የጽርሐ ጽዮን ሐዋርያት ጎላ ቅዱስ ሚካኤል የፍኖተ ብርሃን ሰ/ት/ቤት (Official Channel)

መልእክተ ብፁዕ ወቅዱስ ፓትርያርክ በስመ ኣብ ወወልድ ወመንፈስ ቅዱስ ኣሓዱ ኣምላክ ኣሜን፡፡ ብፁዕ ኣቡነ ሳዊሮስ የጠቅላይ ቤተ ክህነት ዋና ስራ ኣስኪያጅ፤ ብፁዕ ኣቡነ ዲዮስቆሮስ የቅዱስ ሲኖዶስ ዋና ጸሐፊና፤ ብፁዓን ኣበው ለቃነ ጳጳሳት የቅዱስ ሲኖዶስ ኣባላት፣ የተከበራችሁ የመንበረ ፓትርያርክ ጠቅላይ ቤተክህነት የየመምሪያውና የየርጅቱ ኃላፊዎች የተከበራችሁ የየኣህጉረ ስብከቱ ስራ ኣስኪያጆችና ተወካዮች የኣዲስ ኣበባ ሀገረ ስብከት ኃላፊዎች፣ የየገዳማቱና ኣድባራቱ ኣስተዳዳሪዎች፣ በኣጠቃላይ በዚህ ዓመታዊ የኢትዮጵያ ኦርቶዶክስ ተዋሕዶ ቤተ ክርስቲያን ኣጠቃላይ ሰበካ መንፈሳዊ ጉባኤ የተገኛችሁ ክቡራንና ክቡራት በሙሉ! ፍጥረቱን በትክክለኛ መርሕ የሚያስተዳድር እግዚአብሔር ኣምላክ ከኣራቱ መዓዝነ ዓለም ኣሰባስቦ በዚህ ቅዱስና ሓዋርያዊ ጉባኤ ስለ ሰበሰበን ክብርና ምስጋና ለእሱ ይሁን፤ እናንተም ወደ ቅድስት እናት ቤተ ክርስቲያን ማእከላዊ ጉባኤ እንኳን በደኅና መጣችሁ! “ኲሉ ማዕምቅ ይምላእ፣ ወኲሉ ወግር ይተሓት ወኲሉ መብእስ ይኩን መጽያሕተ ርቱዐ፤ ወይርኣይ ኲሉ ዘነፍስ ኣድኅኖቶ ለእግዚአብሔር፡- ዓዘቅቱ ሁሉ ይሙላ፤ ተራራውና ኮረብታውም ሁሉ ዝቅ ይበል፤ ጠማማውም የቀና መንገድ ይሁን፤ ሸካራውም ይስተካከል፤ ሥጋዊም ሁሉ የእግዚአብሔርን ማዳን ይይ (ሉቃ. 3፥6) የዚህ ትምህርተ መለኮት መሠረታዊ መልእክት ትክክለኛ፣ ፍትሕንና እኩነልነትን በማኅበረ ሰብ መካከል ማረጋግጥ ነው፤ ፍትሕና እኩልነት ለሰው ልጅ ያላቸው ዋጋ፣ ከምግብ፣ ከመጠጥና ከልብስ ፍላጎት ያልተናነሰ ነው፤ የሰው ልጅ ደስታና የኅሊና ነጻነት የሚለካው ኣስተማማኝ በሆነ የፍትሕና የእኩነልነት ሃልዎት እንጂ በምግብ፣ በመጠጥና በልብስ ወይም በሃብት ብዛት አይደለም፤ ብዙ ሃብት ያላቸው ሰዎች ፍትሕንና እኩልነትን ካጡ፣ ኅሊናዊ ተሃውኮ ላይ ይወድቃሉ፤ ኑሮኣቸውም በእጅጉ ይረበሻል፤ ለሃብታቸውም ዋስትና እንደሌለው ስለሚረዱ ነገራቸው ሁሉ ይቃወሳል፣ ይናጋልም፡፡ ብፁዓን ኣበው ሊቃነ ጳጳሳት! የተከበራችሁ እንግዶች! ፍትሕና ርትዕ ለሰው ልጅ የተቃና ኑሮ ከእግዚአብሔር ዘንድ የተሰጡ ምርጥ ስጦታዎች  ናቸው፤ ፍትሕና እኩልነት በሕግ የበላይነት ጥላ ሥር ሲውሉ ለሰው ኅሊና ፍጹም ነጻነትን ያጐናጽፋሉ፤ ሲዘነጉና ሲናቁ ግን ኑሮው የተመሰቃቀለና ተስፋ ቢስ የሆነ ማኅበረ ሰብ ይፈጠራል፤ ነገሩ ሲራዘም ደግሞ ግጭትን ይወልድና መጠፋፋትን ያስከትላል፤ ፍትሕና እኩነልነት የእግዚአብሔር ገንዘቦች እንደመሆናቸው መጠበቅና መከበር ያለባቸው በቤተ እግዚአብሔር ነው፤ “ፍትሑ ለነዳይ ወለዕጓለ ማውታ ወኣጽድቁ ግፉዐ ወምስኪነ” የሚለውን ትምህርት የምናገኘው በቤተ እግዚአብሔር ነውና፤ ይሁን እንጂ “በኣንዲት ቅድስት ቤተ ክርስቲያን እናምናለን” እያልን ኣንዱ ደብር የተራራ ያህል በሃብት የናጠ፣ ሌላኛው ደብር ደግሞ ሁሉን ኣጥቶ የተዘጋ ነው፤ በሰው ኃይል ኣስተዳደርም ኣንዱ ከበቂ በላይ ደመወዝ ሲያገኝ፣ ሌላው ድቃቂ ሳንቲም ኣጥቶ በችግር ይማቅቃል፤ በኣድልዎ፣ በጥቅም ትስስርና በብልሹ የሃብት ኣያያዝ የሚከሠተው ምዝበራ ሁሉ የፍትሕና የእኩልነት እጦት ውጤት ነው፤ እንደዚህ ዓይነቱ ብልሹ ኣሰራርን ካላረምን በቀር መልካም ኣስተዳደርን ማስፈንና ቤተ ክርስቲያንን ለቀጣዩ ትውልድ ማሸጋገር የማንወጣው ከባድ ዳገት ይሆንብናል፡፡ ብፁዓን ኣበው ሊቃነ ጳጳሳት የተከበራችሁ እንግዶች! የሰው ኃይል  ኣስተዳደራችን ፈተና የበዛበት፣ ከፍ ያለው ዝቅ ይበል፤ ዝቅ ያለው ከፍ ይበል፤ የተጣመመው ቀጥ ይበል፤ ሰው ሁሉ የራሱን ሳይሆን የእግዚአብሔርን ይመልከት ያለውን መለኮታዊ ኣስተምህሮ ወደ ጐን ስለ ተተወ ነው፤ በዚህም ምክንያት ቤተ ክርስቲያናችንና ልጆችዋ ካህናት እየተጐዱብን ነው፤ ለዚህም ያለ በቂ ምክንያት ከስራና ደመወዝ እየተፈናቀሉ እሮሮ የሚያሰሙ ካህናትና ሰራተኞች በርካታ ናቸው፡፡ ቀደም ሲል በተፈጸመው የማፈናቀል ክሥተት ከተጐዱ ካህናት መካከልም እስካሁን ዕንባቸው ያልታበሰ ብዙ ናቸው፤ ችግሩም ሲቆም አይታይም፤ በየጊዜው ባለሥልጣን ይነሣል፤ ባለሥልጣን ይተካል፤ ችግሩ ግን ከመባባስ በቀር ምንም ዓይነት መሻሻል ኣይታይበትም፤ ለምን እንደዚህ ሆነ ብለን ብንጠይቅ፣ ችግሩ የቤተ ክርስቲያን ሳይሆን፣ እኛው ራሳችን ፍትሕንና እኩልነትን ለማስፈን ቊርጠኝነቱን ስላጣን ነው የሚል መልስ ያመዝናል፤ ከዚህ ሌላ ምንም ዓይነት ኣመክንዮ ሊቀርብለት ኣይችልም፤ ስለሆነም ይህ ጉባኤ የችግሩን ኣሳሳቢነት ግምት ውስጥ በማስገባት ፍትሕንና እኩልነትን፣ ሥርዓትንና የሕግ የበላይነትን ያረጋገጠ፣ ግልጸኝነትና ተጠያቂነትን ያሰፈነ አሰራር የሚያዋልድ ኣቅጣጫ መቀየስ ይኖርበታል፤ ወጣ ገባውና ኣንዱ በይ ሌላው የበይ ተመልካች የሚያደርገውን እንደዚሁም ሐዋርያዊ ተልእኮን ያላስቀደመ ልማዳዊ ኣሰራር ማረም አለብን፤ በምትኩም በቴክኖሎጂ ሲስተም የታገዘና ሁሉንም በፍትሕ ፊት እኩል ኣድርጎ የሚያስተናግድ ኣሰራር በዚህ ዓመት ማረጋገጥ ይኖርብናል፤ ስለሆነም ይህ ጉባኤ ለዚህ ትክክለኛና ችግር ፈቺ ውሳኔ እንዲሰጥበት በኣጽንዖት እናሳስባለን፡፡        በመጨረሻም ከኣራቱ መዓዝነ ዓለም የመጣችሁ የቤተ ክርስቲያናችን ኃላፊዎችና ተጠሪዎች የዘመኑን ፈተና ተቋቊማችሁ ቤተ ክርስቲያንና ሕዝቡን በቅንነት ከማገልገላችሁም በላይ፣ ደጋ ወጥታችሁ፣ ቆላ ወርዳችሁ ያስገኛሁትን ውጤት በመያዝ በዚህ ጉባኤ መገኘታችሁን በኣድናቆት የምንመለከተውና ምስጋና የምንቸረው መሆኑን እየገለጽን እንኳን ደኅና መጣችሁ በማለት የሁለት ሺሕ ዓሥራ ዘጠኝ ዓመተ ምሕረት ጠቅላላ መንፈሳዊ ጉባኤ በዛሬው ዕለት የተከፈተ መሆኑን እናበስራለን፡፡ እግዚአብሔር መልካም ጉባኤ ያድርግልን እግዚአብሔር ኢትዮጵያንና ሕዝቦችዋን ይባርክ! ወስብሐት ለእግዚአብሔር፤ አሜን!!! አባ ማትያስ ቀዳማዊ ፓትርያርክ ርእሰ ሊቃነ ጳጰሳት ዘኢትዮጵያ ሊቀ ጳጳስ ዘኣኲስም ወዕጨጌ ዘመንበረ ተክለሃይማኖት፣ ጥቅምት 3 ቀን ፳፻፲፱ ዓ.ም አዲስ አበባ - ኢትዮጵያ

የሐዘን ቤት የማጽናኛ መርሐግብር በትላንትናው ዕለት ላረፉት ለዳዊት ብርሄኔ ቤተሰብ ዛሬ ጥቅምት 04/2019 ከምሽቱ 12:00 ጀምሮ የማጽናኛ መርሐግብር ስለሚደረግ፤ የምትችሉ አባላት 43 ጂምናዚየም አካባቢ ተገኝተን በጉባኤው እንድንሳተፍ ቤተሰብንም እንድናጽናና በአክብሮት እናሳስባለን። ትምህርት ክፍል

የሐዘን መግለጫ የሰንበት ት/ቤታችን አባል የሆኑት የወንድማችን ኢ/ር ሮቤል አሰፋ እና የሙሉቀን አሰፋ አያት አርፈዋል። ሥርዓተ ቀብሩ ዛሬ ጥቅምት 4/2019 ዓ.ም አየር ጤና አካባቢ በሚገኘው የረጲ መድኀኔዓለም ቤ/ክ ከቀኑ 8:00 ሰዓት የሚፈጸም በመሆኑ በቀብሩ ላይ መገኘት የምትችሉ ተገኝተን እንዲሁም በመኖሪያ ቤታቸው ወለቴ አካባቢ በመገኘት እንድናጽናናቸው ይሁን። ነፍስ  ይማርልን ። ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተሰጠው የቴሌግራም ቻናል ነው። https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc የዌብሳይት ገጻችን https://finotebirhan.com

ቅዱሳን ነገሥታት አብርሃ ወአጽብሐ

ቅዱሳን ነገሥታት አብርሃ ወአጽብሐ (ኢዛና እና ሳይዛና) ከአባታቸው ንጉሥ ታዜር (ሠይፈ አርእድ) እና ከእናታቸው ሶፍያ (አህየዋ) የተወለዱ የብፅዓት ልጆች ናቸው። ወላጆቻቸው መካን ስለነበሩ ንግሥት ሶፍያ የካቲት 18 ቀን ሱባዔ ገብታ በጸሎትና በእንባ ፈጣሪዋን ለመነች። በሱባዔዋም መጨረሻ ረጅም ዛፍ፣ ሁለት መሰላሎች እና የወርቅ ዘንግ የያዘ ብርሃናዊ ሰው በራእይ አየች። የመላእክት አለቃ ቅዱስ ሚካኤልም ተገልጾ ዛፏ ወንጌል፣ ተራራዋ ኢትዮጵያ፣ ዘንጓ ጥምቀት፣ ብርሃናዊው ሰው አባ ሰላማ ከሳቴ ብርሃን፣ ሁለቱ መሰላሎች ደግሞ የምትወልዳቸው ልጆቿ መሆናቸውን ተረጎመላት። በዚሁ መሠረት ታኅሣሥ 29 ቀን በ312 ዓ.ም መንታ ልጆችን ወለደች። ሕፃናቱ ከተወለዱበት ቀን ጀምሮ እርስ በእርስ እየተባበሉና «የአባቶቻችን አምላክ እግዚአብሔር ይመስገን» እያሉ ያመሰግኑ ነበር፤ በአምስት ዓመታቸውም በብፅዓት መሠረት ወደ ቤተ መቅደስ ገቡ። በ12 ዓመታቸው አባታቸው ንጉሥ ታዜር በመሞቱ እና ልጆቹ መንትያ በመሆናቸው ማንን ማንገሥ እንዳለባቸው አሳሳቢ ሆነ። ነገር ግን ሕዝቡና ሊቀ ካህናቱ ፈቃደ እግዚአብሔርን በጸሎት ሲጠይቁ መልአኩ ቅዱስ ሚካኤል ተገልጾ ሁለቱንም በአንድ መንበር እንዲያነግሡ አዘዘ። ሥመ መንግሥታቸውም ኢዛና እና ሳይዛና ተብሎ ነገሡ፤ ሀገሪቱንም በታላቅ ፍቅር፣ ፍትሕና ትሕትና መምራት ጀመሩ። ወጣቶቹ ነገሥታት ስለ ጌታችን መድኃኒታችን ኢየሱስ ክርስቶስ መወለድ ይጨነቁ ስለነበር፣ አባ ሰላማ (ፍሬምናጦስ) የትስብእትን ምስጢር ካስተማራቸው በኋላ የጥምቀትና የቁርባን ሥርዓትን ለማስፋፋት ሥልጣነ ክህነት ያስፈልግ ነበርና ወደ እስክንድርያው ፓትርያርክ ቅዱስ አትናቴዎስ ደብዳቤና ገጸ በረከት አስይዘው ላኩት። ቅዱስ አትናቴዎስም ፍሬምናጦስን «አቡነ ሰላማ» ብሎ ኤጲስ ቆጶስ አድርጎ ሾመው፤ ከመጻሕፍትና ከንዋያተ ቅዱሳት ጋርም ወደ ኢትዮጵያ ሰደደው። አቡነ ሰላማ ሲመለሱ የመጀመሪያው የጥምቀት ሥራ በነገሥታቱ ተከናወነ፤ ኢዛና «አብርሃ»፣ ሳይዛና «አጽብሐ» ተብለው ተሰየሙ። ቀጥሎም ሠራዊቱና ሕዝቡ ተጠምቀው ሥርዓተ ቁርባን ተፈጸመላቸው። ከዚህ በኋላ ጌታችን ተገልጾ ባሳያቸው ቦታ፣ ባሕሩ በተአምር ደርቆ በ24 የግሪክና የጢሮስ ጥበበኞች የአክሱም ጽዮን ቤተ ክርስቲያን ታነፀ፤ ይህ ታላቅ ሕንፃ ለ600 ዓመታት አገልግሎ በ10ኛው ክፍለ ዘመን በዮዲት ጉዲት ተቃጥሏል። ቅዱሳን ነገሥታቱ በየክፍለ ሀገሩ (በወሎ፣ በሸዋ፣ በከፋ፣ በሰላሌ፣ በጎጃም እና በጎንደር) እየተዘዋወሩ ወንጌልን በመስበክ 154 አብያተ ክርስቲያናትን ያነጹ ሲሆን፣ አብርሃ በ374 ዓ.ም ጥቅምት 4 ቀን፣ አጽብሐ ደግሞ በ379 ዓ.ም ጥቅምት 4 ቀን አርፈው ቀስተ ደመና በመቃብራቸው ላይ ተተክሏል። እግዚአብሔር አምላክም ዝክራቸውን ለዘከረና በስማቸው ለተመጸወተ ታላቅ የመንግሥተ ሰማያት ቃል ኪዳን ገብቶላቸዋል። የቅዱሳን ረድኤታቸው፣ በረከታቸውና አማላጅነታቸው አይለየን፤አሜን!!!

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

የሐዘን መግለጫ የሰንበት ት/ቤታችን አባል የሆነው የወንድማችን ዳዊት ብርሃኑ ወንድም አርፏል። ሥርዓተ ቀብሩ ዛሬ ጥቅምት 3/2019 ዓ.ም በቀጨኔ መድኀኔዓለም ቤ/ክ ከቀኑ 5:00-6:00 ሰዓት የሚፈጸም በመሆኑ በቀብሩ ላይ መገኘት የምትችሉ ተገኝተን እንዲሁም በመኖሪያ ቤታቸው 43 ቀበሌ ጂምናዚየምን አለፍ ብሎ ከረዮ ፖሊስ ጣቢያ አካባቢ በመገኘት እንድናጽናናቸው ይሁን።  የወንድማችንን ነፍስ  ይማርልን ። ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተሰጠው የቴሌግራም ቻናል ነው። https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc የዌብሳይት ገጻችን https://finotebirhan.com

አባ ጊዮርጊስ ዘጋስጫ

ጥቅምት ሦስት በዚህች ዕለት ከመጽሐፈ ሰዓታት ውጭ እጅግ ብዙ ድርሰቶችን የደረሰ ፈላስፋም ጻዲቅም ደራሲም መናኝ ባሕታዊም የሆነ ድርሰቶቹንም ለቅዱሳን በነፋስ ጭኖ ይልክላቸው የነበረ የቤተ ክርስቲያናችን ታላቅ ኩራት ኢትዮጵያዊው ቄርሎስ አባ ጊዮርጊስ ዘጋስጫ በዓለ ፅንሰቱ ነው፡፡አባታችን ጥቅምት ሦስት ቀን ፲፫፻፶፯ ዓም ተፀንሰው ሐምሌ ፯ ቀን  ዕለተ ማክሰኞ ተወለዱ። አባ ጊዮርጊስ ነገረ ሃይማኖትን ጠንቅቆ የተረዳና የሚያስረዳ ስለነበር በዘመኑ የተነሡ የሃይማኖት ክርክሮች ሁሉ እርሱ ከሌለ አይሳኩም ነበር፡፡ በዚያ ጊዜ በሸዋ በይፋት ራሳቸውን ቤተ እስራኤል እያሉ የሚጠሩ አይሁድ ነበሩ፡፡ ከአቡነ ዜና ማርቆስ ጀምሮ ብዙ መምህራን ወደነዚህ ሕዝቦች እየተሠማሩ ወንጌልን አስተምረዋል፡፡ አቡነ ዜና ማርቆስ ወደ ክርስትና ለተመለሱት ቤተ እስራኤላውያን በእመቤታችን፣ በቅዱስ ሚካኤል፣ በአባ ኖብና በሰማዕቱ በጊጋር ስም አራት አብያተ ክርስቲያናትን አሠርተው ነበር፡፡ ሁለቱ የመጀመሪያዎቹ አሁንም አሉ፡፡ ይህ ሁሉ ቢሆንም ቤተ እስራኤላውያኑ ሙሉ በሙሉ ወደ ክርስትና አልተመለሱም ነበር፡፡ ከእነዚህ አይሁድ መካከል አንዱ ከክርስቲያኖች ጋር በነገረ ሃይማኖት ለመከራከር ጥሪ አቀረበ፡፡ “ክርስቲያኖች ከረቱኝ ወደነርሱ ሃይማኖት እገባለሁ እኔ ከረታኋቸውም ወደኔ ሃይማኖት ይገባሉ” ሲል ነገሩን ጥብቅ አደረገው፡፡ ዐፄ ዳዊት ይህን ጉዳይ ሲሰማ በጣም ስለ ተናደደ ሊቃነ ካህናቱን፣ ንቡራነ እዱንና የመጻሕፍት ዐዋቂዎችን ሁሉ ከየሀገሩ እንዲሰባሰቡ አዘዘ፡፡ አይሁዳዊው በአንድ ወገን መምህራኑ በአንድ ወገን ሆነው ክርክሩን ጀመሩ፡፡ የመጀመርያው እድል የተሰጠው ለአይሁዳዊው በመሆኑ ቀጥሎ ያለውን ጥያቄ አቀረበ፡- “እናንተ የእግዚአብሔር ልጅ ነው የምትሉት ይሄ ክርስቶስ እውነት የእግዚአብሔር ልጅ ከሆነ፣ ወደ ቢታንያ በመጣ ጊዜ አልዓዛር የተቀበረበትን ቦታ ሳያውቅ ቀርቶ ''አልዓዛርን የት ቀበራችሁት?” ብሎ እንደ ጠየቀ በወንጌላችሁ ተጽፏል፡፡ ለዚህ መልስ ስጡኝ፣ እኔንም ከመጽሐፈ ኦሪቴ ጠቅሳችሁ ጠይቁኝ?” ሲል የመከራከርያ ነጥቡን አቀረበ፡፡ በዚህ ጊዜ አባ ጊዮርጊስ ታሞ አልጋ ላይ ነበር፡፡ ሊቃውንቱም “እንዲህ ያለው ነገር ያለ እርሱ አይሆንምና አባ ጊዮርጊስ ይምጣ” ሲሉ ለዐፄ ዳዊት ጥያቄ አቀረቡ፡፡ አባ ጊዮርጊስም በአልጋ ላይ እያለ እንዲመጣ ተደረገ፡፡ በአልጋ ላይ ሆኖም በጉባኤው ላይ ተገኘ፡፡ ጉባኤተኞቹ የቀረበውን ጥያቄ ነገሩት፡፡ አባ ጊዮርጊስ የሰጠውን መልስ ገድሉ በሚከተለው መንገድ ይገልጥልናል “እኔ ግን በወንጌል ሳይሆን በኦሪት እከራከርሃለሁ፡፡ የምኩራብ መጻሕፍት ሁሉ ለቤተ ክርስቲያን የታወቁ ናቸውና፡፡ ምኩራብ ዘራች ቤተ ክርስቲያንም አጨደችው፤ ምኩራብ ፈተለችው ቤተ ክርስቲያን ለበሰችው፤ አዳምን በገነት ሳለ አዳም ሆይ ወዴት ነህ? ብሎ የጠየቀው ማነው? አብርሃምንስ ሚስትህ ሣራ ወዴት ናት? ብሎ የጠየቀው ማነው? እስቲ መልስልኝ? ሰይጣንንስ ከወዴት መጣህ? ብሎ የጠየቀው ማነው? እግዚአብሔር አብ አይደለምን?” በዚህ ጊዜ አይሁዳዊው መልስ አጥቶ ዝም አለ፡፡ ንጉሡ፣ ሊቃውንቱና መኳንንቱም እጅግ ተደሰቱ፡፡ አባ ጊዮርጊስ ሌላው ያጋጠመው ክርክር ቢቱ ከተባለው ሰው ጋር ያደረገው ክርክር ነበር፡፡ ቢቱ “በምጽአት ጊዜ የሚመጣው ወልድ ብቻውን እንጂ አብና መንፈስ ቅዱስ አይመጡም” የሚል ኑፋቄ ማስተማር ጀምሮ ነበር፡፡ ቢቱ ከዚህ ኑፋቄው በተጨማሪ የጥንቆላ ሥራም ይሠራ ነበር፡፡ ቢቱ በጥንቆላ ሥራው የተነሣ በቤተ መንግሥቱ ተቀባይነት የነበረው ሰው እንደ ነበረ ገድሉ ይናገራል፡፡ ይህን መሰሉን ተግባር አጥብቆ የተዋጋው ዘርዐ ያዕቆብ እስኪመጣ ድረስ ነገሥታቱ ምንም ክርስቲያኖች ቢሆኑ በዚህ መሰሉ ስንኩል ሕፀፅ ይዋጡ ነበር፡፡ ቢቱና አባ ጊዮርጊስ ወደ ንጉሥ ዳዊት ቀርበው በጉዳዩ ላይ መነጋገር እንደሚፈልጉ ገለጡ፡፡ ዐፄ ዳዊትም ጳጳሱና ሊቃውንቱ ባሉበት እንዲነጋገሩ ስለ ወሰነ ጳጳሱ እንዲመጡ አዘዘ፡፡ በዚህ ጊዜ ተንኮለኛው ቢቱ ከአባ ጊዮርጊስ ጋር ከተከራከረ እንደሚረታ ስላወቀ “ንጉሡ የአባቶቻችንን ሃይማኖት ክዷልና አትምጣ” የሚል ደብዳቤ በአባ ጊዮርጊስ ስም ጽፎ ጳጳሱን ሊጠሩ በሄዱት መልእክተኞች እጅ ላከ፡፡ ወድያውም ለዐፄ ዳዊት ይህንን ነገር አሳበቀ፡፡ ዐፄ ዳዊትም ፈጣን መልእክተኞች ልኮ የፊተኞቹ መልእክተኞች እንዲመለሱ አደረገና ደብዳቤው ተነበበ፡፡ የቢቱ ተንኮል ያልገባው ንጉሥ ዳዊት ይህን ደብዳቤ ሲመለከት አባ ጊዮርጊስን በደም አበላ እስኪነከር ድረስ እንዲደበደብ አድርጎ ወደ እስር ቤት አስገባው፡፡ ዐፄ ዳዊት እስኪሞትና ልጁ ቴዎድሮስ እስኪነግሥ ድረስም በዚያ ቆየ፡፡ ቢቱ ግን በመልአክ ተቀስፎ ሞተ፡፡ የአባታችን የጻድቁ አባ ጊዮርጊስ ዘጋስጫ ረድኤት አይለየን!!

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

ሊቁ ቅዱስ አባ ሕርያቆስ

" እግዚአብሔር አብ በሰማይ ሆኖ ምሥራቅንና ምዕራብን ሰሜንንና ደቡብን ዳርቻዎችንም ሁሉ በእውነት ተመለከተ ተነፈሰ አሻተተም እንደ አንቺ ያለ አላገኘም የአንቺን መዓዛ ወደደ ደም ግባትሽንም ወደደ የሚወደውን ልጁንም ወደ አንቺ ሰደደ።"

ክርስቲያን ሆኖ እመቤታችንን የሚወድ ሰው ሁሉ ይህንን አባት ያውቀዋል። አባ ሕርያቆስ ተወልዶ ያደገው በምድረ ግብጽ ሲሆን አካባቢው ብህንሳ (ንሒሳ) ይባላል። ይህቺ ቦታ አቡነ ገብረ መንፈስ ቅዱስን ጨምሮ በርካታ ቅዱሳንን ያፈራች ናት። አባ ሕርያቆስን በዚህ ዘመን ነበረ ተብሎ ትክክለኛውን ዓ/ም ለመናገር ይከብዳል። ከቤተ ክርስቲያን ትውፊት መረዳት እንደሚቻለው ግን የነበረበት ዘመን 4ኛው ወይም 5ኛው መቶ ክፍለ ዘመን እንደ ሆነ መገመት ይቻላል። ቅዱሱ በዘመኑ የተለየ ማንነት የነበረው ሰው ነው። ገና ከልጅነቱ እመ ብርሃንን የሚወዳት በመሆኑ ቅን የዋህና ገራገር ነበረ። መቼም እመቤታችን ይወዳል ሲባል እንደ ዘመኑ በአፍ ብቻ እንዳይመስለን። ቀንና ሌሊት ለፍቅሯ የሚተጋ ማዕበለ ፍቅሯ የሚያማታው ሰው ነበር እንጂ። የእመቤታችን ድንግል ማርያምን ስም ሲጠራ ምስጥ ብሎ ልቡናው ይሰወርበት ነበር ዘወትር የእርሷን ፍቅር ከማሰብ በቀር ሌላ ሥራ አልነበረውም። የልጅነት ጊዜው ሲያልፍም ድንግልንና ቸር ልጇን ያገለግል ዘንድ መነነ። ዘመኑ ዘመነ ሊቃውንት እንደ መሆኑ ሁሉም ለትምሕርት ሲተጉ እርሱ ግን ለጸሎትና ለደግነት ብቻ ነበር የሚተጋው። ከትምሕርት ወገንም የሰሞን ጉዋዞችን አንዳንድ ቅዳሴያትንና የዳዊትን መዝሙር ተምሮ ነበር። በተለይ ግን የዳዊትን መዝሙር እየጣፈጠው መላልሶ መላልሶ ያመሰግንበት ነበር። ከዳዊት መካከል ደግሞ መዝሙር 44ን ፈጽሞ ይወዳት ነበር። ይህቺ ጥቅስ የምትጀምረው

"ጐስዐ ልብየ ቃለ ሠናየ"

ብላ ነው። የውስጧ ምሥጢርም ስለ ድንግል ማርያምና ስለ ክርስቶስ ነው። አባ ሕርያቆስ ይህቺን መዝሙር በቃሉ አጥንቶ? ቁሞም ተቀምጦም ተኝቶም ተነስቶም ያለ ማቁዋረጥ ይላት ነበር። እየጣፈጠችው

"ልቡናየ በጐ ነገርን አወጣ"

እያለ ይዘምር ነበር። በወቅቱ ታዲያ የብህንሳ ኤዺስ ቆዾስ በማረፉ ምትክ ሲያፈላልጉ መንፈስ ቅዱስ አባ ሕርያቆስን መረጠ። ምንም አለመማሩ ቢያሰጋችቸውም 'በጸሎቱ በደግነቱ ሃገር ይጠብቃል' ብለው ሾሙት ነገር ግን ምንም በሥልጣን የበላያቸው ቢሆን ተማርን የሚሉ ሰዎች ይጠሉት ይንቁትም ነበር። እርሱ ግን እንደ ጠሉኝ ልጥላቸው እንደ ናቁኝ ልናቃቸው ሳይል በፍቅር ያገለግል ነበር። አንድ ቀን ታዲያ መንገድ ይወጣል:: በበርሃ ብቻውን እየተራመደ "ጐሥዐ ልብየ ቃለ ሠናየ" እያለ እየዘመረ ተመሥጦ ቢመጣበት መንገድ ሳተ። እርሱ በምስጋናው ሲደሰት እግሩ ግን ከገደል ጫፍ ደርሶ ነበር። ገደሉን ልብ አላለውም ነበርና ሳይታወቀው ወደ ገደሉ ውስጥ ተወረወረ። በዚህ ጊዜ ደንግጦ ቢመለከት እጅግ ጥልቅ በሆነ ገደል ውስጥ ራሱን አገኘው። ነገር ግን አንድም አካሉ አልተነካም። ልብሱም አልቆሸሸም። ለራሱ ተገርሞ ዙሪያ ገባውን ሲመለከት እርሱ ቁጭ ያለበት ብርሃንን የተሞላ የልብስ ዘርፍ ነበር። "እመ ብርሃን" ብሎ ሲጮህ የሰማይና የምድር ንግሥት የሆነች እመቤታችን ከፊቱ ቁማ ታየችው። እመ አምላክን በገሃድ ቢያያት እንደ እንቦሳ ዘለለ። የሚገርመው ደግሞ የተቀመጠበት የድንግል ማርያም የቀሚሷ ዘርፍ ነበር። እመቤታችን አነጋገረችው ባረከችው። ፍቅሯ ቢመስጠው ከሰው ሳይገናኝ ምግብም ሳይበላ እዚያው ገደሉ ውስጥ ለ1 ዓመት ያህል በተመስጦ ቆይቷል። በሁዋላ እመ ብርሃን መጥታ ከገደሉ አውጥታ ወደ ሐገሩ መለሰችው። ከጥቂት ጊዜ በሁዋላም አንድ ፈተና ገጠመው። አንድ ቀን እመቤታችን በተወለደችበት ግንቦት 1 ቀን ቅዳሴ 'ማን ይቀድስ' ሲባል ሰዎቹ 'አባ ሕርያቆስ ይሁን' አሉ። እርሱ ግን "እኔ አይቻለኝም እናንተ ሊቃውንት ቀድሱ" አላቸው። "አይሆንም"ብለው እርሱኑ አስገቡት። ይህንን ያደረጉት ለተንኮል ነበር። ልክ ወንጌል ተነቦ ፍሬ ቅዳሴ ሲመረጥ እርሱ "እግዚእን (የጌታ ቅዳሴን) ልቀድስ" ቢል እነርሱ "የሚቀደሰው የሊቅ ቅዳሴ ነው" አሉት። ይህንን ያሉት እርሱ የሊቃውንቱን ቅዳሴ አያውቅምና በሰው ፊት እንዲዋረድ ነው። እንዲህም ብለው ባለመማሩ ተሳለቁበት። አባ ሕርያቆስ ግን እያዘነ ወደ መንበሩ ዞረ። ድንግልንም "እመቤቴ መናቄን መገፋቴን ተመልከች" አላት። ወዲያው ግን ድንግል ማርያም ወርዳ ቀጸበችው (ጠራችው)። በዘርፋፋው ቀሚሷ ላይም ረቂቅ የሆነ ቅዳሴን አሳየችው። ደጉ ሰው ደስ ብሎት

"ጐሥዐ ልብየ" ሲል 2ቱ እግሮቹ ከመሬት ከፍ አሉ። እርሱም "ወአነ አየድእ ቅዳሴሃ ለማርያም" ብሎ እስከ ኃዳፌ ነፍሱ ድረስ አደረሰው።

ሕዝቡና ካህናቱ በሆነው ነገር ሲደነቁ አንዳንዶቹ "ዝም ብሎ ነው የቀባጠረ" አሉ። ቅዱሱ ግን ቅዳሴ ማርያምን በብራና ጠርዞ በሕዝቡ መካከል ድውይ ፈወሰበት። እሳት ሳያቃጥለው: ውሃ ሳይደመስሰው ቀረ። መጽሐፈ ቅዳሴው ሙትንም አስነስቷል። ከዚህች ሰዓት ጀምሮ በዘመኑ ቁጥር 1 ሊቅም ሆነ። ብዙ መጻሕፍትን ሲተረጉም አጠቃላይ ድርሰቶቹም እልፍ (10,000) ናቸው። ሊቁ እንዲህ በንጹሕ ተመላልሶ ዐርፏል። ይህቺ ቀን ለቅዱሱ የልደቱና ዕረፍቱ መታሰቢያ ናት። አምላከ ቅዱሳን ሊቃውንት የእመቤታችን ቅድስት ድንግል ማርያምን ጣዕሟን ፍቅሯን ያሳድርብን🙏🙏 የቅዱሳን ረድኤት በረከት በሁላችንም ላይ ይደር!!

በስተኋላውም በእግሩ አጠገብ ቆማ እያለቀሰች በእንባዋ እግሩን ታርስ ጀመረች፤ በራስ ጠጉሯም ታብሰው፣ እግሩንም ትስመው፣ ሽቱም ትቀባው ነበረች፡፡ሉቃ.፯፥፴፰-፴፱

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

ከዚያም እልፍ ብሎ ሌሎችን ሁለት ወንድማማች የዘብዴዎስን ልጅ ያዕቆብን ወንድሙንም ዮሐንስን ከአባታቸው ከዘብዴዎስ ጋር በታንኳ መረባቸውን ሲያበጁ አየ፤ ጠራቸውም። እነርሱም ወዲያው ታንኳይቱንና አባታቸውን ትተው ተከተሉት።ማቴ ፬፥፳፩-፳፪

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

ቅድስት አርሴማ ድንግል

መስከረም 29 በዚችም ቀን ቅድስት አርሴማና እመምኔቷ አጋታ ደናግል በሰማዕትነት አረፉ። ይህም እንዲህ ነው በከሀዲው ዲዮቅልጥያኖስ ዘመን እርሱ መልኳ ውብ የሆነ ብላቴና ድንግል ሊአገባ ሽቶ በየሀገሩ ሁሉ ሒደው መርጠው ያመጡለት ዘንድ አሽከሮቹን አዘዘ። ይችንም የሚመስላት የሌለ ቅድስት አርሴማን በሮሜ አገር በአንድ የደናግል ገዳም ውስጥ አገኙዋት። ሥዕሏንም ሥለው ለንጉሥ ዲዮቅልጥያኖስ ላኩለት ንጉሡም ሥዕሏን በአየ ጊዜ እጅግ ደስ አለውና ለሠርግ እንዲመጡ ወደ መኳንንቱ ላከ። እሊያ ደናግልም ይህን ነገር በአወቁ ጊዜ ይረዳቸው ዘንድ ድንግልናቸውንም ይጠብቅ ዘንድ አልቅሰው ወደ እግዚአብሔር ለመኑ። ከዚህም በኋላ ተነሥተው በሥውር ሸሹ የንጉሥ ድርጣድስ ግዛት ወደ ሆነ ወደ አርማንያ ሀገርም ደርሰው በአንድ ቦታ ተቀመጡ ከእርሳቸውም ጋር የተሰደዱ ቁጥራቸው ሰባ አምስት የሆነ ወንዶች፣ ሴቶችም ሠላሳ ዘጠኝ የሆኑ ከእርሳቸው ጋራ አሉ። ምግባቸውን አያገኙም ነበርና በታላቅ ችግር ውስጥ ኖሩ ከእነርሱም መብራት የምትሠራ አንዲት ሴት ነበረች ከእርሷም የእጅ ሥራ ከሚገኘው በየጥቂቱ ይመገባሉ። ንጉሥ ዲዮቅልጥያኖስም የከበረች አርሴማን በፈለጋት ጊዜ አላገኛትም ግን በአርማንያ አገር እንዳለች ስለርሷ ሰማ። ደግሞ ለአርማንያ ንጉሥ ለድርጣድስ ስለርሷ ከዲዮቅልጥያኖስ ሸሽታ እንደ መጣች የአርሴማን ሥራ ነገሩት እርሱም አንዱን የአርማንያ መኰንን ለእኔ ጠብቃት ወደ እኔም ላካት ብሎ አዘዘው። ደናግሉም ይህን በሰሙ ጊዜ ወደ ሌላ ቦታ ተሠወሩ ወደ ንጉሥም ወነጀሉአቸው ንጉሡም ቅዱስት አርሴማን በክብር አድርገው ያመጧት ዘንድ አዘዘ እርሷም ወደ እርሱ መምጣትን እምቢ በአለች ጊዜ እየጎተቱ ወስደው ወደርሱ አደረሷት። የቅድስት አርሴማንም ላህይና ደም ግባቷን በአየ ጊዜ ድንግልናዋን ሊያረክስ ሽቶ እናቷ አጋታን አባብላ እሺ ታሰኝለት ዘንድ አዘዛት አጋታም ወደርሷ ሒዳ ልቧን አስጨከነች እንዲህም አለቻት። ዕወቂ ይህ ርኲስ አረሚ እንዳያረክስሽና ሰማያዊ ሙሽራሽን እንዳትተዪ እርሱም ክብር ይግባውና የእግዚአብሔር ልጅ ሕያው ክርስቶስ ነው። ንጉሡም ይዞ ወደ እልፍኙ ሊአስገባት ከአደባባይ መካከል ተነሥቶ ድንግል አርሴማን ያዛት። በዚያንም ጊዜ በቅድስት አርሴማ ላይ የእግዚአብሔር ኃይል አደረባትና በምድር ላይ ጣለችው እርሱ ግን በጦርነት እጅግ የጸና አርበኛ ስለ ነበር በታናሽ ሴት ብላቴና ስለተሸነፈ ያን ጊዜ አፈረ። ራሷንም በሰይፍ ይቆርጡ ዘንድ አዘዘና ቆረጧት ከዚህም በኋላ ደናግሉን ሁሉ ከእናታቸው አጋታ ጋር ይገድሏቸው ዘንድ አዘዘ። አንዲት የታመመች ድንግል ነበረች በዐልጋዋ ላይም እንደተኛች ወደ ወታደሮች ጮኸች መጥተውም እንደ እኅቶቿ ራሷን ቆረጡ ሁሉም የሰማዕትነት አክሊልን ተቀበሉ እነዚያንም ከሮሜ አገር አብረው የመጡ ወንዶችን ገደሏቸው ቁጥራቸውም ሰባ አምስት ናቸው ሥጋቸውም በተራራ ላይ የተጣለ ሁኖ ቀረ። ሰማዕታትም ከተገደሉ በኋላ በንጉሡ ላይ ጋኔን ተጫነበት መልኩም ተለውጦ እንደ እርያ ሆነ። ቅዱስ ጎርጎርዮስ ወደርሱ መጥቶ በላዩ ጸልዮ እስከ አዳነው ድረስ ስለዚህም ክብር ይግባውና በጌታችን ኢየሱስ ክርስቶስ አመነ። የቅዱሳን ሰማዕታትንም ሥጋቸውን ከተጣለበት ሰብስበው በአማረ ቦታ አኖሩአቸው ያማረች ውብ የሆነች ቤተ ክርስቲያንም ተሠራችላቸው። ከእነርሱም ታላላቅ ድንቆች ተአምራት ተገለጡ። የቅዱሳን ሰማዕታት ረድኤት በረከት በሁላችንም ላይ ይደር!!

በመጀመሪያው ቃል ነበረ፥ቃልም በእግዚአብሔር ዘንድ ነበረ፥ቃልም እግዚአብሔር ነበረ። ዮሐ ፩፥፩

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

"ለተአምራቱ መታሰቢያን አደረገ፥ እግዚአብሔር መሐሪና ይቅር ባይ ነው፤ ለሚፈሩትም ምግብን ሰጣቸው።"መዝ.110፥4-5

በዚህች ዕለት ከሚታሰቡ ቅዱሳን በረከት ያሳትፈን! ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc

🌹🌹🌹 ዘመነ ጽጌ 🌹🌹🌹

🌹ጽጌ መዓዛ ሠናይ!

ቅድስት ቤተ ክርስቲያናችን ከመስከረም ፳፮ እስከ ኅዳር ፮ ያለውን ወቅት «ወርኃ ጽጌ» ትለዋለች። ዘመነ ክረምት በመስከረም ፳፭ ተጠናቆ፣ አሁን የአበባው ወራት ተጀምሯል። አምላክ ይክበር ይመስገን! ይህ ወቅት የእመቤታችን ቅድስት ድንግል ማርያም ስደት የሚታሰብበት ቅዱስ ጊዜ ነው። ስደት አድካሚ ጉዞ፣ ረኀብና ጥም የያዘ ነው። ጠቢቡ እንዳለው፦ 

«እነሆ ክረምት ዐለፈ፤ ዝናቡም አልፎ ሔደ፤ አበቦችም በምድር ላይ ተገለጡ፤ የዜማም ጊዜ ደረሰ» (መኃ. ፪፡፲፩-፲፪)።

«ክረምት ዐለፈ» ማለት የአዳም የመከራ ዘመን ማለፉን ያሳያል። ቅዱስ ወንጌል እንዲህ ይላል፦ 

«እነሆ የጌታ መልአክ በሕልም ለዮሴፍ ታይቶ፤ ሄሮድስ ሕፃኑን ሊገድለው ይፈልገዋልና ተነሣ፤ እናቱንና ሕፃኑን ይዘህ ወደ ግብጽ ሽሽ...»

  ዮሴፍም ተነሥቶ ሕፃኑንና እናቱን ይዞ ወደ ግብጽ ሸሸ። ይህም «ልጄን ከግብጽ ጠራሁት» (ሆሴዕ ፲፩፡፩) የተባለው እንዲፈጸም ነው። እመቤታችን ቅድስት ድንግል ማርያም ልጇን ጌታችን መድኃኒታችን ኢየሱስ ክርስቶስን ይዛ፣ ዮሴፍና ሰሎሜን አስከትላ ሦስት ዓመት ከስድስት ወር በግብጽ አውራጃዎች ተሰደደች። በዚያም ወቅት ወደ አስራት ሀገሯ ኢትዮጵያም መጥታ በረከትን አምጥታለች። ጌታችን የተሰደደው ግብጽንና ኢትዮጵያን ለመባረክ ነው። በዚህ ምክንያት በእኛ በኢትዮጵያውያን ዘንድ ወርኃ ጽጌ ልዩ ቦታ አለው። ከጅማሬው እስከ ፍጻሜው በማኅሌት፣ በዝክርና በቅዳሴ የእመቤታችን ስደት ይታሰባል። የጽጌ ጾም የፈቃድ ጾም ቢሆንም፣ የእመቤታችንን ስደት እያሰብን መጾም ትሩፋት ያሰጣል። ስለዚህ ቤተ ክርስቲያናችን እመቤታችንን «አንቲ ውእቱ ጽጌ መዓዛ ሠናይ» ብላ ታመሰግናታለች።  የእመቤታችን ፍቅር በልባችን፣ ምስጋናዋ በአንደበታችን እጥፍ ድርብ ሆኖ ይደርብን!  ከበረከቱ ያሳትፈን፣ የእመቤታችን ረድኤትና ምልጃ ከሁላችን ጋር ይሁን! 🌹🌹🌹🌹🌹🌹🌹🌹🌹🌹🌹🌹🌹🌹🌹🌹 ይህ በጽ/ጽ/ሐ/ጎ/ቅ/ሚካኤል ቤ/ክ ፍ/ብ/ሰ/ት/ቤት እውቅና የተከፈቱ የማሕበራዊ ሚዲያ ገጾቻችን ናቸው። ቤተሰብ በመሆንና ለሌሎች በማጋራት አብረውን ያገልግሉ።  የቴሌግራም ቻናል https://t.me/finotebirhan12 የዩቲዩብ ቻናላችን https://youtube.com/@finotebirhan12 የቲክቶክ አካውንታችን https://www.tiktok.com/@finotebirhan?_t=8i8eHwFI3Es&_r=1 የፌስቡክ ገጻችን https://www.facebook.com/Fbirhan?mibextid=2JQ9oc