និយ័តករមូលបត្រកម្ពុជា (ន.ម.ក.)

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ និយ័តករមូលបត្រកម្ពុជា (ន.ម.ក.) បានអញ្ជើញជាអធិបតីដ៏ខ្ពង់ខ្ពស់ក្នុងសិក្ខាសាលាកសាងសមត្ថភាពមន្ត្រីស្តីពី “ការប្រើប្រាស់បញ្ញាសិប្បនិម្មិត (AI) និងឧបករណ៍ឌីជីថលកម្រិតខ្ពស់ ដើម្បីបង្កើនប្រសិទ្ធភាពការងារ និងប្រកបដោយសុវត្ថិភាព” នៅបណ្ឌិត្យសភាបច្ចេកវិទ្យាឌីជីថលកម្ពុជា (ប.ប.ឌ.)។ ======================= នាថ្ងៃពុធ ៣កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៧ ខែមិថុនា គ.ស.២០២៦ ន.ម.ក. ដោយមានកិច្ចសហការជាមួយ ប.ប.ឌ. បានរៀបចំសិក្ខាសាលាកសាងសមត្ថភាពមន្ត្រីស្តីពី “ការប្រើប្រាស់បញ្ញាសិប្បនិម្មិត (AI) និងឧបករណ៍ឌីជីថលកម្រិតខ្ពស់ ដើម្បីបង្កើនប្រសិទ្ធភាពការងារ និងប្រកបដោយសុវត្ថិភាព” ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃ ន.ម.ក. និង ឯកឧត្តមបណ្ឌិត សេង សុភាព ប្រធាន ប.ប.ឌ.។ https://web.facebook.com/share/p/1HPxfNz9x9/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

សូមក្រាបបង្គំថ្វាយព្រះពរសព្ទសាធុការជូន សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ក្នុងព្រះរាជពិធីបុណ្យចម្រើនព្រះជន្មគម្រប់ ៩០ យាងចូល ៩១ ព្រះវស្សា។ សូមព្រះអង្គទ្រង់ប្រកបដោយព្រះសុខភាពល្អបរិបូរណ៍ ព្រះកាយពលមាំមួន និងព្រះជន្មាយុយឺនយូរជាងរយព្រះវស្សា🙏🏻 https://www.facebook.com/share/p/1CrQ7HNuZC/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)

ឯកឧត្តមបណ្ឌិត វិន ភក្តី អគ្គនាយករង និងជាប្រធានក្រុមការងារបច្ចេកវិទ្យាហិរញ្ញវត្ថុនៃនិយ័តករមូលបត្រកម្ពុជា (ន.ម.ក.) និងជាសមាជិកក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច បានដឹកនាំសហការីចូលរួមកិច្ចប្រជុំក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច នៅទីស្តីការក្រសួងសេដ្ឋកិច្ច និងហិរញ្ញវត្ថុ។ ============== ​​នាព្រឹកថ្ងៃពុធ ៣កើត ខែបឋមសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៧ ខែមិថុនា គ.ស.២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. ឯកឧត្តមបណ្ឌិត វិន ភក្តី អគ្គនាយករង និងជាប្រធានក្រុមការងារបច្ចេកវិទ្យាហិរញ្ញវត្ថុនៃ ន.ម.ក. និងជាសមាជិកក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច អមដោយ លោក ឃុន គីមលៀង ប្រធាននាយកដ្ឋានត្រួតពិនិត្យអន្តរការីនៃ ន.ម.ក. បានដឹកនាំសហការីចូលរួមកិច្ចប្រជុំក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត គង់ ម៉ារី រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការនៃអគ្គលេខាធិការដ្ឋានគណៈកម្មាធិការសេដ្ឋកិច្ច និងធុរកិច្ចឌីជីថល និងជាប្រធានក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច។ កិច្ចប្រជុំនេះមានការចូលរួមពី ឯកឧត្តម លោកជំទាវ លោក លោកស្រី ដែលជាអនុប្រធាន សមាជិក និងសមាជិការនៃក្រុមការងាររៀបចំសេវាអេឡិចត្រូនិកសម្រាប់ធុរកិច្ច។ កិច្ចប្រជុំបានប្រព្រឹត្តទៅដោយរលូន និងប្រកបដោយផ្លែផ្កាខ្ពស់។ https://www.facebook.com/share/p/1JvYGnc8Cq/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា បានដឹកនាំសហការីចូលរួមកិច្ចប្រជុំបច្ចេកទេសនៃនិយ័តករ និងអង្គភាពក្រោមឱវាទអាជ្ញាធរសេវាហិរញ្ញវត្ថុមិនមែនធនាគារ។ ============== នារសៀលថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែមិថុនា ឆ្នាំ២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃនិយ័តករមូលបត្រកម្ពុជា បានដឹកនាំសហការីចូលរួមកិច្ចប្រជុំបច្ចេកទេសនៃនិយ័តករ និងអង្គភាពក្រោមឱវាទ អ.ស.ហ. តាមប្រព័ន្ធអនឡាញ (Zoom) ក្រោមការដឹកនាំដ៏ខ្ពង់ខ្ពស់របស់ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានក្រុមប្រឹក្សា អ.ស.ហ. ដើម្បីពិនិត្យ និងផ្ដល់យោបល់ទៅលើសេចក្តីព្រាងប្រកាសស្តីពីលក្ខន្តិកៈនៃមន្ត្រីលក្ខន្តិកៈនៃអាជ្ញាធរសេវាហិរញ្ញវត្ថុមិនមែនធនាគារ។ កិច្ចប្រជុំនេះ មានការអញ្ជើញចូលរួមដោយថ្នាក់ដឹកនាំ និងមន្រ្តីជំនាញ នៃអគ្គលេខាធិការដ្ឋាន អ.ស.ហ. និយ័តករ និងអង្គភាពក្រោមឱវាទ អ.ស.ហ.។ កិច្ចប្រជុំនេះ បានប្រព្រឹត្តទៅដោយរលូន និងប្រកបដោយផ្លែផ្កាខ្ពស់។ https://www.facebook.com/share/p/1M5CgTzn52/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃនិយ័តករមូលបត្រកម្ពុជា (ន.ម.ក.) បានទទួលជួបសម្តែងការគួរសមជាមួយ ធនាគារ ឈីហ្វ (ខេមបូឌា) ខមមើសលប៊ែង ម.ក នៅទីស្តីការ ន.ម.ក.។ ============== នាព្រឹកថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែមិថុនា គ.ស.២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. អមដោយ ឯកឧត្តម សៀង ធីរិទ្ធ អគ្គនាយករង នៃ ន.ម.ក. បានដឹកនាំសហការី ទទួលជួបសម្តែងការគួរសម និងពិភាក្សាការងារជាមួយធនាគារ ឈីហ្វ (ខេមបូឌា) ខមមើសល ប៊ែង ម.ក។ ជំនួបនេះធ្វើឡើងក្នុងគោលបំណងពិភាក្សាអំពីការបង្ហាញឆន្ទៈធ្វើជាភ្នាក់ងារទូទាត់សាច់ប្រាក់ពាក់ព័ន្ធនឹងមូលបត្រ (CSA) របស់ធនាគារ ឈីហ្វ (ខេមបូឌា) ខមមើសលប៊ែង ម.ក ព្រមទាំងការស្វែងយល់បន្ថែមអំពីលក្ខខណ្ឌតម្រូវ និងនីតិវិធីនៃការទទួលស្គាល់ភ្នាក់ងារ CSA នៅទីស្តីការ ន.ម.ក.។ កិច្ចប្រជុំបានប្រព្រឹត្តទៅដោយរលូន និងប្រកបដោយផ្លែផ្កាខ្ពស់។ https://www.facebook.com/share/p/1BopyiFq42/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)

ឯកឧត្តម លេខា​ វិចិត្រ អគ្គនាយករងនៃនិយ័តករមូលបត្រកម្ពុជា(ន.ម.ក.) បានអញ្ជើញចូលរួមពិធីចុះអនុស្សរណៈនៃការយោគយល់គ្នារវាង និយ័តករគណនេយ្យនិងសវនកម្ម និងគណៈកម្មាធិការសហប្រតិបត្តិការដើម្បីកម្ពុជា។ ============= ​​នាព្រឹកថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែមិថុនា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. ឯកឧត្តម លេខា​ វិចិត្រ អគ្គនាយករងនៃ ន.ម.ក. អមដោយសហការី បានអញ្ជើញចូលរួមពិធីចុះអនុស្សរណៈនៃការយោគយល់គ្នាស្តីពី “កិច្ចសហប្រតិបត្តិការលើការជំរុញការផ្សព្វផ្សាយ និងការលើកកម្ពស់ការយល់ដឹងច្បាប់, បទប្បញត្តិ និងស្តង់ដារពាក់ព័ន្ធក្នុងវិស័យគណនេយ្យនិងសវនកម្ម” ជាមួយគណៈកម្មាធិការសហប្រតិបត្តិការដើម្បីកម្ពុជា។ ពិធីចុះអនុស្សរណៈនេះប្រព្រឹត្តទៅនៅអគារ ៣៤៥ ដោយមានការចូលរួមពីថ្នាក់ដឹកនាំនឹងមន្ត្រីនៃអគ្គលេខាធិការ អ.ស.ហ. និងនិយ័តករក្រោមឱវាទ អ.ស.ហ. និងភាគីពាក់ព័ន្ធផ្សេងទៀតផងដែរ។ https://www.facebook.com/share/p/194Fz5ux3j/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

ឯកឧត្តមបណ្ឌិត វិន ភក្តី អគ្គនាយករងនៃនិយ័តករមូលបត្រកម្ពុជា (ន.ម.ក.) បានដឹកនាំកិច្ចប្រជុំបូកសរុបសមិទ្ធផលការងារប្រចាំខែឧសភា ឆ្នាំ២០២៦ និងទិសដៅការងារសម្រាប់ខែមិថុនា ឆ្នាំ២០២៦ របស់នាយកដ្ឋានស្រាវជ្រាវ បណ្ដុះបណ្ដាល អភិវឌ្ឍន៍ទីផ្សារមូលបត្រ និងទំនាក់ទំនងអន្តរជាតិ។ ======================= នារសៀលថ្ងៃចន្ទ ១ កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ ឯកឧត្តមបណ្ឌិត វិន ភក្តី អគ្គនាយករងនៃ ន.ម.ក. បានដឹកនាំកិច្ចប្រជុំបូកសរុបសមិទ្ធផលការងារប្រចាំខែឧសភា ឆ្នាំ២០២៦ និងទិសដៅការងារសម្រាប់ខែមិថុនា ឆ្នាំ២០២៦ របស់នាយកដ្ឋានស្រាវជ្រាវ បណ្ដុះបណ្ដាល អភិវឌ្ឍន៍ទីផ្សារមូលបត្រ និងទំនាក់ទំនងអន្តរជាតិ ដោយមានការចូលរួមពីលោកជំទាវប្រធាននាយកដ្ឋាន, លោក/លោកស្រីអនុប្រធាននាយកដ្ឋាន, លោកស្រីប្រធានការិយាល័យ, អនុប្រធានការិយាល័យ និងមន្រ្តីជំនាញនៃនាយកដា្ឋនស្រាវជ្រាវ បណ្ដុះបណ្ដាល អភិវឌ្ឍន៍ទីផ្សារមូលបត្រ និងទំនាក់ទំនងអន្តរជាតិ។ ក្នុងកិច្ចប្រជុំនេះ ឯកឧត្តមបណ្ឌិតបានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង និងសមិទ្ធផលការងារដែលនាយកដ្ឋានសម្រេចបាន។ ទន្ទឹមនឹងនេះ ឯកឧត្តមបណ្ឌិតក៏បានផ្ដល់អនុសាសន៍ឱ្យមន្រ្តីទាំងអស់បន្តខិតខំបំពេញការងារដោយមានទំនួលខុសត្រូវខ្ពស់ ព្រមទាំងបន្តអភិវឌ្ឍសមត្ថភាពខ្លួន ដោយប្រកាន់ខ្ជាប់វិន័យផ្ទាល់ខ្លួន និងមានភាពសកម្មក្នុងការច្នៃប្រឌិត និងផ្តល់គំនិតផ្តួចផ្តើម ដើម្បីរួមចំណែកដល់ការអភិវឌ្ឍស្ថាប័ននិងវិស័យមូលបត្រនៅកម្ពុជា។ កិច្ចប្រជុំបានប្រព្រឹត្តទៅដោយរលូន និងផ្លែផ្កាខ្ពស់។ https://www.facebook.com/share/p/1LmE7NEBRe/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

ឯកឧត្តម សៀង ធីរិទ្ធ អគ្គនាយករងនៃនិយ័តករមូលបត្រកម្ពុជា បានដឹកនាំកិច្ចប្រជុំពិភាក្សាលើការពិនិត្យលទ្ធភាពក្នុងការតភ្ជាប់ Application Programming Interface (API) ជាមួយធនាគារដែលជាភ្នាក់ងារទូទាត់សាច់ប្រាក់ពាក់ព័ន្ធនឹងមូលបត្រ សម្រាប់ការបើកលេខអត្តសញ្ញាណវិនិយោគិន និងគណនីជួញដូរមូលបត្រ។ ============== នារសៀលថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែមិថុនា គ.ស.២០២៦ ឯកឧត្តម សៀង ធីរិទ្ធ អគ្គនាយករងនៃនិយ័តករមូលបត្រកម្ពុជា (ន.ម.ក.) អមដោយ ឯកឧត្តម កែប សំភី ប្រធាននាយកដ្ឋានត្រួតពិនិត្យទីផ្សារមូលបត្រ បានដឹកនាំកិច្ចប្រជុំដែលមានសមាសភាពពី ន.ម.ក., ផ្សារមូលបត្រកម្ពុជា (ផមក) និងធនាគារចំនួន ៥ ដែលជាភ្នាក់ងារទូទាត់សាច់ប្រាក់ពាក់ព័ន្ធនឹងមូលបត្រ រួមមាន៖ ធនាគារ អេស៊ីលីដា ភីអិលស៊ី, ធនាគារ កាណាឌីយ៉ា ក.អ, ធនាគារ កម្ពុជាសាធារណៈ ភីអិលស៊ី, ធនាគារ វីង (ខេមបូឌា) ម.ក និង ធនាគារ អ អេច ប៊ី (ខេមបូឌា) ម.ក ដើម្បីពិភាក្សាលើលទ្ធភាពនៃការតភ្ជាប់ Application Programming Interface (API) ក្នុងការជំរុញប្រសិទ្ធភាពការបើកលេខអត្តសញ្ញាណវិនិយោគិន និងគណនីជួញដូរឱ្យកាន់តែមានភាពងាយស្រួល និងឆាប់រហ័ស។ កិច្ចប្រជុំនេះមានការចូលរួមពិភាក្សា ផ្លាស់ប្តូរយោបល់ និងលើកជាដំណោះស្រាយយ៉ាងផុសផុល ប្រកបដោយកិច្ចសហការខ្ពស់ និងបានបញ្ចប់ទៅប្រកបដោយផ្លែផ្កា។ https://www.facebook.com/share/p/1CWi1gukkN/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)

ឯកឧត្តម សៀង ធីរិទ្ធ អគ្គនាយករងនៃនិយ័តករមូលបត្រកម្ពុជា (ន.ម.ក.) បានបន្តជំរុញការពិភាក្សាលើសេចក្តីព្រាងប្រកាសស្តីពីទីផ្សារមូលបត្រអនាគត។ =============== នាព្រឹកថ្ងៃចន្ទ ១កើត ខែបឋមសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែមិថុនា គ.ស.២០២៦ ឯកឧត្តម សៀង ធីរិទ្ធ អគ្គនាយករងនៃ ន.ម.ក. អមដោយ ឯកឧត្តម កែប សំភី ប្រធាននាយកដ្ឋានត្រួតពិនិត្យទីផ្សារមូលបត្រនៃ ន.ម.ក. បានបន្តដឹកនាំកិច្ចប្រជុំពិភាក្សាលើសេចក្តីព្រាងប្រកាសស្តីពីទីផ្សារមូលបត្រអនាគត។ នៅក្នុងកិច្ចប្រជុំនេះ ឯកឧត្តមអគ្គនាយករងបានផ្តល់នូវអនុសាសន៍ និងការកែសម្រួលឡើងវិញត្រង់ប្រការមួយចំនួនផងដែរ។ កិច្ចប្រជុំនេះមានការចូលរួមពិភាក្សាប្រកបដោយកិច្ចសហការខ្ពស់ និងបានបញ្ចប់ទៅប្រកបដោយផ្លែផ្កា។ https://www.facebook.com/share/p/1BNTp2kYtY/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រ បានអញ្ជើញជាអធិបតីភាពក្នុងពិធិចុះកិច្ចព្រមព្រៀងសហការដៃគូយុទ្ធសាស្រ្តរវាងក្រុមហ៊ុន បេនចារ៉ាន អ៊ែសេច មេនេចម៉ិន (ខេមបូឌា) ម.ក និងក្រុមហ៊ុន ហ្សូ ម៉ូធ័រ (ខេមបូឌា) ឯ.ក នៅសណ្ឋាគារ សូហ្វីតែល ភ្នំពេញ ភូគីត្រា។ ============== នាព្រឹកថ្ងៃអាទិត្យ ១៤រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៤ ខែមិថុនា ឆ្នាំ២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក.) អមដោយ លោកជំទាវ ថៃ សុខផល្លីន ប្រធាននាយកដ្ឋានគ្រប់គ្រងការបោះផ្សាយលក់មូលបត្រនៃ ន.ម.ក. nនិងសហការី បានអញ្ជើញចូលរួមជាគណៈអធិបតីក្នុងពិធិចុះកិច្ចព្រមព្រៀងសហការដៃគូយុទ្ធសាស្រ្តរវាងក្រុមហ៊ុន បេនចារ៉ាន អ៊ែសេច មេនេចម៉ិន (ខេមបូឌា) ម.ក និងក្រុមហ៊ុន ហ្សូ ម៉ូធ័រ (ខេមបូឌា) ឯ.ក។ ការចុះកិច្ចព្រមព្រៀងសហការដៃគូយុទ្ធសាស្រ្តរវាងក្រុមហ៊ុន បេនចារ៉ាន អ៊ែសេច មេនេចម៉ិន (ខេមបូឌា) ម.ក និងក្រុមហ៊ុន ហ្សូ ម៉ូធ័រ (ខេមបូឌា) ឯ.ក ត្រូវបានរៀបចំឡើងក្នុងគោលបំណងជំរុញការអភិវឌ្ឍវិស័យមូលបត្រ ជាពិសេសមូលនិធិនៃគម្រោងវិនិយោគរួម រួមផ្សំនឹងវិស័យសក្តានុពលផ្សេងៗដែលពាក់ព័ន្ធ។ ជាមួយគ្នានេះ ឯកឧត្តមប្រតិភូ ក៏បានចុះទស្សនកិច្ចដល់ក្រុមហ៊ុន ហ្សូ ម៉ូធ័រ (ខេមបូឌា) ឯ.ក ផងដែរ។ https://www.facebook.com/share/p/1CyF4Rdwy2/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា បានអញ្ជើញចូលរួមកិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ ដើម្បិពិនិត្យលើរបាយការណ៍សមិទ្ធកម្មប្រចាំត្រីមាសទី១ ឆ្នាំ២០២៦។ ============== នាព្រឹកថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃនិយ័តករមូលបត្រកម្ពុជា (ន.ម.ក.) អមដោយឯកឧត្តម លេខា វិចិត្រ និងសហការី បានចូលរួមកិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ ដើម្បីពិនិត្យ និងពិភាក្សាលើរបាយការណ៍សមិទ្ធកម្មប្រចាំត្រីមាសទី១ ឆ្នាំ២០២៦ តាមប្រព័ន្ធអនឡាញ (Zoom) ក្រោមការដឹកនាំដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (គ.ហ.ស.)។ កិច្ចប្រជុំនេះ បានប្រព្រឹត្តទៅដោយរលូន និងប្រកបដោយផ្លែផ្កាខ្ពស់ ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រីដែលជាថ្នាក់ដឹកនាំស្ថាប័ន អង្គភាព ក្រោមឱវាទក្រសួងសេដ្ឋកិច្ចនិងហិរញ្ញវត្ថុ។ https://www.facebook.com/share/p/1FS2f4v9fJ/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

[English Below] ====================== និយ័តករមូលបត្រកម្ពុជា នឹងរៀបចំសិក្ខាសាលាផ្សព្វផ្សាយស្ដីពី “ក្រមសីលធម៌វិជ្ជាជីវៈរបស់ក្រុមហ៊ុនគ្រប់គ្រងមូលនិធិ និងភ្នាក់ងារគ្រប់គ្រងមូលនិធិ” ដែលនឹងប្រព្រឹត្តទៅនៅថ្ងៃទី២២ ខែមិថុនា គ.ស.២០២៦ នៅអគារអាជ្ញាធរសេវាហិរញ្ញវត្ថុមិនមែនធនាគារ។ The Securities and Exchange Regulator of Cambodia will organize a workshop on the “Code of Conduct of Fund Management Company and Fund Management Representative” on June 22, 2026, at the Non-Bank Financial Services Authority Building. https://www.facebook.com/share/p/14oHXGoe277/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា បានជួបប្រជុំពិភាក្សាអន្តរស្ថាប័នដើម្បីពិនិត្យបញ្ចប់ការងារពាក់ព័ន្ធនឹងបោះផ្សាយលក់មូលបត្រជាសាធារណៈរបស់ក្រុមហ៊ុន។ ============== យោងតាមស្មារតីកិច្ចប្រជុំក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារលើកទី២៩ អាណត្តិទី១ នាសម័យប្រជុំថ្ងៃទី៩ ខែមិថុនា ឆ្នាំ២០២៦ កន្លងទៅ នាថ្ងៃសុក្រ ១២រោច ខែជេដ្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែមិថុនា ឆ្នាំ២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក.) បានដឹកនាំសហការីជួបប្រជុំពិភាក្សាអន្តរស្ថាប័នដោយមានការចូលរួមដ៏ខ្ពង់ខ្ពស់ពី ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម ឯកឧត្តម ជូ វណ្ណះ អគ្គនាយកនៃនិយ័តករអាជីវកម្មអចលនវត្ថុនិងបញ្ចាំ តំណាងផ្សារមូលបត្រកម្ពុជា ក្រុមហ៊ុនមូលបត្រ កម្ពុ ម.ក និងក្រុមហ៊ុន បុរី វិមានសំណាង ម.ក ដើម្បីពិនិត្យបញ្ចប់ការងារពាក់ព័ន្ធនឹងការបោះផ្សាយលក់មូលបត្រកម្មសិទ្ធិជាសាធារណៈលើកដំបូងរបស់ក្រុមហ៊ុន បុរី វិមានសំណាង ម.ក។ ជាមួយគ្នានេះ ឯកឧត្តម និងសហការីក៏បានជួបពិភាក្សាជាមួយតំណាងសាជីវកម្មធានាឥណទានកម្ពុជាដើម្បីពិនិត្យបញ្ចប់ការងារពាក់ព័ន្ធនឹងការបោះផ្សាយលក់មូលបត្របំណុលជាសាធារណៈរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ផងដែរ។ កិច្ចប្រជុំបានបញ្ចប់ដោយរលូន និងប្រកបដោយផ្លែផ្កា។ https://www.facebook.com/share/p/1C4RNn5ZK8/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក.) បានអញ្ជើញចូលរួមជាគណៈអធិបតីក្នុងកម្មវិធីសម្ពោធជាផ្លូវការ និងអបអរសាទរគម្រប់ខួប ១ ឆ្នាំ នៃដំណើរការរបស់ក្រុមហ៊ុន អេធីអេហ្វអេកស៍ (ខេមបូឌា) ឯ.ក។ ======================= រាជធានីភ្នំពេញ នៅថ្ងៃសៅរ៍ ១៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែមិថុនា គ.ស.២០២៦, ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង សេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ, ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ និយ័តករមូលបត្រកម្ពុជា (ន.ម.ក.) អមដោយ ឯកឧត្តមបណ្ឌិត វិន ភក្តី អគ្គនាយករងនៃ ន.ម.ក. បានដឹកនាំសហការីអញ្ជើញចូលរួមជាគណៈអធិបតីក្នុងកម្មវីធី "សម្ពោធជាផ្លូវការ និងអបអរសាទរគម្រប់ខួប ១ ឆ្នាំ នៃដំណើរការរបស់ក្រុមហ៊ុន អេធីអេហ្វអេកស៍ (ខេមបូឌា) ឯ.ក"។ កម្មវិធីនេះ រៀបចំឡើងក្នុងគោលបំណងប្រកាសជាផ្លូវការនូវវត្តមានរបស់ក្រុមហ៊ុននៅក្នុងទីផ្សារឧបករណ៍និស្សន្ទ ដោយបង្ហាញពីការអនុលោមតាមច្បាប់ និងអាជ្ញាបណ្ណត្រឹមត្រូវ ដែលជាការកសាងទំនុកចិត្តដល់វិនិយោគិន ព្រមទាំងដើម្បីអបអរសាទរនូវសមិទ្ធផលដែលសម្រេចបានក្នុងរយៈពេល ១ ឆ្នាំ កន្លងមក។ ថ្លែងក្នុងសន្ទរកថាក្នុងកម្មវិធី ឯកឧត្តម ស៊ូ សុជាតិ បានលើកឡើងថា “ការអភិវឌ្ឍទីផ្សារឧបករណ៍និស្សន្ទមួយឱ្យមានភាពរឹងមាំ និងប្រកបដោយចីរភាព មិនមែនពឹងផ្អែកតែលើការរីកចម្រើននៃបច្ចេកវិទ្យា ឬការកើនឡើងនៃចំនួនវិនិយោគិន ប៉ុណ្ណោះទេ ប៉ុន្តែត្រូវផ្អែកលើសសរស្តម្ភសំខាន់បីគឺ អនុលោមភាព ធនធានមនុស្សដែលមានគុណភាព និងការបណ្តុះបណ្តាលលើកកម្ពស់សមត្ថភាពជាប្រចាំ”។ https://www.facebook.com/share/p/18nTk9KC7Q/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)

[English Below] ============= តេស្តមូលបត្រប្រចាំសប្តាហ៍ លេខ៦៖ តើអ្វីទៅជាភាគលាភ (Dividend)? សូមចូលរួមសាកល្បងធ្វើតេស្ត និងវាស់ស្ទង់ចំណេះដឹងរបស់អ្នកពាក់ព័ន្ធនឹងវិស័យមូលបត្រទាំងអស់គ្នា! 🔗តាមរយៈតំណភ្ជាប់៖ https://canva.link/4mpp2ymsj06tglt 💬សូមបញ្ចេញមតិខាងក្រោម Weekly Securities Quiz No. 6: What is a Dividend? Join us and test your knowledge of the securities sector! 🔗Click this link to take the quiz: https://canva.link/4mpp2ymsj06tglt 💬Please comment below!

ឯកឧត្តម សៀង ធីរិទ្ធ អគ្គនាយករងនៃនិយ័តករមូលបត្រកម្ពុជា បានអញ្ជើញជាអធិបតីភាពបើកសិក្ខាសាលាស្តីពី “ទីផ្សារមូលធនជំរុញការអភិវឌ្ឍឧស្សាហកម្មផលិតកម្មប្រកបដោយគុណភាពខ្ពស់” នៅតំបន់សេដ្ឋកិច្ចពិសេស ចេជាង ខេត្តកោះកុង។ ============== នាថ្ងៃសុក្រ ១២រោច ខែជេស្ឋ ឆ្នាំមមី អដ្ឋស័ក ព.ស.២៥៧ ត្រូវនឹងថ្ងៃទី១២ ខែមិថុនា គ.ស.២០២៦, ក្រុមហ៊ុន​ ខេមបូឌា ស៊ីឃ្យួរឹធី ម.ក ដោយមានការគាំទ្រពីនិយ័តករមូលបត្រកម្ពុជា (ន.ម.ក.) និងផ្សារមូលបត្រកម្ពុជា បានរៀបចំសិក្ខាសាលាស្តីពី “ទីផ្សារមូលធនជំរុញការអភិវឌ្ឍឧស្សាហកម្មផលិតកម្មប្រកបដោយគុណភាពខ្ពស់” ក្រោមអធិបតីភាពរបស់ឯកឧត្តម សៀង ធីរិទ្ធ អគ្គនាយករងនៃ ន.ម.ក. តំណាងដ៏ខ្ពង់ខ្ពស់របស់ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. អមដោយមន្ត្រីជំនញនៃ ន.ម.ក. និងបុគ្គលិកជំនាញនៃផ្សារមូលបត្រកម្ពុជា។ សិក្ខាសាលានេះត្រូវបានរៀបចំឡើងក្នុងគោលបំណងផ្សព្វផ្សាយ និងបញ្ជ្រាបការយល់ដឹងអំពី ១. ទិដ្ឋភាពទូទៅនៃទីផ្សារមូលធនកម្ពុជា ២. លក្ខខណ្ឌដើម្បីត្រៀមខ្លួនសម្រាប់ការបោះផ្សាយលក់មូលបត្រនាពេលខាងមុខ ៣. ឱកាសក្លាយខ្លួនជាវិនិយោគិនក្នុងទីផ្សារដំបូង និងទីផ្សារបន្ទាប់ ៤. ឱកាសនានាក្នុងការពង្រីក និងអភិវឌ្ឍន៍អាជីវកម្មរបស់ក្រុមហ៊ុន និងសហគ្រាសនៅក្នុងតំបន់សេដ្ឋកិច្ចពិសេសតាមរយៈទីផ្សារមូលធន។ ជាមួយគ្នានេះ ឯកឧត្តម សៀង ធីរិទ្ធ ក៏បានចុះទស្សនកិច្ចក្រុមហ៊ុនសក្ដានុពលមួយចំនួននៅក្នុងតំបន់សេដ្ឋកិច្ចពិសេស ចេជាង ដែលចាប់អារម្មណ៍ពីការបោះផ្សាយលក់មូលបត្រជាសាធារណៈ ផងដែរ។ https://web.facebook.com/share/p/1E6e2m639p/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

លោកជំទាវ ថៃ សុខផល្លីន ប្រធាននាយកដ្ឋានគ្រប់គ្រងការបោះផ្សាយលក់មូលបត្រនៃនិយ័តករមូលបត្រកម្ពុជា (ន.ម.ក.) បានដឹកនាំមន្ត្រីជំនាញចុះត្រួតពិនិត្យដល់ទីកន្លែងរបស់ក្រុមហ៊ុនផេសថិក (ខេមបូឌា) ម.ក”។ ============== ថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. លោកជំទាវ ថៃ សុខផល្លីន ប្រធាននាយកដ្ឋានគ្រប់គ្រងការបោះផ្សាយលក់មូលបត្រនៃនិយ័តករមូលបត្រកម្ពុជា (ន.ម.ក.) បានដឹកនាំមន្ត្រីជំនាញចុះត្រួតពិនិត្យដល់ទីកន្លែងរបស់ក្រុមហ៊ុន ផេសថិក (ខេមបូឌា) ម.ក ដើម្បីត្រួតពិនិត្យលើការប្រតិបត្តិការអាជីវកម្ម និងអភិបាលកិច្ចសាជីវកម្មរបស់ក្រុមហ៊ុន។ https://web.facebook.com/share/p/1CxcYF5iQC/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

នាព្រឹកថ្ងៃសុក្រ ១២រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១២ ខែមិថុនា គ.ស.២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. អមដោយ ឯកឧត្តមបណ្ឌិត វិន ភក្តី អគ្គនាយករងនៃ ន.ម.ក. បានដឹកនាំសហការីទទួលជួបសម្តែងការគួរសមពីលោក LOE LI ប្រធានក្រុមប្រឹក្សាភិបាលនៃក្រុមហ៊ុន អេធីអេហ្វអេកស៍ និងថ្នាក់ដឹកនាំពីក្រុមហ៊ុន អេធីអេហ្វអេកស៍​ (ខេមបូឌា​)​ ឯ.ក ក្នុងគោលដៅដើម្បីស្វែងយល់ និងពិនិត្យមើលឱកាសក្នុងការពង្រីកការវិនិយោគធ្វើអាជីវកម្មបន្ថែមក្នុងវិស័យមូលបត្រនៅប្រទេសកម្ពុជា។ កិច្ចប្រជុំនេះ បានប្រព្រឹត្តទៅដោយរលូន និងប្រកបដោយផ្លែផ្កាខ្ពស់។ https://web.facebook.com/share/p/14gMe67JRuc/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

ក្រោមក្របខ័ណ្ឌនៃកិច្ចព្រមព្រៀងកិច្ចសហប្រតិបតិ្តការដែលបានចុះកាលពីថ្ងៃទី២២ ខែមករា ឆ្នាំ២០២៥ នារសៀលថ្ងៃពុធ ១០ រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែមិថុនា គ.ស.២០២៦ និយ័តករមូលបត្រកម្ពុជា (ន.ម.ក.) សហការជាមួយសាជីវកម្មហិរញ្ញវត្ថុអន្តរជាតិ (IFC) ដោយមានការគាំទ្រពីក្រសួងហិរញ្ញវត្ថុនៃរដ្ឋាភិបាលនៃប្រទេស the Grand Duchy of Luxembourg បានរៀបចំសិក្ខាសាលាកសាងសមត្ថភាពសម្រាប់និយ័តករ ស្តីពី “ការអភិវឌ្ឍទីផ្សារឧបករណ៍និស្សន្ទនៅកម្ពុជា” ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. និងលោកស្រី Jacqueline Kendi Mwiti មន្ត្រីហិរញ្ញវត្ថុ នៃ IFC ដែលបានថ្លែងសុន្ទរកថាបិទក្នុងនាម IFC នៅសណ្ឋាគារ ហៃយ៉ាត់ រីជិនស៊ី ភ្នំពេញ។ សិក្ខាសាលានេះ ត្រូវបានរៀបចំឡើងក្នុងគោលបំណងដើម្បីស្វែងយល់ឱ្យស៊ីជម្រៅអំពីតួនាទីដ៏សំខាន់របស់និយ័តករក្នុងការអភិវឌ្ឍទីផ្សារ និងការជំរុញការអភិវឌ្ឍទីផ្សារតាមរយៈ ការរៀបចំផែនទីបង្ហាញផ្លូវសម្រាប់ការអនុវត្តលើការកែទម្រង់ទីផ្សារឧបករណ៍និស្សន្ទ ស្របតាមទិដ្ឋភាព និងបរិបទនៃប្រទេសកម្ពុជា។ ថ្លែងក្នុងសុន្ទរកថាបើក ឯកឧត្តមប្រតិភូ បានលើកឡើងថា “ខណៈពេលដែលវិស័យហិរញ្ញវត្ថុនៅប្រទេសកម្ពុជាកំពុងមានការរីកចម្រើន ឧបករណ៍និស្សន្ទនឹងដើរតួនាទីយ៉ាងសំខាន់ក្នុងការជំរុញកំណើនសេដ្ឋកិច្ច និងស្ថិរភាព។ សិក្ខាសាលានេះគឺជាឱកាសដ៏ល្អមួយដើម្បីពិភាក្សា និងចែករំលែកចំណេះដឹងក្នុងចំណោម និយ័តករសំខាន់ៗ ដើម្បីរៀបចំផែនទីបង្ហាញផ្លូវ ដាក់ចេញនូវផែនការសកម្មភាពជាក់លាក់ និងអាចអនុវត្តបានសម្រាប់ការកសាងប្រព័ន្ធអេកូឡូស៊ីឧបករណ៍និស្សន្ទដែលសមស្របសម្រាប់ស្ថានភាពទីផ្សារ និងដំណាក់កាលអភិវឌ្ឍន៍របស់ប្រទេសកម្ពុជា”។ ជាមួយគ្នានេះ លោកស្រី Jacqueline Kendi Mwiti មន្ត្រីហិរញ្ញវត្ថុ នៃ IFC បានកត់សម្គាល់ថា៖“ទីផ្សារឧបករណ៍និស្សន្ទមិនអាចអភិវឌ្ឍឡើងដោយឯកឯងបានទេ ដោយហេតុថាការអភិវឌ្ឍទីផ្សារនេះមានទំនាក់ទំនងយ៉ាងជិតស្និទ្ធជាមួយនឹងការអភិវឌ្ឍទីផ្សារផ្សេងៗ ដូចជាទីផ្សាររូបិយវត្ថុ និងទីផ្សារមូលបត្របំណុល។ លោកស្រី ក៏បានបន្ថែមថា ការអភិវឌ្ឍទីផ្សារហិរញ្ញវត្ថុនៅកម្ពុជាត្រូវការកិច្ចសហការយ៉ាងជិតស្និទ្ធរវាងនិយ័តករពាក់ព័ន្ធ និងអ្នកចូលរួមក្នុងទីផ្សារ។ លោកស្រីបានអំពាវនាវឱ្យនិយ័តករពាក់ព័ន្ធទាំងអស់ ធ្វើការសហការគ្នាឱ្យបានជិតស្និទ្ធ ដើម្បីអភិវឌ្ឍទីផ្សារមូលបត្រនៅកម្ពុជាឱ្យមានដំណើរការល្អ។” សិក្ខាសាលានេះមានសមាសភាពចូលរួមពីថ្នាក់ដឹកនាំ និងមន្រ្តី នៃ ន.ម.ក., ក្រសួងយុត្តិធម៌ និងធនាគារជាតិនៃកម្ពុជា សរុបចំនួន ៥៥ រូប។ សិក្ខាសាលានេះ ក៏មានការចូលរួមធ្វើបទបង្ហាញដោយវាគ្មិនកិត្តិយសគឺ លោក Philippe Ahoua ទីប្រឹក្សាជាន់ខ្ពស់ នៃ IFC ផងដែរ៕ https://www.facebook.com/share/p/1c7SzoU8t7/ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 📱​ Website 📱 Telegram (SERC Alert​ ⚠️) 📱 Facebook (ន.ម.ក.) 📱 Facebook (ព្រឹត្តិការណ៍នានា) 📱 LinkedIn 📱 YouTube 📱 X

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក.) បានដឹកនាំសហការី ជួបប្រជុំបូកសរុបការងារ (Wrap-up meeting) ក្រោមក្របខ័ណ្ឌនៃកិច្ចព្រមព្រៀងសហប្រតិបត្តិការរវាង ន.ម.ក. និង សាជីវកម្មហិរញ្ញវត្ថុអន្តរជាតិ (IFC) ជាមួយក្រុមការងារនៃ IFC នៅទីស្តីការ ន.ម.ក.។ ============== នារសៀលថ្ងៃព្រហស្បតិ៍ ១១ រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១ ខែមិថុនា គ.ស.២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. អមដោយឯកឧត្តមបណ្ឌិត វិន ភក្តី អគ្គនាយករងនៃ ន.ម.ក. បានដឹកនាំសហការី ជួបប្រជុំបូកសរុបការងារ (Wrap-up meeting) ជាមួយក្រុមការងារនៃ IFC រួមមាន លោក Philippe Ahoua ទីប្រឹក្សាជាន់ខ្ពស់នៃ IFC និងលោកស្រី Jacqueline Kendi Mwiti មន្រ្តីហិរញ្ញវត្ថុនៃ IFC នៅទីស្ដីការ ន.ម.ក.។ គោលបំណងនៃកិច្ចប្រជុំ គឺដើម្បីពិភាក្សាលើសមិទ្ធផលការងារ ក្រោមក្របខ័ណ្ឌនៃកិច្ចព្រមព្រៀងកិច្ចសហប្រតិបត្តិការរវាង ន.ម.ក. និង IFC ដែលបានចុះកាលពីខែមករា ឆ្នាំ២០២៥ ក្នុងគោលបំណងជួយគាំទ្រ ន.ម.ក. ដើម្បីជំរុញការអភិវឌ្ឍទីផ្សារឧបករណ៍និស្សន្ទនៅកម្ពុជា និងកំណត់ទិសដៅការងារបន្ត។ កិច្ចប្រជុំបានប្រព្រឹត្តទៅដោយរលូន និងប្រកបដោយផ្លែផ្កាខ្ពស់។ https://www.facebook.com/share/p/1DAyFCxL7R/?mibextid=wwXIfr ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)