Hypen Education

ကမ္ဘာကြီးကို ပြောင်းလဲဖို့ တစ်နေ့တာရဲ့ ၆၇ မိနစ်ပဲ လိုအပ်တယ်ဆိုတာ Hypers🎓 လေးတို့ သိပါသလား⁉️ 💬အဘက်ဘက်ကနေ ပြုပြင်ပြောင်းလဲဖို့ လိုအပ်နေတဲ့ ဒီကမ္ဘာကြီးမှာ ဒီ ၆၇မိနစ်ဆိုတဲ့ အချိန်ကာလက ဘာကြောင့် ဒီလောက်ထိ အရေးပါနေရတာလဲ၊ ဒီကိစ္စက တကယ်ရော ဖြစ်နိုင်ပါ့မလားဆိုပြီး Hypers🎓လေးတို့ အတွေးထဲမှာ မေးခွန်းပေါင်းများစွာ ရှိနေမှာ သေချာပါတယ်။ ဆိုတော့... ဒီမေးခွန်းတွေရဲ့ အဖြေကို ပြောပြပေးဖို့ အတွက် တောင်အာဖရိကရဲ့ ပထမဆုံး လူမည်းသမ္မတဖြစ်လာတဲ့ Nelson Mandela အကြောင်းနဲ့ ပထမဆုံး စတင် မိတ်ဆက်ပေးပါရစေ။ 🔹တောင်အမေရိကရဲ့ သမ္မတဟောင်း Nelson Mandela ရဲ့ သမိုင်းကြောင်းကို စာမျက်နှာတွေထဲ ပြန်လည်ရှာဖွေကြည့်ရရင် သူဟာ ရန်ကို ရန်ချင်း လက်တုံ့ပြန်မဲ့အစား ခွင့်လွှတ်မှုနဲ့ ငြိမ်းချမ်းရေးလမ်းကြောင်းကို ပိုပြီး မြတ်နိုးခဲ့သူတစ်ယောက်လို့ အဖြေထွက်ပါလိမ့်မယ်။ သူဟာ အသားအရောင်ခွဲခြားတဲ့ စနစ်ကို တိုက်ဖျက်ဖို့ ဇွဲမလျှော့ဘဲ ကြိုးပမ်းခဲ့ရာကနေ ၁၉၆၂ ခုနှစ်မှာ ဖမ်းဆီးထိန်းသိမ်းခံခဲ့ရပြီး ထောင်ဒဏ် ၂၇ နှစ်တိတိ ကျခံခဲ့ရပါသေးတယ်။ ဒီလို ခက်ခဲတဲ့ အခြေအနေမျိုးတွေ ကြုံခဲ့ရပေမဲ့ Mandela က အမုန်းတရားနဲ့ မတုံ့ပြန်ခဲ့ပါဘဲ သားအရောင်၊ လူမျိုးမရွေး အတူယှဉ်တွဲနေထိုင်လို့ရမဲ့ တန်းတူညီမျှတဲ့ Rainbow Nation ကို ဖွဲ့စည်းဖို့ ခွင့်လွှတ်ခြင်းကို လက်ကိုင်ထားခဲ့သူပါ။ 📍ဒီလို ခွင့်လွှတ်တတ်တဲ့ စိတ်ဓာတ်နဲ့ လူတွေအတွက် Nelson Mandela ရဲ့ ၆၇ နှစ်ကျော် ပေးဆပ်ခဲ့တဲ့ သမိုင်းကြောင်းကို ဂုဏ်ပြုတဲ့အနေနဲ့ UN က ဇူလိုင်လ ၁၈ ရက်နေ့ကို "Nelson Mandela International Day" လို့ သတ်မှတ်ခဲ့ကြပါတယ်။ ဒါကြောင့် ဇွန်လ ၁၈ရက်နေ့ရောက်တိုင်း ၆၇ နှစ်ကြာ အသားအရောင်မရွေးဘဲ တန်းတူညီမျှဖြစ်လာအောင် တွန်းလှန်ပေးခဲ့တဲ့ Mandela ကို ဂုဏ်ပြုပေးတဲ့အနေနဲ့ ၆၇ မိနစ်အတွင်း ကိုယ့်ရဲ့ ပတ်ဝန်းကျင်ကို တစ်ခုခုပြန်လည်ကူညီပေးရတဲ့ 67 Challenge ဆိုတဲ့ Challenge တစ်ခုပေါ်ပေါက်လာခဲ့ပါတယ်✨ ✍️ ဒါကြောင့် ဒီလိုနေ့မျိုးမှာ ကိုယ့်ပတ်ဝန်းကျင်က သက်ကြီးရွယ်အိုတွေကို ကိုယ်တိုင် သွားရောက်ကူညီတာ၊ ကလေးတွေကို စာသင်ပေးတာ၊ သစ်ပင်စိုက်တာ၊ အမှိုက်ကောက်တာ၊  သွေးလှူဒါန်းတာ ဒါမှမဟုတ် ကိုယ်မသုံးတော့တဲ့ စာအုပ်နဲ့ အဝတ်အထည်လေးတွေ ပြန်လည် လှူဒါန်းတာမျိုးတွေကို လုပ်ပေးလို့ရပါတယ်။ အခုလို အပြင်မှာ ကိုယ်တိုင်ကိုယ်ကျ ပါဝင်ကူညီလို့ ရသလို ဒီနေ့ခေတ် နည်းပညာတွေ ထွန်းကားနေတဲ့ အချိန်မှာ လူငယ်တွေအနေနဲ့ ကိုယ့်လက်ထဲမှာရှိတဲ့ ဖုန်းတစ်လုံးနဲ့တင် တခြားကူညီလို့ရတဲ့ နည်းလမ်းတွေရှိပါသေးတယ်။ ဥပမာ...👇 💻 အွန်လိုင်းကနေ ဗဟုသုတနဲ့ ပညာမျှဝေခြင်း ကိုယ်တတ်ထားတဲ့ ဘာသာစကား ဒါမှမဟုတ် စာဖတ်ခြင်းကနေ ရရှိလာတဲ့ ဗဟုသုတတွေကို Social Media ပေါ်မှာ အခမဲ့ ပြန်မျှဝေပေးတာမျိုးလဲ လုပ်လို့ရပါတယ်။ ကိုယ်တင်လိုက်တဲ့ Post နဲ့ Video အတိုလေးတစ်ခုက တစ်စုံတစ်ယောက်ရဲ့ ဘဝအတွက် မထင်မှတ်ထားတဲ့ နည်းလမ်းနဲ့ အမြင်အသစ်တွေရလာနိုင်တာမို့ပါ။ 🎯 နောက်တစ်ခုအ‌နေနဲ့ Nelson Mandela ပြောခဲ့ဖူးတဲ့ စကားတစ်ခွန်း ရှိပါတယ်။ အဲတာကတော့ "A winner is a dreamer who never gives up" (အနိုင်ရသူဆိုတာ ဘယ်တော့မှ လက်မလျှော့ခဲ့တဲ့ အိပ်မက်မက်သူ ဖြစ်ပါတယ်) လို့ အဓိပ္ပာယ်ရပါတယ်။ ဒါကြောင့် ကမ္ဘာကြီးကို ပြောင်းလဲဖို့ဆိုတာက ကြီးမားတဲ့ အပြုအမူတွေ အမြဲတမ်းမလိုအပ်ပါဘူး။ ဒီလိုမျိုး ၆၇ မိနစ်အတွင်း ကိုယ့်ရဲ့ ပတ်ဝန်းကျင်ကို ကူညီလိုက်တဲ့ လုပ်ဆောင်မှု အသေးလေးတွေကနေပဲ ကြီးမားတဲ့ အပြောင်းအလဲတွေကို ဖြစ်လာနိုင်တာပါ။ ဒါကြောင့်မို့ မိမိရဲ့ ပတ်ဝန်းကျင်အတွက် ကိုယ့်တစ်နေ့တာရဲ့ အချိန်တွေထဲက ၆၇ မိနစ် အတွင်းမှာ တတ်နိုင်တဲ့ တာဝန်တွေကို ကူညီပေးဖို့ တိုက်တွန်းလိုက်ပါရစေ Hypers🎓 လေးတို့ရေ... 💁🏻‍♀️ အခုဆို July 18 ရက်က ဘာနေ့လေးလဲဆိုတာကို Hypers🎓 လေးတို့ သိသွားလောက်ပါပြီ။ နောက်ထပ်လဲ Hypen ကနေ ရသမျိုးစုံလာအုံးမှာမလို့ အခုပဲ Hypen ရဲ့ Social Media တွေအားလုံးကို Like & Follow လုပ်လိုက်ပါတော့နော်။ 🌸 Hypen Facebook Page https://www.facebook.com/profile.php?id=100083376309050&mibextid=ZbWKwL 🌸 Hypen Tiktok Acc https://www.tiktok.com/@hypen_org?_r=1&_t=ZS-939RVMpSfEz 🌸 Hypen Organization Channel https://t.me/hypenorg #ContentWriterbyShwanLatt #GraphicDesginbyASaw #Hypen_Edu #Nelson_Mandela_International_Day