مامۆستا عبدالخالق ڕۆناکی

ئیسلام هاوسەرگیری پێیە، بەڵام ئەو چی پێیه زینای پێیە. توخوا هاوسەرگیری باشتره یان زینا؟ ئیسلام مامەڵەی حەڵاڵی پێیە، ئەو ڕیبای پێیە. توخوا مامەڵەی شەرعی باشتره یان ڕیبا باشترە؟ کامەیان باشترە؟ ئیسلام برایەتی پێیە، کاکە ئەویش دوژمنداری پێیە. هەمووی کردووەتە دوژمنی یەکتر. توخوا ئیسلام باشترە یان غەیری ئیسلام؟ ئیسلام ڕەحمەتە، ڕەحمەت. ئەو زەحمەتی پێیە، کاکە. بۆیە هەموو لایەکمان ئومێدەوارم، ئومێدەوارم هەموومان، هەرکەس لە ڕاستەخۆمان وەک خوای گەورە لێمان داوا دەکات و دەفەرموێت: ﴿وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ﴾ [النور: 31]. خوای گەورە داوامان لێ دەکات هەموومان تۆبە بکەین، هەموومان بگەڕێینەوە ئەگەر ئیماندارین. ئەگەر ئیماندار نیت کەیفی خۆتە، بەڵام مادەم خۆت بە ئیماندار دەزانیت، هەموومان تۆبە بکەین. بە دەسەڵات و بێ دەسەڵات، بە پیاو و ئافرەت، بە کچ و کوڕ، لە هەر ئاست و مستەوایەکیت، لە هەر شوێنێکیت، دەست لە زوڵم هەڵگرە ، دەست لە خراپە هەڵگرە، دەست لە تاوان هەڵگرە. دەستەکەت بکە دەستی خێر، مەکە دەستی شەڕ. بیکە دەستێک وەبەرهێنان بکه، نەک دەست بی بۆ قووتی خەڵکی ببا، دەست بۆ گیرفانی خەڵکی ببا، دەست بۆ دەرمانی خەڵکی ببا، دەست بۆ هەموو شتێکی خەڵکی ببا ئومێدەوارم خوای گەورە دەرگا و دەرووی خێرمان لێ بکاتەوە. ​"لە وتارێکی بەڕێز مامۆستا عەبدولخالق ڕۆناکی-یەوە."