إيمــــــــان رمضـــــــــان Speech therapist "Əmän Ramadan"

اتفضلوا لينك الكورس مع صورة شرح التسجيل 👇🏻 https://training.soarautismcenter.com/courses/esdm-focused-rbt-training-program/

لأول مرة معانا كورس مجاني قوي جدًا عن الـ DENVER MODEL! لو أنت فني تحليل سلوك ,RBT,ABAT,IBT، أخصائي ABA، أو بتشتغل في التدخل المبكر مع أطفال التوحد، فالكورس ده يستحق إنك تبدأ فيه. 👌 🎓 ESDM-Focused RBT Training Program مقدم مجانًا من Soar Autism Center⁠ الكورس مدته 40 ساعة كاملة، Online ومجاني 100%، وبيعلمك إزاي تستخدم مبادئ Early Start Denver Model (ESDM) جنب مبادئ الـABA في تعليم الأطفال من خلال اللعب، التفاعل والأنشطة والروتين اليومي 💪✅ ده جزء بسيط من اللى هتتعلمه الكورس :👇🏻 • أساسيات الـESDM والـNDBIs ودور الـRBT. • بناء العلاقة والـEngagement واللعب المشترك مع الطفل. • Instructional Techniques وPivotal Skills. • التواصل والتفاعل الاجتماعي والمهارات اليومية والتعميم. • Data Collection وPreference & Functional Assessments. • التعامل مع Challenging Behavior واستخدام Antecedent & Consequence Strategies. • Ethics، Documentation والتعامل مع الأسرة. والمحتوى كبير جدًا: 39 Module، وفيه فيديوهات + Quizzes ولازم تنجح في الاختبارات علشان تكمل. وفيه Certificate of Completion شهادة بعد إتمام التدريب بالكامل 🎓 ⚠️ مهم جدًا: الكورس لازم يتم على مدة لا تقل عن 5 أيام ويتم الانتهاء منه خلال 180 يومًا. لو اللغة الإنجليزية عندك مقبولة .. هتلاقى لينك الكورس في اول تعليق و ما تنساش الشير للحبايب 💚 اللينك و صورة شرح خطوات التسجيل سريع و سهل في اول تعليق 👇🏻

ده لينك تحميل الكتاب من جوجل درايف 👇🏻 https://drive.google.com/file/d/1yfNom1593gBe8UV5psLuRR9jKNmfKz4e/view?usp=drivesdk

أنا عارف إنك زعلان شوية من امبارح ومش طايق تسمع حتى كلمة ABA 💔 بس لو بتحبني اقبل مني الهدية البسيطة دي… يمكن تصالحك و تغير مودك وتخليك ترجع كل يوم تقرأ كام صفحة وتطلع بحاجة جديدة تستخدمها فعلًا في شغلك مع أولادنا 💚 الهدية النهاردة كتاب عربي محترم جدًا: الدليل العملي في تحليل السلوك التطبيقي للأفراد ذوي الاضطرابات النمائية والتوحد A Practical Guide in Applied Behavior Analysis والجميل فيه إنه مش مجرد كلام نظري… الكتاب داخل معاك في حاجات بتقابلها تقريبًا كل يوم في الجلسة. هتلاقي في الكتاب الكنز ده:👇🏻 ✅ مقدمة عن اضطراب طيف التوحد ومعايير التشخيص ✅ مبادئ وأساسيات تحليل السلوك التطبيقي ABA ✅ السلوك الإجرائي والإشراط الكلاسيكي ✅ تعريف السلوك إجرائيًا بطريقة قابلة للقياس ✅ طرق القياس وجمع البيانات والرسوم البيانية ✅ تقييم المفضلات والمعززات بأنواعه المختلفة ✅ المشكلات السلوكية والسلوكيات التحدّية ✅ التقييم الوظيفي للسلوك FBA ✅ الإجراءات القبلية والوقائية Antecedent Strategies ✅ إدارة المثير التمييزي SD ✅ العمليات المحفزة MO ✅ الإجراءات البعدية والتعامل مع عواقب السلوك ✅ التعزيز التفاضلي ✅ العقاب ومبادئ استخدامه ✅ الاقتصاد الرمزي Token Economy ✅ خطوات عملية للتعامل مع السلوكيات ✅ تقييم المهارات اللفظية وغير اللفظية ✅ تصميم خطط اكتساب المهارات ✅ جداول التعزيز والعوامل المؤثرة في فعاليته ✅ مبدأ بريماك Premack Principle ✅ التلقين Prompting وكيفية إخفائه تدريجيًا ✅ التدريب على التمييز ✅ التمييز المتزامن والمتتابع ✅ نقل ضبط المثير ✅ التدريب بالمحاولات المنفصلة DTT ✅ التدريب في البيئة الطبيعية NET ✅ التعليم بدون أخطاء Errorless Learning ✅ تصحيح الخطأ Error Correction ✅ تحليل المهام Task Analysis ✅ التسلسل Chaining ✅ التشكيل Shaping ✅ التعميم والاستدامة والمحافظة على المهارات ✅ تقييم الاستجابة واستمرار الأداء ✅ أدوات ونماذج عملية في نهاية الكتاب يعني باختصار… ده من الكتب اللي ما أنصحكش تنزله وتحطه وسط 300 ملف PDF وتنساه 😄 نزّله… واختار كل يوم موضوع واحد بس. اقرأ 5 أو 10 صفحات، وقارن اللي بتقرأه باللي إنت بتعمله فعلًا مع حمادة وميادة داخل الجلسة. اللينك في اول تعليق و ما تنساش تعمل شير علشان البوست يوصل لكل الحبايب 🤍

اتفضلوا لينك الكورس المجانى 👇🏻 https://moodle.tasnatbs.org/login/index.php و صورة طريقة التسجيل أهى 👇🏻

أنا بحبك ❤️ هتقولى الحب عمره ما كان بالكلام.. هقولك أتفضل يا سيدى الهدية البسيطة دى علشان أثبتلك حبى ليك ياكش بقى تدعيلي دعوة حلوة من قلبك 💚 جايب ليك هدية بسيطة ( كورس مجانى) قوى و منظم و هيساعد ترتب دماغك و تثق في نفسك و شغلك يحلو كل يوم .. حتى لو انت لسة مخلص دراسة كورس ال ABAT💪💚 الكورس اسمه Instructional Strategies ومقدم من TASN – Autism and Tertiary Behavior Supports، والمحتوى تفاعلي جدًا: شرح + أنشطة + Pre-tests + تطبيقات وأسئلة، و اوعى تنهض لما تشوف القطر بيزمر و بيتحرك و يعمل حركات في الأنشطة 😄 والجميل إن المحتوى كبير فعلًا؛ الـ3 وحدات تعليمية الظاهرين في الكورس وقتهم التقريبي مع بعض حوالي 19.5 ساعة. هتراجع وتتعلم حاجات مهمة جدًا زي 👇🏻 ✅ What is ABA? وأبعاد ومفاهيم الـABA ✅ Measurement وجمع البيانات ✅ Antecedent-Based Interventions ✅ Reinforcement والـToken Economy وSchedules of Reinforcement ✅ Assessment وPreference Assessments ✅ DTT وNaturalistic Teaching ✅ Skill Acquisition Plans ✅ Verbal Behavior ✅ Generalization and Maintenance ✅ Prompting وPrompt Fading وStimulus Control Transfer ✅ Task Analysis وChaining ✅ Shaping وDiscrimination Training ✅ Most-to-Least وLeast-to-Most Prompting ✅ Time Delay وSimultaneous Prompting وStimulus Fading ✅ ABC Data Collection ✅ تحديد الـTarget Behavior والـFunction of Behavior ✅ FBA ومكونات الـBehavior Plan ✅ Differential Reinforcement وExtinction ✅ Crisis and Emergency Procedures ✅ De-escalation وفيه كمان Handouts وGuided Notes وStudy Materials وTraining Practice Cards تقدر تستخدمهم أثناء الدراسة. يعني باختصار… حتى لو إنت مخلص ABAT قريب، ما تقولش: أنا عارف الكلام ده. المراجعة بطريقة مختلفة وتفاعلية ساعات هي اللي بتربط المعلومات ببعض وتخليك فاهم إنت بتعمل إيه وليه، مش مجرد حافظ شوية مصطلحات. الكورس باللغة الإنجليزية .. وأنت خلاص عرفت الطريقة ازاى تترجمه للعربى و تستفيد منه و تبطل تقول لا لا أنا هستنى أشوف كورس بالعربى! الترجمة بالذكاء الاصطناعى سهلة و مجانية ومالكم حجة! هتلاقي صورة طريقة التسجل في الكورس بطريقة سهلة جدا🤝 لينك الكورس في اول تعليق.. بس مشكور ما عليك أمر اعمل لايك و تعليق و شير علشان المحتوى يوصل لكل الزملاء و شكرا 🤍

لينك المصدر: 👇🏻 https://www.autism.org.uk/what-we-do/news/autism-is-genetic

صباح الخير… لو لسه صاحي ومش متابع آخر الأخبار العالمية الخاصة بالتوحد، فاتفضل يا سيدي شوف إيه اللي فاتك 👇 الـ National Autistic Society نزلت تحديث مهم جدًا، بتقولك ان ( التوحد خلاص سببه جينى) ايوة هما قاله كده Autism is genetic. والجمعية بتقول إن لفترة طويلة كانوا بيقولوا إن ده مرجّح، لكن بعد مراجعة الأدلة الحديثة وذات الصلة، بيقولوا دلوقتي بشكل قاطع إن التوحد جيني. طب قبل ما ناخد الجملة نجري بيها ونفتي 😂 تعالى نفهم هما قالوا إيه بالظبط… معظم الأشخاص ذوي التوحد، عندهم التوحد بسبب جينات حصلوا عليها من الأب والأم، وده بيساعد في تفسير ليه التوحد ممكن يتكرر داخل العائلات. بس خد بالك بقى من الحتة المهمة: ❌ مفيش جين واحد اسمه Autism Gene. الموضوع أعقد بكتير من كده، وفيه عدد كبير جدًا من الجينات بيلعب دور، والعلماء عرفوا بالفعل جينات كتير مرتبطة بالتوحد ولسه فيه أكتر محتاجين يكتشفوه. والأهم… ❌ مفيش Genetic Test بسيط تروح تعمله لحمادة ويطلعلك في النتيجة: Positive Autism 😅 الجمعية نفسها بتقول إننا لسه مش فاهمين بشكل كامل إزاي الجينات المختلفة بتتفاعل، وبالتالي مفيش اختبار جيني بسيط يقدر يشخّص التوحد بالشكل ده. طيب الخبر ده مهم ليه؟ علشان يمكن أخيرًا نخف شوية عن أم حمادة ونبطل نحطها كل يوم في قفص الاتهام! “أصل سيبتيه على الموبايل كتير.” “أصل الآيباد هو السبب.” “أصل ما اتكلمتيش معاه وهو صغير.” “أصل دلعتيه.” “أصل طريقة تربيتك غلط.” لا يا سيدي… الموضوع مش كده. والـNational Autistic Society بتقول جملة تانية واضحة جدًا: You’re born autistic and you’re autistic for life. أنت تُولد متوحدًا وتظل متوحدًا طوال حياتك. وده مش معناه إن التعلم والتدخل والدعم مش بيعملوا فرق… بالعكس، إحنا شغلنا كله قائم على إن الشخص يقدر يتعلم ويطور مهاراته ويزيد استقلاله وجودة حياته. لكن يمكن بدل ما نقضي عمرنا بنسأل: مين السبب في توحد حمادة؟ نسأل سؤال أهم بكتير: إحنا نقدر نعمل إيه النهارده علشان حياة حمادة تبقى أفضل؟ يتواصل أحسن… يتعلم مهارات أكتر… يبقى أكثر استقلالية… يشارك في المدرسة والمجتمع… ويحصل على الدعم المناسب لاحتياجاته. والبحث العلمي في أسباب التوحد طبعًا مستمر، ولسه فيه تفاصيل كتير العلم بيحاول يفهمها. وقولي بقى… إيه أغرب “سبب للتوحد” سمعته خلال شغلك؟ حطيت ليك لينك المصدر في اول تعليق لو حبيت تقرأ و تشوف احنا راحين على فين 👇🏻

السلام عليكم فى البوست دا نسخة 2010 PDF من كتاب دكتور جاد البحيرى (تدريس الطلاب المعسرين قرائيا ) مرة اخرى استئذنت الدكتور انه ينزل PDF واستفدت من التواصل والاحترام للمؤلف وتقدير جهده العلمى وكرمه ان عرفت ان فى نسخة حديثة منقحة ومزيدة من نفس الكتاب فيها اضافات مميزة تقدروا تشتروها هاحط لكم الروابط رابط النسخة القديمة PDF 2010 https://drive.google.com/drive/folders/1OycoqWAZ0TItg6nBnCf0uXjRM9SrzUef?usp=sharing لو انت حابب تحصل على النسخة الحديثة المميزة جدا والمحدثه من نفس الكتاب مع اضافات مميزة تقدر تطلبها من الموقع الالكترونى للدكتور جاد وتوصلك فى القاهرة رابط الطلب https://shop.gecegypt.com/ لو واجهت صعوبة فى الوصول للكتاب وطريقة شرائه تقدر تتواصل عن طريق الرقم الاتى تلفونيا عشان تعرف ازاى تشترى الكتاب العنوان: المبنى الطبى -ش 36-الحى الاول -المنطقة الرابعة- التجمع الخامس -القاهرة الجديدة- مصر رقم التلفون : 00201147574757

وش الطفل مش عجينة نفضل نعجن فيها! في الصورة بنشوف مجموعة من عضلات الوجه، وفهمنا للعضلات دي مهم جدًا في شغلنا مع الأطفال، خصوصًا في بعض حالات صعوبات النطق، الحركة الفموية، تعابير الوجه، الإيماءات، وحالات العصب السابع. لكن خد بالك مش كل طفل عنده صعوبة في حركة الشفايف محتاج «تدليك وخلاص». لأن كل حركة في الوجه وراها عضلات + أعصاب + تخطيط وتنفيذ حركي. يعني لو الطفل مش قادر يعمل وضع الابتسامة، أو يضم شفايفه، أو ينفذ حركة معينة مرتبطة بإنتاج صوت… لازم أسأل الأول: إيه الحركة اللي مش قادر يعملها؟ مين العضلات المسؤولة عنها؟ والمشكلة في العضلة نفسها ولا في التحكم العصبي أو التخطيط الحركي؟ ومن أهم عضلات الـ Oral Group: 🔹 Orbicularis oris → إغلاق وتشكيل الشفاه، والضم والصفير. 🔹 Buccinator → ضغط الخد والمساعدة في التحكم في الطعام داخل الفم. 🔹 Risorius → سحب زاوية الفم للخارج والمشاركة في بعض تعبيرات الابتسام. وعشان كده… بلاش نمسك وش الطفل وندعك شمال ويمين لمجرد إننا «بنقوي العضلات». التدخل الصح يبدأ من فهم المشكلة وتحديد الحركة والهدف، وبعدها نختار الطريقة المناسبة. حدد المشكلة… افهم الميكانيزم… وبعدها اتدخل. لأن في شغلنا مش المهم نحرك العضلة… المهم نعرف ليه الحركة مش بتحصل أصلًا. #eHaBaMeR #Apraxia #FacialMuscles #OralMotor #SpeechAndLanguage Ehab amer