Azattyq - Азаттық
Ir al canal en Telegram
Тәуелсіз елге тәуелсіз ақпарат! ❗Телеграм-арнамыздағы материалдарды бөліскенде бізге сілтеме беруді сұраймыз. 📍Website: https://www.azattyq.org 📍Instagram: https://www.instagram.com/azattyq/
Mostrar más📈 Análisis del canal de Telegram Azattyq - Азаттық
El canal Azattyq - Азаттық (@azattyq) en el segmento lingüístico de Kazajo es un actor destacado. Actualmente la comunidad reúne a 10 828 suscriptores, ocupando la posición 17 401 en la categoría Noticias y medios y el puesto 820 en la región Kazajistán.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 10 828 suscriptores.
Según los últimos datos del 27 septiembre, 2026, el canal mantiene una actividad estable. En los últimos 30 días la variación de miembros fue de 95, y en las últimas 24 horas de -8, conservando un alto alcance.
- Estado de verificación: Verificado (confirmado oficialmente por Telegram)
- Tasa de interacción (ER): El promedio de interacción de la audiencia es 12.91%. Durante las primeras 24 horas tras publicar, el contenido suele obtener 10.35% de reacciones respecto al total de suscriptores.
- Alcance de las publicaciones: Cada publicación recibe en promedio 1 398 visualizaciones. En el primer día suele acumular 1 121 visualizaciones.
- Reacciones e interacción: La audiencia responde de forma activa: el promedio de reacciones por publicación es 26.
📝 Descripción y política de contenido
El autor describe el recurso como un espacio para expresar opiniones subjetivas:
“Тәуелсіз елге тәуелсіз ақпарат!
❗Телеграм-арнамыздағы материалдарды бөліскенде бізге сілтеме беруді сұраймыз.
📍Website: https://www.azattyq.org
📍Instagram: https://www.instagram.com/azattyq/”
Gracias a la alta frecuencia de actualizaciones (últimos datos recibidos el 28 septiembre, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Noticias y medios.
10 828
Suscriptores
-824 horas
-37 días
+9530 días
Archivo de publicaciones
10 828
🔴 Нью-Йоркте Қазақстанда қамалған Мовлаев пен Емельянованы қолдау акциясы өтті
Қазақстанның Нью-Йорктегі бас консулдығы орналасқан ғимараттың алдында акция өткізген бір топ адам қазір Алматыдағы тергеу изоляторында отырған ресейліктер Юлия Емельянова мен Мансур Мовлаевты Ресейге экстрадициялауға қарсылық білдірген. Мовлаев пен Емельянова Ресейдің сұрауы бойынша Қазақстанда ұсталғаннан кейін бір жылдан астам уақыттан бері Алматыдағы тергеу изоляторында отыр.
Нью-Йорктегі наразылық акциясын бұрын Мәскеу қаласының жергілікті басқару органы депутаты болған Сергей Власов құрған Russian Refugee Foundation қоры ұйымдастырған. Акцияға шыққандар Қазақстан билігінен белсенділерді Ресейге бермеуді және халықаралық міндеттемелерін орындауды талап еткен.
Қазақстанның дипломатиялық өкілдіктерінен ешқандай жауап болған жоқ.
Бұған дейін осыған ұқсас наразылық акциялары Еуропа, Австралия мен Арменияның кейбір қалаларында өткен деген хабар болған.
10 828
Ясмина Токсанбаева Азия ойындарында марафондық спорттық жүрістен жарысты бірінші болып аяқтады. Алайда кейін оның нәтижесі аяқ-киіміне қатысты наразылықтан соң жойылып, спортшы жарыстан шеттетілді. Жағдайдың анық-қанығы.
10 828
Алматы маңында тағы бір жерасты дүмпуі тіркелді
28 қыркүйекте Астана уақытымен сағат 13:53 кезінде Алматы облысы аумағында тағы бір жер сілкінісі тіркелді. Магнитудасы 4,2 деп бағаланған жер сілкінісінің ошағы Алматыдан оңтүстік-шығысқа қарай 254 шақырым қашықта болған деп хабарлады Төтенше жағдайлар министрлігі.
Жерасты дүмпуі Нарынқол мен Кеген ауылдарында сезілген.
Бұған дейін, 28 қыркүйек таңертең Алматыда арасына бірнеше сағат салып, екі жер сілкінісі болған. Жер сілкінісінен адамдар зардап шеккені я мүліктің қирап-бүлінгені жайлы ақпарат түспеген.
10 828
🇰🇿🇷🇺 Астана Мәскеуге Ресейде әскери келісімшартқа отыруға мәжбүр болған қазақстандықтар жайлы нота жолдаған
Қазақстан Ресейге жұмысқа кетіп, кейін өзін мәжбүрлі түрде Украинадағы соғысқа әкетіп бара жатқанын отбасына хабарлаған Қазақстан азаматы Мирас Тасжарғановтың және тағы бірнеше қазақстандықтың елге қайтуына жәрдем көрсетуді сұрап, Ресей сыртқы істер министрлігіне нота жолдаған. Мұны Азаттықтың сауалхатына берген жауабында Қазақстанның сыртқы істер министрлігі хабарлады.
"2026 жылғы 18 қыркүйекте елшілік Ресей Федерациясының сыртқы істер министрлігіне аталған азаматтардың Қазақстанға қайтуына жәрдем көрсету туралы нота жолдаған" деп жазған Қазақстан СІМ жауап хатында.Бұған дейін Астана тұрғыны Гүлжан Тасжарғанова интернеттегі хабарландыруға сеніп Ресейге табыс табуға кеткен ұлы Мирас Тасжарғанов уәде етілгеннен басқа жұмыс істегенін, кейін оны мәжбүрлеп Ресей қорғаныс министрлігімен келісімшартқа отырғызғанын Азаттыққа айтқан. 22 қыркүйекте видеобайланыс арқылы анасымен сөйлескен Мирас өзін соғысқа алынған басқа адамдармен бірге әскери көлікпен Украинаға әкетіп бара жатқанын хабарлап үлгерген. Жігіт "қатты өкінетінін" айтып, жақындарынан кешірім сұраған. Қазір Мирас Тасжарғановтың нақты қай жерде екені белгісіз.
10 828
Астана Мәскеуге әскери келісімшартқа отыруға мәжбүр болған қазақстандықтар жайлы нота жолдаған
Қазақстан Ресейге жұмысқа кетіп, кейін өзін мәжбүрлі түрде Украинадағы соғысқа әкетіп бара жатқанын отбасына хабарлаған Қазақстан азаматы Мирас Тасжарғановтың және тағы бірнеше қазақстандықтың елге қайтуына жәрдем көрсетуді сұрап, Ресей сыртқы істер министрлігіне нота жолдаған. Мұны Азаттықтың сауалхатына берген жауабында Қазақстанның сыртқы істер министрлігі хабарлады.
"2026 жылғы 18 қыркүйекте елшілік Ресей Федерациясының сыртқы істер министрлігіне аталған азаматтардың Қазақстанға қайтуына жәрдем көрсету туралы нота жолдаған" деп жазған Қазақстан СІМ жауап хатында.
Бұған дейін Астана тұрғыны Гүлжан Тасжарғанова интернеттегі хабарландыруға сеніп Ресейге табыс табуға кеткен ұлы Мирас Тасжарғанов уәде етілгеннен басқа жұмыс істегенін, кейін оны мәжбүрлеп Ресей қорғаныс министрлігімен келісімшартқа отырғызғанын Азаттыққа айтқан.
22 қыркүйекте видеобайланыс арқылы анасымен сөйлескен Мирас өзін соғысқа алынған басқа адамдармен бірге әскери көлікпен Украинаға әкетіп бара жатқанын хабарлап үлгерген. Жігіт "қатты өкінетінін" айтып, жақындарынан кешірім сұраған. Қазір Мирас Тасжарғановтың нақты қай жерде екені белгісіз.
10 828
⚡️ 14 сарбаздың қазасына байланысты ұсталған Данияр Хайрушевтің әке-шешесі үндеу жасады
Каспийдегі жаттығу кезінде қаза болған 14 сарбаздың қазасынан соң күдікті ретінде ұсталған Қазақстанның әскери-теңіз күштері қолбасшысының бірінші орынбасары – штаб бастығы Данияр Хайрушевтің әке-шешесі ел президенті Қасым-Жомарт Тоқаевқа үндеу жасап, оқиғаның мән-жайын тергеп-тексеру әділ әрі объективті жүргізілуін сұраған.
Олар қаза тапқан әскери қызметкерлердің туыс-туғанына қайғыра көңіл айтатынын жеткізген.
10 828
Бір топ сенатор Трампты Путинді G20 саммитіне шақырмауға үндеді
Ресей президенті Владимир Путинді биыл желтоқсанда Майамиде өтетін G20 саммитіне шақырған АҚШ президенті Дональд Трампқа АҚШ-тың өзара бәсекелес екі партиясының өкілдеріне жататын 14 сенатор хат жазып, ол ниетінен бас тартуын сұраған деп жазды хат мазмұнымен танысқан The Washington Post газеті.
Трампқа жазылған хатта Ресейдің Украинаға қарсы ауқымды басқыншылық соғыс бастағанына бүкіл жауапкершілікті Путин бір көтеретіні айтылған. "Оның АҚШ-тағы G20 саммитіне қатысуы Украинадағы азаматтық нысандарға күн сайын шабуылдап жатқан үкіметті заңды және қалыпты етіп көрсетеді деген елеулі алаңдаушылық тудырады" делінген құжатта. G20 саммитіне Путин шақырылғанын өткен аптада АҚШ мемлекеттік хатшысы Марко Рубио хабарлаған еді.
Трампқа үндеудің авторлары АҚШ Путинге, Ресейдің қаржы министрі Антон Силуановқа және Ресей делегациясының басқа мүшелеріне санкция салғанын еске салған. Сенаторлар егер АҚШ өз әрекеттерімен Путинді халықаралық қауымдастықтан оқшаулаудың қажеті жоқ екенін көрсетсе, ол Украинамен соғыста атысты тоқтатуға келісуге бәлендей ынталы болмауы мүмкін деп санайды.
Бұған дейін Кремльдің баспасөз хатшысы Дмитрий Песков Мәскеудің "америкалық тарапқа бұл шақыру үшін разы" екенін, бірақ жиынға қатысу туралы әлі шешім қабылдамағанын мәлімдеген еді.
10 828
‼️ Алматыда жерасты дүмпуі сезілді
27 қыркүйек күні таңертеңгі сағат 9:37 шамасында Алматы қаласында жерасты дүмпуі сезілді. Кейбір тұрғындар үй ішінде жихаз теңселіп, әлсіз дүмпуі сезілгенін айтты. Іле-шала мобильдік байланыс желісі арқылы тұрғындарға төтенше жағдайлар қызметінің жер сілкінісі туралы шұғыл ескерту хабары түскен.
10 828
Сербия президенті отставкаға кетті
Сербия президенті Александр Вучич қызметі мерзімі аяқталуына бірнеше ай қалғанда қызметінен кетті.
"Маған екі рет сенім артқан азаматтарға алғыс білдіремін. Бүгін менің қызметінен кететін күнім" деді Вучич 27 қыркүйекте.
Сербия парламентінің спикері Ана Брнабич жаңа президент сайланғанға дейін президент міндетін уақытша атқарады.
Жаңа президентті сайлау желтоқсан айының аяғына жоспарланған.
10 828
Тоқаев 14 адам қаза болған Каспийдегі жаттығу туралы: Аталған оқу-жаттығу жиынының мәні де, мақсаты да түсініксіз
Президент Қасым-Жомарт Тоқаев 14 сарбаздың өмірін қиған Каспийдегі оқиғаға қатаң баға беріп, жаттығудың мән-мақсатын сынады.
“Аталған оқу-жаттығу жиынының мәні де, мақсаты да түсініксіз. Оны кім әзірлеп, бекітті? Бас штабтың рөлі қандай? Үйлестіру жұмыстарына неге мән бермеген? Неліктен оқу-жаттығу жиынында Әскери-теңіз күштерінің бас қолбасшысы болмаған? Жауапсыздық, салғырттық, көзбояушылық белең алған. Жүйелі жұмыс жоқ. Дағдарыс жағдайындағы іс-қимыл жоспары сын көтермейді. Мұның бәрі – әскери ведомство басшылығының немқұрайдылығының салдары” деді мемлекет басшысы. Оның сөзінен Ақорда үзінді келтіреді.Ол бейбіт күнде сарбаздардың өмірін жалмаған бұл қайғылы жағдайға бірінші кезекте офицерлердің, соның ішінде генералдардың салғырттығы және кәсіби біліксіздігі себеп болды деді. Ақорданың хабарлауынша, Тоқаев мұны 27 қыркүйекте қорғаныс ведомствосының басшылық құрамымен кеңес өткізген кезде айтқан.
10 828
🥇Қазақстан семсершілері Азиада чемпионы атанды
Жапонияда өтіп жатқан Азия ойындарында семсерлесуден Қазақстан шпага құрамасы командалық жарыста алтын медаль алды. Кирилл Проходов, Вадим Шарлаимов, Руслан Құрбанов, Ерлік Сертай бастаған құрама финалда Оңтүстік Кореяны жеңді. Финалдың ортасында Қазақстан тоғыз ұпай қалып тұрған еді. Кейін есепті теңестірді. Алтын тағдыры «алтын уколда» шешіліп, Проходов қарсыласына қылышты бірінші тигізіп үлгерді.
Осылайша Қазақстан шпагадан командалық жарыста Азиада чемпионы атанды. Бұл құрама биыл әлем чемпионатында командалық жарыстың финалында Украинаны жеңіп, алтын медаль алған еді.
Азия ойындарында қола медальды Жапония мен Гонконг құрамасы алды.
10 828
Ақтаулық блогер Азамат Сәрсенбаев қаза болған 14 сарбаздың бірі Алмас Көбеновтің туыстарына кіріп көңіл айтып шыққанын, отбасының ауыр жағдайда екенін жазды.
“Отбасында бес бала бар, қаза болған Алмас Көбенов кенже ұл болған, екі үлкен ағасы әскерде болып қайтқан. Анасы қатерлі ісікпен ауырады, екінші кезеңінде, қазір химия сәулесін қабылдап жатыр. Өкінішке қарай, ұлы өлген күні ол ем қабылдауы керек болған, бірақ қайғылы оқиғаға байланысты үй жағдайында өтуге мәжбүр болған. Қалай бар, солай айтайын, отбасы қараша тірлік кешіп жатыр, қайғы жамылған отбасы тұрып жатқан үйде өте ауыр атмосфера...” деп жазды блогер.2006 жылы туған Қарақалпақстан тумасы Алмас Көбенов Маңғыстау облысы Мұнайлы ауданы Баянды ауылында тұрған. 29011 әскери бөлімінің матросы, граната атқышы болған.
10 828
Тоқаев Каспийдегі әскери жаттығу кезінде аман қалған үш сарбазды әскери борышын атқару үстінде көрсеткен ерлігі мен жанқиярлығы үшін «Ерлігі үшін» медалімен марапаттады.
10 828
Қырғыз ақыны Нұрсұлтан Малдыбаев Каспийдегі сарбаздардың қазасынан кейін Қазақстан халқына көңіл айтты. Көңіл айту ақынның Instagram-парақшасында жарияланды.
10 828
Каспийдегі әскери жаттығу кезінде тірі қалған үш сарбаздың бірінің отбасы мәлімдеме жасады
Маңғыстау облысындағы әскери жаттығу кезінде тірі қалған үш сарбаздың бірі Никита Удаловтың отбасы мәлімдеме жасады. Жақындарының сөзінше, ол жағаға өз күшімен жеткен, бірақ басынан кешкен оқиғаны баяндауға әзірге дайын емес. Туыстары оның тілегін құрметтеп, тексерілмеген ақпаратты таратпауды сұрады. Бұл жөнінде Tizgin.kz хабарлады.
“Никита өзін құтқарды. Қайғылы оқиға кезінде мән-жайды тез аңғарып, жағаға жетіп, аман қалды. Қазір көбі оның қалай тірі қалғанын және не болғанын сұрап жатыр. Бірақ ол әзірге, айтуға дайын емес. Бұған түсіністікпен қарауларыңызды сұраймыз. Ол бір күнде ұмтылмайтын нәрсені бастан кешірді” деп басылым отбасының мәлімдемесінен үзінді келтіреді.Туыстарының айтуынша, қазір олар үшін ең басты нәрсе – Никитаның өз-өзіне келуі. Олар оның тірі қалғанына қатты қуанып отырғанын айтып, бірақ оның сұхбат бермеу туралы тілегін де құрметтеуді сұрады. Отбасының мәлімдемесінің айтарлықтай бөлігі қаза болған 14 сарбазға арналған. Никитаның туыстары қаза болған сарбаздың әрқайсының ата-анасы, жақындары мен достары, өмірге жоспары болғанын, үйде оларды ет жақындары күткенін еске салды. “Қайғыны басатын сөз таба алмай отырмыз” деді мәлімдеме авторлары.
10 828
Жоғары аудиторлық палата қорғаныс министрлігін тексере бастағанын хабарлады
“Жоғары аудиторлық палатасы қорғаныс министрлігінде бюджет қаражатының пайдаланылу тиімділігіне, сондай-ақ әскери бөлімдердің материалдық-техникалық қамтамасыз етілуіне мемлекеттік аудит жүргізуді бастады” деп жазды ведомствоның телеграм-парақшасы.Хабарламада басқа ештеңе айтылмайды. Бір күн бұрын қорғаныс министрлігін “кешенді тексеретін” комиссия құрылған еді. Оның құрамында жоғары аудиторлық палатаның төрағасы Әлихан Смайылов та бар.
10 828
Маңғыстау облысындағы әскери жаттығу кезінде қаза болған сарбаздар мемлекеттік наградалармен марапатталды.
Әскери бөлім взводының командирі Олжас Мұхтарұлы – Бауыржан Момышұлы атындағы ІІ дәрежелі «Айбын» орденімен, қалған 13 сарбаз Рахымжан Қошқарбаев атындағы ІІІ дәрежелі «Айбын» орденімен марапатталды.
10 828
🔴Жетісу облысында жеке үйде өрт болып, үш бала мерт болды
Жетісу облысы Ескелді ауданы Бақтыбай ауылындағы жеке үйде өрт болып, үш бала мерт болды. Ауыр оқиға 25 қыркүйекте болды.
Өрт кезінде балалардың анасы 13 жастағы баласымен үйден шығып кете алған. Тағы үш бала үйдің ішінде қалған. Оқиға орнына келген құтқарушылар өртті сөндіру кезінде үйден 1 жас, 6 жас және 8 жастағы баланы өлі күйде тапты. Өрттің неден шыққаны әзірге белгісіз. Мамандар оқиғаның себеп-салдарын анықтап жатыр деп айтылады.
