တရုတ်စီးရီး 🦋 Review 🦋

ကိုးသွယ်ပဟေဠိဒဏ္ဍာရီ : ဘုံကိုးထပ်နန်းဆောင် 唐诡奇谭之九重楼 Strange Chronicles of Tang : The Nine Tiered Labyrinth

ထင်ထားတဲ့အတိုင်းပဲ အောင်မြင်မှုတွေ ၀င်လာမစဲ တသဲသဲ ဖြစ်ခဲ့တဲ့ အတွဲ 4 သောကကင်းတည်းခိုဆောင်ရဲ့အဆက် "ဘုံကိုးထပ်နန်းဆောင်" အမှုတွဲကြီးကတော့ ပရိတ်သတ်တွေအတွက် mini version နဲ့ ပြသခွင့်‌ကို ရအောင်ယူခဲ့ပါပြီ

ဇာတ်လမ်းအညွှန်း ဟိုဟိုးးးးးးးးစုံထောက်ကျော်ကြီးစူးဝူမင်နဲ့အတူ ကိုးသွယ်ပဟေဠိလည်းလာပြန်ပါပြီနော် 🤩 ဘုံကိုးထပ်နန်းဆောင်ကွင်းဆက်အမှုတွဲဟာ လူထူးဆန်းဟန်ထန်ဂွင်ဆင်ထားခဲ့တဲ့ မပြီးပြတ်သေးတဲ့ပြန်ပေးဆွဲအမှုတွဲပါ နှစ်ချို့ခရိုင်မှူးကြီးစူးဝူမင်နဲ့ တရားသူကြီးဖြစ်ခဲ့သူတုချုံတို့နှစ်ယောက်သားဟာ သတိမေ့ရာကပြန်နိုးလာတဲ့အခါ အဆိုပါဘုံကိုးထပ်မြေအောက်နန်းဆောင်ကိုရောက်နေခဲ့တာပေါ့ ဒီလိုနဲ့စူးဝူမင်တစ်ယောက် ဟန်ထန်တို့ညီအစ်ကိုတွေ အကွက်ချခဲ့တဲ့အမှုဟောင်းထောင်ချောက်တွင်းကို မတတ်သာဘဲဝင်ပါလာရတဲ့အခါ .... .... လှည့်ကွက်တွေကို သူဘယ်လိုအစွမ်းပြပြီးဖြေရှင်းသွားမလဲ ? သက်သေတွေတစ်ယောက်ပြီးတစ်ယောက်သေသွားတဲ့အခါ ... ... ဘေးကျပ်နံကျပ်ကြားကနေ အဖြစ်မှန်ကို သူဘယ်လိုရဲရဲဝံ့ဝံ့ဖော်ထုတ်သွားမလဲ ? အန္တရာယ်များလှတဲ့ကစားပွဲမှာ သေမင်းနဲ့သူတစ်ပြန်ငါတစ်ပြန် ဘယ်လိုနပန်းလုံးသွားမလဲ ? ကဲ ... ... ထန်ခေတ်ကိုခရီးသွားပြီး အမှုလိုက်ကြဖို့ အသင့်ပဲလား souler တို့ရေ ?? Native Title:  唐诡奇谭之九重楼 English Title:  Strange Chronicles of Tang: The Nine Tiered Labyrinth (2025) Genres: Thriller, Historical, Mystery Starring: Yang Zhi Gang, Guo Jia Nan Episodes: 62 Airs:  Dec 26, 2025 Original Network: iQiyi #ReviewByDD #唐诡奇谭之九重楼 #SoulKingdom #StrangeChroniclesOfTangTheNineTieredLabyrinth

ကိုးသွယ်ပဟေဠိဒဏ္ဍာရီ : ဘုံကိုးထပ်နန်းဆောင် 唐诡奇谭之九重楼 Strange Chronicles of Tang : The Nine Tiered Labyrinth

ထင်ထားတဲ့အတိုင်းပဲ အောင်မြင်မှုတွေ ၀င်လာမစဲ တသဲသဲ ဖြစ်ခဲ့တဲ့ အတွဲ 4 သောကကင်းတည်းခိုဆောင်ရဲ့အဆက် "ဘုံကိုးထပ်နန်းဆောင်" အမှုတွဲကြီးကတော့ ပရိတ်သတ်တွေအတွက် mini version နဲ့ ပြသခွင့်‌ကို ရအောင်ယူခဲ့ပါပြီ

ဇာတ်လမ်းအညွှန်း ဟိုဟိုးးးးးးးးစုံထောက်ကျော်ကြီးစူးဝူမင်နဲ့အတူ ကိုးသွယ်ပဟေဠိလည်းလာပြန်ပါပြီနော် 🤩 ဘုံကိုးထပ်နန်းဆောင်ကွင်းဆက်အမှုတွဲဟာ လူထူးဆန်းဟန်ထန်ဂွင်ဆင်ထားခဲ့တဲ့ မပြီးပြတ်သေးတဲ့ပြန်ပေးဆွဲအမှုတွဲပါ နှစ်ချို့ခရိုင်မှူးကြီးစူးဝူမင်နဲ့ တရားသူကြီးဖြစ်ခဲ့သူတုချုံတို့နှစ်ယောက်သားဟာ သတိမေ့ရာကပြန်နိုးလာတဲ့အခါ အဆိုပါဘုံကိုးထပ်မြေအောက်နန်းဆောင်ကိုရောက်နေခဲ့တာပေါ့ ဒီလိုနဲ့စူးဝူမင်တစ်ယောက် ဟန်ထန်တို့ညီအစ်ကိုတွေ အကွက်ချခဲ့တဲ့အမှုဟောင်းထောင်ချောက်တွင်းကို မတတ်သာဘဲဝင်ပါလာရတဲ့အခါ .... .... လှည့်ကွက်တွေကို သူဘယ်လိုအစွမ်းပြပြီးဖြေရှင်းသွားမလဲ ? သက်သေတွေတစ်ယောက်ပြီးတစ်ယောက်သေသွားတဲ့အခါ ... ... ဘေးကျပ်နံကျပ်ကြားကနေ အဖြစ်မှန်ကို သူဘယ်လိုရဲရဲဝံ့ဝံ့ဖော်ထုတ်သွားမလဲ ? အန္တရာယ်များလှတဲ့ကစားပွဲမှာ သေမင်းနဲ့သူတစ်ပြန်ငါတစ်ပြန် ဘယ်လိုနပန်းလုံးသွားမလဲ ? ကဲ ... ... ထန်ခေတ်ကိုခရီးသွားပြီး အမှုလိုက်ကြဖို့ အသင့်ပဲလား souler တို့ရေ ?? Native Title:  唐诡奇谭之九重楼 English Title:  Strange Chronicles of Tang: The Nine Tiered Labyrinth (2025) Genres: Thriller, Historical, Mystery Starring: Yang Zhi Gang, Guo Jia Nan Episodes: 62 Airs:  Dec 26, 2025 Original Network: iQiyi #ReviewByDD #唐诡奇谭之九重楼 #SoulKingdom #StrangeChroniclesOfTangTheNineTieredLabyrinth

The Unclouded Soul ဖူးစာကြိုးနီ ချစ်ဝိညာဉ် (2025) C drama fan တို့အတွက် ဒီတစ်ခါယူဆောင်လာပေးတာကတော့ ရှန်းရှကိုမှ romance ဇာတ်လမ်းသွားပုံစံမျိုးလေးပါ။ ဇာတ်အိမ်ကတော့ မိစ္ဆာဘုရင်နဲ့ လူသားမိန်းမငယ်လေးတို့ကြားက ချစ်ကြိုးနီကို ဇာတ်လမ်းဇာတ်အိမ်ခိုင်ခိုင်၊ သရုပ်ဆောင်ချက် ကမ်ဆွီမိမိ၊ ချစ်ခရီးမှာကြုံရမဲ့အခက်အခဲတွေကြားကနေ အသေးစိတ်ဖော်ညွှန်းပြသထားပေးပါတယ်။ ဒီစီးရီးမှာ Dashing Youth, Fangs of Fortune, Love in the Clouds တို့မှာ Main Lead အဖြစ်ပါဝင်ခဲ့ပြီး ပရိသတ်တွေရဲ့အာရုံကိုဖမ်းစားခဲ့တဲ့ မင်းသားချော Hou Ming Hao နဲ့ Brocade Odyssey မှာ ထက်မြက်တဲ့သခင်မလေးအဖြစ်သရုပ်ဆောင်ခဲ့တဲ့ မင်းသမီး Tan Song Yun တို့က တွဲဖက်သရုပ်ဆောင်ထားပေးပါတယ်။ ကြယ်ပွင့်နှစ်ဦးရဲ့သရုပ်ဆောင်ချက်တွေကို ပရိသတ်တို့ကလည်း သိထားပြီးလောက်ပြီမို့ မိစ္ဆာအရှင်သခင်နဲ့လူသားမိန်းမပျိုတို့ရဲ့အချစ်ဇာတ်လမ်းက အဖြစ်အပျက်အစုံစုံကိုသိချင်ရင်တော့ ဒီစီးရီးကို လက်လွှတ်မခံကြနဲ့နော်! ဇာတ်လမ်းအညွှန်း >>> လူသားမျိုးနွယ်နဲ့မိစ္ဆာမျိုးနွယ်တို့ဟာ "ကျောက်စိမ်းနတ်ရေစင်" ကို ကိုယ်စီပိုင်ဆိုင်လိုကြတဲ့အာသီသကြောင့် နှစ်ပေါင်းရာချီအောင်တိုက်ခိုက်လုယက်ရင်း သံသရာလည်နေခဲ့ကြပါတယ်။ ကံတရားအလှည့်အပြောင်းကြောင့် သွက်လက်ထက်မြက်တဲ့မိန်းမပျိုလေး ရှောင်ယောင်းဟာ မိစ္ဆာသောင်းချီတောင်ကြားကိုခြေချမိရာမှ မိစ္ဆာလောကတစ်ခုလုံးကို ဇောက်ထိုးမိုးမျှော်ဖြစ်အောင်မွှေနှောက်လိုက်မိသလိုဖြစ်သွားခဲ့ပါတယ်။ အဲအချိန်ကစပြီး ထူးဆန်းတဲ့ခရီးတစ်ခုကလည်း သူ့ဘဝမှာ သက်ဝင်စတင်လာခဲ့ပါတော့တယ်။ တစ်ဖက်မှာလည်း မိစ္ဆာအပေါင်းရဲ့အရှင်သခင်၊ လူသားတွေထိတ်လန့်ကြောက်ရွံ့ရတဲ့ မိစ္ဆာဘုရင် ဟုန်ယဲ့က သူ့ပိုင်နက်နယ်မြေကိုကာကွယ်ဖို့ တစ်ကျော့ပြန်ပြန်လည်မွေးဖွားလာခဲ့ချိန်ဖြစ်နေပါတယ်။ ဟုန်ယဲ့ဟာ လောကဓံတရားရဲ့အနိမ့်အမြင့်တွေကို ကြိတ်မှိတ်ခံစားခဲ့ရတာမို့ သက်ရှိအားလုံးရဲ့အားနည်းချက်အကုန်လုံးကို ကောင်းစွာနားလည်ထားသူဖြစ်ပြီး "ကျောက်စိမ်းနတ်ရေစင်" ဆိုတာဟာလည်း လောဘရမ္မက်ပေါင်းစုံရဲ့အဆီအနှစ်ဖြစ်ကြောင်း သိရှိထားခဲ့ပါတယ်။ ကံတရားရဲ့ဆုံဆည်းစေမှုလို့ပဲဆိုရမလား ဟုန်ယဲ့ဟာ ရှောင်ယောင်းနဲ့ အမှတ်မထင်တွေ့ဆုံခဲ့မိပါတယ်။ သူတို့အတူရှိနေချိန်ကာလအတွင်း ဘာလောဘဇောမှမရှိတဲ့ရှောင်ယောင်းရဲ့အဖြူထည်နှလုံးသားကိုမြင်တွေ့သွားပြီး တဖြည်းဖြည်း သံယောဇဉ်တွယ်လာခဲ့ပါတော့တယ်။ ဒီလိုနဲ့ နှစ်ဦးသားလက်တွဲပြီး လျှို့ဝှက်ဆန်းကြယ်အမှုအခင်းတွေကိုရင်ဆိုင်ဖြေရှင်းရင်း ဘယ်သူမှန်းမသိရတဲ့ အင်အားကြီးပြိုင်ဘက်တစ်ဦးနဲ့ ရင်ဆိုင်ရလာချိန်မှာတော့... အင်အားကြီးပြိုင်ဘက်ကို နှစ်ဦးသား အနိုင်ယူနိုင်မလား? ကံပါလို့တွေ့ဆုံခဲ့ရတဲ့ သူတို့နှစ်ဦးရဲ့ချစ်ကြိုးနီသံယောဇဉ်က အဆုံးထိခိုင်မြဲနေမလား?? ကျောက်စိမ်းနတ်ရေစင်နဲ့ရှောင်ယောင်းကြားမှာရော ဆက်နွယ်မှုတွေရှိနေဦးမှာလား??? မျိုးနွယ်မတူတဲ့အခြေအနေက သူတို့နှစ်ဦးရဲ့ချစ်မေတ္တာကို ပြတ်တောက်စေမှာများလား...ဒီလိုမျိုး တစ်ခန်းမှကျော်ကြည့်ပစ်စရာမရှိအောင် ရင်ခုန်စိတ်လှုပ်ရှားစရာကောင်းစေမှာမို့ နောင်မှတတဲ့နောင်တမရချင်ရင် ဒီစီးရီးကို အားပေးကြည့်ရှုကြဖို့ မမေ့နဲ့နော်...! #TheUncloudedSoul

အနမ်းတွေလိုချို နေရောင်ခြည်လိုနွေး Shine On Me / 骄阳似我 ♥♥Channel Link https://t.me/SK_Drama1 ပြည်သူ့ကိုကို Song Weilong နဲ့ ပြည်သူ့ညီမလေး Zhao Jinmai တို့နှစ်ယောက် ချောကလက်ပူပူလေးလိုချိုမဲ့ Shine On Me မှာ တွေ့ကြပါပြီရှင်... ဇာတ်လမ်းအညွှန်း Nie Xi Guang (Zhao Jinmai) ဟာ ‌တက္ကသိုလ်ကျောင်းသူဘဝမှာ ထူးချွန်ကျောင်းသား Zhuang Xu (Lai Weiming) ကို ရင်ခုန်ဦးဖြစ်ခဲ့ပေမဲ့ တရားဝင်ချစ်သူအဆင့်ကို မရောက်ခဲ့ရှာပါဘူး ကျောင်းပြီးလို့ မိဘ‌ပိုင် လျှပ်စစ်ပစ္စည်းကုမ္ပဏီမှာ အောက်ခြေဝန်ထမ်းသမလေးအဖြစ် စဝင်ရောက်ချိန်မှာ အထင်လွဲမှုတစ်ခုကြောင့် အထွေထွေမန်နေဂျာ Lin Yu Sen (Song Weilong) ရဲ့ ပစ်မှတ်ထားခြင်းကို ဒီကလေးမလေးဟာ အလူးအလဲခံရပါတယ် Lin Yu Sen ဟာ အလွန်ထူးချွန်ခဲ့တဲ့ ဆရာဝန်တစ်ယောက်ဖြစ်ပြီး ကားမတော်တဆမှုကြောင့် ဆေးဆက်ကုသမရတော့ဘဲ စီးပွားရေးလောကထဲ ရောက်လာခဲ့သူပါ... ချစ်စရာဝန်ထမ်းအသစ်လေးအပေါ် အထင်လွဲမှုကြောင့် ဒုက္ခ‌ပေး‌နေရင်းမှာတောင် ကိုကိုဟာ မချစ်ဘဲ မနေနိုင်လောက်အောင် ဖြစ်သွားခဲ့ပါတယ်... ဒီနေရောင်ခြည်လေးလိုကောင်မလေးကြောင့်ပဲ အတိတ်က စိတ်ဒဏ်ရာတွေ ပြေပျောက်သွားနိုင်ခဲ့ပြီး ဘဝကြီးဟာ တစ်ခါပြန်သက်ဝင်လာခဲ့ချိန်မှာတော့ မန်နေဂျာကြီးဟာ ချစ်ရသူကို နည်းအမျိုးမျိုးနဲ့ ပိုးပန်းပါတော့တယ် အချစ်ဦးနဲ့ ရေစက်မပါခဲ့ရတဲ့ Nie Xi Guang ကရော မန်နေဂျာကြီးရဲ့ချစ်ခြင်းမေတ္တာကို ၁၅၀၀ မေတ္တာမျိုး ပြန်ပေးနိုင်သွားမှာလား ... ကိုကိုကရော အထွေထွေမန်နေဂျာLin အဖြစ်ကနေ ဒေါက်တာLin ဘဝဆီ ပြန်သွားနိုင်ဦးမှာလား... ဝေးကွာခဲ့ပြီဖြစ်တဲ့ အချစ်ဦးကလည်း  Nie Xi Guangရဲ့ ဘဝထဲ‌ ပြန်ပေါ်လာတဲ့အခါ .... ၂၀၂၅ ခုနှစ်ရဲ့ အလှပဆုံး အချစ်ဇာတ်လမ်းလေးဖြစ်လာမဲ့ "Jiao Yang Si Wo' ကို ရင်ခုန်လိုက်ရအောင်လား Boss & me, Love O2O, You Are My Glory, You are my sunshine တို့လို ဒိတ်ဒိတ်ကြဲdramaတွေရဲ့ ဖန်တီးရှင် Gu Man laoshi ရဲ့နာမည်ကြီးဝတ္ထုကို live actionအဖြစ် အသက်သွင်းမှာဆိုတော့ မကောင်းမှာတော့ မပူပါနဲ့ ချစ်တို့ရေ ✨ (အညွှန်းလေးကို ရေးတဲ့လူကတော့ Blue 💙ဖြစ်ပါတယ်) Native Title: 骄阳似我 Also Known As: Jiao Yang Si Wo , 驕陽似我 Starring: Song Weilong, Zhao Jinmai, Lai Weiming. Screenwriter: Gu Man Director: Chen Zhou Fei Genres: Romance Country: China Type: Drama Episodes: 36 #ReviewByBlue #骄阳似我 #ShineOnMe #SoulKingdom

Bodyguards: Jade Dolls ( 1997 ) ကိုယ်ရံတော်နဲ့ ကျောက်စိမ်းဒေဝီ - စဆုံး ================================= (Kenny Ho) ကို နှစ်သက်သူတိုင်း မဖြစ်မနေ ကြည့်သင့်တဲ့ သူ့ရဲ့ ဂန္ထဝင်လက်ရာတစ်ခုပါ။ ဒီဇာတ်လမ်းတွဲဟာ ၉၀ ပြည့်လွန်နှစ်တွေက အာရှမှာ လူကြိုက်အများဆုံး "The Bodyguard" ဆိုတဲ့ ဇာတ်လမ်းတွဲသုံးခုရဲ့ ပထမဆုံးဇာတ်လမ်းဖြစ်ပြီး မိဖုရားလောင်းတစ်ပါးနဲ့ သူ့ကို ကာကွယ်ဖို့ တာဝန်ကျတဲ့လူငယ်ကိုယ်ရံတော်အကြောင်းကို ရိုးရာကိုယ်ခံပညာတွေ၊ လှည့်ကွက်တွေ၊ ချစ်ရေးချစ်ရာတွေနဲ့ ရောနှောပြီး ရိုက်ကူးထားတာပါ။ ကိုးရွှင်ဟာ ကိုယ်ရံတော်အဖွဲ့မှာ အသက်မွေးဝမ်းကျောင်းပြုနေတဲ့ စိတ်အားထက်သန်ပြီး တာဝန်သိသော လူငယ်တစ်ယောက်ပါ။ တစ်နေ့မှာ သူ့အဖွဲ့ကို "ကျောက်စိမ်းအရုပ်"လို့ခေါ်တဲ့ လျှို့ဝှက်ပစ္စည်းတစ်ခုကို လုံခြုံစွာ ပို့ဆောင်ဖို့ လုပ်ငန်းအပ်နှံလာပါတယ်။ ဒီလုပ်ငန်းဟာ ရိုးရိုးတစ်ခုလို့ ထင်ရပေမယ့် တကယ်တော့ အန္တရာယ်အပြည့်နဲ့ နိုင်ငံရေး လှည့်ကွက်ကြီးတစ်ခုရဲ့ အစပါ။ ခရီးတစ်လျှောက်မှာ ကိုးရွှင်ဟာ လှပပြီး လျှို့ဝှက်ဆန်းကြယ်တဲ့ အမျိုးသမီးတစ်ယောက်နဲ့ ချစ်ကြိုက်သွားခဲ့တဲ့အခါ ...

တံလျှပ်ပမာ အံ့ဖွယ်ကြမ္မာ The Mirage (海市蜃楼) 🌌💫 ~ ဇာတ်လမ်းအညွှန်း ~ Chao Sheng ဟာ အရာရှိမျိုးနွယ်ကနေ မွေးဖွားလာခဲ့ပြီး ဘဝရဲ့လွတ်လပ်မှုအရသာကို တောင့်တနေသူပါ ဒါပေမဲ့ ဉာဏ်ပညာထက်မြက်ပြီး တရားမျှတမှုအတွက်ဆို ဘာမဆိုလုပ်ရဲတဲ့ သမာသမတ်ကျသူတစ်ယောက်လည်း ဖြစ်ပါတယ် မိန်းကလေးငယ်လေး Zeng Qian ကတော့ ဝံပုလွေတွေကြား ကြီးပြင်းလာခဲ့ရပြီး အပြင်ပိုင်းမှာတော့ အေးစက်စက်နိုင်ပေမဲ့ နွေးထွေးတဲ့နှလုံးသားနဲ့ ထူးကဲတဲ့စွမ်းရည်တွေကို ပိုင်ဆိုင်ထားသူလေးပေါ့ ဘဝပေးပုံစံ ကွာခြားလွန်းတဲ့ သူတို့နှစ်ယောက် ဆုံတွေ့ဖို့ ဖြစ်လာတဲ့အခါမှာ အရာရာဟာ လွယ်ကူအဆင်ပြေပါ့မလား ချစ်ခြင်းမေတ္တာတွေရော ပေါက်ဖွားလာနိုင်ပါ့မလား ဆိုတာကိုတော့ မကြာခင်မှာပဲ SoulKingdom မှာ တင်ဆက်ပေးတော့မှာမလို့ စောင့်မျှော်ကြည့်ရှုဖို့ ဖိတ်ခေါ်ပါရစေနော် (အညွှန်း ရေးသားသူကတော့ Xiu Ya ဖြစ်ပါတယ်) Native Title: 海市蜃楼 Starrings: Fei Qi Ming, Rain Lu, Jin Zi Xuan, Shao Zhuang, Yang Yu Director: Xing Dong Dong Episodes: 24 Aires: 19 December 2025 Original Network : Iqiyi Genres: Action, Adventure, Thriller, Historical #ReviewdByXiuYa 🌸 #海市蜃楼 #TheMirage #SoulKingdom

The Company (哑舍) ပုံပြင်လေးရဲ့ အသံ 🍀🍀 ချန်နယ်လင့် https://t.me/SK_Ch9

လူတိုင်းမှာ ကိုယ်ပိုင်ဇာတ်လမ်းကိုယ်စီရှိကြတယ် နှစ်ပေါင်းများစွာ သယ်ဆောင်ထားခဲ့ကြပေမဲ့ ဘယ်သူမှ နားထောင်မပေးကြဘူး ဘာလို့လဲဆိုတော့...

ဇာတ်လမ်းအကျဥ်း အနာဂတ်ခေတ်မှာ ရှေးဟောင်းပစ္စည်းတွေရဲ့ဇာတ်လမ်းတွေကို နားထောင်နိုင်စွမ်းရှိတဲ့ ရှေးဟောင်းပစ္စည်းအရောင်းဆိုင်ပိုင်ရှင် Bi Zhi တိရစ္ဆာန်ဆရာဝန် Su Bei Lu ရှေးဟောင်းပစ္စည်းတွေကို သူတို့ပိုင်ရှင်တွေဆီ ပြန်လည်ရောက်ရှိနိုင်အောင် ကူညီပေးဖို့ အချိန်ခရီးအတူတူစတင်ဖြစ်ရာက.. မတူညီတဲ့ ခေတ်ကာလ ဓလေ့ထုံးတမ်းတွေကို နှစ်ဦးသားဖြတ်ကျော်ရင်း ဘဝအတက်အကျတွေကြား ဖြစ်တည်လာတဲ့ ရင်းနှီးမှုတွေနဲ့အတူ ဘယ်လိုအကောင်းဆုံးရင်ဆိုင်ကြမလဲ.. Wuxia, Fantasy မှဆိုတဲ့ Soulers လေးတွေအတွက် Novel မှာရော Donghua မှာပါ ဖန်အခိုင်အမာရထားပြီးသားဖြစ်တဲ့ သဘာဝလွန်/ဒဏ္ဍာရီဆန်ဆန် အချိန်ခရီးသွားကားလေးကို မကြာခင် SoulKingdom က တင်ဆက်ပေးတော့မှာမို့ စောင့်မျှော်ကြည့်ရှုပေးကြပါဦး ... Native Title: 哑舍 Starrings: Gao Wei Guang, Liang Jing Kang, Zhang Miao Yi, Mao Xiao Hui Also Known As: Ya She , 啞舍 Genres: Wuxia, Fantasy Country: China Episodes: 30 Airs: 17.Dec.2025 Original Network: Tencent Video Duration: 45 min. #ReviewdByAsma #TheCompany #哑舍 #GaoWeiGuang #LiangJingKang #ZhangMiaoYi #MaoXiaoHui #SoulKingdom #SK

ကိုးသွယ်ပဟေဠိဒဏ္ဍာရီ : သောကကင်းတည်းခိုဆောင် 唐诡奇谭 Strange Chronicles of Tang 2025 အားလုံးရဲ့တခဲနက်အားပေးမှုကို ရရှိထားခဲ့တဲ့ Strange Tales of Tang Dynasty ဇာတ်ကားကြီးဟာ လေးကားမြောက်ထပ်မံထွက်ရှိလာခဲ့ပါပြီနော် အရှေ့သုံးကားလုံးကလည်း အောင်မြင်မှုတွေအဆက်မပြတ်ဆွတ်ခူးခဲ့တာမို့ အခု လေးကားမြောက်ကလည်း အံ့ဖွယ်ဇာတ်ကွက်တွေကို သယ်ဆောင်လာပေးဦးမှာပါ 🤩 ဇာတ်လမ်းအကျဉ်း ထန်ခေတ်ဦးပိုင်းဟာ တရုတ်ပြည်ရဲ့အင်မတန်ကြွယ်ဝချမ်းသာပြီး ယဉ်ကျေးမှုထွန်းကားတဲ့ကာလဖြစ်ပါတယ် မြို့တော်ဖြစ်တဲ့ချန်အန်းကတော့ ကြွယ်ဝမှုတို့အားလုံးရဲ့စုဝေးရာလည်းဖြစ်သလို တစ်ဖက်မှာလည်း လူမသိနိုင်တဲ့လျှို့ဝှက်ချက်ဒဏ္ဍာရီတွေနဲ့ပြည့်နှက်နေတဲ့ ထိတ်ထိတ်ကြဲမြို့တော်ကြီးပေါ့ ဒီတစ်ခါမှာ ချန်အန်းမြို့တော်မှာဖြစ်ခဲ့တဲ့ သောကကင်းတည်းခိုဆောင်က သည်းထိတ်ရင်ဖိုအမှုတွေ၊ ရှန်နန်းဆောင်ရဲ့တေးသံအမှုအစရှိတဲ့ ထူးဆန်းထွေလာ အမှုတွဲ တွေနဲ့အတူ လူချန်ဖုန်း စူးဝူမင်တို့ ပြန်လာခဲ့ပြီမလို့ အားလုံးပဲ လက်မလွတ်တမ်း စောင့်ကြည့်လိုက်ကြရအောင်လား Native Title:  唐诡奇谭 English Title:  Strange Chronicles of Tang Genres: Thriller, Historical, Mystery Starring: Yang Xu Wen, Yang Zhi Gang, Gao Si Wen, Chen Chuang, Sun Xue Ning, Anson Shi Episodes: 21 Airs: Dec 17, 2025 Original Network: iQiyi #ReviewByDD #唐诡奇谭 #SoulKingdom #StrangeChroniclesOfTang

Speed and Love ချစ်ခြင်းမျဉ်းပြိုင် (2025) C Drama Fan တွေ မျှော်လင့်စောင့်စားနေတဲ့ Yu Shu Xin (Esther Yu) ရဲ့စီးရီးလေးက ဒီနေ့ထွက်လာပါပြီ။ ဒီကားလေးမှာ Shu Xin ကို မတူညီတဲ့ကာရိုက်တာအဖြစ်မြင်ရမှာဖြစ်ပြီး ဇာတ်လမ်းက action, romance အမျိုးအစားမို့ ပုံမှန် ချစ်၊ ကြိုက်၊ ညားဇာတ်လမ်းတွေကနေ ကွဲထွက်နေမှာပါ။ ဒီစီးရီးက မထွက်ခင်ကတည်းက နာမည်ကြီးနေတဲ့အပြင် Main Lead ကလဲ Esther Yu နဲ့ He Yu တို့က လိုက်ဖက်ညီညီသရုပ်ဆောင်ထားကြပါတယ်။ Esther Yu ရဲ့သရုပ်ဆောင်စွမ်းရည်ကိုတော့ Lin Yi နဲ့တွဲဖက်သရုပ်ဆောင်ထားတဲ့ Ski into love, Ding Yu Xi နဲ့ အတွဲညီညီသရုပ်ဆောင်ခဲ့လို့ အတော်လေးအောင်မြင်ခဲ့တဲ့ Love Game in Eastern Fantasy ဆိုတဲ့စီးရီးတွေမှာ မျက်မြင်တွေ့ခဲ့ပြီးလောက်ပါပြီ။ Shu Xin က အချစ်ရိုမန့်စ်တွေကို အတော်လေးပိုင်နိုင်တာမို့ ဒီစီးရီးကလဲ ပရိတ်သတ်အကြိုက်ဖြစ်မှာကျိန်းသေပါပဲ! ဇာတ်လမ်းအညွှန်း >>> ကိုးနှစ်မပြည့်ခင်အထိ ကျန်းမုဟာ အချစ်ခံရတဲ့ညီမလေးအဖြစ် အိမ်မှာနွေးထွေးလုံခြုံစွာနေထိုင်ခဲ့ရပါတယ်။ သူ့အစ်ကိုဖြစ်တဲ့ ကျင်းကျောက်ကလဲ ထက်မြက်တာမို့ လူတိုင်းက ချစ်ခင်ကြပါတယ်။ ဒါပေမဲ့ မိဘတွေကွာရှင်းပြတ်စဲတဲ့အခါ အရာအားလုံး ပြောင်းလဲသွားခဲ့ပါတော့တယ်။ ဖခင်ဖြစ်သူက ကျင်းကျောက်နဲ့အတူ ထိုင်းနိုင်ငံကိုထွက်သွားခဲ့ချိန်မှာ‌တော့ သူအရမ်းချစ်ခင်ရတဲ့အစ်ကိုကြီးကျင်းကျောက်ဟာ မွေးစားသားဖြစ်မှန်း ကျန်းမုလေး သိရှိသွားခဲ့ပါ။ ဒါပေမဲ့ အစ်ကိုကို အဲလိုမျိုးမလွှတ်လိုက်နိုင်တဲ့ကျန်းမုဟာ ကျင်းကျောက်ကိုရှာဖို့ ထိုင်းနိုင်ငံကို တစ်ယောက်တည်းခရီးထွက်လာခဲ့တယ်။ ပြန်ဆုံတွေ့ကြချိန်မှာတော့ သူသိခဲ့တဲ့ချစ်စရာကောင်လေးက ပြောင်းလဲသွားခဲ့ပါပြီ။ တောက်ပတဲ့အနာဂတ်မရှိဘဲ တဇွတ်ထိုးပြီးမိုက်ရူးရဲဆန်တဲ့လူငယ်လေး ဖြစ်နေပါပြီ။ ကျင်းကျောက်ဟာ ကျန်းမု လုံးဝမသိတဲ့မြေအောက်ဂိုဏ်းတွေမှာ ရုန်းကန်ရင်း အန္တရာယ်များတဲ့အလုပ်‌တွေကိုလုပ်ကိုင်နေခဲ့ပါတယ်။ ဒီပြန်လည်ဆုံဆည်းမှုကိုတောင့်တခဲ့ပေမဲ့ ထိပ်တိုက်ရင်ဆိုင်ရချိန်မှာတော့ စိတ်မသက်မသာဖြစ်ခဲ့ရပါတယ်။ တွေ့ချင်စိတ်တစ်ခုနဲ့၊ လက်မလွှတ်နိုင်တဲ့စိတ်တစ်ခုနဲ့ မဆိုင်းမတွအပြေးရှာခဲ့ပေမဲ့ အခုချိန်မှာတော့ အစ်ကိုဖြစ်သူဟာ သူ့အတွက် သူစိမ်းတစ်ယောက်လို ဖြစ်နေခဲ့ပါတယ်။ ဒါပေမဲ့ သူစိမ်းတွေကနေ ချစ်သူတွေအထိဖြစ်လာအောင် ကျန်းမုက တည်ငြိမ်စွာချဉ်းကပ်ခဲ့ပါတယ်။ အစပိုင်းမှာတော့ ကျင်းကျောက်ကခုခံရင်း နောက်ဆုတ်ခဲ့ပေမဲ့ နောက်ဆုံးမှာ သူ့ခံစားချက်တွေကိုလက်ခံပြီး ကျန်းမုဆီ ရဲရဲကြီးလျှောက်လှမ်းလာပါတော့တယ်။ သူ့ဘဝက ခါးသီးလွန်းတာမို့ ကျန်းမုကို အဲဒီအမှောင်ထုကနေ ဝေးဝေးမှာထားချင်ခဲ့ပေမဲ့ အချစ်သူရဲကောင်းမလေး ကျန်းမုက အရာအားလုံးကိုစွန့်စားပြီး သူ့ဆီသို့ ခိုင်ခိုင်မာမာလျှောက်လှမ်းခဲ့ပါတယ်။ ဒီလိုနဲ့ အချစ်စွမ်းအားကိုအရင်းပြုပြီး အရာရာကို ရင်ဆိုင်ဖို့ ဆုံးဖြတ်လိုက်ကြပါတယ်။ ရင်းနှီးသူကနေ သူစိမ်း၊ သူစိမ်းကနေ ချစ်သူအထိပြန်လည်တည်ဆောက်ထားကြတဲ့သူတို့ရဲ့ချစ်ခရီးလမ်းက အဆင်ချောပါ့မလား? ဘယ်လိုတွေရင်ဆိုင်ကျော်ဖြတ်ကြမလဲဆိုတာကိုတော့ ဒီစီးရီးလေးမှာ စီးမျောကြည့်ရှုပေးကြပါအုံးနော်။ သေချာတာတစ်ခုကတော့ Romance Queen ဖြစ်တဲ့ Esther Yu ရဲ့စီးရီးမို့ ကြည့်ရှုသူတွေကို စိတ်ထဲကလိကလိဖြစ်စေမှာကတော့ အသေအချာပါပဲ ပရိသတ်ရေ...! #SpeedAndLove

အာဏာတည်ရာ ချန်အန်းဗျူဟာ The Vendetta of An (长安二十四计)

ကိုကိုချန်ရိဇာတ်ကားသစ်လေး လာပြီနော်

Wen Cheng သက္ကရာဇ်ကာလမှာ ဟူပန်းလျှို့ဝှက်တပ်ဖွဲ့က ချန်အန်းကို နှစ်ပေါင်းများစွာသိမ်းပိုက်ထားပြီးနေပြီး အမြစ်တွယ်လို့နေခဲ့ပါပြီ။ ဒီအချိန်မှာ ဟွိုင်နန်ခရိုင်တရားရုံးတော်မှ မော်ကွန်းထိန်းအရာရှိလေးရှဲ့ဟွိုင်အန်းက ဧကရာဇ်ထံမှ လျှို့ဝှက်အမိန့်တော်လက်ခံရရှိခဲ့ပြီး အမတ်ယုတ်တွေကိုနှိမ်နှင်းဖို့ရာ မြို့တော်ချန်အန်းဆီ အရေးပေါ်ရွှေ့ပြောင်းခံလိုက်ရပါတယ်။ ဒါပေမဲ့ အာဏာအရသာသိသွားတဲ့ ဟူပန်းစစ်သူကြီးက ဘယ်လိုလုပ် အလွယ်တကူလက်လွှတ်ခံပါ့မလဲ။ တစ်ခါတည်း ဟူပန်းလျှို့ဝှက်တပ်ဖွဲ့ရဲ့အင်အားကိုစုစည်းပြီး ကိုယ်တိုင်ဧကရာဇ်တက်လုပ်ဖို့ကြံပါတော့တယ်။ ဒီအခါမှာ ရှဲ့ဟွိုင်အန်းတစ်ယောက် ကိုယ့်မိသားစုကိုဖျက်ဆီးခဲ့တဲ့ ဟူပန်းစစ်သူကြီးကို ဘယ်လိုလက်စားချေပြီး နန်းတွင်းအရှုပ်တော်ပုံကြား တရားမျှတမှုကို ဘယ်လိုဖော်ဆောင်သွားမှာလဲ ??? အချိန်ကြာမြင့်စွာ အာဏာတည်တံ့လာတဲ့ ဟူပန်းစစ်သူကြီးကရော မိမိအကျိုးအတွက် ဘယ်လိုအကြံအစည်တွေထုတ်လေမလဲ ??? အာဏာလုပွဲကြီးအဆုံးမှာ ချန်အန်းကရော ပြန်လည်ငြိမ်းချမ်းနိုင်ပါ့မလားဆိုတာ…. Native Title : 长安二十四计 English Title : The Vendetta of An Starring : Cheng Yi, Liu Yi Jun, Wang Jin Song, Zhou Qi, Tong Meng Shi, Xu Lu Episodes : 28 Airs : 12 December 2025 Original Network : Youku #ReviewByCarrot #长安二十四计 #SoulKingdom #TheVendettaOfAn

Silent Tides ဒီရေသေတို့ရဲ့စီးဆင်းရာ (2025) ဒီတစ်ခါတင်ဆက်ပေးမဲ့စီးရီးလေးကတော့ SE ဘုရင် Ren Jia Lun ရဲ့စီးရီးကောင်းလေးတစ်ခုပါ။ ဒီစီးရီးမှာ WW 2 ကာလက နှစ်နိုင်ငံဆက်ဆံရေးအခြေအနေကို ဇာတ်အိမ်အဖြစ်တည်ထားပါတယ်။ စီးရီးရဲ့ Main Lead တွေအနေနဲ့ Love & Crown မှာလဲ SE ခဲ့တဲ့ SE King Ren Jia Lun နဲ့အတူ မင်းသမီးချော Lan Ying Ying၊ ကျရာဇာတ်ရုပ်ကိုပီပြင်ပိုင်နိုင်ကြတဲ့ Li Chun, Tan Kai တို့က တွဲဖက်သရုပ်ဆောင်ထားကြပါတယ်။ နှစ်နိုင်ငံရဲ့အရှုပ်အထွေးတွေကြားက လူ့သဘာဝတွေကိုပါ တင်ဆက်ထားပေးတာမို့ ဒီစီးရီးကလဲ မလွတ်တမ်းကြည့်ရှုရမဲ့စီးရီးတွေထဲက တစ်ခုပါပဲ။ ဇာတ်လမ်းအညွှန်း >>> ဟယ်ရော့ရှန်း၊ ဖုန်းပိုင်ချွမ်းနဲ့ ရှန်ညီအစ်ကိုတို့ဟာ ဒုတိယကမ္ဘာစစ်အတွင်းမှာ မကာအိုရဲ့ဘဏ္ဍာရေး၊ သူလျှို‌ထောက်လှမ်းရေးနဲ့ပစ္စည်းပို့ဆောင်ရေးတို့မှာ ပါဝင်လှုပ်ရှားခဲ့ကြပါတယ်။ နှစ်နိုင်ငံပဋိပက္ခဖြစ်နေပြီး အခြေအနေတင်းမာနေတဲ့ကာလမှာ သူတို့ရှိနေတဲ့မကာအိုဟာ နိုင်ငံအတွက် သတ္တိရှိရှိတိုက်ပွဲဝင်ပေးခဲ့တဲ့ အရေးပါတဲ့စစ်မြေပြင်ဖြစ်လာပါတော့တယ်။ ဒီလိုအခြေအနေကြားမှာ ရန်သူကို မိတ်ဆွေလုပ်၊ မိတ်ဆွေကို သူလျှိုအဖြစ်တာဝန်ပေးရင်း အရှုပ်အထွေးတွေကြားကနေ အသက်ကိုကာကွယ်ကြရပါတယ်။ နိုင်ငံကလည်း ဒီရေလိုအပြောင်းအလဲများပြီးရှုပ်ထွေးနေတာမို့ အသံတစ်ချက်မထွက်ရဲဘဲ ငြိမ်သက်နေတဲ့ဘဝတွေကိုပါ မီးမောင်းထိုးပြသွားမဲ့ဇာတ်လမ်းမျိုးပါ။ ဒါ့အပြင် ဇာတ်ဆောင်တို့ရဲ့မွန်းကျပ်မှု၊ မရှုမလှအဆုံးသတ်ရမှု၊ အသံတိတ်ကြေကွဲရမှုတွေကိုပါ ရင်နာစွာကြည့်ရင်း အဆုံးထိဆွဲခေါ်ပေးသွားနိုင်မှာမို့ ဒီစီးရီးကို ongoing အမီလိုက်ကြဖို့ ညွှန်းလိုက်ရပါတယ်! #SilentTides

မီးလျှံထဲက ဇာမဏီငယ် Reborn From The Ashes (苍月无烬) အထက်တန်းလွှာမိန်းကလေး Wen Yue Qian က သူများတွေချောက်ချတာခံရ၊ အကျင့်မကောင်းတဲ့ခင်ပွန်းရဲ့ သစ္စာဖောက်ခံရနဲ့ နောက်ဆုံးမှာ ချောက်ကမ်းပါးကပါ တွန်းချခံလိုက်ရရှာပေတယ်။ ဒါပေမဲ့ ကံကြမ္မာရဲ့မျက်နှာသာပေးမှုကြောင့် နောက်တစ်ကြိမ် ပြန်လည်မွေးဖွားလာပြီး စူးမိသားစုရဲ့တရားဝင်သမီး Su Qing Ran ဖြစ်သွားတဲ့အခါမှာတော့ နာကြည်းမှုတွေပြည့်နေတဲ့ မိန်းမငယ်လေးရဲ့လက်စားချေမှုစတင်ပါတော့တယ်။ အိမ်တော်ကိုပြန် အတိတ်ကရန်သူတော်တွေကို သွေးကြွေးဆပ်၊ ဖခင်ရဲ့မတရားစွပ်စွဲခံရတဲ့နာမည်ကို ပြန်ဆေးကြောပေးပါတော့တယ်။ မမျှော်လင့်ထားတဲ့ ကံကြမ္မာအလှည့်အပြောင်းမှာ သူ(မ)ဟာ ထိုနည်းတူ နာကြည်းမှုရန်ငြိုးတွေပြည့်နေတဲ့ Wanyan Jin နဲ့လက်ထပ်လိုက်ရပါတော့တယ်။ အသည်းနှလုံးမှာ ဒဏ်ရာဒဏ်ချက်ကိုယ်စီနဲ့ လက်စားချေဖို့ကိုသာ အာရုံပြုနေတဲ့နှစ်ဦးသား တွေ့ဆုံကြတဲ့အခါမှာ အပြန်အလှန် ကျွန်းကိုင်းမှီကိုင်းကျွန်းမှီပြီး နွေးထွေးမှုပေးနိုင်ကြမှာလား ??? နှစ်ယောက်သား ဘယ်လိုမျိုးပူးပေါင်းပြီး လက်စားချေသွားကြမှာလဲ ??? သိချင်တယ်ဆိုရင်တော့ အခုပဲ SoulKingdom မှာ စောင့်မျှော်ကြည့်ရှုအားပေးလိုက်ကြရအောင်လား 🤗😍 Native Title : 苍月无烬 English Title : Reborn From The Ashes Starring : Wen Mo Yan, Gan Wang Xing, Wang Ze Xuan, Chen Jie Yi, Li Lin Fei, Wu Ji Feng Episodes : 30 Original Network : Youku #ReviewByCarrot #苍月无烬 #SoulKingdom #RebornFromTheAshes

Bastard Wargod ( 庶子神将 ) ခွင်းလွင်နတ်စစ်သူကြီး ချူပေချစ် လောကသားတွေကို ကယ်တင်ခဲ့ပြီး သတိမေ့မြောသွားခဲ့တဲ့ ခွင်းလွင်နတ်စစ်သူကြီး Chu Bei Chiဟာ သတိပြန်ရလာတဲ့အချိန်မှာ မိမိရဲ့သရုပ်မှန်ကို ဖုံးကွယ်ထားပြီး Chuအိမ်တော်ရဲ့တရားမဝင်သားတစ်ယောက် ဖြစ်လာခဲ့တယ်။ နတ်စစ်သူကြီးဆိုတဲ့အတိုင်း  နဂိုမူလအရည်အချင်းတွေက ရှိနေတဲ့အလျောက် ရန်သူမှန်သမျှကို တိုက်ထုတ်နိုင်ပြီး မိသားစုအတွက် ဂုဏ်ဆောင်ပေးနိုင်တဲ့ သားတစ်ယောက်ဖြစ်လာခဲ့တယ်။ Chu Bei Chiရဲ့ရုပ်ရည်ချောမောမှုနဲ့ ဂုဏ်သတင်းကျော်ကြားမှုတွေကြောင့် မင်းသမီးကြီး၊ အမတ်ကြီးသမီး၊ ကုန်သည်မျိုးရိုးသမီးပျိုတွေကြားမှာ ရေပန်းစားလာခဲ့တယ်။ အဲဒါတွေတင်မကပဲ တိုင်းပြည်ရဲ့ပုန်ကန်သူ၊ နယ်စပ်ကျူးကျော်သူ၊ အာဏာအလွဲသုံးစားလုပ်သူများကိုလည်း နှိမ်နင်းပေးခဲ့ပေမဲ့ လူ့လောကမှာ ‌ဂုဏ်သတင်းကျော်ကြားတဲ့ စစ်သူကြီးဟာ နတ်စစ်သူကြီးအဖြစ် ပြန်ရောက်သွားနိုင်မလား၊ ဘာကြောင့်သူ့ရဲ့သရုပ်မှန်ကို ဖုံးကွယ်ထားရတာလဲ စတဲ့‌မေးခွန်းတွေကိုတွေနဲ့အတူ စစ်သူကြီးတစ်ယောက်ရဲ့တိုက်ပွဲ၊ မိသားစု၊ ချစ်ခြင်းမေတ္တာ စတဲ့ပြဿနာအဝဝကိုလည်း စိတ်လှုပ်ရှားဖွယ်ကြည့်ရှုနိုင်မှာဖြစ်တာကြောင့် စောင့်မျှော်ပေးပါဦးနော်..... #ReviewedbyFangFang

Blades amid Blossoms (提剑映桃花) မက်မွန်ဓားမုန်တိုင်းပဟေဠိ မြင့်မြတ်တဲ့ကြင်ရာတော်တစ်ပါး မိဘအိမ်ကိုအလည်ပြန်တဲ့အချိန်မှာ မက်မွန်တောင်ပေါ်စံအိမ်၌ ထူးထူးဆန်းဆန်း သေဆုံးသွားပါတယ်။ ကံမကောင်းစွာနဲ့ပဲ အဲဒီမှာ ဖြတ်သွားမိတဲ့ လေလွင့်ဓားသမားလေး Yan Shi Yiက လူသတ်တရားခံအဖြစ် အထင်လွဲခံလိုက်ရပါတော့တယ်။ Han Dao က ဒီအမှုကို တာဝန်ယူထားရသူဖြစ်ပြီး Yan Shi Yi ကလည်း ပူးပေါင်းပေးကာ အတူတကွ အမှန်တရားကို ဖော်ထုတ်ကြတဲ့အခါ…. စစ်ဆေးလေပိုနက်ရှိင်းလေ တဖြည်းဖြည်း မက်မွန်တောင်ပေါ်စံအိမ်ရဲ့ လျှိဝှက်ချက်တွေဟာ လူထုရှေ့မှောက် ပေါ်ထွက်လာခဲ့ပါတော့တယ်။ ထူးခြားဆန်းကြယ်တဲ့မှုခင်း…..မြှုပ်ကွက်တွေလျှိဝှက်ချက်တွေပြည့်နေတဲ့ မက်မွန်တောင်ပေါ်စံအိမ်…..ကိုလူချောလေးနှစ်ယောက်ရဲ့ အမှုစစ်ရှာပုံတော်ခရီး…..🌚 ဒီလိုစိတ်ဝင်စားစရာဇာတ်လမ်းကောင်းလေးကို အခုပဲ အပြေးလေး စောင့်မျှော်ကြည့်ရှုကြပါစို #ReviewByCarrot

Fated in the Martial World 武林外史 သံသယရိပ်တည် ဤသိုင်းလောကဆီ ဇာတ်လမ်းအကျဥ်း သိုင်းလောကတစ်ခွင် အနှိုင်းမဲ့ရတနာကြေးမုံကျမ်းကြောင့် ငရဲဝိညာဉ်နန်းတော်ရဲ့သခင်  Bai Jing ဟာ ခင်ပွန်းဖြစ်သူ Chai Yuguan ရဲ့သစ္စာပျက်မှုနှင့်အတူ ပျက်ကိန်းကြုံရကာ လောကကြီးကိုကြီးမားတဲ့ဂယက်ကြီးဆီ ခေါ်ဆောင်သွားစေခဲ့လေတယ်။ မိခင်ဖြစ်သူရဲ့ကံကြမ္မာဆိုးကို မျက်ဝါးထင်ထင်တွေ့မြင်ခဲ့ရတဲ့ Bai Feifei လေးဟာလည်း ဖခင်နဲ့အတူသစ္စာဖောက်မှုမှာ ပါဝင်ခဲ့ကြတဲ့သူအားလုံးကို သွေးကြွေးဆပ်စေဖို့အတွက် မိုးမြေကိုတိုင်တည်ရင်း နောင် ၁၀နှစ်အကြာမှာတော့ ... အနှိုင်းမဲ့ရတနာကြေးမုံသိုင်းကျမ်းကို စောင့်ရှောက်ဖို့ တာဝန်အပ်နှင်းခြင်းခံရတဲ့ Shen Lang တစ်ယောက် Bai Feifei နဲ့တွေ့ဆုံကြတဲ့အခါ ... အတိတ်ကလုပ်ရပ်ရောင်ပြန်တွေ ပစ္စုပ္ပန်မှာ လာရောက်ထင်ဟပ်ရင်း ပရိသတ်ကြီးကို ရင်ခုန်စိတ်လှုပ်ရှားဖွယ်ရာဇာတ်လမ်းလေးတစ်ခုအဖြစ်ဖြစ်တည်လာပုံကို မကြာခင်တင်ဆက်ပေးတော့မှာဖြစ်လို့ အားပေးစောင့်မျှော်ကြည့်ရှုပေးကြပါဦးနော် ... Native Title: 武林外史 Starrings: Guan Chang, Wu Chong Xuan, Huang Xiao & Chen Fang Tong Genres: Wuxia Country: China Type: Drama Episodes: 34 #FatedInTheMartialWorld #武林外史 #GuanChang #WuChongXuan #HuangXiao #ChenFangTong #SoulKingdom #SK

လေကိုဆန်မယ့်ငှက်ငယ် 以下犯上 The Palace Gambit ဇာတ်လမ်းအကျဉ်း လုကျိုနင်တို့ညီအစ်မ ၂ ယောက်ဟာ နန်းတွင်းကို ဆက်သွင်းခံလာရချိန်မှာတော့ အနောက်နန်းဆောင်တွေရဲ့ အပြိုင်အဆိုင်အတိုက်အခိုက်တွေကြားထဲမှာ လူးလိမ့်ခံခဲ့ရပါတယ် ဒါပေမဲ့ လုကျိုနင်အစ်မရဲ့ ပြိုင်ဘက်ကင်းအလှနဲ့ လုကျိုနင်ရဲ့ထက်မြက်တဲ့ ဉာဏ်ရည်ဉာဏ်သွေးတို့ကြောင့် နောက်ဆုံးမှာ သူတို့ညီအစ်မ ၂ ယောက်ဟာ ဘုရင်ကြီးရဲ့နှစ်သက်မှုကိုရရှိနိုင်ခဲ့တာပေါ့ ဒီလိုအခြေအနေကောင်းစပြုလာချိန်မှာပဲ ဘုရင့်ရင်သွေးကိုလွယ်ထားရတဲ့ လုကျိုနင်ရဲ့အစ်မဖြစ်သူဟာ ရုတ်တရတ်သေဆုံးခဲ့ရတဲ့အတွက် လုကျိုနင်ခမျာ ကမ္ဘာပျက်မတတ်ဖြစ်ခဲ့ရပါတယ် ဒီအခါကစလို့ အမုန်းမကြေနိုင်တဲ့လုကျိုနင်ဟာ သူတစ်ယောက်တည်းနဲ့ အနောက်နန်းဆောင်တစ်ခုလုံးကို စိန်ခေါ်ခဲ့ပြီး အရှင်မင်းကြီးရဲ့အာဏာစက်ကိုပါ ရဲရဲဝံ့ဝံ့ရင်ဆိုင်လာတဲ့အခါ ... ... သူမရဲ့ သေသပ်လှပတဲ့ ဉာဏ်ကစားကွက်တွေ ... ... ပြတ်သားရဲဝံ့တဲ့ တိုက်ချက်တွေ ... ... ဘုရင့်အချစ်အတွက်မဟုတ်ဘဲ အစ်မအတွက်လက်စားချေနိုင်ဖို့ဆိုတဲ့ ရည်ရွယ်ချက်နဲ့အတူ ... ... Native Title:  以下犯上 English Title:  The Palace Gambit Genres: Historical, Romance, Drama Starring: Jade Cheng, Aaron Deng Episodes: 26 Original Network: Tencent Video #ReviewByDD #以下犯上 #SoulKingdom #ThePalaceGambit

မေတ္တာရနံ့သင်းပျံ့စေသော် The Cross-Dressed Union (月拢雁西归) 2025 🎎 🪭

ဒီဇာတ်ကားလေးကတော့ သာမန် တွေ့နေကျ ရှေးခေတ်နန်းတွင်းကားတွေထဲမှာမှ တမူထူးခြားတဲ့ Plot လေးနဲ့ ရိုက်ကူးထားတာမို့ မဖြစ်မနေကြည့်သင့်ပါတယ်

ဇာတ်လမ်းအကျဉ်း အရင်ဘုရင်လက်ထက်က စစ်သူကြီးတွေကို ဖိနှိပ်ထားလွန်းတော့ တိုင်းပြည်မှာ စစ်သည်အင်အား နည်းပါးနေချိန် ဧကရာဇ်အသစ်က ပြည်တွင်းပြည်ပ ရန်စွယ်တွေကြား ဗျာများနေရပါတယ် တိုင်းပြည်ရဲ့ ကံကြမ္မာက ဓားသွားပေါ်မှာ ရောက်နေတဲ့အချိန် ဧကရာဇ်မင်း ယန်လင်တစ်ယောက် ကစားကွက်အသစ်တစ်ခု ခင်းကျင်းလိုက်ပါတယ် အသက်ဘေးလွတ်ဖို့အတွက် မိန်းမယောင်ဆောင်ထားရတဲ့ စစ်သူကြီးသား နန်ချန်ရှောင် နဲ့ ယောက်ျားလေးလို ဝတ်ဆင်ပြီး အရာရှိလုပ်နေတဲ့ ရွေ့ယွီ သူတို့နှစ်ယောက်ဟာ မတူညီတဲ့ အကြောင်းပြချက်တွေနဲ့ ကိုယ့်ဘဝကိုယ် ဖုံးကွယ်ထားရသူတွေပါ ဒါပေမဲ့ ကံကြမ္မာအလိုကျ ဧကရာဇ်ရဲ့ အမိန့်နဲ့ ဇနီးမောင်နှံ ဖြစ်လာရတဲ့အခါ မိန်းကလေးဟန်ဆောင်ထားတဲ့ သူနဲ့ ယောက်ျားလေးဟန်ဆောင်ထားတဲ့ သူမ ဒီနှစ်ယောက် ပေါင်းဖက်လိုက်တဲ့အခါ ဘယ်လို ပြောင်းလဲမှု အသစ်တွေ ဖြစ်လာမလဲ..... အသက်လု ပွဲတွေကြားကနေ သူတို့နှစ်ယောက်ရဲ့ သံယောဇဉ်တွေ ဘယ်လိုတိုးလာမလဲ... တိုင်းပြည်အတွက် ဘယ်လို စွန့်စားခန်းတွေ ဖွင့်မလဲဆိုတာကို သူတို့ရဲ့Chemistry မိမိသရုပ်ဆောင်ချက်တွေနဲ့အတူ ကြည့်ရှုရမယ့် ဇာတ်လမ်းကောင်းလေးတစ်ခုပဲဖြစ်ပါတယ် Ch Title : 月拢雁西归 Eng title: The Cross-Dressed Union Cast ; Liu Ye , Tan Xiao Fan Type: Drama Country: China Episodes: 24 #月拢雁西归 #Review #miniseries #SoulKingdom

သိုင်းလောကရဲ့မိုးသည်းည Realm's Night Rain Dreamlike 江湖夜雨终似梦 🫧

"သိုင်းဇာတ်လမ်း ကြိုက်သူတွေ၊Bromance ကြိုက်သူတွေ ကြည့်သင့်တဲ့ Wuxia Mini Drama လေးမို့ လက်မလွှတ်သင့်ပါဘူးနော်။" နောက်ပြီးတော့  မင်းသားနှစ်ယောက်ရဲ့ ဘရိုမန့်အခန်းတွေ ကိုရော ကလိကလိ 🧐🧐 နဲ့ကြည့်ရအုံးမှာနော်

ဇာတ်လမ်းအကျဉ်း တစ်ချိန်က ထင်ရှားကျော်ကြားခဲ့တဲ့ လျှို့ဝှက်ကိုယ်ရံတော်တပ် ခေါင်းဆောင် ကျန်းဟူ အတိတ်တုန်းက အရေးပါတဲ့ သက်သေခံဖြစ်တဲ့ ဟန်ယန်ကို လုံခြုံအောင် မပို့ဆောင်နိုင်ခဲ့တာကြောင့် သစ္စာရှိ စစ်သူကြီးဟူ မတရား စွပ်စွဲခံခဲ့ရသလို၊ မိမိရဲ့ ညီအစ်ကိုတွေလည်း ဘေးသင့်ခဲ့ရပါတယ် နှစ်အတော်ကြာပြီးနောက် ကျန်းဟူဟာ သူ့အပေါ် ကောင်းမွန်ခဲ့တဲ့ လူအိမ်တော်ကို ကျေးဇူးဆပ်ပြီးတဲ့နောက်မှာ တစ်ယောက်တည်း ခြေဦးတည့်ရာသွားပြီး သာမန်ဘဝလေးနဲ့ပဲ နေထိုင်သွားဖို့ ရည်မှန်းချက်ထားခဲ့ပါတယ် ဒါပေမဲ့ ကံကြမ္မာက မျက်နှာသာမပေးခဲ့ပါဘူး။ "ကျားရဲက တောပြောင်းပေမဲ့ ကျားက ကျားပါပဲ..." ဆိုတဲ့အတိုင်း အငြိမ်နေတဲ့သူ့ကို လင်ကွေဂေဟာအဖွဲ့က လာပတ်သက်တဲ့အခါမှာတော့ ငြိမ်းချမ်းချင်တဲ့ သူ့ဆန္ဒတွေ ပျက်သုဉ်းခဲ့ရပါတယ်။   မမျှော်လင့်ဘဲ သိုင်းလောကထဲ ပြန်ရောက်သွားတဲ့ ကျန်းဟူဟာ ဒီတိုက်ပွဲကြားမှာ မိဘမဲ့ကောင်မလေး ရုံအာကို ကယ်တင်ရင်း၊ မိတ်ဆွေဟောင်း လူငယ်ချောလေး ယဲ့ယွီ နဲ့ပါ ပြန်လည်လက်တွဲမိသွားတဲ့အခါ.... မတရားမှုတွေ ဖုံးလွှမ်းနေတဲ့ လောကကြီးမှာ ကျန်းဟူနဲ့ယဲ့ယွီ သူတို့နှစ်ဦး ဘယ်လို အတူလက်တွဲ ရင်ဆိုင်ကြမလဲ...... Title: Realm's Night Rain Dreamlike Cast : Yan Zi Xian,Min Xing Han,Xiang Jing Yi Type: Drama Format: Web Series Episodes: 24 Original Network: Mango TV #江湖夜雨终似梦 #SoulKingdom

အမှောင်ခွင်းမဲ့ စုံထောက်မောင်မယ် Shadow Detective  暗影侦探 အခုမိတ်ဆက်ပေးမှာကတော့ တရုတ်ကားချစ်သူတိုင်း မသိသူမရှိတဲ့ The Double, Perfect Match, Scent of Time အစရှိတဲ့ နာမည်ကြီး ပေါက်ကားတွေရဲ့မင်းသားချော Wang Xing Yue ရဲ့ခပ်မိုက်မိုက် မှုခင်းကားသစ်ကလေးပဲဖြစ်ပါတယ် ဇာတ်လမ်းအကျဉ်း အလွန်တရာမှ ဉာဏ်ထက်မြက်လှတဲ့ စုံထောက်တစ်ယောက်ဖြစ်တဲ့ Guan Cen။ ဘယ်လောက်ပဲခက်ခဲတဲ့ အမှုကိစ္စပဲဖြစ်ဖြစ် သူ့လက်ထဲကိုရောက်သွားရင်ကလေးမုန့်စားသလို အလွယ်တကူဖြေရှင်းသွားနိုင်တဲ့အထိကို တော်ပြီးထက်မြက်တဲ့စုံထောက်တစ်ယောက်။ ငယ်ဘဝအတွေ့အကြုံတစ်ခုကြောင့် ရဲဖြစ်လာရတဲ့ ထက်မြက်ပြီးတော့ရဲရင့်တဲ့ ရဲမေလေး  Lu Yizhen ကတော့  Guan Cen နဲ့ဆိုရင်ကြောင်နဲ့ကြွက်လိုမျိုးအချင်းချင်းမတည့်ကြပါဘူး။ ဒါပေမဲ့လည်းကံကြမ္မာက သူတို့နှစ်ယောက်ကိုမှ ထူးဆန်းတဲ့အမှုကိစ္စတွေကြားထဲကို တွန်းပို့ခဲ့ပြီး နှစ်ယောက်အတူလက်တွဲကာအမှန်တရားကိုရှာဖွေဖို့အကြောင်းဖန်လာခဲ့ပါတယ်။ ဒီလိုမျိုး ace နှစ်ယောက်ဆုံတွေ့သွားခဲ့ပြီးတော့ ဆန်းကြယ်တဲ့အမှုကိစ္စတွေကိုဖြေရှင်းကြရတဲ့အခါမှာတော့ ... အမှုတွေက သည်းထိတ်ရင်ဖိုစရာကောင်းနေပြီး တဖြည်းဖြည်းနက်နဲလာတဲ့အခါ... သူတို့တွေအမှုကိုဖြေရှင်းနိုင်မလား? အမှုကိစ္စတွေထဲက ပဟေဠိတွေကိုဖြေရှင်းနိုင်ပါ့မလား? မကြာခင်မှာပဲ ဒီစိတ်ဝင်စားစရာတွေနဲ့ပြည့်နှက်နေတဲ့ မှုခင်းဇာတ်လမ်းလေးကို SoulKingdom ကနေတင်ဆက်ပေးမှာဖြစ်လို့ အားလုံးစောင့်မျှော်ကြည့်ရှုလို့ရနေပါပြီနော်။🦦 Native Title : 暗影侦探 English Title : Shadow Detective Starring : Wang Xing Yue,  Wu Jia Yi Episodes: 24 Airs :  27 November 2015 Original Network : IQIYI #ReviewBylittlefish #暗影侦探 #SoulKingdom #ShadowDetective