Шайх Фаридуддин Аттор (қуддиса сирруҳу) 🌸

Қалбга мактуб — 29 «Қалб чарчаганида» Эй қалб... Бугун ҳаммасига кучинг етмаётган бўлса, ўзингни айблама. Сен ҳам инсонсан... Ҳар доим кучли бўлиш шарт эмас. Баъзан бироз тўхташ, чуқур нафас олиш, осмонга қараб: «Эй Роббим, энди Сенга топширдим», дейишнинг ўзи ҳам катта жасорат. Эй қалб... Ҳамма дардни бир кунда даволай олмайсан. Ҳамма саволга бугун жавоб тополмайсан. Ҳамма инсонни тушунишга ҳам мажбур эмассан. Баъзи юкларни елкангдан тушир. Уларни дуога айлантир. Чунки сен кўтаролмайдиган юкларни Аллоҳ кўтаришга қодир. Эй қалб... Ўзингни бошқалар билан солиштирма. Сенинг йўлинг — сенинг тақдиринг. Бировнинг тонги сенинг кечангдан эртароқ отгани сенинг қуёшинг чиқмайди, дегани эмас. Ҳар бир инсоннинг ўз фасли бор. Сенинг ҳам баҳоринг келади. Фақат сабр қил. Эй Роббим... Қалбим чарчаган пайтда унга ором бер. Кўзларимдаги ёшни раҳматингга айлантир. Мен етиша олмаган нарсаларни Сенинг ҳикматингга топширдим. Мен билмаган эртамни ҳам Сенга омонат қилдим. Бугун менга фақат бир нарса керак: Сенинг розилигинг ва қалбимдаги хотиржамлик. Шуни насиб эт. Омин, ё Раҳмон. 🤲🌹

ҲЕЧ ҚАЧОН БИРОВ ҚЎЛИДАН ШАРБАТ ИЧМАГАН СЎФИЙ ҲИКОЯТИ

Нафаси ўткир бир пири муршид бор эди. У бировлар қўлидан ҳеч қачон шарбат ичмаган эди. Бир киши деди ки: — Эй Аллоҳ назарига тушган одам, нега ҳеч бир шарбатга рағбат қилмайсиз? Сўфий деди: — Ўлимни бошимда кўриб турибман, у шарбатни мендан бир зумда тортиб олади. Ана шундай ўлим бошимда турганда, мен шарбат ичсам, у заҳарга айланади. Муаккал билан шарбатим хуш бўлишни хоҳласам, у қанд шарбати — жуллобий эмас, ўт бўлади. Пойдорлиги бўлмаган ҳар нарса бир олам бўлса ҳам, бир арпа доничалик қимматга эга эмас. Васлсиз бир соатлик роҳатни нима қилай, асли — пойдевори бўлмаган иморат омонатдир. Сен агар бахтдан хурсанд бўлсанг, бу — бир нафаслик бахт, холос, бу билан ғурурланма. Ва агар бахтсизликдан ҳолинг танг бўлган экан, бу ҳам бир нафасдир — зорланиб юрма. Агар сенга алам етса, бу сенинг иззатталаблигинг, қудратга интилишинг оқибатидир, хорлигингу ожизлигингдан эмас. Анбиёларга етган балоларни ҳеч ким Карбалода кўрсата олмайди. Суратда сенга азият, ғам бўлиб кўринган нарса, сифат — маънода буни кўра олган одамга ганж — хазинанинг ўзидир. Ҳар дамда сенга ундан юз иноят етгуси, сенинг бутун бойлигинг — аламларинг Унинг эҳсонидир. Унинг эҳсонини ёдга олмайсан, аммо Унинг озгина азобу ранжини тезда кўриб нола — фиғон қиласан. Шуми, ахир, дўстлик нишонаси? Эй, сен камақлу ғофил, сен ҳали мағз эмассан, моҳиятга етмабсан, сен пўчоқсан, дўст эмас, пўстсан, холос.

👤 Шайх Фаридуддин Аттор (қуддиса сирраҳу) 📚 «Мантиқ ут-тайр» асаридан. @Fariduddin_Attor✨

Қалбга мактуб — 28 «Соғинч» Эй қалб... Соғинч ҳам бир дуо экан. Инсонни соғинсанг — уни эслайсан. Ватанни соғинсанг — йўлларга қарайсан. Болаликни соғинсанг — хотираларга қайтасан. Аммо Роббингни соғинсанг... Қалбинг саждани қидира бошлайди. Эй қалб... Баъзи соғинчларни сўз билан тушунтириб бўлмайди. Кўзлар жим туради, аммо ичингда бир овоз: «Қачон яна хотиржам бўламан?» деб сўрайверади. Шунда ўзингни одамлар билан эмас, Аллоҳ билан суҳбатда топ. Чунки баъзи бўшлиқларни инсон тўлдиролмайди. У жойни фақат Роббингнинг муҳаббати тўлдиради. Эй қалб... Соғинганингни дуода айт. Кела олмаганингни ниятда айт. Етиша олмаганингни кўз ёшингда айт. Аллоҳга айтилган ҳар бир самимий сўз йўқолиб кетмайди. Балки у сен билмаган бир йўлда раҳматга айланиб қайтади. Эй Роббим... Қалбимдаги ҳар бир соғинчни хайрга айлантир. Мен соғинган инсонларни Ўзинг асра. Мен етиша олмаган манзилларимга агар хайрли бўлса, йўлимни оч. Агар баъзи орзуларим мен учун ёзилмаган бўлса, уларнинг ўрнига қалбимга розилик бер. Ва энг гўзал соғинчимни Сенга яқинлик қил. Омин, ё Раҳмон, ё Раҳим. 🤲🌹

Эй дил, бу хатарли йўлда мисли бодсан, Осмону замин ташвишидан озодсан. Ой нур сочади — тўйиб-тўйиб боқ кўкка, Беш кун бу ҳаёт завқи билан то шодсан.

👤 Шайх Фаридуддин Аттор (қуддиса сирраҳу) 📚 «Рубоиёт» асаридан. @Fariduddin_Attor☀️

Эй дил, бу хатарли йўлда мисли бодсан, Осмону замин ташвишидан озодсан. Ой нур сочади — тўйиб-тўйиб боқ кўкка, Беш кун бу ҳаёт завқи билан то шодсан.

👤 Шайх Фаридуддин Аттор (қуддиса сирраҳу) 📚 «Рубоиёт» асаридан. @Fariduddin_Attor☀️

ЖОҲИЛНИНГ МУҲАББАТИ

Султоннинг бир лочини бор эди. Бир куни саройдан қочиб учиб кетиб, бир қари кампирнинг уйига қўнди. Кампир овқат тайёрлаётиб лочинга кўзи тушди ва унга: «Эҳ бечора, сени боқолмайдиганнинг қўлига тушиб қолибсан-ку. Қанотларинг ва тирноқларинг керагидан ортиқ ўсибди», деди.Сўнг лочинни ушлаб, оёқларини яхшилаб боғлади.Қанотлари ва тирноқларини қисқартирди. Кейин эса олдига бир ҳовуч сомон қўйди.Султон эса кун бўйи қушини қидирди. Кеч киргач уни ҳалиги кампирнинг уйида тупроққа беланиб ётганини кўрди. Султон лочинининг ҳолини кўргач, ачинганидан йиғлаб юборди. Сўнг унга: «Бизга бевафолик қилганинг учун шу ҳолга тушдинг ва сен бунга лойиқсан», деди.Лочин эса қанотларини Султоннинг қўли томон чўзиб «Ҳа, мен шунга лойиқман», дейишга интиларди. Шарҳ: Эй дўстим! Жоҳилнинг муҳаббатини кампирнинг лочинга қилган муомаласидек бил.

👤 Мавлоно Жалолиддин Румий (қуддиса сирраҳу) 📚 «Маснавийдан ибратли ҳикоятлар» асаридан. @Fariduddin_Attor✨

Қалбга мактуб — 27 «Сен айтмаган сўзлар» Эй қалб... Сенинг ичиңда айтилмай қолган қанча сўзлар бор. Кимгадир айтилмаган «соғиндим», кимгадир етказилмаган «кечирдим», кимгадир айтилишга улгурмаган «раҳмат»... Баъзи сўзлар тилга чиқмайди. Улар кўзда қолади, сукутда қолади, тунлари қилинган дуоларда қолади. Эй қалб... Ҳамма нарсани айтиш шарт эмас. Баъзан жим қолиш — ожизлик эмас, балки муҳаббатнинг энг нозик шакли. Сен бировни яхши кўрсанг, уни ҳар куни ўзингга яқин қилишга уринма. Балки уни дуоларингда асра. Чунки баъзи масофалар қалбларни узоқлаштирмайди. Аксинча, уларни Аллоҳга яқинлаштиради. Эй қалб... Айтилмаган сўзларингни Роббинг эшитади. Сен одамларга тушунтира олмаганингни У бир қарашда билади. Шунинг учун баъзи сирларингни инсонларга эмас, саждага айт. У ерда сенинг овозингни ҳеч ким бўлмайди, лекин жавобингни эшитадиган Зот бор. Эй Роббим... Тилим айтолмаган сўзларни ҳам Сенга маълум қил. Қалбимда қолган оғриқларни енгил қил. Айтилмай қолган муҳаббатларимни гуноҳ эмас, дуога айлантир. Мендан ранжиганларга кечирим, менга озор берганларга афв, мен соғинганларга эса хайр насиб эт. Ва қалбимда айтилмай қолган энг буюк сўзни ҳар куни янада самимий айтишни насиб қил: «Эй Роббим, мен Сени севаман ва Сенга муҳтожман.» Омин. 🤲🌹

Тентираб юргай бу йўлда термулиб, Сиррига асло етолмай, маҳв ўлиб, Янги манзилга борур бардош ила, Гоҳ оёғи бирла, гоҳи бош ила. Кўкда юлдузлар боқиб, ҳайрону бас, Рақс этиб кўк саҳнида сайрону бас. Кўк етолсам, дейди, сир асрорига, Лек тополмас йўл у бўнёдкорига. Сиррини ерга мусаллам тутди ул, Чунки йўлда ўзни чун кам тутди ул. Авлиёйи охири ишқ эрди, бас, Ақлу савдони пиширгай ҳар нафас.

👤 Шайх Фаридуддин Аттор (қуддиса сирраҳу) 📚 «Уштурнома» асаридан. @Fariduddin_Attor🍃

«Баъзи инсонлар ҳаётимизда қолиш учун эмас, қалбимизда бир сабоқ қолдириш учун келади.» 💗

Қалбга мактуб — 26 «Баъзи инсонлар...» Эй қалб... Баъзи инсонлар ҳаётимизга тасодифан кириб келмайди. Кимдир бизга меҳрни ўргатиш учун, кимдир сабрни, кимдир эса ўз қадримизни англатиш учун келади. Уларнинг баъзилари қолади, баъзилари кетади. Аммо ҳар бири қалбимизда қандайдир из қолдиради. Эй қалб... Кимдир сени оғритган бўлса, бу оғриқ сени қаттиққўл қилмасин. Аксинча, меҳрнинг қадрини билдирадиган инсон қилсин. Кимдир сени алдаган бўлса, бу сенинг поклигингни олиб қўймасин. Кимдир сенга вафосизлик қилган бўлса, сенинг вафодорлигингни ўзгартирмасин. Чунки сенинг хулқингни бировнинг қилмиши белгиламаслиги керак. Эй қалб... Одамлардан кўрганингни Аллоҳдан кутма. Инсон адашади, ваъдасини унутади, қалбни оғритади. Аммо Аллоҳнинг ваъдаси ҳақ. Шунинг учун муҳтожлигингни одамларга эмас, аввало Роббингга айт. Эй Роббим... Менга инсонларнинг хатосидан нафрат эмас, ҳикмат олишни ўргат. Мени озор берганларга ўхшатиб қўйма. Қалбимда меҳрни сўндирма, яхшиликка ишончимни ўлдирма. Менга шундай қалб берки, у синса ҳам ёмонлик билан эмас, дуо билан жавоб берсин. Ва ҳар бир учратган инсонни Сенинг ҳикматингдан бир сабоқ деб қабул қилишни насиб эт. Омин, ё Раббал оламин. 🤲🌹

ЗОТУ СИФОТ БАЁНИДА

Зот не эрди, жузву Кулл эрди ўшал, Бирлашиб, бир бўлди сўнг, зеру забар. Руҳ не эрди, шуъладирким, нури зот, Этди сарсон сўнгра ул баҳри сифот. Айн не эрди, қатра ичра гум бўлиш, Қатра ҳам қолмай, қуриб, ғулзум бўлиш. Ишқ не эрди, зоти ашё кўрганинг, Сиррида сирри ҳувайдо кўрганинг. Нур не эрди, рози жонон англамак, Розини кўнгилга изҳор айламак. Шавқ не эрди, ул ҳама огоҳи дил, Токи билгайсен не эрмиш обу гил. Кўк не эрди, пардадир, ортида ёр, Сиррини оламга этган ошкор. Шамс не эрди, шуъладир ул, нури зот, Ишқ рамузи ичра топмишдир ҳаёт. Ой не эрди, солики ҳайронадир, Чун фанолик кўйида сайронадир. Ўт не эрди, ул ҳаво эрмиш, кибр, Ўзни этмоқлик жаҳолатга асир. Ел не эрди, йўқлигу йўқлик неча, Жаҳд қил бу йўлда умринг борича. Сув не эрди, тоза юзликдир, сафо, Ғам хасислар дастидин чекмак жафо. Хок не эрди, ҳар нафас афтодалик, Ишқу савдойи жунунда соддалик. Тоғ не эрди, йўлда қолмоғинг бу дам, Ғижжалаш ҳижрон китобин дамба-дам. Баҳр не, ул дурри макнун бермагинг, Ғам кўнгил остонига бош урмагинг. Арш не эрди, қалбдайин қалб топганинг, Ҳолиби қалбни одамга отганинг...

👤Шайх Фаридуддин Аттор (қуддиса сирраҳу) 📚«Уштурнома» асаридан. @Fariduddin_Attor✨

«Муҳаббат ва хотиржамлик, одоб — ё Ҳу…» «Бир кийикнинг беғуборлиги, унинг нигоҳидаги хотиржамлик жуда кўп нарсани ифода этади…» Яъни, кийикнинг содда ва бегуноҳ нигоҳидаги сукут, хотиржамлик ва поклик орқали чуқур маъно берилган. «Ё Ҳу» (يا هو) — тасаввуфда Аллоҳ таолога ишора қилувчи зикр ибораси бўлиб, «Эй У!», яъни Аллоҳ маъносида қўлланади. 🌙

📹 Jahongir Karimov - Титраган Туманми ё манманми → 👤 #CLANCY_ART_—_Stories_of_Light → ​​