ERA ኢትዮጵያ መንገዶች አስተዳደር

ጳጉሜ 4 ቀን "የከተሞቻችን ሁለንተናዊ ልማት ለኢትዮጵያ ማንሰራራት" በሚል ርዕስ ተከብሮ ዋለ ባቱ፣ ጳጉሜ 4 ቀን 2017 ዓ.ም (ኢመአ)፡ የዘንድሮ ጳጉሜ 4 ቀን  "የከተሞቻችን ሁለንተናዊ ልማት ለኢትዮጵያ ማንሰራራት"  በሚል ርዕስ በባቱ ከተማ ተከብሮ ዋለ።  በዓሉ የኢፌዴሪ ሕዝብ ተወካዮች  ምክር ቤት የመሠረተ ልማትና ትራንስፖርት ቋሚ ኮሚቴ ሰብሳቢ  ፕሮፌሰር መሐመድ አብዶ ፣  የከተማና መሠረተ ልማት ሚኒስቴር ሚኒስትር ወ/ሮ  ጫልቱ ሳኒ  ፣  የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱራህማን፣ የተጠሪ ተቋማት ዋና ዳይሬክተሮችና ምክትል ዋና ዳይሬክተሮች ፣ የክልል ቢሮ ኃላፊዎች እና በርካታ ተጋባዥ እንግዶች በተገኙበት ተከብሯል። በፕሮግራሙ የመስክ ምልከታ እና ፓናል ውይይት የተደረገ ሲሆን በመስክ ምልከታው የሞጆ -ሀዋሳ የፍጥነት መንገድ አካል የሆነውን ኮንትራት ሶስት ባቱ  - አርሲ  ነጌሌ የፍጥነት መንገድ የሥራ እንቅስቃሴን ተጎብኝቷል። በፕሮጀክቱ  መነሻ ቦታ እና በፍጥነት መንገዱ የክፍያ ጣቢያ ግንባታ ላይ የአፍታ ቆይታ በማድረግ  በፕሮጀክቱ መሃንዶሶች ለጎብኚዎች ሰፊ ገለጻ ተደርጎላቸዋል፡፡ በመቀጠልም ወደ ባቱ ከተማ አስተዳደር በማምራት በከተማው ውስጥ የተከናወኑ የኮሪደር ልማት ሥራዎች ጉብኝት የተደረገ ሲሆን በከተማው አተዳደር ስለ ኮርደር ልማቱ ገለጻ ተደርጓል። በማጠቃለያው መርሐግብር   የፓናል ውይይት በካሄደ የዕለቱ መርሐግብር ተጠናቋል። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

እንኳን ደስ አላችሁ! እንኳን ደስ አለን!

መልካመ በዓል!

ስምንተኛው የመንገድ ጥናት ኮንፈረንስ እየተካሄደ ነው አዲስ አበባ ፣ ነሃሴ 22 ቀን 2017 ዓ.ም (ኢመአ):- ስምንተኛው የመንገድ ጥናት ኮንፈረንስ የከተማና መሰረተ ልማት ሚኒስቴር ሚኒስትር ዴኤታ አቶ የትምጌታ አስራት ፣ የኢትዮጵያ መንገዶች አስተዳደር ዋና ዳይሬክተር ኢንጂነር መሀመድ አብዱራህማን፣ የተለያዩ የመንግስት የስራ ኃላፊዎችና የመንገድ ዘርፍ ባለሙያዎች እንዲሁም ተመራማሪዎች በተገኙበት በቃሊቲ በሚገኘው የኢመአ የመንገድ ምርምር ማዕከል እየተካሄደ ይገኛል ። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads የምርምር ማዕከሉ ባለፉት ሰባት ዓመታት የምርምርና ሥርፀት ኮንፈረንሶችን ሲያካሂድ የቆየ ሲሆን በተከታታይ በተከናነወኑ ጥናቶች ውጤታማ ለውጦችን ማምጣት ስለመቻሉ ተገልጿል። ኮንፈረንሱ አስራ አምስት ጥናታዊ ፅሁፎች እንደሚቀርቡ የታወቀ ሲሆን ፣ በዘርፉ ላይ ያተኮረ አውደርእይም በመካሄድ ላይ ይገኛል። በኮንፈረንሱ በሌሎች ሀገራት እና ፕሮጀክቶች ላይ የተሞከሩና ውጤታማ የሆኑ የመንገድ ግንባታና አስተዳደር ልምዶች በጥናት ተለይተው ለሀገራችን መልካም እድል ይዘው ይመጣሉ ተብሎ ይጠበቃል ። አሁን ላይ እየተስተዋሉ ያሉ የመንገድ ዘርፍ ችግሮች ፣ ለአብነትም ለመንገድ ደህንነት ፣ ለአየር ንብረት ለውጥ ተጽዕኖ ፣ ለመንገድ መሸራተት እና መሰል ችግሮች የመፍትሄ ሃሳቦች በኮንፍረንሱ ላይ ቀርበዋል ። በመድረኩ የታደሙ ተሳታፊዎችም በመንገድ ግንባታ ፣ ዲዛይን ፣ ጥገና እና አስተዳደር አዳዲስ እውቀትንና ቴክኖሎጂዎች እንዲሁም ፈጠራን በማከል ለሙያዊ ዕድገታቸው እና ለአገራቸው የመንገድ መሠረተ ልማት አስተዋጽኦ እንደሚያደርጉ ይጠበቃል።

ለሁለት ቀናት ሲካሄድ የቆየው 2ኛው ሀገር አቀፍ የመንገድ ዘርፍ ጉባኤ ተጠናቀቀ ጅግጅጋ፣ ነሐሴ 21 ቀን 2017 ዓ/ም (ኢመአ) ከነሐሴ 19 ቀን 2017 ዓ.ም ጀምሮ በሶማሌ ብሔራዊ ክልላዊ መንግስት በጅግጅጋ ከተማ ለሁለት ቀናት ሲካሄድ የቆየው 2ኛው ሀገር አቀፍ የመንገድ ዘርፍ ጉባኤ ተጠናቀቀ ፡፡ በጉባኤው የተማና መሰረተ ልማት ሚኒስትር ወ/ሮ ጫልቱ ሳኒ ፣ የሶማሌ ክልል ርዕሰ መስተዳድር አቶ ሙስጠፌ መሀመድ፣ የሕዝብ ተወካዮች ምክር ቤት የዘርፍ ቋሚ ኮሚቴ ኃላፊዎችና ተወካዮች እንዲሁም የፌዴራልና የክልል መንግስት የሥራ ሀላፊዎች እንዲሁም የዘርፉ ባለድርሻ አካላት ተገኝተዋል። በጉባኤው ተገኝተው መልዕክት ያስተላለፉት የሶማሌ ብሔራዊ ክልላዊ መንግስት ፕሬዝዳንት አቶ ሙስጠፌ መሐመድ መንገድ ዘላቂ ሰላምን ለማስፈን፣ ፈጣን ኢኮኖሚያዊና ማህበራዊ ልማትን ለማስቀጠል ወሳኝ መሆኑን ገልጸው መንገድ የኢኮኖሚ ትስስርን የሚፈጥር እና ልማት የሚያፋጥን ነው ብለዋል፡፡ አያይዘውም “የመንገድ መሰረተ ልማት በሀገሪቷ ከፍተኛ ትኩረት ከተሰጣቸው የመሠረተ ልማት ዘርፎች ቀዳሚና የሌሎች ልማቶች የጀርባ አጥንት ነው” ብለዋል፡፡ የከተማና መሰረተ ልማት ሚኒስትር ወ/ሮ ጫልቱ ሳኒ በበኩላቸው መንገድ ዘላቂ ሰላምን ለማስፈን፣ ፈጣን ኢኮኖሚያዊና ማህበራዊ ልማትን ለማስቀጠል እና አንድ የፖለቲካና የኢኮኖሚ ማህበረሰብን ለመገንባት አይነተኛ ሚና እንደሚጫወት ገልፀዋል። ባለፉት ዓመታት ለከተሞች በተሰጠው ትኩረት የከተማ መንገድ ለመኪኖች ብቻ ሳይሆን ለእግረኛ፣ ለብስክሌትና ለአካል ጉዳተኛ ዜጎቻቸን ያማከለና ሰው ተኮር እንዲሆን መደረጉ በመንገድ መሰረተ ልማት አዲስ ገጽታ ያጎናጸፈ መሆኑን ጠቁመው ከዚህ አኳያ የኮሪደር ልማት እየተጫወተ ያለው ሚና እጅግ ከፍተኛ መሆኑን ገልጸዋል፡፡ በተለይ የመንገድ ዘርፍ ልማት ፕሮግራሞች ተቀርፀው ተግባራዊ በመደረጋቸው ውጤቶች መመዝገባቸውን እና የሀገራችን የመንገድ አውታር በከፍተኛ መጠን እያደገ መምጣቱን ገልጸዋል፡፡ አያይዘውም በ10 ዓመቱ እቅድ እንደተመላከተው እንቅስቃሴን እና ተደራሽነትን ሚዛኑን በጠበቀ መልኩ ማስኬድን ዓላማ አድርጎ በመስራት ውጤት ተመዝግቧል ብለዋል፡፡ በመድረኩ የ2017 በጀት ዓመት የፌደራል መንገድ ዕቅድ አፈጻጸም እና ሌሎች የውይይት መነሻ ሰነዶች ቀርበው ውይይት ተደርጎባቸዋል፡፡ በኢትዮጵያ መንገዶች አስተዳደር በኩል ከ101 ቢሊዮን ብር በላይ ወጪ በማድረግ የ1,048 ኪ.ሜ የአዳዲስ መንገዶች ግንባታ፣ የነባር መንገዶች ማጠናከር፣ ደረጃ ማሻሻል እና የከባድ ጥገና እንዲሁም የ10,926 ኪ.ሜ ወቅታዊ እና መደበኛ ጥገና ማካሄድ መቻሉ ተገልጿል፡፡ የጀት ዓመቱ የፊዚካል እቅድ አፈጻጸምም 81 በመቶ ማሳካት መቻሉን የቀረበው የዘርፋ ሪፓርት ያሳያል ። በተጨማሪም በሀገሪቱ ያለው ጠቅላላ የመንገድ ርዝመት በፌዴራል፣ በክልል፣ በከተሞች እና በወረዳዎች የተሰሩ ክረምት ከበጋ የሚያስኬዱ መንገዶችን ጨምሮ አምና ከነበረበት 171,176 ኪሜ አሁን ላይ 180, 232 ሺ ኪ.ሜ መድረሱ ተገልጿል፡፡ ከዚህ ውስጥ 30,824 ኪ.ሜ የፌደራል፣ 36,395 ኪ.ሜ የክልል፣ 44,717 ኪ.ሜ የከተማ እንዲሁም 68,297 ኪ.ሜ የወረዳ መንገድ እንደሆነ ከቀረበው ሰነድ መገንዘብ ተችሏል። ይህን ተከትሎም በ1000 ስኩዌር ኪ.ሜ ውስጥ ያለው የመንገድ ርዝመት 157 ኪ.ሜ የደረሰ ሲሆን ክረምት ከበጋ የሚያገለግል መንገድ ላይ ለመድረስ ዜጎች በአማካይ እንዲጓዙ የሚጠበቀው ርቀት 4.3 ኪ.ሜ መድረሱ ተገልጿል። ከዚህም ባለፈ መንግሥት በክልሎች መካከል ፍትሃዊ የመንገድ ስርጭት እንዲኖር ትኩረት በመስጠት በተከታታይ ፍትሃዊነትን እንደ አንድ ዋና መመዘኛ ወስዶ እየሰራ እንደሆነም ተነስቷል። የከተማና መሰረተ ልማት ሚኒስትር ወ/ሮ ጫልቱ ሳኒ በመድረኩ ማጠቃለያ ባስተላለፉት መልዕክት ለቀረቡ ጥያቄዎችና አስተያየቶች ማብራሪያና ምላሽ ሰጥተዋል። ሚኒስትሯ ባሰትላለፉት መልዕክትም “መንገድ መገንባት ሀገር መገንባት ነው” በሚል መርህ ለዘርፉ ስኬት በመደመር መርህ በመቀናጀት፣ በመተባበርና በመናበብ በትኩረት መስራት ወሳኝ መሆኑን ገልጸው በዘርረፉ ይስተዋሉ የነበሩ የአሰራር፣ የአደረጃጀትና የህግ ማዕቀፍ ችግሮችን ለመፍታት በርካታ ሥራዎች ተሰርተዋል ብለዋል፡፡ የመንገድ ዘርፉ እስካሁን እራሱን ችሎ አዋጅ ያልነበረው መሆኑንና በአሁኑ ወቅት ዘርፉን የሚመጥን አዋጅ ተዘጋጅቶ በመጽደቅ ላይ እንደሆነ ገልጸዋል፡፡ ዘርፉ በከፍተኛ ዕድገት ውስጥ ያለ ዘርፍ በመሆኑ በመንግስትም ትልቅ ትኩረት የተሰጠበት ነው ብለዋል፡፡ በ2017 በጀት አመት በመንገድ ዘርፍ የተሻለ አፈጻጸም ላስመዘገቡ ክልሎች እና የከተማ አስተዳደሮች በመድረኩ ላይ እውቅና የተሰጠ ሲሆን፣ በቀጣይ ተሞክሯቸው እየተቀመረ አንዱ ከሌላው የሚማማርበት ይሆናል ተብሏል፡፡ በዚህም መሰረት የሶማሌ ክልል አንደኛ ደረጃ አፈጻጸም፣ የሲዳማ ክልል ሁለተኛ ደረጃ አፈጻጸም እንዲሁም የድሬዳዋ ከተማ አስተዳደር እና የአፋር ክልል ሦስተኛ ደረጃ አፈጻጸም በማስመዝገብ የዋንጫ እና የምስክር ወረቀት ሽልማት ተበርክቶላቸዋል። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

ለሁለት ቀናት ሲካሄድ የቆየው 2ኛው ሀገር አቀፍ የመንገድ ዘርፍ ጉባኤ ተጠናቀቀ ጅግጅጋ፣ ነሐሴ 21 ቀን 2017 ዓ/ም (ከመልሚ) ከነሐሴ 19 ቀን 2017 ዓ.ም ጀምሮ በሶማሌ ብሔራዊ ክልላዊ መንግስት በጅግጅጋ ከተማ ለሁለት ቀናት ሲካሄድ የየዎየው 2ኛው ሀገር አቀፍ የመንገድ ዘርፍ ጉባኤ ተጠናቀቀ ፡፡ በጉባኤው የተማና መሰረተ ልማት ሚኒስትር ወ/ሮ ወ/ሮ ጫልቱ ሳኒ ፣ የሶማሌ ክልል ርዕሰ መስተዳድር አቶ ሙስጠፌ መሀመድ፣ የሕዝብ ተወካዮች ምክር ቤት የዘርፍ ቋሚ ኮሚቴ ታለፊዎችና ተወካዮች እንዲሁም የፌዴራልና የክልል የመንግስት የሥራ ሀላፊዎች እንዲሁም የዘርፉ ባለድርሻ አካላት ተገኝተዋል። በጉባኤው ተገኝተው መልዕክት ያስተላለፉት የሶማሌ ብሔራዊ ክልላዊ መንግስት ፕሬዝዳንት አቶ ሙስጠፌ መሐመድ መንገድ ዘላቂ ሰላምን ለማስፈን፣ ፈጣን ኢኮኖሚያዊና ማህበራዊ ልማትን ለማስቀጠል ወሳኝ መሆኑነን ገልጸው መንገድ የኢኮኖሚ ትስስርን የሚፈጥር እና ልማት የሚያፋጥን ነው ብለዋል፡፡ አያይዘውም “የመንገድ መሰረተ ልማት በሀገሪቷ ከፍተኛ ትኩረት ከተሰጣቸው የመሠረተ ልማት ዘርፎች ቀዳሚና የሌሎች ልማቶች የጀርባ አጥንት ነው” ብለዋል፡፡ የከተማና መሰረተ ልማት ሚኒስትር ወ/ሮ ጫልቱ ሳኒ በበኩላቸው መንገድ ዘላቂ ሰላምን ለማስፈን፣ ፈጣን ኢኮኖሚያዊና ማህበራዊ ልማትን ለማስቀጠል እና አንድ የፖለቲካና የኢኮኖሚ ማህበረሰብን ለመገንባት አይነተኛ ሚና እንደሚጫወት ገልፀዋል። ባለፉት ዓመታት ለከተሞች በተሰጠው ትኩረት የከተማ መንገድ ለመኪኖች ብቻ ሳይሆን ለእግረኛ፣ ለብስክሊተኛና ለአካል ጉዳተኛ ዜጎጎቻቸን ያማከለና ሰው ተኮር እንዲሆን መደረጉ በመንገድ መሰረተ ልማት አዲስ ገጽታ ያጎናጸፈ መሆኑን ጠቁመው ከዚህ አኳያ የኮሪደር ልማቶች እየተጫዉቱ ያለው ሚና እጅግ ከፍተኛ መሆኑን ገልጸዋል፡፡ በተለይ የመንገድ ዘርፍ ልማት ፕሮግራሞች ተቀርፀው ተግባራዊ በመደረጋቸው ውጤቶች መመዝገባቸውን እና የሀገራችን የመንገድ አውታር በከፍተኛ መጠን ያደገ መምጣቱን ገልጸዋል፡፡ አያይዘውም በ10 ዓመቱ እቅድ እንደተመላከተው እንቅስቃሴን እና ተደራሽነትን ሚዛኑን በጠበቀ መልኩ ማስኬድን ዓላማ አድርጎ በመስራት ውጤት ተመዝግቧል ብለዋል፡፡ በመድረኩ የ2017 በጀት ዓመት የፌደራል መንገድ ዕቅድ አፈጻጸም እና ሌሎች የውይይት መነሻ ሰነዶች ቀርበው ውይይት ተደርጎባቸዋል፡፡ በኢትዮጵያ መንገዶች አስተዳደር በኩል ከ101 ቢሊዮን ብር በላይ ወጪ በማድረግ የ1,048 ኪ.ሜ የአዳዲስ መንገዶች ግንባታ፣ የነባር መንገዶች ማጠናከር፣ ደረጃ ማሻሻል እና የከባድ ጥገና እንዲሁም የ10,926 ኪ.ሜ ወቅታዊ እና መደበኛ ጥገና ማካሄድ መቻሉ ተገልጿል፡፡ የጀት ዓመቱ የፊዚካል እቅድ አፈጻጸምም 81 በመቶ ማሳካት መቻሉን የቀረበው የዘርፋ ሪፓርት ያሳያል ። በተጨማሪም በሀገሪቱ ያለው ጠቅላላ የመንገድ ርዝመት በፌደራል፣ በክልል፣ በከተሞች እና በወረዳዎች የተሰሩ ክረምት ከበጋ የሚያስኬዱ መንገዶችን ጨምሮ አምና ከነበረበት 171,176 ኪሜ አሁን ላይ 180, 232 ሺ ኪ.ሜ መድረሱ ተገልጿል፡፡ ከዚህ ውስጥ 30,824 ኪ.ሜ የፌደራል፣ 36,395 ኪ.ሜ የክልል፣ 44,717 ኪ.ሜ የከተማ እንዲሁም 68,297 ኪ.ሜ የወረዳ መንገድ እንደሆነ ከቀረበው ሰነድ መገንዘብ ተችሏል። ይህን ተከትሎም በ1000 ስኩዌር ኪ.ሜ ውስጥ ያለው የመንገድ ርዝመት 157 ኪ.ሜ የደረሰ ሲሆን ክረምት ከበጋ የሚያገለግል መንገድ ላይ ለመድረስ ዜጎች በአማካይ እንዲጓዙ የሚጠበቀው ርቀት 4.3 ኪ.ሜ መድረሱ ተገልጿል። ከዚህም ባለፈ መንግሥት በክልሎች መካከል ፍትሃዊ የመንገድ ስርጭት እንዲኖር ትኩረት በመስጠት በተከታታይ ፍትሃዊነትን እንደ አንድ ዋና መመዘኛ ወስዶ እየተሰራ እንደሆነም ተነስቷል። የከተማና መሰረተ ልማት ሚኒስትር ወ/ሮ ሳኒ በመድረኩ ማጠቃለያ ባስተላለፉት መልዕክት ለቀረቡ ጥያቄዎችና አስተያየቶች ማብራሪያና ምላሽ ሰጥተዋል። ሚኒስትሯ ባሰትላለፉት መልዕክትም “መንገድ መገንባት ሀገር መገንባት ነው” በሚል መርህ ለዘርፉ ስኬት በመደመር መርህ በመቀናጀት፣ በመተባበርና በመናበብ በትኩረት መስራት ወሳኝ መሆኑን ገልጸው በዘርረፉ ይስተዋሉ የነበሩ የአሰራር፣ የአደረጃጀትና የህግ ማዕቀፈ ችግሮችን ለመፍታት በርካታ ሥራዎች ተሰርተዋል ብለዋል፡፡ የመንገድ ዘርፉ እስካሁን እራሱን ችሎ አዋጅ ያልነበረ መሆኑንና በአሁኑ ወቅት ዘርፉን የሚመጥን አዋጅ ተዘጋጅቶ በመጽደቅ ላይ እንደሆነ ገልጸዋል፡፡ ዘርፉ በከፍተኛ ዕድገት ውስጥ ያለ ዘርፍ በመሆኑ በመንግስትም ትልቅ ትኩረት የተሰጠበት ነው ብለዋል፡፡ በ2017 በጀት አመት በመንገድ ዘርፍ የተሻለ አፈጻጸም ላስመዘገቡ ክልሎች እና የከተማ አስተዳደሮች በመድረኩ ላይ እውቅና የተሰጠ ሲሆን፣ በቀጣይ ተሞክሯቸው እየተቀመረ አንዱ ከሌላው የሚማማርበት ይሆናል ተብሏል፡፡ በዚህም መሰረት የሶማሌ ክልል አንደኛ ደረጃ አፈጻጸም፣ የሲዳማ ክልል ሁለተኛ ደረጃ አፈጻጸም እንዲሁም የድሬዳዋ ከተማ አስተዳደር እና የአፋር ክልል ሦስተኛ ደረጃ አፈጻጸም በማስመዝገብ የዋንጫ እና የምስክር ወረቀት ሽዕማት ተበርክቶላቸዋል። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

ሀገር አቀፍ የመንገድ ዘርፍ ጉባኤ በጅግጅጋ ከተማ እየተካሄደ ነው ጅግጅጋ፣ ነሐሴ 19፣ 2017 ዓ.ም (ኢመአ): ሀገር አቀፍ የመንገድ ዘርፍ ጉባኤ " በጋራ ፣ ኢትዮጵያን እንገንባ" በሚል መሪ ቃል በጅግጅጋ ከተማ እየተካሄደ ነው። በጉባኤው የተማና መሠረተ ልማት ሚኒስቴር እና ተጠሪ ተቋማት፣ የሕዝብ ተወካዮች ምክር ቤት የዘርፉ ቋሚ ኮሚቴና የክልል የዘርፉ የመንግስት የሥራ ኃላፊዎች እና ጥሪ የተደረገላቸው እንግዶች ተገኝተዋል። በመድረኩ ተገኝተው የመክፈቻ ንግግር ያደረጉት የከተማና መሠረተ ልማት ሚኒስቴር ሚኒስትር ዴኤታ አቶ የትምጌታ አሥራት ፣ ጉባኤው ለሃገራችን አይተኬ ሚና ባለው በመንገድ ልማት ላይ የሚካሄድ በመሆኑ ለሀገራችን ትልቅ ፋይዳ ያለው ጉባኤ እንደሆነ ገልጸዋል። አያይዘውም የሀገራችን የመንገድ ሽፋን ከጊዜ ወደ ጊዜ እየጨመረ እንደመጣና በአሁኑ ወቅትም የሀገራችን የመንገድ ሽፋን ከ180ሺህ በላይ መድረሱ ገልጸዋል። ሀገራችን የምትከተለው የኢኮኖሚ ፓሊሲ ብዝሓ የኢኮኖሚ ዘርፍ መሆኑን የጠቀሱት ሚኒስትር ዴኤታው ፣ በሕዝብ ቁጥርም ሆነ በቆዳ ስፋት ትልቅ ለሆነች ኢትዮጵያ ይህ በቂ እንዳልሆነና የመንገድ ተደራሽነት ይበልጥ ተጠናክሮ እንዲቀጥል በቁርጠኝነት መሥራትን የሚጠይቅ መሆኑን ገልጸዋል። "መንገድ ስንገባ እየገነባን ያለነው ሀገር ነው" ያሉት አቶ የትምጌታ፣ በሂደቱ የሰው ሀይል ልማት በተለይም የአመራር እና ፈጻሚ አቅም ዘርፉ በሚፈልገው ደረጃ በቀጣይነት መገንባት ትኩረት የሚሰጠው እንደሆነ ገልጸዋል። አክለውም በፕሮጀክቶች ትግበራ ወቅት የሚያጋጥሙ ተግዳሮቶች ለመፍታት የሕዝብ፣ የባለድርሻ አካላት እና የመንግስት ቅንጅት እጅግ ወሳኝ መሆኑንም ገልጸዋል። ጉባኤ ከዛሬ ጀምሮ ለሁለት ቀናት እንደሚካሄድ ተገልጿል። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

የገደብ ወንዝ ድልድይ ከነ ጀምሮ ለአገልግሎት ክፍት ይሆናል ነሐሴ 3 ቀን 2017 ዓ.ም ሌሊት ጮቄ ተራራ ላይ የጣለው ከባድ ዝናብ ባስከተለው ጎርፍ በደረሰበት ጉዳት ምክንያት በተገጣጣሚ ብረት የመገንባቱ ሥራ ሲከናወንለት የቆየው የገደብ ወንዝ ድልድይ በዛሬው ዕለት ሥራው ሙሉ በሙሉ በመጠናቀቁ ከነገ ነገ ነሐሴ 18 ቀን 2017 ዓ.ም ጀምሮ ለአገልግሎት ክፍት ይሆናል፡፡ በጎርፍ ምክንያት ድልድዩ ጉዳት ከደረሰበት ጊዜ ጀምሮ ግንባታው እስኪጠናቀቅ በትዕግስት ሲጠባበቁ ለቆዩ መንገደኞችና አሽከርካሪዎች የኢትዮጵያ መንገዶች አስተዳደር ምስጋና እያቀረበ ድልድዩ ሁለት መኪና በአንዴ ማስተላለፍ ስለማይችል በመጠባበቅ እንዲተላለፉ፣ ድልድዩ የሚገኝበት ቦታ ኩርባ ላይ ስለሆነ ፍጥነት በመቀነስ እና ቅድሚያ በመስጠት በትዕግስት እንዲተላልፉ ያሳስባል፡፡ በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

ከደብረማርቆስ (ከደብረማርቆስ 17 ኪሜ ላይ) - ባህርዳር በሚወስደው መንገድ ላይ የገደብ ወንዝ ድልድይ መጎዳቱንና በአጭር ጊዜ የጥገና ሥራ ተሰርቶ አገልግሎቱን እንዲቀጥል እንደሚደረግ መግለጻችን ይታወቃል፡፡ በዚህም መሰረት የተገጣጣሚ ብረት በአሁኑ ሰዓት በመጠናቀቅ ላይ ሲሆን ቀሪ ሥራዎች እንደተጠናቀቁ ለአገልግሎት ክፍት ይሆናል፡፡ በመሆኑም ድልድዩ ሙሉ በሙሉ ተጠናቅቆ ለአገልግሎት ክፍት መሆኑ እስኪገለጽ የመንገዱ ተጠቃሚዎች በተለመደው ትዕግስት እንዲጠብቁ እየጠየቅን ለአገልግሎት ዝግጁ ሲሆን ወዲያዉኑ ለሕዝብ ግልጽ የሚደረግ መሆኑን እንገልጻለን፡፡ ማሳሰቢያ 1) በተለያዩ ማህበራዊ ሚዲያዎች በአሁኑ ሰዓት ድልድዩ ተጠናቅቆ ለአገልግሎት ክፍት እንደሆነ እየተገለጸ ያለው መረጃ መስተካከል ያለበት መሆኑን የመንገዱ ተጠቃሚዎች አውቀው በትዕግስት እንዲጠብቁ፡፡ 2) መንገዱ ለአገልግሎት ክፍት ሲሆንም አላስፈላጊ እሽቅድድም እና ድልድዩ መሸከም ከሚችለው(እስከ 40 ቶን መሸከም ይችላል) በላይ ክብደት በማስወስቀገድ በጉዳት የመከላከል ኃላፊነታችን በጋራ እንዲንወጣ፣ 3) ድልድዩ ሁለት መኪና በአንዴ ማስተላለፍ ስለማይችል በመጠባበቅ እንዲተላለፉ፣ ድልድዩ የሚገኝበት ቦታ ከርባ ላይ ስለሆነ ፍጥነት በመቀነስ እና ቅድሚያ በመስጠት በትዕግስት እንዲተላልፉ፡፡ በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

የወልዲያ - ፍላቂት መንገድ የመልሶ ግንባታ ለማስጀመር ቅድመ ዝግጅት ሥራዎች በመከናወን ላይ ይገኛሉ አዲስ አበባ፣ ነሐሴ 14 ቀን 2017 ዓ.ም (ኢመአ)፡ የወልዲያ-ፍላቂት ከባድ ጥገና በሰሜኑ የሀገራችን ክፍል በተከሰተ የጸጥታ ምክንያት የተስተጓጎለ ቢሆንም የመልሶ ግንባታ ለማስጀመር ቅድመ ዝግጅት ሥራዎች በመከናወን ላይ ይገኛል፡፡ የኮምቦልቻ መንገድ አውታር ማኔጅመንት ቅርንጫፍ ጽ/ቤት የመንገድ ጥገና እና የድልድይ መልሶ ግንባታና ጥገና ስራዎችን በማከናዎን ላይ እንደሚገኝ ይታወቃል:: ከእነዚህም ሥራዎች መካከል የወልዲያ-ፍላቂት ከባድ ጥገና ፕሮጀክት አንዱ ሲሆን፤ ፕሮጀክቱ በህዳር ወር 2011 ዓ.ም በህብር ኮንስትራክሽን ኮርፖሬሽን  የከባድ ጥገና ስራ ተጀምሮለት እንደነበር ይታወቃል፡፡ የአስፋልት ንጣፍ ስራው 20 ኪ.ሜ በ10 ሳ.ሜ ውፍረት እንዲሁም የድልድይ ጥገና ስራዎችን ተከናውነዋል። ሆኖም በሰሜኑ የሃገራችን ክፍል ባጋጠመው የጸጥታ ችግር ምክንያት የስራ ተቋራጩ ለስራ ያስገባቸውን ማሽኖችና ፕላንቶች በመውደማቸው እና ከጦርነቱ ጋር ተያይዞ መንገዱ ተጨማሪ ከፍተኛ ጉዳት በማስተናገዱ የመልሶ ግንባታ ዲዛይን እንደ አዲስ እንዲሰራለት እቅድ ተይዞ የዲዛይን አማካሪ ቅጥር በሂደት ላይ ይገኛል:: የዋናው መልሶ ግንባታ ስራ እስከሚጀመር ድረስም የትራፊክ እንቅስቃሴውን ለማሳለጥ በ2017 በጀት ዓመት የጥቁር ውሀ ድልድይን ጨምሮ ጥገና በማድረግ እና የተጎዱ የመንገድ ክፍሎችን በrockfill እና select fill ጥገና ዓይነቶች  በማድረግ መንገዱ አገልግሎት እየሰጠ ይገኛል፡፡ የጊምቦራ ድልድይም ያጋጠመውን የመሸርሸር አደጋ የመከላከል ስራ ተሰርቷል። ሆኖም ስራውን በመስራት ሂደት ካጋጠሙ ተግዳሮዮች መካከል ረዥም ርቀት ላይ የሚገኙ ግብዓቶችን ለመጠቀም በሚደረገው ሂደት ከጸጥታ ጋር ተያይዞ ችግሮች የሚያጋጥሙ መሆናቸው፣ የወሰን ማስከበር ስራ ጋር ታያይዞ የሚፈጠሩ ችግሮች፣ እና ዝናቡ ከወትሮ በተለየ መልኩ ቀድሞ በሰኔ ወር መጀመሩ ተጠቃሽ ናቸው፡፡ በ2018 በጀት አመት አስፈላጊው በጀት በኢትዮጵያ መንገዶች አስተዳደር ተመድቦ የተጎዱ መንገዶችን በፍጥነት በመጠገን የትራፊክ ሂደቱን ለማሳለጥ ቅድመ ዝግጅት ሥራዎች በመከናወን ላይ ይገኛሉ። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

የሚኤሶ - ድሬዳዋ ፍጥነት መንገድ ግንባታ ስራ በይፋ ተጀመረ ድሬዳዋ፣ ነሐሴ 13፣ 2017 (ኢ መ አ):- የኢትዮ - ጅቡቲ የመንገድ ኮሪደር አካል የሆነው የሚኤሶ - ድሬዳዋ ፍጥነት መንገድ ግንባታ የኢፌዴሪ ምክትል ጠቅላይ ሚኒስቴር  ክቡር ተመስገን ጥሩነህ እና ሌሎች ከፍተኛ የፌደራል እና የክልል የመንግስት የሥራ ኃላፊዎች በተገኙበት በይፋ ተጀምሯል፡፡ የፍጥነት መንገድ ፕሮጀክቱ በሁለት ምዕራፎች ተከፋፍሎ የሚገነባ ሲሆን ፣ በአጠቃላይ 144 ነጥብ 5 ኪሎሜትር ይሸፍናል፡፡ በምዕራፍ አንድ ከሚኤሶ - ቢኬ  73 ኪሎሜትር እንዲሁም በምዕራፍ ሁለት ከቢኬ - ደሬዳዋ 71 ነጥብ 4 ኪሎሜትር ርዝመትን ይሸፍናሉ፡፡ ግንባታውን ቻይና ሲቪል ኢንጂነሪንግ ኮንስትራክሽን ኮርፖሬሽን (CCECC) እና ሲቹዋን መንገድ እና ድልድይ ኮርፖሬሽን ኩባንያ በጥምረት የሚያከናውኑ ሲሆን  ግንባታውን ለማካሄድ አገልግሎት ላይ የሚውለው 62 ነጥብ 6 ቢሊዮን ብር ወጪ ደግሞ  በዓለም ባንክ ይሸፈናል፡፡  የፍጥነት መንገዱ 33 ነጥብ 9 ሜትር የጎን ስፋት እንዲኖረው ተደርጎ የሚገነባ ሲሆን ፣132 መሸጋገሪያ እና መሿለኪያዎችን አካቶ በአንድ ጊዜ በሁለት አቅጣጫ 4 መኪኖችን በሚያስተናግድ መልኩ ይገነባል ። የማሳለጫ ስራዎች በኦሮሚያ ፣ በሶማሌ እና በ6 ከተሞች ማለትም ሚኤሶ ፣ አፍደም ፣ ቢኬ ፣ ኤረር ፣ በመልካጀብዱ እና ድሬዳዋ ከተሞች  ይከናወናሉ ። በተጨማሪም መንገዱ በአስፋልት ደረጃ የሚገነባ ሆኖ በ30 ሳ.ሜ የአስፋልት ውፍረት የሚሰራ ይሆናል፡፡ በማስጀመሪያው መርሃ-ግብሩ ላይ የ ኢፌዴሪ ምክትል ጠቅላይ ሚኒስቴር  ክቡር ተመስገን ጥሩነህ ተገኝተው ባደረጉት ንግግር መንገዱ ኢትዮጵያ ከ90 በመቶ በላይ የወጪ እና የገቢ ንግዷን የምታከናውንበት ዋና ኮሪደር  በመሆኑ ይኸው የፍጥነት መንገድ መገንባቱ በተለይ የንግድ ትራንስፖርት  ፍሰቱን በማቀላጠፍ ረገድ ከፍተኛ ጠቀሜታ እንደሚኖረው ገልፀዋል፡፡ ምክትል ጠቅላይ ሚኒስትሩ አክለውም የማይገነባ መንገድ አለመጀመር ፣ ጀምሮ አለማጠናቀቅ እንዲሁም በተገቢው የጥራት  ደረጃ እና ፍጥነት ያለመስራት የማይቻል መሆኑን በመገንዘብ ስራውን በተገቢው መልኩ ማካሄድ እንደሚገባ አሳስበዋል። የከተማና መሰረተ ልማት ሚኒስቴር ሚኒስትር ክብርት ጫልቱ ሳኒ በበኩላቸው የመንገዱ መጀመር ከፍተኛ ትርጉም እንዳለው በመግለፅ መንገዱ የኢትዮጵያ የኢኮኖሚ የጀርባ አጥንት ከሆኑ ፕሮጀክቶች አንዱ ስለመሆኑም ተናግረዋል ። ሚኒስትሯ አክለውም የመኢሶ - ድሬዳዋ የፍጥነት መንገድ  ፕሮጀክቱ በሚገኝበት አካባቢ የሚገኙ ማህበረሰቦችን ከከተሞች ጋር በማገናኘት አርሶና አርብቶ አደሮች ያለምንም ውጣ ውረድ ምርታቸውን  እንዲያጓጉዙ እና አስፈላጊ አገልግሎቶችን ለማግኘት እንዲችሉ እንደሚያደርግም ተናግረዋል። ይህ መንገድ የኦሮሚያ እና የሶማሌ ክልሎችን እና የድሬዳዋ ከተማ አስተዳደርን የሚያቆራኝ ወሳኝ የልማት አንቀሳቃሽ መሆኑም ተጠቁሟል ። የኢትዮጵያ  መንገዶች  አስተዳደር  ዋና ዳይሬክተር ኢንጂነር መሐመድ አብዱራህማን በበኩላቸው ፕሮጀክቱን  ለማስጀመር የሚያስችሉ  የቅድመ ዝግጅት ስራዎች ተጠናቀው ግንባታው በዛሬው ዕለት በይፋ መጀመሩን ገልፀዋል። ዋና ዳይሬክተሩ አክለውም መንገዱ በተቀመጠለት የጥራት ደረጃ እና የጊዜ ገደብ ተጠናቆ ተገቢውን አገልግሎት ይሰጥ ዘንድ የሚመለከታቸው ባለድርሻ አካላት ተገቢውን ድጋፍ እና ትብብር ሊያገርጉ ይገባልም ብለዋል። የCCECC  ፕረዚዳንት  ሚስተር  ቼን ሲቻን  በበኩላቸው ድርጅታቸው የመንገድ ግንባታውን በተቀመጠለት የጊዜ ገደብና የጥራት  ደረጃ በማጠናቀቅ በኢትዮጵያና በቻይና መካከል ያለውን ግንኙነት ይበልጥ ለማጠናከር እንደሚሰራ አረጋግጠዋል። በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads

የፊቅ - ሰገግ መንገድ ግንባታ አፈጻጸም 65 በመቶ ደረሰ አዲስ አበባ፣ ነሐሴ 10፣ 2017 (ኢ መ አ):- በሶማሌ ክልል 2 ዞኖችን እና 3 ወረዳዎችን የሚያስተሳስረው የፊቅ - ሰገግ ክፍል -1 መንገድ ግንባታ አፈጻጸም 65 በመቶ ደርሷል። የሰገግ - ገርቦ ክፍል - 2 መንገድ ግንባታም በጥሩ መነቃቃት ላይ ይገኛል። በክፍል - 1 ከፊቅ እስከ ሰገግ በመገንባት ላይ የሚገኘው የመንገድ ፕሮጀክት 90 ኪሎሜትር ይሸፍናል። አሁን ላይ የ23 ኪሎሜትር አስፋልት የማልበስ ሥራ ተሠርቷል። የ54 ኪ.ሜ የአፈር፣ የ51 ኪ.ሜ ሰብቤዝ፣ የ30 ኪ.ሜ ቤዝኮርስ ሥራዎች ተጠናቅቀዋል። በተጨማሪም የ8 ድልድዮች ግንባታ የፕሮጀክቱ አካል ሲኾን፥ 2ቱ ተጠናቅቀው 6ቱ በሒደት ላይ ናቸው። የፕሮጀክቱን መልካም አፈጻጸም አጠናክሮ ለማስቀጠል የሚያስችሉ በማሽነሪ፣ በግብአት እና የባለሞያ አቅርቦት ረገድ አስፈላጊው ዝግጅት እየተደረገ መኾኑን ቦታው ድረስ በተደረገ ቅኝት መመልከት ተችሏል። የመንገድ ግንባታውን ሀገር በቀሉ ድሪባ ደፈርሻ ጠቅላላ ሥራ ተቋራጭ በማከናወን ላይ የሚገኝ ሲኾን፥ ቫሊዮ ኢንጅነሪን የማማከር እና የቁጥጥር ሥራውን በማከናወን ላይ ይገኛል። ለግንባታው የተመደበው 1 ነጥብ 4 ቢሊዮን ብር ወጪ በፊደራል መንግስት ወጪ ይሸፈናል። በተመሳሳይ በክፍል - 2 ከሰገግ - ገርቦ 103 ኪሎሜትር የሚሸፍን ሲኾን፥ ግንባታው በሀገር በቀሉ ማክሮ ጠቅላላ ሥራ ተቋራጭ እየተከናወነ ይገኛል። አሁን ላይ የውኃ መፋሰሻ ቱቦ፣ የአፈር ቆረጣ እና ሙሌት እንዲሁም የቤዝኮርስ ጠጠር ማምረት ሥራዎች በዋናነት በመከናወን ላይ ናቸው። በመንገድ ፕሮጀክቱ የገጠሙ የውኃ እጥረት፣ የመዳረሻ መንገዱ ምቹ ባለመኾኑ የግንባታ እቃዎች ወደ ፕሮጀክቱ ስፍራ እንደ ልብ ማንቀሳቀስ አለመቻሉ እንዲሁም የሥራ ተቋራጩ የአቅም ውስንነት ችግሮች ግንባታው ላይ መዘግየቶች እንዲስተዋሉ አድርጓል። ሆኖም ኢ መ አ ችግሮቹን ለመፍታት ከባለድርሻ አካላት ጋር ባደረገው የተቀናጀ ጥረት ፕሮጀክቱ ከቅርብ ጊዜ ወዲህ አበረታች መሻሻሎችን አሳይቷል። በአጠቃላይ ፕሮጀክቶቹ ሲጠናቀቁ የኤረር እና ዮሆብ ዞኖችን እንዲሁም የፊቅ፣ ሰገግ እና ዮሆብ ወረዳዎችን ማኅበራዊ እና ኢኮኖሚያዊ ትስስር ያጠናክራል። ከሐረር - ጅግጅጋ - ጎዴ ይደረግ የነበረውን ረጅም የጉዞ ጊዜና የትራፊክ መጨናነቅ በመቀነስ በአካባቢው ለሚገኙ አርብቶ አደሮችና በቁም እንስሳት ንግድ ላይ ለተሰማሩ ግለሰቦችም የመንገዱ መገንባት ፋይዳው የጎላ ነው፡፡ በተጨማሪም › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et > ዮቲዮብ www.youtube.com/@ethioroads