ፍኖተ-አማራ ሚዲያ (Finote Amhara Media)

ሰበር ዜና ----------- አፋብን ሸዋ ጠቅላይ ግዛት አሳምነው 5ኛ ዕዝ በመርሐቤቴ አውራጃ አለም ከተማ ሰፍሮ በነበረው ጠላት ላይ ድል ሲቀዳጅ፤ በይፋትና ጥሙጋ አውራጃ የአጋንበርና ማፉድ ክላስተር አባት አርበኞች ታሪካዊ ድል መቀዳጀታቸው ተገለጸ! ጥቅምት 2/2019 ዓ.ም ------------------------------ አፋብን ሸዋ ጠቅላይ ግዛት አሳምነው 5ኛ ዕዝ ከመራኛና ሬማ ከተማ ሸሽቶ በመርሐቤቴ አለም ከተማ ካለው ኃይል ጋር እራሱን ለመከላከል የሰፈረው የጠላት ሰራዊት ላይ በተከፈተ አውደ ውጊያ የሕዝብ ልጅ ፋኖ ድል ተቀዳጀ። ዛሬ ከሊቱ 10:30 ጀምሮ በደበቡብ ግንባር ከአለም ከተማ ጫፍ በዞማ ተራራማ ስፍራ ፣በአቦ ፀበል ፣በሲብዋሻ አለም ከተማ ዙሪያ በጠላት የቁም ምሽግ ላይ በተቀናጀ መልኩ በተከፈተ አውደ ውጊያ በርካታ የጠላት ሠራዊት ሙትና ቁስለኛ ሆነዋል ሲል የግንባር መረጃችን ገልጿል።በተለይም በዞማ ተራራማ ስፍራዎች ላይ መሽጎ በነበረ የብልፅግና ሰራዊት ላይ በተፈፀመ ፈጣን ጥቃት የተደመሰሰው ጠላት ከፍተኛ ቁጥር ያለው ሲሆን፣ ቁስለኞችን በ6 አምቡላንስ ወደ እናት ሆስፒታል ሲያመላለልስና ሆስፒታሉም ለሌላ ታካሚ የተከለከለ መሆኑን የአይን እማኞች አረጋግጠዋል። በዚህም አውደ ውጊያ አገዛዙ በቦታው የነበረውን ሁሉንም ሀይሉን አሰልፎ ፣በድሮን በታገዘ ውጊያ መከላከልን አማራጭ በማድረግ ተደጋጋጋሚ የድሮን ድብደባ ያደረገ ሲሆን በዚህም የአንድ አርሶ አደር ቤት ሲቃጠል ፤የወገን ተዋጊ ሀይልን ማግኘት አለመቻሉ ተገልጿል። በነበረው አውደ ውጊያ ዕቅዱን ያሳካው ሰራዊታችን ገዢ ቦታዎችን በመያዝ በሙሉ ቁመናና ወኔ ላይ ይገኛል ሲል የግንባር መረጃችን አክሎ ገልጿል። ➢በሌላኛው የውጊያ ቀጣና ይፋትና ጥሙጋ አውራጃ የአጋንበርና ማፉድ ክላስተር አባት አርበኞች ጦር፤ አርማኒያ እና ጭራሜዳን ከዐብይ አህመድ ሰራዊት ነፃ ማድረጋቸው ተገልጿል። ከአዲስ አበባ ወደ መቀሌ በሚወስደው ጥቁር አስፓልት፡ አርማኒያና ጭራሜዳ ሠፍሮ የነበረውን የብልፅግና ሠራዊት፡ ፶ አለቃ ዓባይ ብርጌድ አርበኞች ጦር እና የማፉድ አባት አርበኞች ከባድ ትንቅንቅ አድርገው የጠላትን ምሽጎች ሲቆጣጠሩ፡ ከፍተኛ ምት ያስተናገደው የጠላት ኃይል በርካታ ሠራዊቱ ሙትና ቁስለኛ መሆናቸው ተረጋግጧል። በዚህ ከባድ ትንቅንቅ አባት አርበኞቹ አርማኒያ ከተማን፣ ሾላሜዳ ከተማን እና ጭራሜዳ ከተማን ሲቆጣጠሩ፡ በነዚሕ ምሽጎች ክፉኛ የተመታው ጠላት ሙትና ቁስለኞቹን ከተረፉት አባላቱ ጋር በመያዝ ፈርጥጦ ደብረሲና ከተማ መመሸጉ ታውቋል። ዕለቱም ታላቅ የጀግንነትና የድል ቀን ሆኗል። " ክብር ለትግሉ ሠማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ

​202ኛ ኮር በጌምድር ክፍለ ጦር ከፍተኛ አመራሮች በተገኙበት ጥልቅ ውይይት እና የግምገማ መድረክ አካሄደ! ​ጥቅምት 2/2019 ዓ.ም ​የድርጅቱ እና የአፋብን ጎንደር ጠቅላይ ግዛት በላይ ዘለቀ 3ኛ ዕዝ ከፍተኛ አመራሮች በተገኙበት፣ የዕዙን አደረጃጀቶች አቅም ይበልጥ ለማጠናከር ታስቦ የተዘጋጀ የግምገማና የውይይት መድረክ ተካሂዷል። ​ለሁለት ቀናት በቆየው በዚህ ጥልቅ ውይይትና ግምገማ፣ ባለፉት ጊዜያት የተከናወኑ ተግባራት በግልጽነትና በጥልቀት ተገምግመዋል። መድረኩ ሰራዊቱ እስካሁን ያስመዘገባቸውን ድሎች እና ያጋጠሙትን ክፍተቶች በመፈተሽ፣ በቀጣይ የሚወሰዱ እርምጃዎችን በጋራ ለመንደፍ የሚያስችል ትልቅ አቅም የሚፈጥር መሆኑ ተገልጿል። ​ከውይይቱና ከግምገማው ጎን ለጎንም ሰራዊቱን ለተለያዩ ወታደራዊ እና ፖለቲካዊ ግዳጆች በአግባቡ የማዘጋጀት ሰፊ ሥራ ተሰርቷል። ​በመድረኩ የተሳተፉት አመራሮች የሰራዊቱን ዲሲፕሊን፣ የትግል ቁርጠኝነት እና የፖለቲካ ንቃተ-ሕሊና ከፍ ማድረግ በሚያስችሉ ጉዳዮች ላይ በመምከር፣ ለቀጣይ ሥራዎች የሚያስችሉ ቁልፍ አቅጣጫዎችን አስቀምጠዋል። ​ህልውናችን በተባበረ ክንዳችን! የአፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ!

የደቡብ ወሎ ቦረና ወረዳ ፖሊስ ጽ/ቤት አዛዥ ኢንስፔክተር ጋሻው ካሳየ የአፋብን ቴዎድሮስ 2ኛ ዕዝ በምስራቅ ግምባር መካነሰላም መቅደላ ግምባር በወሰደው የተቀናጀ አውደ ውጊያ ተደምስሷል። ጀግናው ሰራዊታችን በህዝብ የተባበረ ድጋፍ አስደናቂ ጀብድ የፈፀመ ሲሆን መስከረም 24፣ 25 እና መስከረም 30 በአደረጋቸው ትንቅንቅ የ11ኛ ዕዝ 203ኛ ኮር 87ኛ ክ/ጦር ድባቅ በመምታት ሁለት የፖሊስ ከፍተኛ አመራሮችን ጨምሮ ለቁጥር አዳጋች የሆነውን ዘረ -ፈጅ ሰራዊት በመቅደላ ምድር ውጦ አስቀርቶታል። ይቀጥላል---------- ጥቅምት / 2/2019 ዓ.ም ምስራቅ ግምባር የአፋብን ህዝብ ግንኙነት ቡድን

እኛ አማራዎች ነን! ​የአማራ እውነተኛ የማንነት መንፈስ በልባችን ውስጥ የሰረጸ፣ የዳግማዊ አጼ ሚኒልክ የውትድርና ጥበብና ጀግንነት በአጥንታችን ውስጥ የታሰረ ጽኑዎች ነን። የነገዋ የአማራ ህዝብ ከሰንሰለት ነፃ ወጥቶ በክብር የሚቆመው በሌላ ሳይሆን በእኛ በራሱ ቆራጥና ታማኝ ልጆች እጣ ፈንታ ነው። ​አላማችን ግልጽ፣ ብሩህና አንድ ብቻ ነው! እሱም የትኛውንም የአብይ አህመድ አረመኔያዊ አየር ወለድ የጠላት ኃይል በሸዋ ምድር ብቻ ሳይሆን፣ በመላው የአማራ ሰፊ መሬት ላይ ድባቅ የመምታት የማይናወጥ ተፈጥሯዊ ፀጋና አቅም አለን። ​ሳንጨርስ አናቆምም፤ ላንጨርስም አልጀመርንም! ​ይህ አሁን የተቀዳጀነው የሰሞኑን ድል የትግላችን ማብቂያ ሳይሆን፣ የታላቅነታችንና የድላችን ገና መጀመሪያ ነው። ሙሉ ነፃነታችንን እጃችን ላይ እስከምናስገባ ድረስ እርምጃችን ወደፊት እንጂ ፈጽሞ ወደ ኋላ የለም! ​ምክንያቱም እኛ አማራዎች ነን! ተፈጥሮ እራሷ በሞራልና በክብር ውብ አድርጋ የፈጠረችን፤ የሌላውን በፍጹም የማይመኝ፣ ነገር ግን የራሱን ክብርና ርስቱን ለአንድም ሰከንድ አሳልፎ የማይሰጥ።የዳግማዊ ሚኒልክ፣ የቴዎድሮስ፣ ደግሞም የጀግናው የአሳምነው ልጆች በመሆናችን ትናንትን ያከበርን፣ ዛሬን የምንመክት፣ ነገንም በድል አክሊል የምንጨብጥ ታሪክ ሰሪዎች ነን! ​ድላችን አሁንም ወደ ፊት ይቀጥላል... የአፋብን አሳምነው 5ኛ ዕዝ ዋና አዛዥ አርበኛ እንጅነር ደሳለኝ ሲያስብ ሽዋ ከግዳጅ ቀጠና!! #Dave_Amhara

የአገዛዙ የሰራዊት አባሎች ስርዓቱን በመፀየፍ ምኒልክ 1ኛ ዕዝ 101ኛ ኮርን ተቀላቀሉ። የጠላት ከ10ኛ ዕዝ 72ኛ ክፍለ ጦር፣ በኩታ በር ከሚገኙት የዓድማ ብተና አባላት፣ እንዲሁም ከ11ኛ ዕዝ 16ኛ ክፍለ ጦር 1ኛ ሻለቃ የተውጣጡ 6 የሰራዊት አባላት፣ የ101ኛ ኮር አካል የሆነውን 15ኛ ክፍለ ጦር መቀላቀላቸው ተገልጿል። እነዚህ አባላት ወደፋኖ ሲቀላቀሉ 3 ሲናይቶና 4 ጥቁር ክላሽ መሣሪያዎችን ከሙሉ ትጥቃቸው ጋር ይዘው ተቀላቅለዋል ሲል የ101ኛ ኮር ሚዲያና ኮሙኒኬሽን መምሪያ መረጃዉን አድርሷል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ዕዝ ሚዲያና ኮሙኒኬሽን  መምሪያ!     ጥቅምት፦ 1/2/ 2019 ዓ/ም

#ስማኝ! በአራቱም የማዕዘን ንፋስ የምትኖር አማራ ሆይ፣ ዛሬ የምነግርህን አጥብቀህ ስማ! አሁን የቆምክበት ሰዓት ተራ ቀን አይደለም፤ የእጣ ፈንታህ መለያያ መስመር ላይ ነህ። ዛሬ ወይ ማንነትህን አስከብረህ በክብር ትኖራለህ፣ ወይም ደግሞ ከአብይ አህመድ፣ ከተመስገን ጥሩነህ እና ከጌታቸው ረዳ ስር ሁነህ እስከ ዘላለም ስትርገጥ ትኖራለህ፤ አሊያም ከዚህ ምድር ገፅ ተደምስሰህ ታሪክህ ያበቃል። ​ምናልባት የአብይ አህመድ የመደመር ፍልስፍና ያልገባው አማራና ኢትዮጵያዊ አሁን ይኖራል ብዬ አላስብም። እስኪ ዞር ብለህ ወደ ኋላ ተመልከት፤ አብይ አህመድ ወደ ስልጣን ከመጣ ጀምሮ ያለፉትን ሰባትና ስምንት ዓመታት አስባቸው። ስንት የንጹሃን የአማራ እናቶች በዚህ አገዛዝ ምክንያት ሜዳ ላይ ወድቀው ቀሩ? ​በወልቃይት የምትመራ የወልቃይት ዘብ ሆይ፣ በራያ በኩል ያለህ አማራ መሳይ፣ በአጣዬ ዙሪያ የምትኖር የእነ ወንድሙ ካሳ አሽከር፣ በደራ በኩል የምትገኝ የአብይ አህመድ የግብር አቀባይ፣ በወለጋ እና በመተከል ያለህ የሽመልስ አብዲሳ ገዳ ኮማንድ ቃል አቀባይ አማራ... ሁላችሁም አዳምጡኝ! ዛሬ ካልነቃህ ነገ እቤትህ መጥቶ ሊያድንህ የሚችል አንድም ምድራዊ ኃይል የለም! ​አዲስ አበባ ላይ ተቀምጠህ 'እየታሰርን ነው' እያልክ በየቀኑ ማማረሩን ተወው! በማን ደም ነው ነፃ ልትወጣ የምታስበው? አሁን ከሌሎች የሀገራችን የጦር አበጋዞች ጋር ሆነህ፣ ማንነትህን እና የገዛ ልጅህን የአማራ ልጅ ፋኖን የምትጠብቅበት ሰዓት አሁኑኑ ነው! ​ስለዚህ ንቃ! በመላው ኢትዮጵያ የምትገኝ ወንድሜ ሆይ፣ ትነቃ እንደሆን አሁን ንቃ! ተፃፈ Dave Amhara

አስቸኳይ የህይወት አድን ጥሪ፦ ዶ/ር ወንደሰን አሰፋን ከቃሊቲ ወስደው ቂሊንጦ 1. ቦታው ቆርቆሮ በቆርቆሮ የሆነ ጠባብ መንቀሳቀስ የማይቻልበት 2. አይጦችን ጨምሮ የተለያዩ ነፍሳት የሞሉበት 3. የሽንት ቤት ሽታ ከአቅም በላይ የሆነበት የቅጣት ቦታ ዞን 6 ብቻውን እንዲታሰር ካደረጉት እንሆ ሳምንቶች አልፈዋል። በመሆኑም ዶ/ር ወንደሰን የግፊት ህመምተኛ ሆኖ መድሀኒት እየወሰደ የነበረ ሲሆን አሁን የታሰረበት ስፍራ ለሰው ልጅ የማይመጥን እና የሚያሳዝን በመሆኑ የተነሳ ግፊቱ ጨፍሮ ህይወቱ አደጋ ላይ መሆኑ ታውቋል። ሌላው ከፍተኛ የአስም ህመምተኛ በመሆኑ ከእሰር ቤቱ ጥበት፡ ሽታ እና ከፍተኛ ንፋስ የተነሳ ህይወቱ አደጋ ላይ ነው። ቤተሰቦቹም እንዳይጠይቁት ገደብ ተጥሎበታል። ስለዚህ አሁን በደረሰን አሳሳቢ መረጃ መሠረት ማረሚያ ቤቱ እንዲያስተካክልለት ቢጠይቅም መልስ ማግኘት ባለመቻሉ የተነሳ  የሚወስደውን መድሐኒት ለማቋረጥ ፡ ምግብ ላለመብላት የወሰነ መሆኑን ቀጣይ በሕይወቴ ላይ ለሚመጣው አደጋ  ማረሚያ ቤቱ እና የፍትህ ተቋማት ኃላፊነቱን የሚወስዱ መሆኑን ህዝብ እና የሰብአዊ ተቋማት እንዲያውቁልኝ በማለት አሳውቋል። ዶ/ር ወንደሰን አሰፋ

"በማን ደም የማን ስልጣን ሊቆም" በሚል የአገዛዙ ጦር በተናጠልና በቡድን ከስምሪት ቀጠናው እየጠፋ ፋኖን መቀላቀሉን ቀጥሏል! የብልፅግና ስርዓትን ፀረ አማራነትና እና ሀገር አፍራሽነት የተረዱ የስርዓቱ አገልጋይ የነበሩ ወታደሮች ዛሬ ጥቅምት 01/2019 ዓ/ም በአፋብን 2ኛ ቴዎድሮስ ዕዝ 109ኛ ኮር 77ኛ ክፍለጦር ማንኩሳ ሻለቃን መቀላቀላቸውን መረብ ሚዲያ ከክፍለጦሩ ሕዝብ ግንኙነት ክፍል ለማረጋገጥ ችሏል። መልካሙ ወርቁ እና አንተነህ መኩሪያ የተባሉ ወታደሮች ናቸው ማንኩሳ ከተማ ከነበረ ካምፓቸው ከነሙሉ ትጥቃቸው በመውጣት ቴዎድሮስ 2ኛ ዕዝ 109ኛ ኮር 77ኛ ክፍለጦር ማንኩሳ ሻለቃ የተቀላቀሉት። ይቀጥላል ዴቭ አማራ አንተ በአለህበት በርትተህ ስራ !! አመሰግናለሁ ጓዶቼ

ሽዋ የአገር ማገር የአገር ካስማ!!

በደቡብ ወሎ የቦረና ወረዳ ፖሊስ አመራር የነበረው ዋና ኢንስፔክተር አበባው ብሬ ቴዎድሮስ ዕዝ በምስራቅ ግምባር በፈፀመው አስደናቂ ጀብዱ በጀግናው ሰራዊታችን ተደምስሷል። አንፀባራቂው ድል ይቀጥላል ጠላትና የጠላት ሎሌ ይወገዳል።

አይ አማራ! ምን አይነት ፍጡር ነው ግን! በማሪያም ዛሬ ልንገራችሁ! ​በሸዋ ጠቅላይ ግዛት የታሪክና የጀግንነት ምድር ላይ ዛሬም የነፃነትና የጽናት ንፋስ እየነፈሰ ነው! ይህ ምድር የጀግኖች መፈልፈያ፣ የቆራጦች መሸሸጊያ፣ የእውነትና የፍትህ መድረክ መሆኑን አሁንም በተግባር እያሳየ ይገኛል። ​በዚህ ታሪካዊ አውድማ ላይ ግንባራቸውን ለጥይት፣ ደረታቸውን ለጦር ሰጥተው የሚፋለሙት ሁለት ድንቅ የቁርጥ ቀን አናብስት አሉ፦ አርበኛ አማን እሸቱ የአፋብን አሳምነው 5ኛ ዕዝ ዋና ጦር አዛዥ አርበኛ ኢሳያስ ደመቀ የአፋብን አሳምነው 5ኛ ዕዝ ምክትል ወታደራዊ አዛዥ የእነ አማረ ታዘዘ ወንድም ​እነዚህ ሁለት ጀግኖች ልባቸው እንደ ብረት የደነደነ፣ አሞተ ኮስታራ፣ ለወገን ህልውና፣ ለማንነትና ለነፃነት ሲሉ እሳቱን በፍቅር የሚረግጡ የፋኖ አበጋዞች ናቸው! ​ብዙዎቹ የትግሉ ደጋፊዎችና ህዝቡ በስም ብቻ ሊያውቋቸው፣ በሩቅ የጀግንነት ወሬያቸውን ሊሰሙ ይችላሉ፤ እኔ ግን በቅርርብ የማውቃቸው፣ የቃላቸውንና የተግባራቸውን ሚዛን በአይኔ ያየሁት የእውነት አናብስት ናቸው። ሰሞኑን ዘመናዊ መሳሪያ ታጥቆ የመጣውን የዐቢይ አህመድ አረመኔያዊና እብሪተኛ የአየር ወለድ ኃይል አፈር ድሜ አብልተው፣ ምድር አስመርረውና ፍፁም ተስፋ አስቆርጠው ድባቅ የመቱት እነዚሁ ጀግኖች ናቸው! ​የጠላት ኃይል በታጠቀው መሳሪያ ተመክቶ በሸዋ ምድር እብሪቱን ሊዘራ ቢሞክርም፣ በነዚህ አናብስት የህዝብ አለኝታነትና የቆራጥነት ስልት ፊት ግን ድባቅ ተመቶ ወድቋል። ​ በሸዋ ምድር እብሪት ተሰብሯል! ታሪክም የእነዚህን አናብስት ገድል በወርቅ ቀለም ይጽፈዋል! #Dave_Amhara ከይፋቶቹ መንደር ዛሬ ተገኝቻለሁ!!

ከጄኔራል ዘውዱ ሰጥአርጌ 11ኛ ዕዝ የተማረኩ ምርኮኞችን ፍፁም አማራዊ በሆነ ስነ-ልቦና እየተንከባከብን እንገኛለን። በውጊያ መካከል የቆሰሉ ቁስለኞችን አሳክመን አስፈላጊውን ሰብዓዊ እርዳታ እንዲያገኙ በጤና ቡድናችን በኩል አስቻይ ሁኔታዎችን ፈጥረናል። የአለም አቀፍ የጦር ህግ የሚደነግገውን አለም አቀፍ የምርኮኞች አየያዝ ህግና ስነ-ስርዓት ያለመሸራረፍ እየፈፀምን ነው። ድርጅታችን አፋብን በሰጠን ግልፅ  መመሪያ የምርኮኞችን ስነ-ልቦ ከፍ ያደረጉ የፖለቲካ ስልጠናዎችን እየሰጠን የምርኮኞች የሞራል ልዕልና እንዳነሱት ክንዳቸው በልበ ሙሉነት እንዲንቀሳቀሱ አድርገናል ከሰራዊታችን እና ከህዝባችን ጋር የጀመሩት መልካም ግንኙነትም ከሚጠበቀው በላይ ውጤት አምጥቷል። የተሻለ ህክምና የሚያስፈልጋቸውን ቁስለኞች ጥሩ የህክምና አገልግሎት እንዲያገኙ ያደረግን ሲሆን ህክምናቸውን እየተከታተልን ነው። ምርኮኞችን በአማራ ህዝብ ባህል፣ ወግ፣ ሐይማኖታዊ ትውፊቶች ጭምር እየተንከባከብን ትግላችን በድል ታጅቦ እንዲቀጥል የተሰጡንን መመሪያዎች ያለ መሸራረፍ እንፈፅማለን። ባየ ደስታ PR

ህዝባዊ አስተዳደሩ መድረኮችን መፍጠር ማወያየት እና አደረጃጀቶችን መፈተሽ ማጠናከር ዘወትራዊ ስራዎቹ ናቸው !! ቀን01/02/2019ዓም የአፋብን ቴዎድሮስ 2ኛ ዕዝ 105ኛ ኮር 66ኛ ክ/ጦር በሚያስተዳድራቸው ሰፊ ቀጠናዎች ዉስጥ የፓዊ ወረዳ ህዝብ አስተዳደር አንዱ ሲሆን በወረዳው ያሉ ሰፋፊ ቀበሌወችን ለስራ (ለቀልጣፋ የህዝብ አገልግሎት ) በሚመች መልኩ ማደራጀት ተችሏል። በመድረኩም የህዝባዊ አስተዳደር እና የክ/ጦር አመራሩ በጋራ በመሆን የግንዛቤ ማስጨበጫ ውይይት አድርገው ወርቅ ሀገር እና ደቅ ቀበሌ መዋሮችን በመፈተሽ አደራጅተዋል በተጨማሪም ስለ ቀጣይ ትግላችን ቅድመ ዝግጅት በማድረግ ሁሉም የሚጠበቅበትን በፅናት አስተዋስኦ ማድረግ እንዳለበት በዉይይቱ ላይ ተነስቷል። አዲስ ትዉልድ፣አዲስ አስተሳሰብ፣አዲስ ተስፋ!!! አፋብን ቴዎድሮስ 2ኛ ዕዝ ህዝብግንኙነት መምሪያ

የምኒልክ 1ኛ ዕዝ ከአምባሰል ወረዳ ከማርዬ ቀበሌ ነዋሪዎች ጋር ህዝባዊ  የውይይት መድረክ አካሄደ! በምስራቅ ግንባር ወታደራዊ እንቅስቃሴ እያካሄደ የሚገኘው የአማራ ፋኖ ብሔራዊ ንቅናቄ (አፋብን) ምኒልክ 1ኛ ዕዝ፣ በአምባሰል ወረዳ 09 (ማርዬ)ቀበሌ  የሕዝባዊ ውይይት መድረክ አካሂዷል ። በመድረኩ የምኒልክ 1ኛ ዕዝ ከፍተኛ አመራሮች፣ የ14ኛ ኮር፣ የክፍለ ጦር እና የደቡብ ወሎ ዞን ሲቪል አስተዳደር አመራሮች ተገኝተዋል። የውይይቱ ዋና ዓላማ በሕዝቡና በፋኖ መካከል ያለውን ግንኙነት ማጠናከር፣ የትግሉን ዓላማና አቅጣጫ ማብራራት እንዲሁም ከማኅበረሰቡ የሚነሱ ሐሳቦችንና ምክረ ሐሳቦችን ማዳመጥ ሲሆን በውይይቱ ወቅት በአማራ ሕዝብ ላይ ለረጅም ጊዜ ተፈጽመዋል ስለተባሉ የዘር ማጥፋትና ሌሎች ጥቃቶች፣ እንዲሁም በአሁኑ ወቅት እየተባባሱ ናቸው በሚል ስለቀረቡ ክሶች ሰፊ ማብራሪያ በአመራሮቹ በኩል ተሰጥቷል ። አመራሮቹ የትግሉን መነሻና ዓላማ ሲያብራሩ፣ ሕዝባችን የህልውና ጥያቄ እንደገጠመዉ እና የህዝባችን ደኅንነት መጠበቅ፣ ከጥቃት መከላከልና ፍትሕና ርትዕ ማስፈን የትግሉ ዋና ግቦች እንደሆኑ በመግለፅ ሰፊ ማብራሪያ ሰጥተዋል። በተጨማሪም አፋብን ከሌሎች አጋር ኃይሎች ጋር ስለሚያደርገው ትብብርና ወታደራዊ አጋርነት፣ እንዲሁም የጋራ ዓላማዎችን ለማሳካት ስለሚከተለው አቅጣጫ ለተሳታፊዎቹ ማብራሪያ ተሰጥቷል። በመድረኩ ላይ የተሳተፉ ነዋሪዎች  ለትግሉ ያላቸውን ድጋፍ መግለጻቸውንና በወደፊት የፖለቲካና የውጊያ እንቅስቃሴዎች ላይ መሻሻል አለባቸው ያሏቸውን ጉዳዮች በማንሳት ገንቢ ሐሳቦችን አቅርበዋል። ይህ በአምባሰል ወረዳ ማርዬ የተካሄደው ይህ የሕዝባዊ ውይይት መድረክ በሕዝቡና በፋኖ መካከል ያለውን ትብብር ለማጠናከር፣ የማኅበረሰቡን ሐሳብ ለማዳመጥና በትግሉ አቅጣጫ ላይ የጋራ ግንዛቤ ለመፍጠር ያለውን ሚና አሳይቷል ሲል የ14ኛ ኮር ቃል አቀባይ መረጃዉን አድርሷል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ዕዝ ሚዲያና ኮሙኒኬሽን  መምሪያ!     ጥቅምት፦ 1/2/ 2019 ዓ/ም