መጽሐፍ

✅አንድ የታክሲ ሹፌር አንድ ተሳፋሪ ጭኖ ወደ መድረሻው እየተጓዘ ሳለ፣ በመንገድ ዳር አንዲት የዓይን ስውር ሴት በከፍተኛ ተስፋ መቁረጥ የታክሲ ምልክት ስታሳይ ተመለከተ። ሹፌሩም አብሮት ያለውን ተሳፋሪ በትህትና “ጌታዬ፣ እቺን ሴት ብንጭናት ይከፋዎታል?” ሲል ጠየቀው። ተሳፋሪውም “ችግር የለም፣ ጫናት” በማለት ፈቀደ። ✅ሹፌሩ ከመኪናው ወርዶ ወደ ሴትየዋ ቀረበና “ጤና ይስጥልኝ፣ የታክሲ ሹፌር ነኝ፤ እርዳታ ትፈልጊያለሽ?” አላት። ሴትየዋ በእፎይታ ፈገግ ብላ “ከልብ አመሰግናለሁ! ለሰዓታት ብቆምም ማንም ሊያቆምልኝ አልቻለም ነበር” ስትል በምሬት ተናገረች። አብረው ከተጕዙ በኃላ መድረሻዋ ቦታ ስትደርስ “ሒሳቡ ስንት ነው?” ስትል ጠየቀች። ሹፌሩም “10 ዶላር ብቻ” አላት። እርሷም በኪሷ ያለውን ገንዘብ ሁሉ አውጥታ “እባክህ 10 ዶላር ብቻ መርጠህ ውሰድ” አለችው። ✅ተሳፋሪውም ሹፌሩን በትኩረት ይከታተለው ነበር። ሹፌሩ ግን ከእጇ ላይ 20 ዶላር አነሳ። ተሳፋሪው በልቡ “የማታይ ስለሆነች ሊያታልላት ነው” ብሎ አሰበ። ነገር ግን ሹፌሩ “20 ዶላር ወስጃለሁ፣ ይሄውልሽ መልስሽ” በማለት ሁለት ባለ 100 ዶላር ወረቀቶችን (200 ዶላር) እጇ ላይ አኖረላት። ሴትየዋም በደስታ አመስግና ወረደች። ✅መኪናው ጉዞውን ሲቀጥል፣ ተሳፋሪው በመገረም “ለምንድነው ካለህ ላይ ቀንሰህ ተጨማሪ ገንዘብ የሰጠሃት?” ሲል ጠየቀው። ሹፌሩም ፈገግ ብሎ “እኔ ገንዘብ ለማግኘት አቅሙም ጤናውም አለኝ፤ ለእሷ ግን ህይወት ከባድ ነው” ሲል መለሰለት። ✅ተሳፋሪው መውረጃው ጋር ደርሶ ሳይከፍል የወረደ መሰለ። ሹፌሩ ዞር ሲል ግን በመቀመጫው ላይ 2,000 ዶላር ተቀምጦ አየ። ደንግጦ “ጌታዬ! ሒሳብዎ እኮ 20 ዶላር ብቻ ነው” ብሎ ተጣራ። ተሳፋሪውም ዞር ብሎ ፈገግ አለና “ለእኔም ገንዘብ ማግኘት ቀላል ነው፤ ይሄ ለአንተ ይሁን። ትልቅ አክብሮት አትርፈሃል” አለው። ---------------   -------------  ------------- ✅ሁሉም ሰው ለመቀበል በሚተጋበት ዓለም ውስጥ፣ አንተ ለመስጠት የምትተጋ ደግ ሰው ሁን። ደግነት ሰንሰለት ነው፤ ለአንዱ ስታደርግ ሌላው ለአንተ እንዲያደርግ የፈጣሪ መንገድ ይከፈታል። ከገንዘብ በላይ የሰው ልጅ ትልቁ ሀብቱ ለተቸገሩት የሚያሳየው ርህራሄና ንጹህ ሰብዕናው ነው። 📚📌ማጋራት አይዘንጋ! JOIN ✅✅✅ 📚 @HuluBooks