•"مشعات ذماري"•
Kanalga Telegram’da o‘tish
شاب، مشاع، شاعر، ساخر، زباج، ذماري، يكتب.ماحدث. له، يكتب ماطلع في رأسة. تجدون عنده الطيبات والملذات. يبحث عن سعادة الشعب المناظل ..!! @o_sdn • @o_sdq لتواصل والأستفسار. ☜ [ @os_dhllbot 」 تم انشاء القناة..! -ميلادي ☜(2024/11/5) -هجري ☜(1446/جماد اول/3)
Ko'proq ko'rsatish2 766
Obunachilar
-224 soatlar
-237 kunlar
-8330 kunlar
Ma'lumot yuklanmoqda...
O'xshash kanallar
Ma'lumot yo'q
Muammo bormi? Iltimos, sahifani yangilang yoki bizning qo'llab-quvvatlash boshqaruvchimizga murojaat qiling>.
Taglar buluti
Kirish va chiqish esdaliklari
---
---
---
---
---
---
Obunachilarni jalb qilish
Iyul '26
Iyul '26
+14
0 kanalda
Iyun '26
+52
11 kanalda
Get PRO
May '26
+128
14 kanalda
Get PRO
Aprel '26
+138
32 kanalda
Get PRO
Mart '26
+144
32 kanalda
Get PRO
Fevral '26
+251
34 kanalda
Get PRO
Yanvar '26
+308
36 kanalda
Get PRO
Dekabr '25
+245
33 kanalda
Get PRO
Noyabr '25
+142
35 kanalda
Get PRO
Oktabr '25
+178
6 kanalda
Get PRO
Sentabr '25
+637
30 kanalda
Get PRO
Avgust '25
+463
31 kanalda
Get PRO
Iyul '25
+321
21 kanalda
Get PRO
Iyun '25
+238
3 kanalda
Get PRO
May '25
+303
32 kanalda
Get PRO
Aprel '25
+1 225
126 kanalda
Get PRO
Mart '25
+647
65 kanalda
Get PRO
Fevral '25
+999
103 kanalda
Get PRO
Yanvar '25
+2 520
107 kanalda
Get PRO
Dekabr '240
34 kanalda
Get PRO
Noyabr '24
+105
3 kanalda
| Sana | Obunachilarni jalb qilish | Esdaliklar | Kanallar | |
| 10 Iyul | +4 | |||
| 09 Iyul | 0 | |||
| 08 Iyul | +1 | |||
| 07 Iyul | +2 | |||
| 06 Iyul | +1 | |||
| 05 Iyul | 0 | |||
| 04 Iyul | +1 | |||
| 03 Iyul | +1 | |||
| 02 Iyul | +1 | |||
| 01 Iyul | +3 |
Kanal postlari
شفتوا امس اللاعب الارجنتيني عندما فلخ ام محمد صلاح فلخ
هو شل الكوره الكوره ماشلش اختك عشان تفتجع عليها هكذا، محمد صلاح امس تمنى انه يكون من الزواحف ومايمتلكش ارجل من قوة الزبطه .. هذك مش فاول هذك حادث مثل لو صدمته سياره ، حرام لو صدمته سياره انه اخف له من رجل اللاعب ذيك
والحكم اول ماشاف ايش سوي اللاعب الأرجنتيني اللتفت لعند المشجعين بيبسر البنات يسعم انه ماشاف ولا عرف ولا هم يحزنوا .. اللاعب الأرجنتيني ذيك لابس جزمة من عمال صبه. وكل وضيفة اللاعب ذيك يكسر الناس بس، معه رجل بقوة ثلاثه رجال يمنيين مخزنيين
يافيفا فلفلوها ليدي ..!!
| 2 | اليوم بينما انا حزين ع ام الدنيا مصر وضابح من الفيفا دخل واحد يراسلني قال هيا ماهو ياعازف من متى قدك بتشجع وبتابع مباريات .!؟
هذا مسكين .. مشو داري اننا وانا طفل كانت تقمطني امي بشربة والعربيه حقي مانت بوتي .. من كثر ماكنت اجلس انا والكره كنت افكر انهي واحد من الأسره كان معي كوره كنت اعبيها غاز مش هواء .!!
مره وانا مخزن بقات من حق اب، اعوذبالله من قات ماتدري انت خزنت به او هو خزن بك يخليك تهلوس وتجنن ويدي الاسهال اول قات باليمن يدي الأسهال ولا القات حق الجمهوريه مايجيبين الا اليبس ، المهم خزنت وماعد دريت بنفسي الا وقد لبست البوتي بدون شربات وكنت لابس ثوب !
وخرجت اللعب مع العيال بالحاره بعدين قالوا معاهم مباره في حاره ثانيه وعيشلوني معاهم اوقع حارس، حارس وحامي الدار عازف الهوشلاني .. رحت معاهم وانا بالثوب والبوتي ومخزن بالشقين هههههههههههه مجنون مجنون امني الله
وصلنا الحاره تيك وبدأت المباره وكنت حارس بس حارس بقوة ثلاثه حراس. ضجني الثنتين بيحرسين جمبي ولا قدروا يهدفوا عليا كانوا يقولوا اننا ساحر بس مابش معاهم اثبات رجعوا جوا لعندي يسعم ينصحوني ابذل القات عشان لاشترغ هههه لو ابذل القات عيختفوا الحراس اللي جمبي !
المهم لعبنا وكل المباره لصالحنا وهم يصيحوا عتشترغ ابذل القات وانا مدعمم، اصلا مخدر مانا داري مابيقولوا كل تركيزي لعند الكره. وكان معانا صاحبي احمد بلسه بيلعب. وقعت هجمه لنا واحمد راوغهم وسجل هدف. ياليلاه. فجأة نلتفت وان ذي كان يقول لي ابذل القات عتشترغ.. اشترغ هو وانا ذي انا مخزن ماوقع بي حاجه .. نجي نبسره ماله اشترغ فحصناه قالوا ماقدر ينزل الأهداف ذي قدهن عليه ههههه ...!
كان يقلي وانا شاجيب معي زيت طبخ ولا كنت شاجيب سيخ حديد انخش به حلقك مثل مابننخش غرف التفتيش حق المجاري ههههه المهم فزنا بنتيجة0_11 لصالحنا ، روحت البيت وقد بين اعرق من كل شعره وقد القات مليان تراب وحشيش رجعت قمت ابذل وبينما انا بين ابذل خرجت الكوره من ضجنتي. ههههه حنبت وحنا مفكرين انهي دخلت الحوش ، كنت مفترس
المهم اصحابي ماتوقعوا مني اننا حارس هكذا بعدين قالوا عيسجلوني بمدري ايشهو عشان ادخل مع المنتخب اليمني، رحنا هناك بعدين قالوا يشتوا يجروني طبعاً رحنا ومشنا مخزن .. لعبنا مع عيال بزران مايعرفوا يلعبوا. وسجلوا عليا 22هدف ، اخترط العداد اكتشفنا انه القات اللي كان حارس مشو انا ..!! | 253 |
| 3 | قولوا مره وانا جاهل كنت ابيع مشبك فوق عربيه .. ماناش داري بأيش كنت افكر وكيف كنت خطير الى هذا الحد
كنت ابيع المشبك وامشي في الشارع واصيح قائلاً خيار خيار وواحد جاء لعندي قال كيف بتصيح خيار وانت تبيع مشبك ، قلت له مشنت داري ليش، انا بين اسوي هكذا لجل اغالط الذبان .. الرجال ضحك وقام يشتي يرحله بدون مايشتري وانا صيحت له يي ياعم انا بين اغالط الذبان مابين اغالطك انت مالك ماتشتري اقل شي قدر مواهبي !!
رجع لعندي وقال انا ماجيت لعندك الا حين سمعتك بتقول خيار خيار لأننا اشتي خيار ماشتي مشبك ، اول شخص يبرمني ويهكمني وماعد اقدر اقول شي .. قلت في نفسي هربنا من الذبان لجل المشبك جاء لنا ذبابة الخيار ، عليها لعنة الله بلاد وعليه شعب ذي كل واحد اخطر من الثاني ..!
ذلحين لو تسير تبيع محلبيه وتصيح خرا خرا. عيجي لك واحد نفس ذي جاء لي يقلك انا كنت اشتي خرا مش محلبيه ، فنصيحه مني لاتصيح وجلس سكته او النصيحه الصح انك لاتخرج تبيع اساس وجلس في بيتك معزز مكرم ..!! | 456 |
| 4 |  Matn yo'q... | 597 |
| 5 | واحده دخلت لي خاص بتسألني
قالت : يا دكتور عازف ، اني حامل وما اشتيش اولد طبيعي ولا قيصري ايش الحل؟
قلت لها: الحل انك تحوليه ملف pdf وتنزليه في فلاشه
مالها هذي الأخت جات تسألني او ابسرتني دكتورة قبالة .. حتى احلامي ماضفت فيها شي عن الدكتره، كل احلامي اوقع مكنيكي سيارات او معلم نجارة المهم يعني بين احلم احلام قد الناس اللي وصولوا لها ضابحين من ارواحهم نادمين حين وقعوا نجارين او مكنيكيين
انا مارحمت الا ولدها كيف عيخرج .. اعتقد انه الشخص الوحيد اللذي يحق له يندم حين خرج من بطن امه ..!! | 677 |
| 6 | ثم خرجت وقالت: إن محمداً قد مات..
فـ اهتـزت المدينـهہ بالبڪُاء
♡ صـلّـوُا عـليـهہ وسـلّمـوُا تسـلّيما ♡!! | 665 |
| 7 | قولوا مره فكرت في مشروع اسويه لي واطلب الله واشتغل طبعاً مافكرت بهذا المشروع الا بعد تحفيزات من الشله المدهده، المشروع عباره عن اننا اشل العربيه حقنا واسير اشتري اي فاكه من تجار الخضروات والفواكه واخرج ابيع في الأسواق ..!
اليوم الثاني بكرت فجر شليت العربيه ورحت اشتريت سله برتقال ورحت سوق المركزي اللي يبيعوا فيه القات .. جنبت العربيه جمب اللي يبيعوا فواكه وهم مطننين تاعبين شمس ماقد باعوا حتى اثنين كيلوا. وانا وصلت جمبهم ابسروني وضحكوا قالوا مالك يافارغ قده اخر يوم لي ابيع فوق العربيه وانت عادك جيت تبيع ابتسمت له ودعممت مالقيت رد عادنا مستحي !
بعد مرور نص ساعة جاء زبون شل كيلوا برتقال بدون ماسوي شي يعني كنت جالس مطنن. بعت له وشويه وجوا اثنين زباين بنفس الوقت وانا تحمست وبدأت بعملية الترويج ، كنت اصيح تعالوا تعالوا معانا برتقال يرطب البشره ويقوي النظر ويقوي الأيمان معانا برتقال يبعد حب الشباب ويقوي المفاصل والزباين نظروا لعندي وواحد يمشي وواحد يجي !!
وانا اتحمس اكثر واروج واصيح قائلاً هذا البرتقال يخليك تنام الليل وانت مبسوط ويخليك تطعم القات ويخلي زوجتك تعترف بك رجال بقوة اربعين حصان وثلاثه رجال مخزنيين .. والشيوبه سمعوا كلامي وصدقوني المساكين وجوا يشتروا ، بخلال ساعتين كملت العربيه البرتقال واصحاب العربيات الباقيه مطننين لعندي كيف فعلت ياوسخ كيف سويت وانا اقلهم هذا سر المهنه واشل العربيه وارحلي وربحت قيمة السله البرتقال مرتين ..!
المهم اصحاب العربيات اليوم الثاني ماجوا يبيعوا الا برتقال وانا تقدمت عليهم بخطوه وفكرت من الليل اننا ابكر اشتري تفاح وابيع تفاح ، بكرت اشتريت التفاح ونفس الكلام بدأت عملية الترويج، تفاحتاً ذهبيه ولكن هذي المرة حمراء هذا التفاح جاء خصيص لكم من وسط جزيرة سقطرى وبعدين قلبت اللهجه وكنت اروج بالمصري .. اييه ياباشاء معانا ليكا تفاح ملوش حد تعالوا ياجذعان ده التفاح لو اكل منه فرعون كان هيسلم من حلاوة مذاقو ايه الناس الحلوه ديه وايه التفاح الحلو ده ، المهم كملت البيع وقمت اروح
اليوم الثالث بكرت فجر اشتري قلت لنفسي باشتري تمر وابيع. اشتريت ورحت السوق وكنت اروج واقول هذا التمر كان يأكل منه محمدﷺ، هذا التمر لو تأكله في الظهر برمضان مايفطرك من سبب البروتينات والفيتمينات اللي فيه ماينزل للمعده يتغذي جسمك وعاده بفمك لهذا مايفطركش، تخيلوا هذا التمر من اطول نخله في العالم. مابعدوهن الا وهم فوق هليكوبتر. النخله قدهي ناطحة سحاب ، ومجرد مايجوا الزباين من سبب ترويجي اول مايوصلوا لعندي اخليه يفتح فمه وادخل تمره لفمه واقول اطعم وقول ماشاءالله هذا من فضل ربي .. بلداً طيبه ورباً غفور وهم يذوبوا
ولكن يافرحة ماتمت اصحاب العربيات قد كانوا عيجننوا من تحت راسي ، خلوني لوما قدنا وحدي، وجوا لعندي وقالوا ياعازف انت مزوج قلت لا قالوا يتيم قلت لا قالوا ليش تجي تقطع رزقنا والله ماعد بيأكلوا عيالي وزوجتي الا البضاعه حقي ذي مابعتها يامنعاه لاتقطع رزقنا ، وانا الصدق تأثرت ورحمته وقلت خلاص تم .. مشيت من عندهم وانا بين افكر كيف اقنع امي لو اقلها الموقف هذا عتقولي روح بيع بمكان ثاني وانا مشنا حق شولحه يكفي بالمركزي وعتقول انت مش عمل انت مبخوس وصايع .. رجعت قررت، بكرت اليوم الثاني اشتريت تفاح ورحت لزغط وحدي جلست لبعد الظهر ورجعت روحت البيت وهن معي قالت امي ليش ماتبيع قلت ماعد احد اشتري يلا يلا بعت كيلوا مانا ماعد باشتري خلاص قد الناس ملوا من الفواكه حراف ، وبطلت ابيع وكنت امشي بعض اوقات من جمب اصحاب العربيات وهم يستخدموا اساليبي بالترويج يبسروني ويصيحوا لي واحد يدي لي كيلوا تفاح وواحد كيلوا برتقال وواحد كيلوا عنب يعني ارجع البيت ومعي خمسه كيلوا فواكه بلاش ..!!
اللهم ارزقني وارزق مني | 800 |
| 8 | الله يرزقني ثقه في النفس
نفس مارزق تيك البنت اللي سوت منشور في قناتها قائلة فيه : تعرفون ليش الجو حر كذا لأني شكيت همي لشمس وقالت الشمس بحرق الدنيا عشانك ..!
احب اقلك ياحبيبتي حتى الشمس نفسها بتشتكي من الحر هذا بس عندنا بذمار امس واليوم جو مامثله الا في اسطنبول، ماخزنت اليومين هذي تخيلوا، مش من الحراف. وانما من حلاوة الجو. جو محافظة ذمار حاجه غييير ..!! | 675 |
| 9 | ذلحين هذا موضوع الطيبات ماشنا داري لوين عيوصلنا وايش عيسوي لنا بينما قال كلشي مضر بالصحه .!
يادكتور جبرك انت انصح الأجانب والخليجيين المزلطين لكن احنا اليمنيين قطعت علينا جميع اسباب الحياه ، قال لانأكلش طماطيس مشو داري ان الطماطيس عندنا يجيبهن ابي يوم الجمعه مثل الفاكهه ، مالك يادكتور انت عارف لو اكل حبه طماط في البيت ليرفعوا عليا جريمة قتل اننا اكلت واحد من الأسره .!
الخيار الثومه البصاله الجبن الطحين الفاصوليا الفول البرعي. كلشي مضر بالصحه .. البصاله هذي بنستخدمها علاج لو به واحد مريض زكمه يأكل بصاله قال نأكل جبنه صفراء نفس حق توم وجيري .. مابنأكلش جبنه برايد عاد عنأكل جبنه صفراء، الدجاج مافعلين بك ولا قصدك ان الدجاج من فصيلة الديناصورات ، حيرك ع الدجاج ليش ماتتكلم ع الضفادع والحشرات الباقيه ذي بيأكلوهن بالهند والصين ولا هن فايده لصحه !!
انا قد كنت اشتي اطبق نظام الطيبات هذا بس لو تعرفوا ايش رجعني
قولوا قبل مابسر هذا الدكتور ضياء وابسر فديوهات رحت اتقضي للبيت من كلشي خضروات بيض فاصوليا فول كلشي بخمسين الف. بعد ماشتريهن اليوم الثاني ابسرت فديوهاته عادنا اشتي اقول والله مامشي الا بعد نصيحتك وتذكرت اننا خاسر خمسين الف.. لو امشي بعد كلامك اين اين اشل المقاضي ومن عيجيب زلطي .!
قال نكون نأكل بسباس ههه وصل لعند السم وقال اكلوه قال اي شخص مريض بالسكر يأكل سكر ولايأكل شي لمدة شهر غير سكر ههه انا يادكتور وانا جاهل كنت احب السكر اكلت سكر ماغير دغفه بيدي ماجاء العشي الا وانا مليان دود وانتي بتقول يجلسوا شهر يأكلوه حرام ليوقع بدل ماهو انسان ليوقع حنش بكله ، قال اي شخص مريض بالضغط يسير البحر الأحمر لايأكل شي الا يشرب ماء مالح لما يأتيك الموت، المريض هذا راح للموت مش الموت راح له !!
الله يسامحك ياعم ضياء شوهة صمعة الدجاج ، انا لي سنتين وانا بين افكر اننا في عرسي باغدي الضيوف دجاج اللحمه غاليه وانت الحين جيت قرحتنا جو.. حرام مادي لالحمه ولا ذي لحمت. لو ماجبت دجاج شاجيب لهم مرق بس .. المهم انا احترمتك في حاجه بس عندما قلت اشربوا دخان وخزنوا واسهروا ولايأثر بشي بصحتكم، انا شفت الفديوا هذا ورحت اروي امي ومن حين شافته قدهي تشم ريحة المجلس اللي انام فيه دخان وهي ساكته .. من قبل مارويها الفديوا ضروري اقشع السطح حق الديوان لجل تخرج رايحة السجاره. الطياق مايكفين بس عشان لاتشم الريحه ولو شمت. ماعد الا اقوله الله يلعن اللي بيجي يشرب دخان تحت الطاقه وهي مفتوحه ذلحين كييف ريحة المجلس جيفه .. انا عارف انهي ماتقتنع بالعذر هذا بس قده هو ولا اجلس ساكت ..!!
#الطيبات_الصالحات | 786 |
| 10 | مساء الخير
كيفنتو ياحسن ناس بالكوكب
طبعاً قررت افيدكم بشي. لأنكم تعرفوني لفتره طويله ماقد سويت لجلكم شي. والحين قررت اسوي واجيب لكم مفاجأه مجرب لها انا ومستفيد منها ومخزن الاسبوع هذا من زلطهم والله ..!
في ناسي مثلي، حراف يشتوا يدخلوا زلط وهم جالسين في مكانهم بدون تعب بدون عناء صح؟
حمل محفظة ايزي وادخل اربح وتوقع فوز المباريات لكأس العالم واربح بعد كل توقع صحيح 300ريال يمني
ايش منتظر ادخل واربح. وادعي اصدقائك لدخول محفظة ايزي واربح بعد كل صديق 300ريال يمني .!
مافي شي يستاهل التأخير
عليك بدخول الرابط وتحميل التطبيق وتوثيق حسابك وبسس ومع توثيقك لحسابك بنفسك ستربح 250ريال يمني توصل لحسابك بدون اي عناء وبس كذا !!
https://invite.tharwatt.com/SignUp?code=32877394 | 740 |
| 11 | انا لحد الان منصدم من المليارات والدولارات اللي بيحصلوها الناس من الحجاج اللي بيسيروا يحجوا ..!
سعر الجمرات الكيس الواحد الذي يرجموا الشيطان بهن في الحج ب10ريال سعودي .. في السنه بيروحوا للحج اثنين مليون حاج يعني اثنين مليون كيس، سعر الجمرات عشرين مليون ريال سعودي يعني 9مليون دولار !!
اوووب السعوديه في السنه الواحد بيدخلوا ميزانية اليمن مرتين .. وبعدين لو تشوفوا الخطه الشيطانيه حقهم بعد مايكمل الحج حق هذي السنه ويجوا العمال يشلوا الجمرات اللي رجموهن الحجاج وكيسوهن وباعوهن السنه الثانيه وهن نفس الجمرات .!
اظن ان صاحب الفكره هذي هو ابليس نفسه
انا لو شاسير احج باشل لي من اليمن ثنتين بلوك اروح لمكان ابليس هذا ارجمه بابلكه افلخه فلخ .. المفروض ان الجمرات هناك ببلاش لأن الناس عتشلهن وترجم بهن ابليس ماعيشلوهنش يعمروا بيت بهن هو ابليس ابليس. حتى ابليس ماقدر اوجعه الا بزلط.. ماعد شارجمه ولا شي لو بدي اوجعه شاجلس اقري قرإن وخلاص !
المهم اعرف ناس راحو لمكه المكرمه مش نيتهم كامله للحج.. نص نيتهم يتصوروا هناك والنص الثاني يحج ويدعي لناس اللي قد حجزوه .. اخي انت رحت بيت الله تصلي وتبعد الله ولا جيت تتصور وتحطهن استوريات .. ماكنت تصلي بالجامع طوال عمرك لما رحت تحج تشتي تخلينا نعرف ان قد اسلمت وقدك بتصلي .. يلا ماعلينا منهم انا ماوجع قلبي الا ابليس هذا. عليا الطلاق لو اسير مكه ماديك يابليس الا طعن بالجمبيه اطعمك الألم الصح يابن السوق ..!! | 754 |
| 12 | تتذكروا يامشاعين أيام ماكانت الدوده في التلفون النوكيا .!
أما الآن قدهي في البشر ..!! | 820 |
| 13 | القناه للبيع
مشتري تعال ☜ @os_dhllbot | 170 |
| 14 | لاتفكر في أن تحرق دم من يتجاهلك عمداً ، أن يتم قراءة رسائلك من شخص أحببته و ترى علامة الصحين الأزرق لكنه لايرد .. لاتعطي أي ردة فعل تجاهه ..!
لابأس سـاعتها أغضب حطم شيئاً ضخماً أمامك ، أصفع الذي بجانبك كفاً، عض أصابعك وأقطع اليد التي كتبت هذه الرسالة وأرميها للقطط، شق شاشة الهاتف إن أستطعت .. لكن لاتحاول أن تنتقم منه ولاتعاتبه ولاتشعره أنه يؤذيك !!
يجب عليك أن تلوم نفسك وتعاتبها فقط لأنك لم تحسم الأمر من بداية أول تجاهل لقد فوت الأسباب التي كانت تدعوك للرحيل، كانوا يتجاهلونك أياماً ثم يعودون لك بكل وقاحة بعد أيام أُخر ، يحادثونك بكل برود وكأن شيئاً لم يـكن ، وأنت بدلاً من أن تبادلهم نفس الشعور ونفس التجاهل !
أنت كنت بكل غباء ذكي تفتح لهم ذراعيك حينما يعودون دون أن يبذلوا جهداً معك أو يحاولوا معك ،حتى ضمنوا وجودك وأعتادوا تجاهلك ، كنت تعطي الفرص لعل وعسى أن يتغيروا دون أن تعلم حقيقة أن ذيل الكلب لايعتدل ..!! | 3 313 |
| 15 | مره قلت أدخل في جمعية مع النسوان حق الحاره حقنا ومابلا أنا رجال في الجمعية مشارك .. كنت احس نفسي في كوكب زمرده كوكب الفتيات !
المهم ليوم من الايام أتصلت بي مرت الخطري جارتنا قالت لي عتجي معانا عند مرت الرازحي نفرح لها بنتها ولدت .. انا ماعد دريت ماقول ومن قوة الربكه قلت لها معي والده ثانيه عتسير اجلس عندها ..!! | 1 099 |
| 16 | ياعيبه يالله ياساتر يالله دخيلك على حمى.. قد به اوادم بيذوبوا مثل الشمع، من قوة الحمى تحط القلص الشاهي قدامك ويجلس قدامك لليوم الثاني مايبرد وكأن عادك نزلته من فوق الغاز !!
امس من قوة الحمى نمت وكنت اصفر وانا نوم مثل الضغاطه ، ذلحين به ناس عايشين في الحمى هذا ويرجع يموت ويدخل جهنم.. الملائكه عيدخلوه في ثلاجه مش في جهنم، لأن جهنم قد تعود عليها بالدنيا .. حمى غير طبيعي رغم ان ذمار اكثر المحافظات في اليمن بروده وهذي السنه احمى سنه بتاريخ ذمار ، انا نسيت شي اسمه اللبس ملابس خلاص ماعايش الا بالنقس فقط اكل وانا بالنقس اخزن وانا بالنقس انام وانا بالنقس ..!
انا اتذكر السنه الاوله يمكن بعام 2024 كنت انام وانا لابس شربات وكوت وفنيليه وبنطلون وكوفيه وشال وثنتين بطانيات وتحت البيت في البدرون اثنين تواير حق سيارات بيحرقين عشان يحمي الجو .. تخيلوا انه من قوة الامطار والطين والبلاوي في شوارع ذمار، الصندل ذي تشتريه بعشره الف مصنوع بجلد حمار وحشي. تخرج به صباح العيد والدينا طين وخلب ومايجي اليوم الثالث الا وقد الشتط ...!
كانت الدنيا نعمه مطر وبرود رغم انه ماكنش به معاشات نفس ذلحين مابش. بس كانو الناس يصلوا كانوا فيهم الخير مايفلتوا المحتاج يتصدقوا يبتسموا بوجوه بعضهم .. الحين كيف تشوفه عمره اربعين سنه وهو فاطر برمضان بالسر.. وبيأكل زبادي تحت الدرج حق بيته ويشرب دخان ومابيصلوا ولا يذكروا الله ولا يدعوا. والفساد والفقر والمجاعه والبهذله زادين عن حدهن بشكل غير طبيعي !
المهم الله يهديهم ويهدينا اجمعين (امين)
من قوة الحمى اللي عندنا في ذمار فتحوا قبل امس مزاد ع صحة ماء ثلج.. وواحد سوي مسابقه ع ماء بارد فقط ، مابش خلاص الثلج معدوم بذمار. تخيلوا انك تخرج قطعة ثلج من الثلاجه مجرد ماتخرجها كذا وعادك ماقد غلقت باب الثلاجه.. وقد ذابت
عاد الملكة سباء كانت تعبد الشمس .. يجلسوا تحت الشمس ورافعين وجوههم لعند الشمس من فجر لمغرب.. الملابس المصبنات مابيجلسين نفس ماجلسوا هم .. ماوقع معاهم قوه وبأس شديد الا من الشمس .!
الله يرزقنا المطر والبرود ..!! | 1 219 |
| 17 |  Matn yo'q... | 1 144 |
| 18 | قولوا مره وعادنا جاهل خرجت السوق ولقيت واحد يبيع سمك فقلت اشتري واحده واربيها في البيت.. تعبنا وحنا نربي كلاب و قطط ، جابها لي في قرطاس استغرب ليش في قرطاس بس دعممت ورجعت البيت
وصلت البيت ومابش احد في البيت ورحت للبقاله قلت ادي لي كرتون فاضي قال لي صاحب البقاله للمه قلت اربي سمكه معي بالبيت. ضحك عليا وقال هذي سمكه بري صح هههههههههه شليت الكرتون ورجعت البيت ودخلتها وسطه الكرتون ..!
جبت لها رز ماكلت جبت لها بطاط ماكلت جبت خبز جبت قات. وبنت السوق ولا حركت ساكن.. قلت شكلها مستحيه حين عادهي ضيف، ورجعت لنفسي كيف مستحيه مابش حيوان يستحي مبلا شكلها عاطشه .. جبت لها ماء ماشربت جبت لها ببسي ماشربت جبت لها عصير فاخر ماشربت
ضبحت منها واصيح فوقها قائلاً هذا العصير ماشربته الا مرتين بحياتي وانتي بتهنجمي اللببس هذا مابين اشربه الا اذا رحت عرس وواحد يجي يخزن جمبي ومعه ببس ويرجع يقوم يرحله ويفلت الببسي وفيه شويه واقوم انا اتسحلل لها بدون ماحد يبسرني واشربهن !!
رجعت قمت خرجت نص ساعة ورجعت اجي وماعد هي موجوده ادورها بجميع انحاء البيت ولكن اختفت بنت الكلب.. قد اكلها الدمي(القط).. قمت رجعت للمحل ذي باعها لي. قلت له هات زلطي تشتي تسرقني وتجيب لي سمكه لاتأكل ولاتشرب ، وهو نزل لعندي قال ابسر انا مافيني حاله لك انهش من هنا انا جبت لك سمكه ميته تطبخها تأكلها مش تربيها.. ربي نفسك لو انت حق تربيه .!
حطم شموخي السامج ورجعت البيت وانا حزين جداً مش على السمكه وانما على قيمتها اللي عادنا سرقتها من امي ومش عارفه .. بطلت اربي اي حاجه لاكلاب ولاقطط ولا اي حيوان ، اربي انسان واحد فقط وهو انا ..!
باجيب لكم احد الصور للمرحومه السمكه البريه ، وعاد امي رجعت البيت وابسرت الرز وتندع لي ضربه لما تسكرني ..!! | 1 159 |
| 19 | قولوا مره وعادنا جاهل كانو الجيران يضحوا ملابسهم في الحوش حقنا لأنه حوش محد عيسرقهن عليهم ومابش معاهم مكان غير حوشنا .. فيوم من الايام ام صاحبي جات تضحي ملابس عيالها عندنا ..!
وانا كان معي مشوار مهم وضروري اوقع فيه لابس وكاشخ ، وحقي البناطله اقل بنطلون فيه ثلاثه اخزاق واشطاط.. كنت اشتري البنطلون ومايجي اليوم الثاني الا وقد فحرته وسط التراب.. من قوة الفحر مايجلس معي الا اسبوع وينتهي ، المهم انا مادريت مافعل وماقدرت اشل من حق ماهر اخي لانه كان موجود وبرضو كبار عليا .. كبار مش اي كبر يعني انا اللبس مقاس32وماهر اخي يلبس78 يعني البنطلون حقه اطول من الثوب حقي !!
مالقيت اي حل غير اننا اللبس بنطلون من حقي مشطط الحاصل. لبست وخرجت وانا في الحوش لمحت بنطلون فخم وجديد جداً والأفكار الجهنميه طلعت لي .. قمت شليت البنطلون وعاده اخضر مليان ماء قلت لنفسي شالبس الحاصل ولو وهو مبتل بالماء. باخرج تحت الشمس وينشف ...!
شليته ورحت لتحت الدرج لبسته ووسخته بالتراب واجتغرت وانا اللبسه بس خلاص قد حطيت براسي فكرة اننا اللبسه يعني اللبسه، لبسته ومشيت كنت امشي وهو ثقيل ابن الكلب حينه مليان ماء ومربط له لخصري بثلاثه قراطيس. مابش يسره احزقه بها.. وبنطلون فوق بنطلون وفوق هذا اخضر بالماء كنت امشي وساع ذي وسط ارجلي انسان ههههههه
المهم. بينما انا وسط السوق لقيني صاحب البنطلون اوووب ي إللهي لماذا تفعل بي هكذا سلمت عليه وهو ابسر البنطلون وقال ايش هذا ياعازف البنطلون ايش الحركات ليش هو اخضر قلت هو مش متعود يخرج بين الشمس ذلحين بيعرق قال هاه قوه بكم اشتريته قلت بألف. قال بألف قلت ايوه قال معي واحد نفسه بتسعه الف قلت خاطرك خليني امشي معي عمل قال الله معك.. وقد عرفت انه حس انه حقه بس يشتي يزيد يتأكد ..!
انا نجزت مهمتي بأسرع وقت ممكن ورجعت البيت وهو روح بيتهم قبلي بخمس دقايق سأل امه وين البنطلون قالت صبنته وضحيته باب بيت عازف ، وانا وصلت للحوش خلسته وقمت اضحيه وعادنا بين اضحيه وهو جاء ابسرته وابسرني وابتسم لي وابتسمت له وقال لي مابتفعل ياعازف عتخرج قلت ايوه شاخرج. بس ابسرت البنطلون هذا مدري حق من هو نطل من فوق الحبل للأرض ابسر كيف قده مليان تراب وجيت ارفعه .. مشو داري ان التراب اللي فيه من سبب حين حاولت اخلسه.. الا داري بس مارضي يتكلم مبلا افلعه ضربه ههههههههههههههههههههه ومن هذك اليوم ماعد زادوا يصبنوا ملابس من مره. جلسوا شهر ونقلوا من الحاره ههههههههه ..!! | 1 096 |
| 20 | قولوا ليلة العيد خزنت لفجر ورحت البيت اتحممت وغيرت ملابسي وانا مواصل بدون نوم رحت الجامع صليت ورجعت البيت اسطبح !
وقدنا رايح اعود النسوان. خليت امي تكتب لي اسمائهن في ورقه عشان مانسى احد منهن .. ومشيت وصباحي العيد شمس ياساتر حرام اننا كنت احس نفسي امشي بالهواء حيننا ساهر .. عوتهن كلهن بقي معي واحده وهي مهمه. يعني عوادتها في جيب لحاله عشره الف ريال !!
وصلت لجمب البيت وقلت لنفسي والله اننا لما اسلم عليها ماجيب لها الزلط ، لأننا رحت عشرين بيت كنت اسوي هكذا وماعد ادخل اكل جعاله ولاشي قدنا امشي من باب البيت .. المهم هذي المره قلت باسلم عليها وادخل اكل الجعاله واجابرها شويه وارجع اعودها وارحلي .. سلمت ودخلت قربت لي ثلاثه صحون جعاله وقامت تدخل المطبخ تدي لي شاهي وتخليني شويه اكل براحتي !!
وانا قد كان معي كوت مثل حق المقاوته فيه عشرين جيب.. مجرد ماخليتها تروح المطبخ افعل بهذولك الصحون الجعاله لجيبي اسكب ههههههههه ولاعد خليت قدامي الا ثنتين كعك ، جات وقدهي تشتي تنتحر من داخل قلبها ع الجعاله.. معي جعاله بخمسه الف ههههه ...!
قمت اشتي اعودها ارحلي دخلت يدي جيبي الاول مابش دخلت يدي جيبي الثاني مابش والثالث والرابع والخامس .. فتشت جيوب الدرنك ذي تحت الثوب مابش.. اين سارت الزلط اين شلوها الجن.. يالله دحني البلاء ، والحرمه واقفه قدامي بتبسرني سكته وانا قد بين اعرق من كل شعره وهي تقول سهل سهل مابش لها داعي يكفي ابسرتك يامحمد.. وانا اقول لنفسي كيف مابش لها داعي وقد معي جعاله بخمسه الف.. وقدنا مستحي باقوا قوتي.. تذكرت ان معي زلط في كريمي جوال، قلت صلي على محمد قالت اللهم صلي وسلم عليه ، قلت معش حساب كريمي قالت ايوه.. قمت شليت حسابها و اودع لها العشره الالف حق صرفتي وخرجت !!
مشيت شويه من جمب البيت وقمت اخرج الجعاله لحجفي ادور الزلط، ولكن بدون فائده ، ضاعت ضاعت خلاص .. رجعت البيت وقدنا مغلوب اكلت الجعاله هذك بأفتراس وانا غاضب ومرضت بعد الجعاله اسهال حاد ثلاثي الابعاد
المهم اليوم الثاني تصحيني امي الصباح تقول يامحمد نسيت ماقولك تعود بنت خالك و بنت عمك روح عودهن الان.. يامه اين اعودهن اين، هذولا نحول لهن العواده حواله ومدري توصل الحواله او لا هن بعيد مني بعيد. واحده ساكنه جمب سور الصين العظيم وواحده ساكنه في وادي النمل ..!
قالت امي والله انك عتسير تعودهن يلا الان .. قلت هاتي حق المواصلات جابت لي ميتين هههه ميتين حق ايش يامه، بهررت فوقي وانا سكت وقمت خرجت من البيت وصلت لجمب سوق القات وفكرت وقلت اسير اخزن بالزلط هذي بدل ماسير اتبهذل واتشرد واقول لأمي قد عوتهن ، اشتريت القات وجلست شويه في الشارع عشان اتأخر .!
ورجعت البيت بعد الظهر قالت امي عوتهن قلت ايوه وجبت لعيالهن حق العيد ولقيت ازواجهن وسلمت عليهم وكنت شاعود ازواجهن والكل قالت اصلح الله ولدي هكذا اشتيك توقع رجال .. رفعت راسي وهنجمت ومشي داريه اننا خزنت بالزلط ، بعد مرور نص ساعة من الزمن. اتصلت بنت خالتي لأمي بتسألها مدري ع ايش.. تجابرين شويه وفي نهاية الاتصال امي قالت لها.. محمد ولدي جاء لعندش قالت لا ماقد جاء وبطوني نزلين للارض وامي اللتفتت لعندي وقالت يلا سابر.. اتصلت طوالي لعند بنت عمتي وسألتها محمد جاء لعندش قالت لا ماقد جاء. قالت سابر!!
وقع العيد عند الناس عيد العافيه الا عندي انا عيد النثره الحاميه. شولحت بي امي سمعت بي امة الصلاة اتصلت لعند ابي.. ابي في اب قالت له القصه اننا سرقت العواده حق النسوان كلهن. وبالحقيقه ماشليت الا حق ثنتين، اتصلت لخوالي لصنعاء اتصلت لخي لسعوديه اتصلت لجدتي المصريه للأسكندريه اتصلت لأختي لمعبر اتصلت لخالتي للقريه .. خرجت من البيت وبطلت اتغدي وقد ركبي يرجفين ومن هذك الوقت لليوم الثاني وجوالي ماوقف اتصالات ولاقدرت ارد ع اي اتصال ولعنة الله ع بنت خالتي ذي اتصلت لأمي وفعلت بي هكذا ..!! | 1 014 |
