اکنون در دسترس! پژوهش تلگرام ۲۰۲۵ — مهمترین بینشهای سال 
Azattyq - Азаттық
رفتن به کانال در Telegram
Тәуелсіз елге тәуелсіз ақпарат! ❗Телеграм-арнамыздағы материалдарды бөліскенде бізге сілтеме беруді сұраймыз. 📍Website: https://www.azattyq.org 📍Instagram: https://www.instagram.com/azattyq/
نمایش بیشتر📈 تحلیل کانال تلگرام Azattyq - Азаттық
کانال Azattyq - Азаттық (@azattyq) در بخش زبانی قزاقی بازیگری فعال است. در حال حاضر جامعه شامل 10 923 مشترک است و جایگاه 17 594 را در دسته اخبار و رسانهها و رتبه 853 را در منطقه كازاخستان دارد.
📊 شاخصهای مخاطب و پویایی
از زمان ایجاد در невідомо، پروژه رشد سریعی داشته و 10 923 مشترک جذب کرده است.
بر اساس آخرین دادهها در تاریخ 23 ژوئن, 2026، کانال فعالیت پایداری دارد. در ۳۰ روز گذشته تغییر اعضا برابر -115 و در ۲۴ ساعت گذشته برابر 5 بوده و همچنان دسترسی گستردهای حفظ شده است.
- وضعیت تأیید: تأیید شده (به صورت رسمی توسط تلگرام)
- نرخ تعامل (ER): میانگین تعامل مخاطب 12.82% است و در ۲۴ ساعت نخست پس از انتشار، محتوا معمولاً 11.52% واکنش نسبت به کل مشترکان کسب میکند.
- دسترسی پستها: هر پست به طور میانگین 1 400 بازدید دریافت میکند. در اولین روز معمولاً 1 258 بازدید جمعآوری میشود.
- واکنشها و تعامل: مخاطبان بهطور فعال حمایت میکنند؛ میانگین واکنش به هر پست 29 است.
📝 توضیح و سیاست محتوایی
نویسنده این فضا را محل بیان دیدگاههای شخصی توصیف میکند:
“Тәуелсіз елге тәуелсіз ақпарат!
❗Телеграм-арнамыздағы материалдарды бөліскенде бізге сілтеме беруді сұраймыз.
📍Website: https://www.azattyq.org
📍Instagram: https://www.instagram.com/azattyq/”
به لطف بهروزرسانیهای پرتکرار (آخرین داده در تاریخ 24 ژوئن, 2026)، کانال همواره بهروز و دارای دسترسی بالاست. تحلیلها نشان میدهد مخاطبان بهطور فعال با محتوا تعامل دارند و آن را به نقطه اثرگذاری مهم در دسته اخبار و رسانهها تبدیل کردهاند.
10 923
مشترکین
+524 ساعت
-367 روز
-11530 روز
آرشیو پست ها
10 922
Алматы облысында өртелген мәйіт табылды. Марқұмның әйелі мен ұлы ұсталды
Алматы облысы Кеген ауданында өртелген мәйіт табылды. Таулы аймақтан мәйіттің табылғаны жөнінде ақпарат құқық қорғау органдарына 23 маусымда түскен. Тергеу-жедел тобы оқиға орнына барған. Қазіргі кезде марқұмның аты-жөні анықталған, ол полиция қызметкері болып істеген.
“Жедел-іздестіру шаралары кезінде күдіктілер ұсталды. Арасында марқұмның жұбайы мен ұлы да бар. Барлығы уақытша ұстау изоляторына қамалған” деп жазылған полицияның хабарламасында.
Оқиғаға байланысты қылмыстық іс қозғалған. Қазір қылмыстың жай-жапсары анықталып жатқаны хабарланды.
Ақпарат құралдарында қаза болған ер адамның аты-жөні де жарияланды. “Ұлымедианың” жазуынша, мәйітті жергілікті шопан Көкпек – Көктал – Кеген жолының 52-шақырымында тауып алған. Мәйіт 100 пайыз жанып кеткен. Басылымның жазуынша, марқұмның оң қолынан күйген арқанның қалдығы да табылған.
10 922
Орынбор газ өңдеу зауытына жасалған украин дрондарының шабуылы Қазақстандағы тұтынушыларға газ жеткізуге кедергі келтірген жоқ. Қазақстан энергетика министрлігі сәрсенбі күні осылай деп мәлімдеді.
Қазақстан аталған зауытқа жылына шамамен 9 млрд текше метр шикізат тасымалдайды, тазаланғаннан кейін газ республикаға қайта экспортталады.
"Диспетчерлік қызмет логистиканы жедел реттеді, ал газ көлемін жеткізу балама жол арқылы жүзеге асырылуда. Отын көлемі басқа орындардан үздіксіз жеткізіліп жатыр" деп жазылған ведомствоның баспасөз қызметі таратқан хабарламада.
Украин дрондары сәрсенбіге қараған түні Ресейдің Орынбор облысындағы газ өңдеу зауытына шабуылдаған еді. Мониторингтік арналардың хабарлауынша, кәсіпорынның аумағында бірнеше жерден өрт шыққан.
Ведомство өкілдері оқиғаның Қарашығанақтағы мұнай мен газ конденсаты өндірісіне әсерін айтпаған. Былтыр күзде дрон шабуылынан кейін Орынбор газ өңдеу зауыты Қарашығанақ кенішінен шикізат қабылдауды уақытша тоқтатқан еді. Ізінше Қазақстанның Қарашығанақ кенішінде газ өндіруді 25–30%-ға қысқартқаны хабарланған еді.
10 922
Алматы облысында жол апатынан үш адам қаза болды
Полицияның хабарлауынша, жол апаты 23 маусымда сағат 17 шамасында Алматы – Шелек – Қорғас тас жолының 132-шақырымында болған.
Алдын ала мәлімет бойынша, Haval көлігінің жүргізушісі қарсы бағытқа шығып кетіп, Audi 100 көлігіне соқтығысқан. Соның салдарынан Audi жүргізушісі мен онда отырған екі жолаушы оқиға орнында қаза болған.
Жол апатына байланысты қылмыстық іс қозғалды. Haval жүргізушісі қамауға алынды. Оқиғаның жай-жапсары анықталып жатыр. Тергеу жүріп жатқаны хабарланды.
Денсаулық сақтау министрлігінің мәліметінше, Қазақстанда кейінгі бірнеше жылда жол апаты 127,5% артқан. Жыл сайын жол апатынан бірнеше мың адам қаза болады.
10 922
«Бастапқы жоспарым бойынша, Қазақстан арқылы Каспий теңізін кесіп өтіп Әзербайжанға, одан әрі Иран мен Дубай арқылы Сауд Арабиясына жетпек болдым. Бірақ жолым басқа жаққа бұрылды», – дейді қырғызстандық Бабыржан Халмырзаев.
Ингушетияда досын құтқармақ болған кезде Сунжа өзеніне батып қаза болған 8 жасар Хизир табылды.
Баланы іздеуге құтқарушылармен бірге мыңдаған жергілікті тұрғын мен көрші өңірлерден келген еріктілер қатысты. Солардың қатарында Мекке мен Мәдинаға велосипедпен қажылық сапарға шыққан Қырғызстан азаматы Бабыржан Халмырзаев та болды. Айтуынша, ол Кавказға кездейсоқ тап болған.
10 922
АҚШ сенаты Трамптың әскери өкілетін шектейтін қарарды қабылдады
АҚШ сенаты президент Дональд Трампты Американың қарулы күштерін Иранға қарсы соғысқа пайдаланбауға шақыратын бұған дейін өкілдер палатасы қабылдаған қарарды мақұлдады.
Аталған қарардың заңдық күші жоқ және оған президенттің қол қоюы шарт емес.
Bloomberg-тің жазуынша, республикашылдар басым көпшілік болып отырған сенаттың Трамппен сыртқы соғыс бойынша ұстанымдары алшақтаған. Қарарды 50 сенатор қолдап, 48 сенатор қарсы дауыс берген. Құжатты қолдағандар арасында төрт республикашыл бар.
Қарар АҚШ президентіне Конгрестің мақұлдауынсыз Иранға қарсы әскери қимыл жүргізуге рұқсат етпейді.
1973 жылы қабылданған әскери өкілет туралы заңға (War Powers Act) сәйкес, АҚШ президенті Конгрестің мақұлдауынсыз 60 күн соғыс жүргізе алады. Бұл мерзім аяқталғаннан кейін президент не соғысты аяқтауы керек не Конгрестен әскери күш қолдануға ресми түрде рұқсат сұрауы керек. 1 мамырда 60-күндік мерзім аяқталған.
10 922
Партияның баспасөз қызметі Азаттыққа "съезд туралы анонс таратылды" деді, бірақ нақты қайда таратылғанын айта алмады.
"Басшылық таратқан жерлерді біледі. Кеше телеарна, газет-журналдар келді. Бәлкім, хат алатындардың қатарында жоқ шығарсыздар" деді баспасөз қызметінің өкілі.
Ал мемлекеттік БАҚ жариялаған партияның съезі туралы видеода санаулы медиа өкілі ғана жүргені көрінеді.
10 922
"Ауыл" партиясының төрағасы ауысты
Қайрат Айтуғанов "Ауыл" партиясының төрағасы болып сайланды. 23 маусымда партияның кезектен тыс съезінде осындай шешім қабылданды деп хабарлады партияның баспасөз қызметі.
Партияның бұған дейінгі төрағасы Серік Егізбаев сейсенбі күні съезде қызметтен кететінін мәлімдеген. Ол мұны "партияның ішкі динамикаға дайындығын және жаңа саяси жүйеде алдағы сайлауға толыққанды қатысуға ниеттілігін көрсететін заңды қадам" ретінде түсіндірген.
Партияның кезектен тыс съезд өткізетіні ақпарат құралдарына алдын ала хабарланбады. Партия жариялаған суреттерге қарағанда съездің аядай залда өткенін байқауға болады. Онда ақпарат құралдары көрінбейді. Партияның баспасөз қызметіне әзірге Азаттық хабарласа алмады.
64 жастағы Қайрат Айтуғанов Сейфуллин атындағы Қазақ агротехникалық университеті басқарма төрағасы. 2016-2018 жылдары ауыл шаруашылығы министрінің бірінші орынбасары болған. 2012-2013 жылдары Қарағанды облысы әкімінің орынбасары қызметін атқарған. 2011-2012 жылдары «ҚазАгро» ұлттық басқарушы холдингі басқарма төрағасының орынбасары болған.
10 922
Денсаулық сақтау министрлігі Ербаян Мұхтардың өліміне қатысты түсініктеме берді
Ведомство “дәрігерлер үш жылға жуық уақыт бойы науқастың өмірін сақтап қалу үшін күрескенін” айтып, “алайда алған аса ауыр жарақаттарының салдарынан бас миында қайтымсыз өзгерістер орын алып, науқастың өмірін сақтап қалу мүмкін болмады” деп мәлімдеді.
Министрліктің хабарлауынша, “қарқынды терапияға қарамастан” науқастың өмірлік маңызды көрсеткіштері "біртіндеп нашарлаған".
“2026 жылдың маусым айында негізгі ауыр сырқаттың аясында инфекциялық асқынулар, сепсис және көп ағзалық жеткіліксіздік синдромы дамыды. 2026 жылғы 23 маусымда сағат 21:40-та науқастың биологиялық өлімі тіркелді. Өлімнің тікелей себебі ауыр бас-ми жарақатының салдары мен оған қосылған асқынулар аясында дамыған көп ағзалық жеткіліксіздік синдромы болды” деп жазылған министрліктің хабарламасында.
Әскерде жұмбақ жағдайда жарақат алып, ұзақ жыл бойы ем қабылдаған Ербаян Мұхтардың көз жұмғаны 23 маусымда белгілі болды. Ол қайтыс болғаннан кейін туыстары БАҚ-қа ауруханада оны "дұрыс қарамағанын" айтып шағымданған еді.
Жақындарының бірі Наурызбай Сәкібаев masa.media сайтына берген сұхбатында пневмониямен ауырған Ербаянның “жүрегі соғып тұрғанына қарамастан” аппараттан суырып тастағанын, оның мойнындағы "пластик трубканың іріңдеп кеткенін" айтқан еді.
10 922
Әскери бөлімде жарақат алған Ербаян Мұхтар көз жұмды
Қазақстан қарулы күштері қатарында міндетті борышын өтеп жүргенде жұмбақ жағдайда қатты жарақат алған Ербаян Мұхтар көз жұмды. Бұл жөнінде заңгер Инга Иманбай хабарлады.
“Өкінішке қарай, бүгін Ербаянның жүрегі тоқтағанын білдік. Бұл жазба қоштасу үшін ғана емес. Өйткені Ербаян осы екі жыл ішінде өзінің өмірі үшін күресе отырып, мыңдаған сарбаздың тағдырына әсер етті. Оның оқиғасы арқылы әскердегі көптеген мәселелер ашық айтыла бастады. Бұрын үнсіз қалған ата-аналар сөйледі. Қоғам талап қоя бастады. Мемлекеттік органдар жауап беруге мәжбүр болды. Кейде бір адамның тағдыры тұтас бір жүйені өзгертуге түрткі болады. Ербаян сондай азаматтардың бірі болды. Сондықтан Ербаянды біз тек ауыр тағдырдың иесі ретінде емес, әскердегі қауіпсіздік үшін күрестің символы ретінде есте сақтаймыз. Қош бол, батыр Ербаян” деп жазды Инга Иманбай.
Ербаян Мұхтар 2023 жылы көктемде әскерге алынған. Жас жігіт Алматыдағы Ұлттық ұланның №5571 әскери бөлімінде қызмет атқарып жүрген. Бірақ сол жылы желтоқсанда әскердегі әжетханада жұмбақ жағдайда басы жарылып, комаға түскен. Төрт айдай ес-түссіз жатып, 2024 жылы мамырда оянған. Бұған дейін оның Түркияда ем алғаны хабарланған еді. Ербаянның атынан аккаунт ашылып, жұрт оның еміне ақша жинаған.
Биыл маусымның ортасында ішкі істер министрлігі жергілікті БАҚ-қа Ербаян Мұхтардың әскери бөлімде жарақат алуына байланысты іс бойынша тергеу әлі жалғасып жатқанын айтқан.
10 922
💥Футболдан әлем кубогында Өзбекстан құрамасы топтық кезеңде Португалияға қарсы ойнап, 0:5 есебімен жеңіліп қалды. Португалия құрамасының шабуылшысы Криштиану Роналду матчта екі гол салды. Осылайша ол алты әлем кубогында гол соққан алғашқы футболшы ретінде тарихқа енді.
Өзбекстан топтағы екінші ойында жеңілді. Бірінші матчта Колумбияға есе жіберген – 1:4. Өзбек футболшылары топтағы соңғы ойынын 28 маусымда Конго Демократиялық Республикасына қарсы өткізеді.
10 922
Тоқаевтың сапары, Мо Янның жауабы, Мессидің рекорды — AzatNEWS l 23.06.2026.
Қазақстан президенті Брюссельге барды.
Қытайдың атақты жазушы Мо Ян Қазақстанда жүр.
Футболшы Месси тағы бір рекорд жаңартты. Мбаппеге жеткізе ме?
00:00 Анонс
00:35 Амандасу
00:46 Ресей іздеткен қазақ журналисі.
04:20 Мо Ян және Шыңжаңдағы саяси қуғын.
08:13 Тоқаев ЕО жетекшілерімен кездесті.
11:17 Құқық қорғаушылардың ЕО басшыларына хаты.
20:55 АҚШ-Иран арасы, Мессидің рекорды.
24:21 Өзбекстан-Португалия ойыны алдындағы көңіл-күй.
26:14 Қоштасу
https://youtu.be/6Zlhuxl7ljg?is=NL-ESmhX2Lv-tCPv
10 922
✈ Air Astana Airbus компаниясынан 50 ұшақ алу бойынша келісті
Бұл келісімге Қазақстан президенті Қасым-Жомарт Тоқаевтың Брюссельге сапары кезінде қол қойылды. Қол қою рәсіміне Еуропа кеңесінің президенті Антониу Кошта мен Еурокомиссия төрайымы Урсула фон дер Ляйен де қатысты.
🔹Airbus қандай компания?
Airbus – ұшақ жасайтын Еуропадағы ірі компания. Ресми Нидерландының Лейден қаласында тіркелген, ал штаб-пәтері Францияның Бланьяк қаласында орналасқан.
Airbus компаниясы A220, A320, A330, А350 және A380 сынды жолаушылар ұшағын шығарады.
10 922
❗Ресейдің 9 облысында жанармай шектеп сатыла бастады. Қырымда бензин сату тоқтады
Ресейдің Новосібір, Саратов, Омбы, Пенза, Түмен, Воронеж, Владимир, Иркутск, Краснояр облыстарында бензинді шектеп сата бастады. Мәселен, бензин Краснояр аймағында бір көлікке 40 литр, Омбы мен Пенза облысында 100 литрдан ғана беріледі. Ал оккупацияланған Қырымда жанар-жағармай сату тоқтаған.
🔹Себебі неде?
Маусымда Украина Ресейдің мұнай базаларына дрон шабуылын үдетіп, Ресей аумағында жанар-жағармай тапшылығы басталған. Маусымның ортасында елде жағармай бағасы күрт өсті.
Reuters агенттігі дереккөздеріне сілтеп, Ресейде дрон шабуылдарының салдарынан маусымның ортасында бензин өндірісі 25 пайызға төмендеді деп жазды.
10 922
⚽ 23 маусымда әлем кубогында Өзбекстан құрамасы Португалиямен ойнайды. Матч алдында өзбек, қазақ, қырғыз, түркімен жанкүйерлері Хьюстонда бас қосып, Өзбекстан футболшыларына сәттілік тіледі.
10 922
⚽23 маусымда әлем кубогында Өзбекстан құрамасы Португалиямен ойнайды. Матч алдында өзбек, қазақ, қырғыз, түркімен жанкүйерлері Хьюстонда бас қосып, Өзбекстан футболшыларына сәттілік тіледі.
10 922
26 маусымда парламенттің қос палатасының бірлескен отырысы өтеді
Бұл туралы мәжілістің баспасөз қызметі хабарлады.
“Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы парламенті палаталарының бірлескен отырысы 2026 жылғы 26 маусымда сағат 10.00-де Астана қаласында шақырылсын” деп жазылған өкімде.
10 922
Путин украин дрондарының шабуылын Ресей қоғамын “шайқау талпынысымен” байланыстырды
Ресей президенті Владимир Путин Кремльде әскери оқу орны түлектерімен кездесу кезінде украин дрондарының Мәскеуге жаппай шабуылына қатысты алғаш рет пікірін айтты.
“Дрондар, азаматтық инфрақұрылымға соққылар – не үшін [болып жатыр]? Қоғамды шайқау үшін. Әрине, осындай үлкен әсермен, тұтас Батыс олар үшін жұмыс істеп жатқанда, дрондар ағылып жатыр... Ресей қарулы күштерінің әрекетіне қатысты сенімсіздік тудырғысы келеді. Ал майданда болып жатқан оқиғаларды ескермей отыр. Бірақ ондағы жігіттер оларды күн сайын, күн сайын әурелеп жатыр” деді Путин.
Ол жеңіске жететініне “сенім білдіріп”, Ресей әскері майданның барлық бөлігінде “қарсыласты тықсырып келе жатқанын” айтып, Донецк облысында шайқас жүріп жатқан Константиновканы атап өтті.
10 922
Брюсельде жүрген Тоқаев Бельгия премьерімен кездесті
Ақорданың хабарлауынша, Қазақстан басшысы Қасым-Жомарт Тоқаев пен Бельгияның премьері Барт де Вевер “екі ел ынтымақтастығының қазіргі жай-күйі мен перспективасын” талқылап, “саяси диалогты нығайту, сауда-экономикалық және инвестициялық байланыстарды дамытуға” айырықша назар аударған.
Ресми мәлімет бойынша, Бельгия Қазақстан экономикасына қаржы құйған 10 жетекші инвестордың бірі. Кейінгі 20 жылда аталған елден жалпы көлемі 15 миллиард доллар инвестиция келген. Сауда айналымы былтыр 580 млн доллардан асқан.
Тараптар көлік-логистика, аса маңызды минералдар, мұнай химиясы, ауыл шаруашылығы, өнеркәсіп, цифрлық трансформация, жасанды интеллект және қаржы салаларындағы бірлескен инвестициялық жобаларды іске асыру мүмкіндіктерін қарастырған. Одан бөлек, ғылым және білім беру саласындағы ықпалдастық, университеттер, зерттеу орталықтары мен технологиялық компаниялар арасындағы серіктестікті ілгерілету перспективасы да сөз болған. Өңірлік және халықаралық күн тәртібінің өзекті мәселелері жөнінде пікір алмасқаны айтылды.
Бұған дейін Тоқаевтың Еуропаға сапары қарсаңында Адам құқықтары бойынша халықаралық серіктестік (International Partnership for Human Rights, IPHR) және Қазақстанның адам құқықтары мен заңдылықты сақтау бюросы Еуроодақ басшыларын Қазақстанмен қарым-қатынаста адам құқықтары мәселесін назардан шығармауға үндеген еді. Олар Еуроодақты Қазақстан билігімен келіссөздер барысында адам құқығы мәселесінде нақты өзгерістерді талап етуге шақырып отыр.
Құқық қорғаушылардың талаптары ескеріле ме, жоқ па, ол жағы әзірге белгісіз.
10 922
Ақтөбе облысындағы жаппай улану: қылмыстық іс қозғалды
Ақтөбе облысы Мұғалжар ауданының орталығы Қандыағаштағы мейрамханада жүзден астам адам уланғаннан кейін сотқа дейінгі тергеу амалдары басталды. Бұл жөнінде "Диапазон" жазды.
“Улану фактісі бойынша Қылмыстық кодекстің 304-бабы санитарлық ережелер немесе гигиеналық нормаларды бұзу бойынша сотқа дейінгі тергеу басталды. Тергеу барысында оқиғаның барлық мән-жайы анықталады” деп жазылған Ақтөбе облысының полиция депарментінің хабарламасында.
Басылымның дерегінше, 19 маусымда тойға барғаннан кейін 102 адам, 14-і – бала, ішек инфекциясы белгілерімен ауруханаға түскен. Науқастардың дене қызуы көтеріліп, жүрегі айныған, іштері өткен.
Бұған дейін денсаулық сақтау басқармасы 34 науқастан сальмонеллез белгілері тіркелгенін хабарлаған еді. Бактериологиялық зерттеу жүргізу үшін тиісті материалдар алынып, санитарлық-эпидемиологиялық қадағалау департаментіне хабарланған.
Науқастардың жағдайы орташа дәрежеде екені айтылады, оларға медициналық көмек көрсетіліп жатыр.
10 922
Алматыда Гүлнар Бажкенованың соты басталады
Алматыда Orda.kz сайтының бұрынғы бас редакторы Гүлнар Бажкеноваға қарсы қозғалған қылмыстық іс бойынша сот басталады. Бұл жөнінде “РЕСПУБЛИКА.kz.media” хабарлады.
Алғашқы сот отырысы 26 маусымда Алматының №2 Бостандық аудандық сотында өтеді. Процесс онлайн форматта өтеді. Бажкенованы мемлекеттік адвокат қорғамақ.
Былтыр жыл соңында Гүлнар Бажкенова "көпе-көрнеу жалған ақпарат тарату" бабымен күдікке ілініп, үйқамаққа алынған еді.
Бұған дейін Orda.kz басылымына халықаралық ұйымдар араша түскен. "Журналистерді қорғау комитеті" Қазақстан билігін сайттың бас редакторы Гүлнәр Бажкеноваға тағылған айыпты алып тастап, басылымның еркін жұмыс істеуіне жағдай жасауға шақырған. Астана бұл мәлімдемеге келіспей, "бұл үндеу нақты жағдайды толық білмеуден туындағаны анық" деген.
