ادبیات سئونلر

اوشاق ادبیاتی شاختا بابانین ناغیلی کارتون اوشاق ادبیاتی هر هفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

اوشاق ادبیاتی گوزل بالا لار چیلله گئجه سی سیزه خوش کئچسین. سائیین آتا- آنا لارلوطفن چیلله گئجه سی بالالارینیزا اوز آنا دیللرینده ناغیل دئیین ، شعیر اوخویون. https://t.me/Adabiyyatsevanlar

اوشاق ادبیاتی ساغ ساغان یازان : علی صمدلی کؤچورن : علی آغ گونئيلی  -  ابرازی کتاب :‌ ژنرالین اوشاقلیغی  - ناغیللاربؤلو سالام، الابویون، اوزون قویروق ساغساغانیم سن هاردان گلیب چیخدین بو توننوکلو شهره ، باغچامیزدا شاد خبر اولاندا جوگگولده ییب عالمه جار ائدیردین . بوردا گونون خوش کئچمه ییجک آی یازیق گئجه – گوندوز سس سالان موتورلارین سسی ، ایستیسی ، توستوسو بئزدیره جک سنی . قونماغا ساکیت آغاج تامایاجاغسان . ائله کی ، بیر بوداغا قوندون کرانلی ماشینلار ترولئیبوسلارین  (ائلیکتریک آوتوبوس) بوینوزلاری توخوناجاق اونا . هورکودوب پئریکدیره جکلرسنی . هله دجل شهر اوشاقلارینی دئمیرم . ائله بیل سنی گؤرنده  « ده وده بوینوز » گؤرجکلر . داش آختاراجاقلار سنه آتماغا . داش تاپمایاندا ، لاپ پرتاغال آتاجاقلار دالینجا . نییه دینمیرسن ، ساغساغانیم ؟  بلکه دئییله سی شاد خبرین یوخدور . بلکه جوگگولده ییب – جوگگولده ییب یورولموسان ؟ بلکه سسینه ، صدانا سس وئرن اولماییب . بلکه سنی باشقا قوشلار توولاییب بورا گتیریب . امکانیم اولسایدی سنی توتوب آپاراردیم دوز کندیمیزه ، بوراخاردیم ، باغیمیزا ، باغچامیزا . لاپ اؤزومده قالاردیم اوردا ، آنامین یانیندا .  هم آنام اوچون داریخمیشام بوردا ، هم ده سنین اوچون . گل ، گل عزیزیم بیرلیکده دؤنک اؤز ائلیمیزه ، اوبامیزا . گل اوردا او ، دوغما یئرلرده اوخویاق نغمه میزی سحر آخشام سنینله .  https://t.me/Adabiyyatsevanlar

اوشاق ادبیاتی __.بالا نغمه_لری و اویون_لاری سس-علیرضا ساربانی .

اوشاق ادبیاتی مرتضی مجد فر دنیز کیمی دنیزلر تک دوروسان هر بیر یانا آخیرسان باغیشلایان باخیشلا اوره‌کلره ساچیرسان.                                                ⬇️ گونش واردیر اوزونده باخیشیندا سوزون وار شادلیق ساچیر گولوشون پاریلدایان گوزون وار.                                                ⬇️ من بولاق تک آخیرام یوخدور منیم هئچ غمیم کئفیم سازدیر هر زامان چون آتان‌سان، سن منیم.    ۱۴۰۴/۹/۱۹ - تهران https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

📚📚📚❤️🍁🍂 لغات ترکی دخیل در فارسی با استناد به واژه‌نامه نوین (تٵلیف محمد قریب) گردآورنده: #نیره_اردلانی تصحیح و تعلیقات: #سئور_شهابی ناشر: آذرتوران_نباتی آذر_۱۴۰۴

سوسن_نقدی مدارتقطیر قطعه‌قطعه می‌شوم در مدارِ تقطیر، با ساطوری چمباتمه‌زده در دستِ تقدیر. بر خاک می‌افتم، چون مومیاییِ هزارساله‌ای سرد و خونین در رنگین‌ترین تصویر. می‌روم سراسیمه از کوچه‌باغ‌هایِ زمان، نه قراری، نه سکونی— مملو از ناله‌هایِ پر تزویر. دست می‌کشم بر پوستِ نازکِ سکوت، در انحنایِ تکرار، برگ‌به‌برگ می‌پوشم رویایِ یخ‌زده را با چکمه‌هایِ خونینِ پاییز. هوا را می‌شکافم با داسی ترک‌خورده در زمهریر. پیکاری خونین می‌سازد باران با ابرهایِ در تکثیر— شاید باران ببارد در کشاکشِ زمین، و باد، بی‌تأثیر. https://t.me/Adabiyyatsevanlar

جعفر پورقاسم اورگیم داریخیر پاییز دیر اورگیم دارخیر یئنه صبیریم قیسالیر بو گونلر کیمی یاشاییش گؤزومه بیر تَهَر  گلیر اوست اوسته وورولان دویونلر کیمی باخیرام گویلرهَ بولود یئرینه هیسلی دومان کؤچوب بیزیم ائللرهَ ائله بیل تاپشیریب زمانه بیزیم آلین یازیمیزی  قارا یئللرهَ گؤزلریم سوساییب باخچا یا ، باغا گزیب دولانماغا دره نی ، داغی نئجه اؤزله میشم ایلاهی یئنه گوللرین قوینوندا گئجه یاتماغی باشیمین آلتینا قویام داش بالیش دؤشویَم آلتیما چینار یارپاغی سوسَری لایلاسی اویودا منی آنا قوجاغیندا ، اوشاق سایاغی ساز چالا دوغودان اَسَن آستا یئل قارانلیق گئجه نین، باغرین آی یارا یارپاقلار اوینویا ، اوخویا بولاق اولدوزلار نازلانیب منه گؤز وورا شئه دَیمیش تورپاغین چکم عطرینی نفسیم دارییا سونبولون تئلین اوستومه اَییله الوان بوداقلار توتام محببتلهَ اونلارین اَلین تیکم گؤزلریمی ماوی گویلرهَ آخان اولدوزلاری باخیشیم توتا آرا بیر اوخویا گئجه قوشودا اویوموش گئجه نین یوخوسون قاتا دان یئری سؤکولهَ ،سَرین یئل اَسهَ آییلدا دونیانی گون یاواش یاواش گؤزومدن اوپندهَ گونش ، دئیه م کی بو شیرین یوخودان دورمازدیم ایکاش! ۱۶  ، ۹  ، ۱۴۰۴ https://t.me/Adabiyyatsevanlar

فاطمه_ ملک_ زاده در دنیایِ من رنگ ها از هم می‌گریزند آدمها از درِ ویران واردِ زندگی می‌شوند پنجره هایِ کلافه می‌خواهند فرار کنند در دنیایِ من زخمها لبخندند و روزها دیوارنوشته هایِ عجیب و زندگی سرگردان چون هسته ای که از میوه بیرون پریده در دنیایِ من زندگی مردن در صحنه تئاتر ست پس ای آرامشِ روزهایِ شور بختیِ من" تمامِ روحت را در من جاری کن تو مثلِ معشوقه هیتلر زیبایی و ای زمستانِ نازیبا ! که اشکهایِ من رویِ دوشِ تو جا مانده ساعتها رودهایِ پر آب را نگاه میکنم شاید آدمی را با خود آورده باشد که به زبانِ روح بااو حرف بزنم کوهها به او سلام بدهند و این باران که اندوهِ آدمها را می بارد تو قادری برگردی تنها تو ترس هایم را کُشتی برگرد شاید حرکتِ آرین روبنِ چشمانت نجاتم دهد

زررین رزندی(طنناز) یالدیر باجاق،لَچَر،تویوق دو دنیا دوندورما تک شیرین،سویوق دو دنیا بورنو یئللی،پاتلار قوووق دو دنیا حسرتین مئیدانی گَن دی،دنیادا عوُمرو گودک اولان،دم دی دنیادا. آت مینیب،کوُنده لن،چاپاندی دنیا سوُز وئریب،عهدیندن،قاچاندی دنیا صلحه قارشی،آرا آچاندی دنیا قانانلار چکیرلر،چوخ عار دنیادا گناهکار،گناه سیز بوغار دنیادا لای لای چالار جهالت ده یاتانا احسن سوُیله ر،اوُز وطنین ساتانا خلقین دردین اوُز باشیندان آتانا وطن سیز،غملی دیر اوره ک دنیادا آلار جانی دردلی کولک دنیادا. مردلره دشمان دیر،نامرده آرخا محبتی بنزر،بولانلیق آرخا لعنت اولسون،فلک فیرلادان چارخا شاهلاردا باشاجا،اوُیمز دنیادا تاپیلان ایته نه،دیمز دنیادا. https://t.me/Adabiyyatsevanlar

یاغیش بئله یاغاربا1404,9,25

مجید تیموری فر قارمون و ایفاچیلیق صنعتی. تبریزده   1325_جی ایل تبریز ده جهانگیر جهانگیروف واسیطه سیله یارانمیش گورکملی اورکستر قروپونون چالیشقان عضوو، استاد اسماعیل شاکر حسینی...       محمد علی اوغلو، اسماعیل شاکر حسینی 1299- جو گونش ایل پاییز فصلی نین بیرینجی گونو، تبریزین باغ مئشه آدلی محلّه سینده دوغولموشدور.                  اسماعیل کیچیک یاشلاریندا آتاسی ایله بیرلیکده تورکمنستانا کوچَرَک، اورادا موسیقی مکتبینه داخیل اولوب و ایفاچیلیق تئکنیک لرینی اویره نمیشدیر. سونرالار ایرانا دؤنوب، تبریزده عایله قورموش و 25- جی ایل تبریزده یارادیلمیش گؤرکملی بسته کار  جهانگیرجهانگیراوف-ا عاید آذربایجان اورکئسترینده عضو اولاراق، تار ایفاچیسی کیمی چالیشمیشدیر.                                         گورکملی تارایفاچیسی 1336- جی ایل بیرحادیثه اثرینده خسته لنَه رَک، سول الی نین بارماقلاریندا پرابلئم یارانمیش و قیسا زامان موسیقیدن آیریلمیشدیر، لاکین یئنیدن اینجه صنعته قاییتماق اوچون، آکوردئون آلتی نین ایفاسینی مصلحت بیلیب و بوساحه‌ده ایسه، یوکسک سوّیه‌ده باجاریقلی اولدوغونو ثوبوتا یئتیرمیشدیر. دَگرلی آکوردئونیست و تارزن، 1331- جی ایلدن تبریز رادیوسو و سونرالار ایسه اورمو رادیولاریندان یاییلان موسیقی پروقراملاریندا ایشتیراک ائدیب و او دؤورلرده 36 ماهنی بسته له میشدیر. بو اثرلردن بیرپاراسی و اوجومله دن، «باغبان قیزی، شلته نی نئینه ییرم، یاشاسین آذربایجان، چاردره، بندی بنده» و باشقالاری دیللر ازبری دیر. صنعتچی اوزون ایللر، آکوردئون هوسکارلارینا بو صنعتین ایفاچیلیق یوللارینی اؤیرتمه یه چالیشمیشدیر.    اوستاد اسماعیل شاکرحسینی 1392- جی گونش ایل، آذر آیی‌نین ایگیرمی سینده رحمته گئدیبدیر. ****، قارمون و ایفاچیلیق صنعتی. تبریز نشر اختر.. ۱۳۹۶، ص ۷۳ https://t.me/Adabiyyatsevanlar

ائلدار موغانلی یاریمچیق سوز/اوستاد حبیب ساهرین نیسگیللی اولومونو دوشونر کن کؤلگه‌لر سریلیب شه‌هرین اوستونه اوره‌یی ایرینلی، گؤزو کینلی نفسینده ظولمت قوخوسو سسینده گئجه قورخوسو … قینیندا گیزله‌نیب سایریشان اولدوزلار آیین جانیندا قیزدیرما وار… کؤلگه‌لر سریلیب شه‌هرین اوستونه کوچه‌لرین سینه‌سینده دؤیونور دیسکینتی‌لر ائولرین اوستونه یاغیر تنهالیق پنجره‌لرده تور قورور هؤرومجک‌لر، مورگوله‌ییر شه‌هر … کؤلگه‌لی‌دیر زامان، گؤی، یئر؛ دووارلار آرخاسیندا چیلپاق قالمیش آرزی کیتابینی واراقلاییر شاعر؛ کؤلگه‌لی‌دیر کیتاب ‌دا، واراق دا، اوتاق دا … کؤلگه‌لر سریلیب شه‌هرین اوستونه …. اوره یینده یاز یاغیشی‌نین هاواسی باخیشیندا سئوگیلی‌لر پیچیلتیسی گوموشو ساچلاریندا دولاشارکن آیریلیق نسیمی «من بو جهانه سیغمازام»- دئیه قانادلانیر سحره دوغرو … دالغاسیز بایراق کیمی آسیلی قالیر ائیواندان؛ بارماقلاری دویونلو گؤزلری سحرین پنجره‌سینه تیکیلی آغزی آچیق سؤزو یاریمچیق؛ بوغازیندا دویونله‌نن «آه» سؤزومو یوخسا «آ ز ا . . .» ؟! آذر – ۱۳۷۶ – تهران قایناق:ایشیق سایتی https://t.me/Adabiyyatsevanlar