Nargiza USANBOYEVA

Pepsi bilan lazzatli O‘zbekistonliklarning 58,7 foizi PEPSI’ni tanladi! Demak, milliy taomlar PEPSI bilan lazzatli! Batafsil #reklama instagram.com

Хайрли кеч! Аллоҳ таоло бу кечанинг ҳар лаҳзасини тинчлик ва осойишталик билан тўлдирсин. Дуоларингиз ижобат, юрингиз нурга тўла бўлсин. Ҳар бир нафасингиз шукр билан ўтсин, ҳар бир орзуйингиз хайр билан амалга ошсин. 💫 @usanboyeva

Ҳуррак гимнастикаси✅ 🔸 Тилни олдинга суринг ва шу ҳолатда 5 сония ушлаб туринг. Машқни 30 марта такрорланг. 🔸 Қўлингиз билан иякни босинг ва пастки жагни куч билан олдинга ва орқага силжитинг. Машқни 30 марта такрорланг. 🔸 Ўнг бурун тешигини ёпинг ва чап томондан имкон қадар секин нафас олинг. Кейин чап бурун тешигини ёпинг ва ўнг томондан секин нафас олинг. Машқни 10 дақиқа давомида такрорланг. Яқинларга юбориб қўямиз. @usanboyeva

Сентябрьда туғилганлар бу юрак сиз учун ❤️

Келинг, миянгиз қанчалик толиққан ёки толиқмаганини синаб кўрамиз... Расмда мушук зинапоядан тепага чиқяптими ёки пастга тушяптими? 👇

Оилавий муносабатлардаги муаммоларнинг боши ёшларнинг турмушдан олдинги хато тасаввурларидадир — ёшлар муҳаббатни фақат ишқий муносабат, турмушни фақат фаровон ҳаёт, оилани эса фақат ўйин-кулгудан иборат бир гўша деб ўйлашади. @usanboyeva

🔥 Тошкентда уйлар арзонлашяпти! Лекин буни ҳамма билмайди... Кўпчилик фақат агентлар биладиган яширин эълонлар қаерда эканини билмайди 📌 Биз эса барча уйларнинг нарх ўзгаришини биринчи бўлиб жойлаб борамиз 🚀 Қўшилинг ва энг яхши вариантни ўтказиб юборманг! 👉 https://t.me/toshkent_uy_bozori_rasmiy

1 daqiqada kartaga pul Garovsiz, kafillarsiz va ma'lumotnomasiz 100 mlngacha kredit Oʻrnatish #reklama avo.uz

Овоз ҳавода сониясига 330 метр тезликда тарқалса-да, онамнинг менга 17 ёшимда айтган гаплари 40 ёшимдагина етиб келди… @usanboyeva

"МЕН - КЕЛИНМАН! " асарини ёпиқ каналда БИР НАФАСДА мазза қилиб ўқинг. Асар ТЎЛИҚ жойланган! Танлов ихтиёрий. Уланмоқчи бўлганлар шу админлардан бирига ёзинг.👇👇 @adm_usanboyeva @admiinka_usanboyeva Асар ушбу катта каналга ҳам ҳар куни ўз вақтида жойлаб борилади.

#мен_келинман   303-қисм   #муаллиф_Наргиза_Усанбоева   Айниқса, рангпар, чарчоқдан сўлғин юзимни кўриб, қошларини чимирди. - Нега мунча қолиб кетдингиз? - деди у ажабланиб. Мен мийиғимда аччиқ, истеҳзоли табассум қилдим. Вужудимдаги чарчоқ ва дилимдаги алам тилимга кўчди: - Мен - келинман! Ҳамма жойни чинни-чироқ қилиб, кейин чиқдим! Рауф ака ноутбукни нари суриб, менга жиддий ва синчков нигоҳ билан тикилди. Унинг кўзларида аллақандай хавотир ва қизиқувчанлик бор эди. Ўрнидан туриб, менга яқинроқ келди-да, овозини пасайтириб сўради: - Мен йўғимда... бу уйда нималар бўлди, Нозигул? Бир бошидан айтиб беринг-чи? Бу саволдан нафасим ичимга тушиб кетди. Миямда минг битта ўй чарх ура бошлади. Айтишни ҳам, айтмасликни ҳам билмай гарангсиб қолдим. Агар сиз ўгай онангизнинг тузоғига тушдингиз десам нима бўлади? Агар индамасам-чи? Рауф ака менинг кўзларимдан ниманидир ўқиб олишга уринар, мен эса бу катта ва хавфли ўйиннинг қайси йўлагидан юришни билмай, гангиб турардим... Ичимда ҳали ким ҳақ, ким ноҳақлигини, бу катта ва чигал ўйинларда кимнинг тарафини олишим, кимга ён босишим кераклигини билмасдим. Балки Рауф ака ростдан ҳам ҳаммасини билиб, бизни кузатиб юргандир? Балки Диля опанинг гаплари навбатдаги тузоқдир? Миямдаги бу саволларга жавоб топа олмай, энг тўғри йўл - сукут сақлаш, деб қарор қилдим ва нигоҳларимни олиб қочдим. Рауф ака эса менга янада диққат билан, кўзларини қисиб тикилди. - Туришингиздан ниманидир яширяпсиз, Нозигул. Айтинг, нима бўлди ўзи? - деди у жиддий оҳангда. Мен эса ҳамма нарсага қўл силтадим-у, ичимни кемириб, тинчлик бермаётган ўша саволни бердим: - Рауф ака... кеча қаерда эдингиз?   Давоми бор   Реакция босиб, илҳом беринг!   @usanboyeva

Йўталдан халос қилувчи самарали малҳам Қаттиқ шамоллашдан сўнг сизда ҳали ҳам томоқ оғриғи ва йўтал сақланиб қолиши мумкин. Бундай пайтда қуйидаги тавсиядан фойдaлaниб кўришингиз мумкин. 1 дона ўртача катталикдаги банан пўстлоғидан тозаланади. Унга 2-3 чойқошиқ какао солинади. Ушбу аралашма устидан 1 стакан қайноқ сув қуйилади ва яхшилаб аралаштирилади. Бу муолажа одатда кечқурун бажарилади. Икки марта такрорлаш орқали йўталдан халос бўлишингиз мумкин. Яқинларга юбориб қўямиз. @usanboyeva

😇 Бошингиз айланади, кўзингиз тинади ва тез холсизланиб қоляпсизми? Сиз учун табиий малхам тайёр! 📌Видео манфаатли бўлган бўлса яқинларингизга ҳам юборишни унутманг! Яқинларга юбориб қўямиз. @usanboyeva

Янги келинчак кирини ювиб бўлиб, мағзавасини дарахт тагига тўккани борган эди. Уни жинлар ёқиириб қолиб, адаштириб олиб кетишди ва бир хатдаги ёзув учун қайтаришди. Қолганини видеода кўринг!👇🏼

ФАРЗАНД ТАРБИЯСИНИНГ ЎЗИГА ХОС ЖИҲАТЛАРИ 👶🧒🏻🦋 Қалбидаги ҳиссиётларини, фикр-мулоҳазаларини ифода қилиш учун фарзандингизга имкон беринг. “Менга гап қайтаряпти”, дея жаҳлингиз чиқмасин. Болани тушунишнинг энг маъқул йўли унга яхши ният билан, яъни, урушиб жеркиш билан эмас, мулойим муомала илинжида яқинлашишдир. Битта суҳбат давомида бир неча муаммони ҳал қилишга чоғланманг! Ҳар бир масалани алоҳида-алоҳида ҳал қилинг. Фарзандингизга тўғри билим беринг. Болага хатоларини айтиш билан кифояланиш ярамайди. “Қўлингни юв!", “Салом қани?”, “Бор, дарсингни қил!" дейишнинг ўзи етарли эмас. Агар фарзандга айтилганларни у билан бирга бажариб, уни олқишлаб қўйсангиз, кўзланган натижага эришишингиз мумкин. Фарзандингизни тинглай билинг! Шу тариқа унинг муаммоларидан, ҳис-туйғуларидан хабардор бўласиз. Уни ёмон ҳолатга туширган воқеадан сўнг хулоса чиқаришга, сабоқ олишига кўмаклашинг. Ўша дамда уни койиманг, маъруза ўқиманг. Агар лозим бўлса, орадан бир оз вақт ўтиб, ҳиссиётлар совигандан кейин тушунтиришингиз мумкин. Болангизни душманингизга айлантиришни хоҳламасангиз, бирор муваффақиятсизликдан кейин "Ана айтмаганмидим?!” деган гапдан сақланинг. Унга бақирмасдан, қизишмай ҳақсизликка қарши чиқишни ўргатинг. Фарзандингизни тинглаётиб унинг чеҳрасига боқинг, боладан гина қилманг, фақат “Буни сендан кутмагандим”, десангиз кифоя. Фарзандингизнинг бирон хатти-ҳаракати сизга ёққанда, буни унга билдириб қўйинг. Унутманг: фарзандингиз сизни ўзига идеал деб билса, шундагина унга ўзингиз истаган нарсани сингдира оласиз. ҲИКМАТ Болаларини бахтли қилиш учун елиб-югуриб юрган меҳрибон она кўпинча ўзининг тор дунёқараши, тафаккурининг ожизлиги, ортиқча ғамхўрликлари сабаб болалари қўл-оёғини боғлаб ташлайди. (Абдулла Авлоний). 📚"Бахтли ҳаёт сари" китобидан. @usanboyeva

"ЁРУҒ КУННИ СОҒИНИБ " асарини ёпиқ каналда, ТЎЛИҚ бир нафасда мазза қилиб ўқинг! Ёпиқ каналда БОНУС сифатида Муниса билан интервью ҳам берилган! Танлов ихтиёрий. Уланмоқчи бўлганлар шу админлардан бирига ёзинг.👇👇 @adm_usanboyeva @admiinka_usanboyeva Асар ушбу катта каналга ҳам ҳар куни ўз вақтида жойлаб борилади.

#ёруғ_кунни_соғиниб   176-қисм   #муаллиф_Наргиза_Усанбоева      Кутилмаганда она дадил ва баралла деди: — Ўлган менинг ўғлим эмас! “Ақлдан озди”, Мунисанинг миясига шу фикр ўқдек урилди. — Ойи, ойи тинчланинг! — ўз оғриқларини ҳам унутиб, қайнонасини қучди. — У менинг ўғлим эмас! — Ойи, — қайноғаси ҳам ҳайрат билан боқди. — Менинг ундай ўғлим йўқ! — Ундай деманг, ойи, — Муниса қўрқиб кетди. — Унақаларни Ватан хоини дейишади. Улар ўз юртига кулфат келтиради, вайрон қилади. Бу — ўз уйини, оиласини, онасини, боласини оловга отиш дегани! — телбавор оҳангда ғазаб билан гапирарди у. — Мен ўз элига, онасига, фарзандларига озор етказадиган бола ўстирмаганман! У менинг болам эмас! — Ойижон, унақа деманг! Бу гапларни асло гапирманг, — йиғлаб ялина бошлади Муниса. — Сиз шунақа деб турсангиз, мен нима дей? Болаларим нима десин? Ахир улар отасидан воз кеча олмайди-ку! Нега куйган юрагимни кўкка совурасиз! Ундай деманг, ойи... — Унинг учун куймайман! Унинг учун йиғламайман! Аза ҳам очмайман! Сиз ҳам аза тутмайсиз! — Ойи-и-и! — кутилмаганда янграган қайноғасининг ҳайқириғи ҳаммани чўчитиб юборди. Она нима учундир катта ўғлига ҳам ғазаб билан қаради. — Ўлганнинг ортидан ёмон гап айтмайди, дердингиз-ку, ўзингиз, — тили тутулиб қолди ўғилнинг. — Укамни биламан, ўз қилмишидан барибир пушаймон бўлган. У адашган. — У адашмаган! Бу ишга анча аввал аралашган. Билиб аралашган. Мунисага ҳам бекорга уйланмаган. Шундай бўлишини, бизни азобга қўйишини билган. Мунисанинг ҳам кўп ғам кўрганини билиб, тоқатли эканлигига кўзи етиб уйланган. Ўшанда мен унга “умуман нотаниш бўлган, бир мартагина кўрган қизга қандай уйланасан?” деганимда “Суриштирдим, қийинчилик кўрган қиз. Ҳаётни билади, тушунади”, деганди. У ҳамма нарсани режа қилган... Бу гаплардан Муниса ўзини йўқотиб қўйди. Қайнонаси умуман бошқа аёлга айланган, кўзлари фақат алам ва нафратга лимо-лим эди. Бувисининг қўйнида ўтирган Лайло ҳам бирдан ўзини торта бошлади.     Реакция босиб, илҳом беринг!   Давоми бор   @usanboyeva

#ёруғ_кунни_соғиниб   175-қисм   #муаллиф_Наргиза_Усанбоева   Бу гаплар Мунисанинг дилини янада хун қилди. Икки қизини маҳкам қучаркан, яна йиғига зўр берди. “Дадаси, онангизга нима дейман? Қандай яшайман энди? Қизларингизга қандай тушунтираман? Нима учун шуларни ўйламадингиз? Нега бизнинг азоб чекишимизни англамадингиз? Бизга раво кўрганларингиз шуми?” Ярим соат ўтар-ўтмас эшик қўнғироғи жиринглади. — Қайнонанг келди. Ўзингни қўлга ол, болам, — дея онаси ўрнидан қўзғалди. Муниса қайнонасининг юзига қарай олмади. Худди бор айбни у қилгандек, бу ғамларга ўзи сабабчидек бош эгди. Лекин кўзларидан ёш тийилмади. Уларнинг бир аҳволда ўтирганини кўрган қайнонасининг нафас олиши тезлашди. Невараларини бағрига босаркан, Камолга қаради: — Адҳам қани? — Адҳам келмабдими? — қайнонаси билан бирга келган қайноғаси негадир Мунисага юзланди. Камол ерга қаради. Муниса лабларини тишлади. Бу дунёдаги энг оғир ҳолат, энг мураккаб саволдек туюлди. Иккиси ҳам жавоб беролмади. — Ўтиринг. Бир пиёла чой ичинг, — уларга далда бўлмоқчи бўлган онасининг ҳам овози титраб чиқди. — Адҳам... — титраб-қақшаб ўтираркан кампир келинига қаради: — Нега у йўқ? Нега йиғлаяпсиз? — Қуда, ўтиринг. Сабрли бўлинг, — Мунисанинг онаси яна ўзининг метин иродасини ишга солди. — Улар айтадиган аҳволда эмас. Қийнаманг. Ўзим айтаман! Шу билан у ўзи ҳам дуруст тушунмайдиган ақидапарастлар ҳақида гапирди. — Куёв уларнинг мақсадини билмай қўшилиб қолган. Улар бу йўлда ҳеч нарсадан қайтмаскан. Адҳамнинг қидирувда ва айби исботланганини билиб... Қўлга тушса, сотиб қўяди дейишган-да... Ноинсофлар... — Адҳамни ўлдиришдими? — аллақандай ваҳимали ва аянчли овозда Камолдан сўради кампир. Камол ёшли кўзларини артаркан бош силкиди. Бу имодан сўнг Мунисанинг қайноғаси аввалига қўлларини мушт қилиб тугди. Сўнг бошини қуйи солиб, силкина бошлади. У гавдасига ярашмаган ҳолда унсиз йиғларди. Онаси эса аввал ҳаммага бир-бир қараб чиқди. Кейин кўзларини катта-катта очиб, дастурхонга тикилди. Муниса “ҳозир қайнонамнинг мазаси қочиб қолади”, деган ҳадикда ундан нигоҳини узмади.   Реакция босиб, илҳом беринг!   Давоми бор   @usanboyeva