មន្ទីរសុខាភិបាលខេត្តកោះកុង

តើពលរដ្ឋណាខ្លះជាក្រុមគោលដៅនៃកាគ្របដណ្ដប់ដោយប្រព័ន្ធគាំពារសុខភាពសង្គមនៅកម្ពុជា? === សូមជម្រាបជូនថាការគ្របដណ្ដប់ពលរដ្ឋដោយប្រព័ន្ធគាំពារសុខភាពសង្គម បានកើនឡើងពីចំនួនប្រមាណ ៦,៥ លាននាក់ នៃពលរដ្ឋសរុប ក្នុងឆ្នាំ២០២៣ ដល់ចំនួនប្រមាណ ៨,៥ លាននាក់ នៃពលរដ្ឋសរុប ត្រឹមដំណាច់ឆមាសទី១ ឆ្នាំ២០២៦ នេះ។ វឌ្ឍនភាពដ៏គួរឱ្យកត់សម្គាល់នេះ ឆ្លុះបញ្ចាំងពីលទ្ធផលនៃកិច្ចខិតខំរបស់រាជរដ្ឋាភិបាល ក្រោមការដឹកនាំបន្តវេនដ៏ឈ្លាសវៃ ប្រកបដោយបញ្ញាញាណ និងថាមភាព របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការអនុវត្តកម្មវិធីគោលនយោបាយអាទិភាពរបស់រាជរដ្ឋាភិបាលនីតិកាលទី៧ នៃរដ្ឋសភា ក្នុងរយៈពេល ៣ឆ្នាំដំបូង។

សម្ដេចធិបតី បង្ហើបថា ថ្ងៃណាមួយនៅម៉ោង ២ទៀបភ្លឺ ខ្ញុំនឹងទៅដល់មុខផ្ទះរបស់រដ្ឋមន្រ្ដីសុខាភិបាល ដើម្បីហៅចុះទៅពិនិត្យតាមមណ្ឌលសុខភាព ថាតើ ពិតជាបានបើកដំណើរការ ២៤ម៉ោង លើ ២៤ម៉ោង មែនឬអត់។ កន្លងមក ឯកឧត្ដមរដ្ឋមន្រ្ដីសុខាភិបាល បានអះអាងថា មណ្ឌលសុខភាពទូទាំងប្រទេសស្ទើតែ ១០០% បានបើកដំណើរការ ២៤ម៉ោង រួចហើយ។ សម្ដេចធិបតី ហ៊ុន ម៉ាណែត, ១៦ កញ្ញា ២០២៦។ #STPM JOIN CHANNEL "🔔"

អបអរសាទរ ខួបលើកទី៤១ ទិវាអូហ្សូនបរិស្ថានអន្តរជាតិ( International Day for the Preservation of the Ozone Layer ) ១៦ កញ្ញា ១៩៨៥ - ១៦ កញ្ញា ២០២៦ 🌐Website 📱Facebook 📱Telegram 📱X (twitter) 📱Tiktok 📱YouTube

លោកវេជ្ជបណ្ឌិត ង៉ែត ចំរើន ប្រធានការិយាល័យបង្ការ និងគ្រប់គ្រងជំងឺ បានអញ្ជើញចូលរួមកិច្ចប្រជុំលើកទី២ ក្រុមការងារបច្ចេកទេសចម្រុះវិស័យអប់រំ ថ្នាក់ក្រោមជាតិសម្រាប់ខេត្តកោះកុង ក្រោមអធិបតីភាព លោក ជា សូវី អភិបាលរង នៃគណៈអភិបាលខេត្តកោះកុង ដើម្បីពិនិត្យលើវឌ្ឍនភាពនៃការគាំទ្រវិស័យអប់រំ និងពិភាក្សា ដោះស្រាយបញ្ហាប្រឈមផ្សេងៗ។   ធ្វើនៅសាលប្រជុំមន្ទីរអប់រំ យុវជន និងកីឡាខេត្តកោះកុង ថ្ងៃអង្គារ ៤កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែកញ្ញា ឆ្នាំ២០២៦ វេលាម៉ោង ៨.០០នាទីព្រឹក

មន្ត្រីសុខាភិបាលខេត្តកោះកុងចំនួន ៥រូប បានចូលរួមវគ្គបណ្តុះបណ្តាល ដល់ក្រុមឆ្លើយតបបន្ទាន់ ទៅនឹងការរាតត្បាតជំងឺផ្លូវដង្ហើម ធ្វើនៅសណ្ឋាគារអង្គប៉ារ៉ាឌី ខេត្តសៀមរាបថ្ងៃទី១៤-១៥ ខែកញ្ញា ឆ្នាំ២០២៦។ សមាសភាពចូលរួម៖ ១.លោក សាម វណ្ណថា មន្ត្រីក្រុមឆ្លើយតបបន្ទាន់មន្ទីរសុខាភិបាលខេត្តកោះកុង ២. លោក ណុប សុគន្ធ មន្ត្រីក្រុមឆ្លើយតបបន្ទាន់មន្ទីរសុខាភិបាលខេត្តកោះកុង ៣. កញ្ញា ឡេង គឹមសួ មន្ត្រីចត្តាឡីស័ក មន្ទីរសុខាភិបាលខេត្តកោះកុង ៤. លោក ខែម រត្ថា មន្ត្រីក្រុមឆ្លើយតបបន្ទាន់ការិយាល័យសុខាភិបាលស្រុកប្រតិបត្តិស្មាច់មានជ័យ ៥. លោក វន ជីវិត មន្ត្រីក្រុមឆ្លើយតបបន្ទាន់ការិយាល័យសុខាភិបាលស្រុកប្រតិបត្តិស្រែអំបិល គោលបំណង ១.ពង្រឹងចំណេះដឹង និងសមត្ថភាពរបស់ក្រុមឆ្លើយតបបន្ទាន់ (RRT) ក្នុងការរកឃើញ ស៊ើបអង្កេត វាយតម្លៃហានិភ័យ និងឆ្លើយតបទៅនឹងការរាតត្បាតជំងឺផ្លូវដង្ហើមបានទាន់ពេលវេលា និងមានប្រសិទ្ធភាព។ ២.ពង្រឹងការសម្របសម្រួល និងការអនុវត្តវិធានការឆ្លើយតប របស់ក្រុម RRT ក្នុងការគ្រប់គ្រង និងទប់ស្កាត់ការរីករាលដាលនៃជំងឺផ្លូវដង្ហើមនៅក្នុងសហគមន៍។

មន្ទីរពេទ្យបង្អែកស្រែអំបិល បានរៀបចំបញ្ចាំងភ្លើងពណ៌ទឹកក្រូចលើអគារមន្ទីរពេទ្យ ជាតំណាងសុវត្ថិភាពអ្នកជំងឺដើម្បីប្រារព្ធទិវាសុវត្ថិភាព អ្នកជំងឺឆ្នាំ២០២៦ ក្នុងគោលបំណង ទាក់ទាញចំណាប់អារម្មណ៍សាធារណៈជន នូវការយកចិត្តទុកដាក់លើសុវត្ថិភាពអ្នកជំងឺ និងលើកកម្ពស់ការយល់ដឹងអំពីការអនុវត្តប្រកបដោយសុវត្ថិភាព សម្រាប់ការថែទាំនៅក្នុងមូលដ្ឋានសុខាភិបាលដោយផ្តោតលើអន្តរាគមន៍ផ្អែកលើភស្តុតាង។ ពណ៌ទឹកក្រូច "តំណាងឱ្យតួនាទីសំខាន់ នៃសុវត្ថិភាពអ្នកជំងឺដើរតួក្នុងកិច្ចខិតខំប្រឹងប្រែងរបស់ក្រសួងសុខាភិបាលដើម្បី សម្រេចបាននូវការគ្របដណ្តប់សុខភាពជាសកល" និងតំណាងឱ្យភាពមើលឃើញ និងសាមគ្គីភាពក្នុងការ លើកកម្ពស់ការយល់ដឹង។

ថ្នាក់ដឹកនាំសុខាភិបាល មន្រ្តីសុខាភិបាលពាក់ព័ន្ធក្នុងខេត្តកោះកុង បានចូលរួមវគ្គភាពអ្នកដឹកនាំ និងនវានុវត្តន៍លើកទី១៣២ ក្រោមអធិបតីភាពដ៏ខ្ពង់ខ្ពស់ ឯកឧត្ដមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល តាមរយៈប្រព័ន្ធនិម្មិត (zoom)។ ក្នុងវគ្គនេះ ក៏មានបទបង្ហាញរបស់មន្ទីរពេទ្យបង្អែកកោះធំ ជាមន្ទីរពេទ្យបង្អែកបម្រើសេវាកម្រិត CPA3។ ថ្ងៃអង្គារ ៤កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែកញ្ញា ឆ្នាំ២០២៦ ចាប់ពីម៉ោង ២:០០នាទីរសៀល

មន្ទីរពេទ្យបង្អែកខេត្តកោះកុង បានរៀបចំបញ្ចាំងភ្លើងពណ៌ទឹកក្រូចលើអគារមន្ទីរពេទ្យ ជាតំណាងសុវត្ថិភាពអ្នកជំងឺដើម្បីប្រារព្ធទិវាសុវត្ថិភាព អ្នកជំងឺឆ្នាំ២០២៦ ក្នុងគោលបំណង ទាក់ទាញចំណាប់អារម្មណ៍សាធារណៈជន នូវការយកចិត្តទុកដាក់លើសុវត្ថិភាពអ្នកជំងឺ និងលើកកម្ពស់ការយល់ដឹងអំពីការអនុវត្តប្រកបដោយសុវត្ថិភាព សម្រាប់ការថែទាំនៅក្នុងមូលដ្ឋានសុខាភិបាលដោយផ្តោតលើអន្តរាគមន៍ផ្អែកលើភស្តុតាង។ ពណ៌ទឹកក្រូច "តំណាងឱ្យតួនាទីសំខាន់ នៃសុវត្ថិភាពអ្នកជំងឺដើរតួក្នុងកិច្ចខិតខំប្រឹងប្រែងរបស់ក្រសួងសុខាភិបាលដើម្បី សម្រេចបាននូវការគ្របដណ្តប់សុខភាពជាសកល" និងតំណាងឱ្យភាពមើលឃើញ និងសាមគ្គីភាពក្នុងការ លើកកម្ពស់ការយល់ដឹង។

នៅថ្ងៃទី១៤ ខែកញ្ញា ឆ្នាំ២០២៦ ក្រុមការងារប្រយុទ្ធនឹងជំងឺគ្រុនឈាម មន្ទីរសុខាភិបាល នៃរដ្ឋបាលខេត្តកោះកុង ស្រុកប្រតិបត្តិស្មាច់មានជ័យ មណ្ឌលសុខភាពកោះកាពិ និងមណ្ឌលសុខភាពស្មាច់មានជ័យ បានសហការជាមួយអាជ្ញាធរមូលដ្ឋានភូមិ ឃុំ និងអ្នកស្ម័គ្រចិត្តភូមិ ចុះអប់រំផ្សព្វផ្សាយស្ដីពីជំងឺគ្រុនឈាម អនាម័យបរិស្ថានជុំវិញផ្ទះ ដាក់អាបែត និងបាញ់ថ្នាំសម្លាប់មូសនៅទីតាំងភូមិកោះកាពិ ឃុំកោះកាពិ និងភូមិ១ សង្កាត់ស្មាច់មានជ័យ ខេត្តកោះកុង និងជាពិសេសនៅតាមទីតាំងដែលកើតមានជំងឺគ្រុនឈាមជាលក្ខណៈCluster ក្រោមការឧបត្ថម្ភថវិការបស់គម្រោងអង្គការCRS។

វីដេអូ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាលកម្ពុជា បានអញ្ជើញចូលរួមកិច្ចប្រជុំចង្អៀត (AHMM Retreat) នៃកិច្ចប្រជុំរដ្ឋមន្រ្តីសុខាភិបាលអាស៊ាន លើកទី១៧ និងកិច្ចប្រជុំពាក់ព័ន្ធ នៅទីក្រុងគូឡាឡាំពួរ ប្រទេសម៉ាឡេស៉ី ចាប់ពីថ្ងៃទី៧ ដល់ថ្ងៃទី១១ ខែកញ្ញា ឆ្នាំ២០២៦ 🌐Website 📱Facebook 📱Telegram 📱X (twitter) 📱Tiktok 📱YouTube

ការចូលរួមសិក្ខាសាលាពិគ្រោះយោបល់ស្តីពី «ការវាយតម្លៃភាពសកម្ម និងការចាត់ចែងកម្លាំងពលកម្មរបស់មន្ទីរពិសោធន៍សម្រាប់ភាពអាសន្ននៅក្នុងប្រទេសកម្ពុជា» ------------------------------------------------------- មន្ត្រីជំនាញនៃមន្ទីរសុខាភិបាលខេត្តកោះកុង បានចូលរួមក្នុងសិក្ខាសាលាពិគ្រោះយោបល់ដ៏សំខាន់មួយ ដើម្បីពង្រឹងសមត្ថភាពឆ្លើយតបផ្នែកមន្ទីរពិសោធន៍ក្នុងស្ថានភាពអាសន្នសុខភាពសាធារណៈ។ ព័ត៌មានទូទៅ៖ កាលបរិច្ឆេទ៖ ថ្ងៃចន្ទ ទី១៤ ខែកញ្ញា ឆ្នាំ២០២៦ (ចាប់ពីម៉ោង ៨:៣០ នាទីព្រឹក) ទីកន្លែង៖ សភាសាលបាយ័ន នៃវិទ្យាស្ថានជាតិសុខភាពសាធារណៈ រាជធានីភ្នំពេញ សមាសភាពចូលរួម៖ ១. លោក ស៊ុំ វិបុល - មន្ត្រីការិយាល័យបង្ការ និងគ្រប់គ្រងជំងឺ នៃមន្ទីរសុខាភិបាលខេត្ត ២. លោក អ៊ាង អែម - ប្រធានផ្នែកមន្ទីរពិសោធន៍ នៃមន្ទីរពេទ្យបង្អែកខេត្តកោះកុង ខ្លឹមសារ និងគោលបំណងសំខាន់ៗនៃសិក្ខាសាលា៖ ការរៀបចំនីតិវិធីប្រតិបត្តិស្តង់ដា (SOP)៖ ពិភាក្សា និងរៀបចំបង្កើត SOP សម្រាប់ការរៀបចំលក្ខណៈសម្បត្តិធនធានមនុស្សផ្នែកមន្ទីរពិសោធន៍ឱ្យបានរួចរាល់ ទាំងមុនពេល និងក្នុងអំឡុងពេលមានអាសន្នសុខភាពសាធារណៈ xảyកើតឡើង។ ការចាត់ចែង និងដាក់ពង្រាយកម្លាំងពលកម្ម៖ ពិភាក្សាលើការរៀបចំផែនការបែងចែក និងដាក់ពង្រាយបុគ្គលិកមន្ទីរពិសោធន៍ទៅកាន់តំបន់ ឬស្ថានភាពជាក់ស្តែងឱ្យបានទាន់ពេលវេលា និងមានប្រសិទ្ធភាពខ្ពស់បំផុត។

ការពារកូនតូចៗពី «ជំងឺពងបែកដៃ ជើង និងមាត់» សូមបងប្អូនអនុវត្តវិធានការងាយៗទាំងនេះ៖ ត្រូវប្រកាន់ខ្ជាប់នូវការអនុវត្តអនាម័យ លាងដៃកូន និងអ្នកថែទាំជាមួយសាប៊ូ និងទឹកឱ្យបានញឹកញាប់ សម្អាតប្រដាប់លេង និងរបស់របរដែលកូនឧស្សាហ៍ប៉ះ ចៀសវាងការប៉ះពាល់ដោយផ្ទាល់ជាមួយកុមារដែលមានជំងឺពងបែកដៃ ជើង និងមាត់ កុំឱ្យកូនញ៉ាំអាហារ ឬប្រើសម្ភារៈរួមជាមួយអ្នកជំងឺ 🏠 បើកូនឈឺ ឬមានចេញពងបែក ត្រូវឱ្យសម្រាកនៅផ្ទះ និងប្រញាប់ទៅជួបគ្រូពេទ្យនៅមណ្ឌលសុខភាពបើមានសញ្ញាធ្ងន់ធ្ងរ!