Uzbekistan chess federation

🇺🇿Prezidentimiz shaxmatchilarimizga ulkan zafarlar tiladi! Mustaqilligimizning 35-yilligiga bag‘ishlangan tantanali tadbirda Prezidentimiz yurtimiz shaxmatchilariga samimiy tilaklarini bildirib, ularga kelgusi musobaqalarda ulkan zafarlar va yangi g‘alabalar tiladilar. Bu ezgu tilaklar sportchilarimiz uchun katta ishonch va yuksak mas’uliyatdir. Yosh shaxmatchilarimiz bayrog‘imizni yanada baland ko‘tarib, xalqimizni yangi g‘alabalar bilan quvontirishiga ishonamiz! 🕊Telegram 📱Instagram 🔹 Facebook 🌍Veb sayt

🇺🇿 O‘zbekiston xalqaro arbitrlar soni bo‘yicha dunyo TOP-15 taligida! FIDE’ning 2-Kengash yig‘ilishidan so‘ng yangilangan ma’lumotlarga ko‘ra, O‘zbekiston 100 nafar FA va IA bilan jahon reytingida 14-o‘ringa ko‘tarildi. Malumot o'rnida 2024-yil aprel oyida O‘zbekistonda 39 nafar xalqaro toifadagi arbitr bor edi va 39-o‘rinda edi. So‘nggi ikki yil davomida xalqaro toifadagi arbitrlar sonini oshirish bo‘yicha O‘zbekiston eng yuqori o‘sish ko‘rsatkichini qayd etdi. Bu davrda arbitrlar soni 39 nafardan 100 nafarga yetib, 156,4% ga oshdi. Ushbu natijaga erishishda arbitrlar tayyorlash va seminarlar tashkil etishga katta hissa qo‘shgan lektorlarimizga, shuningdek, barcha O‘zbekistonlik arbitrlarga tashakkur! 🕊Telegram 📱Instagram 🔹 Facebook 🌍Veb sayt

⚡️“Green Hills Resort” musobaqasi ishtirokchilari diqqatiga! Musobaqa dasturiga ko‘ra, 30-avgust kuni Rapid, 31-avgust kuni esa Blits bahslari o‘tkaziladi. Ishtirokchilar uchun transport 30-avgust kuni soat 08:00 da Alisher Navoiy kinoteatri yaqinidan yo‘lga chiqadi. Kech qolgan ishtirokchilar uchun transport bilan ta’minlash kafolatlanmaydi. ➡️“New Star” guruhi ishtirokchilariga bir nafardan hamrohlik qiluvchi shaxs bilan birga borishga ruxsat beriladi. Qolgan ishtirokchilarning hamrohlik qiluvchi shaxslari uchun transportda joy ajratilishi kafolatlanmaydi. Musobaqa lokatsiyasi: 🤝Barcha ishtirokchilardan belgilangan vaqtda yig‘ilish joyiga yetib kelishlarini so‘raymiz.

⚡️ “Chess Board Open Championship”da kimlar yetakchilik qildi? “O‘zbekgidroenergo” AJ tashabbusi bilan Yoshlar ishlari agentligi va O‘zbekiston shaxmat federatsiyasi hamkorligida vazirlik, idora va tashkilot xodimlari o‘rtasida “Chess Board Open Championship of Uzbekhydroenergo JSC” shaxmat musobaqasi o‘tkazildi. Musobaqada turli vazirlik, idora va yirik tashkilotlar vakillari faol ishtirok etib, o‘zlarining shaxmat bo‘yicha mahoratlarini namoyon etdi.

Eng yuqori ball to‘plagan ishtirokchilar: “O‘zavtosanoat” AJ — 10 ball “Asakabank” AJ — 9,5 ball Ichki ishlar vazirligi — 9 ball “Mikrokreditbank” ATB — 8,5 ball “Xalq banki” ATB — 8,5 ball

Musobaqaning to‘liq reyting natijalari yuqoridagi posterda keltirilgan. Ushbu chempionat shaxmatni ommalashtirish bilan birga, ishtirokchilarning mantiqiy fikrlash, strategik yondashuv va tezkor qaror qabul qilish ko‘nikmalarini rivojlantirishga xizmat qildi. 🕊Telegram 📱Instagram 🔹 Facebook 🌍Veb sayt

⚡️Abdumajid Botiraliyev — Xalqaro sport ustasi (IM) normasini bajardi! O‘zbekistonlik yosh shaxmatchi Abdumajid Botiraliyev Italiyada bo‘lib o‘tgan 24-Torneo Internazionale di Scacchi Spilimbergo xalqaro shaxmat turnirida muvaffaqiyatli ishtirok etib, Xalqaro sport ustasi (International Master — IM) unvoni uchun zarur bo‘lgan navbatdagi normani bajardi. Shu yilning, 8–15-avgust kunlari o‘tkazilgan nufuzli xalqaro turnirda Abdumajidning munosib natija qayd etib, IM normasini qo‘lga kiritgani O‘zbekiston shaxmati uchun quvonchli voqeadir. Abdumajid Botiraliyevni ushbu yutug‘i bilan samimiy muborakbod etamiz! 🕊Telegram 📱Instagram 🔹 Facebook 🌍Veb sayt

⚡️O‘zbekistonlik shaxmatchilar “Bella Italia” xalqaro shaxmat festivalida munosib natijalarni qayd etdi! Joriy yilning, 17–23 avgust kunlari Italiyaning Lignano Sabbiadoro shahrida 5° Festival Bella Italia xalqaro shaxmat festivali bo‘lib o‘tdi.

Klassik shaxmat formatida o‘tkazilgan festivalning Master guruhida O‘zbekiston sharafini GM Ortik Nigmatov, FM Abdumajid Botiraliev, CM Sheralijon Ravshanov va Hasan Akramov himoya qildi. Musobaqa yakunida GM Ortik Nigmatov 9 turda 7,5 ochko jamg‘arib, Master guruhida birinchi o‘rinni egalladi.

➡️Hasan Akramov 5,5 ochko bilan musobaqani yakunlab, 2 nafar grossmeysterni mag‘lub etdi va reytingiga 132 ochko qo‘shdi. CM Sheralijon Ravshanov ham 5,5 ochko jamg‘arib, reytingini 72 ochkoga yaxshiladi. FM Abdumajid Botiraliev esa reytingiga 16 ochko qo‘shdi. ➡️Open A guruhida O‘zbekiston nomidan Zafar Tolipov va Husan Akramov ishtirok etdi. Zafar Tolipov 7 turda 6,5 ochko jamg‘arib, guruh g‘olibiga aylandi. Husan Akramov esa 5,5 ochko bilan uchinchi o‘rinni egalladi. Barcha shaxmatchilarimizni munosib natijalari bilan tabriklaymiz! 🕊Telegram 📱Instagram 🔹 Facebook 🌍Veb sayt

⚡️Xalqaro shaxmat turniriga ro‘yxatdan o‘tish muddati uzaytirildi Shu yilning, 29–31-avgust kunlari Toshkent viloyati, Bo‘stonliq tumanidagi Green Hills Resort majmuasida Rapid va Blitz yo‘nalishlarida xalqaro shaxmat turniri bo‘lib o‘tadi. Turnirning umumiy mukofot jamg‘armasi 35 000 AQSH dollarini tashkil etadi. Ro‘yxatdan o‘tish muddati 27-avgustgacha uzaytirildi. Ro‘yxatdan o‘tish yakunlanishiga 1 kun qoldi. Ishtirok etish istagidagi shaxmatchilarni belgilangan muddatgacha ro‘yxatdan o‘tishga chorlaymiz. Ro‘yxatdan o‘tish va qo‘shimcha ma’lumot uchun: @Sevara1223

⚡️Hurmatli shaxmatchilar! FIDE ID raqamini olish jarayoni to‘liq avtomatlashtirildi. Endilikda ariza topshirish uchun quyidagi havola orqali onlayn ro‘yxatdan o‘tishingiz mumkin: Havola: havola Muhim: FIDE ID ochishda arizada FIDE ID raqami rasmiylashtirilayotgan shaxsning F.I.Sh. (familiya, ism, otasining ismi)ni to‘liq va aniq ko‘rsatish shart. Mazkur tizim orqali FIDE ID olish jarayoni yanada tez, qulay va samarali amalga oshiriladi. 🕊Telegram 📱Instagram 🔹 Facebook 🌍Veb sayt

⚡️Jahongir Vohidov — Abu Dabi xalqaro shaxmat festivali g‘olibi Hamyurtimiz Jahongir Vohidov 32-Abu Dhabi International Chess Festival musobaqasining Masters guruhida 7 ochko jamg‘arib, turnir g‘olibligini qo‘lga kiritdi. Grossmeysterimizni ushbu muhim xalqaro muvaffaqiyat bilan samimiy muborakbod etamiz va kelgusi musobaqalarda yangi zafarlar tilaymiz! O‘zbekiston shaxmati rivoji yo‘lidagi navbatdagi muhim g‘alaba! 🕊Telegram 📱Instagram 🔹 Facebook 🌍Veb sayt

✅46-Butunjahon shaxmat olimpiadasi, 3-Paraolimpiada va 97-FIDE Kongressiga bag‘ishlangan matbuot anjumani bo‘lib o‘tdi Bugun, 24-avgust kuni Xalqaro shaxmat akademiyasida Samarqand shahrida bo‘lib o‘tadigan nufuzli xalqaro shaxmat tadbirlariga bag‘ishlangan matbuot anjumani bo‘lib o‘tdi. Unda O‘zbekiston shaxmat federatsiyasi rahbariyati va mas’ul xodimlari, OAV vakillari, shaxmat mutaxassislari hamda ishqibozlari ishtirok etdi. Matbuot anjumanida joriy yilning, 10–18-sentabr kunlari 3-Paraolimpiada, 15–28-sentabr kunlari 46-Butunjahon shaxmat olimpiadasi hamda 19–28-sentabr kunlari 97-FIDE Kongressini yuqori saviyada o‘tkazish bo‘yicha amalga oshirilayotgan ishlar haqida ma’lumot berildi.

Ta’kidlanganidek, mazkur yirik tadbirlarga tayyorgarlik doirasida ishchi shtab faoliyati yo‘lga qo‘yildi, ishtirokchilar va mehmonlar uchun mehmonxonalar band qilindi, musobaqa o‘tkaziladigan obyektlarni tayyorlash, transport-logistika hamda xavfsizlik choralarini ta’minlash bo‘yicha tizimli ishlar amalga oshirildi.

46-Butunjahon shaxmat olimpiadasida 200 dan ortiq davlatdan 398 ta jamoa — 208 ta “Open” va 190 ta ayollar jamoasi ishtirok etishi kutilmoqda. O‘zbekiston mezbon davlat sifatida 3 ta jamoa bilan qatnashadi. E’tiborlisi, 46-Butunjahon shaxmat olimpiadasi ishtirokchi davlatlar va jamoalar soni bo‘yicha Olimpiada tarixidagi eng yirik musobaqaga aylanishi kutilmoqda. 🕊Telegram 📱Instagram 🔹 Facebook 🌍Veb sayt

⚡️Matbuot anjumaniga taklif etamiz 24-avgust kuni (ertaga) Xalqaro shaxmat akademiyasida joriy yilning 15–27-sentabr kunlari Samarqand shahrida o‘tkaziladigan 46-Butunjahon shaxmat olimpiadasiga tayyorgarlik jarayonlari yuzasidan matbuot anjumani bo‘lib o‘tadi. Matbuot anjumanida Butunjahon shaxmat olimpiadasi haqida umumiy ma’lumot, musobaqada ishtirok etuvchi shaxmatchilar, trenerlar va terma jamoalar tarkibi, shuningdek, olimpiadaga ko‘rilayotgan tayyorgarlik ishlari haqida batafsil ma’lumot beriladi. ✅Matbuot anjumaniga ommaviy axborot vositalari vakillari, jurnalistlar va blogerlarni taklif etamiz. Sana: 24-avgust Manzil: Xalqaro shaxmat akademiyasi 🕊Telegram 📱Instagram 🔹 Facebook 🌍Veb sayt

⚡ 46-Butunjahon Shaxmat Olimpiadasi hamda 3-Parashaxmat Olimpiadasi yuzasidan arbiterlar uchun 2-onlayn seminar bo‘lib o‘tdi Joriy yilning, 13-avgust kuni Olimpiadalarda faoliyat olib boradigan arbiterlar uchun ilk tayyorgarlik uchrashuvi Zoom platformasi orqali o‘tkazildi va unda qariyb 200 kishi ishtirok etdi. Uchrashuvni 46-Butunjahon Shaxmat Olimpiadasi Bosh hakam yordamchisi IA Munoz Solis, Carolina hamda 3-Parashaxmat Olimpiadasi Bosh hakam yordamchisi IA Bansod Swapnil olib bordi.

🌎Seminarda mahalliy hamda xorijlik tajribali arbiterlar ishtirok etdi. Uchrashuv davomida Olimpiadalardagi asosiy ish tartibi, arbiterlarning vazifalari, mas’uliyati va musobaqa jarayonida sodir bo'lishi mukin bo'lgan hodisalar haqida ma’lumotlar berildi.

🕊Telegram 📱Instagram 🔹 Facebook 🌍Veb sayt

⚡️Yoshlar o‘rtasidagi jahon chempionatiga saralash boshlandi Joriy yilning 13–21 oktabr kunlari Ispaniyaning Roketas-de-Mar shahrida 7–17 yoshli o‘smirlar va qizlar o‘rtasida shaxmat bo‘yicha Jahon chempionati bo‘lib o‘tadi. Mazkur jahon chempionatida O‘zbekiston terma jamoasining asosiy tarkibi sifatida joriy yilda 7–17 yoshli maktab o‘quvchilari o‘rtasida o‘tkazilgan O‘zbekiston chempionatining standart yo‘nalishida 1-o‘rinni egallagan sportchilar ishtirok etishi rejalashtirilgan. Musobaqada ishtirok etish istagidagi sportchilardan 4-sentabrga qadar ariza topshirishlari so‘raladi. Nizom bilan tanishish Qo‘shimcha ma’lumot va murojaatlar uchun: @Sevara1223

⚡️Javohir Sindarov “Sinquefield Cup 2026”da kuchli uchlikdan joy oldi Sent-Luisda o‘tgan nufuzli “Sinquefield Cup 2026” musobaqasi O‘zbekiston vakili Javohir Sindarov uchun muvaffaqiyatli yakunlandi. Dunyoning eng kuchli shaxmatchilari bahs olib borgan turnirda Javohir Sindarov 9 tur davomida 5 ochko jamg‘arib, 3-o‘rinni egalladi. O‘zbekistonlik grossmeyster Uesli So va Rameshbabu Praggnanandhaadan keyingi pog‘onani band etdi hamda musobaqaning bronza medali sohibiga aylandi. Javohir Sindarovning turnirdagi natijasi — 5 ochko, 3-o‘rin va 42 500 AQSh dollari miqdoridagi mukofot. Shu tariqa, vakilimiz nufuzli “Grand Chess Tour 2026”ning so‘nggi bosqichida ham o‘z nomini kuchli uchlikdan joy oldirishga muvaffaq bo‘ldi. 🕊Telegram 📱Instagram 🔹 Facebook 🌍Veb sayt

⚡️O‘zbekistonlik shaxmatchilar Turkiyada xalqaro turnir bahslarini boshladi joriy yilning, 17–23 avgust kunlari Turkiyaning Urgup shahrida “2nd Kapadokya International Open Chess Tournament” xalqaro turniri bo‘lib o‘tmoqda. Musobaqada 22 mamlakatdan 687 nafar shaxmatchi, jumladan, O‘zbekistondan 9 nafar sportchi ishtirok etmoqda. Dastlabki ikki tur yakuniga ko‘ra, “A” guruhida Almas Raxmatullayev 2 ochko bilan yetakchilar safida bormoqda. Sayidakbar Saidaliev va Muhammadali Abdurahmonov 1,5 ochkodan jamg‘argan. Barchinoy Shokirjonova, Maftuna Bobomurodova va Zilola Aktamova hisobida esa 1 ochkodan mavjud. “B” guruhida Mumtozbegim Mansurova 2 ochko bilan yuqori o‘rinlarda bormoqda. Ozoda Shaxzodova esa 1 ochko jamg‘argan.

Musobaqada O‘zbekiston sharafini Sayidakbar Saidaliev, Almas Raxmatullayev, Muhammadali Abdurahmonov, Mumtozbegim Mansurova, Barchinoy Shokirjonova, Maftuna Bobomurodova, Shohina Axmedova, Ozoda Shaxzodova hamda Zilola Aktamova himoya qilmoqda.

Turnir bahslari 23-avgustga qadar davom etadi. 🕊Telegram 📱Instagram 🔹 Facebook 🌍Veb sayt

♟Yosh xodimlar o‘rtasida shaxmat chempionati! Yoshlar ishlari agentligi hamda O‘zbekiston shaxmat federatsiyasi hamkorligida, “O‘zbekgidroenergo” AJ tashabbusi bilan vazirlik, idora, tashkilot va xo‘jalik birlashmalarining yosh xodimlari o‘rtasida “Chess Board Open Championship of “Uzbekhydroenergo” JSC” ochiq chempionati o‘tkaziladi. Ishtirokchilar uchun 300 mln so‘mlik umumiy sovrin jamg‘armasi ham belgilangan. Chempionatning yakuniy bosqichi esa 22-avgust kuni Yoshlar ijod saroyida FIDE qoidalari asosida o‘tkaziladi. Barcha ishtirokchilarga omad, munosib raqobat va yorqin g‘alabalar tilaymiz! 🕊Telegram 📱Instagram 🔹 Facebook 🌍Veb sayt

⚡️“Asian Junior Chess Championship 2026”: O‘zbekiston sharafini 5 nafar shaxmatchi himoya qiladi Shu yilning,16–26-avgust kunlari Hindistonning Mumbay shahrida 20 yoshgacha bo‘lgan yoshlar o‘rtasida “Asian Junior Chess Championship 2026” Osiyo chempionati bo‘lib o‘tadi. Musobaqada Osiyoning 10 ta mamlakatidan 158 nafar shaxmatchi, jumladan, O‘zbekistondan 5 nafar sportchi ishtirok etadi.

O‘zbekiston terma jamoasi tarkibi: 1. Javohir Bozorov — FIDE sport ustasi, reytingi 2236; 2. Ibrohim Jumanazarov — FIDE sport ustasi, reytingi 2102; 3. Sarvinoz Begmuratova — Ayollar FIDE sport ustasi, reytingi 2067; 4. Nurmuhammad Nematillaxonov — FIDE sport ustaligiga nomzod, reytingi 2020; 5. Liliya Belaya — reytingi 1835.

Musobaqa yakunlariga ko‘ra, g‘oliblar FIDE tomonidan qizlar o‘rtasida Ayollar xalqaro grossmeysteri, o‘g‘il bolalar o‘rtasida esa xalqaro grossmeyster unvoni uchun norma olish imkoniyatiga ega bo‘ladi. Kumush va bronza medal sohiblari esa xalqaro sport ustasi hamda FIDE sport ustasi unvonlari uchun normativlarga ega bo‘ladilar.

O‘zbekistonlik shaxmatchilarimizga “Asian Junior Chess Championship 2026” musobaqasida muvaffaqiyat tilaymiz! 🕊Telegram 📱Instagram 🔹 Facebook 🌍Veb sayt