ParalympicUz

Osiyo Paralimpiya qo‘mitasi vakili Paralimpiya shaharchasidagi bunyodkorlik ishlari bilan tanishdi Shu kunlarda poytaxtimizda mehmon bo‘lib turgan Osiyo Paralimpiya qo‘mitasi sport bo‘limi menejeri Shon Li bugun safar doirasida poytaxtimizda qad rostlayotgan Paralimpiya shaharchasini ham bevosita ko‘zdan kechirdi. Tashrif davomida Shon Li bevosita qurilish obyektlarida jadal ish jarayonlari davom etayotganiniga guvoh bo‘ldi. Shuningdek, mehmonga Toshkent-2025 o‘yinlari eksperti hamda qo‘mita rahbariyati majmua barcha xalqaro standartlarga javob berishi, sport arenalari eng zamonaviy jihozlar bilan ta’minlanishi xususida ma’lumot berdi.

Para yengil atletika bo‘yicha yoshlar o‘rtasida O‘zbekiston chempionati boshlandi Bugun Angren shahridagi “Yangiobod” Respublika o‘quv-mashg‘ulot bazasida para yengil atletika bo‘yicha yoshlar o‘rtasida O‘zbekiston chempionati start oldi. Toshkent-2025 yoshlar Para Osiyo o‘yinlari uchun saralash vazifasini o‘tab beradigan ushbu musobaqada mamlakatimizning turli hududlaridan jami 450 nafardan ortiq jismoniy imkoniyati cheklangan va nogironligi bo‘lgan yoshlar ishtirok etmoqda. Musobaqaning tantanali ochilish marosimida yurtimizda amaliy tashrif bilan mehmon bo‘lib turgan Osiyo Paralimpiya qo‘mitasi sport bo‘limi menejeri Shon Li ham qatnashdi va barcha ishtirokchilarga omad tiladi. Eslatib o‘tamiz, ertaga musobaqaning ikkinchi kungi bahslari bo‘lib o‘tadi.

👍Parij-2024 o‘yinlariga litsenziyani qo‘lga kiritgan futbol bo‘yicha O‘zbekiston Olimpiya terma jamoasini tabriklaymiz! Ushbu tarixiy natijaga erishishda avvalambor Muhtaram Prezidentimizning sportga bo‘lgan e'tiborlari va g‘amxo‘rliklarini alohida e'tirof etish lozim. Qolaversa, ushbu g‘alabani O‘zbekiston Respublikasi Sport vazirligi, O‘zbekiston Milliy Olimpiya qo‘mitasi hamda O‘zbekiston futbol assotsiatsiyasi rahbariyatining ham amalga oshirgan keng ko‘lamli faoliyati samarasi deyish mumkin. Vatanimiz sportida mana shunday ulkan yutuqlar bardavom bo‘laversin!

Osiyo Paralimpiya qo‘mitasining sport bo'limi menejeri Toshkent-2025 yoshlar Para Osiyo o‘yinlariga tayyorgarlikni ko‘zdan kechirmoqda Ayni kunlarda Osiyo Paralimpiya qo‘mitasining (APC) sport bo'limi menejeri Shon Li amaliy tashrif bilan poytaxtimizda bo‘lib turbdi. Ushbu tashrifdan ko‘zlangan maqsad 2025-yil Toshkentda bo‘ladigan yoshlar Para Osiyo o‘yinlariga olib borilayotgan tayyorgarlikni ko‘zdan kechirish va kamchiliklarni o‘rganishdan iborat. Dastlab Milliy Paralimpiya qo‘mitasida Shon Li va qo‘mita rahbariyati ishtirokida uchrashuv o‘tkazildi. Unda APC menejeriga musobaqaga ko‘rilayotgan tayyorgarlik bo'yicha reja tuzish, O‘yinlar dasturidan o‘rin olishi kutilayotgan sport turlari, bahslarga mezbonlik qiladigan arenalar haqida batafsil ma’lumot berildi. Shuningdek, sport federatsiyalari bilan hamkorlik bo'yicha maxsus yo'l xaritasi ishlab chiqish, klassifikatsiya va antidoping masalalari, barcha obyektlarda para sportchilar uchun yaratilgan imkoniyatlar masalasida ham so'z bordi. Qo‘mita rahbariyati suhbat davomida keng ko‘lamda olib borilayotgan tayyorgarlik jarayoni, shuningdek, ulkan bunyodkorlik loyihasining davlat tomonidan har jihatdan qo‘llab-quvvatlanilayotgani xususida alohida to‘xtaldi. Osiyo Paralimpiya qo‘mitasi menejerining yurtimizga tashrifi davom etmoqda.

🇺🇿Para kanoechilarimiz Jahon chempionatiga puxta hozirlik ko‘rishmoqda *** 🇬🇧Our para-canoeists are thoroughly preparing for the World Championship 👍👍👍👍👍 🔥🔥🔥

Bizni ijtimoiy tarmoqlar orqali kuzatib boring

💻Instagram |🎞YouTube | 📝 Facebook  | 📝Telegram |

📹 "Sport" telekanalining "Yulduzli oqshom" ko‘rsatuvi mehmoni para pauerlifting bo‘yicha O‘zbekiston terma jamoasi a’zosi Farhod Umrzoqov bo‘ldi. Ushbu ko‘rsatuvni bugun soat 21:25 da "Sport" telekanalida tomosha qilishingiz mumkin.

O‘zbekiston Milliy paralimpiya qo‘mitasi matbuot xizmati hamda “UzReport” telekanali hamkorligida qo‘mita faoliyatiga bag‘ishlangan “Para news” informatsion ko‘rsatuvining navbatdagi sonini bugun 28-aprel soat 19:35 da tomosha qilishingiz mumkin: 📺 UzReport TV ⏰ 28-aprel - 19:35 ▶️ Takroran: 29-aprel - 20:35 30-aprel - 12:30 👍👍👍👍👍 🔥🔥🔥

Bizni ijtimoiy tarmoqlar orqali kuzatib boring

💻Instagram |🎞YouTube | 📝 Facebook  | 📝Telegram |

Toshkent-2025. Raqamli texnologiyalar yoʻnalishida hamkorlik muhokama qilindi Xabar berganimizdek, shu kunlarda “Bornan Sports Technology” vakillari yurtimizda mehmon bo‘lib turibdi. Tashrifdan ko’zlangan maqsad Toshkent-2025 yoshlar Osiyo va Para Osiyo oʻyinlariga olib borayotgan tayyorgarlikni raqamli texnologiyalar yoʻnalishida muhokama qilish, mavjud muammo va kamchiliklarni oʻrganishdan iborat. Shu maqsadda O’zbekiston Milliy paralimpiya qo’mitasi rahbariyati “Bornan Sports Technology” vakillari bilan uchrashdi. Unda xorijiy kompaniya vakillari kompleks musobaqalarni o’tkazish tajribalari haqida batafsil ma’lumot berdi. Ushrashuv yakunida tomonlar o’zaro hamkorlik qilish bo’yicha muzokaralarni davom ettirishga kelishib oldilar.

Vodiydagi maxsus maktab internati tarbiyalanuvchilari o‘rtasida sport musobaqasi tashkil etildi Andijon viloyatining Xo‘jaobod tumanida Farg‘ona vodiysida faoliyat yuritayotgan Alohida ta’limga ehtiyojlari bo‘lgan bolalar uchun ixtisoslashtirilgan maxsus maktab internatida "Biz hech kimdan kam emasmiz" shiori ostida sport musobaqasi tashkil etildi. Maxsus maktab internati tarbiyalanuvchilari mazkur sport musobaqasida shaxmat, shashka, futbol, stol tennisi, sport turlari bo‘yicha o‘zaro kuch sinashishdi. Yakuniy natijalarga ko‘ra Xo‘jaobod tumanidagi Zaif eshituvchi bolalar maxsus maktab internati vodiy birinchiligida tengsiz bo‘ldi. Gʻoliblar tuman sport maktabi tomonidan diplom hamda esdalik sovg‘alar bilan munosib taqdirlandilar. Qayd etish lozimki, musobaqadan ko‘zlangan asosiy maqsad - o‘sib kelayotgan yosh avlodni sportga bo‘lgan qiziqishini yanada oshirish va bu borada ularni har tomonlama qo‘llab-quvvatlashdan iborat.