تسنيم بكري "))

سيڤوا الريكورد على موبايلاتكم يولاد وابعتوه لأي قناة تانية مافيش أي مشكلة، وابعتوه كمان لصحابكم وأي شخص مُهتم الله يجعل الحلقة دي في ميزان حسنات د.أحمد يارب

https://youtu.be/nkil1U1GxdA?si=et8CHhHDB3xlIhUI حلقة جميلة جدًا ونافعة فعلًا ياشباب لاتنسوها

علشان تقدر تعبد ربنا بعبادة الذِّكر لازم تدعي وتقول : " اللهمَّ أعِنّي على ذِكرك " علشان هيَّ مش بيك، هيَّ بربنا سبحانه وتعالىٰ .. ولا عمرها هاتكون بيك هيَّ بإعانته لك، بتوفيقه لك وامتنانه عليك .

تقول السَّيدة عائشة -رضي اللّٰه عنها- " كان النبيّ صلَّ اللّٰه عليه وسلَّم يَذكُر اللّٰه في كل أحوالِه " - سبحان اللّٰه، والحمد للّٰه، ولا إلـه إلا اللّٰه، واللّٰه أكبر، ولا حول ولا قوةَ إلا باللّٰه .

مساء الخير حاول تستفيد من الأيام اللي بتصحى فيها مقريِف وحاسس انك لأ مش عايز تعمل حاجة إستفيد منها بإنك تتعلّم تصبُر على نفسك، تقوّمها، تهذّبها، تاخدها بالراحة، ماتتعصبش، ماتسيبش كل حاجة تخرب وتقعد لو اتعلمت تكون صَبور ونفَسك طويل وبتعرف تتعامل مع تقلُّبات مزاجك هاتحس انك مالك زِمام نفسيتك وراسك، مش العكس! علشان ماينفعش تنساق كل شوية ورا راسك لأ، إصبر وجرَّب وهدّي نفسك ألف مرة في اليوم دي محاولة من محاولات التَّحسين اللي حاولت اعتمدها من حوالي ١٥ يوم، وماخسّرتنيش أبدًا إلى الآن، إنچوي 💜

- بسم اللّٰه، - (تُقرأ الإخلاص والمعوذَتين ٣ مرات) - اللهمَّ إنّي أصبحتُ أُشهدُك وأُشهد حملة عَرشك وملائكتك وجميع خلقك إنك أنت اللّٰه لا إلـٰه إلا أنت وَحدك لا شريك لك فلك الحمدُ ولك الشُّكر (يُقرأ ٤ مرات) - أستغفرُ اللّٰه العظيم الذي لا إلـٰه إلا هو الحيُّ القيُّوم وأتوبُ إليـه (أقلّه ٣ مرات، والسُّنة فيه ١٠٠ مرة) - سبحان اللّٰه وبحمده، عدد خلقه ورِضا نفسه وزِنة عرشه ومِداد كلماته (٣ مرات)

استحضار نظر اللّٰه في كل وقت.. مهم جدًا للكل حتى إذا أخطأت ورجلك وقعت جزء منك بيكون بينادي فيك طول الوقت ويقول " الله ناظري، الله شاهدِي ، الله مُطلِعٌ عليّ ".

سلام عليكم ! مؤخرًا لما بنصح شخص انه يستمر على عاداته اليَوميّة وسط فترات الضَّغط النفسي/ الامتحانات/ الأحداث الصَّعبة اللي بيمُر بيها كل حين وآخر بيستنكِر كلامي وبيسئل سؤال واللي هوَّ " إزاي هاقدر اتعامل عادي ويومي يمشي طبيعي وأنا تعبان، مُرهق، مضغوط، ماعنديش وقت، ومش قادر كمان ؟ " وقتها بيكون ردّي " إمشي في يومك وانت هاتعرف ازاي تقدر " قبل كده، لما كنت انا بمُر بفترات ضغط -أيًا كان نوعه- كنت بستمر على عاداتي اليومية بدون ترك ولا عادة صغنُّونة حتىٰ منهم، وبطبيعة الحال الحمد للّٰه كنت شطُّورة في أكحَل الأيام عدا اللي اتعرَّضتله الفترة الأخيرة.. كنت أول مرة اجرَّب ابعد تمامًا عن عادات يومي وماهتمش بأي شئ ولا حتى بالأكل ولا المذاكرة، والتمرين كنت بخرّف فيه كمان وفين وفين عقبال ما انام وكذلك عقبال ما اصحى، وسيبت كل حاجة أيًا كانت تخرب وانا قاعدة جنبها اعيط إلا الصلاة والشُّغل -علشان اكون صادقة- فـ لما جرّبت ده وده، عرفت الفرق عرفت ان العادات البسيطة اللي بنصنعها في بداية وأثناء وآخر اليوم هيَّ اللي بتتحكم بشكل غير مُباشر في قُدرة تحمُّلنا للضغط والعكس صحيح، العشوائية وعدم ترتيب اليوم والمَهام بتزيدك ضغط وممكن ماتكونش عارف انك متعصّب ونفسيتك تعبانة بسبب يومك الغير مُرتَّب بس انت مش مُدرك ولا مركّز في النقطة دي أصلًا! علشان كده سبحان اللّٰه عندنا الإسلام بيحثّنا علىٰ بدء اليوم بدري "في البُكور البركة" علشان ده من أكبر الأسباب في صُنع العادات السَّليمة انت بتصحى الفجر ، تغتسل/ تتوضأ تصلّي السُّنة، الفرض تقرأ أذكار الصَّباح وسُنة عن النبي -صلَّ اللّٰه عليه وسلَّم- تقعد جلسة في الذِّكر والعبادة لحد توقيت صلاة الضُّحىٰ وعندك بعد العصر أذكار المساء وعندك بعد العشا صلاة وِتر وقيام ليل ويُستحب شهريًا تختم القرءآن وإذا عندك ظرف تختم بعد ٤٠ يوم عندنا كمان "فإذا فرَغت فانصَب، وإلى ربِّك فارغَب" انت مُلزم تخلَّص عبادة وتدخل عالتانية ده معناه انك محضَّر حالك قبلها مش لسه هاتشوف حاجة تعملها ! وده بالإضافة للفرائض اللي عليك، ما انت ماينفعش تبطّل صلاة علشان نفسيتك تعبانة! ماعندناش الأوبشن ده كل ده مش بيعرَّفك أهمية صُنع عادات ومَهام يومية، وانا هنا ماتكلمتش عن كتب التنمية البشريّة ولا قولتلك أصل مين بيقول إيه أنا كلمتك بأساسيات دينك.. فـ صدقني مُهم جدًا لاستقرارك النَّفسي انك تعيش يوم مُرتَّب ومُجهَّز بأولويَّات ومَهام نافعة تقدر لو استمريت عليها تنقل شخصيتك لليڤيل عالي ومُمتاز وأخيرًا ماتحاولش تبطّل عاداتك اليومية أثناء فترات الضغط عندك، مُقدّرة انك مش قادر بس اذا قعدت بسريرك بدون أي مجهود يُذكَر بعد ما كنت فرَّاك طول اليوم ده هايزيد الأمر سوء، مش هاينفعك أبدًا بل بالعكس، استمراريتك دي هاتكون دافع قوي جدًا هايساعدك فيما بعد تجتاز الضُّغوطات بأقل خساير بالإضافة لإنك هاتتشجّع لما تبُص عاللي فات وتلاقي حالك كنت واقف وصالب طولك في أيام كانت صعبة عليك، هاتكون وقتها فخور بنفسك كمان.. جرّبها مرة وهاتدعيلي 💗. - تسنيم بكري