دێرینە شێعری کوردی

  بەری بەیانە، ڕووناکە ئاسۆ: ئاسۆی هیوای کورد، مژدە بێ لە تۆ! دەنگی بانگ هەڵسا لە مزگەوتی دێ باڵدار هێلانەی خەو بە جێ دێڵێ قاسپە قاسپی کەو ئاشکرا ئەڵێ: کاتی فرمان هات، کورد نابێ بنوێ. بەری بەیانە، ڕووناکە ئاسۆ: ئاسۆی هیوای کورد، مژدە بێ لە تۆ! هەڵسە ئەی لاوی نیشتمانیی کورد! سەردەمی هەڵسان هەرکەسێ نووست، مرد! پێویستی پیرۆز؛ بەڵام سەخت و ورد چاوەڕوانتە، هەڵسە دەستوبرد! بەری بەیانە، ڕووناکە ئاسۆ: ئاسۆی هیوای کورد، مژدە بێ لە تۆ! بۆ بەختیاری و سەربەخۆیی گەل، لەگەڵ هاوڕێتا پەل بدەرە پەل! کەی دەرچوو تیشکی هەتاو لە دەم کەل، وریا بی، زۆر چاک بە کاربێنی هەل بەری بەیانە، ڕووناکە ئاسۆ، ئاسۆی هیوای کورد، مژدە بێ لە تۆ! 🔸گۆران @trupkirezgari

مرۆڤ بەسەر هەرچی و هەرکەسدا عەشق ببارێنێ و خۆشی بوێ، دەیکوژێ! ئەمما نفرەت باریکە ڕێگەی هۆی خۆشەویستنە! 🔸شەوتان جوان @trupkirezgari

نابینی زەردە لەسەر لێوی کەسێ لەم شارەدا گەر خەم و دەردی دڵی خۆمیان بەسەردا دابەشم خۆشەویستی گۆشەکەی تەنیایی ھەر ئەژنۆکەمە بۆیە ڕۆژ و شەو وەھا گرتوومەتە نێو باوەشم 🔸هێمن @trupkirezgari

شەوێ وەک ئیمشەو، بگەرە فریام بێ یار و هاو دەم، عاجز و تەنیام ئیمشەو شەوەکەی شەوە زەنگیمە بۆ لای کێ بیوەم، ئەم دڵ تەنگیمە #فۆلکلۆر @trupkirezgari

قەبووڵ ناکەی خەیاڵیشت لەناو دڵدا موقیمی بێ نەوا پەژموردە بێ گوڵدەستەیی حوسنت لە مەجمەردا لە دەستم بەرمەدە دامەن مەبادا بمکوژێ ھیجرت مەبادا خوێنی ناحەق دامەنت بگرێ لە مەحشەردا 🔸سالم @trupkirezgari

پەچەت لادە ببینم ڕووت ئەمن خۆ سەیری تۆ ناکەم لە ڕووی تۆ تێدەگەم یەزدان چلۆن نەخشی ئەنەخشێنێ... 🔸ئەخۆل @trupkirezgari

بلووری گەردنت بنوێنە، سەر هەڵبێنە، بڕفێنە ئەوی هۆش و خەیاڵە یەک کەڕەت، با شێت و هارت بم دڵم مەشکێنە، دەربێنە لە ژێر ئەو هەورەدا ڕۆژت وەدەرخە داو و دانەی خاڵ و زوڵفت، با شکارت بم #زاری @trupkirezgari

دڵی تووتی لە پەروازا لەسەر گوڵ لەنگەری ڕاگرت کە یاری شۆخ و شیرینم سەحەر وەسمەی لە ئەبروو دا تەڵەبکارم بدا ڕوتبەم بە دامەنبۆسیی خاڵت شەهەنشاهێ کە شاهیی کیشوەری ڕوومی بە هیندوو دا 🔸عەبدولڕەحمان بەگی ساحیبقڕان "سالم" @trupkirezgari

کە تۆ هاتی لە نەومیدی نەما باس لە هیجر و ئینتیزار ئیدی نەما باس لە سایەی زوڵفی تۆوە شەو درێژە لە سوبح و نووری خورشیدی نەما باس فەلەک تۆی دا کە ئەمشەو ڕۆژمان بووی لە ڕەجمی نەجمی ناهیدی نەما باس 🔸حەزرەتی نالی @trupkirezgari

کوردم و لە ڕێی کورد و کوردستان سەر لە پێناوم گیان لەسەر دەستان بە کوردی دەژیم بە کوردی دەمرم بە کوردی دەدەم وەرامی قەبرم بە کوردی دیسان زیندوو دەبمەوە لەو دونیاش بۆ کورد تێ ھەڵدەچمەوە #مامۆستا_هەژار ‌‌‌‌‌پێڕستێک لە کاناڵە فەرهەنگی و ئەدەبییەکانیی کوردستان فەرموون لەگەڵمان بن.‎