Татарча вәгазьләр ТАТИСЛАМ

Пәйгамбәребез ﷺ әйтте: «Җитәрлек малы була торып, кешеләрдән соранучы, үзенә Җәһәннәм уты өстәүне генә сорый». Кешеләр: «Әй, Аллаһның Илчесе! Нинди күләмдәге мал булган очракта сорау тыела?» — дип сорадылар. Ул ﷺ: «Кешегә төшке һәм кичке ашына җитәрлек малы булса», — дип җавап бирде. 📜 «Сахих әт-Тәргыйб», 805.

📍 Язылырга 👇 Вконтакте: https://vk.ru/id16784711 Макс: https://max.ru/join/W0hU3jNSKOSnonFW_0xP6bJFcQELziY2xUoiinU8pcI Бип: https://bip.ai/join/tatislam Телеграм:https://t.me/tatislam

Раил Фәйзрахманов 📍 Язылырга 👇 Вконтакте: https://vk.ru/id16784711 Макс: https://max.ru/join/W0hU3jNSKOSnonFW_0xP6bJFcQELziY2xUoiinU8pcI Бип: https://bip.ai/join/tatislam Телеграм:https://t.me/tatislam

⁉️ Кем ул банкрот? Аллаһка чын күңелдән иман китергән һәрбер кеше игелекле гамәлләр кылырга омтыла. Чөнки ул Раббыбызның сүзләрен белә: “Ул үлемне һәм тереклекне бар кылды – сезне сынап карар өчен, кайсыларыгыз яхшырак гамәлле икәнлеген белер өчен” 📚(“Мөлек” сүрәсе, 2нче аять). Шушы сүзләргә инанып, нинди игелекле гамәл кылып була, көченнән килгәнчә барысын да эшләргә тырыша. Шулай булган очракта гына, ул ике дөньяда да уңышка ирешеп булачагын белә. Андый кешеләр намазын да укый, Рамазан аенда уразасын да тота, сәдакасын да бирә, авыр хәлдә калган кешеләргә дә ярдәм итә, туганлык җепләрен дә саклый. Әмма башка кешеләр белән аралашканда, кайчак үзебез дә сизмичә, мөселманга һич килешмәгәннәрне эшләргә мөмкинбез. Мәсәлән, кешеләр белән үзеңне дорфа тоту;  башкаларны рәнҗетә торган сүзләр әйтү;  ярдәм буларак сәдака бирсәң, гел төрттереп, шул хакта гел исләренә төшереп тору. “Теге вакытта мин сиңа ярдәм иттем. Әйдә, хәзер минем сүзләремне тыңла, буйсын миңа”, – дип, аның белән идарә итәргә тырышу. Бу мөселманны бер дә бизи торган эш түгел. “И-и, иман китерүчеләр! Биргән сәдакаларыгызны битәрләү һәм кимсетүләрегез белән (савабын) юкка чыгармагыз!” диелә бит һәркайсыбыз өчен тормыш кануны булган Коръәни Кәримнең “Бәкара” сүрәсендәге 264нче аятендә. Шулар белән беррәттән, кешеләрдән әҗәткә алып, аны кайтармыйча йөрү, кеше малын үзләштерү кебек начарлыклар да соңгы вакытта ешайды. Гайбәт сөйләү дә безнең әҗерләребезне киметүгә бер сәбәп була ала.  Кыямәт көнендә кеше Раббысы каршына бик күп игелекләр кылган хәлдә килергә мөмкин, әмма кешеләр белән дөрес мөгамәлә кора алмавы һәм аларга карата гадел булмавы сәбәпле, рәнҗетелгән кешеләр аның барлык әҗер-савапларын үзләренә алырга мөмкиннәр бит. Моңа дәлил итеп бер хәдисне китереп үтәм: “Бервакыт Аллаһының Илчесе ﷺ сәхабәләрдән: “Сез банкротның кем икәнен беләсезме?” – дип сораган. Алар: “Безнең арада банкрот дип акчасы һәм малы булмаган кешене атыйлар”, – дип җавап биргәннәр. Шунда Пәйгамбәребез ﷺ әйткән: “Дөреслектә, минем өммәтемнең әһелләреннән банкрот – Кыямәт көнендә үзе белән намазын, уразаларын һәм зәкәтен алып килүче, ләкин шул ук вакытта аның моны рәнҗетүе, моңа яла ягуы, моның малын үзләштерүе, моның канын түгүе, моңа сугуы ачыклана, һәм шунда аның изге гамәлләреннән нәрсәдер – бу кешегә, ә нәрсәдер монысына бирелә. Әгәр бөтенесе белән дә хисаплашып бетергәнчегә кадәр аның изге гамәлләре бетсә, ул вакытта рәнҗетелгәннең гөнаһларыннан нәрсәнедер алып аңа йөклиләр, ә аннан соң аны Җәһәннәмгә ташлыйлар!” 📚(Мөслим риваяте). Без уйлаган бу дөнья банкроты әле алай ук куркыныч түгел икән. Бу дөньяда сәүдә бармыйча банкротлыкка чыксаң да, тормышың тукталды дигән сүз түгел. Шул уңышсызлыктан гыйбрәт алып, тиешле нәтиҗә ясап, яңадан бүтән тармакта эш башлап карарга була. Яки инде “миннән булмый дип”, сәүдәдән китеп, завод-фабрикага эшкә урнаша аласың – кыскасы, килеп туган катлаулы хәлдән чыгу юлын барыбер табарга була. Әмма Кыямәт көнендә качып котылып, каядыр китеп булмый. Без бик күп игелекле, хәерле гамәлләр эшләп калдырсак та, әгәр берәрсен рәнҗеткән булсак, ул кеше Кыямәт көндә килеп, әҗерләребезне алачак. Ә андый кешеләр күп булса нишләрбез? Ахыр чиктә, савапларыбыз бетеп, кыерсытылган кешеләр үз гөнаһларын безгә тага башласалар? Кеше гөнаһын үзеңә алу иң куркыныч нәрсә, ул – чын хәсрәт, бәхетсезлек, хакыйкый банкротлык. Шуңа да бу хәдис кешеләр белән аралашканда телебезгә дә, кулларыбызга да һәм гамәлләребезгә дә игътибарлы булырга өйрәтә. Әйткән сүзләремдә кеше күңелен төшерә торганнары юкмы? Акча бүлешкәндә барысы да гаделме? Кеше өлешенә кермимме? Бер гаепсезгә гаепләмимме, дәлилләрне белеп, аңлап хөкем чыгараммы? Гомумән, бу хәдис тормышыбызга кешеләр белән мөнәсәбәт кылуны анализларга куша. Зыян салган булсак, бу дөньяда ук гафу  сорап, бүләкләр биреп араны төзәтеп, өстебездә булган хакларны үтәп калырга тырышыйк. Шуны да онытырга ярамый: чын мөселман кешесе ул башкаларга зыян китерүдән ерак, Аллаһ Раббыбыз безгә дә шундыйлардан булырга насыйп әйләсен.

Тулырак 👇 https://rutube.ru/video/6ddb0561602c0eda8643d92c78775d82/?r=a

📍 Язылырга 👇 Вконтакте: https://vk.ru/id16784711 Макс: https://max.ru/join/W0hU3jNSKOSnonFW_0xP6bJFcQELziY2xUoiinU8pcI Бип: https://bip.ai/join/tatislam Телеграм:https://t.me/tatislam

Тулырак 👇 https://rutube.ru/video/private/834f1d49933a0cb93aada0c4720b893e/?p=tMqBVCpeyoEfcmOEdl92UQ

Синең Раббың сез эшләгәнгамәлләрдән гафил түгел». 📌(«Һуд» сүрәсе, 123нче аять) Бөтен эш-гамәл, уңыш, бәхет, иминлек, шифа, муллык, бәрәкәт – Аннан гына килә. Ул теләсә, Ул:«Бул!» дисә генә була.Моны Раббыбыз Коръәндә безгә белдерде: «Аллаһ бернәрсәнең бар булуын теләсә, ул нәрсәгә фәкать бар бул, дип әйтер һәм ул нәрсә бар булыр.Барча нәрсәгә хуҗалык, Аның кулында булган Аллаһ һәр кимчелектән пакьһәм Аңа кайтарылырсыз». 📌 («Йәсин» сүрәсе, 82-83нче аятьләр) Менә шушы аятьләр йөрәкләребезне тулысынча Аллаһ белән бәйләргә этәрә.Шуңа да, сәфәргә чыгабызмы, укырга керәбезме, гаилә корырга телибезме, яңа эшкә урнашабызмы, сәүдә белән шөгыльләнергә телибезме – нәрсәгә генә тотынмыйк, Аллаһтан ярдәм сорап һәм Аның Үзенә генә тәвәккәл кылып башларга кирәк.Нәтиҗәне дә Аннан гына өмет итәргә кирәк, шул вакытта хәерле һәм бәрәкәтле нәтиҗәләрен күрә башларбыз. Аллаһ әмереннән башка агачтан яфракта төшмәс, шуны онытмыйк! «Яшерен булган нәрсәләрнең ачкычлары – Аның хозурында. Алар турында Аннан башка һичкем белми. Ул җирдә дә, диңгездә дә ни барын белә. Хәтта агачтантөшкән яфрак турында да Ул белеп тора. Җир караңгылыгында –аермачык Китапта теркәлмичәкалган бер орлык юк, юк бер юешһәм юк бер коры нәрсә». 📌 («Әнгам» сүрәсе, 59нчы аять) ✏️ Раил Фәйзрахманов 📍 Язылырга 👇 Вконтакте: https://vk.ru/id16784711 Макс: https://max.ru/join/W0hU3jNSKOSnonFW_0xP6bJFcQELziY2xUoiinU8pcI Бип: https://bip.ai/join/tatislam Телеграм:https://t.me/tatislam

Татарча вәгазьләр ТАТИСЛАМ: ☄️ Бездән берни тормый шул... Бар нәрсә дә үзеңнән тора, үзеңә ышанырга кирәк, үзеңә ышансаң гына максатыңа ирешеп була дигән фикерне еш укырга һәм ишетергә туры килә. Әйе, сүз дә юк, эшкә тотынганда үз көчеңә, мөмкинлегеңә дә карыйсың,әмма, дөреслектә,бар нәрсә дә бездән генә торамы икән соң? Бер көнне, дәресләр беткәч, кайтыр юлга чыктым.Трасса буйлап бер җайга гына кайтып барам. Кинәт кенә каршы яктан килә торган зур гына бер фураның «арты» бик нык уңга-сулга болгады да юлга аркылы басты бу.Әле ярый, артыннан терәлеп барган машиналар юк иде, бер нәрсә эшләргә дә өлгерә алмыйча калырсың, чөнки берничә секунд эчендә булды бу хәл. Шунда бер апаның сөйләгәне исемә төште: «Ирем шофёр булып эшли иде.Шулай бервакыт, рейста чагында, бер машина артыннан барган ул. Ә алдагы машина кисәк кенә юлга аркылы баскан.Ирем исә шул машинага килеп бәрелгән.Шул юл фаҗигасендә вафат булды ул». Юл буе уйлап кайттым. Юлда барганда кагыйдәләрне дә бозмыйсың,тизлегең дә югары түгел,беркемгә комачауламыйча, үз юлыңнан барасың да барасың. Әмма кинәт кенә каршыңа берәр машинаның килеп чыгуы мөмкин, я булмаса, алда бара торган машина юлга аркылы төшеп, туктап калырга мөмкин, яки юл аша берәр хайванның йөгереп чыгуы бар.Ә болар юлда транспортка бәйле фаҗигагә, гомерләр өзелүгә китерергә бик мөмкин. Югыйсә, аларның бер дә уйламаганда килеп чыгып, юлда авария куркынычы тудыруларында үзеңнең бер гаебең дә юк. Димәк, андый очракта бездән бит берни дә тормый... Бер танышым бар иде. Ул өйләнде, ике балалары туды, өй төзеп чыктылар, эше дә яхшы һәм әллә нинди зур планнары бар иде.Әмма кинәт кенә авырый башлады да алты айдан соң вафат булды. Яп-яшь килеш,нибарыутыз алты яшендә!Әйе, планнар корасың, максатлар куясың, әмма...Ә икенче бер гаиләдә «үзебез өчен яшәп калырга кирәк, бала алып кайтырга өлгерербез әле» дип,гел кичектереп килделәр. Хәзер теләкләре дә бар, әмма бала алып кайта алмыйча тилмерәләр. Ә андый гаиләләр күпме?!.«Бездән һәм акчадан гына торса иде шул»,- дип уфтана алар. Бер таныш апа, күзе авыртып, берничә операция ясатты, төрле табибларга йөри, әмма күзенең һаман рәте юк. Таныш табиблар да, акча да бар,әмма һаман дәваланып бетә алмый. Тормышта мондый мисалларны бик күп китереп булыр иде. Менә шуларны уйлыйсың да бездән бернидә тормаганын  аңлыйсың, шулардан гыйбрәт алып, мин-минлектән арынып, тәкәббер башны иеп, сәҗдәләргә китеп:«Раббым, кичер мине, бар нәрсәдә Синең әмерең белән генә була!» – дип әйтәсең. Аллаһ тәгалә Коръәндә дә хәбәр итә бит: «Бу эштә бездән берәр нәрсә торамы соң?» – дип әйттеләр. Син аларга: «Барчасы Аллаһтан тора», – дип әйт. 📌(«Гыймран» сүрәсе, 154нче аять) Әле ярый,вакытында аңлап, башыңны сәҗдәгә куя белсәң.Күпме сынау килгәннән соңда, мин-минлек чиреннән арына алмаучылар җитәрлек. Аллаһыга ялвар,Үзеннән генә сора, Үзенә генә өмет ит! Юк шул, масайган адәм баласы үзенә, дусларына, акчагагына таяна.«Әкият сөйләмә инде, нинди Аллаһ?!Кайда ул?Нишләп бер дә ярдәм итми?Сынау артыннан сынау килә»,– дип, мин-минлеге аркасында, хакыйкатьне аңлый алмый интегә. «Мин булдырам, мин эшлим» дип түгел,«Аллаһ теләсә, эшләрмен, дип әйт» дип киңәш бирәсең. «Аның теләвен көтеп ятсаң... Үзем тотынам да эшлим, барысыда үзеңнән тора», – ди андыйлар. Эше барып чыкмагач, тагын исенә төшерәсең, Аллаһ теләмәгәндер дип, шушы аятьне дә укып күрсәтәсең: «Син бернәрсәне дә: «Дөреслектә, мин аны иртәгә эшләрмен», – дип әйтеп калдыра күрмә. Син шунда: «Аллаһ теләсә генә», – дип өстәргә онытма. Ә инде оныткан булсаң, син Раббыңны искә ал һәм: «Бәлки, Раббым мине моннан да якынрак булган туры юлга юнәлтер»,– дип әйт». 📌(«Кәһеф»  сүрәсе, 23-24нче аятьләр) Ләкин ул һаман киреләнә, горур башын аска иеп, Раббысын таныйсы килми, үзенә ышанычы көчлерәк булып чыга.Әйе, әлбәттә үз көчеңә дә ышанырга һәм сәбәбен дә кылырга кирәк, әмма беренче урында Аллаһы булырга тиеш. Ул теләсә булыр, Ул язган булса, эшләп чыгарбыз, нәтиҗәне өмет иткәндә дә күңелләр Аның белән генә бәйле булуы ләзем булып тора. Чөнки: «Һәрбер эш бер Аллаһка гына кайтарылачак. Син Аңа гына гыйбадәт кыл һәм Аңа гына тәвәккәллә.

Тулырак 👇 https://rutube.ru/video/private/834f1d49933a0cb93aada0c4720b893e/?p=tMqBVCpeyoEfcmOEdl92UQ

📍 Язылырга 👇 Вконтакте: https://vk.ru/id16784711 Макс: https://max.ru/join/W0hU3jNSKOSnonFW_0xP6bJFcQELziY2xUoiinU8pcI Бип: https://bip.ai/join/tatislam Телеграм:https://t.me/tatislam

🌙 МӨХӘРРӘМ АЕ һәм ГАШУРА УРАЗАСЫ Һиҗри календарь буенча, Мөхәррәм ае яңа елыбызны башлап җибәрде.  Мөхәррәм  башка айлардан нәрсәсе белән аерыла соң?!  Моны белү өчен, сөекле Пәйгамбәребезнең ﷺ түбәндәге хәдисенә күз салу да җитә:  “Рамазаннан кала, ураза тоту өчен иң хәерле ай – Мөхәррәм ае” 📚(Мөслим риваяте). Хәдистә әйтелгәнчә, бу айда мөселманнарга нәфел уразасы тоту хәерле булып, ул аерым бер өстенлеккә ия, чөнки “иң хәерле ай”, – дип әйтелә. Шулай булгач, без дә мөмкин булганча күбрәк ураза тотарга тырышыйк. Бу айның тагын бер фазыйләте бар, ул – Гашура көне. Пәйгамбәребездән ﷺ Гашура көнендә ураза тотуның фазыйләте турында сорагач, ул аның хакында: “Үткән елдагы гөнаһларны гафу итә”, – дип җавап кайтарган 📚 (Мөслим риваяте). Гашура көне ул Мөхәррәм аеның унынчы көненә туры килә. Пәйгамбәребез ﷺ үзе бу көнне ураза тоткан һәм өммәтен дә шуңа чакырган. “Икенче елга калсам, тугызы көнне ураза тотар идем”, – дигән ул 📚(Мөслим риваяте). Әлеге хәдискә нигезләнеп, галимнәр: “Бу ике көндә ураза тоту сөннәткә якынрак”, – диләр. Пәйгамбәребез ﷺ үзе унынчы көнне тота торган булган һәм соңгы елында: “Тугызы тотар идем”, – дип әйтеп калдырган. Шуңа да Мөхәррәм аеның тугызынчы һәм унынчы көннәрендә ураза тотарга тырышырга кирәк безгә, кардәшләрем. Бу игелегебез гөнаһларыбызның гафу ителүенә сәбәп була ала. Быел Гашура көне 25 июнгә  туры килә, шуңа да 24 һәм 25 июндә ураза тотсак, бик тә хәерле булачак, яки 25 һәм 26 июнә дә тота алабыз. Кемнәрнедер, бәлки, “өч көн дә ураза тотарга ярыймы икән”, дигән сорау борчыйдыр. Әйе, әлбәттә, 24, 25, 26 июнь көннәрен уразада үткәрсәк, бик яхшы, игелекле гамәл кылган булырбыз. ✏️ Раил Фәйзрахманов 📍 Язылырга 👇 Вконтакте: https://vk.ru/id16784711 Макс: https://max.ru/join/W0hU3jNSKOSnonFW_0xP6bJFcQELziY2xUoiinU8pcI Бип: https://bip.ai/join/tatislam Телеграм:https://t.me/tatislam

🌙 МӨХӘРРӘМ АЕ һәм ГАШУРА УРАЗАСЫ Һиҗри календарь буенча, Мөхәррәм ае яңа елыбызны башлап җибәрде.  Мөхәррәм  башка айлардан нәрсәсе белән аерыла соң?!  Моны белү өчен, сөекле Пәйгамбәребезнең ﷺ түбәндәге хәдисенә күз салу да җитә:  “Рамазаннан кала, ураза тоту өчен иң хәерле ай – Мөхәррәм ае” 📚(Мөслим риваяте). Хәдистә әйтелгәнчә, бу айда мөселманнарга нәфел уразасы тоту хәерле булып, ул аерым бер өстенлеккә ия, чөнки “иң хәерле ай”, – дип әйтелә. Шулай булгач, без дә мөмкин булганча күбрәк ураза тотарга тырышыйк. Бу айның тагын бер фазыйләте бар, ул – Гашура көне. Пәйгамбәребездән ﷺ Гашура көнендә ураза тотуның фазыйләте турында сорагач, ул аның хакында: “Үткән елдагы гөнаһларны гафу итә”, – дип җавап кайтарган 📚 (Мөслим риваяте). Гашура көне ул Мөхәррәм аеның унынчы көненә туры килә. Пәйгамбәребез ﷺ үзе бу көнне ураза тоткан һәм өммәтен дә шуңа чакырган. “Икенче елга калсам, тугызы көнне ураза тотар идем”, – дигән ул 📚(Мөслим риваяте). Әлеге хәдискә нигезләнеп, галимнәр: “Бу ике көндә ураза тоту сөннәткә якынрак”, – диләр. Пәйгамбәребез ﷺ үзе унынчы көнне тота торган булган һәм соңгы елында: “Тугызы тотар идем”, – дип әйтеп калдырган. Шуңа да Мөхәррәм аеның тугызынчы һәм унынчы көннәрендә ураза тотарга тырышырга кирәк безгә, кардәшләрем. Бу игелегебез гөнаһларыбызның гафу ителүенә сәбәп була ала. Быел Гашура көне 25 июнгә  туры килә, шуңа да 24 һәм 25 июндә ураза тотсак, бик тә хәерле булачак, яки 25 һәм 26 июнә дә тота алабыз. Кемнәрнедер, бәлки, “өч көн дә ураза тотарга ярыймы икән”, дигән сорау борчыйдыр. Әйе, әлбәттә, 24, 25, 26 июнь көннәрен уразада үткәрсәк, бик яхшы, игелекле гамәл кылган булырбыз. ✏️ Раил Фәйзрахманов 📍Язылырга 👉 https://t.me/tatislam