Ethiopian Higher Education Institutions Muslim Students' Union

የትምህርት ሚኒስቴር Exit Examን በጁምዓ ሰዓት አድርጓል! ጁምዓ ቀን በመንግስት መስሪያ ቤቶች ደረጃ ከ5:30 - 7:30 ለስግደት በሚል ዝግ እንደሆነ ይታወቃል:: የፌደራል መጅሊስ በቅርቡ በሰጠው ፈታዋም የጁምዓ ሶላት የደረሰበት ማንኛውም ሙስሊም ወደ መስጂድ ሄዶ መስገድ ግዴታው እንደሆነ አሳውቋል:: ሆኖም የትምህርት ሚኒስቴር የመውጪያ ፈተናን በመጪው ጁምዓ ከ5:30 - 8:00 ለመስጠት ፕሮግራም አውጥቶ ሙስሊም ተማሪዎችን ከጁምዓ ሶላትና ከፈተናቸው እንዲመርጡ የሚያስገድድ ሁኔታ ፈጥሯል:: ይህ ሀገራችንን የምትመራበትን መመሪያ መጣስ ብሎም የሙስሊም ተማሪዎችን መብት መዳፈር ነው:: በትምህርትም ሆነ በፈተና ፕሮግራም ከትምህርት ሚኒስቴርም ሆነ ከዩኒቨርሲቲዎች ወይንም ከበታች ትምህርት ቤቶች በተደጋጋሚ የሚፈፀሙ የመብት ጥሰቶች በዘላቂነት ሊፈቱ ይገባል:: ካላንደር ከሌላቸው ወይንም ስለሙስሊሙ መሠረታዊ መብቶች እውቀቱ ከሌላቸው እንዲያውቁ ይደረጉ:: እየረሱ ወይንም ሆን ብለው እያበላሹ ከሆነ ደግሞ መንግስት ብዙም የማይረሳና የማያበላሽ ሰው በቦታው ላይ ያስቀምጥ:: @MohammadamminKassaw

በረመዳን ውስጥ እንደ ዩኒቨርሲቲ መቅረብ ያለባቸው አገልግሎቶች:- ■ረመዳን ሲደርስ ሙስሊም የዩኒቨርሲቲ ተማሪዎች መደበኛው አገልግሎት ከወሩ ጋር እንዲገጥም ተደርጎ ሊቀርብላቸው ይገባል:: ይህ በሀገራችንም ሆነ በሌላው አለም በሚገኙ ከፍተኛ ትምህርት ተቋማት የሚቀርብ ቢሆንም ሀገራችን ውስጥ የሚገኙ አንዳንድ ዩኒቨርሲቲዎች ሲያጓድሉ ይስተዋላል:: ለመሆኑ በረመዳን ወር ምን አይነት ዝግጅት ሊኖር ይገባል? እንደ ሞዴል በአዲስ አበባ ዩኒቨርሲቲ ያለውን አስቀምጠን እንይ:- • የምግብ ሰዓት:- የረመዳን ፆም የሚታሰረው ከሌሊቱ 9:30 ጀምሮ እስከ 11:00 በመሆኑ የግቢው ካፌ በዚያ ሰዓት ተከፍቶ ለተማሪዎች አገልግሎት ይሰጣል:: በመቀጠልም ለኢፍጣር ሰዓት ከ12:00 ጀምሮ እስከ ምሽቱ 1:30 ድረስ ክፍት ይሆናል:: • የምግብ አቅርቦት:- በተለምዶው ይቀርብ ከነበረው ሶስት የምግብ ፕሮግራም አንድኛው ተቀንሶ ሁለት ስለሚሆን እንዲሁም ጧት ላይ ለቁርስ የሚቀርበው ሻይ ስለማይኖር በአፍጥር ሰዓት ሾርባ ጭማሬ ሆኖ ይቀርባል:: አንዳንድ ዩኒቨርሲቲዎች ደግሞ ቴምር ጭምር ያቀርባሉ:: • የግቢ በር:- በመጀመሪያዎቹ 20 ቀናት ለተራዊህ ሶላት የግቢ በር እስከ 4:30 የሚከፈት ሲሆን በመጨረሻዎቹ 10 ቀናት ለተሐጁድ ሶላት ከ8:00 ጀምሮ ክፍት ይሆናል:: ■ ይህ አገልግሎት በብዙሐኑ የኢትዮጵያ ዩኒቨርሲቲዎች የሚሰጥ ቢሆንም አንዳንድ ዩኒቨርሲቲዎች ግን ስሁር የማያቀርቡ ወይንም ለስሁር ተማሪዎች እንዲያበስሉ የሚያደርጉ እንዲሁም የግቢ በር ሌሊት የማይከፍቱ አሉ:: ይህ እምነቱን ጠብቀው ሊያገለግሉት እና ሊያስተምሩት የተቀበሉትን ሙስሊም ተማሪ መብት መጣስ ሲሆን ሊስተካከል የሚገባ ነው:: ረመዳንም አንድ ወር እና ጥቂት ቀናት ብቻ የቀሩት ሲሆን ከአሁኑ ጊዜ ጀምሮ እንዲስተካከል መሠራት አለበት:: አላህ በሰላም ደርሰው ከሚፆሙት እና ከሚጠቀሙበት ያድርገን! https://t.me/EHEMSU

"መሠል ጥፋቶች በሙስሊም ተማሪዎች ላይ ዳግም እንዳይፈጠሩ ሙስሊም ተማሪዎች ጅልባብንም ጠቅሶ ሙሉ ሰውነታቸውንና ፀጉራቸውን የሚሸፍን ልብስ መልበስ ይችላሉ የሚል አንቀፅ ምክር ቤታችን ማውጣት የለበትም ወይ?" - ዶ/ር ኤሊያስ ለፓርላማ ያቀረቡት ጥያቄ ••• የትምህርት ሚኒስቴር በሚያወጣቸው መመሪያዎች ላይ እንደሚያይበት ከፓርላማው መልስ ተሰጥቷል:: ትምህርት ሚኒስቴር የሚያወጣውን መመሪያ ደግሞ የምናይ ይሆናል:: https://t.me/EHEMSU

"ኒቃብ ነው ወይንስ ሒጃብ የተከለከለው?" ብለው በመጠየቅ ኒቃብ እና ሒጃብን በመለያየት ጀምረው ኒቃብ ከሆነ የተከለከለው ሱና ስለሆነ ችግር የለውም ወደሚል መስመር መግባት የሚፈልጉ የእኛው ሰፈር ሰዎች ብዙሐን ናቸው። ልብ ሊባል የሚገባው ኒቃብ ሱናም ሆነ ዋጂብ ሊሆን ይችላል። እንደ ትምህርት ተቋም ስናወራ ግን that is not our ajenda.  እዚህጋ ሊሰመርበት የሚገባው ይሆነኛል ብላ የለበሰችው የትኛውም አለባበስ መብቷ ነው የሚለው ላይ ነው። ሙስሊምነትን አስታኮ ለሚመጣ የመብት ጥያቄ ደግሞ ከጀሰዲን ዋሂድ ሆኖ ሁሉም መቆም አለበት። ኒቃብ ለባሿም ሆነች የማትለብሰዋ: ሴቷም ሆነች ወንዱ ጥያቄው የመብት ነውና በአንድነት ሊሰለፍ ይገባል። https://t.me/EHEMSU

የሸዕባን ወር ትሩፋቶች... https://t.me/EHEMSU

ሒጃቧ - እምነቷ! ታምነዋለችና እንደሚጠብቃት፥ ጀነትን ደግሶ፣ ትታዘዘዋለች የጌታዋ ፍቅር፥ በልቧ ላይ ነግሶ። ልበሺው እንዳላት አላመነታችም፥ ቃሉን ስትቀበል፣ ሙስሊም መሆን ማለት ላንዱ ጌታ ትዕዛዝ፥ እጅ መስጠት አይደል?! ላፍታ ዝንፍ አትል ትዕዛዙ እምነቷ ነው፥ አትሽረው በዋዛ ድርድር እንዳትቀርብ የምድር ኃይል የለም፥ እምነት የሚገዛ። ጽናት ልቅናዋን በመ'ሸፈኗ አ'ርጎ፥ ከፍጥረት ቢመርጣት፣ አይፈቀድለትም ፍጡር ጣልቃ ገብቶ፥ ከመንገድ ሊያወጣት። https://t.me/EHEMSU

በዲላ ዩኒቨርሲቲ በኒቃባቸው ምክንያት ከትምህርት ከምግብ እና ከዶርም አገልግሎት ለ10 ቀናት የተስተጓጎሉ ሙስሊም ተማሪዎች የማካካሻ ትምህርት (ቲቶርያል) እንደሚሰጣቸውና ያለፋቸውን ፈተና ሁሉ እንደሚፈተኑ ADDIS STANDARD የሙስሊም ተማሪዎች ህብረት አሚርን ዋቢ አድርጎ ባወጣው ዘገባ አሳውቋል:: Well done😍 ሙሉ ዘገባውን ለማንበብ:- https://addisstandard.com/muslim-students-at-dilla-university-resume-studies-after-agreement-lifts-niqab-ban/?fbclid=IwZXh0bgNhZW0CMTEAAR1yXH0zqZrum0pQgMlDDvz2s6ejcHuvXE0ajKQgpK_CT_k_AE531Tf-vY8_aem_fUXGYoSPC9jDWZZA_4skkg&amp=1 @MohammadamminKassaw

ሒጃቧ - ታሪኳ! ታሪክ ያላውቁ ከትላንት የመጣ፥ አይሻገርም ቢሉ፣ ለብሳው ትዞራለች ቁጭት የወለደው፥ የነፍሷን ጣር ሁሉ። የመረረ ትግሏ የጽናት ትርጉሙ፥ ገጹ ላይ ያለበት፣ ሒጃቧ ድርሳን ነው የአያቶቿ ገድል፥ የሚዘከርበት። ድርሳኑ ሲገለጥ አሉ ቀደምቶቿ፥ ገዝፈው የተጠሩ፣ ስለክብሯ ብለው ሠራዊት ለማዝመት፥ ያላንገራገሩ። ድርሳኑ ሲገለጥ የአባቷ አደራ አለ፥ ሲሞት ያቀበላት፣ የዘመናት ትግሌን በዘመንሽ ሁሉ፥ "ለብሰሽ ኑሪ" ያላት። ድርሳኑ ሲገለጥ የእናቷ ቃል አለ፥ በደም የጻፈችው፣ ባልተመቸ ጊዜ ከማውለቅ በስተቀር፥ የማይቻለውን ሁሉ የቻለችው። https://t.me/EHEMSU

#Update “ በቋሚነት ይሁን ለጊዜው የተብራራ ነገር የለም፡፡ አሁን ግን ተማሪዎቹ ገብተው ትምህርታቸውን መማር ጀምረዋል ” - የዞኑ እስልምና ጉዳዮች ምክር ቤት የዲላ ዩኒቨርሲቲ ሴት ሙስሊም ተማሪዎች በአለባሳቸው ሳቢያ ግቢ እንዳይገቡ በመከልከላቸው፣ ከትምህርት፣ ከካፌና ከማደሪያ ውጪ መሆናቸውን ለቲክቫህ ኢትዮጵያ ቅሬታ ማቅረባቸው አይዘነጋም፡፡ ተማሪዎቹ በሰጡት ቃል፣ " 44 ሴት ተማሪዎችን ጥቁር ማስክ አድርጋችሁ 'አናስገባም' ብለው፣ ኒቃብ የለበስን 7 ሴቶችንም ከልክለውን ውጪ አደርን " ነበር ያሉት። ለቅሬታው ምላሽ የጠየቅነው ዩኒቨርሲቲው፣ እንደ ሁሉም የሀገሪቱ ዩኒቨርሲቲዎች ሁሉ በሴኩላሪዝምና ብዝሃ ሃይማኖትን ተረድቶና አክብሮ የሚሰራ ተቋም እንደሆነና ሴት ሙስሊም ተማሪዎች ሂጃብ እንዳይለብሱ እንዳልተከለከለ ኒቃብ ደግሞ አስቀድሞም በዩኒቨርሲቲ እንደማይደረግ ገልጾ ነበር። ተማሪዎቹ ግቢ እንዲገቡ ተፈቀዳላቸው ? ወደ ግቢ ገባችሁ ወይስ አሁንም ከግቢ ውጪ ናችሁ ? ሲል ቲክቫህ ኢትዮጵያ ጥያቄ ያቀረበላቸው ተማሪዎቹ፣ " ለጊዜው ከስምምንት ተደርሷል " ሲሉ መልሰዋል። " በተወካዮቻችን በኩል ኒቃብ፣ ማስክና ሂጃብ ለብሰን መግባት እንደምንችል ተነገረንና ትላንት ገብተናል " ብለዋል። በስምምነቱ መሰረት ለብሰው እንዲገቡ ከመነገራቸው ውጪ ሌላ የተባሉት ነገር እንደሌለ አስረድተው፣ " ለጊዜው ግን ግቢ ገብተናል " ነው ያሉት፡፡ በደብዳቤ ጭምር በመጠየቅ ጉዳያቸውን ሲከታተል የቆየውን የጌድኦ ዞን እስልምና ጉዳዮች ምክር ቤትንም ግቢ እንደይገቡ ተከልክለው የነበሩ ተማሪዎች ወደ ግቢ ገብተዋል ? ስንል ጠይቀናል፡፡ የዞኑ እስልምና ጉዳዮች ምክር ቤት ምን አለ ? " በቋሚነት ይሁን ለጊዜው የተብራራ ነገር የለም፡፡ ግን ተማሪዎቹ ገብተው ትምህርታቸውን መማር ጀምረዋል፡፡ በዘላቂነቱ ላይ እንደ አገር የሚያዝ አቅጣጫ ይኖራል፡፡ ከዚያ ውጪ ግን ይሄ ነው ተብሎ የተገለጸ ነገር የለም፡፡ ሲጀመር ክልከለውን በተመለከተም በፅሑፍ የተገለጸ የለም፡፡ አሁን ሲፈቀድም በተመሳሳይ ነው፡፡ አገራችን የብዙ ሃይማኖቶችና ብሔሮች መገኛ ስለሆነች ስርዓቶችም ሃይማኖቶችን፣ ብሔር ብሔረሰቦችን ያማካሉ ቢሆኑ፤ ለአንዱ እድል ሰጥቶ ሌላኛውን ያላገለሉ፣ ሃይማኖት ባሉ ነገሮች ምክንያት በሌሎች ቦታዎችም ሁሉን ያማከለ ሆነው ቢወጡ የተሻለ ነው፡፡ የጥብቅ ደን/ብዙ እፅዋቶችን አንድ ላይ ነው በማልማት የሚታወቀውና እንደ አገርም ቅርስ የተያዘለት ማህበረሰብ ያለበት ዩኒቨርሲቲም ስለሆነ ነገሮች ሲከናወኑ በዚያ ቢታሰቡ እጅግ መልካም ይሆናል " ብሏል፡፡ የተደረሰውን ስምምነት በተመለከተ ማብራሪያ ለማግኘት የተደረገው ሙከራ የዩኒቨርሲቲው አካላት ስልክ ለማንሳት ፈቃደኞች ባለመሆናቸው ለጊዜው ሃሳባቸውን ማካተት አልተሳካም፡፡ #TikvahEthiopiaFamilyAA @tikvahethiopia

"መብቴ እንዲከበር ምን ላድርግ?" ከሆነ ጥያቄህ "እስኪከበር ድረስ ጩህ!" የመጀመሪያው መልስ ነው:: ከዚያ ባሻገር ሳይሰለቹ መማር መማር መማር መማር ያስፈልጋል:: የሀገሪቱን 50% እሸፍናለሁ የሚል ህዝብን ወክሎ 20% ሳይሞላ ከትምህርት ተቋማት የሚገባ ተማሪ ሊተኛ  ሊያርፍ ሊዘናጋ አይገባም:: ውጭ ያሉ ወገኖቹንም ጭምር ደጋግሞ መማር አለበት:: እነርሱ ተጠቃለው እንዲማሩም መስራት አለበት:: እየጮኸ ••• እያነቃ ••• እየነቃ ••• እየሰራ ••• እየተጋ ••• እየተማረ ••• እያስተማረ ማለት ነው:: https://t.me/EHEMSU

በዲላ ዩኒቨርሲቲ ኒቃቢስቷ ለብሳ እየተማረች ነው! በመቱ ዩኒቨርሲቲ ኒቃቢስቷ ለብሳ እየተማረች ነው! በመዳወላቡ ዩኒቨርሲቲ ኒቃቢስቷ ለብሳ እየተማረች ነው! በሐረማያ ዩኒቨርሲቲ ኒቃቢስቷ ለብሳ እየተማረች ነው! በወራቤ ዩኒቨርሲቲ ኒቃቢስቷ ለብሳ እየተማረች ነው! በወልቂጤ ዩኒቨርሲቲ ኒቃቢስቷ ለብሳ እየተማረች ነው! • • • • ግን ጂማ ዩኒቨርሲቲ ኒቃቧን ለብሳ መማሯን ከልክሏል! ግን አዲስ አበባ ዩኒቨርሲቲ ኒቃቧን ለብሳ መማርን የሚከለክል መመሪያ አፅድቋል! • • • ግን ••• መብቷ ሊጠበቅ ይገባል:: መብቷን መንፈግ ኢ-ሰብዓዊነት ነው:: ከሕገ-መንግስት ውጭ ነው:: የሐይማኖት ነፃነት መብቷን ይጋፋል:: ፍትሕ ያስፈልጋታል:: ነፃነቷን ትሻለች:: እኩልነትን ትፈልጋለች:: መብቷ መጠበቁን የሚገልፅ መመሪያ ያስፈልጋል:: መብቷ ሲጣስ ከለላ የሚሆናትና አጥፊዎችን የሚቀጣ መመሪያ ያስፈልጋል:: ፍትሕ ለኢትዮጵያ ሙስሊም ተማሪዎች! https://t.me/EHEMSU

በ2017 ዓ.ል በመዳ ወላቡ ጎባ ካምፓስ ላይብረሪ ውስጥ ለአመታት ተለብሶ መግባት ይከለከል የነበረው ኒቃብ በተማሪዎች ትግል ተስተካክሏል:: በመቱ ዩኒቨርሲቲ በደሌ ካምፓስ ከ2 አመታት በፊት አንድ ኒቃቢስት የተባረረችበትና ከዚያም ቡሃላ ይከለከል የነበረው ኒቃብ በተማሪዎች ትግል ተስተካክሏል:: በዲላ ዩኒቨርሲቲ ኒቃብ ተከልክሎ ከወር በላይ ቢቆይም በተማሪዎች ንቅናቄ ተስተካክሏል:: በሰላሌ ዩኒቨርሲቲ በግል ደረጃ እንኳ ሶላት መስገድ ተከልክሎ የነበረ ቢሆንም በተማሪዎች ትግል ዶርም ውስጥ መስገድ ተችሏል:: ሆኖም አሁንም ትግል ውስጥ ናቸው:: •••• እነዚህ ብዙ ልንማርባቸው የምንችልባቸው የትግል ውጤቶች ናቸው:: ተሳኩ ተብሎ መርካትና መቀመጥ ስንፍናን መውረስ ነው:: ካለፈው ልምድና ትምህርት ወስዶ ሁሉም ቦታ ከሙስሊም ጠልነት ፀድቶ የሙስሊም ተማሪዎች ሕገ-መንግስታዊ መብት እስኪከበር ድረስ መትጋት ያስፈልጋል:: መብትን አጥንቶ ማወቅ ••• ዋጋውን መረዳት ••• ለመታገል መቁረጥ እና በቁርጠኝነት ማስከበር ያስፈልጋል:: ከአዲስ አበባ ዩኒቨርሲቲ እስከ ጅማ ድረስ ያሉ ችግሮች ብሎም በመላ ሀገሪቱ ያሉ የመብት ጥሰቶች በዘላቂነት በመመሪያ እና በተግባር መከበር አለባቸው::

ወሎ ኮምቦልቻ 2ተኛ ደረጃ ትምህርት ቤት በኒቃብ ምክንያት ከፈተና የታገዱ ተማሪዎች ወደ ፈተና እንደተመለሱ ሰምተናል:: ሆኖም ግን ከት/ቤቱ አመራሮች ሕገ-ወጥ የሆኑ ዘለፋዎች እየደረሱባቸው ነው:: ከአሁን ቡሃላ ባለው ችግሩ በዘላቂነት እንዲፈታ በየትኛውም አካባቢ በሙስሊም ተማሪዎች ላይ የመብት ጥሰት የሚፈፅሙ አካላት አስተዳደራዊ እርምጃ እስኪወሰድባቸውና በሕግ አግባብ እስኪጠየቁ ድረስ መትጋት ያስፈልጋል:: አለዚያ እነርሱ በሰከሩ ቁጥር የስካራቸው ማስታገሻ ማድረጋቸው አይቀርም:: ከአቅል ርቀው ለመበደል ወደሗላ ያላሉትን በሐቅ ላይ ሆነን ፍትሕ እንዲሰፍን ማድረግ አለመቻል ታሪካዊ ክስረት ነው:: መብቶቻችንን በየቦታው እንጠይቅ ••• ለመብቶቻችን እንታገል ••• እስከ ፍትሕ ••• እስከ ነፃነት ••• እስከ መከባበር! https://t.me/EHEMSU

Mana barumsa sadarkaa 2ffaa kombolchaa barattoota mutanaqqiiba Qormaata irraa dhorkee! ••••••••••••••••••••••••••••••••••••••••• Walloo kombolchaatti kan argamu manni barumsa sadarkaa 2ffaa kombolchaa niqaaba kanaan duraa biliisaan uuffatamaa turee yeroo qormaata eegun dhorkeera. Guyyaa har'aa barattoonni qormaata waligalaa yeroo fudhatan "Niqaaba ykn qormaata" filadhaa jeechun, qormaatarraa ala akka ta'an godhamaniiru. barattoonni cunqursaa fi reebamu irra deeddibin isaanirratti gahaa jiru majliisa dablatee qaamni dhimmicha ilaallatu dhimmicha furmaata akka argatuu akka goodhu gaafataniru. https://t.me/EHEMSU