مامۆستا عبدالخالق ڕۆناکی

دوورکەوە لە گوناح، دوورکەوە لە ستەم، دوورکەوە لە سەرپێچی. گوناح و ستەم گەورەترین کۆت و قوفڵێکە دەخرێتە سەر دەرگای تەوفیق و سەر دەرگای ڕزق و ڕۆزی. بۆیە نەکەی بە مەعسیەت، بە تاوان، بە سەرپێچی، دەرگاکانی ڕەحمەتی خوای گەورە سبحانە و تعالی بەڕووی خۆتدا قەپات بکەیت. پێغەمبەر دەفەرموێ ﷺ (ما نزل بلاء إلا بمعصية ولا رفع إلا بتوبة). بەخوا هەر بەڵا و موسیبەتێک هاتە سەر تۆ و خێزان و ئوممەت و میللەت، هۆکارەکەی ئیللا گوناح و تاوان و سەرپێچییە. خوای گەورە ئەو بەڵا و ناخۆشییە هەڵناگرێت هەتا تەوبە نەکەی و نەگەڕێیتەوە. خۆشەویست دەفەرموێ (ألا أدلكم على دائكم ودوائكم؟). ئەرێ ئوممەت و میللەت، پێتان نەڵێم دەردتان لە کوێیە و دەرمانتان لە کوێیە؟ دەستنیشانکردن زۆر گرنگە. کەسێک نەخۆشە کە دەچێتە لای دکتۆر، هەتا نەخۆشییەکەی دەستنیشان نەکەن، چارەسەرەکەی قورسە. چەند کەس هەبووە نەخۆش بووە، بە هەڵە دەرمانیان داوەتێ. دەستنیشانکرن زۆر گرنگە. پێغەمبەر دەفەرموێ ﷺ پێتان نەڵێم ئەی ئوممەت و میللەت، دەردتان لە کوێیە و دەرمانتان لە کوێیە؟ فەرمووی بەڵێ وەڵڵا. فەرمووی (ألا إن داءكم الذنوب ودواءكم الاستغفار). دەردی ئێوە، عیللەتی ئێوە تەنها و تەنها گوناهە، سەرپێچییە. دەرمانەکەشی ئیللا ئەوەیە کە بگەڕێنەوە بۆ لای خوای گەورە. دەی تەوبەی بکە، دەی پەشیمان ببەوە، دەی ئیستیغفار بکە. پێت شەرمە؟ چەند کەس هەبووە قسەیەکی کردووە پێیان کردۆتە ڕادیۆ، پەشیمانیان کردووەتەوە. ئەی باشە بۆ بۆ خوای گەورە پەشیمان نابیتەوە لەو هەموو تاوان و گوناه و سەرپێچی و کەمتەرخەمی و قوسوورییەت؟ پێت عەیبە؟ پێت شەرمە؟ ئێ دە هەر بچوک دەبیتەوە ئەوها. بۆیە با داوای لێبووردن لە الله بکەین سبحانە و تعالی و پێمان شەرم نەبێت پەشیمانبوونی خۆمان دەرببڕین، چونکە ئەوە کلیلی ئەو قوفڵە دەشکێنێت کە لەو دەرگایە دراوە و لە ڕووت داخراوە. ​"لە وتارێکی بەڕێز مامۆستا عەبدولخالق ڕۆناکی-یەوە."