Mereja መረጃ

አርበኛ ዘመነ ካሴ : ከኢትዮጵያ ሕዝባዊ ኃይሎች ትብብር ለሕልውና

ፋኖ በደራ ወረዳ ሁለት ከተሞችን ተቆጣጠረ! በደራ ወረዳ ተሰማርቶ የነበረው የአገዛዙ ኃይል ላይ አፄ ዘርያዕቆብ 1ኛ ኮር በፈቃዱ በላይ ክ/ጦር ባደረሰበት የማያቋርጥ ጥቃትና በሕዝቡ ተቃውሞ ምክንያት የቱቲ እና የሠረርኩላ ከተሞችን ትናንት መስከረም 10/2019 ዓ.ም  ፋኖ መቆጣጠር መቻሉን የኮሩ ሕዝብ ግንኙነት ክፍል አስታወቀ ። የአካባቢው ሕዝብ በአገዛዙ ሥርዓት ይፈጸምበት የነበረውን ግፍ፣ የንብረት ዘረፋና ኢኮኖሚያዊ ውድመት በመቃወም ላለፉት ጊዜያት በጽናት ሲታገል ቆይቷል። ይህንኑ የሕዝብ ብስጭትና ቁጣ መነሻ በማድረግ፣ በሸዋ ጠቅላይ ግዛት አሳምነው (5ኛ) ዕዝ አፄ ዘርያዕቆብ 1ኛ ኮር ሥር የሚገኘው በፈቃዱ በላይ ክፍለ ጦር ተደጋጋሚ ውጊያና ከአካባቢው ህዝብ ጋር የተቀናጀ ስልታዊ ጥቃት በመፈፀም አገዛዙን አስገድዶ ከሁለት ከተሞች አስወጥቷል። የክ/ጦሩ አባላት ከተሞቹ ባሉበት ቀጠና ያካሄዱት ተከታታይና ረፍት የነሳ ወታደራዊ ኦፕሬሽን፣ በማድረግ የአገዛዙ ኃይል አካባቢውን ለቆ እንዲወጣ ዋነኛ ምክንያት መሆኑ ተጠቅሷል። የጀግኖቹን ክንድና የሕዝቡን የብሶት ጫና መቋቋም ያቃተው የአገዛዙ ሠራዊት፡ ከመዋጋት ይልቅ ንብረት ዘርፎና የንጹሐንን ደም አፍስሶ መፈርጠጥ አማራጭ አድርጎ መጠቀሙ ተመላክቷል። በዚህ የተቀናጀ ስልታዊ እንቅስቃሴ፤ ሁለቱ ከተሞች ያለ መስዋዕትነት በወገን ክፍለ ጦር ሙሉ ቁጥጥር ሥር መዋላቸው ሲረጋገጥ፣ የቱቲ እና የሠረርኩላ ነዋሪዎች፥ ጨቋኙን አገዛዝ ለማስወገድ ያሳዩት ከፍተኛ ትብብርና ጽንዓት ለሌሎች አካባቢዎች አብነት የሚሆን መሆኑንም አመላክቷል። በአሁኑ ወቅት የፋኖ ሰራዊት አባላት ከተሞቹን ለተጨማሪ ውድመትና ዘረፋ እንዳይጋለጡ በማድረግና ያለስጋት ህዝቡ እንዲቀሳቀስና የአካባቢያቸውን ሰላምና ጸጥታ የማረጋጋት ሥራ በሙሉ ኃላፊነት እያከናወኑ እደሚገኙ አሳውቋል። ምንጭ፦በአፋብን 5ኛ አሳምነው ዕዝ ሕዝብ ግንኙነት መምሪያ!

Statement issued by the Ethiopian Peoples' Forces Alliance for Survival (Alliance for Survival)

*ከኢትዮጵያ ሕዝባዊ ኃይሎች ትብብር ለሕልውና (ትብብር ለሕልውና) የተሰጠ መግለጫ*  ኢትዮጵያ በብልጽግና ግለሰባዊ አምባገነናዊ ዘረ-ፈጅ አገዛዝ እጅ ከወደቀችበት ጊዜ ጀምሮ ዋነኛ መገለጫዋ፡ ጦርነት፣ የዘር ፍጅትና እልቂት እንዲሁም ፍፁም ድህነት ሆነዋል። ሀገሪቱ ሕግና ሥርዓት የፈረሰባት፣ ሚሊየኖች የከፋ ድህነት ውስጥ የወደቁባትና የተፈናቀሉባት፣ ለዜጎቿ የሚሆን ተስፋ የጠፋባት፣ ልዩ ልዩ መንግሥታዊ ሀገር አጥፊ ጦርነቶች የሚታወጁባት፣ አምባገነናዊ አገዛዝ የተጫነባት እና እንደሀገር ከወደቀ ሀገረ-መንግስትነት አልፋ የመፍረስ አደጋ የተጋረጠባት እንዲሁም በቀጠናውና በዓለም አቀፍ ደረጃም በፖለቲካዊ፣ በኢኮኖሚዊ እና በዲፕሎማሲያዊ ጉዳዮች ወደጠርዝ የተገፋችና ተሰሚነቷን ያጣች ሀገር ሆናለች። አገዛዙ በተዛባ ትርክትና በፀረ-ሕዝብ መንግስታዊ መዋቅር ላይ የቆመ፣ ከምክንያትና ከእውነት፣ ከእኩልነትና ከሕዝቦች አሳታፊነት፣ ከፍትሕና ከነጻነት፣ ከሕዝብ ክብርና ከሀገር ሉዓላዊነት ጋር የተጣላ ሰላማዊና ገንቢ መንገዶችን የማይከተል ስለሆነ ሀገሪቱንና ሕዝቦቿን እየበላ ያለውን ጦርነት የመግታት፣ ዘላቂ ሰላም የማምጣት፣ የዜጎችን መብትና ነጻነት የማረጋገጥ፣ ሕግና ሥርዓትን የማስፈን፣ የሕዝቦችን መከራና ሰቆቃ እንዲሁም ድህነትንና ኋላቀርነትን የማስቆም ፍላጎትና አቅም የለውም። ይህ አምባገነናዊ ዘረ-ፈጅ አገዛዝ እኩይ ዓላማውን ለማሳካት ለውጭ ኃይላት ቅጥረኛ በመሆን የሕዝቦችን ጥቅም በመሸጥ ሀገሪቱን ተላላኪና ጥገኛ ሀገር አድርጓት ይገኛል።  በመሆኑም የኢትዮጵያ ሕዝቦች ሕልውና የሚገደን ሕዝባዊ ኃይሎች ይሄንን አገዛዝ በመገርሰስ የሁሉንም ብሔሮች፣ ብሔረሰቦችና ሕዝቦች ሕልውና የማስከበርና አዲስ ምዕራፍ የመክፈት ታሪካዊ ኃላፊነት ወድቆብናል። የሕዝባዊ ኃይሎች ታሪካዊ ተልዕኮና የመጀመሪያ ግብም የታወጀብንን የከፋ ጦርነት በጋራ በመከላከል፣ የሕዝቦቻችን ሕልውናና የሀገሪቱን ደኅንነት አደጋ ውስጥ የከተተውን የብልጽግና ግለሰባዊ አምባገነናዊ ሥርዓት በማስወገድ በሽግግር ቻርተር የሚመራ አካታች የሽግግር መንግሥት እንዲመሰረት በማድረግ የሁሉም ኢትዮጵያዊያንን ሰብአዊና ዲሞክራሲያዊ መብቶች ሳይሸራረፉ እንዲረጋገጡ የሚያስችል አዲስ የሽግግር ምዕራፍ እንዲከፈት ማድረግ ነው። ከአገዛዙ ውድቀት በኋላ የሚከፈተው የሽግግር ምዕራፍ ዋና ዓላማም፦ 1. የሕዝቦችን ሕልውናና የሀገርን ደኅንነት መታደግ፣ ሁሉንም ጦርነቶች ማስቆም፣ ሰብአዊና ዲሞክራሲያዊ መብቶች ማረጋገጥ፣ ሰላምና ፀጥታን ማስጠበቅ፣ ማሕበራዊና ኢኮኖሚያዊ ቀውስን ማረጋጋት፣ ከጎረቤት ሀገራት ጋር ያለውን ግንኙነት ማሻሻልና የሀገሪቱን ቀጠናዊና ዓለም አቀፋዊ ቁመና ማስተካከል፤ 2. ለሀገሪቱ ሰላምና ለሕዝቦች ቀጣይ ሕልውና ሲባል ሀቀኛ፣ ታማኝ፣ ሁሉንም ያካተተና ያሳተፈ ሕዝባዊና ሕገ መንግሥታዊ ውይይት (Constitutional Dialogue) በማድረግ ወሳኝ ሕዝባዊና ሀገራዊ ጥያቄዎችን በሕዝቦች ቀጥተኛ ተሳትፎ መመለስ ይሆናል። በመሆኑም የብልጽግናን ግለሰባዊ አምባገነናዊ ዘረ-ፈጅ አገዛዝን ለማስወገድ፣ የሕዝቦቻችንን ሕልውናና ደኅንነት ለማረጋገጥ፣ አካታች የሽግግር መንግሥት እንዲመሰረት ለማድረግ ሕዝባዊ ድርጅታዊ አቅሞቻችንን አስተባብረን አዲስ ዴሞክራሲያዊ የሽግግር ምዕራፍ ለመክፈት እና በመካከላችን ያሉ ልዩነቶችን በሕዝቦቻችን ነጻ ፍላጎት፣ በመርህና በሕጋዊ ሥርዓት ተመስርቶ በሰላማዊ መንገድ ለመፍታት በመስማማት ከታች ሥማችን የተዘረዘረው ሕዝባዊ ኃይሎች ማለትም፦  1. የአማራ ፋኖ ብሔራዊ ንቅናቄ (አፋብን)                 2. የኦሮሞ ነጻነት ሰራዊት (ኦነግ-ኦነሰ)                     3. ህዝባዊ ወያነ ሓርነት ትግራይ (ህወሓት) 4. የኦጋዴን ሕዝብ ነጻነት ግንባር (ኦብነግ)  5. የአፋር ብሔራዊ አንድነት አብዮታዊ ግንባር (ኡጉጉሞ)    6. የቤኒሻንጉል ሕዝቦች ነጻነት ንቅናቄ (ቤህነን)             7. የጉምዝ ሕዝቦች ዴሞክራሲያዊ ንቅናቄ (ጉህዴን) *የኢትዮጵያ ሕዝባዊ ኃይሎች ትብብር ለሕልውና* (በአጭሩ ሲጠቀስ፡ *ትብብር ለሕልውና* ) የተባለ የጋራ ትብብር መስርተናል።  ከብዙ ጥረትና ውጣ ውረድ በኋላ የኢትዮዽያ ሕዝብ በጉጉት ሲጠብቀው ለነበረው ለዚህ ታላቅና ወሳኝ ትብብር በመብቃታችን የተሰማን ደስታ ከፍተኛ መሆኑን እየገለጽን የሚከተሉትን ጥሪዎች በዚህ አጋጣሚ ለማስተላለፍ እንወዳለን። 1. *ለሁሉም ኢትዮጵያዊያን፣ ሲቪክ ማህበራትና የፖለቲካ ድርጅቶች፦* አገዛዙ የሁሉንም የኢትዮጵያ ሕዝቦች ሕልውና ለማጥፋት ቆርጦ የተነሳ ኃይል መሆኑን በመረዳት የትብብሩን ዓላማና የትግል መንገድ የምትቀበሉ ኢትዮጵያዊ ሕዝባዊ ኃይሎች፣ ሲቪክ ማህበራትና የፖለቲካ ድርጅቶች የሕልውና ትግላችን አጋር አካል እንድትሆኑ ጥሪያችንን በአክብሮት እናቀርባለን።   2. *ለአገዛዙ ታጣቂ ኃይሎችና አመራሮች፦* የምታገለግሉት አገዛዝ በኢትዮጵያ ሕዝቦች ላይ የሕልውና አደጋ የጋረጠ፣ ፀረ-ሕዝብ፣ ፀረ-ሰላም፣ ፀረ-ዴሞክራሲ እና ዘረ-ፈጅ መሆኑን ተረድታችሁ ጊዜው ሳይረፍድ ሕዝባችሁንና ሀገራችሁን ለማዳን የሚካሄደው ትግል አጋርና አካል እንድትሆኑ ጥሪያችንን እናቀርባለን፤ 3. *ለጎረቤት ሀገራት፣ ለአፍሪካ ሀገራትና ለዓለም አቀፉ ማህበረሰብ፦* በስልጣን ላይ የሚገኘው ዘረ-ፈጅ አገዛዝ ከሕዝብ የተነጠለ፣ በኢትዮጵያም ሆነ በአፍሪካ ቀንድ ሰላምና መረጋጋትን የማስፈን አቅምም ሆነ ፍላጐት የሌለው፣ በሕዝብ ትግል ከስልጣን ሊወገድም የተቃረበ የመሸበት አገዛዝ መሆኑን በመረዳት ከሕዝቦች፣ ከፍትሕና ከዴሞክራሲ ጎን እንድትቆሙ ጥሪ እናቀርባለን። *የኢትዮጵያ ሕዝባዊ ኃይሎች ትብብር ለሕልውና (ትብብር ለሕልውና)* *መስከረም 10/2019 ዓ.ም*              *ኢትዮጵያ*

የፊታውራሪ ገበየሁ ክፍለ ጦር አርበኞች ከጭልጋ ወደ ነጋዴ ባህር ሲንቀሳቀስ በነበረ የጠላት ኃይል ላይ ከባድ የደፈጣ ጥቃት ፈፅመው ድል መቀዳጀታቸው ታወቀ! በአፋብን በላይ ዘለቀ 3ኛ ዕዝ 2ኛ መይሳው ካሳ ኮር ፊታውራሪ ገበየሁ ክፍለ ጦር በጠላት ላይ የተጠና የደፈጣ ጥቃት በመፈፀም ድል ተቀዳጅቷል። ​በዛሬው ዕለት መስከረም 9/2019 ዓ.ም ከቀኑ 6:30 ሰዓት ላይ፣ በአፋብን በላይ ዘለቀ 3ኛ ዕዝ 2ኛ መይሳው ካሳ ኮር ሥር የሚንቀሳቀሰው የጀብደኛው ፊታውራሪ ገበየሁ ክፍለ ጦር 3ኛ ሬጅመንት፣ ከጭልጋ ተነሥቶ ወደ ነጋዴ ባህር በማምራት ላይ በነበረው የጠላት ኃይል ላይ አስቀድሞ በተጠና ወታደራዊ የደፈጣ ስልት  «ቋንቁሪት» በተባለች ስትራቴጂካዊ ስፍራ ሙሉ በሙሉ ከገባ በኋላ መብረቃዊ ጥቃት በመፈጸም ከፍተኛ ሰብአዊና ቁሳቁሳዊ ኪሳራ አድርሰውበታል። ​በዚህ የተጠና ወታደራዊ እርምጃ አንድ ሙሉ ፓትሮል ተሽከርካሪ ከጫነው ሰራዊት ጋር ሙሉ በሙሉ ከጥቅም ውጭ  ሆኗል።የ3ኛ ሬጅመንት አባላትም አካባቢውን ሙሉ በሙሉ በመቆጣጠር 22 የክላሽንኮፍ መሣሪያዎች ገቢ ያደረጉ ሲሆን ፣ ቁጥሩ በውል ያልታወቀ  ልዩ ልዩ ተተኳሾችንና በርካታ ወታደራዊ የሎጅስቲክስ ቁሳቁሶችን መማረክ ተችሏል። ምንጭ፦በ​አፋብን በላይ ዘለቀ 3ኛ ዕዝ ህዝብ ግንኙነት መምሪያ!

ላለፉት ዓመታት በእስር ላይ የነበሩት የታሪክ ምሁሩ ታድዮስ ታንቱ ከእስር መፈታታቸው ተሰምቷል! የታሪክ ምሁርና የፖለቲካ ተንታኝ የሆኑት አቶ ታድዮስ ታንቱ ከእስር መፈታታቸውና ከቤተሰቦቻቸው ጋር መቀላቀላቸው ታውቋል።

ወለጋ ላይ ማን ነው በመንግስት የተደራጀው? ኦነግ ወይስ ፋኖ? በጌትነት አሻግሬ! ሰሞኑን የኦሮሞ ነፃነት ሠራዊት (OLA/ኦነግ) ያወጣው መግለጫ እራሱን ከደም ለማንጻትና ከተጠያቂነት ለማምለጥ ያደረገው ግልጽ የእውር ድንብር ጉዞ ነው። ኦነግ በመግለጫው "በወለጋ የሚገኘው ፋኖ በመንግስት የተደራጀ ነው" በሚል ሲከስ ይስተዋላል። ነገር ግን መሬት ላይ ያሉ እውነታዎችን ያስተዋለ ማንኛውም አካል ሊያነሳው የሚችለው ጥያቄ አንድ ብቻ ነው። እርሱም፦ "ወለጋ ላይ ማን ነው በመንግስት የተደራጀው? ኦነግ ወይስ ፋኖ?" የሚል ነው። የኦነግ የጭፍጨፋ ታሪክ የትናንት ወይም የቀናት ፍሬ አይደለም። የኦነግ ኃይል ከተቋቋመበት እለትና ሰዓት ጀምሮ ባንድም በተዘዋዋሪ መንገድ አማራን በጠላትነት ፈርጆ ሲገድል ነው የኖረው። ለዚህም በ1985 ዓ/ም በአሶሳ አካባቢ የፈፀመው እልቂት(በአንድ የእርዳታ ድንኳን ውስጥ ከ500 በላይ ንፁኋኖችን አግቶ በእሳት ያቃጠለበት ድርጊት)፣ በሆሮ ጉድሩ አንገር አከባቢ፣ የቡደኖበደሌ እና የአርባጉጉ አሰቃቂ ጭፍጨፋዎች ሕያው ታሪካዊ ምስክሮች ናቸው። በተለየ ሁኔታ ግን ከ2010 ዓ/ም ወዲህ ማለትም በኤርትራ ግመል ከመጠበቅ ወጥቶ በዛላንበሳ በኩል አቆራርጦ ወደ ሀገር ቤት በመግባት መንግስታዊ መዋቅርና ድጋፍ ባለው መልኩ በምስራቅ ወለጋ (ኪረሙ፣ ጊዳ፣ ዲጋ፣አርጆ አውራጃና አርጆ ጉደቱ፣ ሳሲጋ፣ ሊሙ ወረዳዎች)፣ በምዕራብ ወለጋ (ጊምቢ ቶሌ)፣ በሆሮ ጉድሩ ወለጋ (አቤ ደንጎሮ፣ ጃርዴጋ ጃርቴ፣ ጉዳያ ቢላ ወረዳዎች)፣ በቄለም ወለጋ (ሀዋ ገላን ወረዳ)፣ በኢሉአባቦራ (አልጌ፣ ዳሪሙ ወረዳዎች)፣ እንዲሁም ሸዋ(ሰሜን፣ ምስራቅ፣ ምዕራብ)፣ በባሌ ዞኖች እና በሌሎች የክልሉ አከባቢዎች በንፁኃን የአማራ ተወላጆች ላይ የፈፀመው ዘግናኝ የዘር ማፅዳት፣ የኢኮኖሚና የባህል ጄኖሳይድ ዝንተአለም የታሪክ ጥቁር ጠባሳ ሆኖ ይኖራል።የነዚህ ወገኖች አፅም ዛሬም ድረስ አፍ አውጥቶ ይናገራል።በነዚህ አከባቢዎች ዛሬም ድረስ የንፁኋኖች ደም ይጮኻል። በእነዚህ ሁሉ ዓመታት አገዛዙ እና ኦነግ ተናበውና በቅንጅት ሲሰሩ የነበረበት መንገድ የሚከተሉትን ግልጽ ዘዴዎች የተከተለ ነበር፦ የመጀመሪያው፦ የመንግስት ኃይል የአማራ ተወላጆችን ትጥቅ የማስፈታት እና አካባቢውን ለቅቆ የመውጣት ዘዴ፦ ኦነግ አማራውን ሲጨፈጭፍ የክልሉም ሆነ የፌደራሉ መንግስት ዝም ይላሉ። ዝም የሚሉትም ሂደቱን ለማመቻቸት ነው። መጀመሪያ መከላከያ ሠራዊት አካባቢው ላይ ይሰማራና ታጥቆ የሚገኘውን አማራ "ለደህንነታችሁ እኛ ስላለንላችሁ ትጥቅ አያስፈልጋችሁም፡ ትጥቃችሁን አውርዱና ፊታችሁን ወደ ልማት አዙሩ" በሚል ያስፈታል። ትጥቁ ከተሰበሰበ ከጥቂት ቀናት በኋላ ሠራዊቱ "ለሌላ ግዳጅ" በሚል ተልካሻ ምክንያት አካባቢውን ለቆ ይወጣል። ሁለተኛው፦ የኔትወርክና የመብራት አገልግሎት ማቋረጥና ነገሮችን አልጋባልጋ ማድረግ፦ ሠራዊቱ እንደወጣ የክልሉና የዞኑ መስተዳደሮች ጭፍጨፋ በሚፈፀምበት አካባቢ የኤሌክትሪክና የኔትወርክ አገልግሎት ሙሉ በሙሉ ያቋርጣሉ። ጭፍጨፋው እንዲካሄድ ነገሮችን አልጋ በአልጋ አድርገው ካመቻቹ በኋላ የኦነግ ኃይል ገብቶ ንፁኋን አማራዎችን በጅምላ ይጨፈጭፋል። የኦነግ ኃይል ድርጊቱን ፈፅሞና ሀብት ንብረት ዘርፎ አካባቢውን ለቆ ከተሰወረ በኋላ፡ የመንግስት አካላት አስከሬን ለማንሳትና የውሸት መግለጫ ለመስጠት ይደርሳሉ።(የሆነ የሆነ ሰዓትስ የሀዘን መግለጫ መስጠቱን እርግፍ አድርገው ትተው ጭራሽ እልቂት ለተፈፀመበት ሕዝብ ፍትሕ ጠያቂዎች ላይ ይሳለቁ ጀመር) ይህ በመንግስትና በኦነግ መካከል የነበረው ተናቦ የመጨፍጨፍ ሴራ ህዝቡ ስለገባው፡ የተረፈው ሕይወቱን ለማቆየት ከፊቱ የተደቀኑትን ሁለት አማራጮች ተመለከተ፦ እጅን አጣጥፎ ለቀጣዩ እልቂት አንገትን መስጠት ወይም ተፈጥሯዊ በሕይወት የመቆየት መብቱን (Natural Right to Self-Defense) ተጠቅሞ እራስን መከላከል የሚሉ። ቀሪው ሕዝብ ተፈጥሯዊ መብቱን ተጠቅሞ እራሱን መከላከልን መረጠ። የወለጋ አማራ ህዝብ በቃኝ ብሎ እራሱን ማደራጀትና መመከት ጀመረ። በአንዳንድ አካባቢዎች የኦነግ ኃይል እንደለመደው በአማራዎች ላይ ጭፍጨፋ ለመፈፅም ሲሞክር በዚኸው የተደራጀ ኃይል ክንድ በሚገባ ተመከተ። በዚህ ጊዜ የክልሉ መንግስት ደነገጠ። በክልሉ የሚገኘውን አማራ በኦነግ ትከሻ ተረማምዶ መምታትና ማጥፋት እንዳልቻለ ሲረዳ፡ ከሦስትና አራት ዓመታት ወዲህ ደግሞ እራሱ በቀጥታ በጭፍጨፋው ተሰለፈ። አገዛዙ የሃገሪቱን መከላከያ ሠራዊትን፣ የክልሉን ልዩ ኃይል፣ ረጴሎላን፣ ጋቼና ሲርናን፣ ገዳ ኮማንዶን፣ አድማ ብተናን፣ ሚሊሻን እና የቄሮ ቡድኖችን በማደራጀትና በማስታጠቅ በቀጥታ በጭፍጨፋው እስካሁኗ ሰዓት ድረስ ተሳታፊ ሆነ፣ ድርጊቱንም በቪዲዮ ጭምር እየቀረፀ በማህበራዊ ትስስር ገፆች በቀጥታ አስተላለፈ። ታዲያ ያ በመንግስት እገዛ በአንድ ጀምበር ብቻ ከ200 እና 300 እስከ 1000 የሚደርሱ ንፁኋን አማራዎችን ሲጨፈጭፍ የነበረው የኦነግ ኃይል፡ ዛሬ በምን ሞራሉ ነው "የወለጋ ፋኖን መንግስት ነው ያደራጀው" ብሎ የሚከሰው? "አማራ መገደል የለበትም፣ አማራ ወንድማችን ነው" ብለው ሲማገቱ የነበሩ ህሊና ያላቸው የኦሮሞ ተወላጆችን ጭምር እያደነ ሲገድል የነበረው ኦነግ፡ (እዛ አከባቢ ያሉ ፋኖዎች በፍፁም ንፁኋን ኦሮሞዎች ላይ እጃቸውን አያነሱም እንጂ) ዛሬ በምን ሞራሉ ነው "የወለጋ ፋኖ ንፁኋን ኦሮሞን እየገደለ ነው" ብሎ የሚወቅሰው? ኦነግ በመግለጫው መግቢያ ላይ የወለጋን ፋኖ "አነስተኛ የታጠቀ ቡድን" ሲል ሊያሳንሰው ይሞክራል። ለመሆኑ ኦነግ ከተመሰረተበት እለት ጀምሮ ላለፉት ሦስትና አራት አሥርት ዓመታት በላይ ምን ሰራ? በመንግስት ድጋፍ ታግዞ ህፃናት፣ ነፍሰጡር ሴቶችና አረጋውያንን በቢለዋ ገዝግዞ ከመግደልና ከማረድ በዘለለ ምን ዓይነት ወታደራዊ ጀብዱ ፈፀመ? ባንኮችን ከመዝረፍ ውጭ “እታገለዋለሁ” ከሚለው አገዛዝ ጋር ባደረገው የፊት ለፊት ውጊያ ያስመዘገበው የጎላ ወታደራዊ ድል ምንድን ነው? በተቃራኒው፡ የወለጋ ፋኖ በተደራጀ በጥቂት ዓመታት ከተራ የጠላት ሠራዊት አልፎ የአገዛዙን ከፍተኛ ወታደራዊ አዛዥ ገድሏል።(ግንቦት 16/2018 ዓ/ም የተገደለው የማዕከላዊ ዕዝ ምክትል አዛዥ ብርጋዲየር ጄነራል አስናቀ አይተነው መንግስቴ) አሁንም ቢሆን የብልፅግናው አገዛዝ፡ የኦሮሚያ ክልል መንግስት ወታደራዊ ኃይልን ጨምሮ የሁለት ዕዝ ሠራዊትን (በሌ/ጄኔራል ዘውዱ በላይ የሚመራው ማዕከላዊ ዕዝ እና በሜ/ጄኔራል አማረ ባሕታ የሚመራው ምዕራብ ዕዝ)ከነሜካናይዝድ ክፍሉ፣ ድሮንና የጦር ጄት እንዲሁም ተዋጊ ሄሊኮፍተርን ጭምር አሰልፎ እየተዋጋው ያለው አነስተኛ ቢሆን ነው? ወይስ አገዛዙ ይሄን ሁሉ ዘመናዊ የጦር መሣሪያና ኃይል አሰልፎ ፋኖን ማጥፋት ስላልቻለ፡ ደካማ እንዳይባል ኦነግ ስልታዊ የትረካ ሽፋን መስጠቱ ነው? በወለጋ የሚገኘው ፋኖ ከሌላ ቦታ የመጣ ወራሪ አይደለም። ከእልቂት የተረፈው የዚያው ማህበረሰብ ልጅ ነው። ኦነግ "ፋኖ ይውጣ" በሚል የሚያቀርበው ጥያቄ፡ በተዘዋዋሪ "የተረፈው ህዝብ ታጥቆ እራሱን አይከላከል፣ እንደ ድሮው ስንገድለው ዝም ብሎ ይታረድልን ወይም ቀዬውን ለቆ ይውጣ" የሚል እጅግ አደገኛ ፍላጎት ነው። በወለጋ ምድር ፋኖ የተደራጀው በህዝቡ ተፈጥሯዊ የህልውና መብት እና በነፃነት ፍላጎት ግፊት ነው። ይህንን ህዝባዊ እውነታ ደግሞ በምንም ዓይነት መግለጫ እና የታሪክ ማዛባት ማደብዘዝ አይቻልም።

ተቋማት ላይ ያነጣጠረ የድሮን ጥቃት የመጀመሪያና መካከለኛ ደረጃ ትምህርት ቤትን አወደመ! በሰሜን ወሎ ዞን መቄት ወረዳ 011 ሰርኮ ቀበሌ የሚገኘውን ሰርኮ የመጀመሪያና መካከለኛ ደረጃ ትምህርት ቤት በደረሰባቸው የድሮን ጥቃት ሙሉ በሙሉ ወድሟል። የብልፅግና ስርዓት ለትውልድ የማይጨነቅና የማያስብ በመሆኑ በህብረተሰብ ተሳትፎ የተሰራውን የህፃናት መማሪያን በውስጡ የተለያዩ የመማሪያ መፅሐፍቶችና የመማር ማስተማር ግብዓቶችን ጨምሮ አውድሟል ሲል የ13ኛ ኮር ቃል አቀባይ መረጃውን ማድረሱን ዕዙ በሚዲያና ኮሙኒኬሽን መምሪያ በኩል ባወጣው መረጃ አስታውቋል።

“የኦሮሚያ ክልል የጸጥታ ኃይል የማዕከላዊ ኢትዮጲያ የክልል ወሰን ተላልፎ በአምስት አቅጣጫዎች ኃይል እያስገባ መሆኑ ታወቀ! "ጉራጌ ዞን አበሽጌ ወረዳን እንደ ወለጋ ሊያደርጉት ነው” ነዋሪዎች በማዕከላዊ ኢትዮጵያ ክልል በጉራጌ ዞን፣ አበሽጌ ወረዳ እና አካባቢው የኦሮሚያ ክልል የጸጥታ ኃይል የክልሉን ወሰን ተላልፎ በአምስት አቅጣጫዎች ኃይል እያስገባ እንደሚገኝና ይህም በአካባቢው ነዋሪዎች ዘንድ ከፍተኛ ስጋት መፍጠሩን የመረጃ ምንጮች ገለጹ። ከትላንት መስከረም 7/2019 ዓ/ም ምሽት ጀምሮ "ገደ ኮማንዶ" ተብሎ የሚጠራው ኃይል በአምስት አቅጣጫዎች እየገባ የሚገኝ ሲሆን፣ እንቅስቃሴው በወለጋ ባለፈው ነሐሴ 12 እስከ ነሐሴ 20 ከተፈጸመው ዓይነት ጭፍጨፋ ጋር ተመሳሳይነት ያለው ጥቃት ለማድረስ ያለመ እንደሆነ ምንጮቹ ስጋታቸውን ገልጸዋል። ከዚህም ጋር ተያይዞ በአካባቢው የነበሩ ዐማራዎች ትጥቅ እንዲፈቱ መደረጉንና በርካታ ሰዎች ቀያቸውን ለቀው እየወጡ መሆኑ ተጠቅሷል። በተለያዩ አቅጣጫዎች የገባው ይህ ኃይል ቀደም ሲል በኦሮሞ ሚዲያዎች እና አክቲቪስቶች ሲሰራ የነበረውን የፕሮፓጋንዳ ዓላማ ለማስፈጸም እና እንደ ወለጋ ሁሉ በአማራ ንጹሃን ላይ ጭፍጨፋ ለማካሄድ የታቀደ እንደሆነ ተገልጿል። የኃይል ስምሪቱ በተለይም፦ * በአመያ ወረዳ በአምቦ በኩል፦ ከ1,000 በላይ ገዳ ኮማንዶ፤ * በወልቂጤ መስመር፦ ከ500 በላይ፤ * ከጅማ፣ 4 ካሶኒ፣ ከጦላይ እና ከስልክ አምባ መስመሮች፦ ከፍተኛ ቁጥር ያለው የገዳ ኮማንዶ ኃይል መሰማራቱ ተመላክቷል። በተጨማሪም "የመከላከያ መልስ ናቸው" በሚል ምክንያት ከአማራ ሚሊሻዎች ላይ መሳሪያ በመውሰድ ለኦሮሞ ወጣቶች (ቄሮ) እያስታጠቁ እንደሚገኙና አበሽጌ ወረዳ ላይ የሚኖሩ የኦሮሞ ተወላጆች ህገወጥ የጦር መሳሪያ ይዘው በነጻነት መንቀሳቀስ መጀመራቸው ተገልጿል። ይህ የትጥቅ ማስተላለፍ እርምጃ አማራውን በገዳ ኮማንዶ ለማስጨፍጨፍ የታሰበ እንደሆነና ትላንት ሙሉ በሙሉ ከዐማራ ሚሊሽያ መሳሪያ ከተቀበሉ በኋላ ለቄሮ ወጣቶች የማስታጠቅ ሥራ እየተሰራ ነው ሙሉው የኃይል የተከማቸው በማዕከላዊ ኢትዮጵያ ጉራጌ ዞን አበሽጌ ወረዳ ወልጋ ከተማ ላይ ሲሆን፣ በወልጋ ዙሪያ ባሉ ቀበሌዎች ውስጥ የሚኖሩ አማራዎችን የማጽዳት ዓላማ ያለው እንደሆነ የመረጃ ምንጮቹ ሥጋታቸውን አክለው ገልጸዋል። መረጃው የኢትዮ ፎከስ ነው።

የአገዛዙ ሠራዊት ከግንባር እየፈረሰ ፋኖን መቀላቀሉን ቀጥሏል! የአገዛዙ መከላከያ ሠራዊት 6ኛ ዕዝ 605ኛ ኮር 15ኛ ክ/ጦር 5ኛ ሬጅመንት 3ኛ ሻምበል አባላት ትናንት መስከረም 07/2019 ዓ.ም በአፋብን 5ኛ አሳምነው  ዕዝ አፄ ዘርያዕቆብ ኮር በፈቃዱ በላይ ክፍለ ጦርንን ሲቀላቀሉ፡ የአድማ ብተና አባሉ ደግሞ መሀመድ ቢሆነኝ ኮር እቴጌ ጣይቱ ክፍለ ጦርን መቀላቀሉ ታውቋል። 1. ፲አለቃ ተስፋዬ ከበደ(መከላከያ)--01 ጥቁር ክላሽኮቭ ከነሙሉ ትጥቁ 2. ፲አለቃ ብሩክ በየነ(መከላከያ)--01 ጥቁር ክላሽኮቭ ከነሙሉ ትጥቁ 3. ሳሙኤል ዘገየ ከ31ኛ ሻለቃ(አድማ ብተና)--01 አንድ እግር ታጣፊ ከነሙሉ ትጥቁ ወደ ህዝባቸው የተቀላቀሉት የመከላከያ አባላት በሰጡት አስተያየት፤ ተቋሙ ሀገር ከመጠበቅ ይልቅ ሀገር አፍራሽ እንቅስቃሴ ላይ የተሰማራ መሆኑን፤ በታሪክ የሚያውቁት የመከላከያ ህግና ደንብ መሠረት ተቋማዊ ተልዕኮ እንደማይከበር ገልፀው፤ ተቋሙ ከህዝብ ይልቅ የግለሰብና የብልፅግና ፓርቲ ሹመኛ ባለስልጣን ጠባቂ በመሆን የሞራል ዝቅጠት ውስጥ ገብቷል በማለት ፋኖን እንደተቀላቀሉ ቃላቸውን ሰጥተዋል። አክለውም፥ አንባገነን ስርዓት የሰፈነበት አሰራር በሀገራችን በመንገሱ ከአገዛዙ ለቀን ለመውጣት ተገደናል ብለዋል። ክፍለ ጦሩ ለእነዚህ አባላት ሞቅ ያለ አቀባበል እንዳደረገላቸው ገልፀው፣ በተደረገላቸው መልካም አቀባበል በማመስገን፡ ላልተቀላቀሉ የመከላከያ አባላት አገዛዙን በመልቀቅ ፋኖን እዲቀላቀሉ ጥሪ አቅርበዋል። ምንጭ፦ በአፋብን 5ኛ አሳምነው ዕዝ ሕዝብ ግንኙነት መምሪያ!

Dagne Wale - Addis Ababa | አዲስ አበባ - New Ethiopian Music 2026 (Official Lyrics Video) ... https://mereja.forum/content/viewtopic.php?f=2&t=384679

Dagne Wale - Addis Ababa | አዲስ አበባ - New Ethiopian Music 2026 (Official Lyrics Video) Post

Dagne Wale - Ere Hagere | ኧረ ሀገሬ - New Ethiopian Music 2026 ( official Lyrics Video ) .... https://mereja.forum/content/viewtopic.php?f=2&t=384681

በቆቦ ከተማ ከባድ ውጥረት ነግሷል! የብልፅግናው መከላከያ ሠራዊት በከተማዋ መኃል መስመር ላይ ያገኛቸውን ንፁኋኖች እየደበደበ ይገኛል። ወታደሮቹ ዛሬ መስከረም 07/2019 ዓ/ም ከቀኑ 9:50 ገደማ ላይ በከተማዋ ንግድ ባንክ ፊት አንድ ተሽከርካሪ ላይ የተኩስ እሩምታ በመክፈት በተሽከርካሪውና በተሳፋሪዎች ላይ ከባድ ጉዳት ማድረሳቸውን የአይን እማኞች ገልፀዋል። አንዲት አነስተኛ የደረቅ ጭነት ተሽከርካሪ በከተማዋ ንግድ ባንክ አከባቢ በመንቀሳቀስ ላይ እንዳለች በመከላከያ ሠራዊት አባላት በተተኮሰባት ጥይት ምክኒያት ለልማት ተቆፍሮ በነበረ ጉድጓድ ውስጥ መውደቋን እማኞች ገልፀዋል። በዚህም አሽከርካሪውን ጨምሮ ሌሎች ንፁኋኖች ከፍተኛ ጉዳት የደረሰባቸው ሲሆን፡ ወታደሮቹ ቁስለኞች ወደ ሕክምና ጣቢያ እንዳይወሰዱ መከልከላቸው ተሰምቷል። ይህ አሳዛኝ ድርጊት ከተፈጠረ በኋላ በከተማዋ የትራንስፖርት እንቅስቃሴ የቆመ ሲሆን፡ ከፍተኛ ውጥረት መንገሱንም አይን እማኞች ጨምረው ገልፀዋል።

የምኒልክ 1ኛ ዕዝ 101ኛ ኮር አካል ከሆኑ ሁለት ክፍለ ጦሮች የተዉጣጡ አኃዶች በጋራ ባካሄዱት የተቀናጀ እርምጃ በጠላት ኃይል ላይ ከፍተኛ ድል ተቀዳጅተዋል ። ​ከደቡብ ወሎ ደላንታ፣ ተንታ እና ኩታበር ተሰባስቦ ወደ አምባሰል ተራራ ለመግባት የሞከረው የአገዛዙ ጦር፣ የአፋብን ምኒልክ 1ኛ ዕዝ 101ኛ ኮር አካል በሆኑት 11ኛ እና 15ኛ ክፍለ ጦሮች በተዉጣጡ ፋኖወች የተቀናጀ ምት አርፎበታል። ​ልዩ ቦታው ተሬ በተባለ ስፍራ በተደረገው ውጊያ 11ኛ ክፍለ ጦር የጠላትን ኃይል ደምስሶ ወደ መጣበት ያስፈረጠጠ ሲሆን፤በዚህም 17 ክላሽንኮቭ ፣ 2 ሺህ ተተኳሽ ጥይቶችን፣ 4 የብሬን ሸልሸሎችን፣ 44 የደረትና ወገብ ትጥቆችን እንዲሁም 23 ወታደራዊ ሻንጣዎችን የማረከ ሲሆን በሌላ በኩል 15ኛ ክፍለ ጦር ከኩታበር ተንቀሳቅሶ የነበረውን የጠላት ኃይል መንገድ ዘግቶ በመያዝ የከበባ እና የመከላከል ሚናውን በተሳካ ሁኔታ ተወጥቷል። ​በዚህም በተቀናጀዉ እርምጃ የ10 አለቃ ማዕረግተኛዉን ጨምሮ በርካታ ሀይሉ መደምሰስ ተችሏል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!! ህልውናችን በተባበረ ክንዳችን! አፋብን ምኒልክ 1ኛ ዕዝ ሚዲያና ኮሙኒኬሽን መምሪያ! መስከረም:-07/ 2019 ዓ/ም

በአፋብን 1ኛ ምኒልክ ዕዝ 13ኛ ኮር 81ኛ ክፍለ ጦር ያስመረቀው ግዙፍ ተዋጊ ሠራዊት

" ኦነግ ሸኔ ኮሬንም የሎጂስቲክስ ምንጭ አድርጎ በአካባቢው እየተንቀሳቀሰ እንደሚገኝ ተደርጎ በምዕራብ ጉጂ ዞን አመራር የተሰጠው መረጃ ከእውነት የራቀ ነው " - አቶ አሸብር በዙ፣ የኮሬ ዞን ኮሚኒኬሽን ኃላፊ " መረጃው እየሞተ ያለውን ሕዝብ የሚወነጅል ነው ! " ቲክቫህ ኢትዮጵያ ከሰሞኑ በኮሬ ዞን፣ ጎርካ ወረዳ፣ ሁለት ወጣቶች በሞተር ሳይክል ከዝጆላ ወደ ኬሌ ከተማ እየተጓዙ ባሉበት 'ቦኮሶ' ተብሎ በሚጠራው አካባቢ ጥቃት ተፈጽሞባቸው ሕይወታቸው ማለፉን አስመልክቶ ባወጣው ዘገባ የሁለቱንም ዞኖች የጸጥታ መዋቅሮች ማነጋገሩ ይታወቃል። የኮሬ ዞን ኮሚኒኬሽን ባወጣው መግለጫ፣ የምዕራብ ጉጂ ዞን ሰላምና ጸጥታ መምሪያ ኃላፊ፣ በአካባቢው የሚንቀሳቀሰው ኦኔግ ሸኔ " ኮሬንም እንደ የሎጂስቲክስ ምንጭ እየተጠቀመ... " በሚል የሰጡትን መረጃ ተቃውሟል። ቲክቫህ ኢትዮጵያ ጉዳዩን አስመልክቶ የኮሬ ዞን መንግሥት ኮሚኒኬሽን መምሪያ ኃላፊ አቶ አሸብር ገዙን አነጋግሯቸዋል። አቶ አሸብር ለቲክቫህ ኢትዮጵያ በሰጡት ቃል፣ " የምዕራብ ጉጂ ዞን የጸጥታ መዋቅር ተጠሪ ለቲክቫህ ኢትዮጵያ የሰጠው መረጃ ፈጽሞ ከእውነት የራቀ እና በምድር ላይ ያለውን ሀቅ የካደ፣ እየሞተ ያለውን ሕዝብ የሚወነጅል እና አደገኛ አካሄድ ያለው ነው " ብለዋል። አቶ አሸብር ፥ " በአሸባሪነት ተፈርጆ ሀገር እያተራመሰ፣ ሀገር በማፍረስ ተግባር ላይ የተሰማራውን ሸኔ፣ ልክ እኛ የሎጂስቲክስ ምንጭ ሆነን እንደምንደግፍ አድርጎ የሰጠው መግለጫ ፈጽሞ ከእውነት የራቀ ነው " ሲሉ ገልጸዋል። " በጉጂ እና በኮሬ መካከል የረጅም ጊዜ አብሮ የመኖር ትስስር አለ፤ በጋብቻም፣ በደምም የተሳሰረ፣ ገበያም አብሮ ይገበያይ የነበረ ሕዝብ ነው " ያሉ ሲሆን፣ የነበረው ሰላም ይበልጥ እየደፈረሰ የሄደው በሀገራችን በሰሜኑ አካባቢ የተፈጠረውን የጸጥታ ች

እቴጌ ጣይቱ ክፍለ ጦር የአገዛዙ ብልፅግና ጅምላ ተጋላቢ አድማ ብተና ኃይል ላይ እርምጃ ወሰደች! በአፋብን 5ኛ አሳምነው ዕዝ መሀመድ ቢሆነኝ ኮር እቴጌ ጣይቱ ክፍለ ጦር፡ በአንኮበር ቀጠና በሚገኘው ታሪካዊው የቁንዲ ተራራ  ታላቅ ድል መቀዳጀቷን የኮሩ ሚዲያና ኮሙኒኬሽን አስታወቀ።  ከደብረ ብርሃን ወደ አንኮበር ሬሽን ወይም የሎጅስቲክስ ግብዓት ለማቀበል ተንቀሳቅሶ በነበረው የአገዛዙ ጠባቂ አድማ ብተና ኃይል ላይ፣ መስከረም 06 ቀን 2019 ዓ.ም ከቀኑ 6፡30 ሰዓት ገደማ ቁንዲ ጊዮርጊስ አካባቢ በክፍለ ጦሩ ቃኝዎች ክፉኛ መመታቱ ተገለፀ። በጠንካራ መረጃ አሠራርና በሰለጠነ አቀማመጥ የምትታወቀው ክፍለ ጦር፤ በአነጣጥሮ ተኳሾቿ በወሰደችው ፈጣን እርምጃ ቁጥሩ በውል ያልታወቀ የአድማ ብተና አባላት የተገደሉ ሲሆን፣በርካታ አባላቱ በከፍተኛ ሁኔታ መቁሰላቸውን አክሎ ገልጿል። በዚሁ አውደ ውጊያ  ሽንፈት የገጠመው ጠላት፤ ተጨማሪ ኃይል በማስጠጋት ቁስለኞቹን ለቃቅሞ ወደ አንኮበር የሸሸ ሲሆን፤ የቆሰሉት የአድማ ብተና አባላቱ በአንኮበር ጤና ጣቢያ እየታከሙ ይገኛሉ።  ምንጭ፦በአፋብን አሳምነው 5ኛ ዕዝ ሕዝብ ግንኙነት መምሪያ!