Usmonip

Oxirgi oylarda bir-ikkita badiiy-publitsistik maqolalardan toʻplangan kitoblar mutolaasiga tutindim. Ularda oʻzgacha zavq va shukuh bor ekan. Bugun men ham ermakda yigʻib chiqdim, turli nashrlarda chop etilgan maqola, suhbat va taqrizlarimni yigʻsa, anchagina boʻlib qolarkan. Eng koʻp qadrdon nashrim — oyina.uz’da chop etilgan ekan. Masalan, Telegram sahifamdagi uzuq-yuluq postlardan koʻra, tizimli mehnat va izlanish talab qilgan, muharrir nazaridan oʻtib, oʻquvchilar bahosiga sazovor boʻlgan bitiklarning umri uzoq boʻladi, deb oʻylayman. Imkon qadar koʻproq badiiy-publitsistik maqolalar yozish fikri tugʻildi. Yozay desa bir olam mavzu bor… @usmonosphere

#vakansiya Doʻkonimizga sovgʻa va kanstovarlarni estetik videoga olib, ovozlashtirishga qiz bola kerak. Ish grafigi erkin asosan yangiliklar kelganda reja bn ishlaymiz. Maosh ish hajmidan hisoblanadi. Oʻzida qiziqish boʻlsa boshqa yoʻnalishlarda ham ishlashimiz mumkin. Murojaat uchun: @kitobhouse_admin Oldin qilgan ishlaringizdan yuborsangiz yanada yaxshi)

Kelinglar, qoʻllab-qoʻltiqlashga @usmonosphere

Yaxshi, ana. Oʻzimizda ham sekin-sekin ijodiy rezidensiya formatiga yaqin tadbirlar qilinyapti. Oktyabr oyi davomida har dam olish kunlari yozuvchilik ishiga chuqurroq kiramiz endi :) P.S. Lekin xat avval ruschada yozilib, keyin oʻzbekchaga “Tilmoch” qilingan shekilli. @usmonosphere

Hozirgina koʻrib qoldim, Xushnudbek kanalida men tarjima qilgan hikoyani audio shaklida ulashgan ekan. Shu bahona sizlar ham eshitib yoki oʻqib koʻringlar :) @usmonosphere

Chellenj boʻlib ketibdi-ku buyogʻi: https://t.me/rakontur/350

Inglizchada shunchaki “stay with me” deyishadi. Mana, oʻzbek tilidan mahorat darsi:

Seni xayollarga toldirsam deyman, Ko‘nglingni ko‘nglimga oldirsam, deyman, Oyoq kiyimingni yashirib qo‘yib, Huzurimda ko‘proq qoldirsam, deyman. Shukur Qurbon

Ee, bolajonlar, “bo-ll o’ voa” bilan maqtanib yuribsila-de :) @usmonosphere

Inglizchada shunchaki “no one is eternal” deyishadi. Oʻzbekchadan oʻrganishsin:

Nafsing uchun tavba de, vohkim soʻra magʻfirat, Dunyo manim deganlar mozorlarning ichinda.

Yuribsila-de, “Londn iz di keptl of Grit Britn” deb :) @usmonosphere

Inglizchada shunchaki “you are hot” deyishadi. Oʻzbekchaning goʻzalligini qarang:

Lovullaydi badaning koʻylaklaring kuymasmu? Koʻylaklaringda kulgan chechaklaring kuymasmu? Badaningda balqigan yuraklaring kuymasmu? Lovullaydi badaning koʻylaklaring kuymasmu?

Yuribsizlar-da inglish-inglish deb :) @usmonosphere

Menga tobe boʻlishingni xohlamayman. Erkin boʻlishingni va baribir yonimda qolishni tanlashingni xohlayman. Mahmud Darvish, shoir @usmonosphere

Bu yerda tilloga teng kitoblar sotiladi. 👉🏻 https://t.me/+_GDcuL2f_ohiMzZi

Kuz notasi… @meninghikoyalarim1

#galereya Turkiyalik ijodkor Uğur Gallenkuş bir-biriga zid tasvirlardan iborat ta’sirli kollajlar yaratadi. Ularda parallel olamlar, tinchlik va urush, baxt va kulfat kabi kontrastlarni koʻrasiz. Odatdagi komfort hayot uning ishlarida ogʻriq va qiyinchilik bilan yonma-yon kelib, bir sayyorada turib ham odamlar boshqa-boshqa hayot tarzini boshdan kechirishlari mumkinligini eslatadi. @usmonosphere

Sevgi deb yozdim-u, uyogʻi hech narsa yoza olmadim… Osamu Dazai, “Botayotgan quyosh” @usmonosphere

O ana, dehqonlarni sharaflab yozgan ekanla okamiz 😅 @usmonosphere

#eski_daftar

Kitoblarni yigʻishtirayotib, oʻn yilcha oldin, oʻsmir paytlarim yozgan she’rimni topib oldim. Siz bilan boʻlishgim keldi:

Oyga oshiq boʻlgan yigitman, Yulduzlarni koʻrar koʻzim yoʻq. Yuragimda cheksiz muhabbat, Shundan boʻlak aytar soʻzim yoʻq. Vaslin istab tunlarni bedor Oʻtkazmoqqa roziman, shaksiz. Yuzin toʻsgan bulutlar goʻyo Qorabotir — razil va xasis. Olislarga tikib nigohim, Mohim bilan quraman suhbat. Alam qilsa minglab yulduzlar Ikkimizni qiladi gʻiybat.

Kichkina Usmonip

@usmonosphere

#qiziq Uy qidirayotgandim. Bir e’londagi uyning narxi ham, joylashuvi ham ma’qul boʻldi. Egasiga qoʻngʻiroq qilib, gaplashdim. Oxirida: “xoʻp, qachon uyni koʻrib, olsak boʻladi?” — deb muddaoga oʻtdim. — Hali berolimanmi, yoʻmi? Qashqadaryo, Surxandaryodan boʻsa bermiman. Oʻzi qattansiz? — deb soʻradi. — Qashqadaryodan, — dedim. — Unda uzur, oka, so boʻlas, — deb qoʻydi xolos. Toshkentda 7 yil deganda birinchi marta bunaqa diskriminatsiyaga duch kelishim. Mayli, okya, uyiz oqsuye odamlaga nasip qisin! @usmonosphere

🚚 Zamon oʻzgardi, moshinalar oʻzgardi… Endi Zafar ismli sinfdoshingga Zaparoj deb laqab qoʻymaysan. @usmonosphere