Namangan ssb.24 SALOMATLIK VA SOG’LOM HAYOT TARZI

Тадбир                ФАОЛ ҲАМШИРАЛАР ШАРАФЛАНДИ                     Юртбошимиз раҳнамолигида барча соҳалар қатори тиббиётда ҳам изчил ислоҳотлар олиб борилмоқда. Аҳолига кўрсатилаётган тиббий хизмат сифатини ошириш ва даражасини юксалтиришга қаратилган саъй-ҳаракатлар кўлами эса тобора кенгаймоқда. Пировардида соғлиқни сақлаш муассасалари моддий-техник базаси муттасил  ривожлантириляпти. Кадрлар салоҳиятини юксалтириш чоралари кўрилмоқда. Энг муҳими жамиятда тиббиёт ходимларининг қадр–қиммати ва нуфузи ошяпти.      Тобора ривожланиб бораётган соҳада фаолият кўрсатиш нафақат фахр, балки ҳар бир мутахассисга катта масъулият ҳам юклайди. Айниқса, тиббий муолажаларни амалга оширувчи, беморларнинг дардига шерик бўлиб, уларга ширин сўзи ва қалб ҳарорати билан далда бергувчи ҳамширалар зиммасидаги вазифа кўлами ҳам ортяпти. Бугунги ҳамшира замонавий тиббий аппаратлар сир-асрорларини мукаммал эгаллаши, касбий одоби ва қобилияти билан ҳамкасбларига намуна бўлмоғи лозим.          Айни пайтда  тобора юксалаётган соҳада фаолият кўрсатиш саломатлик посбонлари учун чинакам шараф, десак муболаға эмас. Улар орасида ўз касбининг ҳақиқий фидоийсига айланган ўрта тиббиёт ходимлари талайгина. Кўп йиллик ва самарали хизматлари муносиб баҳоланиб, давлатимизнинг орден ва медаллари билан тақдирланганлар сафи кенгайиб боряпти.           Бугун Наманган шаҳридаги “Диёр” тантаналар мажмуаси соҳа илғорларини  ўз бағрига олди. 12 май – Халқаро ҳамширалар куни муносабати билан ўтказилган тантанали байрам тадбирида энг илғор ва фаол ўрта тиббиёт ходимларидан бир гуруҳи рағбатлантирилди. Вилоят ҳокимининг ўринбосари Ғуломжон Муродхўжаев саломатлик посбонларининг машаққатли ва шарафли хизматларини эътироф этиб, уларни қутлуғ сана билан табриклади. Вилоят ҳокимлигинининг Фахрий ёрлиқлари ва эсдалик совғалари тантанали суратда эгаларига топширилди. -  Соғлиқни сақлашнинг ҳаракатлантирувчи кучи, дея тарифланадиган ўрта тиббиёт ходимларига кўрсатилаётган бу каби рағбатлар соҳа вакилларини беҳад руҳлантирмоқда. Бугунги кунда Наманган тиббиётида 30 минг нафарга яқин ҳамширалар, доя ва фельдшерлар хизмат қилишади. Меҳнатимиз муносиб баҳоланиб, кўрсатилётган эътибор ва эътирофдан ғоят мамнунмиз. Янада фаол, сидқидилдан фаолият юритиб, тиббий хизмат сифати ва самарадорлигини оширишга ҳиссамизни қўшамиз,- дейди ВССБ бош ҳамшираси Райҳона Мансурова.     Тадбир бағоят тантанавор тус олди. Вилоятимизнинг таниқли санъаткорлари ҳамширалар хизматида бўлишди.

Eltuz норасмий каналида “РТТЁМ Наманган филиали кассасида тирбандликлар юзага келгани ва А.Ирисбоев топшириғи билан барчанинг ойлик маошлари нақд пулга йўналтирилгани, натижада ходимлар  ойлик маошини олишда навбатлар юзага келгани тўғрисида”ги пост жойланди. Ушбу мурожаатга жавоб тариқасида шуни маълум қиламизки, РТТЁМ Наманган филиали рахбари А.Ирисбоев томонидан ойлик маошларини нақд кўринишида бериш юзасидан ҳеч қандай топшириқ берилмагани, аксинча УзАсбо-2 дастурига ўтилгани, дастурда иш ҳақи ҳисоблашда қатор муаммоларга дуч келингани сабабли кўплаб ходимларнинг ойлик маошлари автоматик равишда нақд кўринишига ўтиб қолганини маълум қиламиз. Юқоридаги юзага келган навбатлари бартараф этилиб назоратга олинди. Бу муаммолар кейинги ойда қайтарилмайди ва ходимларнинг аризасига кўра нақд ёки пластик кўринишида тўлаб берилади.

Туман тиббиёт бирлашмаси раҳбарияти билан мулоқот чоғида Муҳаммадюсуф Раҳмоновнинг соҳадаги узоқ йиллик баракали хизматлари эътироф этилди.

Уйчи туманига ташриф чоғида бошқарма бошлиғи беморларга кўрсатилаётган тиббий хизмат ҳолати билан ҳам танишди. Марказий шифохонада саломатлигини тиклаётган кекса авлод вакиллари ҳолидан хабар олинди. Улар Хотира ва қадрлаш айёми муносабати билан қутланди. Ўринбой Юсуфжонов, Тўхтахон Юсуфжонова, Рислиғой Матмуродова, Башорат Ўринбоева, Назира Қурбонова, Маҳмуда Холиқова каби нуронийлар кўрсатилган эътибор учун миннатдорчилик билдирдилар.. Мутасаддиларга қарияларни қадрлаш ва соғломлаштириш ишларини янада яхшилаш юзасидан топшириқлар берилди.