رضوان | مختارات

قواعد للتعافي من الإباحية: 1- قاعدة القواعد: "ولا تقربوا الزنا" أي حاجة تحطك على أول الزوحليقة، لازم تتخلص منها تماما، لازم تبعد عنها على وجه التنفيذ، أي صور، أي فيديوهات، لو الريلز هيا اللي بتوقعك وقف تماما، لو في مكان معين أو صحبة كلامهم بيستثير فيك الشهوة، ابعد عنهم تماما. امنع التخيل الجن--سي، وقف العادة السرية. 2- قاعدة الامتناع التام: هل نعمل تدريج؟ لا، وقف تماما، في بعض الناس تقولك قلل عدد المرات، لا.. امنع تماما وتحمل الأعراض الانسحابية.. وإذا حصل انتكاسة سارع بالتوبة واكمال طريق التعافي، وتعلم من الانتكاسة إيه الأسباب اللي وقعتك. ولا يجوز للمسلمِ إذا تاب ثمَّ عاد إلى المعصية أن يُصِرَّ ؛ بل يتوب ولو عاد في اليوم مائة مرة . 📙ابن تيمية"مجموع الفتاوى ١٦/ ٥٨ 3- قاعدة الانتباه: يقظة مستمرة، دايما مركز، عندك يقظة ذهنية وجسدية، يقظة ذهنية، واخد بالك من المؤثرات اللي بتدفع للاستجابة الإدمانية، لازم تبقى عندك خطة للتعامل مع مثيرات البيئة المحيطة، ويقظة جسدية، هعمل إيه مع الجوع والعطش؟ إيه الحل الجاهز عندك؟ 4- قاعدة الاعتراف: أول خطوة لحل المشكلة إنك تعترف إنها مشكلة، التوصيف المتوازن للإبتلاء دا إن إدمان الإباحية مشكلة كبيرة "لها حل". ما تقولش إيه يعني صور ولا فيديوهات، يبقى كدا انتا مش فاهم يعني إيه إدمان. الاعتراف دا جزء مهم منه أن تدرك أن الاستعانة بالله والتضرع لله كافي. 5- قاعدة الأعداء: من واقع التجارب الشخصية، الوحدة والفراغ والضغط النفسي أكتر حاجات بيوقعوك في الانتكاسة. اكتر نصيحة بقولها، ما تسيبش نفسك لوحدك، دا رابط ذهني وارتباط شرطي اول ما تقعد لوحدك ايدك بتروح على طول للموقع الفلاني.. عشان كدا إعادة صياغة الارتباط الشرطي دا مهم جدا، تنتقل من ذنوب الخلوات إلى طاعات الخلوات زي قيام الليل والمناجاة في السحر، أول ما تلاقي نفسك هتقعد لوحدك انزل، روح مسجد، ذاكر في كوورك سبيس، اتمشى في الشارع. واشغل وقت فراغك، الفاضي بيقع.. الفاضي بيقع. خد بالك وقت الإمتحانات بتكون مضغوط، ودماغك متعودة إنك تجيب الدوبامين الكتير والسيروتونين من المسار الإدماني، فبتروح عليه ع طول. اتعلم ازاي تفك الضغط. "بعضُ المعارِك لا يُغالبها إلا أن يحلَّ الذكرُ محلَّ الفكر، ذلك بأنّ إقرار العبدِ بفقره لربّه هو أثمنُ ما يملك!"