CJ Platform

ဘောလုံးဂုရုကြီး ဘရာဇီးနဲ့ အာရှရဲ့ အိမ်ရှေ့စံ ဂျပန်တို့ရဲ့ စိတ်ဝင်စားဖွယ် ရှုံးထွက်ပွဲစဉ် (ပွဲကြိုသုံးသပ်ချက်) CJ Platform ၂၀၂၆ ကမ္ဘာ့ဖလားပြိုင်ပွဲ (၃၂) အသင်းအဆင့် ရှုံးထွက်ပွဲစဉ်တွေမှာ အသင်းအားလုံး အမှားမခံနိုင်တော့တဲ့ အချိန်ကို ရောက်ရှိလာပြီဖြစ်ပြီး၊ ဘရာဇီးအသင်းနဲ့ ဂျပန်အသင်းတို့ရဲ့ ထိပ်တိုက်တွေ့ဆုံမှုကလည်း စိတ်ဝင်စားစရာ အကောင်းဆုံးပွဲတွေထဲက တစ်ပွဲ ဖြစ်နေပါတယ်။ ဂိုးသွင်းအားကောင်းတဲ့ ဆမ်ဘာတို့နဲ့ စနစ်တကျ ကစားတတ်တဲ့ ဆာမူရိုင်း ဂျပန်တို့အနက် ဘယ်အသင်းက နောက်တစ်ဆင့် တက်လှမ်းသွားမလဲဆိုတာ စောင့်ကြည့်ရတော့မှာ ဖြစ်ပါတယ်။ ဘရာဇီးအသင်းဟာ အုပ်စုအဆင့်တစ်လျှောက် တိုက်စစ်ဖန်တီးနိုင်စွမ်းကို ကောင်းမွန်စွာ ပြသထားပြီး တစ်ဦးချင်း အရည်အသွေးမြင့် ကစားသမားတွေကို ပိုင်ဆိုင်ထားတာ ဖြစ်ပါတယ်။ ဘောလုံးပိုင်ဆိုင်မှု၊ ခံစစ်ကနေ တိုက်စစ်သို့ အမြန်ပြောင်းလဲနိုင်မှုနဲ့ တောင်ပံတိုက်စစ် ကစားသမားတွေရဲ့ လျင်မြန်မှုဟာ ဘရာဇီးအသင်းရဲ့ အဓိက လက်နက် ဖြစ်လာနိုင်ပါတယ်။ တစ်ဖက်က ဂျပန်အသင်းကတော့ အသင်းလိုက် စည်းလုံးညီညွတ်မှု၊ စည်းကမ်းရှိတဲ့ ခံစစ်နဲ့ တန်ပြန်တိုက်စစ်တွေကို အားပြုကစားလာမယ့် အသင်းဖြစ်ပါတယ်။ ဘရာဇီးအသင်းကို ဖိအားပေးနိုင်ဖို့အတွက် အမှားနည်းနည်းနဲ့ ကစားနိုင်ဖို့ ဂျပန်အသင်းအတွက် လိုအပ်နေပြီး၊ ကစားသမားအင်အားချင်း ယှဉ်ပြိုင်ရင် ဘရာဇီးအသင်းက အသာစီးရနေသော်လည်း ရှုံးထွက်ပွဲဆိုတာ အခိုက်အတန့်တစ်ခုကနေ အဖြေပြောင်းလဲသွားနိုင်တာကြောင့် ဂျပန်တို့အနေနဲ့ အခွင့်အရေး အပြည့်အဝ ရှိနေတာ ဖြစ်ပါတယ်။ ဘရာဇီးအသင်းအတွက် အဓိက အားသာချက်က ဘောလုံးပိုင်ဆိုင်မှုနဲ့ ကွင်းလယ်ထိန်းချုပ်နိုင်စွမ်း ဖြစ်ပြီး၊ ဝါရင့်နည်းပြ အန်ဆယ်လော့တီရဲ့ (၄-၃-၃) သို့မဟုတ် (၄-၂-၃-၁) ပုံစံ တိုက်စစ်အားပြု ကစားကွက်ကို အသုံးပြုလာဖို့ မျှော်လင့်ရကာ ဗီနီစီယပ်စ်၊ ကွန်ဟာတို့လို တိုက်စစ်သမားတွေရဲ့ တစ်ယောက်ချင်း ကျော်ဖြတ်နိုင်စွမ်းကို အဓိက အသုံးချသွားဖို့ ရှိနေပါတယ်။ Full-back တွေကလည်း တိုက်စစ်ကို လိုက်ပါကစားတာကြောင့် ဂျပန်အသင်းရဲ့ ခံစစ်မှာ နေရာလွတ်တွေ ဖန်တီးနိုင်ဖို့ ကြိုးစားလာမှာ ဖြစ်ပါတယ်။ ဂျပန်အသင်းကတော့ စည်းကမ်းရှိတဲ့ ခံစစ်ဖွဲ့စည်းပုံနဲ့ လျင်မြန်တဲ့ Transition Football ကို အားပြုကစားတတ်တဲ့ အသင်းဖြစ်တာနဲ့အညီ၊ ဘောလုံးဆုံးရှုံးသွားတဲ့ အချိန်မှာ အမြန်ပြန်လည်စုဖွဲ့ပြီး ကွင်းလယ်ကို ကျစ်ကျစ်လျစ်လျစ် ပိတ်ဆို့ကစားလာနိုင်ပါတယ်။ ဘရာဇီးအသင်းရဲ့ Full-back တွေ တိုက်စစ်လိုက်ပါချိန်မှာ ကျန်ရစ်ခဲ့တဲ့ နေရာလွတ်တွေကို Counter Attack နဲ့ ထိုးဖောက်နိုင်ရင် ဂျပန်အသင်းအတွက် အခွင့်အရေးကောင်းတွေ ရရှိလာနိုင်မှာ ဖြစ်ပါတယ်။ ဒီပွဲရဲ့ အဆုံးအဖြတ်က ကွင်းလယ်တိုက်ပွဲနဲ့ Pressing အရည်အသွေးပေါ် မူတည်လာဖို့ ရှိနေပြီး၊ ဘရာဇီးအသင်းက ဘောလုံးကို တည်တည်ငြိမ်ငြိမ်နဲ့ ပိုင်ဆိုင်မှုအသားပေး ကစားမှာဖြစ်ကာ ဂျပန်အသင်းရဲ့ Pressing ကို ကျော်ဖြတ်နိုင်ရင် ပွဲကို ထိန်းချုပ်နိုင်ဖို့ အခွင့်အရေး များလာမှာ ဖြစ်ပါတယ်။ ဂျပန်အသင်းအနေနဲ့ ရရှိလာမယ့် အခွင့်အရေးကို အကောင်းဆုံး အသုံးချနိုင်ရင် အံ့အားသင့်ဖွယ် ရလဒ် ထွက်ပေါ်လာနိုင်ပြီး၊ နှစ်ဖက်အသင်းစလုံး သတိကြီးကြီးထားပြီး ကစားလာမှာမို့လို့ သွင်းဂိုးနည်းမယ့် ပွဲစဉ်တစ်ပွဲ ဖြစ်လာဖို့ ရှိနေကြောင်း သုံးသပ်ရပါတယ်။ #CJPlatform #ကမ္ဘာ့ဖလား #ဘရာဇီးနှင့်ဂျပန် #ပွဲကြိုသုံးသပ်ချက် #နိုင်ငံတကာအားကစား

အငြိမ်းစားဝန်ထမ်းတွေနဲ့ လုပ်သက် အနှစ် ၃၀ အထက် ဝန်ထမ်းတွေကို မြေနေရာပေးဖို့ အစီအစဉ်မရှိဘူးလို့ ရန်ကုန်မြို့တော်ဝန်ပြော CJ Platform စစ်အုပ်စု အာဏာသိမ်းပြီးနောက်ပိုင်း အငြိမ်းစားယူသွားကြတဲ့ ဝန်ထမ်းတွေနဲ့ လုပ်သက်အနှစ် ၃၀ အထက်ရှိတဲ့ ဝန်ထမ်းတွေကို မြေကွက်ချထားပေးဖို့ အစီအစဉ်မရှိသေးဘူးလို့ စစ်အုပ်စုခန့် ရန်ကုန်မြို့တော်ဝန်က ပြောကြားလိုက်ပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-12/

ဒလမှာ ကျောင်းထိုင်ဆရာတော်ကို ဆဲဆိုစိန်ခေါ်တဲ့ ရပ်ကွက်အုပ်ချုပ်ရေးမှူးကို အရေးယူပေးခြင်းမရှိလို့ မြို့ခံတွေ မကျေနပ် CJ Platform ကျောင်းထိုင်ဆရာတော်ကို ဆဲဆိုစိန်ခေါ်ခဲ့တဲ့ ရန်ကုန်တိုင်း၊ ဒလမြို့နယ်၊ မှော်စက်ရပ်ကွက် အုပ်ချုပ်ရေးမှူး ဦးထွန်းထွန်းစိုးကို ဒကာ၊ ဒကာမတွေနဲ့ ရပ်ကွက်နေပြည်သူတွေက အဆင့်ဆင့် တိုင်ကြားထားပေမဲ့လည်း၊ မြို့နယ်အုပ်ချုပ်ရေးအဖွဲ့က တစ်စုံတစ်ရာ အရေးယူပေးခြင်းမရှိဘူးလို့ မြို့ခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-11/

ချင်းပြည်အတွင်း လေကြောင်းတိုက်ခိုက်မှုတွေကြောင့် အရပ်သားပြည်သူတွေ တောတောင်နဲ့ တောင်ယာတွေအတွင်း တိမ်းရှောင်နေထိုင်ရမှု ပိုမိုမြင့်တက်လာ CJ Platform ချင်းပြည်အတွင်းမှာ စစ်အုပ်စုရဲ့ လေကြောင်းတိုက်ခိုက်မှုတွေကြောင့် အရပ်သားပြည်သူတွေမှာ နေရပ်ကျေးရွာတွေကို စွန့်ခွာပြီး တောတောင်နဲ့ တောင်ယာတွေမှာ တိမ်းရှောင်နေထိုင်ရမှု ပိုမိုများပြားလာတယ်လို့ ဒေသခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-10/

ကော့ကရိတ်မြို့တွင်း အနည်းငယ် ပြန်လည်စည်ကားလာပေမယ့် စစ်အုပ်စုရဲ့ ဂိတ်တွေနဲ့ မိုင်းအန္တရာယ်ကြောင့် ဒေသခံတွေ စိုးရိမ်မှုရှိနေဆဲ CJ Platform ကရင်ပြည်၊ ကော့ကရိတ်မြို့တွင်း၌ လက်နက်ကိုင်ပဋိပက္ခတွေနဲ့ တိုက်ပွဲပြင်းထန်မှုတွေ ခေတ္တငြိမ်သက်နေတာကြောင့် မြို့တွင်းရှိ ကုန်စုံဆိုင်အချို့ ပြန်လည်ဖွင့်လှစ်ကာ ဒေသခံတွေ စည်းကမ်းတကျ ဈေးဝယ်ယူလို့ ရနေပြီဖြစ်သော်လည်း၊ ကုန်ဈေးနှုန်းကြီးမြင့်မှုနဲ့ စစ်ကျန်မိုင်းအန္တရာယ်တွေ ရှိနေဆဲဖြစ်ကြောင်း မြေပြင်သတင်းရင်းမြစ်တွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-8/

ကရင်ပြည်အတွင်း အလုပ်အကိုင်ရှားပါးပြီး ကုန်ဈေးနှုန်းကြီးမြင့်သဖြင့် လူငယ်အများအပြား ထိုင်းနိုင်ငံသို့ သွားရောက်လုပ်ကိုင်ရန် ရွေးချယ်လာကြ CJ Platform ကရင်ပြည်တွင်းရှိ ဘားအံ၊ ကော့ကရိတ်နဲ့ လှိုင်းဘွဲ့ စတဲ့ မြို့နယ်တွေမှာ နိုင်ငံရေးနဲ့ စစ်ရေးအခြေအနေတွေကြောင့် ဒေသတွင်း အလုပ်အကိုင် အခွင့်အလမ်းတွေ ရှားပါးလာခြင်းနဲ့ ကုန်ဈေးနှုန်း အဆမတန် ကြီးမြင့်လာခြင်းတို့ကြောင့် မိသားစု စားဝတ်နေရေးအတွက် အရွယ်ရောက်ပြီးသူ လူငယ်အများအပြား ထိုင်းနိုင်ငံ ဘန်ကောက်မြို့ အပါအဝင် မြို့ကြီးတွေဆီ သွားရောက်အလုပ်လုပ်ကိုင်ဖို့ နေ့စဉ်နဲ့အမျှ အစုလိုက်အပြုံလိုက် ထွက်ခွာလျက်ရှိကြောင်း ဒေသခံတွေနဲ့ အလုပ်သမားအရေး ဆောင်ရွက်သူတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-6/

တပ်ရင်းမှူး ပုလဲမောင် မတရားလုပ်ကြံခံရမှု တရားမျှတမှုရှိစေရေး သမာသမတ်ကျကျ ကိုင်တွယ်ရန် အမှတ် (၁) စစ်ဒေသ တိုက်တွန်း CJ Platform စစ်ကိုင်းတိုင်း၊ ယင်းမာပင်ခရိုင် အမှတ် (၆) တပ်ရင်းမှ တပ်ရင်းမှူး ရဲဘော်ပုလဲမောင် (ခ) ပီတာ မတရားသဖြင့် လုပ်ကြံသတ်ဖြတ်ခံခဲ့ရတဲ့ ဖြစ်စဉ်အတွက် တရားမျှတမှုရှိစေရေးနဲ့ ကျူးလွန်သူတွေကို ထိရောက်စွာ အရေးယူနိုင်ရေးအတွက် သမာသမတ်ကျကျ ကိုင်တွယ်ဖြေရှင်းပေးရန် အမျိုးသားညီညွတ်ရေးအစိုးရ (NUG)၊ ကာကွယ်ရေးဝန်ကြီးဌာနကို အမှတ် (၁) စစ်ဒေသဌာနချုပ်က ဇွန်လ ၂၉ ရက်နေ့ ရက်စွဲဖြင့် လေးနက်စွာ တိုက်တွန်းတောင်းဆိုထားပါတယ်။ Website တွင် ဆက်လက်ဖတ်ရှုရန် >>> https://cjplatform.com/2962026-9/

မတူပီမြို့သိမ်းတိုက်ပွဲအလွန် နေရပ်ပြန်ရေး ကြိုးပမ်းမှုတွေ စစ်ရေးတင်းမာမှုကြောင့် ရပ်တန့် CJ Platform ချင်းပြည်၊ မတူပီမြို့သိမ်းတိုက်ပွဲအလွန် စစ်ဘေးရှောင်ပြည်သူတွေ နေရပ်ပြန်ရေး ကြိုးပမ်းမှုတွေဟာ ချင်းပြည်တောင်ပိုင်းရှိ စစ်ရေးတင်းမာမှုတွေကြောင့် ပြန်လည်ရပ်တန့်နေရတယ်လို့ ဒေသခံတွေက CJ Platform ကို ပြောပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-5/

စစ်ကိုင်းတွင် စစ်အုပ်စု ဗုံးကြဲတိုက်ခိုက်တာကြောင့် ကလေးငယ်များအပါအဝင် ဒေသခံ ၈ ဦး သေဆုံးပြီး ၂၀ ကျော် ဒဏ်ရာရ CJ Platform စစ်ကိုင်းတိုင်း၊ စစ်ကိုင်းမြို့နယ်မြောက်ခြမ်းရှိ နေရာတစ်ခုကို စစ်အုပ်စုက ဇွန် ၂၈ရက်မှာ တိုက်ပွဲဖြစ်ပွားခြင်းမရှိဘဲ လေကြောင်းကနေ ဗုံးကြဲတိုက်ခိုက်ခဲ့တာကြောင့် ကလေးငယ်တွေအပါအဝင် ဒေသခံ ၈ ဦး သေဆုံးပြီး နေအိမ်ပျက်စီးမှုတွေအပြင် ထိခိုက်ဒဏ်ရာရရှိသူအများအပြားရှိတယ်လို့ ဒေသခံသတင်းအရင်းမြစ်တွေဆီကနေ သိရပါတယ်။ စစ်ကိုင်းမြို့နယ် မြောက်ခြမ်း တလိုင်းကျေးရွာရဲ့ အရှေ့ပိုင်းကို မနေ့ မွန်းလွဲ ၂ နာရီ ၁၅ မိနစ်ခန့်ကစလို့ စစ်အုပ်စုရဲ့ တံတားဦးအခြေစိုက် ဂျက်တိုက်လေယာဉ် (Jet Fighter) တစ်စင်းက လေကြောင်းတိုက်ခိုက်မှု ၃ ကြိမ်တိုင်တိုင် ပြုလုပ်ခဲ့ပြီး၊ ဗုံးကြဲချတဲ့အပြင် စက်သေနတ်တွေနဲ့ပါ ကျေးရွာအတွင်း ရမ်းသန်းပစ်ခတ်သွားခဲ့တယ်လို့ သိရပါတယ်။ “ရွာထိပ်က အိမ်ခြောက်လုံးလောက်ပျက်တယ်၊ ပြည်သူတွေလည်းသေတယ်၊ ၂၀ လောက်လည်း ဒဏ်ရာရတယ်။ ရွာအရှေ့ကို ဖိုက်တာနဲ့ သုံးလုံးလောက်ချတာ၊ အတော်လေးထိတယ်” လို့ ဒေသခံအမျိုးသားတစ်ဦးက CJ Platform ကို ပြောပြပါတယ်။ စစ်အုပ်စုဟာ တိုက်ပွဲဖြစ်ပွားခြင်းမရှိဘဲ အရပ်သားပြည်သူတွေ နေထိုင်တဲ့ ကျေးရွာအတွင်းကို အကြောင်းမဲ့ လေကြောင်းတိုက်ခိုက်ခဲ့တာ ဖြစ်တယ်လို့ သိရပါတယ်။ စစ်အုပ်စုရဲ့ လေကြောင်းတိုက်ခိုက်မှုကြောင့် ဒေသခံ ၈ ဦး သေဆုံးခဲ့ကာ သေဆုံးသူတွေထဲမှာ အသက် ၅ နှစ်ကနေ အသက် ၁၄ နှစ်အရွယ် ကလေးငယ် လေးဦး ပါဝင်ပြီး၊ လေကြောင်းက ဗုံးကြဲတိုက်ခိုက်မှုနဲ့ ပစ်ခတ်မှုတွေကြောင့် ဒေသခံ ၂၀ ကျော် ပြင်းထန်စွာ ဒဏ်ရာရရှိခဲ့သလို နေအိမ် ၅ လုံးခန့်လည်း ပျက်စီးခဲ့တယ်လို့ Wetlet Informational Network ရဲ့ ထုတ်ပြန်ဖော်ပြချက်အရ သိရပါတယ်။ ဓာတ်ပုံ - စစ်ကိုင်းမြို့နယ် သတင်းမှန် ပြန်ကြားရေး ပုံစာ - ၂၀၂၃ခုနှစ်က တလိုင်းကျေးရွာကို စစ်အုပ်စုက မီးရှို့ဖျက်ဆီးခဲ့သည့် မြင်ကွင်း (ပုံဟောင်း) #CJPlatform #စစ်ကိုင်းတိုင်း #စစ်ကိုင်းမြို့နယ် #စစ်အုပ်စုလေကြောင်းတိုက်ခိုက်မှု #အရပ်သားထိခိုက်သေဆုံးမှု

ဘားအံမှာ မီးဖိုချောင်သုံးပစ္စည်းနဲ့ ဟင်းချက်ဆီဈေးနှုန်းများ အဆမတန်မြင့်တက်နေသဖြင့် အခြေခံလူတန်းစားများ စားဝတ်နေရေး ကျပ်တည်းနေ CJ Platform ကရင်ပြည်၊ ဘားအံမြို့ပေါ်မှာ လက်ရှိကာလအတွင်း လမ်းပန်းဆက်သွယ်ရေး ခက်ခဲမှုတွေနဲ့ သယ်ယူပို့ဆောင်ရေးစရိတ် ကြီးမြင့်မှုတွေကြောင့် ဟင်းချက်ဆီ အပါအဝင် မီးဖိုချောင်သုံး အခြေခံစားသောက်ကုန် ဈေးနှုန်းတွေဟာ နေ့စဉ်နဲ့အမျှ အဆမတန် မြင့်တက်လျက်ရှိတာကြောင့် ဒေသခံပြည်သူတွေနဲ့ အခြေခံလူတန်းစားတွေ စားဝတ်နေရေး အကျပ်အတည်းကြီးစွာ ရင်ဆိုင်နေရကြောင်း ကုန်သည်တွေနဲ့ မြို့ခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-4/

ဒီကနေ့ ဇွန် (၂၉)ရက် တနင်္လာနေ့အတွက် မိုးလေဝသခန့်မှန်းချက် မုန်တိုင်းအရှိန်ကြောင့် ဒေသ(၆)ခုမှာ မိုး၊လေ ကြီးနိုင် CJ Platform ဒီကနေ့ ဇွန်လ ၂၉ ရက်နေ့အတွက် ဖြစ်ပေါ်လာနိုင်တဲ့ မိုးလေဝသ ခန့်မှန်းချက်တွေကိုတော့ ကျနော် နကြီးကပဲ ဖတ်ကြားတင်ဆက်သွားမှာပါ ဖြစ်ပါတယ်။အရင်ဦးဆုံး ဘင်္ဂလားပင်လယ်အော် မြောက်ပိုင်းမှာ လေဖိအားနည်းရပ်ဝန်းစနစ် ဖြစ်လာနိုင်တဲ့ အခြေအနေ၊ မုန်တိုင်းဖြစ်နိုင်ခြေ ရာခိုင်နှုန်းနဲ့ ကမ္ဘာ့ထိပ်တန်း မော်ဒယ်ကြီး (၃) ခုရဲ့ နောက်ဆုံးရ အချက်အလက်တွေကို ပြောပြပေးပါမယ်။ ဒီအချက်အလက်တွေအရ ဇူလိုင်လ ၄ ရက် (စနေနေ့) ဝန်းကျင်မှာ အိန္ဒိယ၊ ဘင်္ဂလားဒေ့ရှ်နဲ့ မြန်မာကမ်းရိုးတန်း ကြားမှာရှိတဲ့ ဘင်္ဂလားပင်လယ်အော် မြောက်ပိုင်းမှာ မုန်တိုင်းတစ်လုံး ဖြစ်ပေါ်လာနိုင်တာကို တွေ့ရပါတယ်။ #CJPlatform #မိုးလေဝသ #WeatherUpdate #Monsoon #မုန်တိုင်းသတိပေးချက် Youtube တွင် ဆက်လက်ကြည့်ရှုရန် >>https://youtu.be/kB5b38hU8zY

မြောက်အမေရိက ဘောလုံးအိမ်မက်ကို ဆက်လက်ထမ်းပိုးရင်း နောက်တစ်ဆင့် တက်လှမ်းသွားတဲ့ အိမ်ရှင်ကနေဒါ CJ Platform ၂၀၂၆ ကမ္ဘာ့ဖလားပြိုင်ပွဲ (၃၂) အသင်းအဆင့် ရှုံးထွက်ပွဲစဉ်တွေရဲ့ ပထမဦးဆုံးပွဲစဉ်ဖြစ်တဲ့ ကနေဒါအသင်းနဲ့ တောင်အာဖရိကအသင်းတို့ ပွဲစဉ်မှာတော့ ကနေဒါအသင်းက (၁ - ၀) ဆိုတဲ့ ရလဒ်နဲ့ အနိုင်ယူပြီး (၁၆) သင်းအဆင့်ကို တက်ရောက်သွားနိုင်ခဲ့ပြီ ဖြစ်ပါတယ်။ တောင်အာဖရိကအသင်းဟာ အုပ်စုအဆင့်မှာ လျှော့တွက်လို့မရတဲ့ စွမ်းဆောင်ရည်တွေကို ပြသထားတဲ့ အသင်းဖြစ်ပေမဲ့လည်း၊ ကနေဒါအသင်းကတော့ စည်းလုံးညီညွတ်တဲ့ အသင်းလိုက်ကစားပုံနဲ့ ရရှိလာတဲ့ အခွင့်အရေးကို အပြည့်အဝ အသုံးချနိုင်ခဲ့ပြီး အရေးပါလှတဲ့ နိုင်ပွဲကို ရယူသွားခဲ့တာ ဖြစ်ပါတယ်။ ပွဲအစပိုင်းကတည်းက နှစ်သင်းစလုံး အပြန်အလှန် ဖိအားပေး ကစားခဲ့ကြပြီး ကွင်းလယ်တိုက်ပွဲမှာ အလွန်အကြိတ်အနယ် ရှိခဲ့တာပါ။ တောင်အာဖရိကအသင်းက ဘောလုံးပိုင်ဆိုင်မှု အနည်းငယ် သာလွန်ခဲ့ပေမဲ့လည်း ကနေဒါအသင်းရဲ့ ကျစ်လျစ်တဲ့ ခံစစ်နဲ့ မြန်နှုန်းမြင့် တန်ပြန်တိုက်စစ်တွေက ပြိုင်ဘက်ကို အတော်လေး အခက်တွေ့စေခဲ့တာ ဖြစ်ပါတယ်။ ဒုတိယပိုင်းမှာတော့ ကနေဒါအသင်းက ပိုမိုယုံကြည်မှုရှိရှိနဲ့ တိုက်စစ်ဖွင့်ကစားလာခဲ့ပြီး နှစ်သင်းစလုံး ဂိုးရရှိဖို့အတွက် ရုန်းကန်ခဲ့ရတာကြောင့် သရေရလဒ်နဲ့သာ မိနစ် (၉၀) အတွင်း ပွဲပြီးဆုံးတော့မယ်လို့ ထင်မှတ်ခဲ့ရပါတယ်။ ဒါပေမဲ့လည်း ကနေဒါအသင်းဟာ ပွဲကစားချိန် နာကျင်ပဟတ် အပိုဆောင်းမိနစ် (၉၀+၂) မိနစ်မှာ ရရှိလာတဲ့ အခွင့်အရေးတစ်ကြိမ်ကို အမှားမခံဘဲ ဂိုးအဖြစ် ပြောင်းလဲနိုင်ခဲ့တာက ပွဲရဲ့ အဆုံးအဖြတ် ဖြစ်သွားခဲ့ပါတယ်။ တောင်အာဖရိကအသင်းအနေနဲ့ ချေပဂိုးရရှိဖို့ အစွမ်းကုန် ကြိုးစားခဲ့ပေမဲ့ ကနေဒါအသင်းရဲ့ ခံစစ်တံတိုင်းကို မကျော်ဖြတ်နိုင်ခဲ့ဘဲ ပြိုင်ပွဲကနေ အိမ်ပြန်ခဲ့ရတာ ဖြစ်ပါတယ်။ ဒီနိုင်ပွဲဟာ ကနေဒါအသင်းရဲ့ တိုးတက်လာတဲ့ ဘောလုံးအဆင့်အတန်းကို ထပ်မံသက်သေပြလိုက်တာဖြစ်ပြီး၊ အုပ်စုအဆင့်က ခြေစွမ်းကောင်းတွေကို ရှုံးထွက်အဆင့်အထိပါ ဆက်လက်သယ်ဆောင်လာနိုင်ခဲ့ကာ ပြိုင်ဘက်တိုင်းကို မကြောက်မရွံ့ ရင်ဆိုင်နိုင်တဲ့ အသင်းတစ်သင်းအဖြစ် (၁၆) သင်းအဆင့်မှာ တွေ့ရမယ့် ပြိုင်ဘက်ကို စိန်ခေါ်လိုက်ပြီ ဖြစ်ပါတယ်။ ယခုအခါ ကနေဒါအသင်းဟာ (၁၆) သင်းအဆင့်မှာ နယ်သာလန်အသင်းနဲ့ မော်ရိုကိုအသင်းတို့ ပွဲစဉ်ကနေ အနိုင်ရရှိလာမယ့် အသင်းနဲ့ ဆက်လက်ရင်ဆိုင်ရမှာ ဖြစ်ပါတယ်။ ဘယ်အသင်းနဲ့ပဲ တွေ့ဆုံရသည်ဖြစ်စေ လက်ရှိခြေစွမ်းအတိုင်းသာ ဆက်လက်ထိန်းသိမ်း ကစားနိုင်မယ်ဆိုရင် ကနေဒါအသင်းအတွက် ကွာတားဖိုင်နယ် တက်လှမ်းနိုင်ဖို့ မျှော်လင့်ချက်က အပြည့်အဝ ရှိနေမှာ သေချာပါတယ်။ တောင်အာဖရိကအသင်းအတွက်တော့ ဒီရှုံးနိမ့်မှုနဲ့အတူ ကမ္ဘာ့ဖလားခရီးစဉ်ကို ဝမ်းနည်းစရာ အဆုံးသတ်ခဲ့ရပြီး၊ ကနေဒါအသင်းကတော့ မြောက်အမေရိက ဘောလုံးလောကရဲ့ မျှော်လင့်ချက်တွေကို ဆက်လက်သယ်ဆောင်ရင်း နောက်တစ်ဆင့်ကို ယုံကြည်မှုအပြည့်အဝနဲ့ ချီတက်သွားနိုင်ခဲ့ပြီ ဖြစ်ပါတယ်။ #CJPlatform #ကမ္ဘာ့ဖလား #ကနေဒါနှင့်တောင်အာဖရိက #ရှုံးထွက်အဆင့် #နိုင်ငံတကာအားကစား

မကွေးအကျဉ်းထောင်မှာ နိုင်ငံရေးအကျဉ်းသားတွေကို ထောင်ပိုင် အပါအဝင် အာဏာပိုင်တွေက တိုက်ပိတ်ညှင်းပန်းနှိပ်စက်နေ CJ Platform မကွေးအကျဉ်းထောင်အတွင်းရှိ နိုင်ငံရေးအကျဉ်းသားတွေကို ထောင်ပိုင်ကြီး ဦးဝင်းနိုင် အပါအဝင် ထောင်အာဏာပိုင်တွေက ခြိမ်းခြောက်ရိုက်နှက်ခြင်း၊ တိုက်ပိတ်ခြင်းစတဲ့ လူ့အခွင့်အရေး ချိုးဖောက်မှုတွေကို ဆက်တိုက်ကျူးလွန်နေကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) က မနေ့က ဇွန်လ ၂၈ ရက်နေ့မှာ သတင်းထုတ်ပြန်ပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-3

ရန်ကုန်မှာ စစ်မှုထမ်းပတ်စဉ် (၂၆) အတွက် လူငယ်များကို စစ်သင်တန်းကျောင်းများသို့ ပို့ဆောင်နေ CJ Platform ရန်ကုန်တိုင်းအတွင်းမှာ စစ်မှုထမ်းပတ်စဉ် (၂၆) အတွက် စစ်အုပ်စုက ဖမ်းဆီးပေါ်တာဆွဲထားတဲ့ လူငယ်တွေကို ဇွန်လ ၂၈ ရက်နေ့ နံနက်အစောပိုင်းက တိုက်ကြီးမြို့နယ်နဲ့ လှည်းကူးမြို့နယ်ရှိ စစ်သင်တန်းကျောင်း နှစ်ကျောင်းသို့ ပို့ဆောင်နေတယ်လို့ မြို့ခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-2/

သမိုင်းသစ်ရေးဖို့ ကြိုးစားမယ့် တောင်အာဖရိက၊ အံ့အားသင့်ဖွယ် ခရီးဆက်ချင်တဲ့ အိမ်ရှင်ကနေဒါ CJ Platform ၂၀၂၆ ကမ္ဘာ့ဖလားပြိုင်ပွဲ ရှုံးထွက် (၃၂) သင်းအဆင့်ရဲ့ ပထမဦးဆုံး ပွဲစဉ်မှာတော့ တောင်အာဖရိကအသင်းနဲ့ ကနေဒါအသင်းတို့ ထိပ်တိုက်တွေ့ဆုံ ကစားသွားကြတော့မှာ ဖြစ်ပါတယ်။ နှစ်သင်းစလုံးအတွက် သမိုင်းမှတ်တိုင်သစ်တစ်ခုကို ရေးထိုးနိုင်မယ့် အရေးပါလှတဲ့ ပွဲစဉ်တစ်ပွဲ ဖြစ်တာနဲ့အညီ အမှားခံမှာ မဟုတ်ဘဲ ပွဲကို အပြည့်အဝ အာရုံစိုက် လာကြမှာ ဖြစ်ပါတယ်။ အုပ်စုအဆင့်မှာ မျှော်လင့်ထားတာထက် ပိုမိုကောင်းမွန်တဲ့ စွမ်းဆောင်ရည်တွေကို ပြသနိုင်ခဲ့တာကြောင့် ရှုံးထွက်အဆင့်ကို တက်ရောက်လာခဲ့တဲ့ တောင်အာဖရိကအသင်းဟာ အသင်းလိုက် စည်းလုံးညီညွတ်မှု၊ ကစားအား ကောင်းမွန်မှုနဲ့ ဂိုးအဆုံးသတ်နိုင်စွမ်းတွေကို အဓိက အခြေခံထားတာ ဖြစ်တာကြောင့် ကနေဒါအသင်းကို ရင်ဆိုင်နိုင်စွမ်း အပြည့်ရှိနေပါတယ်။ အထူးသဖြင့် အုပ်စုအဆင့် နောက်ဆုံးပွဲစဉ်မှာ တောင်ကိုရီးယားအသင်းကို အနိုင်ယူကာ နောက်တစ်ဆင့် တက်ရောက်နိုင်ခဲ့ခြင်းက အသင်းရဲ့ ယုံကြည်မှုကို ပိုမိုမြင့်တက်လာစေခဲ့တာ ဖြစ်ပါတယ်။ တစ်ဖက်မှာလည်း အိမ်ရှင်ကနေဒါအသင်းဟာ လူငယ်နဲ့ အတွေ့အကြုံရှိ ကစားသမားတွေကို စနစ်တကျ ပေါင်းစပ်ထားတဲ့ အသင်းတစ်သင်းအဖြစ် ပြိုင်ပွဲအတွင်း အံ့အားသင့်ဖွယ် စွမ်းဆောင်ရည်တွေကို ပြသလျက်ရှိပါတယ်။ လျင်မြန်တဲ့ တန်ပြန်တိုက်စစ်တွေနဲ့ အသင်းလိုက် ကစားပုံက ကနေဒါအသင်းရဲ့ အားသာချက် ဖြစ်နေပြီး၊ တောင်အာဖရိကအသင်းရဲ့ နောက်တန်းကို လျင်မြန်တဲ့ တိုက်စစ်ကစားပုံနဲ့ ထိုးဖောက်ဖို့ ကြိုးစားလာမှာ သေချာပါတယ်။ နည်းစနစ်ပိုင်းအရ ကြည့်မယ်ဆိုရင် တောင်အာဖရိကအသင်းဟာ ဘောလုံးမရှိချိန်မှာ ခံစစ်ကို စုစုစည်းစည်းနဲ့ ကာကွယ်ကစားပြီး၊ အခွင့်အရေးရရင် လျင်မြန်စွာ တိုက်စစ်ကို ပြောင်းလဲတတ်တဲ့ အသင်းဖြစ်ပါတယ်။ ကနေဒါအသင်းကတော့ ဘောလုံးပိုင်ဆိုင်မှု ပိုမိုရယူပြီး ပွဲကို ထိန်းချုပ်ကစားဖို့ ကြိုးစားလာမှာ ဖြစ်တာကြောင့်၊ ကွင်းလယ်တိုက်ပွဲက ယခုပွဲရဲ့ အဖြေကို အဆုံးအဖြတ်ပေးမယ့် အဓိကအချက်တစ်ခု ဖြစ်လာဖွယ် ရှိနေပါတယ်။ နှစ်သင်းစလုံးအတွက် ရှုံးထွက်အဆင့် ပထမပွဲစဉ်ဖြစ်တဲ့အတွက် အမှားအယွင်းလေးတစ်ခုကပင် ပွဲရလဒ်ကို အကြီးအကျယ် ပြောင်းလဲသွားစေနိုင်တာပါ။ တောင်အာဖရိကအသင်းကလည်း သူတို့ရဲ့ မှတ်တိုင်သစ်ကို ဒီကမ္ဘာ့ဖလားမှာ ရေးထိုးချင်နေသလို၊ ကနေဒါအသင်းကလည်း အိမ်ရှင်ဖြစ်တာနဲ့အညီ နောက်တစ်ဆင့်ကို မဖြစ်မနေ ဆက်လက်တက်လှမ်းဖို့ ကြိုးစားလာမှာ ဖြစ်ပါတယ်။ ရှုံးထွက်အဆင့် ဖြစ်တာနဲ့အညီ အလွန်အကြိတ်အနယ်ရှိမယ့် ပွဲစဉ်တစ်ပွဲ ဖြစ်လာဖို့ မျှော်လင့်ရပြီး၊ အမှားနည်းပြီး အဆုံးသတ်သေချာတဲ့ အသင်းကသာ (၁၆) သင်းအဆင့်ကို တက်ရောက်နိုင်မယ့် အခွင့်အရေးကို ဆုပ်ကိုင်နိုင်မှာ ဖြစ်ပါတယ်။ #CJPlatform #ကမ္ဘာ့ဖလား #တောင်အာဖရိကနှင့်ကနေဒါ #ရှုံးထွက်အဆင့် #နိုင်ငံတကာအားကစား