بيت العافية 🇩🇿

🌞 دليل عولة شهر جويلية: إذا فاتك جويلية وما حضرتيش عولتك، راكي ضيعتي فرصة كبيرة. هذا هو الشهر لي تعمر فيه الأسواق بالخيرات، والطماطم تولي حمرا ومليحة، والفلفل يكثر، والفواكه تكون في عزها، والأسعار تكون أرخص من باقي العام. في دار العولة الصحية ديما نقولو: العولة ماشي نهار، العولة موسم. والمرأة الشاطرة تعرف تستغل كل موسم في وقته. في جويلية، أول حاجة نبداو بيها هي الطماطم. نصبروها كاملة، نديرو منها صلصة البيتزا، ورب الطماطم، والهريسة، وحتى السلطة المشوية والفلفل المشوي في زيت الزيتون. وإذا لقينا الذرة طازجة، هذا هو وقتها باش نصبروها ونخليوها واجدة للسلاطات والأكلات طول العام. ومن بعد يجي دور التجفيف. الطماطم المجففة، الفلفل الحلو والحار، الثوم والبصل... شمس جويلية قوية، وهي أحسن مساعد لكل امرأة تحب تدير عولة صحية بلا مواد حافظة. وما ننساوش المخللات. الخيار والفلفل الحار في هذا الوقت يعطيو أفضل نتيجة، وبعد أسابيع قليلة تلقايهم واجدين فوق كل مائدة. أما الفواكه، فهذا موسم المشمش والخوخ والبرقوق. نديرو منهم مربى طبيعي وكومبوت بنكهة الصيف، ونستمتعو بيهم حتى في عز الشتاء. وزيد هذا هو الوقت المناسب لتجفيف الفلفل الأحمر باش نطحنوه ونحضرو بهاراتنا المنزلية، ومعاه الأعشاب العطرية لي نعطرو بيها ماكلتنا طول السنة. العولة ماشي غير مرطبانات فوق الرفوف... العولة هي راحة بال. هي كي يجي الشتاء تلقاي كلش واجد قدامك، بلا غلا، بلا استعجال، وبطعم تعرفي مليح منين جا وكيفاش تحضر. استغلي جويلية قبل ما يفوت... خاطر الموسم إذا راح، ما يرجعش حتى لعام آخر.

العولة تعطي راحة نفسية تخيلي يهبط المطر أيام، أو تمرضي، أو يكون عندك ضيوف فجأة... وتفتحي خزانتك تلقاي كل شيء حاضر. هذي هي راحة البال لي تعطيها العولة. ماشي مجرد قوارير ومرطبانات... بل إحساس بالأمان والاستعداد لكل الظروف.

ما يكفيش تخزني. لازم تعرفي واش عندك، وواش نقص، وشنو لازم يستهلك قبل. دار مرتبة تعني عولة ناجحة. أما التخزين العشوائي، يخلي بزاف مواد تفسد قبل ما تستعمليها.

كي تديري العولة، راكي ما تحبسيش غير المصروف. راكي تحمي ميزانية دارك. وقت يرتفع سعر الطماطم، تكوني مرتاحة. وقت يغلى الثوم ولا الفلفل، يكون كلش حاضر عندك. كل قارورة في الرف هي مبلغ من المال وفرتيه في وقته.

موسم عندو رزقو. المرأة المنظمة تستغل كل موسم قبل ما يفوت. الصيف للطماطم، الفلفل، والتجفيف. الخريف للزيتون والرمان. الربيع للأعشاب الطبية. والشتاء وقت الاستفادة من كل التعب لي درتيه. اللي تضيع الموسم، غالبًا تخلص الثمن مضاعف بعد أشهر.

العولة حسن تدبير. تعرفي وقتاش تشري، وقتاش تجففي، ووقتاش تخزني. لي منظمة تلقى دارها معمرة بالخيرات في كل وقت بأقل مصروف.

بارك الله في كل اخت هنأتني بالمولود الجديد راح نعلن عن التفاصيل لاحقا مازلنا مع الطباعة

السلام عليكم للاسف ولا إجابة صحيحة هذا هو اسم الكتاب

رابط قناة المتجر على التلغرام https://t.me/awla30

مقولة" المعدة بيت الداء" ليست بحديث نبوي، وإنما قالها الطبيب العربي الحارث بن كلدة وقد ثبت صحتها قديماً وحديثاً، فأغلب أمراض الجسد تبدأ من المعدة لذا فإن وقاية معدتك والحفاظ عليها، هي وقاية لباقي ومُختلف أعضاء جسدك، بإذن الله

إن لم يكن جسدك وصحتك إحدى أولويات حياتك التي تبذل لها وقتًا وجهدًا، فترتيبك لأولوياتك مغلوط. لجسدك حق، وللعناية بة سعادة ورضا 👌

إذا كنت تعاني من مرض مزمن ولم يسألك طبيبك عن غذائك ونومك ونمط حياتك وصحة امعائك و تعاملك مع الضغوط وعلاقات الاجتماعية،،، فابحث عن طبيب آخر🧭 #بيت_العافية #ام_تسنيم

اذا جيت تشرب ماء كبر العلبة او الكاس قدر المستطاع واذا جيت تشرب مشروبات أخرى خذ اصغر حجم موجود مثل الفنجان الأصغر و الكأس الأصغر

على الاقل حاول ان تزرع نوع او اثنين من الخضر في حديقة البيت او على السطح او على الشرفة والبلكونات .وقلل مصاريف بيتك واستهلك خضر طازجة من انتاجك .واستمتع بالزراعة