Voice Of Mandalay(Vomdy)

ပြင်ဖို့ ဆွေးနွေးကြတော့  ဦးကျော်ငြိမ်းနဲ့ တောင်ကြီးဦးထွန်းမြင့် တို့ အနည်းငယ် စကား များကြ ပါတယ်။ ဗဟိုအစိုးရရဲ့ လုပ်ပိုင်ခွင့် အာဏာတွေကို ရှော့ချ ပြီး ပြည်နယ်အစိုးရရဲ့ လုပ်ပိုင်ခွင့် အာဏာများ ကို တိုးယူတဲ့ ကိစ္စ ပါ။ နိုင်ငံရေးစကား လုံး တွေနဲ့ ဆိုရင် power sharing ပေါ့ဗျာ။ ဦးကျော်ငြိမ်းက  ဟ! အဲ့ဒါဆို ဗဟိုအစိုးရက မင်းတို့ကို ထမ်းထားရသလို ဖြစ်နေမှာပေါ့ " လို့ပြောပါသတဲ့။ ဦးထွန်းမြင့်ကလည်း မထမ်းချင်ရင် ခွဲ ထွက်ကြ ရုံရှိတာပေါ့ " လို့ ပြောပါသတဲ့။ နိုင်ငံရေး ဆိုတာ ဒီလိုပါပဲ ပွင့်ပွင့်လင်းလင်း ငြင်းခုန်ရင်း ရင်ဖွင့်ဆွေးနွေးကာ အဖြေရှာကြရတဲ့ အရေးပါ။ နိုင်ငံရေးဆိုတာ သွေးမထွက်တဲ့ စစ်ပွဲဖြစ်ပြီး စစ်ပွဲဆိုတာ သွေးထွက်တဲ့ နိုင်ငံရေးပါ။ ဒါကို နားမလည်တာလား နားလည်ပါရဲ့နဲ့ သက်သက်မဲ့ အာဏာရူး သလား တော့ မသိ။ ဒီလို အဆင်မပြေမှု့တွေထဲက ခွဲ ထွက် စကား သံတွေ ကြောင့်  ဗိုလ်ချုပ်မှူးကြီးနေဝင်းက ဒီနိုင်ငံရေးသမားတွေ လုပ်ပုံနဲ့  ပြည်ထောင်စုကြီးပြိုကွဲ မှာ စိုးရိမ်ပါတယ် ဆိုတဲ့ အကြောင်းပြချက်နဲ့ အာဏာ သိမ်း လိုက်ပါတယ်။ ဒီတော့လည်း နိုင်ငံရေးယဥ်ကျေးမှု့ဟာ မြန်မာပြည်မှာ အဆုံးသပ် သွားပြီး သေနတ်သံတွေ ညံလာပါတော့တယ်။ တောင်တန်းရော မြေပြန့်ဗမာတွေရော စစ်တပ်ကျွန်တွေ ဖြစ်ကုန်ပါတော့တယ်။ ၁၉၆၂ ခုနှစ်အာဏာသိမ်းခြင်းဟာ ပြည်တွင်းစစ်မီးရဲ့  အဓိက အကြောင်းအရင်းလို့ သာ ဆိုချင်ပါတယ်။ နေဝင်းနဲ့ အပေါင်းအပါ တွေဟာ ဘီလျှံနာတွေ ဖြစ်ကုန်တယ်။ ဒီလိုပါပဲ ၈၈ လူထု တိုက်ပွဲကြောင့် တစ်ပါတီအာဏာရှင်စနစ် ပြုတ်ကျ သွားပေမယ့် အာဏာရှင် စစ်ခေါင်းဆောင် သန်းရွှေ တက်လာပြန်ပါတယ်။ သန်းရွှေနဲ့ အပေါင်းအပါတွေဟာ ဘီလျှံနာတွေ ဖြစ်သွားကြပြန်ပါတယ်။ စစ်ခေါင်းဆောင်ဘီလျံနာတွေ မှိုလို ပေါက်လာသလို လက်နက်ကိုင်တိုင်းရင်းသား EAos တွေကလည်း မှိုလို ပေါက်လာပါတယ်။ နှစ်ပေါင်းခုနှစ်ဆယ်အထိ ပြည်တွင်းစစ်ပွဲ လိဂ် မှာ အသင်းတွေ ပိုများလာသလို  စစ်မီးတောက်ဟာလည်း ရှည်ကြာလာခဲ့ရပါတော့တယ်။ ၂၁ အာဏာသိမ်းမှု့ ကြောင့် ပြည်တွင်းစစ်မီးဟာ အမြင့်ဆုံးမှတ်နဲ့ တောက်လောင် ခဲ့တာ မှန်ပါတယ်။ ဒါပေမယ့်မင်းအောင်လှိုင် အာဏာမသိမ်း သော်လည်း ပြည်တွင်း စစ်မီးက ရှိမြဲ ရှိနေမှာပါ။ ပြီး---- Htet Myanmar (မတ္တရာ)

နှစ်ခုနှစ်ဆယ်ပြည်တွင်းစစ်မီးရဲ့ အကြောင်းတရားများကို ရှာဖွေခြင်း (၅) KIA စတင်တည်ထောင်သူ ညီအစ်ကို (၃)ဦး အနက် ဇော်ဒန်းက ၁၉၇၄ ခုနှစ် KIA နဲ့ ဗကပ နယ်မြေလု စစ်ပွဲမှာ ကျဆုံးသွားပါတယ်။ ဇော်ဆိုင်းနဲ့ဇော်တူး ကတော့၁၉၇၅  ထိုင်းနယ်စပ် ကချင်ဆက်သွယ်ရေးစခန်းမှာလုပ်ကြံ ခံရပါတယ်။ ထိုအချိန်က KIA ရဲ့ လမ်းစဥ်ဟာ အပိတ် လမ်းစဥ်ပါ။ ဗကပ  နဲ့ လည်း နယ်မြေလု သလို ကွန်မြူနစ် တွေနဲ့ လက်တွဲဖို့ ကလည်းလုံးဝ မဖြစ်နိုင်။ ပြည်ထောင်စုမှ ခွဲထွက်ရေး ပေါ်လစီကစွန့်စားလွန်းရာကျပါတယ်။ ဒါကြောင့် ပြုပြင်ပြောင်းလဲ လိုတဲ့ KIA ဗိုလ်ကလေးတစ်ယောက် က လုပ်ကြံ သတ်ဖြတ်လိုက်ခြင်းဖြစ်ပါတယ်။ လုပ်ကြံသတ်ဖြတ်သူ ဗိုလ်ကလေးဟာ KIA လမ်းစဥ်သစ် အတွက် စတေးလိုက်ရတယ် ဆိုရပါမယ်။ ကွပ်မျက်ခံရပါတယ်။ ၁၉၆၈ ကနေစတဲ့  KIA နဲ့ ဗကပ စစ်ပွဲဟာ (၈) နှစ်အကြာ ၁၉၇၆ ခုနှစ်မှာ ပူးပေါင်းပြီး အာဏာရှင်အစိုးရကို တိုက်ဖို့ သဘောတူစာချုပ် ချုပ်နိုင်ခဲ့ပါတော့တယ်။ ၁၉၈၀ ခုနှစ်မှာ ဘရန်ဆိုင်းက ခွဲထွက်ရေးလမ်းစဥ်မှ ပြည်ထောင်စုအတွင်းမှာပဲ ကိုယ်ပိုင်အုပ်ချုပ်ခွင့် ရရေး အတွေးအခေါ်သစ်ကို KIA မှာ သန္ဓေတည်ပေးခဲ့ပါတော့တယ်။ အချိန်ကား နှောင်းသွားပါပြီ။ သူတို့ လက်နက်စကိုင်တဲ့ ၁၉၆၁ ခုနှစ်မှာ အောင်မြင်နိုင်မယ့် အခြေအနေ ရှိသော်လည်း ၁၉၆၂ ခုနှစ်မှာ နေဝင်းက အာဏာသိမ်းလိုက်ပါပြီ။ ပါလီမန်ဒီမိုကရေစီခေတ်မှာ ဆိုရင်တော့ KIA ရဲ့ အတွေးအခေါ်သစ်ဟာ အလုပ်ဖြစ်နိုင်ပါတယ်။ သူတို့ ပြောင်းလဲ တဲ့ ၁၉၈၀ ခုနှစ်မှာ မဆလ တစ်ပါတီအာဏာရှင်စနစ် ကြီးမှာ နေဝင်းနဲ့ စစ်တပ် အသိုင်းအဝိုင်းဟာ ဘုန်းမီးနေလ တောက်ပ နေခဲ့ပါပြီ။ ဆိုရှယ်လစ်လမ်းစဥ်လို့ ဆိတ်ခေါင်းချိတ်ထားပေမယ့် အတွင်းမှာကား အာဏာရှင်ခွေးခေါင်း နဲ့ ဖြစ်နေခဲ့ပါပြီ။ ဗကပ ပြိုကွဲခြင်း နေရူး နဲ့ ဗြိတိန်ရဲ့ ကောင်းမှု့ကြောင့် ဗမာ့တပ်မတော်ဟာ စစ်ရေးမှာ အသာရလာခဲ့တယ်။ ဗိုလ်နေဝင်း ရဲ့ တပ်မှူး မြတ်ထန် က "ဗိုလ်ချုပ် တင့်ကားသာဝယ်ပေးပါ ဒီသူပုန်တွေ အကုန်ကုန်အောင်တိုက်ပေးမယ်" ကုန် မသွားပေမယ့် စစ်လက်နက် နဲ့ ဘက်ဂျက်ခိုင်မာတဲ့ ဗမာ့တပ်မတော်ဟာ ဗကပ ကို တရုတ်ပြည်ထဲ အထိ ရောက်သွားအောင် မောင်းထုတ် နိုင်ခဲ့ပါတယ်။ ဗကပ ထဲမှ ဝ လူမျိုးတွေ ၁၉၈၉ ခုနှစ်မှာအာဏာပြန်သိမ်းခြင်း ကြောင့်  ဗကပ ပြိုကွဲ သွားရပါတယ်။ ထိုအချိန်က ဗကပ ဟာ ဝ နယ်မြေများနဲ့ လက်ရှိကိုးကန့်နယ်မြေများ ကို ရယူထား နိုင်ပါသေးတယ်။ဗမာ့စစ်တပ်ဟာ ထိုအချိန်က တစ်ကယ်လည်း တိုက်ရည် ခိုက်ရည် ကောင်းခဲ့ပါတယ်။ မြန်မာ့အရေးအထူးကျွမ်းကျင်သူ ဘာတေးလင့်တနာ ရေးတဲ့ ထိုအချိန်ကမြန်မာ့စစ်တပ် အကြောင်း အတိအကျ  ပြန်ရေးပြပါ့မယ်။ "အစိုးရစစ်တပ်၏ နယ်ခြားဒေသမှာ အရပ်သားများ အပေါ် ရက်စက်ကြမ်းကြုတ်စွာ ပြုမူကျင့်ကြံသည့် ပေါ်လစီသည် စစ်ရေးအရ သော်လည်းကောင်း၊ နိုင်ငံရေးအရ သော်လည်းကောင်း ဘေးထွက် ဆိုကြိုးများစေပါတယ်။သို့သော သတ္တိဗျတ္တိနှင့် သက်လုံကောင်းသလို အတွေ့အကြုံဝ၍ တိုက်ရည် ခိုက်ရည် ထက်မြတ်သည့် အရှေ့တောင်အာရှမှ တစ်ခုတည်းသော စစ်တပ် လည်းဖြစ်ပါတယ်" တိုက်ရည်ခိုက်ရည် ကောင်းရုံမက  တောင်တန်းဒေသ တိုင်းရင်းသား များ အပေါ် လူမဆန်သည့် လုပ်ရက်တွေ ရက်စက်မှု့တွေကြောင့် တောင်တန်းမြေပြန့်လူမျိုးရေး အမုန်းတရား ကို နှစ်ရှည် မွေးယူ ခဲ့ပါသေးတယ်။ ထိုအမုန်းတရား တွေကလည်း ပြည်တွင်းစစ်မီးရဲ့ အကြောင်းအရင်းပါပဲ။ ရှမ်း SSA----++ ၁၉၅၈ ခုနှစ် မှာ ရှမ်းတွေက ပြည်တွင်းစစ်ထဲကို ဝင်လာပါတော့တယ်။ ရှမ်းတွေ လက်နက်ကိုင်ရခြင်း အကြောင်းရင်းကာ ၁၉၄၇ ခုနှစ်အခြေခံဥပဒေ ရဲ့ မမျှတ မှု့တွေကြောင့် အဓိကပါ။ အာဏာခွဲဝေမှု့ အပိုင်းမှာ  ရှမ်းတစ်ကျပ် ကချင်တစ်ကျပ် ကရင်တစ်ကျပ် ချင်းတစ်ကျပ် ရပေမယ့် ဗမာကတော့ မန္တလေးတိုင်းတစ်ကျပ် ရန်ကုန်တိုင်းတစ်ကျပ် စသဖြင့် ခုနှစ်ကျပ် ရနေတဲ့ အတွက် မကျေနပ်ခြင်းက စတင်ပါတယ်။ တက်သုတ်ရိုက်ခဲ့ရတဲ့ ၄၇ အခြေခံဥပဒေရဲ့ အားနည်းချက်များ ပေါ့ဗျာ။ တကယ်တော့ မကျေနပ်တဲ့ တခြားအကြောင်းတွေလည်းရှိပါသေးတယ်။ ဂျပန်စစ်ရှုံးလို့ စစ်လျော်ကြေးပေးသမျှ တိုင်းရင်းသားတွေထံ မရောက် ခဲ့ဘူးလို့ ပြောဆို စွပ်စွဲကြပါတယ်။ ဒါကြောင့် ဗမာတိုင်းခုနှစ်တိုင်းကို ဗမာပြည်နယ်တစ်ခု အဖြစ်သတ်မှတ် ဖို့ အဓိက ဖိအားပေး တဲ့အနေနဲ့ ရှမ်းတွေ လက်နက်ကိုင်ခြင်း ဖြစ်ပါတယ်။ SSA ဟာ ခေါင်းဆောင်တွေ ၊ပေါ်လစီတွေ ဘယ်လိုပင် ပြောင်းပြောင်း ယနေ့ နွေဦး စတင်ချိန် အထိ ရှစ်ပြည်နယ်မူ ကို ဆုတ်ကိုင်ထားဆဲပါ။ ကျနော် ရှမ်းမြောက် ရောက်စ လက်ကမ်းစာစောင် တွေ  တွေ့ဖူးတယ်။ TNLA.MNDAA.AA.SSPP စတဲ့ အဖွဲ့တွေရဲ့ စစ်ရေးရည်မှန်းချက်နဲ့ နိုင်ငံရေးရည်မှန်းချက် စစ်အင်အားနဲ့ လှုပ်ရှားနယ်မြေတွေအကြောင်း လက်ကမ်းစာစောင် တွေ ဖက်ကြည့်ဖူးတယ်။ ရှမ်းတွေက ၂၀၂၂ ခုနှစ်အထိ ရှစ်ပြည်နယ်မူ လက်ကိုင်ထား ဆဲ ဖြစ်တာကို တွေ့ရပါတယ်။ ထားတော့.... ရှမ်းတွေ ပုန်ကန် ကြတော့ ဝန်ကြီးချုပ် ဦးနုက အဲ့လိုတော့ မလုပ်ကြပါနဲ့ ၄၇ ခြေဥ ကို တောင်တန်းဒေသ တွေ မကြိုက်ရင် ပြင်ပါ အခြေခံဥပဒေက ခဏ ခဏ ပြင်လို့ ကောင်းတဲ့အရာ မဟုတ်တဲ့ အတွက် တစ်ခါထဲ နဲ့ ပြင်ချင်တာတွေ အကုန် ပါအောင် ပြင်ကြပါ လို့ ပြောပါတယ်။

❗မတ္တရာ❗ မတ္တရာဘက်မှ မြေညရ်သို့လာသော ကားများ ပတ်လည်အင်း ကျော်သွားကြောဂ်းသတင်းရရှိပါ တယ်။ vomdy5 june19

❗မတ္တရာ❗ ဘိုကုန်းအနောက်ဘက် ရူခင်း သာနားမှာ စကစ ၆ ဘီးကား ၄ စီး ၁၂ ဘီးကား ၁ စီး မိုးကာ များအုပ်ထားပြီးအိမ်စီးကားသေး ၁ စီး စုစုပေါင်း ၆ စီးရပ်ထား ပါတယ် ကားပျက်နေတယ်လို့ သတင်းပေးပို့ထားပါတယ်ရှင့်။ vomdy5 june19

❗Mdy❗ -17×16လမ်းကြားပင်လယ်တိုက်ဘုန်ကြီးကျောင်းနှစ်ကျောင်းကြားကလမ်းသွယ်တွင်မိဘပြည်သူများအနေဖြင့်ညအချိန်မတော်သွားလာခြင်းကိုရှောင်းရှားကြပါရန်မေတ္ထာရပ်ခံအပ်ပါသည်။ -14လမ်းချစ်သူလမ်းကြားကိုလည်းညအချိန်တွင်ဖြတ်သန်းသွားလာခြင်းကိုဂရုပြုစေလိုပါသည်။ အမှတ်၄ကသူတောင်းစားတွေနှင့်လုယက်တို့ပူးပေါင်းလုယက်စားသောက်နေသောကြောင့်မိဘပြည်သူများသတိဖြင့်သွားလာလှူပ်ရှားကြပါရန်မေတ္ထာရပ်ခံအက်ပါသည်။(7:59pm) #Vomdy Jun19

❗Mdy❗ ညနေခင်းအစစ်ဆေးသတင်းများ -110×59A|60တွင်ဖမ်းစီးစစ်ဆေးနေကြောင်း(5:30pm) #Vomdy Jun19

မျက်ရည်စို့စို့ အလွမ်းတွေပို့ လို့ ငါတို့ တပြည်လုံး ဒီနေ့ ဆုတောင်းကြတာက အမေ ကျမ္မာပါစေ...... ပန်းတွေက  ခြောက်သွားနိုင်ပေမယ့် အလွမ်းတွေက ပျောက်မသွားနိုင်ဘူးအမေ။ အချုပ်အနှောင်ကင်း၍ ဥသျှောင်Queen အဖြစ် ပြန်လာခဲ့စေကြောင်း ဆုမွန်တောင်းရင်း...... Happy birthday ပါအမေ။ အမေ ကျမ္မာပါစေ.....

❗Mdy❗ နေ့လည်ခင်းအစစ်ဆေးသတင်းများ - 64 40x41 ကြား 63×65 ကြားဖမ်းနေပါတယ် ကားဆိုင်ကယ်အကုန်ဖမ်း ကြားလမ်းတွေမှာလည်းကင်းပုန်းရှိ (13:14) #Vomdy Jun19

❗အမရပူရမြို့❗ ရှမကလေးကျွန်းထိပ်denkoဆီဆိုင်နားတွင်ဖမ်းစီးစစ်ဆေးကြမ်းနေကြောင်းသတင်းရရှိပါသည်။(12:55Pm) #Vomdy Jun19

💞gunကိုင်ပီးပန်းကြောက်တဲ့စစ်တပ်ကStandard armတဲ့😂😂😂