en
Feedback

Don't get caught by a cheater! Telemetrio finds and tags such channels 👉 If you want to see the tag, subscribe

ፍኖተ-አማራ ሚዲያ (Finote Amhara Media)

ፍኖተ-አማራ ሚዲያ (Finote Amhara Media)

Open in Telegram

የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)

Show more
4 401
Subscribers
-1724 hours
-527 days
+5630 days
Posts Archive
photo content
+5
25 Aug, 03:06

አቶ ገዱ አንዳርጋቸው በአሜሪካ በፓርኪንግ ስራ አቶ ገዱ አንዳርጋቸው በኢትዮጵያ ፖለቲካ ውስጥ ትልቅ ተፅዕኖ የነበራቸው፣ የአማራ ክልል ፕሬዝዳንት እና የሀገሪቱ የውጭ ጉዳይ ሚኒስትር ሆነው ያገለገሉ መሪ ነበሩ። በከፍተኛ የስልጣን ማዕረግ ላይ በነበሩበት ወቅት የህዝብን ሀብት አለመመዝበራቸው እና ዛሬ በባህር ማዶ በሚደረግ ማንኛውም ህጋዊ ስራ ተሰማርተው በላባቸው ለመኖር አለመሸማቀቃቸው የሚያስደንቅ እና ትልቅ አስተምህሮ ያለው ጉዳይ ነው። በሀገራችን የፖለቲካ ባህል ውስጥ ስልጣን ላይ የሚወጡ ሰዎች ህዝብን ከመጥቀም ይልቅ ለራሳቸውና ለቤተሰቦቻቸው ሀብት ሲያካብቱ ማየት የተለመደ በሆነበት ሁኔታ፣ በንጹህ እጅ ወጥቶ በቅንነትና በክብር በራስ ላብ መኖር የስነ-ምግባር አርአያነትን ያሳያል። ስራ ምንም ይሁን ምን በህጋዊና በሃቅ መንገድ የሚገኝ ገቢ ሁልጊዜም ኩራት እንጂ ውርደት አይደለም። የአማራ ክልል ፕሬዝዳንት፣ በኋላም የኢትዮጵያ የውጭ ጉዳይ ሚኒስትር የነበሩትን አቶ ገዱ አንዳርጋቸውን በስደት ሀገር አሜሪካ ውስጥ በተራ የመኪና ማቆሚያ (Parking) ስራ ላይ ተሰማርተው አየኋቸው። በመጀመሪያ ደረጃ ውስጤ አዘነ፤ ነገር ግን የሀገራችንን ፖለቲካዊና ማህበራዊ እውነታ ጠለቅ ብዬ ስቃኝ አግራሞቴና አክብሮቴ በዛ። በሀገራችን የፖለቲካ ታሪክ ውስጥ ስልጣን ላይ የወጣ ሰው የህዝብና የሀገር ሀብት ዘርፎ፣ በሚሊዮኖች የሚቆጠር ዶላር በውጭ ሀገር ባንክ አካብቶ፣ በቅንጡ ህይወት ሲኖር ማየት የተለመደ ሆኖ ነበር። አቶ ገዱ ግን በከፍተኛ የስልጣን ማዕረግ ላይ በነበሩበት ወቅት በሙስና ሳይጨማለቁ፣ የህዝብን አደራ ጠብቀው መውጣታቸውን ዛሬ የሚያደርጉት ጥረት ህያው ምስክር ነው። በሁለተኛ ደረጃ፣ ከከፍተኛ የመንግሥት ሃላፊነት ወርዶ ማንኛውንም ህጋዊ ስራ ለመስራት አለመሸማቀቅ፣ ስነ-ልቦናዊ ጥንካሬ እና የሞራል የበላይነትን ይጠይቃል። በላብ አድርቆና ጥሮ ግሮ መብላት እንጂ የሰረቁትን መብላት ነው የሚያፍረው። ስራ አይናቅም፤ በሃቅ የሚኖር ህይወት ደግሞ ሁልጊዜም ዘላለማዊ ክብር አለው። ከዚህ አጋጣሚ የምንማረው ትልቅ ትምህርት አለ፦ ስልጣን ጊዜያዊ ነው፦ ዛሬ የተቀመጥንበት ወንበር ነገ የለም፤ ዋናው ነገር በንጽህና ማገልገል ነው። ሃቅ አይወድቅም፦ በሙስና ያልተበከለ እጅ በማንኛውም የህይወት አጋጣሚ ቀና ብሎ ይሄዳል። ስራን አለመናቅ እና በራስ ላብ መኖር የትኛውም ቦታ የሰው ልጅ ትልቅነት መለኪያ ነው። ለአቶ ገዱ አንዳርጋቸው ላሳዩት የሞራል ብቃት፣ የህሊና ንጽህና እና የስራ አክብሮት ትልቅ ምስጋና እና አክብሮት አለኝ! #ገዱአንዳርጋቸው #የስራክብር #ኢትዮጵያ #ፖለቲካ #ህሊና
25 Aug, 02:41

በአማራ ህዝብ ላይ በአገዛዙ የሚፈፀሙ ግፎች ሲበረክቱ፣ ሕዝባዊ እቢተኝነት ተጠናክሮ ቀጥለዋል!!        ነሐሴ 19/2018 ዓ.ም በሸዋ ጠቅላይ ግዛት መንዝና ግሼ አውራጃ፣ ላሎ ወረዳ ወገሬ ከተማ የአገዛዙ ኃይሎች በንጹሃን ዜጎች ላይ የሚያደርሱት ግፍና እንግልት ተጠናክሮ መቀጠሉን የአፋብን አሳምነው 5ኛ ዕዝ ዓፄ አምደጽዮን ኮር ሚዲያና ኮሙኒኬሽን አስታወቀ። ቁጥራቸው ከ52 በላይ የሚሆኑ ንጹሃን ወገኖች "የፋኖ ቤተሰብ ናችሁ" በሚል ምክንያት ተጠርጥረው ከሳምንት በላይ በእስር ቤት ውስጥ በግፍ እየተሰቃዩ መሆኑን የታጋች ቤተሰቦች ገልፀዋል። ሕዝብን እርስ በርስ በማጋጨት የስልጣን ዕድሜውን ለማራዘም የሚጋጋጠው ይህ አገዛዝ፣ በሰፈረባቸው ከተሞች ሁሉ የጠራቸው ሕዝባዊ ስብሰባዎች በሕዝቡ በኩል ከባድ ተቃውሞና ምላሽ እያስተናገደ ሲገኝ  በስብሰባው ላይ የተገኙት አካላት፣ "እጠብቃችኋለን እያላችሁ ራሳችሁ ዘረፋ፣ ደፈራ፣ ድብደባና ከአቅም በላይ የሆነ ግብር ጭማሪ ፈጸማችሁብን" ሲሉ ፊታቸውን ላዞሩበት አገዛዝ እውነቱን መናገራቸውና (ማጋለጣቸው) በዬከተማው ቀጥሏል።  ነዋሪዎቹ ባቀረቡት ቅሬታና ተቃውሞ ምክንያት፣ የአገዛዙ ሰራዊት አጀንዳውን በመቀየር በሕዝቡ ላይ ጥቃትና ማስፈራራት እንደቀጠለበት መሆኑም ተገልጿል። የኮሩ ሚዲያና ኮሙኒኬሽን አክሎ እንደገለጸው፣ በእስር ላይ የሚገኙት እነዚህ ንጹሃን ወገኖች "እናንተ የጥይት ማብረጃ ትሆናላችሁ" በሚል ዛቻና ማስፈራራት እየደረሰባቸው መሆኑኑ ተረጋግጧል። ይህ በንጹሃን ላይ የሚፈጸመው ሰብአዊ ጥሰትና የእስር እንግልት  የትጥቅ ትግሉን ቁርጠኝነት የሚያጠናክር መሆኑን እየገለፅን ህልውናችንና መብታችንን የማስከበር ሂደቱ በተባበረ ክንድ ይረጋገጣል ሲል ኮሩ በላከው መረጃ አረጋግጧል ።  ክብር ለትግሉ ሠማዕታት! ህልውናችን በተባበረ ክንዳችን! የአፋብን አሳምነው 5ኛ ዕዝ ሕዝብ ግንኙነት መምሪያ
25 Aug, 02:30

በሁለት እጁ እነሴ ወረዳ ከገዳም አቦ እና ከአፀደ ብርሃን ቀበሌዎች ማህበረሰብ ጋር ሰፊ ህዝባዊ ውይይት ተካሄደ ነሐሴ 18/2018 ዓም በአፋብን ቴዎድሮስ 2ኛ ዕዝ 201ኛ ኮር 54ኛ ክፍለ ጦር የሁለት እጁ እነሴ ወረዳ የሲቪል አስተዳደር ከገዳም አቦ እና ከአፀደ ብርሃን ቀበሌዎች ማህበረሰብ ጋር ባደረገው ህዝባዊ መድረክ አገራዊ፣ አካባቢያዊና ትግሉን የተመለከቱ ዋና ዋና ጉዳዮች ላይ ሰፊ ውይይት ተካሂዷል። በዚሁ ህዝባዊ የምክክር መድረክ ላይ የየዘርፉ አመራሮች የተገኙ ሲሆን፦ አርበኛ ኃይመረ እሱባለው — የ54ኛ ክፍለ ጦር የሲቪል አስተዳደር ሰብሳቢ አርበኛ ዮናስ ፈንታሁን — የሁለት እጁ እነሴ ወረዳ ዋና አስተዳዳሪ አርበኛ ይታያል አገሬ — የወረዳው ፍትህ ኃላፊ አርበኛ መንግስቱ ጥጋቤ — የወረዳው የፀጥታ ጉዳዮች ኃላፊ አርበኛ ገደፋዮ አገኝ — የወረዳው ሚዲያ ክፍል ኃላፊ አርበኛ አበበ ባዩ — የወረዳው ማህበራዊ ጉዳዮች ኃላፊ አርበኛ አራጋው አያሌው — የወረዳው ኦዲትና ቁጥጥር ኃላፊ በመገኘት ከመድረኩ የተነሱ ሀሳቦችንና ጥያቄዎችን አስተናግደዋል። በመድረኩ ከተነሱት ዋና ዋና የውይይት ነጥቦች መካከል የፋኖ የትግል አጀማመርና ወቅታዊ ቁመና፦ የፋኖ ህዝባዊ ትግል ከተጀመረበት ታሪካዊ መነሻ አንስቶ አሁን ላይ ደርሶበት እስከሚገኘው የጽናትና የጥንካሬ ደረጃ ድረስ ለአካባቢው ማህበረሰብ ሰፊ ማብራሪያ ተሰጥቷል። የታጋዩና የህዝቡ ትስስር፦ ታጋዩ ሰራዊት ከህዝብ የወጣና ለህዝብ መብትና ደህንነት የሚታገል በመሆኑ፣ በህዝቡና በታጋዩ መካከል ያለው ወንድማማችነትና ቅንጅት ይበልጥ ሊጠናከር እንደሚገባ ተስመረበታል። መልካም አስተዳደርና የፍትህ አሰጣጥ በማህበረሰቡ ውስጥ ገለልተኛ፣ ፍትሃዊና ቀልጣፋ የፍትህ አገልግሎት በመስጠት ረገድ የተዘረጉ አሰራሮች የቀረቡ ሲሆን፣ የህዝቡን እንግልት የሚቀንሱ የመልካም አስተዳደር ስራዎችን አጠናክሮ ማስቀጠል እንደሚገባ ተብራርቷል። የአፋብን የወደፊት አቅጣጫ፦ ወታደራዊና ሲቪል አደረጃጀቱን በማስተሳሰር የአካባቢውን ሰላምና ደህንነት ዘላቂ ማድረግ፣ የህዝብ አስተዳደር መዋቅሩን ማጠናከር እና የትግሉን አላማዎች ስኬታማ ማድረግ የወደፊት አቅጣጫዎች መሆናቸው ተመላክቷል። የወል መሬት እና የመኖ መሬት ወረራ (የጋራ ሀብት) አጠቃቀም የወል መሬቶችና የመና ሀብቶች ጥበቃን፣ የፍትሃዊ አጠቃቀም ስርዓትን እንዲሁም ህገ-ወጥ አሰራሮችን ከመከላከል አንጻር ከህዝቡ ጋር አዎንታዊ ውይይት ተደርጎባቸዋል። በመድረኩ ማጠቃለያ ላይ ከገዳም አቦ እና ከአፀደ ብርሃን ቀበሌዎች ነዋሪዎች የተለያዩ ጥያቄዎችና አስተያየቶች የተነሱ ሲሆን፣ በአመራሮቹ በኩል ሰፊና አጥጋቢ ምላሽ ተሰጥቶባቸዋል። የመድረኩ ተሳታፊዎች በተሰጣቸው ምላሽና ማብራሪያ መደሰታቸውን ገልጸው፣ ለተዘረጋው የፍትህ፣ የሰላምና የመልካም አስተዳደር ስራ ሙሉ ድጋፋቸውን እንደሚያደርጉ አረጋግጠዋል። ነሐሴ 18/2018 ዓም የሁለት እጁ እነሴ ወረዳ የጊዜያዊ መንግስት ሚዲያና ኮሚኒኬሽን ክፍል
25 Aug, 01:25

የማስጠንቀቂያ ደብዳቤ ለአቶ እስክንድር ነጋ
24 Aug, 16:04

በፖሊት ቢሮው ማስጠንቀቂያ ከተሰጠው በኋላ ነው ዛሬ በግልጽ ወጥቶ ኦሕዴድን መቀላቀሉን የገለጸው።
በፖሊት ቢሮው ማስጠንቀቂያ ከተሰጠው በኋላ ነው ዛሬ በግልጽ ወጥቶ ኦሕዴድን መቀላቀሉን የገለጸው።
24 Aug, 14:20
24 Aug, ~15:50

የበረኸኛው ቀስተ ደመና ብርጌድ ለወራት ያሰለጠናቸውን የፋኖ የሠራዊት አባላትን በዛሬው ዕለት በደመቀ ሁኔታ አስመርቋል‼️ ================== በሕዝባችን ትከሻ ላይ የወደቀውን የባርነት ቀንበር አሽቀንጥሮ በመጣል የተጋረጠበትን የሕልውና አደጋ ለመቀልበስ በሚደረገው እልህ አስጨራሽ ትግል ውስጥ የኃይል ግምባታ ተቀዳሚው ትኩረት የሚሻ ጉዳይ ነው። እንደ ቀስተ ደመና ፋኖም ባሳለፍናቸው 3 የትግል ዓመታት ውስጥ እጅግ ፈታኝና ውስብስብ የትግል ጎዳናዎችን በማለፍ ሁለንተናዊ የትግል እምርታዎችን አስመዝግቧል፤ አመርቂ የለውጥ ደረጃዎችንም አልፏል። ከዚህ መካከልም የስልጠናና የኃይል ጎምባታ ሥራው ትኩረት ተሰጥቶት የተሰራበት ተግባር ነው። በዛሬው ዕለትም ለወራት ያሰለጠናቸውን አራተኛ ዙር ሰልጣኞች በደማቅ ሁኔታ አስመርቋል። ሰልጣኞቹም በቆይታቸው በርካታ ወታደራዊ፣ ፖለቲካዊና ስነ ልቡናዊ እውቀቶችን በማካበት ቀጣይ የሚጣልባቸውን ግዳጅ በብቃት ለመወጣት የሚያስችል አቅም ፈጥረዋል። በምረቃ መርሐ ግብሩ የብርጌድ፣ የሻለቆችና የቀበሌ አመራሮች፤ የሃይማኖት አባቶች፣ የሃገር ሽማግሌዎች የበረኸኛው ቀስተ ደመና ብርጌድ የሠራዊት አባላት የጓይና አካባቢው ማሕበረሰብና ጥሪ የተደረገላቸው እንግዶች የተገኙ ሲሆን ለተመራቂዎቹ የእንኳን ደስ አላችሁና የአደራ መልዕክት በአመራሩ ተላልፏል። ቀድም ሲል በዚህ ብርጌድ ሲታገልና ሲያታግል የክብር መስዋዕትነትን በተቀበለው ሰማዕት አርበኛ ተመስገን ተስፋየ የተሰየሙት ሰልጣኞችም በዕለቱ ወታደራዊ ትርዒቶችን በማሳየት መርሐ ግብሩን ድምቅ አድርገውት ውለዋል። ማሰልጠን፣ኃይል ግንባታ የሕዝብ አስተዳደር፣ ጠላትን መደምሰስና የጠላትን ተቋም ማፍረስ የትኩረት ነጥቦቻችን ናቸው። ለሕዝባችን ሕልውና አስተማማኝ ዋስትና ለመስጠት የጠላትን አደረጃጀቶች ከማፈራረስ ባለፈ የሕዝባችን የነገ አለኝታ የሚሆን ተቋም ግንባታ ላይ አበክረን እንሰራለን። ድል ለአማራ ፋኖ! ክብር ለሰማዕታቱ! ነሐሴ 18/12/2018 ዓ.ም 18/12/2018 ዓ.ም
24 Aug, 12:26

ሚኪ አማራ √ ከወለጋ የስቃይ ማዕበል እስከ አማራ የህልውና ትግል !! ዛሬ ላይ ሆኖ ወለጋን ማየት ማለት የሰብአዊነት መቁሰልን፣ የፖለቲካ ሸፍጥን እና የዘመናት ግፍ መዘዝን በአንድ ላይ መመልከት ማለት ነው። ለዓመታት በወለጋ ምድር ላይ በአማራው ሕዝብ ላይ እየተፈጸመ ያለው ግፍ፣ መፈናቀል እና ስልታዊ ጭፍጨፋ ከምድር ሲኦል ጋር የሚስተካከል ነው። ይህ ሁሉ ግፍ የተጠነሰሰው በጠባብ ፖለቲካዊ ቅንጅቶች እና በስልጣን ጥም በሰከሩ አካላት ሲሆን የወለጋን ሕዝብ የፖለቲካ የቁማር ካርድ አድርጎ በመጠቀም የሕዝባችንን ደም እንደ ውኃ ሲያፈሱ ኖረዋል። የጃዋር መሐመድ እና የሽመልስ አብዲሳ ፖለቲካዊ ቁማር ማሳያ የሆነው ይህ መዋቅር ለሕዝባችን የሲኦል ምድር ፈጥሮ ቆይቷል። ​ይሁን እንጂ፣ የጨለማው ዘመን ማብቂያ ጅምር ታይቷል። ዛሬ በአማራ ፋኖ አደረጃጀት በወለጋ መሬት መጎልበት እና መጠናከር የጠላትን እንቅልፍ ነስቶታል። የሴራው ፖለቲካ ባለቤቶች የሆኑት አካላት የፖለቲካ ቁማር ማብቂያው ሰዓት ላይ ደርሰዋል። ፋኖ ለወለጋ አማራ የሰጠው የትግል ተስፋ እና የራስን በራስ የመከላከል አቅም የዚህ ስብራት ማብቂያ ነው። ​ይህንን ታሪካዊ ሂደት ስንመለከት ታሪካዊ እና ወታደራዊ ትምህርቶችን መውሰድ ተገቢ ነው። ታሪክ እንደሚያስተምረን ሕዝብን ያለ ሠራዊት እና ያለ ራስን የመከላከል አቋም ማቆየት ራስን ለአስገዳጅ እልቂት አሳልፎ መስጠት ነው። ወለጋ ከማዕከላዊው የአማራ ክልል ርቆ የሚገኝ በመሆኑ፣ ጠላት ሐሳቡን በቀላሉ በመበታተን ሕዝቡን አቅመ ቢስ ለማድረግ ሞክሯል። ነገር ግን ፋኖ በወለጋ መደራጀቱ የጠላትን የከፋፍለህ ግዛ ስልት ሰባብሮታል። ወታደራዊ ጥንካሬ የሌለው ፖለቲካ ከንቱ እንደሆነ ሁሉ ሕዝብን ከጥቃት የሚታደገው የታጠቀ የጸና ክንድ ብቻ ነው። የፋኖ መረብ መተሳሰሩ ለወለጋ አማራዎች ታሪካዊ የህልውና ዋስትና ሆኗል። ​ለዚህም ስኬት ፖለቲካዊ መፍትሔዎችና የስትራቴጂ ለውጥ ማምጣት ያስፈልጋል። የወለጋን ሕዝብ ለምርጫና ለስልጣን መለወጫ ማድረጉን ማስቆም፣ የጃዋር እና የሽመልስ አብዲሳ የፖለቲካ ቁማር በሕዝብ የጋራ ንቃት እና በፋኖ ጽኑ አቋም መዳከም አለበት። የትግሉ ማዕከል የጥላቻ ፖለቲካን ሳይሆን ከሌሎች ሰላም ፈላጊ ሕዝቦች ጋር በመተባበር አራጁን ሥርዓት ማስወገድ መሆን ይገባዋል። ​ስለዚህ መላው አማራ ለወለጋ ማድረግ የሚገባው ተግባር ግልጽ ነው። የወለጋ ፋኖ እና ሕዝብ በብቸኛነታቸው የሚዋጉ ሳይሆን ከመላው የአማራ ሕዝብ የሚደረግላቸው የቁሳቁስ፣ የሞራል እና የዲፕሎማሲ ድጋፍ ሊጠናከር ይገባል። እያንዳንዱ አማራዊና አማርኛ ተናጋሪ ማህበረሰብ የራሱን ደህንነት በንቃት የሚጠብቅበትን የአካባቢ ጥበቃ ሥርዓት ማጠናከር አለበት። የወለጋ ትግል የመላው አማራ የህልውና ፈተና በመሆኑ ትኩረታችን በዘላቂ ሰላም እና በጠላት መዋቅር ማክሰም ላይ መሆን አለበት። ​ይህ የሲኦል ምድር የሚበቃው በጋራ ጽናት፣ በወታደራዊ ጥንካሬ እና በፖለቲካዊ ንቃት ብቻ ነው። የየወለጋ አማራ ቁማር ካርድነት ዘመን አብቅቷል:: እናሽንፋለን!!
24 Aug, 11:02

አንድነትን የማጽናትና ወንድምነትን ከፍ ያደረገ የከፍታ ውሎ ከቋራ! ነሐሴ 18/2018ዓ.ም ​ከጎንደር አንድነትና ከሰማዕታት አንድነት ጉባኤ በድርኳዜ ሐምሌ 05/2018 ዓ.ም በኋላ የአፋብን በላይ ዘለቀ 3ኛ ዕዝ ተቋማዊ ግዳጆችን በመውሰድ በሁሉም ቀጠናዎች አንድነትን የማጽናት ሥራዎችን እያከናዎነ ይገኛል። አፋብን በላይ ዘለቀ 3ኛ ዕዝ በተለይም ፀረ-አንድነት ግለሰቦች በሚነዙት የልዩነት ሀሳብ ውስጥ የነበሩ ወንድማማቾች ላይ ግንዛቤ በመፍጠር፣ መርህን፣ ህግንና ተቋማዊ አንድነትን ማረጋገጥ ላይ ትኩረት አድርጎ በቁርጠኝነት በመስራት የአቃፊነት ስራዎቹን በማከናዎን ላይ ነው። ​በዚሁ መሠረት በቋራ ቀጠና በተካሄደው ታሪካዊ ውሎ፣ የዕዙ ምክትል ወታደራዊ አዛዥ ለወታደራዊ ጉዳዮች ኃላፊ አርበኛ ሸጋ ጌታቸው፣ የዕዙ ምክትል አደረጃጀት ጉዳይ ኃላፊ አርበኛ ብርሃኑ ነጋ እና ሌሎች ከፍተኛ አመራሮች በተገኙበት ውይይት ተካሂዷል። በዚህ መድረክ የ2ኛ መይሳው ካሳ ኮር ዋና ወታደራዊ አዛዥ አርበኛ በሊሁን ጌታቸው፣ የኮርና የክፍለ ጦር አመራሮች እንዲሁም አባላት ተሳትፈዋል። በፀረ-አንድነቶች ሴራ ምክንያት በተለያዩ  ውዥንብሮች ውስጥ እንዲያልፍ ሲሰሩበት የነበረው 2ኛ መይሳው ካሳ ኮር፣ በዛሬው ዕለት ከዕዙ ከፍተኛ አመራሮች ጋር  ውይይት በማድረግ የነበሩ ልዩነቶችን መፍታት ተችሏል። በቀጣይ በስሩ ያሉ ሁሉንም ክፍለ ጦሮች አካቶ ሰፊ ግንዛቤና የአንድነት ማጽናት ስራዎችን መስራት በሚያስችሉ ሁነቶች ላይ አቅጣጫ አስቀምጧል። ህልውናችን በተባበረ ክንዳችን ! ​አፋብን በላይ ዘለቀ 3ኛ ዕዝ ህዝብ ግንኙነት መምሪያ!
24 Aug, 10:51

በየዕድውሃ ከተማ መሽጎ የሚገኘው የአገዛዙ ሰራዊት አባላት ሙትና ቁስለኛ ሲሆን 1የአገዛዙ ቅጥርኛ ሚሊሻ በቁጥጥር ስር ውሏል 5 የሚሊሻ አባላት አይበገሬው 64ኛ ክ/ጦር ተቀላቅለዋል። ~~~~ የአፋብን ቴዎድሮስ ዕዝ 201ኛ ኮር አይበገሬው 64ኛ ክ/ጦር ነሀሴ 15/2018 ዓ.ም በሸበል በረንታ የዕድውሃ ከተማ ከንጋቱ 11:00 እስከ ጥዋት 2:00 ሰዓት በመግባት የሽፈራው ገረባው ልጆች ከባድ ውጊያ አካሂዶል። በዚህ አውደ ውጊያ በየዕዱውሃ ከተማ መሽጎ የሚገኘው አገዛዙ ሰራዊት አባላት ሙትና ቁስለኛ ሆነዋል። ሀምሌ18/2018 ዓ.ም ሀብታሙ ደጉ የተባለ የአገዛዙ የሚሊሻ ሰራዊት አባላት በሸበል በረንታ መረገጭ ንዑስ ከተማ የሚሊሻ አባል ሲሆን በክ/ጦሩ በተሰጠው መረጃ መሰረት ከፍተኛ ክትትል በማድርግ በቁጥጥር ስር ውሏል። በሌላ መረጃ በእነማይ ወረዳ የሚገኘው የአገዛዙ የሚሊሻ ሰራዊት አባላት በታላቁ ዲማ ጊዮርጊስ፣ ደብረ ፅሞና ቀበሌ ላይ በእምነት ተቋማትና የንፁሀን ሀብት ንብረት ላይ በተፈፀመው ዘረፋና ውድመት በመቃወም አይበገሬው 64ኛ ክ/ጦር ተቀላቀሉ።    1ኛ. ሚሊሻ ማሩ ምረት ስር እየሱስ ቀበሌ    2ኛ.ሚሊሻ ሀብታሙ ነገሠ ጋታንስ ቀበሌ    3ኛ.ሚሊሻ ሙሉሠው ተሻለ የቀበሀና ቀበሌ    4ኛ.ሚሊሻ መልካም ጤና ጋታንስ ቀበሌ    5ኛ.ሚሊሻ መኳንት ያለው እንደሽኝት ቀበሌ ተወላጅ ሲሆኑ ነሀሴ 18/2018 ዓ.ም የአፋብን ቴዎድሮስ ዕዝ 201ኛ ኮር አይበገሬው 64ኛ ክ/ጦር ተቀላቅለዋል።         አዲስ ትውልድ ፣አዲስ አስተሳሰብ፣ አዲስ ተስፋ!!                         ነሀሴ 18/2018 ዓ.ም አፋብን ቴዎድሮስ ዕዝ 201ኛ ኮር 64ኛ ክ/ጦር ሕዝብ ግንኙነት
24 Aug, 06:53

የብልፅግና ሥርዓት ዐቢይ አሕመድ አስተዳደር ማኒፌስቶና እቅድ ቀርፆ የአማራን ሕዝብ ከምድር ገጽ ለማጥፋት እየሠራ መሆኑ የሚገባህ፣ በዚሁ ሥርዓት የሚደርሰውን መገፋት፣ መገደል፣ መፈናቀልና መሰቃየት በገዛ ራስህ ላይ ሲደርስና መከራውን ስትቀምስ ብቻ ነው። ​ለዚህም ነው ዛሬ ልዩነቶችን ወደ ጎን በመተው 'አንድ ሆነን ይህን ሥርዓት እንታገል' በማለት አጥብቄ ጥሪ የማቀርበው። እኔ ራሴ በዚህ ሥርዓት በደልና ግፍ ከተፈጸመባቸው፣ ከተረገጡት የአማራ ልጆች መካከል አንዱ ነኝ። ሆኖም ግን ይህንን በደል፣ ግፍና ጨቋኝ ሥርዓት ድል ማድረግና መብታችንን ማስከበር የምንችለው መበታተንን አስወግደን በአንድነትና በጽናት አብረን ስንሰለፍ ብቻ ነው።" የአማራን ግፍ የአማራን ስቃይ የሚያቃት እንደዚህ ወንድሜ ሲበደል ብቻ ነው!! ያኔ ነው አማራ መሆንህ የሚገባህ ሆዳም አማራዎች በግዜ መፍትሔ ከእራሳችሁ ይመጣል ደም በደም ይጠራልና #Dave #Amhara
24 Aug, 06:41