 ዓ.ም የአፋብን ቴዎድሮስ 2ኛ ዕዝ 201ኛ ኮር 64ኛ በላይ ዘለቀ ክ/ጦር አናብስቶች በአደረጉት ውጊያ የአገዛዙ ሻለቃ መሪ ከእነ አጃቢዎቹ እና በርካታ የሰራዊት አባላት ሲደመሰሱ በርካቶች ቁስለኛ ሆነዋል። አይበገሬው 64ኛ ክ/ጦር በታላቁ ዲማ ጊዮርጊስ በአደርገው አውደ ውጊያ የነፍስ ወከፍ መሳሪያ፣ ሬዲዎ መገናኛ፣ ስናይፐር ክሻፋ፣ የደረት ትጥቅ፣ ከዘና ከእነ ተተኳሹ አና አገዛዙ ይጠቀምባቸው የነበሩ ወታደራዊ ቁሳቁሶች ገቢ በማድርግ በዲማ ጊዮርጊስ ታላቅ ጀብድ ሰርቷል። በአውደ ውጊያው:- ✍️7 ክላሽ መሳሪያ የተማርከ ✍️1 የስናይፐር ክሻፋ የተማርከ ✍️4 ካዘና የተማረከ ✍️1 የሬድዎ መገናኛ የተማርከ ✍️ የሻለቃ መሪው ጨምሮ በርካታ የአገዛዙ ሰራዊት አባላት ተደምስሰዋል። ለግዜው በቁጥር ማወቅ ያልቻልናቸው የአገዛዙ ሰራዊት አባላት ቁስለኛ ሆነዋል። ድል ለአማራ ህዝብ!! ድል ለኢትዮጰያ ህዝብ!! ህልውናችን በተባበረ ክንዳችን!! የአማራ ህዝብ ህልውና ተጋሃድሎ ተጠናክሮ ይቀጥላል!! አዲስ ትውልድ፣ አዲስ አስተሳሰብ፣ አዲስ ተስፋ!ለአማራ ህዝብ!! ቴዎድሮስ 2ኛ ዕዝ 20ኛ ኮር 64ኛ ክ/ጦር ሕዝብ ግንኙነት ጥቅምት 21/2019 ዓ.ም

ራስ አርበኛ ዘመነ ካሴ ‼ ሁለተኛ ዲግሪ የጨበጠ ፣ ጥንቅቅ ያለ ሙህር እና የፖለቲካን ስስ ብልት አብጠርጥሮ የሚረዳ ነው። የድሎት ኑሮ ቀምሶ አይቶታል፤ ግን አያጓጓውም። የሞቀ ቤትና የተመቸ ኑሮ ነፃነትን እስካሳጣው ድረስ የሚመርጣቸው አይደሉም። የብልፅግና አገዛዝ ራስ ምታት፤ የአማራ ሕዝብ የጽናት ምልክት ነው። ኤርትራ ነው ሲሉት መተከል ይገኛል፤ ሱዳን ነው ሲሉት ወሎ ይገኛል፤ ቤተ አማራ ነው ሲሉት ጎንደር ይገኛል። ባርነትን አምርሮ ይፀየፋል፤ ለነፃነት የመነነ ነው። የድሎት ኑሮውንና የሞቀ ቤቱን ትቶ፣ የዱርን መከራ ተቀብሎ «ዱር ቤቴ!» ያለ አርበኛ ነው። የሚያምንበትን ዓላማ በቃል ብቻ ሳይሆን በተግባር ያረጋገጠ ነው። አንደበቱ ጥዑም ነው፤ ሲናገር እንደ ነጎድጓድ ያስተጋባል። ቃሉ ልብን ይነካል፣ ሕሊናን ያነቃል፣ የተኙ መንፈሶችን ይቀሰቅሳል። አንድ ቃል ሲናገር የጠላት ዳስ ይናወጣል፤ አዳራሹ በፍርሀት ይንቀጠቀጣል። የሚያምንበትን ዓላማ በግልጽነትና በድፍረት ይናገራል። ፍርሀትን አሸንፎ ወጥቷል። ጠላት እንኳን ተኩሶ ተናግሮ ያስደነብራል። ያለውን ሀብት ሸጦ፣ እስከ ልጁና ወንድሞቹ ድረስ ቤተሰቡን በአርበኝነት ከፊት ያሰለፈ፤ የግል ምቾትን ከሕዝብ ጥያቄ በታች ያደረገ፤ ለዓላማው ዋጋ የከፈለ የዘመናችን ጀግና ነው። የእርሱ ታሪክ የሚነገረው በተናገረው ብቻ ሳይሆን፣ በተወው ምቾትና በከፈለው ዋጋ ጭምር ነው። ሚሊዮኖችን አማራዎችን ከተኙበት ቀስቅሶ ያነቃ፣ ሰዎች በፍርሃት ዝም ባሉበት ጊዜ ድምፅ የሆነ፣ ተስፋ በሚደበዝዝበት ወቅት የጽናት መንፈስን ያቀጣጠለ ሰው ነው። ከኤርትራ በረሃ እስከ መሀል አገር ድረስ የታገለ፤ የጠላት ጩኸት የማያስደነግጠው፣ ማስፈራሪያ የማያስበረግገው፣ ጫና ሲጨምር አቋሙን የማይሸጥ የማይለውጥ አርበኛ ነው። ጠላት አስሬ ይዶልታል፤ ሴራ ይሸርባል፤ ስሙን ለማጠልሸትም ይጥራል። ግን የሕዝብን እምነት በውንጀላ ማጥፋት አይቻልም፤ የጽናትን መንፈስ በጩኸት ማሸነፍም አይቻልም። የጽናት ምልክት ነው። ሁሉም «የእኔ ቢሆን!» ብለው የሚመኙት አርበኛ ነው። በዕውቀቱ፣ በአቋሙ፣ በንግግሩና በአርበኝነቱ የሚደነቅ ሰው ነው።

አፋብን ጎንደር ጠቅላይ ግዛት በላይ ዘለቀ 3ኛ ዕዝ ሜጀር ጄኔራል ውባንተ አባተ ፩ኛ ኮር ነበልባሉ ፎገራ 23ኛ ክፍለ ጦር ሁለተኛ ዙር ኮማንዶዎችን በታላቅ ድምቀት አስመረቀ ​ጥቅምት 21/2019 ዓ.ም ​አፋብን ጎንደር ጠቅላይ ግዛት በላይ ዘለቀ 3ኛ ዕዝ፣ ሜጀር ጄኔራል ውባንተ አባተ ፩ኛ ኮር ነበልባሉ ፎገራ 23ኛ ክፍለ ጦር ለተከታታይ ወራት ሲያሰለጥናቸው የቆየውን ሁለተኛ ዙር ኮማንዶዎች በድምቀት አስመርቋል። በምረቃ መርሃ ግብሩ ላይ የድርጅት፣ የሃይማኖት አባቶች፣ የአገር ሽማግሌዎች፣ እንዲሁም የዕዝ፣ የኮር እና ሌሎች የተቋም አመራሮች ተገኝተዋል። ​ኮማንዶ ምሩቆቹ በቆይታቸው ጠንካራ የአካል ብቃት፣ ዘመናዊ የሽምቅ ውጊያ ክህሎቶች እና ጥልቅ የፖለቲካ ትምህርቶችን በጽናት የተከታተሉ ሲሆን ፤ ያጋጠሟቸውን ፈተናዎች በብቃት በመቋቋም የአማራን ህዝብ የህልውና ትግል ዳር ለማድረስ በከፍተኛ ስሜትና ፍቅር ተቀላቅለዋል ። ይህ ስልጠና ድርጅታችን አፋብን እና ተቋማችን ጎንደር ጠቅላይ ግዛት በላይ ዘለቀ 3ኛ ዕዝ በዕቅድ የያዙት ዘመናዊ ጦር የመገንባት ስትራቴጂካዊ ግብ አካል መሆኑ የተገለጸ ሲሆን በቀጣይም ትኩረት ተሰጥቶ የሚሰራበት ትልቁ እና ቁልፍ ተግባር መሆኑን ተገልጿል። ​በመርሃ ግብሩ ማጠቃለያ ላይ ተመራቂዎቹ በወታደራዊ ሥልጠናና በዲሲፕሊን ታንጸው ህዝባቸው የሚገባውን ክብርና ነጻነት እስከሚያጎናጽፉ ድረስ በቁርጠኝነት እና በጽናት ለመታገል በትግሉ ሰማዕታት ስም ቃል ገብተዋል። በመጨረሻም ለሰማዕታት ክብር በሰጠ ስነ-ሰርዓት ተጀምሮ፣ በድምቀት በተከናወኑ ወታደራዊ ሰልፎች፣ የውጊያ ትርኢቶች፣ እንዲሁም የዕውቅና ሽልማቶችና ምስጋናዎች ተካተውበት ፕሮግራሙ በደመቀ ስነ ስርዓት ተጠናቋል ። ህልውናችን በተባበረ ክንዳችን! አፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ

ሰበር!! በእለተ ቅዳሜ ዲማ ጊዮርጊስ ወረራ ለመፈፀም የተንቀሳቀሰው የ6ኛ ዕዝ ሰራዊት በ64ኛ ክ/ጦር ተደመሰሰ። በሁሉት መድፍ፣ BM ፣ ሁለት ዙ-23 ፣ሶስት ሞርተር ድጋፍ እየተሰጠው ከደብረ ማርቆስ እስከ ሞጣ ተውጣጦ በእነማይ ወረዳ ዲማ ጊዮርጊስ የተንቀሳቀሰው የጠላት ኃይል በ64ኛ ክ/ጦር ተደመስሷል። ከደብረ ማርቆስ አካባቢ መነሻዋን ያደረገችው የ602ኛ ኮር 32ኛ ክ/ጦር በነበረው ትንቅንቅ ወታደራዊ አመራሯን ጨምሮ በርካታ ሰራዊቷ እንደቅጠል መርገፉ ተረጋግጧል። የወገን ኃይል ውጊያውን በበላይነት የተወጣ ሲሆን 7 ክላሽ መገናኛ ሬዲዮ እና በርካታ ወታደራዊ ቁሳቁሶች በመማረክ ድል ማስመዝገቡ ተገልጿል። የኮሎኔሎ አለምሰገድ 32ኛ ክ/ጦር 4ኛ ሬጅመንት አዛዥ በውጊያው መካከል የተደመሰሰ ሲሆን በርካታ ቁስለኞች ወደ ቢቸና መወሰዳቸው ተረጋግጧል። ጥቅምት 21/2019 ዓ.ም

ምኒልክ 1ኛ ዕዝ በዋሮ ከተማ ከአባት አርበኞችና ከማህበረሰቡ ጋር ሰፊ ሕዝባዊ ውይይት አደረገ! ​ በደቡብ ወሎ ዞን አማራ ሳይንት ወረዳ በዋሮ ከተማ ከአባት አርበኞችና ከሰፊው ማህበረሰብ ጋር ወቅታዊ ጉዳዮችን አስመልክቶ ሰፊ ሕዝባዊ ውይይት ተካሄደ። ​በውይይቱ መድረክ ላይ የአሁናዊ የሀገሪቱ የፖለቲካና የጸጥታ ሁኔታዎች እንዲሁም የፋኖ ትግል የደረሰበት የዕድገት ደረጃ በሰፊው ተዳሷል። በተጨማሪም የአማራ ፋኖ ጊዜያዊ መንግስት የሲቪል አስተዳደር ሕግ እና ሥርዓት ሁኔታዎች ለተሳታፊዎች በዝርዝር ተብራርተዋል። ​በመድረኩ የተገኙ የከተማዋ ነዋሪዎችና አባት አርበኞች በሰጡት አስተያየት፤ የፋኖን አጠቃላይ የትግል አውድና ዓላማ በጥልቀት መረዳታቸውን እና ከፋኖ ጋር በመሆን ይህን አንባገነን ስርዓት ከስሩ ለመንቀል እንታገላለን ብለዋል። ከዚህም ባለፈ በሀገሪቱ የሚገኙ የታጣቂ ኃይሎች ትብብርና አብሮነት ሀገርን ከህልውና አደጋ ለመታደግ ወሳኝ መሆኑን አጽንኦት ሰጥተው ተናግረዋል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ሚዲያና ኮሙኒኬሽን መምሪያ! ጥቅምት፦ 21/ 2019 ዓ/ም