Debtera Media

🕊 [ ርኅሩኁና የይቅርታ መልአክ ] የርኅራኄ መዝገብ፣ ትሑት፣ ታዛዥና ለዘለዓለም ፈጣሪውን አመስጋኝ ሊቀ መላእክት ቅዱስ ሚካኤል ጌታ በሚያደርገው ቸርነት ላይ ለሰው አንድ ወገን የሚሆን መልአክ ነው፡፡ [ሄኖ.፮፥፭ ፣ ፲፪፥፭ ፣ ፲፥፲፪] ⇨ Michael, one of the Holy Angels, namely the one put in charge of the best part of humankind, in charge of the nation. [ሔኖ ፮፥፭] ⇨ This first is Michael, the merciful and long-suffering without an urge to harm. [ሔኖ ፲፥፲፪] አምላካችን እግዚአብሔርን የሚፈሩትን እንደ አጥር ሆኖ የሚጠብቃቸው፣ የመልእክት አለቃቸው፣ ምሕረት ማድረግን የተሰጠው፣ የክብር አክሊልን የተቀዳጀ፣ በግርማው የተፈራ፣ የቅዱሳን ወዳጅ፣ የኃጥአን የምሕረት አማላጅ፣ በብርሃን መጎናጸፍያ የሚጎናጽፍ፣ ከክብሩ ብርሃን የተነሣ ምድርን በብርሃን የሚሞላት፣ የቅዱሳንን ጸሎት ከዕጣኑ ጢስ ጋር ወደ እግዚአብሔር የሚያሳርግ፣ በትንሣኤ ዘጉባኤ የመለከት ድምጽ የሚያሰማ፣ በሰማይ ካሉ ሁሉ በላይ በማዕረግ የከበረ፣ ድንቅ ተአምራትን የሚያደርግ ቅዱስ ሚካኤል በዚህ ቀን ያደረገውን ነገር እወቁ ! ፩. በመላእክት ሁሉ ላይ አለቃ ሆኖ መሾሙን ፪. ቅድስት አፎምያን መርዳቱን ፫. ቅዳሴ ቤቱን [ግብፅ ውስጥ] ፬. ቅዱስ ባሕራንን መጎብኘቱን ፭. ቅዱስ ላሊበላን ወደ ሰማያት ማሳረጉን ፮. ለፍጥረታት ሁሉ ምሕረት የሚጠይቅበት ዕለት ነውና † ሊቀ መላእክት በክንፈ ረድኤቱ ከክፉ ሁሉ ይጠብቀን::                            †††                ✟𝐎𝐑𝐓𝐇𝐎𝐃𝐎𝐗Y✟ 🕊                         💖                        🕊

🕊 [ እንኳን ለሊቀ መላእክት ቅዱስ ሚካኤል እና ለቅዱሳኑ ዓመታዊ በዓል በሰላም አደረሳችሁ ፣ አደረሰን። ] † በስመ አብ ወወልድ ወመንፈስ ቅዱስ አሐዱ አምላክ አሜን! † 🕊 በዚህች ቀን ሊቀ መላእክት ቅዱስ ሚካኤልን ጨምሮ ቅዱስ ላሊበላ: ቅድስት አፎምያና ቅዱስ ባሕራን ቀሲስ ይከበራሉ:: 💖 🕊 † ቅዱስ ሚካኤል ሊቀ መላእክት †  🕊 ቅዱስ ሚካኤል በጥንተ ተፈጥሮ በኢዮር: ኃይላት በተባሉት ነገደ መላእክት ተሹሞ ነበር:: ሳጥናኤል በካደ ጊዜ እግዚአብሔር ባወቀ : አንድም በትሕትናውና ደግነቱ በ፺፱ኙ ነገደ መላእክት ላይ ሁሉ ተሹሟል:: ከፍጥረት ወገን ከእመቤታችን ቀጥሎ የቅዱስ ሚካኤልን ያሕል ክብርና ርሕሩሕ የለም:: በምልጃውም: በረዳትነቱም የታወቀ መልአክ ነው:: መጽሐፍ "መልአከ ምክሩ ለእግዚአብሔር" ይለዋል:: "ወስሙ መስተሣሕልም" ይለዋል:: ቂም የሌለው: ለምሕረት የሚፋጠን: ደግ መልአክ ነውና:: በብሉይ ኪዳን በመከራ ለነበሩ ቅዱሳን ሁሉ ሞገስ: ረዳትና አዳኝ ቢሆናቸው "መጋቤ ብሉይ" ተሰኝቷል:: እሥራኤልን ፵ ዘመን በበርሃ መርቷል: መግቧልም:: ቅዱስ መጽሐፍ ስለ እርሱ ብዙ ይላል:: [ዘፍ.፵፰፥፲፮, ኢያ. ፭፥፲፫, መሳ. ፲፫፥፲፯, ዳን. ፲፥፳፩, ፲፪፥፩, መዝ. ፴፫፥፯, ራዕይ. ፲፪፥፯] ደስ የሚለው ደግሞ ርሕሩሑ መልአክ ከእመቤታችን ጋር ልዩ ፍቅር አለው:: ከእናቷ ማሕጸን ጀምሮ እስከ ዛሬ እነሆ አብሯት አለ:: ደስ ብሎት ይታዘዛታል:: ማማለድ ሲፈልግም "እመቤቴ ሆይ! ቅደሚ" ይላታል:: ወደ እሳት መጋረጃ አብረው ገብተው ለዓለም ምሕረትን: በረከትን ያወርዳሉ:: ቅዱስ ሚካኤልን በዚሕች ዕለት ስለ እነዚህ ነገሮች እናከብረዋለን:- ፩. በመላእክት ሁሉ ላይ አለቃ ሆኖ መሾሙን ፪. ቅድስት አፎምያን መርዳቱን ፫. ቅዳሴ ቤቱን [ ግብፅ ውስጥ ] ፬. ቅዱስ ባሕራንን መጎብኘቱን ፭. ቅዱስ ላሊበላን ወደ ሰማያት ማሳረጉን ፮. ለፍጥረታት ሁሉ ምሕረት የሚጠይቅበት ዕለት ነውና ††† ሊቀ መላእክት በክንፈ ረድኤቱ ከክፉ ሁሉ ይጠብቀን:: 🕊   †  ቅዱስ ላል ይበላ ንጉሥ  †   🕊 † በ፲፪ [12] ኛው መቶ ክ/ዘመን መጨረሻ ላይ በሃገራችን የነገሠው ቅዱስ ላሊበላ:- - በብሥራተ መልአክ ተወልዷል - ቅዱሳት መጻሕፍትን ገና በልጅነቱ አጥንቷል - የንጉሥ ዘር ቢሆንም በጾምና ጸሎት: በትሕርምት አድጓል - በወንድሙ ቢገረፍም ቂም አልነበረውም - ስለ ወዳጆቹ ፍቅር መርዝ ጠጥቷል - በዙፋን ላይ የኢትዮዽያ ንጉሥ ሆኖ ቢቀመጥም እርሱስ አኗኗሩ ገዳማዊ ነበር - ከተባረከች ሚስቱ ቅድስት መስቀል ክብራ ጋር አንዲት ማዕድ ብቻ በቀን ይቀምሱ ነበር:: ለዛውም ለምለሙን ለነዳያን ሰጥተው እነርሱ የሚበሉት የእንጀራውን ቅርፍት [ጠርዝ] ብቻ ነበር:: በአካለ ሥጋ ወደ ሰማያት ተነጥቆ ብዙ ምሥጢራትን አይቷል - በምሳሌውም ሃገረ ሮሃን [ላስታን] ገንብቷል - ዛሬም ድረስ ምስጢር የሆኑት ፍልፍል አብያተ መቃድስ የእጆቹ ሥራዎች ናቸው:: ሥራውን ከፈጸመ በኋላ መንግሥቱን ለቅዱስ ነአኩቶ ለአብ አውርሶ: በመንኖ ጥሪትና በቅድስና ኑሮ በዚሕች ቀን አርፏል:: ጌታችን ስምህን ያከበረ: ዝክርህን የዘከረ: ከቤትህ ያደረውን: ከርስተ መንግስተ ሰማያት አካፍለዋለሁ ሲል ቃል ኪዳን ገብቶለታል:: ††† በረከቱን: ክብሩን ያድለን:: 🕊  †  ቅድስት አፎምያ  †   🕊 ከቅዱስ አስተራኒቆስ ጋር በተቀደሰ ትዳር የኖረች - ምጽዋትን ያዘወተረች - በፍቅረ ቅዱሳን የጸናች - ንጽሕናዋን ጠብቃ ሰይጣንን ያሳፈረች ደግ እናት ናት:: ዛሬ የቅዱስ ሚካኤልን ስዕል ታቅፋ: በትእምርተ መስቀልም አማትባ አርፋለች: ቅዱሱ መልአክም ወደ ገነት አሳርጓታል:: 🕊  †  ቅዱስ ባሕራን ቀሲስ  †  🕊 የደጋግ ክርስቲያኖች ግን የድሆች ልጅ: - በሕጻንነቱ በግፍ ወደ ባሕር የተጣለ: - በእግዚአብሔር ጥበብ አድጎ የግፈኛውን ንብረት የወረሰ: - በመልካም ትዳር በቅስና ያገለገለ: - ምጽዋትን ያዘወተረ: አብያተ ክርስቲያናትን ያሳነጸ ደግ ክርስቲያን ነው:: - በዚህች ቀን አርፎ ቅዱስ ሚካኤል ወዳጁ በዕረፍተ ገነት አኑሮታል:: † አምላካችን እግዚአብሔር ከቅዱሳኑ በረከት ይክፈለን:: አሜን:: † 🕊 [ † ሰኔ ፲፪ [ 12 ] ቀን የሚከበሩ ዓመታዊ የቅዱሳን በዓላት ] ፩. ቅዱስ ሚካኤል ሊቀ መላእክት ፪. ቅዱስ ላሊበላ ጻድቅ [ንጉሠ ኢትዮዽያ] ፫. ቅድስት አፎምያና ባለቤቷ ቅዱስ አስተራኒቆስ ፬. ቅዱስ ባሕራን ቀሲስ ፭. ቅዱስ እለ እስክንድሮስ ሊቅ ፮. አባ ዮስጦስ ሊቀ ዻዻሳት [የሐዋርያው ቅዱስ ማርቆስ ደቀ መዝሙር] ፯. አባ ቄርሎስ ሊቀ ዻዻሳት [ † ወርሐዊ በዓላት ] ፩. ቅዱስ ማቴዎስ ሐዋርያ ፪. ቅዱስ ድሜጥሮስ ፫. ቅዱስ ዮሐንስ አፈ ወርቅ ፬. ቅዱስ ቴዎድሮስ ምሥራቃዊ [ሰማዕት] ፭. ቅድስት ክርስቶስ ሠምራ ፮. አቡነ ሳሙኤል ዘዋልድባ † ❝ በሰማይም ሰልፍ ሆነ:: ሚካኤልና መላእክቱ ዘንዶውን ተዋጉ:: ዘንዶውም ከመላእክቱ ጋር ተዋጋ:: አልቻላቸውምም:: ከዚያም ወዲያ በሰማይ ሥፍራ አልተገኘላቸውም:: ዓለሙንም ሁሉ የሚያስተው ዲያብሎስና ሰይጣን የሚባለው ታላቁ ዘንዶ እርሱም የቀደመው እባብ ወደ ምድር ተጣለ:: ❞ † [ራዕይ.፲፪፥፯] (12:7) † ወስብሐት ለእግዚአብሔር † † ወለወላዲቱ ድንግል † † ወለመስቀሉ ክቡር † [ ዲ/ን ዮርዳኖስ አበበ  ]          †              †               † ▬▬▬▬▬ ▬▬▬ ▬▬▬▬▬ 💖                   🕊                    💖

🕊                        💖                       🕊  💛    🕊   ቅዱስ ሚካኤል   🕊   💛                             🕊                             እንኳን ለሊቀ መላእክት አኃዜ መንጦላዕት ፣ መልአከ ኃይል ፡ ሰዳዴ ሳጥናኤል ፣ መዝገበ ርህራሄ ወሳህል ፡ መልአከ ምክሩ ለልዑል… ቅዱስ ሚካኤል ዓመታዊ ክብረ በዓል አደረሳችሁ። 🩵                        †                       🩵 [ ❝ ከክብሩም የተነሣ ምድር በራች ❞ ] ▪ - [ በመከራ ውስጥ ያለ የሚጸልየው ቅዱስ ሚካኤል ሆይ ፦ " በጠራሁህ ጊዜ ቅረበኝ ! " ] - [ በጠራሁህ ጊዜ በምህረትና በይቅርታ ቅረበኝ ! ] [ በሊቀ ማእምራን ቀሲስ ፕ/ሮ መምህር ዘበነ ለማ ለሰኔ ሚካኤል የተሰጠ ትምህርት ] 🩵                        †                       🩵 ❝ በሰማይም ሰልፍ ሆነ:: ሚካኤልና መላእክቱ ዘንዶውን ተዋጉ:: ዘንዶውም ከመላእክቱ ጋር ተዋጋ:: አልቻላቸውምም:: ከዚያም ወዲያ በሰማይ ሥፍራ አልተገኘላቸውም:: ዓለሙንም ሁሉ የሚያስተው ዲያብሎስና ሰይጣን የሚባለው ታላቁ ዘንዶ እርሱም የቀደመው እባብ ወደ ምድር ተጣለ:: ❞ † [ራዕ.፲፪፥፯] ❝ ከዚህ በኋላ ታላቅ ስልጣን ያለው ሌላ መልአክ ከሰማይ ሲወርድ አየሁ ፥ ከክብሩም የተነሣ ምድር በራች።❞ [ራእ.፲፰፥፩] ════════════════                            †††                ✟𝐎𝐑𝐓𝐇𝐎𝐃𝐎𝐗Y✟ 🕊                         💖                        🕊

🕊                        💖                       🕊   💛    🕊   ቅዱስ ሚካኤል   🕊   💛                             🕊                             እንኳን ለሊቀ መላእክት አኃዜ መንጦላዕት ፣ መልአከ ኃይል ፡ ሰዳዴ ሳጥናኤል ፣ መዝገበ ርህራሄ ወሳህል ፡ መልአከ ምክሩ ለልዑል… ቅዱስ ሚካኤል ዓመታዊ ክብረ በዓል አደረሳችሁ። 🩵                        †                       🩵 ሚካኤል ፩ እምነ መላእክት ቅዱሳን እስመ በዲበ ሠናይቱ ለሰብእ ተአዛዚ ዲበ ሕዝብ ። ⇨ ለሰው ባደረገው በጎነት ላይ ለሕዝቡ ታዛኝ ነውና ከነበሩ ከመላእክት አንዱ ሚካኤል ነው። ⇨ Michael, one of the Holy Angels, namely the one put in charge of the best part of humankind, in charge of the nation. [ሔኖ ፮፥፭] ወውእቱ ቀዳማዊ ርኁቀ መዓት ወብዙኀ ምሕረት ሚካኤል ውእቱ ⇨ እሱም የመጀመርያው ይቅር የሚል ከመዓትም የራቀ ቅዱስ ሚካኤል ነው" ⇨ This first is Michael, the merciful and long-suffering without an urge to harm. . [ሔኖ ፲፥፲፪] ❝ ለእውነት ነገር የሚላክ ሚካኤልም በውነት አመስጋኝ ነው እውቀቱን የሚገልጥልኝ ጻድቃን እስከ ገቡባቸው ድረስ የእውነት በሮቹን የሚከፍትልኝ እሱ ነው። ❞ [ተረፈ ባሮክ ፭፥፴፭] 🕊                         💛                      🕊 በዚህች ዕለት ሰኔ ፲፪ [ 12 ] ቀን ቅዱስ ሚካኤልን ስለ እነዚህ ነገሮች እናከብረዋለን :- ፩. በመላእክት ሁሉ ላይ አለቃ ሆኖ መሾሙን ፪. ቅድስት አፎምያን መርዳቱን ፫. ቅዳሴ ቤቱን [ ግብፅ ውስጥ ] ፬. ቅዱስ ባሕራንን መጎብኘቱን ፭. ቅዱስ ላሊበላን ወደ ሰማያት ማሳረጉን ፮. ለፍጥረታት ሁሉ ምሕረት የሚጠይቅበት ዕለት ነውና:: † ሊቀ መላእክት በክንፈ ረድኤቱ ከክፉ ሁሉ ይጠብቀን:: በዚህች ቀን ሊቀ መላእክት ቅዱስ ሚካኤልን ጨምሮ ቅዱስ ላሊበላ : ቅድስት አፎምያና ቅዱስ ባሕራን ቀሲስ ይከበራሉ:: " ከሚካኤል በቀር ማንም የሚያጸናኝ የለም። "  [ ዳን.፲፥፳፩ ] ════════════════                            †††                ✟𝐎𝐑𝐓𝐇𝐎𝐃𝐎𝐗Y✟ 🕊                         💖                        🕊

🕊 [ † እንኳን ለታላቁ ሰማዕት ማር ገላውዴዎስ ዓመታዊ የዕረፍት በዓል በሰላም አደረሳችሁ ፣ አደረሰን። † ] † በስመ አብ ወወልድ ወመንፈስ ቅዱስ አሐዱ አምላክ አሜን! † 🕊  †  ማር ገላውዴዎስ ሰማዕት  †   🕊 † ቅዱስ ገላውዴዎስ የተወለደው በ3ኛው መቶ ክ/ዘ በድሮው የሮም ግዛት በአንጾኪያ [አሁን ሶርያ ውስጥ] ነው:: አባቱ አብጥልዎስ የሮም ቄሣር የኑማርያኖስ ወንድም ነበር:: በዚህ ምክንያት ቅዱሱ ያደገው በቤተ መንግሥት ውስጥ ነው:: ወቅቱ መልካምም ክፉም ነገሮች ነበሩት:: መልካሙ ነገር በቤተ መንግሥት አካባቢ ይኖሩ የነበሩት ልዑላኑ አብዛኞቹ በፍቅረ ክርስቶስ የታሠሩ ነበሩ:: ከእነዚህ መካካከል "ቅዱስ ፋሲለደስ: ቅዱሳኑ :- ፊቅጦር: ቴዎድሮስ: አባዲር: አውሳብዮስ: ዮስጦስ: አቦሊ: እስጢፋኖስ . . ." ነበሩ:: ቅዱሳቱ "ማርታ: ታውክልያ: ኢራኢ: ሶፍያ. . ." ነበሩ:: አስቸጋሪው ነገር ደግሞ ነጋ መሸ ኑሯቸው ጦርነት ነበር:: የዘመኑ የፋርስና የቁዝ መሪዎች ጦረኞች ነበሩና ዕለት ዕለት ፍልሚያ ነበር:: በዚህ ምክንያት ቅዱስ ገላውዴዎስ የተመሠከረለት አርበኛና የተባረከ ንጹሕ ክርስቲያን ሆኖ አድጓል:: ከልጅነቱ ጀምሮ ቅዱሳት መጻሕፍትን በማጥናቱ ሕይወቱ በመንፈስ ቅዱስ ጨውነት ታሽቷል:: እርሱ የነገሥታቱ ቤተሰብ ነው:: ማዕዱ በየዓይነቱ ሞልቶ ካልመሸ እህል አይቀምስም:: ጸሎቱ ስሙር: ስግደቱ ከምድር: አኗኗሩ በፍቅር ሆነ:: በዚያውም ላይ በድንግልናው የጸና ኃያል ነበር:: በጊዜው የቅዱስ ገላውዴዎስን ያህል መልኩ ያማረ [ደመ ግቡ] በአካባቢው አልነበረም:: ይህ ግን ሊያታልለው አልቻለም:: ሁሉ በእጁ ቢሆንም ለእርሱ ግን ብቸኛ ምርጫው ሃይማኖተ ክርስቶስ ነበር:: ቅዱስ ገላውዴዎስ ለጦርነት ወጥቶ ሲመለስ ንጉሡ ዲዮቅልጢያኖስ ሃይማኖቱን ክዶ: ሕዝቡን ለጣዖት ሲያሰግድ: ክርስቲያኖችን ሲገድል ደረሰ:: †  ቅዱሱ ኃያል የጦር ሰው ነውና ንጉሡን መግደል ሲችል ተወው:: በዚያ ሰሞንም ለገላውዴዎስ ሁለት ምርጫዎች ቀረቡለት :- ፩. ክርስቶስን ክዶ የንጉሡ ተከታይ መሆን: ፪. በክርስትናው ደሙን ማፍሰስ:: የቅዱሳኑ ምርጫቸው የታወቀ ነውና ታስሮ ወደ ግብጽ ተጋዘ:: በዚያ ከመኮንኑ ጋር ስለ ሃይማኖት ተከራክረው መኮንኑ ስለተበሳጨ ቅዱሱን በረዥም ጦር ጐኑን ወጋው:: ዘለፍ ብሎ ነፍሱን ሰጠ:: ሕዝበ ክርስቲያኑ በድብቅ መጥተው የቅዱሱን ሥጋ ሽቱ ቀብተው: ከዝማሬ ጋር ገነዙት:: የጓደኛው እናት ቅድስት ሶፍያ መጥታ ወደ ሶርያ ወስዳዋለች:: † ተወዳጅ: ኃያል: ቡሩክና መልካም ሰው ማር ገላውዴዎስ ሰማዕት በሆነባት በዚሕች ዕለት በመላው ኦርቶዶክሳውያን ይከበራል:: † አምላካችን የቅዱሱን መንኖ ጥሪት: ትዕግስት: ጸጋና በረከት ያሳድርብን:: አሜን:: 🕊 [ † ሰኔ ፲፩ [ 11 ] ቀን የሚከበሩ ዓመታዊ የቅዱሳን በዓላት ] ፩. ማር ገላውዴዎስ ሰማዕት [ሕይወቱ መላእክትን የመሰለ] ፪. አንድ ሺ ሰማንያ ስምንት ሰማዕታት [የቅዱስ ገላውዴዎስ ማኅበር] ፫. አባ ክርዳኑ ሊቀ ጳጳሳት ፬. እናታችን ቅድስት ክርስቶስ ክብራ ኢትዮጵያዊት [የአቡነ በጸሎተ ሚካኤል እህት] ፭. የጌታችን ኢየሱስ ክርስቶስ ቅዳሴ ቤቱ [ግብጽ] [ †  ወርኀዊ በዓላት ] ፩. ቅዱስ ያሬድ ካህን ፪. ቅዱስ ፋሲለደስ ሰማዕት ፫. ብፁዐን ኢያቄም እና ሐና ፬. አቡነ ሐራ ድንግል ጻድቅ † " የጭንቀት ቀን ሳይመጣ በጉብዝናህ ወራት ፈጣሪህን አስብ:: ደስ አያሰኙም የምትላቸውም ዓመታት ሳይደርሱ: ፀሐይ: ጨረቃና ከዋክብትም ሳይጨልሙ . . . አፈርም ወደ ነበረበት ምድር ሳይመለስ: ነፍስም ወደ ሰጠው ወደ እግዚአብሔር ሳይመለስ ፈጣሪህን አስብ:: ሰባኪው :- "ከንቱ: ከንቱ: ሁሉ ከንቱ ነው" ይላል:: " † [መክ. ፲፪፥፩-፱] † ወስብሐት ለእግዚአብሔር † † ወለወላዲቱ ድንግል † † ወለመስቀሉ ክቡር † [ ዲ/ን ዮርዳኖስ አበበ  ]          †              †               † ▬▬▬▬▬ ▬▬▬ ▬▬▬▬▬ 💖                   🕊                    💖

🕊                        💖                        🕊 ❝ እኔ ብቻዬንና ችግረኛ ነኝና ፊትህን ወደ እኔ አድርግ ማረኝም። የልቤ ችግር ብዙ ነው ፤ ከጭንቀቴ አውጣኝ። ድካሜንና መከራዬን እይ ፥ ኃጢአቴንም ሁሉ ይቅር በለኝ። ❞ [ መዝ.፳፭፥፲፮ ] ════════════════                            †††                ✟𝐎𝐑𝐓𝐇𝐎𝐃𝐎𝐗Y✟ 🕊                         💖                        🕊

🕊                        💖                        🕊     🩵       [   ምክረ ቅዱሳን   ]        🩵 ════════════════ ▷      "  ከሐጢዓት ስለመውጣት !  "  [  💖  በብፁዕ አቡነ ሺኖዳ ሳልሳዊ  💖  ]  ▬▬▬▬▬▬   ♱    ▬▬▬▬▬▬ ❝ በነፍሳችሁ ዝላችሁ እንዳትደክሙ ፥ ከኃጢአተኞች በደረሰበት እንዲህ ባለ መቃወም የጸናውን አስቡ። ከኃጢአት ጋር እየተጋደላችሁ ገና ደምን እስከ ማፍሰስ ድረስ አልተቃወማችሁም ፤ ❞ [ ዕብ.፮፥፲፪-፫ ] ════════════════                            †††                ✟𝐎𝐑𝐓𝐇𝐎𝐃𝐎𝐗Y✟ 🕊                         💖                        🕊