📚 کتاب گزینگ 📚

پێدەچێ خودای ئاهەنگ و هەڵپەڕکێ، یەکێک لە بنکە سەرەکیەکانی لەم شارە دامەزراندبێ، خەڵکی ئەم شارە لە کارەساتی گەورەشدا دەرفەتێک هەر دەدۆزنەوە هەڵپەڕن، لە دوای شین بێت یاخوود لەخۆشیدا، لە نیشتیمان بن یاخوود لە غەریبی، هەمیشە ئەوان شوێنێک دەدۆزنەوە بۆ ئەوەی دەستبگرن و هەڵپەڕن... وەک ئەوەی ئەو جووڵە نەرمە، ئەو دەسگرتنە بازنەییە، ئەو پێکەوە نوسانە توندەی لە هیچ سەمایەکی‌تری دونیادا نییە، تاکە شتێک بێت مرۆڤی ئێمە لە ترس و تەنهایی قووڵی خۆی ڕزگار بکات و توند بەوانی دیکەوە گرێیبدات. وەک ئەوەی ئەو پێکەوە قفڵبوونەی سەماکەرەکان تەنیا تەعبیرێک بێت لە ڕۆحێکی دەستەجەمعی کە بە کاریگەری شەڕ و هەلاهەلابوونی سیاسی هێدی هێدی بەرەو ئاوابوونێکی هەمیشەیی دەڕوات. ✍🏻 بەختیار_عەلی