የሰንበት ት/ቤቶች አንድነት -EOTC GSSU

በምዕራብ ሐረርጌ ሀገረ ስብከት በሰንበት ትምህርት ቤቶች ማደራጃ መምሪያ የሰንበት ትምህርት ቤቶች አንድነተ  በሀገረ ስብከቱ ሥር ለሚገኙ  በአዲሱ ሥርዓተ  ትምህርት መሠረት የ4ተኛ እና የ8ተኛ ክፍል  የሚኒስትሪ ፈተና ተሰጠ።   የሰ/ት/ቤቶች አንድነት ምዘናው በጭሮ  በአራቱ አድባራት  ተማሪዎች  የፈተናውን አሰጣጥ ሊቀ ኅሩያን ቆሞስ አባ ፍቅረ ዮሐንስ የሀገረ ስብከቱ ሥራ አስኪያጅ   ከማደራጃው ኃላፊ  መጋቤ ሥርዓት ዘነበ ብርሐኑ  እንዲሁም የአንድነቱ ተቀዳሚ ሰብሳቢ  መ/ር መኮንን አብዩ  ሌሎቹችም የሰንበት ትምህርት ቤቶች አንድነት አማራር በመገኘት  የሀገረ ስብከቱ ስራ  አስኪያጅ ቡራኬና ጸሎት ሰጥተው  ፈተናውን አስጀምረዋል።  ፈተናውም በሀገረ ስብከቱ አዳራሽ   እንዲሁም  በአቡነ ጎርጎሪዎስ ትምህርት ቤት ተሰጥቷል። በተጨማሪም በወረዳ  ላሉት የሰንበት ትምህርት  ቤት ተፈተኞች   1. በጡሎ  ዶባ ወረዳ  በሂርና  ሁለቱ አድባራት ና በዶባ  ቅ/ሚካኤል  ቤተክርስቲያን 2.በቦኬ ኦዳ ቡልቱም ወረዳ  በበዴሳ  ሁለቱ አድባራት ና በመካኒሳ ቅ/ገብርኤል  ቤተክርስቲያን  3. በዳሮ ለቡ ወረዳ  መቻራ መድኃኔዓለም    ቤተክርስቲያን 4. በሀብሮ ወረዳ   ገለምሶ ሁለቱ አድባራት እና  በልበሊቲ ቅ/ጊዮርጊስ   ቤተክርስቲያን   5. በገመቺስ ወረዳ  በቁኒ ሁለቱም አድባራት ፈተናው መስጠት ተችሏል።  ይህ የስርዓተ ትምህርት የምዘና ስራ አምና በአንድ ወረዳ ብቻ ተሰጥቶ ቢሆንም  ዘንድሮ በ5 ወረዳ እና  ከ16 ለሚበልጡ ሰንበት ትምህርት ቤቶች  ፈተናው ተዘጋጅቶ መበተን ተችሏል። በርዕሰ ከተማው ለሚገኙ ተፈታኞችም የሀገረ ስብከቱ    ሊቀ ጳጳስ  አቡነ እንጦንስ  በፈተናው ማብቂያ ላይ በመገኘት ልጆቻቸውን ሲያበረቱ ምክር ቃለ ምዕዳን እና ቡራኬን በመስጠ በጸሎት ማጠቃለያ ማድረግ ተችሏል። የሰንበት ትምህርት ቤቱ ማደራጃ እና የሰንበት ትምህርት  ቤቶች አንድነት በሚቀጥለው የትምህርት  ዘመን  በ9 ወረዳዎች  ተዳራሽ ለማድረግ ስራዎችን ከወዲሁ እየሰራ ይገኛል። የረዳን እግዚአብሔር  ይመስገን። (የሰንበት ትምህርት ቤቶች አንድነት) 👉 Youtube 👉 Facebook 👉 Telegram 👉 Tiktok 👉  Website