ሰማያዊ ወግ (The tradition of heaven)

ጠላት የቆረጠው ነገር። አዶኒቤዜቅ ስሙ ትርጉም "የቤዜቅ ጌታ" ማለት ነው። አዶኔቤዜቅ በእስራኤል ላይ እጅግ ክፉ ነበር፣ በዘመኑ የነበሩትን የእስራኤል መሪዎች የእጅና የእግር አውራ ጣቶች ይቆርጥ እና ከገበታው የተረፈውን ለቅመው እንዲበሉ ይጥላቸዋል። የእጃቸውና የእግራቸው አውራ ጣት የተቈረጡ ሰባ ነገሥታትን ከገበታው በታች ፍርፋሪ ያስለቅም ነበር። የእስራኤል ነገስታትን ሁሉ እንዲህ አድርጓል። የእጁ አውራ ጣት እየቆረጠ እየለቀመ መብላት አዶኒቤዜቅ ሁለቱንም ይቆርጥ ነበር። ከመሬት ለቅሞ ለመብላት አውራ ጣት፣ ሸሽቶ ለማምለጥም የእግር አውራ ጣት ያስፈልጋል። የእግር አውራ ጣት ስንቆም የሰውነታችንን ሚዛን ለመጠበቅ ይረዳል። ስንራመድ ሰውነታችንን ወደፊት ለመግፋት ይረዳል። ስንሮጥ ኃይል ለመስጠት ወሳኝ ነው። ከመሬት ስንነሳ ኃይል ለመፍጠር ይረዳል። የእግር አውራ ጣት ሚዛናችንን በመጠበቅና ሰውነታችንን ወደፊት በመግፋት ለመራመድና ለመሮጥ ያስችለናል። ቢሆንም አዶኒቤዜቅ ቆርጧቸዋል። የእጅ አውራ ጣት፦ እቃዎችን በጥብቅ ለመያዝ ይረዳል። ነገሮችን ከጣቶች ጋር በመጠቀም ለማንሳት ያስችላል። ለማህተምና ለደብዳቤ እስክሪብቶ ለመያዝ ይረዳል። ልብስ ለመልበስ፣ ቁልፍ ለመክፈት ያግዛል። የእጅ አውራ ጣት ከሌሎች ጣቶች ጋር በመገናኘት መያዝና ትክክለኛ የእጅ ሥራ እንድንሠራ ያስችለናል። ቢሆንም አዶኒቤዜቅ ቆርጧቸዋል። ይሄ ክፉ የጨለማው አሰራር ነው። አንዳንዴ እንዳናድግ ሰይጣን ወሳኝ የአካል ክፍላችንን ያጠቃብናል፣ ባለንበት እንድንቆም፣ ከእስራቱ እንዳናመልጥ፣ በረከት አጠገብ ሆነን ከበረከት እንድንርቅ፣ ምንጭ አጠገብ ሆነን እንድንጠማ፣ ጎተራ አጠገብ ሆነን እንድንራብ የጨለማው ሀይል ወሳኝ የህይወታችንን ክፍል ጎድቶ ሽባ ያደርገናል። እኛ ግን የክርስቶስ አእምሮ አለን፣ ንቁ!!!!