•"مشعات ذماري"•

قولوا اليوم بكرت الصبح ركبت باص رايح الجامعه والمعنويات عندي عاليه جداً والنفسيه اف اف مدري ليش .. ركبت الباص وكان به ثنتين طالبات بالكرسي الأخير و طالب قدامهن وانا ركبت بالكرسي الاول ماقدرت اجلس ساكت واشتي شي يلفت نظر المزز وطلعت براسي الفكره حق صاحبي ! قمت سويت منبه لبعد دقيقه وجوالي رن ويسعم انه اتصال جاني وبين اكلم نفسي واقول قناتي مشعات ذماري ايوه وفتى باهت ونكت ذماري في التيليجرام واسمي عازف مالك ياشيخ قدنت ناسي يلا سابر اي نشر او اي شي كلمني والله مانشر لك الابقناتي مشعات ذماري (كنت اشتي اسمعهن ينضمين فيها ههههههههه)!! كملت الأتصال هههه اي اتصال والله مالي علم ، المهم والطالب ذي خلفي قال قناتك مشعات ذماري قلت ايوه قال ياحيا امانه انت عازف قلت اي والله جلس جمبي وقال انا من المعجبين بك وبقناتك والله وانا ارفع راسي واقول هذا من ذوقك ربي يحفظك وهو يمدحني وجالس يبسر لوجهي ساع ذي يقول هذك المشعات تخرج من هذا الوجه معقوله ..! " بعدين شل رقمي وقال والله مانخزن اليوم الا سوا قلت ابشر .. الساعه واحده ظهر بيتصلي ياجناه عليا من قلي اجيب له رقمي، رجعت قمت رحت لعندهم انا مفكر اننا باوصل بيت فخم لأن صورته كانت ساع ذي هم زلط ، وصلت داخل دكان هههه مابش فيه لاحمام ولاشي خزنت جمبه وتجابرنا شويه وابوه جاء خزن جمبنا وقال ابوه يتضايق من ريحة السجاره .. شويه واربعه اصحاب مترات جوا يخزنوا شوية وجوا اخوته السبعه عندنا يشتوا يذاكر لهم !! ابن عنسير من الله هو دكان مشو خيمة عرس، جلسنا مخزنيين وحنا مسنبين(واقفين)مثل الروتي وسط القرطاس ، شويه واننا اشتي الحمام حلقت عليا قلت له ياشيخ به حمام هنا ولا مكان مستور اخرج ازغبر فيه قام لبيتهم ابسر لي طريق وانا رحت دخلت الحمام وقلت اشرب نخس سجاره فيه قدنا مخرم ، دخلت الحمام حرام اننا افتجعت فيه اكثر من الف وخمسميه نوع من البلاط اشكال وألوان ، ومابش مع الحمام صندل رجعت دخلت بصندلي هههه هذا حمام اسره ولا حمام صالة اعراس ...! حرام ماقدرت اجلس في الحمام من قوة ماهو ضيق يعني لو تشتي تسوي حاجه ولاشي ماتقدر الا وانت واقف ولو اشرب سجاره في هذك المكان الضيق والله ليقولوا الناس ان قد البيت بيحرق هههه ومابش معاهم سطل مبلا صحن وسط الحمام كيف عايشين ياناس خافوا الله !! دخلت الحمام وخرجت بنفس الدقيقه ولاسويت شي ياليتنا مادخلت ليتنا زغبرت في الشارع ولا ادور الحمام ، خرجت من الحمام رحت الدكان وقد اصحاب المترات شططوا الدفتر حقي يشتوا يسوو الورق في المترات حقهم واكلوا قاتي ، والأب بيشرب شمه وكان معي مشروب قرون حرام ماقد الا طعمته فقط وهو شله وتفل فيه قصده انه متفل واخوته قاموا شربوا من الماء حقي اجي ابسر الصحه الماء وقد فيها تمساح وفيها نص كيلوا رز💔 ضبحت وقمت شليت ادواتي ذي قدهن من نص نص.. نص دفتر نص القات وقرح عليا القرون وقده مسموم الماء حقي ، وقلت لهم والله اننا جيت عندكم وابي مش داري واشتي ارجع ووالله لو انتم قليلين ادب تربيع عتقولوا لي بدري ومانتظرت لهم يتكلموا قلت لهم كذا وانا باب الباب كملت اتكلم ونبعت من الباب نبع ، الهربه نص الرجاله وحرام ماكرهت الشهره مثل ماكرهتها اليوم واول واخر يوم ازيد امثل بأتصال لو انا مجدد باعيدها مانزلت المنشور الا وقد حظرته من القناه عيجي بكره يقلي وين سارت قناتك شاقله قرحت بعد القرون والقات والماء واقول امزح لاتصدق ولكن حظروها عليا وانهي صداقتنا ان شاءلله ..!!