مامۆستا عبدالخالق ڕۆناکی

​جێگەی داخ و ئەسەفێکی زۆرە کە دەبینین لەم وڵاتەدا پێوەرەکان تێکچوون، لەبری ئەوەی بودجە و گرنگی و پێگە بدرێت بە زانایان و ئەندازیارە دڵسۆزەکان و توێژەران و خزمەتگوزاریی ژێرخانی شارەکان؛ کەچی دەبینین دەرگای خەزێنە و میدیا و دیوەخانەکان کراوەتەوە بۆ کۆمەڵێک کچە مۆدێل و نمایشکار کە هیچ بەهایەکی ئەخلاقی و زانستییان پێ نییە، یان گرنگی دەدرێت بە کۆمەڵێک کەس بەناو سیاسەتمەدار و بەناو ئەدیب و نووسەر کە تەنها کاریان چەپڵەلێدان و پەردەپۆشکردنی کەموکوڕییەکان و تێکدانی بەها کۆمەڵایەتی و ئایینییەکانی ئەم میللەتەیە،،!! ​ئیمامی مالیک (ڕەحمەتی خودای لێ بێت) دەربارەی گەڕانەوە بۆ پێوەرە ڕاستەکان دەفەرموێت: ​«لَا يَصْلُحُ آخِرُ هَذِهِ الْأُمَّةِ إِلَّا بِمَا صَلَحَ بهِ أَوَّلُهَا». واتە/ کۆتایی ئەم ئوممەتە چاک نابێت ئیللا بەو شتە نەبێت کە سەرەتاکەی پێ چاک بوو؛ ئەویش بریتییە لە دین و ئەخلاق و دادپەروەری و سپاردنی کارەکان بە کەسانی شیاو و دەستپاک، نەک سەرقاڵکردنی گەنجان و کۆمەڵگا بە شتی بێمانا و ڕووکەش. ​٥) پاراستنی ژینگە و هۆشیاریی هاووڵاتیان و گەڕانەوە بۆ لای خودا: ​وانەیەکی تر بۆ هەموو تاکێکمان، پاراستنی پاکوخاوێنیی شار و ژینگەیە. فڕێدانی پاشماوە و زبڵ و خاشاک لەسەر شەقامەکان و ناو مەنهۆڵ و ئاوەڕۆکان، دەبێتە هۆی گیرانیان و لە کاتی بارانباریندا کارەساتی لێ دەکەوێتەوە. ​ئیبن قەیم (ڕەحمەتی خودای لێ بێت) سەبارەت بە سوودی پەندوەرگرتن لە ناخۆشییەکان دەفەرموێت: ​«لَوْلَا مِحَنُ الدُّنْيَا وَمَصَائِبُهَا لَأَصَابَ الْعَبْدَ مِنْ أَدْوَاءِ الْكِبْرِ وَالْعُجْبِ وَالْفَرْعَنَةِ وَقَسْوَةِ الْقَلْبِ مَا هُوَ سَبَبُ هَلَاكِهِ». واتە/ ئەگەر ناخۆشی و بەڵاکانی دونیا نەبوونایە، مرۆڤ تووشی نەخۆشییەکانی لووتبەرزی، لەخۆباییبوون، فیرعەونییەت و دڵڕەقی دەبوو، کە هۆکاری لەناوچوونین. 🔺 ​خوشکان و برایانی خۆشەویستم: ​با هەموومان لەم ڕووداوە فێربین کە پەیوەندیمان لەگەڵ خودای گەورە پتەوتر بکەین، دەسەڵاتداران بەخۆیاندا بچنەوە و واز لە گرنگیدان بە ڕووکەش و بێبەهایی بهێنن، و خەمی ڕاستەقینەی سەلامەتیی ئەم خەڵکە هەژار و ماندووە بخۆن. 🤲 ​خودایە... لێمان خۆشبە و ڕەحممان پێ بکە. ئەوانەی لەم لافاوەدا گیانیان لەدەستداوە بە شەهید وەرینبگرە و پلەیان بەرز بکەرەوە، سەبووری و ئارامیش ببەخشە بە کەسوکاریان. قەرەبووی خێری هەموو ئەو کەسانە بکەرەوە کە زیانیان بەرکەوتووە. 🤲 خودایە دەسەڵاتداران هیدایەت بدە بۆ حەق و دادپەروەری، و ووڵات و شارەکانمان لە هەموو بەڵا و کارەسات و فیتنەیەک بپارێزە. ✍️ م.عبدالخالق ڕۆناکی.