Voice Of Mandalay(Vomdy)

❗MDY❗ မနက်ခင်းပိုင်းအစစ်အဆေးသတင်းများ -55/သိပ်ပ္ပံစစ်ဆေးနေ(9:10Am) -35လမ်း ၈၀လမ်းထောင့်စစ်ဆေးနေ(9:38Am) -34လမ်း၈၁ထောင့်စစ်ဆေးနေ (9:43Am) #Vomdy May29

မိတ်ဖက်ပြဿနာ နွေဦး တွေဟာ  ဆန္ဒပြချိန် တုန်းက ညီညွတ်ခဲ့ သလောက် တော်လှန်ကာလ  နှစ်ချီကြာလာချိန်မှာ အချင်းချင်း ပြဿနာတွေကြားမှာ မွန်းကြပ်နေကြတယ်။ တော်လှန်ရေးလုပ်ရင်း တော်လှန်ရေးမိတ်ဆွေ တွေ တိုးပွားလာကြတာ လည်း ရှိတယ်။ဒါပေမယ့်  တော်လှန်ရေးလုပ်ရင်း တော်လှန်သူချင်း အမုန်းပွားရတာ၊ အဆင်မပြေတာ၊ အာဃာတ ထားမိတာ၊သူပညာပြလို့ ကိုယ်ခံရတာ ကိုယ်ပညာပေးလို့သူခံသွားတာ၊ အလှည့်ကျရင် တွယ်ဖို့ (စကားနဲ့ဖြစ်ဖြစ်ပေါ့ )စကားလုံးတွေ မွေးထားမိတာ၊အဆင်မပြေဖူးတဲ့ လူရဲ့ တပည့်တွေမှို့ အဖွဲ့ကမှို့ လိုတာထက်ပို အပြစ်မြင်နေတာ၊ ဘယ်တုန်းက ဘာအမှားလုပ်ဖူးသူမှို့ ကြည့်မရတာ စသည် စသည် များစွာသော တော်လှန်ရေးက ထဲ က ဘေးထွက်ရောဂါဗေဒ ခံစားရသူ တွေ များလာတယ်။ ဆန္ဒပြအပြီး လက်နက်ကိုင် လမ်းစဥ် အစ ပိုင်းလေး မှာ ရှိခဲ့ဖူးတဲ့ စိတ်ခံစား ချက် နဲ့ ခံယူချက် တချို့ကို မေ့သွားကြတယ်။ PDF ဆိုတာ နဲ့ ချစ်ပြီးသား ခင်ပြီးသား လေးစားပြီးသား ဆိုတဲ့ ခံယူချက်တွေ အခု မရှိကြတော့ဘူး။လူရွေးပြီး ခင် ကုန်တယ်။ လူရွေးပြီး ချစ်လာကြတယ်။ လူရွေးပြီး လေးစား မိကြတယ်။ အားလုံးက ဘဝတွေ အသက်တွေ စွန့်လွှတ်ထား သူတွေ ပါလား ဆိုတာ တွေးမိဖို့ မေ့နေကြတယ်။ပါဝင် လာခဲ့တာကို ကျေးဇူးတင်ပေးဖို့ မေ့လာတယ်။ အပြန်အလှန် လေးစားမှု့ပေးတဲ့ ယဥ်ကျေးမှု့ တည်ဆောက်ကြဖို့ မေ့နေကြတယ်။တော်လှန်ရေးလုပ်ရင်း နိုင်ငံရေးဝမ်းစာ မပြည့်ဝ မှု့တွေ ၊ လူမှု့ဆက်ဆံရေး အားနည်းချက်တွေ၊ ပင်ကိုဗီဇ  မတူညီတာတွေ ကြောင့် မှားကောင်း မှား ကြတာတွေ ရှိခဲ့မယ်။ သို့သော် သူတို့ တတွေဟာ တော်လှန်ရေးသမားပါပဲ။တွေ့ရင် သတ်ပစ်ခံရ လောက်အောငိ စစ်အုပ်စုရဲ့  မုန်းတီးခံရသူချင်း အတူတူပါပဲ။ တော်လှန်ရေးသမား စစ် စစ် ကြီးတွေပါပဲ။ လူ့ စွမ်းအား အရ  လုပ်ပေးနိုင်စွမ်း အနည်းအများရှိချင် ရှိကြမယ်။ ဒါပေမယ့် လူတိုင်းက ဖြစ်နိုင်ရင် အခုချက်ခြင်း မင်းအောင်လှိုင် အိမ်တံခါးကို ရိုက်ချိုးပြီး ဝင် သတ်ချင် ကြသူတွေ ပါပဲ။ တစ်ယောက်ထဲ စွမ်းပကား နဲ့ တော်လှန်ရေးကြီး ချက်ခြင်းအောင်မြင်သွားအောင် လုပ် ပေးချင်ကြသူတွေပါပဲ။ သူတို့ မှားခဲ့တာ ရှိချင် ရှိမယ်။အားနည်းတာ ရှိချင်ရှိမယ်။ မပါဝင်ခဲ့ သူတွေ နဲ့ နှိုင်းယှဥ်လိုက်ရင် လေးစားစရာ အလွန်ကောင်းသူ တွေ ပါပဲ။ တော်လှန်ရေးကာလ ပင်ပန်းဆင်းရဲမှု့တွေ၊ အဆင်မပြေမှု့တွေ၊ မိသားစုနဲ့ဝေးပြီး စစ်သားဆိုတဲ့ သားရဲ စိတ်တွေ သွင်းယူခဲ့ရတော့ မေတ္တာဓာတ်တွေ ခန်းလာတာတွေ၊ ရင်နဲ့မမျှတဲ့ သောကပရိဒေဝတွေ၊ဒုက္ခဒေါမနဿတွေ ရဲ့ သက်ရောက်မှု့ကြောင့် ဆက်ဆံရေး မပြေလည်လာကြတာတွေ၊ မကြည်လင်မှု့တွေမကျေနပ်မှု့တွေ၊ ကသိကအောက်ဖြစ်မှု့တွေ၊အထအန ကောက်လွဲမှု့တွေ ၊ ကဂျီကဂျောင်ကျမှု့တွေ၊ ပြစ်တင် မှု့တွေ၊ အားမလိုအားမရတွေ စတဲ့ အရာတွေဟာ သုံးနှစ်ကာလ အတွင်း  ဖိအားပေါင်းများစွာကြောင့် ကြီးထွားပြီးရင်း ကြီးထွားလာ တယ်။ အချင်းချင်း နားလည်ပေးဖို့ မေ့နေကြတယ်။ ဖေးမ ပေးဖို့ မေ့နေကြတယ်။ ပေတံတွေနဲ့ တိုင်း ဖို့တော့ မမေ့ကြပြန်။ အသေးအမွှား  ကို စွဲ လောင် တဲ့ မီးပဲ တစ်ခဏ နဲ့ ငြိမ်းသွားသင့်တာပါ။ခုတော့  အမှိုက်ကစ ပြဿာဒ်  တက်လောင် တာတွေ ဖြစ်ကုန်တယ်။ အုပ်စုတွေ ပိုဖွဲ့ကုန်တယ်။ အမုန်းတွေပိုကြီးလာတယ်။ရန်သူ စကစ ကို မုန်းတဲ့ အကြောင်းတွေးတာက တစ်ရက်မှာ မိနစ်ပိုင်း မိတ်ဖက်အာဃာတ အမုန်းစိတ်နဲ့ နေတာက နာရီ ပိုင်း ဖြစ်လာတယ်။ မိတ်ဖက်ပြဿနာဟာ မဖြေရှင်းနိုင်ရင် ဘုံရည်မှန်းချက် ကို ထိခိုက်စေပါတယ်။ ဘုံ လုပ်ငန်း တာဝန်တွေကို ထိခိုက်စေပါတယ်။ ဘုံ လုပ်ငန်းစဥ်က တော်လှန်ရေးပါ။ တော်လှန်ရေးကို မရည်ရွယ်ပဲ ထိခိုက်မိ နေတာ သတိမထား မိကြ။ တော်လှန်ရေးကို ထိခိုက်စေသူ ဆိုတာ တော်လှန်ရေးသစ္စာ ပျက်ယွင်း သူ ပဲ ဖြစ်တယ်။ ဒီလို မိတ်ဖက် ပြဿနာကို ဖြေရှင်းခဲ့ကြတဲ့ သမိုင်း အဖြစ်အပျက် တစ်ခု ရှိခဲ့ဖူးတယ်။ တချိန်က နိုင်ငံရေး အကျဥ်းသား များ ကြား မှာ  မိတ်ဖက်ပြဿနာတွေ ကြီးထွားလာ ခိုက် ဦးဝင်းတင် တို့ ဖြေရှင်းခဲ့ကြတဲ့ မိတ်ဖက်ပြဿနာ ဖြေရှင်းရေးနည်းကောင်း ကို ကြုံလို့ ပြောပြအုံးမယ်ဗျာ။ ၁၉၉၁ ခုနှစ် ဥိးဝင်းတင်အပါ အဝင် ဒီချုပ်(nld) လူငယ်တွေ ဖြစ်တဲ့ မျိုးသိန်း၊ဝင်းလှိုင်၊ရန်အောင်၊မိုးဇော်ဦး၊ကိုကိုကြီး တို့နဲ့ အတူ မင်းသားကြီးအောင်လွင်၊ ရှေ့နေ ဦးထွန်းတင် ဦးတင်ထွတ်၊ စာရေးဆရာ မင်းသိင်္ခ တို့ ဦးအေးချမ်းတို့ ဗိသုကာ ဦးကျော်မင်း ကိုဝံသတို့ ဦးရဲထွန်းတို့ စံဇာနည်ဘို တို့ဘိုးတော်ခင်ဝင်း တို့တတွေက ထောင်ထဲမှာ အတူ ရှိခဲ့ကြချိန်။ ၁၉၉၂ ခုနှစ် နဝတဥက္ကဋ္ဌ ဗိုလ်ချုပ်မှူးကြီးစောမောင် ပြုတ်ကျပြီးမှ ဘိုဘိုဦး၊ညီနိုင်အောင်၊သက်မင်းအောင်၊ဌေးအောင်၊ဂျင်မီ၊ဘကြီးမြတ်ထွနိး၊ဒေါက်တာမြင့်နိုင်၊ဒေါက်တာဇော်မြင့်မောင်၊ကိုမင်းဇင်၊ဘမျိုးသိန်း၊ကိုစိုးမြင့်၊ကိုထွဋ်ခင်၊ကိုလှမင်း၊ ကို မျိုးမင်း စတဲ့လူသစ်တွေ ထောင်ထဲ ထပ်ရောက်လာကြတယ်။            ဆက်ရန်-             Htet Myanmar

ကျွန်တော်တို့ကိုသတင်းတွေပေးပို့ချင်ရင်👇👇 @VoiceOfMandalay @Voiceofmandalay115 @vomdy18 @koshinami @sky0299 တို့၏privateတွင် သတင်းများ ပေးပို့နိုင်ပါတယ်ရှင့်

❗MDY❗ နေ့လည်ပိုင်း အစစ်အဆေးသတင်းများ - ၇၈ တစ်ကြောလုံး ရှင်းနေ၊ ဖမ်းဖို့ပြင်နေ (၁၄:၃၅)

❗MDY❗ မနက်ပိုင်းအစစ်အဆေးသတင်း များ -62,139+140 ကြားစစ်ဆေးနေ(9:07Am) -31 84လမ်း ရခ နှင့်ခွေးဖြူပူပေါင်းစစ်ဆေးနေ(9:09Am) -မြစ်ငယ်-ထုံးဘို တိုးဂိတ် စစ်ဆေးနေ(9:14Am) #Vomdy May28

ငြိမ်းချမ်းပါစေမြန်မာပြေ(ပြည်) ဒိုင်ယာလော့ သမားတွေပေါ့ဗျာ.... စစ်ရဲ့ အနိဌာရုံ ကို လှစ်ဟ ခုတလော မြန်မာပြည်သူတွေ ကို ချစ်ကြတယ် ငြိမ်းချမ်းပါစေ မြန်မာပြည် တဲ့။ မတရားမှု့ ကို အုတ်မြစ်ချသူတွေက နောက်ထပ် အာဏာအထပ်တွေ ထပ်ထပ် မြှင့်ဖို့  တိုင်းပြည်ကို ပြာချနေလေရဲ့ ........ ဖိတဲ့တရားတွေ ရှိလို့ ကြွတဲ့ တရားတွေ ရှိလာတာ။ အနာဂါတ်တွေ မတရားသိမ်းခံရလို့ အညာသားတွေ ဓားကြိမ်း ကြိမ်း လာတာ။ ကြယ်ဖြူများရဲ့ အသက်တွေချခင်း တော်လှန်ခြင်းဟာ  ဒီထိ ခရီးတွင်ခဲ့ပြီ။ နုတ်၏ ဆောင် 'မ' ခြင်း ပါးလျား တိုးတိတ် ခပ်မဆိတ်  နဲ့ ဘယ်နိုင်ငံများ လက်၏ ဆောင်'မ' ခြင်း ပြုခဲ့လို့လဲ။ မတရားသောမင်းတွေ ဆက်လက်ရှင်ကျန်ဖို့ တရားသောစစ်တွေ ရပ်ကြတဲ့။ အဲ့ဒီတော့ ခများတို့က တရားရောလားဗျာ။ ဟောင်းမြည့်ရှည်ကြာ  အတွင်းစစ်မီး သံသရာ ကို တော့ ဒီတစ်ခါ အဆုံးသပ်ရမယ်။ ဒီတစ်ခါ  အမြစ်ဖြတ်ရမယ်။ သိမ်ရာကဖြတ်  ရောက်ရာကရပ်ပေးကြဖို့ စကား လာ မဟ နဲ့......။ တရား လာ မပြ နဲ့......။ ခများတို့ ပြန်ရှာပေးမလား။ ပြာပုံကြားကို ကျသွားတဲ့ ပရိဒေဝ တွေ...….... ခများ တို့ပြန်ခေါ်လာပေးမလား။ အနာဂါတ်တလူလူ နဲ့ ကြွေလွင့်သွားတဲ့ ဝိညာဥ်ဖြူဖြူလေးတွေ........ စက္ကူနဲ့ ချိုး တဲ့ ခများ တို့ ဂျိုးငှက် လုပ်ဇာတ်တွေက ရိုးလှပြီ။ ဖန်တရာတေနေတဲ့  ငြိမ်းချမ်းရေး စကားဝိုင်း ဆိုတာ ခရိုနီအသစ် အသစ်တွေ မွေးဖွားပေးတာကလွဲလို့ ဘာတွေများ ပြောင်းလဲနိုင်ခဲ့လို့လဲ။ ဘယ်စစ်ရာဇဝတ်သားကိုများ တရားစီရင် ဖူးလို့လဲ။ ဒီစစ်တပ် ရှိနေသမျှ လုံခြုံရေးအရ  ခဏ လိုက်သွားရလိမ့်မယ်။ လုံခြုံရေးအရ  ငြိမ်ဝပ်ပိပြား ကြရမယ်။ လုံခြုံရေးအရ ...... လုံခြုံရေးအရ..... လုံခြုံရေးအရ..... ဖြစ်ခဲ့ဖူးတယ်။ ဖြစ်လာနိုင်တယ်။ ဖြစ်လာလိမ့်မယ်။ တံခါးတွေပိတ် စိုးရိမ်စိတ် ကို သတင်းမှာတွေ့ချင်တွေ့မယ် UN မှာ တွေ့ချင်တွေ့မယ် ဟိုနိုင်ငံ မှာတွေ့ချင် တွေမယ် ဒီနိုင်ငံမှာ တွေ့ချင် တွေ့မယ်။ ပြည်တွင်းရေးမှို့ စစ်တပ် ရက်စက်သမျှ အတိတ်က လိုသာ ခံရပြန်ရင် သူတို့တော်လို့ မဟုတ် ငါတို့ လျှော်လို့ သာ..... စေ့စပ်သူတွေ   တော်လို့မဟုတ် ဒီမို တွေ လျှော်လို့သာ.......                          Htet Myanmar(မတ္တရာ)

ကျွန်တော်တို့ကိုသတင်းတွေပေးပို့ချင်ရင်👇👇 @VoiceOfMandalay @Voiceofmandalay115 @vomdy18 @koshinami @aeiou096 @sky0299 တို့၏privateတွင် သတင်းများ ပေးပို့နိုင်ပါတယ်ရှင့်

❗MDY❗ ယ​နေ့နေ့လည်၁နာရီအချိန်တွင်မဟာအောင်မြေမြို့နယ် ကျောက်ဝိုင်းအတွင်းရှိဆိုင်ခန်းများကို၁၅ရက်အတွင်းဖျက်သိမ်းရန် စခများနှင့်ရခများပူပေါင်းကာကျူးကျော်ဟုဆိုကာ နို့တစ်စာများဖြင့်ခြိမ်းခြောက်ပေးသွားကြောင်းသတင်းရရှိပါသည်။ #Vomdy

❗Madayar❗ -တောင်အင်းရွာဘကကျောင်းအတွင်းတပ်စွဲထားသောစခများမှလက်နတ်ကြီးအားရွှေပြည်ရွာအနောက်ထိပ်ဘကကျောင်းသရက်ခြံအတွင်းပြောင်ရွှေ့တက်ဆင်ထားကြောင်းသတင်းရရှိပါသည်။(6:52PM) #Vomdy May27

❗Mdy❗ ညနေခင်းအစစ်ဆေးသတင်းများ -60-105×106တွင်လာသမျှကားတွေရှာဖွေနေကြောင်းသတင်းရရှိပါသည်။(3:04PM) #Vomdy May27