FM 94.7 የትምህርት ሬዲዮ ጣቢያ

የማስተካከያ ሀሳቦችን በማካተት ጥራቱ የተረጋገጠ የትምህርት በሬዲዮ ለትምህርት ተቋማት ተደራሽ የሚደረግ መሆኑን አስገንዝበዋል።                                                                                                                                                                                                                                        Biiroon Barnootaa Bulchiinsa Magaalaa Finfinnee bara barnootaa 2019tti barnoota qulqullina qabu raadiyoodhaan barattoota biraan ga'uuf xiyyeeffannoon hojjechaa jiraachuun ibsame. (Fulbaana 30, bara 2019 A.L.I.) Biiroo Barnootaa Bulchiinsa Magaalaa Finfinneetti daayirekotreetiin Tamsaasafi Misooma Qabiyyee Miidiyaa sirna barnootaa haaraa irratti hundaa'uun, gosa barnootaa barnootni raadiyoo Kanaan dura hin qopheefnef, iskiriiptii barnoota raadiyoo qophaa'ee waraabbiin isaa xumurame gamaggamaa jiraachuu beeksise. Daayirektara Daayirektoreetii Tamsaasafi Misooma Qabiyyee Miidiyaa Biiroo Barnootaa Bulchiinsa Magaalaa Finfinnee kan ta’an Aadde Yewubdaar Ayyaalew, yaada kennaniin gamaggamni kun barsiisota duraan akkaataa sirna barnootaa haaraa irratti hundaa'uun barnoota raadiyootiif iskiriiptii qopheessaniin gaggeeffamaa jiraachuu ibsaniiru. Gamaaggamni kun barsiisota iskiriiptii qopheessaniin gaggeeffamuun isaa, sagaleen barnootaaf waraabame iskiriiptii qophaa'e waliin sirriitti kan walsimu ta'uu mirkaneessuuf akka gargaarus eeraniiru. Aadde Yewubdaar itti dabaluunis, barnootni raadiyoo gamaggamamaa jiru kun barattoota Afaan Amaaraafi Afaan Oromoon barataniif Afaan Oromoofi Afaan Amaaraa akka afaan lammaffaatti, barnoota Safuufi Sirna Gadaa, barnoota Safuu, Afaan Ingiliffaa akkasumas barnoota bu'uuraa ga'eessotaa Afaan Amaaraa fi Afaan Oromootiin qophaa'e irratti kan xiyyeeffate ta'uu ibsaniiru. Barnoota Afaan Ingilizii kanaan dura sadarkaa federaalaatti qophaa'aa ture, Biiroon Barnootaa Bulchiinsa Magaalaa Finfinnee itti gaafatamummaan fudhatee qopheessuun isaa, qophii barnoota raadiyoo bara kanaa adda kan taasisu ta'uusaa aadde Yewubdaar ibsaniiru. Akkasumas, Gamaaggamni gaggeeffamaa jiru hojii bulchiinsi magaalichaa barnoota qulqullina qabu raadiyoodhaan barattoota biraan ga'uuf hojjechaa jiru bu'a qabeessa akka ta'uuf kan gargaaru ta’uu hubachiisaniiru. Dhumarrattis, yaadota sirreeffamaa gamaggama kana irratti kennaman sirreessuun barnoota raadiyoo qulqullinni isaa mirkanaa'e dhaabilee barnootaaf kan dhaqqabsiifamu ta’uu ibsaniiru. ለተጨማሪ የመረጃ አማራጮች ማሰፈንጠሪያውን ይጫኑ! https://linktr.ee/aacaebc