O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi

🇺🇿 O‘zbekiston tadbirkorlari uchun Iordaniyaga amaliy tashrif tashkil etilmoqda 🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi mahalliy to‘qimachilik mahsulotlari eksportini kengaytirish, yangi xalqaro buyurtmalarni jalb etish va xorijiy hamkorlar bilan sanoat kooperatsiyasini rivojlantirish maqsadida Iordaniya Hoshimiylar Qirolligiga amaliy tashrif uchun tadbirkorlar delegatsiyasini shakllantirmoqda. 📅 Tashrif sanasi: 2026-yil 25–28-oktabr

✅ Tashrifning asosiy yo‘nalishlari:

🟠Yangi eksport buyurtmalarini jalb qilish va B2B hamkorlikni rivojlantirish

Iordaniya kompaniyalari bilan uchrashuvlar tashkil etish, O‘zbekistonda ishlab chiqarilgan to‘qimachilik mahsulotlarini yetkazib berish hamda mahalliy korxonalar uchun yangi buyurtmalarni jalb qilish.

🟠AQSH bozoriga chiqish imkoniyatlarini kengaytirish

O‘zbekistonda ishlab chiqarilgan gazlamalarni Iordaniyaga yetkazib berish, mahalliy hamkorlar bilan tayyor kiyim-kechak ishlab chiqarishni yo‘lga qo‘yish hamda Iordaniya va AQSH o‘rtasidagi erkin savdo kelishuvi (FTA) imkoniyatlaridan foydalangan holda Amerika bozoriga eksport qilish istiqbollarini o‘rganish.

🟠Xalqaro sanoat kooperatsiyasini rivojlantirish

Tashrif doirasida Amman va Aqaba shaharlaridagi kompaniyalar hamda ishlab chiqarish korxonalari bilan uchrashuvlar o‘tkazish rejalashtirilgan.

📌 Kimlar ishtirok etishi mumkin? Iordaniya kompaniyalari bilan hamkorlik o‘rnatish, yangi eksport buyurtmalarini olish va AQSH bozoriga chiqish loyihalarida ishtirok etishdan manfaatdor to‘qimachilik korxonalari hamda tadbirkorlar delegatsiya tarkibida qatnashish uchun murojaat qilishlari mumkin.

👍 O‘zbekiston fuqarolari uchun Iordaniyaga qisqa muddatli tashriflarda viza talab etilmaydi. ❗️Ishtirok etish uchun: yangi eksport buyurtmalarini olish, Iordaniya kompaniyalari bilan hamkorlikni yo‘lga qo‘yish hamda AQSH bozoriga chiqish loyihalarida ishtirok etishdan manfaatdor tadbirkorlar tashrifning tashkiliy masalalari yuzasidan loyiha koordinatori bilan bog‘lanishlari so‘raladi. 📞 Aloqa uchun: +998 90 910-09-01| @mzj_zh 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

Nihoyat, uzoq yillik tarixiy xato tuzatildi. Bugun Prezidentimiz lotin yozuviga asoslangan özbek alifbosini takomillaştirişga oid qonunni imzoladilar. Bu yillar davomida bahslarga sabab bölayotgan va oxiri körinmayotgan masala edi. 2023-yil 11-dekabrda jadidlar merosiga bağişlangan konferensiyadagi nutqimda alifboni tuzatiş taşabbusini ilgari surgan holda, mazkur bahslarga nuqta qöyiş vaqti kelganini aytgan edim. Albatta, özgarişlar oson keçmaydi, kimlardadir e’tiroz yoki xavotir uyğotişi ham tabiiy. Lekin, işoning, yozuvimizdagi noqulayliklarga barham beriş va tilimizning raqamli makondagi örnini mustahkamlaş uçun boşqa yöl yöq edi. Endi hamma hujjatlar yangidan qilinadimi? Yöq, aslo! Biz xarajatlarni eng minimal darajaga tuşiriş yölini tanladik: amaldagi barça hujjatlar, milliy valyuta va qimmatli qoğozlar öz kuçida qoladi, darslik, peşlavha va körsatkiçlar esa yaroqlilik muddati tugagaç, bosqiçma-bosqiç almaştiriladi. Uşbu qonunning 21-oktyabr kuni qabul qilinişida çuqur ramziy ma’no bor. Tuzatilgan alifbomiz ma’rifatparvar ajdodlarimiz orzusi, yoşlarimiz savodxonligi va tilimiz mavqeini yuksaltirişga xizmat qilişiga işonaman. Barçangizni Özbek tili bayrami kuni bilan tabriklayman! — Наконец исправлена многолетняя историческая ошибка. Сегодня наш Президент подписал закон о совершенствовании узбекского алфавита, основанного на латинской графике. Этот вопрос вызывал споры на протяжении многих лет, и конца им не было видно. Выступая 11 декабря 2023 года на конференции, посвящённой наследию джадидов, я выдвинула инициативу по доработке алфавита и высказала мнение, что пришло время поставить точку в этих дискуссиях. Конечно, перемены всегда даются нелегко, и совершенно естественно, что они могут вызывать возражения или опасения. Но, поверьте, иного пути устранить недостатки нашей письменности и укрепить позиции родного языка в цифровом пространстве у нас не было Придётся ли теперь менять все документы? Вовсе нет. Мы выбрали путь минимизации затрат: все действующие документы, национальная валюта и ценные бумаги сохранят свою силу, а учебники, вывески и указатели будут заменяться поэтапно, по мере истечения срока их службы. Принятие этого закона именно 21 октября несёт в себе глубокий символический смысл. Уверена, что наш усовершенствованный алфавит послужит воплощению мечты предков-просветителей — повышению грамотности молодёжи и укреплению авторитета нашего языка. Поздравляю всех вас с Днём узбекского языка!

Prezidentimizning Qashqadaryoga tashrifining birinchi manzili zamonaviy to‘qimachilik fabrikasi bo‘ldi. — Первым пунктом программы поездки Президента нашей страны в Кашкадарью стала современная текстильная фабрика. Prezident.uz|Facebook|Instagram|YouTube|X

Prezident Shavkat Mirziyoyev Qashqadaryo viloyatiga tashrifni “Qashqadaryo” erkin iqtisodiy zonasidagi “Sulton Tex Group” toʻqimachilik klasteri fabrikasining faoliyati bilan tanishishdan boshladi. — Президент Шавкат Мирзиёев начал поездку в Кашкадарьинскую область с ознакомления с деятельностью фабрики текстильного кластера «Sulton Tex Group» в свободной экономической зоне «Кашкадарья». #Mirziyoyev #safar #Qashqadaryo #tuqimachilik Prezident.uz|Facebook|Instagram|YouTube|X

Qadring baland bo‘lsin, ona tilim! 🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi barcha yurtdoshlarimizni 21-oktyabr — O‘zbek tili bayrami kuni bilan samimiy muborakbod etadi! 🟠O‘zbek tili — milliy o‘zligimiz, ma’naviy boyligimiz va xalqimizning bebaho qadriyatidir. Ona tilimizni asrab-avaylash, uning sofligini saqlash, boy imkoniyatlarini keng namoyon etish va kelajak avlodga munosib yetkazish barchamizning sharafli burchimizdir. 🟠Davlat tiliga bo‘lgan hurmatni yuksaltirish, uni kundalik faoliyatimizda va ish yuritish jarayonlarida to‘g‘ri qo‘llash, o‘zbek tilining nufuzini yanada mustahkamlash yo‘lida birgalikda harakat qilishimiz muhim ahamiyatga ega. ✨Ona tilimiz doimo ardoqda, qadrimiz va g‘ururimiz timsoli bo‘lib qolsin! 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

#Light_Industry_News 🇺🇿O‘zbekiston Respublikasi Vazirlar Mahkamasi huzuridagi Yengil sanoatini rivojlantirish agentligi tomonidan yengil sanoat sohasidagi eng muhim yangiliklar va imkoniyatlar sizga atigi 2 daqiqada, aniq va tushunarli tarzda yetkaziladi. 🟠Mazkur video orqali “Yengil sanoatni moliyaviy qo‘llab-quvvatlash jamg‘armasi” tomonidan tadbirkorlarga taqdim etilayotgan keng imkoniyatlar bilan tanishing. ☎️ Qo‘shimcha ma’lumot uchun: +998 (71) 203 77 72 (411), (412), (413), (420) #YengilSanoat #IndustrialNews #Rivojlanish

"Yengil sanoatni moliyaviy qo'llab-quvvatlash jamg'armasi" tomonidan yengil sanoat sohasidagi tadbirkorlik subyektlariga Hukumat qarorida belgilagan quyidagi yo'nalishlarda ko'mak beradi. ✅ Standartlashtirish va sertifikatlashning xalqaro tizimlarini joriy etish 🟠Yengil sanoat mahsulotlarini xorijiy bozorlarga olib chiqish uchun xalqaro standartlar muhim ahamiyatga ega. 🟠Jamg‘arma tomonidan tadbirkorlarga xalqaro standartlar va sertifikatlarni (ISO, OEKO-TEX, GOTS va boshqalar) joriy etish bilan bog‘liq xarajatlar moliyaviy qo‘llab-quvvatlanadi. — Sertifikatlash xizmatlari — Laboratoriya sinovlari — Konsalting va texnik hujjatlarni tayyorlash 🟠Bu imtiyoz mahsulotlaringizning raqobatbardoshligini oshiradi va eksport imkoniyatlarini kengaytiradi. ✅ Yarmarka va ko‘rgazmalarda ishtirok etish 🟠Jamg‘arma yengil sanoat korxonalarining xalqaro va mahalliy yarmarka hamda ko‘rgazmalarda ishtirok etish xarajatlarini qoplaydi. — Stend ijarasi — Ekspozitsiya tayyorlash — Ro‘yxatdan o‘tish to‘lovlari ✅ Eksportoldi moliyalashtirish krediti uchun resurs ajratish 🟠Jamg‘arma eksportoldi moliyalashtirish krediti uchun tijorat banklariga resurs ajratadi. — Xomashyo xaridi — Ishlab chiqarish — Yetkazib berish ✅ Sug‘urta mukofoti xarajatlarini kompensatsiya qilish 🟠Jamg‘arma tomonidan eksport shartnomalari bo‘yicha sug‘urta mukofoti xarajatlarining bir qismi kompensatsiya qilinadi. — Tadbirkor moliyaviy xavflardan himoyalanadi — Eksport faoliyati yanada barqaror bo‘ladi ✅ Tovar va xizmatlarni xalqaro elektron savdo maydonchalarida joylashtirish 🟠Jamg‘arma Amazon, Alibaba, Etsy va boshqa xalqaro elektron savdo platformalarida mahsulotlarni joylashtirish xarajatlarini qo‘llab-quvvatlaydi. — Platformaga joylashtirish — Kontent va katalog tayyorlash — Raqamli reklama ✅ Xorijiy davlatlarda savdo uylarini ochish va saqlash 🟠Jamg‘arma xorijiy davlatlarda savdo uylarini ochish va saqlash, shuningdek: — Ofis — Savdo va ombor binolari — Ijara xarajatlarini qoplashda yordam beradi. ✅ Xorijiy konsalting kompaniyalar va mutaxassislarni jalb qilish 🟠Jamg‘arma xorijiy konsalting kompaniyalari va malakali mutaxassislarni jalb qilish bilan bog‘liq xarajatlarni qoplaydi. — Strategiya — Marketing — Eksportni rivojlantirish ✅ Xorijdan malakali dizayner va mutaxassislarni jalb qilish 🟠Jamg‘arma yengil sanoat korxonalariga xorijdan dizayner, texnolog, marketolog va konstruktorlarni jalb qilish xarajatlarini qoplab beradi. — Dizayn sifati oshadi — Mahsulot zamonaviylashadi ✅ Moliyaviy hisobotlarni xalqaro standartlar asosida yuritish 🟠Jamg‘arma moliyaviy hisobotlarni xalqaro standartlar (IFRS) asosida yuritishni joriy qilish xarajatlarini qo‘llab-quvvatlaydi. — Konsalting — Hisobotlarni moslashtirish ✅ Ishlab chiqarish biznes jarayonlarini avtomatlashtirish 🟠 Jamg‘arma ishlab chiqarish va boshqaruv jarayonlarini avtomatlashtirish bilan bog‘liq xarajatlarni moliyalashtiradi. — ERP, CRM tizimlari — Xarajatlarni kamaytirish — Samaradorlikni oshirish ✅ Brendlarni ro‘yxatdan o‘tkazish va jalb qilish Brend — bu sizning imijingiz. 🟠Jamg‘arma mahalliy va xorijiy bozorlarda brendlarni ro‘yxatdan o‘tkazish hamda rivojlantirish xarajatlarini qoplaydi. — Tovar belgisi — Xalqaro himoya ✅ Qo'shimcha ma'lumotlar uchun Yengil sanoatni rivojlantirish Agentligi mas‘ul xodimiga murojaat qiling. ☎️ +998 (71) 203 77 72 (411), (412), (413), (420) ✅ Arizani quyidagi havola orqali yuborishingiz mumkin: https://adli.uz/ 🌐 https://gov.uz/oz/adli #YengilSanoat #Rivojlanish #Agentlik

🇺🇿 2026-yil 20-oktabr kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi xodimlari “Qadring baland bo‘lsin, ona tilim!” shiori ostida o‘tkazilgan “Umummilliy diktant” loyihasida faol ishtirok etdilar. 🟠Mazkur tashabbus O‘zbekiston Respublikasi Prezidentining 2025-yil 20-oktabrdagi “Davlat tilini yanada rivojlantirishga oid qo‘shimcha chora-tadbirlar to‘g‘risida”gi PQ-308-son qarori ijrosini ta’minlash hamda davlat tilining nufuzini oshirish maqsadida tashkil etildi. 📝 Diktant davomida Agentlik xodimlari o‘zbek adabiy tili me’yorlari, imlo qoidalari va tinish belgilariga oid bilimlarini sinovdan o‘tkazib, yozma savodxonlik darajalarini namoyon etdilar. 🟠Loyihaning asosiy maqsadi davlat organlari va tashkilotlari xodimlari o‘rtasida yozma savodxonlik madaniyatini yuksaltirish, ona tilimizga bo‘lgan hurmatni mustahkamlash hamda davlat tilining jamiyatdagi nufuzini yanada oshirishdan iborat. 🟠Bunday ma’rifiy tadbirlar xodimlarning davlat tilida ish yuritish madaniyatini rivojlantirish, rasmiy hujjatlarni savodli va xatosiz tayyorlash ko‘nikmalarini mustahkamlashga xizmat qiladi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿2026-yilning 16-oktabr kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Jizzax viloyatiga tashrifi doirasida hududdagi bir qator yengil sanoat korxonalarida bo‘ldi. 🟠Tashrif davomida Jizzax shahrida joylashgan “Jizzax tekstil”, “Sharof Rashidov tekstil”, “Jizzax Kent Tekstil”, “Rus teks invest”, “Jizzax Toshtepa”, “Jada Kolor”, “Euroasia Gilamlari”, “O‘z Turk Charm”, “Jizzax Eko Tekstil” hamda “Jizzax Jun (Rus-Sal)” MCHJ korxonalarining ishlab chiqarish jarayonlari va faoliyati bilan yaqindan tanishildi. 🟠O‘rganishlar jarayonida korxonalarning ishlab chiqarish quvvatlari, mavjud infratuzilmasi, ishlab chiqarilayotgan mahsulotlar hamda faoliyatni yanada kengaytirish imkoniyatlari ko‘rib chiqildi. 🟠Shuningdek, korxona rahbarlari bilan muloqotlarda ishlab chiqarish hajmini oshirish, mahsulotlar assortimentini kengaytirish, eksport yo‘nalishlarini rivojlantirish va tarmoqda mavjud muammolarni bartaraf etish masalalari muhokama qilindi. 🟠Tashrif yakunida korxonalar faoliyatini rivojlantirish, mavjud imkoniyatlardan samarali foydalanish hamda tadbirkorlarning tashabbuslarini qo‘llab-quvvatlashga qaratilgan masalalarga e’tibor qaratildi. 📌 Bunday tashriflar ishlab chiqaruvchilar bilan bevosita muloqotni mustahkamlash, sohadagi mavjud muammolarni joyida o‘rganish va yengil sanoat tarmog‘ini yanada rivojlantirishga xizmat qiladi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori o‘rinbosari Ruxullo Zikrillayev Eron Islom Respublikasining O‘zbekistondagi elchixonasi savdo attashesi Rahmatollah Xormali bilan uchrashuv o‘tkazdi. 🟠Muloqot davomida ikki mamlakat o‘rtasida savdo-iqtisodiy aloqalarni rivojlantirish, yengil sanoat sohasidagi hamkorlikni kengaytirish hamda ishlab chiqaruvchilar o‘rtasida to‘g‘ridan-to‘g‘ri aloqalarni mustahkamlash masalalari muhokama qilindi. 🟠Xususan, O‘zbekiston to‘qimachilik mahsulotlarining Eron bozoriga eksportini kengaytirish, o‘zaro tovar ayirboshlash hajmini oshirish hamda ikki mamlakat korxonalari o‘rtasida sanoat kooperatsiyasini rivojlantirish istiqbollariga alohida e’tibor qaratildi. 🟠Uchrashuvda O‘zbekiston yengil sanoatining ishlab chiqarish va eksport salohiyati, mavjud sanoat imkoniyatlari hamda xorijiy hamkorlar bilan o‘zaro manfaatli loyihalarni amalga oshirish istiqbollari yuzasidan fikr almashildi. 🟠Shuningdek, ikki mamlakat ishbilarmon doiralari o‘rtasidagi hamkorlikni faollashtirish, yangi savdo sherikliklarini yo‘lga qo‘yish, investitsiyaviy aloqalarni kengaytirish hamda qo‘shma ishlab chiqarish tashabbuslarini ilgari surish imkoniyatlari ko‘rib chiqildi. 🟠Muzokaralar davomida O‘zbekiston va Eronning mavjud sanoat va eksport salohiyatidan samarali foydalanish, o‘zaro savdo aloqalarini diversifikatsiya qilish hamda yengil sanoat sohasida uzoq muddatli va barqaror hamkorlikni rivojlantirish muhimligi ta’kidlandi. 🟠Uchrashuv yakunida tomonlar ikki tomonlama savdo-iqtisodiy munosabatlarni yanada mustahkamlash, manfaatdor korxonalar o‘rtasida amaliy hamkorlikni kengaytirish hamda istiqbolli yo‘nalishlar bo‘yicha konstruktiv muloqotni davom ettirishga o‘zaro qiziqish bildirdilar. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 2027-YIL 1-CHORAGIDA TAVSIYA ETILADIGAN XALQARO KO‘RGAZMALAR 🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi tomonidan 2027-yilning birinchi choragida yengil sanoat korxonalari uchun tavsiya etiladigan nufuzli xalqaro ko‘rgazmalar ro‘yxati taqdim etiladi.

1. Heimtextil 2027

📅 12–15-yanvar 📍Frankfurt, Germaniya

2. Apparel Sourcing New York City 2027 va Texworld New York City 2027

📅 19–21-yanvar 📍Nyu-York, AQSH

3. Texworld / Apparel Sourcing Paris

📅 25–27-yanvar 📍Parij, Fransiya

4. Pure London

📅 7–10-fevral 📍London, Buyuk Britaniya 🟠Mazkur xalqaro ko‘rgazmalarda ishtirok etish mahalliy ishlab chiqaruvchilarga yangi hamkorlar topish, xalqaro bozorlarga chiqish, eksport geografiyasini kengaytirish hamda o‘z mahsulotlarini jahon miqyosida namoyish etish uchun muhim imkoniyat yaratadi. 🟠Xalqaro ko‘rgazmalarda ishtirok etish orqali mahsulotlaringizni yangi bozorlarga olib chiqing va biznesingiz rivoji uchun yangi imkoniyatlardan foydalaning!

➡️ Arizani quyidagi havola orqali yuborishingiz mumkin: https://adli.uz/uz/events?p_slug=parent_exhibition&ch_slug=exhibition

🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 Joriy yilning 15-oktabr kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodovning Jizzax viloyatiga tashrifi doirasida hududdagi bir qator yengil sanoat korxonalari faoliyati bilan tanishildi. 🟠Tashrif davomida Mirzacho‘l tumanidagi “Mirzacho‘l tekstil”, Do‘stlik tumanidagi “Sentez Do‘stlik tekstil Aksesuari” MCHJ, Arnasoy tumanidagi “Arnasoy gold tekstil”, Paxtakor tumanidagi “Paxtakor tekstil” va “Paxtakor gold tekstil” MCHJ, Sharof Rashidov tumanidagi “Bokar tekstil” MCHJ, Jizzax shahridagi “Ramiza Silk” MCHJ, Zarbdor tumanidagi “Zarbdor tekstil” MCHJ hamda Bo‘ston shaharchasidagi “Betlis Tekstil” MCHJ korxonalarining ishlab chiqarish faoliyati o‘rganildi. 🟠Muloqotlar davomida korxonalarning ishlab chiqarish quvvatlarini kengaytirish, mahsulot turlarini ko‘paytirish, eksport bozorlariga chiqish imkoniyatlarini mustahkamlash, mavjud ishlab chiqarish salohiyatidan samarali foydalanish hamda tadbirkorlarni qiynayotgan masalalarni hal etish yuzasidan fikr almashildi. 🟠Shuningdek, tarmoqni rivojlantirish, korxonalar faoliyatining samaradorligini oshirish va yangi loyihalarni amalga oshirish istiqbollariga e’tibor qaratildi. 🟠Hududiy korxonalar faoliyatini chuqur o‘rganish, ishlab chiqaruvchilar bilan bevosita muloqot qilish va mavjud imkoniyatlarni ro‘yobga chiqarish yengil sanoat tarmog‘ining barqaror rivojlanishi hamda uning iqtisodiyotdagi o‘rnini yanada mustahkamlashga xizmat qiladi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 O‘zbekiston paxta mahsulotlarini Yaponiya bozoriga eksport qilish istiqbollari muhokama qilindi 🇺🇿Joriy yilning 14-oktabr kuni Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori o‘rinbosari Ruxullo Zikrillayev Yaponiyaning “MASUI Co., Ltd.” kompaniyasi ikkinchi savdo bo‘limi menejeri Chinori Tokita hamda “MASUI Tashkent” MChJ vakili Sh. Shomurodov bilan uchrashdi. 🟠Uchrashuvda O‘zbekiston paxtasini “contamination-free” dasturi asosida yetishtirish hamda mahalliy ishlab chiqaruvchilar mahsulotlarini Yaponiya bozoriga eksport qilish masalalari muhokama qilindi. 🟠Muzokaralar yakunida Yaponiya bozori uchun oq futbolka namunasini tayyorlash va sinovdan o‘tkazish bo‘yicha amaliy ishlarni boshlashga kelishib olindi. Namuna belgilangan talablarga muvofiq deb topilgan taqdirda, mahsulot yetkazib berish bo‘yicha buyurtma berish ko‘zda tutilgan. 🟠Mazkur hamkorlik mahalliy ishlab chiqaruvchilarning eksport salohiyatini oshirish va O‘zbekiston yengil sanoati mahsulotlarining Yaponiya bozoriga kirib borishini kengaytirishga xizmat qiladi. 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

#OAV_biz_haqimizda #Axborot24 | 14.10.2026 O‘zbekiston to‘qimachilik mahsulotlari xalqaro bozorda 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat #Rivojlanish #Agentlik #Eksport

#OAV_biz_haqimizda O‘zekspomarkazda tashkil etilgan to‘qimachilik sanoati ko‘rgazmasi tafsiloti. 🔗 Manba: https://t.me/toshkentkanali/20082 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

#АХБОРОТ24 🇺🇿O‘zekspomarkaz pavilyonlarida nufuzli xalqaro Heimtextil Uzbekistan-2026 ko‘rgazmasi davom etmoqda! 🔗 Manba: t.me/uzbekistan24_tvnews 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🌍 Byurokratiyaga qarshi kurashda sizning ovozingiz muhim! 🟠“Byurokratiyani bartaraf etish – 2030” dasturi doirasida Strategik rivojlanish va islohotlar agentligi tomonidan “Byurokratiyasiz O‘zbekiston” ommaviy tashabbusi amalga oshirilmoqda. 🟠Maqsad — fuqarolar va tadbirkorlarning fikr-mulohazalari asosida ortiqcha byurokratik jarayonlarni qisqartirish va davlat xizmatlarini soddalashtirish. 🟠Sizni charchatgan ortiqcha hujjat yoki cho'zilgan jarayon bormi? Bizga xabar bering — har bir muammo o'zgarish uchun imkoniyatdir. 🟠 O'z takliflaringiz bilan islohotlarga hissa qo'shing. ➡️ murojaat.byurokratiyasiz2030.uz 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #ommaviytashabbus #byurokratiyanibartarafetish2030

#OAV_biz_haqimizda O‘zekspomarkazda tashkil etilgan to‘qimachilik sanoati ko‘rgazmasi tafsiloti. 🔗 Manba: https://t.me/Yangidavr_rasmiy/30919 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 2026-yilning 13-oktabr kuni Toshkent shahrida Heimtextil Uzbekistan 2026 xalqaro ko‘rgazmasi doirasida O‘zbekiston va Polsha ishbilarmon doiralari vakillari ishtirokida “O‘zbekiston to‘qimachilik mahsulotlarini Yevropa bozoriga olib chiqish” mavzusida uchrashuv bo‘lib o‘tdi. 🟠Tadbirda Yengil sanoatni rivojlantirish agentligi direktorining o‘rinbosari Ruxullo Zikrillayev, Polsha Respublikasining O‘zbekistondagi Favqulodda va Muxtor Elchisi Marian Przeździecki, PTAK Holding boshqaruvi raisi Nina Ryszka-Olbrychowska, Polshaning Wiliński kompaniyasi vakili Andrzej Wiliński, Pepco Group kompaniyasining yetkazib beruvchilarni izlash yo‘nalishi rahbari Jakub Ponedzelski, shuningdek, mahalliy yengil sanoat korxonalari vakillari ishtirok etdi. 🟠Uchrashuv davomida O‘zbekiston va Polsha o‘rtasidagi savdo-iqtisodiy hamkorlikni kengaytirish, mahalliy to‘qimachilik mahsulotlarini Yevropa bozorida ilgari surish, shuningdek, ishlab chiqaruvchilar va xorijiy xaridorlar o‘rtasida to‘g‘ridan-to‘g‘ri ishbilarmonlik aloqalarini yo‘lga qo‘yish masalalari muhokama qilindi. 🟠Alohida e’tibor Polshadagi yirik savdo-ko‘rgazma majmualaridan biri — PTAK Fashion City imkoniyatlariga qaratildi. Unda o‘zbek ishlab chiqaruvchilarining mahsulotlarini doimiy joylashtirish, ulgurji savdoni tashkil etish, yevropalik xaridorlar bilan hamkorlik qilish hamda o‘zbek kompaniyalarining Polsha bozorida doimiy ishtirokini yo‘lga qo‘yish mexanizmlari taqdim etildi. 🟠Polsha tomoni vakillari, shuningdek, ishtirokchilarni Yevropa bozorining mahsulot assortimenti, dizayn va materiallar, mahsulot sifati, buyurtmalar hajmi, yetkazib berish muddatlari hamda logistika bo‘yicha talablari bilan tanishtirdilar. 🟠Tadbir yakunida o‘zbek mahsulotlarini Yevropa bozoriga olib chiqish masalalari va istiqbollari yuzasidan ochiq muhokama o‘tkazildi. 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

#OAV_biz_haqimizda O‘zbek yengil sanoatining global integratsiyasi 🔗 Manba: https://t.me/joyida_informatsion/12983 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik