ቤተ ቅዱስ ዮሐንስ አፈወርቅ
Ir al canal en Telegram
በዚህ ቻናል የቅዱስ ዮሐንስ አፈወርቅ ትምህርቶች እና የአበው ቀደምት የተናገሯቸው መንፈሳዊ ንግግሮች እንዲሁም ልዩ ልዩ ሐይማኖታዊ ትምህርቶችና መልዕክቶች ይተላለፉበታል፡፡
Mostrar más📈 Análisis del canal de Telegram ቤተ ቅዱስ ዮሐንስ አፈወርቅ
El canal ቤተ ቅዱስ ዮሐንስ አፈወርቅ (@beteafework) en el segmento lingüístico de Amárico es un actor destacado. Actualmente la comunidad reúne a 56 225 suscriptores, ocupando la posición 913 en la categoría Religión y espiritualidad y el puesto 594 en la región Etiopía.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 56 225 suscriptores.
Según los últimos datos del 11 octubre, 2026, el canal mantiene una actividad estable. En los últimos 30 días la variación de miembros fue de 511, y en las últimas 24 horas de 0, conservando un alto alcance.
- Estado de verificación: No verificado
- Tasa de interacción (ER): El promedio de interacción de la audiencia es 17.98%. Durante las primeras 24 horas tras publicar, el contenido suele obtener 8.17% de reacciones respecto al total de suscriptores.
- Alcance de las publicaciones: Cada publicación recibe en promedio 10 102 visualizaciones. En el primer día suele acumular 4 589 visualizaciones.
- Reacciones e interacción: La audiencia responde de forma activa: el promedio de reacciones por publicación es 134.
📝 Descripción y política de contenido
El autor describe el recurso como un espacio para expresar opiniones subjetivas:
“በዚህ ቻናል የቅዱስ ዮሐንስ አፈወርቅ ትምህርቶች እና የአበው ቀደምት የተናገሯቸው መንፈሳዊ ንግግሮች እንዲሁም ልዩ ልዩ ሐይማኖታዊ ትምህርቶችና መልዕክቶች ይተላለፉበታል፡፡”
Gracias a la alta frecuencia de actualizaciones (últimos datos recibidos el 12 octubre, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Religión y espiritualidad.
56 225
Suscriptores
Sin datos24 horas
+427 días
+51130 días
Archivo de publicaciones
56 225
“ክበበ ጌራ ወርቅ ጽሩይ እምዕንቈ ባሕርይ ዘየኃቱ። ዘተጽሕፈ ብኪ ትእምርተ ስሙ ወተዝካረ ሞቱ። አክሊለ ጽጌ ማርያም ለጊዮርጊስ ቀፀላ መንግሥቱ። አንቲ ኲሎ ታሰግዲ ሎቱ፡ ወለኪኒ ይሰግድ ውእቱ።”
ትርጉም፦
ድንግል ሆይ የስሙ ምልክት እና የሞቱ መታሰቢያ የተጻፈብሽ ከሚያበራ ወርቅ ይልቅ እንደ እንቁ የጠራ ንፅህና ያለሽ የጊዮርጊስ የመንግሥቱ ሽልማት የአበባ አክሊል ማርያም ሆይ አንቺ ለእርሱ ሁሉን ታሰግጂለታለሽ እርሱም ላንቺ ይሰግዳል
(ማኅሌተ ጽጌ)
56 225
“አንተ ለሕይወትህ ካቀድከው የተሻለ እግዚአብሔር እንደሚያቅድልህ ታውቃለህ? አንተ ስለአንተ ልትሳሳት ትችላለህ፤ እግዚአብሔር ግን አይሳሳትም። አንተ ስለሕይወትህ ስታቅድ ልትሳሳት ወይም ያነሰውን ልታስብ ትችላለህ፤ እግዚአብሔር ግን ለአንተ የሚገባውንና የተሻለውን በፍጹም ትክክለኛነት ያዘጋጅልሃል።”
ብፁዕ አቡነ ሺኖዳ ሣልሳዊ
56 225
እግዚአብሔር ይመስገን ከ25 የቻናላችን ቤተሰቦች 86,845 ብር ደርሶልን ያሰብነው ተሳክቶልናል።
ልብሰ ተክህኖውን ገዝተን ለቤተክርስቲያኑ ስናስረክብ በፎቶ የተደገፈ መረጃ እና በትክክል ስለመድረሱ በቻናላችን ስም ደብዳቤ የምንቀበል ይሆናል።
56 225
እግዚአብሔር ይመስገን ከ25 የቻናላችን ቤተሰቦች 86,845 ብር ደርሶልን ያሰብነው ተሳክቶልናል።
ልብሰ ተክህኖውን ገዝተን ለቤተክርስቲያኑ ስናስረክብ በፎቶ የተደገፈ መረጃ እና በትክክል ስለመድረሱ በቻናላችን ስም ደብዳቤ የምንቀበል ይሆናል።
56 225
ተወዳጆች ሆይ፦
ወጣቷ ሰማዕት በብዙ ነገር አርአያ ልትሆነን ይገባል፡፡
√ ስለ ክርስቶስ ስትል የከፈለችውን ሰማዕትነት፣
√ ድንግልናን በብጽዐት ለመጠበቅ ስትል
የተቀበለችውን መከራ፣
√ ወጣትነቷ ሳያጓጓት ለእምነቷ የከፈለችውን ዋጋ፣
√ ንጽሕናዋን ቅድስናዋን ለመጠበቅ ያሳየችው ጽናት፣
√ በሕይወቷ ሳለች ከሠራችውም በላይ በሰማዕትነቷ ያፈራችውን ፍሬ ልናስብና ልንማርባት ደግሞም እንደ ዓቅማችን ልንመስላት ይገባናል፡፡
ይህን እንድናደርግ ሰውን በመውደዱ ሰው የኾነው ክርስቶስ ይርዳን አሜን!!!
እንኳን ለሰማዕቷ ቅድስት አርሴማ ዓመታዊ ክብረ በዓል አደረሳችሁ አደረሰን!!!
56 225
#ሰማዕት_ቅድስት_አርሴማ
መስከረም ሃያ ዘጠኝ በዚች ቀን ከቅድስት አርሴማና ከእመምኔቷ ከአጋታ ጋር ደናግል በሰማዕትነት አረፉ።
ቅድስት አርሴማ በሮሜ አገር በአንድ የደናግል ገዳም የምትኖር፣ በውበቷ የታወቀች ድንግል ነበረች። ንጉሥ ዲዮቅልጥያኖስ ሥዕሏን ሲያይ ልቡ ተማረከና ሚስት ሊያደርጋት ፈለገ፤ አሽከሮቹንም ሊያመጧት ላከ። እርሷና እመምኔቷ አጋታ ከሌሎች ደናግል ጋር ድንግልናቸውን ለመጠበቅ እያለቀሱ ወደ እግዚአብሔር ለመኑ፤ ከዚያም በድብቅ ሸሽተው ወደ አርማንያ ደረሱ።
ሆኖም ዲዮቅልጥያኖስ እዚያ እንዳሉ ሰምቶ ለአርማንያ ንጉሥ ለድርጣድስ መልእክት ላከ። ደናግሉ ይህን ሲሰሙ ወደ ሌላ ቦታ ተሰወሩ፤ ነገር ግን ተወነጀሉ፤ አርሴማም እምቢ ብትልም እየተጎተተች ወደ ንጉሡ ቀረበች። እመምኔቷ አጋታ ደግሞ "ሰማያዊ ሙሽራሽን ክርስቶስን አትተዪ" ብላ አጸናቻት።
ንጉሡ ሊይዛት ሲጠጋ የእግዚአብሔር ኃይል አደረባትና መሬት ላይ ጣለችው። በጦርነት የታወቀ ጀግና ሆኖ ሳለ በአንዲት ወጣት ሴት መሸነፉ አሳፈረው። በንዴትም አርሴማን በሰይፍ አስቆረጣት፤ ከዚያም አጋታንና ደናግሉን ሁሉ እንዲሁም አብረዋቸው የመጡትን ሁሉ ገደለ። ሁሉም የሰማዕትነትን አክሊል ተቀዳጁ።
ከዚያ በኋላ ንጉሡ በክፉ መንፈስ ተያዘ፤ መልኩም እንደ እርያ ሆነ። ቅዱስ ጎርጎርዮስ መጥቶ ጸለየለትና ዳነ፤ እርሱም በክርስቶስ አመነ። የሰማዕታቱ አፅም ተሰብስቦ በተከበረ ቦታ ተቀበረ፤ ቤተ ክርስቲያንም ተሠራላቸው፤ በዚያም ብዙ ተአምራት ተገለጡ።
የሰማዕት ቅድስት አርሴማ ረድኤት በረከት ከእኛ ጋር ይኹን!
56 225
#ወርኃ_ጽጌ
(ከመስከረም 26 እስከ ኅዳር 6)
በኢትዮጵያ ኦርቶዶክስ ተዋሕዶ ቤተክርስቲያን ስርአት መሰረት ከመስከረም 26 ቀን እስከ ሕዳር 6 ቀን ያለው 40 ቀን የእመቤታችን ና የልጇን ስደት በማሰብ ወርኃ ጽጌን (ዘመነ ጽጌን) ታከብራለች፡፡ ይህ 40 ቀን የእመቤታችንና የጌታ ስደት የሚታሰብበት ዘመን ነው፡፡ ወቅቱ የአበባና የፍሬ ወቅት በመሆኑ እመቤታችን በአበባ ጌታን በፍሬ እየተመሰሉ ጌታችን በአምልኮት እመቤታችን በፈጣሪ እናትነቷ በተለየ ምስጋና ይመሰገናሉ ፡፡
በዚህ በወርኃ ጽጌ (በዘመነ ጽጌ) የሚጾሙ ክርስቲያኖች ሲኖሩ ጾሙን መንፈሳውያን ሰዎች ሳይታዘዙ በራሳቸው ፈቃድ የሚጾሙት ጾም በመሆኑ (የፈቃድ) የትሩፋት ጾም ይባላል፡፡ በቀኖና ቤተክርስቲያን ከታዘዙት ከ7ቱ አጽዋማት ውጪ የሆነ ትርፍ ጾም ማለት ነው፡፡ ከታዘዘው አትርፎ የጾመ ሰው የመጾሙን ዋጋ ያገኛል፡፡ ብዙ መንፈሳዊ ሥራ የሰራ ሰው ብዙ ክብር እንደሚያገኝ መጽሐፍ ይናገራልና፡፡ ‘’እጅግ ወዳለችና ብዙ ያለው ሐጢአትዋ ተሰርዮላታል፡፡ ጥቂት ግን የሚሰረይለት ጥቂት ይወዳል’’ (ሉቃ. 7፡47) እንዲል፡፡
የጽጌን ጾም የሚጾሙ ሰዎች በክብርም ከእመቤታችን ጋር ይተባበራሉ፡፡ ነገር ግን የጽጌን ጾም የሚጾሙ ሰዎች ለመመጻደቅ መጾም የለባቸውም፡፡ የማይጾሙ ሰዎችንም መንቀፍና መክሰስ የለባቸውም፡፡ የጽጌ ጾም እንዲጾም በቀኖና ቤተክርስቲያን ከሰባቱ አጽዋማት አንዱ ተደርጎ ስላልተወሰነ የማይጾሙ ሰዎች ሕገ ጾምን እንዳፈረሱ አድርጎ መውሰድ ስሕተት ነው፡፡ ይልቁንም የሚጾሙ ሰዎች ቢችሉ መጾማቸው እንዳይታወቅባቸው ቢያደርጉ የተሻለ ነው፡፡ "ስትጾሙ እንደግብዞች አትጠውልጉ" (ማቴ. 6፥16) የተባለው ለዚህ ዓይነቱ ጾም ነው፡፡
እንኳን አደረሰን አደረሳችሁ!
56 225
«ለመተኛት ወደ አልጋህ ባመራህ በቀረብህ ጊዜ አልጋዬ፡ ምን አልባት በዚህ ሌሊት ለእኔ መቃብሬ ልትኾኚ ይኾን ይኾናል፤ በጊዜአዊው ዕንቅልፍ ፈንታ በዚህ ሌሊት ያኛው እንቅልፍ (ሞት) ይመጣብኝም እንደ ኾነ አላውቀውም በላት። ስለዚህ ነጻ እግሮች እያሉህ ከመልካም ሥራ በኋላ ሩጥ፤ ከታሠሩ መፈታት በማይችሉበት ማሰሪያ ከመታሠራቸው በፊት፡፡
የእጆችህ ጣቶችም እስካሉህ ድረስ ሞት ከመምጣቱ በፊት በጸሎት ፊትህንና መላ ሰውነትህን በትእምርተ መስቀል አማትብ፡፡ ዐይኖች እስካሉህ ድረስ በአቧራ ከመሽፈናቸው በፊት በእንብዕ(በእንባ) ምላቸው።
ሰው ሆይ ከዚህ ዓለም መለየትህን አስብ፣ እንዲህም በል፡- እነሆ የታዘዘ መልአክ ከበር ቆሞአል (ደርሶአል)፣ እኔንም ይከተለኛል። ለምን ሊል ዘሊል እኾናለሁ? መመለሻ የሌለው ዘለዓለማዊ መንገድ አለ፡፡
ከመለኮት ደግነት የተነሣ የሰውን ልብ የሚገዛውና ነፍስን ወደ ሕይወት የሚመራት የመጀመሪያው ትምህርት ተዘክሮተ ሞት ነው። ተዘክሮተ ሞት በሰይጣን እጅግ በብዙ ይጠላል፡፡ እርሱም ከሰው ተዘክሮን ለመንቀል በሙሉ ኃይሉ መሞከርን አይተዉም፡፡ የሚቻለውስ ቢኾን በምድራዊ ሕይወት አሳብ ተብትቦ ተዘክሮተ ሞትን ከሰው ልብ (አእምሮ) ለማስወገድ ምድራዊ መንግሥታትን ለሰው በሰጠው ነበር፡፡ አታላዩ ሰይጣን ተዘክሮተ ሞት በሰው ሁልጊዜም ካለ፣ አሳቡ ለአሁኑ ሕይወት መታለሎች የተጣበቀ ኾኖ እንደማይቀር አልያም የሰይጣን ማታለሎች ሰውን ሊቀርቡት እንደማይችሉ ያውቃል፡፡"
(ማር ይስሐቅ ሶርያዊ)
56 225
ሰው ኾኖ የማይበድል የለም፡፡ ይኽም በሌሎች ሰዎች ላይ እንዳንፈርድባቸው ይልቁንም ድካማቸውን እንድንረዳላቸው እና እንድንሸከማቸው ይረዳናል፡፡
አንድን ሕንጻ ለመገንባት የሚያገለግሉ ድንጋዮች አንድ ዓይነት አገልግሎት የላቸውም፡፡ አንዱ ለመሠረት ይኾናል፤ ሌላው ለማዕዘን ይኾናል፡፡ ለማዕዘን የሚኾነው ድንጋይ ለመሠረት አይኾንም፤ ለመሠረት የሚኾነውም ለማዕዘን አይኾንም፡፡ ይኽ በቤተ ክርስቲያን ዘንድም የሚሠራ ነው፡፡ በሰውነታችንም እንደዚኹ ነው፡፡ አንገት ጭንቅላትን ይሸከማል፤ እግርም ከእግር በላይ ያለውን የሰውነት አካል ይሸከማል፡፡ ኹሉም ብልቶቻችንም በየራሳቸው የቆሙ አይደሉም፤ የእያንዳንዱ ህልውና በሌላው የመሸከም ዓቅም የተመሠረተ ነው እንጂ፡፡ ሙሉ ሰውነትንም የሚገነቡት ለየብቻቸው ተነጣጥለው ሳይኾን አንድ ላይ ሲሸካከሙ ነው፡፡ ክርስቲያንም ወንድሙን እንዲኽ ሊሸከመው ይገባል፡፡
ሐዋርያው ቅዱስ ጳውሎስ “ከእናንተ እያንዳንዱ የአንዱን ሸክም ይሸከም” ያለን ስለዚኹ ነውና /ገላ.፮፡፪/፡፡”
(ቅዱስ ዮሐንስ አፈወርቅ)
56 225
"በዚህ ዓለም እንግዳ መሆንህንና ወደ ሰማያዊው ቤትህ እንደምትመለስ ዘወትር አስታውስ። ያን ጊዜ ለዚህ ዓለምና በደስታው ተስፋ ማድረግን ትተዋለህ።"
(አቡነ ሽኖዳ ሣልሳዊ)
56 225
ልጄ ሆይ ማናቸውንም ነገር በምትፈፅምበት ጊዜ ሥራህን በፀሎት ጀምር። የምትሰራቸውን ሥራዎች ሁሉ በትምህርተ መስቀል ባርካቸው።
በምትበላም፣ በምትጠጣም ጊዜ፣ በምትተኛም፣ በምትነቃም ጊዜ፣ በቤት ውስጥም ሳለህ ይሁን በጎዳና፣ ማማተብን አትዘንጋ። የጌታህን ስቅለት አስታውሶ ከክፋት የሚጠብቅህ ይህን የመሰለ ጠባቂ ከቶ አታገኝም።
እርሱ ለምታደርጋቸው ድርጊቶችህ ሁሉ እንደ ግንብ ነው (ማስተዋልን ይሰጥኻል)። ማማተብን በስርዓት ይፈፅሙት ዘንድ የኢየሱስ ክርስቶስ ስቅለት ሁሌም በፊታቸው ይስሉ ዘንድ ለልጆችህ በጥንቃቄ አስተምራቸው።
(ሊቁ ቅዱስ ኤፍሬም ሶርያዊ)
56 225
እግዚአብሔር ሰዎችን ኹሉ ሲፈጥራቸው በመንፈሳዊ ማንነታቸው እኩል አድርጎ ነው፡፡ እንዲህም ስለ ኾነ እያንዳንዱ ሰው በጎም ኾነ ክፉ ግብር ለመሥራት እኩል ዝንባሌ አለው፡፡ እግዚአብሔርን ለመታዘዝም ኾነ ላለመታዘዝ እኩል የመምረጥ ዕድል አለው፡፡ ከዚህ ውጪ በኾነ ነገር ግን ሰው ኹሉ እኩል አይደለም፡፡ አንዳንዱ እጅግ አስተዋይ ነው፤ ሌላው ደግሞ ደከም ያለ ነው፡፡ አንዳንዱ በሰውነቱ ብርቱና ጤናማ ነው፤ ሌላው ደግሞ ደካማና ሕመም የሚበዛበት ነው፡፡ አንዳንዱ ሰው መልከ መልካምና ማራኪ ነው፤ ሌላው ደግሞ አይደለም፡፡
ይህ ኹሉ ቢኾንም ግን በኾነ ነገር ስጦታው ያለው ሰው ስጦታው የሌለውን ሌላውን ሰው ሊንቀው አይገባም፡፡ እግዚአብሔር እንዲህ ለእያንዳንዳችን የተለያየ ስጦታን የሰጠን አንዳችን አንዳችንን እንድንጠቅም ነውና፡፡ እግዚአብሔር እያንዳንዳችን ከሌላው ወንድማችን የምንፈልገው ጥቅም እንዲኖር ያደረገው በመካከላችን መጠላላትና መለያየት እንዳይኖር ነው፤ እንድንፋቀርና አንድ እንድንኾን አስቦ ነውና፡፡
ስለዚህ ወዳጄ ሆይ! ወንድምህ ከአንተ ይልቅ አስተዋይና ዐዋቂ፥ ብርቱም ቢኾን በዚህ ቅር አይበልህ፡፡ ከዚህ ይልቅ እግዚአብሔርን አመስግን፤ ከወንድምህ አስተዋይነትና ዐዋቂነት ብርታትም ትጠቀማለህና፡፡ በዚህ ብቻ ሳታቆምም ራስህን፡- “ስጦታዬ ምንድን ነው? ወንድሜን እኅቴን በምን ልጠቅም እችላለሁ?” ብለህ ጠይቅ፡፡ ይህን ጥያቄ በትክክል ስትመልስ፥ እንደ መለስከው ምላሽም ስትተገብር በአንድ መልኩ በሚበልጥህ ሰው ቅር መሰኘትህን፥ በሌላ መልኩ ደግሞ የምትበልጠውን ሌላውን ወንድምህን መናቅህን ታቆማለህ፡፡
(ቅዱስ ዮሐንስ አፈወርቅ)
