Architects' Data / Neufert

መርካቶ የገበያ ታሪካዊውን መርካቶ የገበያ መንደርን ለማዘመን የሚያስችል የንድፈ ሃሳብ ውድድር ይፋ ተደረገ የጣሊያን ንግድ ኤጀንሲ (ITA) ከአዲስ አበባ ዩኒቨርሲቲ እና ከሌሎች አጋር አካላት ጋር በመተባበር በመርካቶ አካባቢ በሚገኝ 40,200 ካሬ ሜትር ቦታ ላይ የሚያተኩር «ሪ-ጀንሬት መርካቶ» የተሰኘ የከተማ እድሳት ማስተር ፕላን የዲዛይን ውድድር ይፋ አድርጓል። የውድድሩ ዋነኛ ዓላማ በኢትዮጵያ የሚገኙ የሥነ-ሕንፃ ተማሪዎች የመርካቶን አካባቢ በተሻለ የከተማ ልማት እቅድና ዘመናዊ ዲዛይን እንዲያደራጁ እድል የሚሰጥ ነዉ ተብሏል። መርካቶ ባልተደራጀ የከተሜነት ውቅር እና መጨናነቅ ምክንያት በርካታ ችግሮች ያሉበት በመሆኑ፣ ተማሪዎቹ የአካባቢውን ባህላዊና ታሪካዊ እሴት ሳይለቁ ዘመናዊና ምቹ የንግድ ማዕከል ለማድረግ የሚያስችሉ ሃሳቦችንና ዲዛይኖችን ያቀርባሉ ተብሎ ይጠበቃል ነዉ የተባለው። በአዲስ አበባ የጣሊያን ንግድ ኤጀንሲ ዳይሬክተር ክላውዲዮ ፓስኳሉቺ እንደተናገሩት አዲስ አበባ በአሁኑ ወቅት ፈጣን የከተማ ለውጥ እያደረገች ያለች ከተማ በመሆኗ መርካቶ ከጣሊያን ጋር ታሪካዊ ትስስር ያለውና ለመዲናዋ ዋና ምልክት በመሆኑ ይህ ፕሮጀክት ለመዲናዋ እድገት ትልቅ አስተዋጽኦ እንደሚያበረክት ገልጸዋል። ፕሮጀክቱ በጣሊያን ከሚገኘው ታዋቂው ፖሊቴክኒኮ ዲ ቶሪኖ የሥነ-ሕንፃና ኢንጂነሪንግ ተቋም ጋር በትብብር የሚሰራ እንደሆነ ተነግሯል። በውድድሩ በአዲስ አበባ ዩኒቨርሲቲ እና በሌሎች የግል ዩኒቨርሲቲዎች በዲግሪ መርሃ ግብር ላይ የሚገኙ ተማሪዎች የሚሳተፉ ሲሆን፣ የመጀመሪያ ደረጃ አሸናፊ ለሚሆን ተማሪ በጣሊያን ሀገር የትምህርትና የልምድ ልውውጥ ዕድል እንደሚዘጋጅለት ታዉቋል። ETHIO FM 107.8 ጥቅምት 2 ቀን 2019 ዓ.ም