AA Info Desk
Open in Telegram
📈 Analytical overview of Telegram channel AA Info Desk
Channel AA Info Desk (@aainfodesk) in the Burmese language segment is an active participant. Currently, the community unites 46 125 subscribers, ranking 5 750 in the News & Media category and 3 110 in the Myanmar region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 46 125 subscribers.
According to the latest data from 23 July, 2026, the channel demonstrates stable activity. Although there has been a change in the number of participants by 120 over the last 30 days and by -37 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 41.21%. Within the first 24 hours after publication, content typically collects 13.61% reactions from the total number of subscribers.
- Post reach: On average, each post receives 19 016 views. Within the first day, a publication typically gains 6 282 views.
- Reactions and interaction: The audience actively supports content: the average number of reactions per post is 683.
📝 Description and content policy
The author describes the resource as a platform for expressing subjective opinions:
“https://www.arakanarmy.net
https://vk.com/arakanarmyinfodesk”
Thanks to the high frequency of updates (latest data received on 24 July, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the News & Media category.
46 125
Subscribers
-3724 hours
-1597 days
+12030 days
Posts Archive
46 125
+7
၂၀၂၆ ခုနှစ်၊ ဇူလိုင်လ (၂၄) ရက်နေ့၊ ညနေ (၃) နာရီ (၄၀) မိနစ် အချိန်ခန့်တွင်လည်း သံတွဲမြို့၊ အမှတ် (၈) ရပ်ကွက်ရှိ ရောင်ခြည်ဦးကျေးရွာမှ သစ္စာရောင်ခြည်ဦး ဘုန်းကြီးကျောင်းနှင့် စာသင်ကျောင်းအနီး ဝန်းကျင်တို့အား ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့သောကြောင့် အပြစ်မဲ့အရပ်သားများ သေဆုံး၊ ဒဏ်ရာရရှိမှုနှင့် ဘုန်းကြီးကျောင်း၊ လူနေအိမ်များ ပျက်စီးခဲ့သော မှတ်တမ်းဓာတ်ပုံများ
46 125
+3
၂၀၂၆ ခုနှစ်၊ ဇူလိုင်လ (၂၄) ရက်နေ့၊ နံနက် (၁၂) နာရီ (၂၆) မိနစ်အချိန်တွင် သံတွဲမြို့နယ်၊ ရေကောက်ကျေးရွာ စာသင်ကျောင်းအနီးဝန်းကျင်ကို ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့သောကြောင့် စာသင်ကျောင်း ထိခိုက်ပျက်စီးခဲ့သော မှတ်တမ်းဓာတ်ပုံများ
46 125
+6
၂၀၂၆ ခုနှစ်၊ ဇူလိုင်လ (၂၄) ရက်နေ့၊ နေ့လယ် (၁၁) နာရီ (၂၀) မိနစ် အချိန်တွင် သံတွဲမြို့ပေါ်ရှိ အမှတ် (၇) ရပ်ကွက်ကို ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာဖြင့် ထပ်မံ ဗုံးကြဲတိုက်ခိုက်ခဲ့သောကြောင့် အပြစ်မဲ့အရပ်သားပြည်သူများ ထပ်မံ သေဆုံး၊ ထိခိုက် ဒဏ်ရာရရှိခဲ့ကြသော မှတ်တမ်းဓာတ်ပုံများ
46 125
+8
၂၀၂၆ ခုနှစ်၊ ဇူလိုင်လ (၂၄) ရက်နေ့၊ နံနက် (၁၂) နာရီ (၂၀) မိနစ် အချိန်၊ အများပြည်သူတို့ အိပ်စက်အနားယူနေကြသည့်အချိန်တွင် သံတွဲမြို့ပေါ်ရှိ အမှတ် (၇) ရပ်ကွက်ကို ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့သောကြောင့် အပြစ်မဲ့အရပ်သားပြည်သူများ ထိခိုက်ဒဏ်ရာများရရှိမှုနှင့် နေအိမ်များပျက်စီးမှု မှတ်တမ်းဓာတ်ပုံများ
46 125
+9
၂၀၂၆ ခုနှစ်၊ ဇူလိုင်လ (၂၄) ရက်နေ့၊ နံနက် (၁၂) နာရီ (၂၀) မိနစ် အချိန်၊ အများပြည်သူတို့ အိပ်စက်အနားယူနေကြသည့်အချိန်တွင် သံတွဲမြို့ပေါ်ရှိ အမှတ် (၇) ရပ်ကွက်ကို ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့သောကြောင့် အပြစ်မဲ့အရပ်သားပြည်သူများ ထိခိုက်ဒဏ်ရာရခဲ့သော မှတ်တမ်းဓာတ်ပုံများ
46 125
+1
သံတွဲမြို့အနီးပတ်ဝန်းကျင်များသို့ ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာများဖြင့် ဗုံးကြဲတိုက်ခိုက်ခြင်းအား ယမန်နေ့နည်းတူ ယနေ့တွင်လည်း ဆက်တိုက်ပြုလုပ်
၂၀၂၆ ခုနှစ်၊ ဇူလိုင်လ (၂၄) ရက်
ဖက်ဆစ် အကြမ်းဖက် စစ်ကော်မရှင်တပ်သည် ၂၀၂၆ ခုနှစ်၊ ဇူလိုင်လ (၂၃) ရက်နေ့တွင် သံတွဲမြို့နယ်၊ ငပလီမြို့ ၏ ဂျိတ္တော နှင့် လင်းသာရပ်ကွက်များအတွင်းသို့ လေကြောင်းမှ ဗုံးကြဲတိုက်ခိုက်ခဲ့သည့် နည်းတူ ဇူလိုင်လ (၂၄) ရက်နေ့တွင်လည်း သံတွဲမြို့ပေါ်ရှိ လူနေရပ်ကွက်များအတွင်းသို့ နံနက် (၁၂) နာရီ (၂၀) မိနစ်အချိန်ခန့်မှ ညနေ (၃) နာရီ (၄၀) အချိန်အထိ ဂျက်ဖိုက်တာများဖြင့် တောက်လျှောက် ဗုံးကြဲတိုက်ခိုက်ခဲ့သည်။
အဆိုပါ ဗုံးကြဲတိုက်ခိုက်ခဲ့မှုကြောင့် အပြစ်မဲ့ပြည်သူ ကိုယ်ဝန်ဆောင် အမျိုးသမီးတစ်ဦးအပါအဝင် (၃) ဦးသေဆုံးခဲ့ပြီး (၁၀) နှစ်အောက်အရွယ် ကလေးငယ် (၂) ဦးအပါအဝင် ပြည်သူစုစုပေါင်း (၂၁) ဦးအထိ ထိခိုက်ဒဏ်ရာများ ရရှိခဲ့ကြသည်။ ထို့အပြင် စာသင်ကျောင်း၊ ဘုန်းကြီးကျောင်းနှင့် လူနေအိမ်အများအပြားမှာလည်း ဗုံးဒဏ်ကြောင့် ပျက်စီးဆုံးရှုံးမှုများရှိခဲ့သည်။
၂၀၂၆ ခုနှစ်၊ ဇူလိုင်လ (၂၄) ရက်နေ့၊ နံနက် (၁၂) နာရီ (၂၀) မိနစ် အချိန်၊ အများပြည်သူတို့ အိပ်စက်အနားယူနေကြသည့်အချိန်တွင် သံတွဲမြို့ပေါ်ရှိ အမှတ် (၇) ရပ်ကွက်ကို ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာတစ်စီးဖြင့် ဗုံးနှစ်လုံးကြဲချ တိုက်ခိုက်ခဲ့သည်။ ၎င်းဗုံးသီးများမှာ "ရွှေရည်စားသောက်ဆိုင်" အနီးပတ်ဝန်းကျင်သို့ ကျရောက်ပေါက်ကွဲခဲ့သောကြောင့် အပြစ်မဲ့ အရပ်သားပြည်သူ (၇) ဦး ထိခိုက်ဒဏ်ရာ ရရှိခဲ့ကာ လူနေအိမ် (၃) လုံးပျက်စီးခဲ့သည်။
ထို့အပြင် ၎င်းနေရာအနီးပတ်ဝန်းကျင်များသို့ပင် ဇူလိုင်လ (၂၄) ရက်နေ့၊ နေ့လယ် (၁၁) နာရီ (၂၀) မိနစ်ခန့် အချိန်တွင် ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာတစ်စီးဖြင့် ထပ်မံ ဗုံးကြဲချ တိုက်ခိုက်ခဲ့သည်။ အဆိုပါဗုံးသီးများမှာ “ရွှေရည်စားသောက်ဆိုင်” ရှေ့ လမ်းမထက်နှင့် အနီးဝန်းကျင်များသို့ ကျရောက်ပေါက်ကွဲခဲ့ပြီး ကားလမ်းပေါ်၌ ဆိုင်ကယ်ဖြင့်သွားလာနေသော ကျောင်းသားတစ်ဦးမှာ ဗုံးဆံစထိမှန်၍ ၎င်းနေရာ၌ပင် ပွဲချင်းပြီးသေဆုံးခဲ့သည်။ ထို့အပြင် ၎င်းအနီးဝန်းကျင်မှ နောက်ထပ်အပြစ်မဲ့အရပ်သားပြည်သူတစ်ဦး ထပ်မံသေဆုံးခဲ့ပြီး နောက်ထပ် (၁၀) ဦးမှာလည်း ထိခိုက်ဒဏ်ရာများရရှိခဲ့သည်။
၂၀၂၆ ခုနှစ်၊ ဇူလိုင်လ (၂၄) ရက်နေ့၊ နံနက် (၁၂) နာရီ (၂၆) မိနစ်အချိန်တွင်လည်း သံတွဲမြို့နယ်၊ ရေကောက်ကျေးရွာ စာသင်ကျောင်းအနီးဝန်းကျင်ကို အကြမ်းဖက် စစ်ကော်မရှင်တပ်မှ ဂျက်ဖိုက်တာတစ်စီးဖြင့် (၂) ကြိမ် လာရောက် ဗုံးကြဲတိုက်ခိုက်ခဲ့သဖြင့် စာသင်ကျောင်းဆောင်အချို့ ထိခိုက်ပျက်စီးခဲ့သည်။
၂၀၂၆ ခုနှစ်၊ ဇူလိုင်လ (၂၄) ရက်နေ့၊ ညနေ (၃) နာရီ (၄၀) မိနစ် အချိန်ခန့်တွင်လည်း သံတွဲမြို့၊ အမှတ် (၈) ရပ်ကွက်ရှိ ရောင်ခြည်ဦးကျေးရွာမှ သစ္စာရောင်ခြည်ဦး ဘုန်းကြီးကျောင်းနှင့် စာသင်ကျောင်းအနီး ဝန်းကျင်တို့အား အကြမ်းဖက် စစ်ကော်မရှင်တပ်မှ ဂျက်ဖိုက်တာတစ်စီးဖြင့် ဗုံး (၂) လုံး ကြဲချတိုက်ခိုက်ခဲ့သည်။
အဆိုပါ ဗုံးသီးများမှာ “သစ္စာရောင်ခြည်ဦး” ဘုန်းကြီးကျောင်းဝင်းအတွင်း နှင့် စာသင်ကျောင်းနံဘေးရှိ ဦးမောင်လေး အိမ်ခြံဝင်းအတွင်းသို့ ကျရောက် ပေါက်ကွဲခဲ့သောကြောင့် အပြစ်မဲ့ပြည်သူ ကိုယ်ဝန်ဆောင် အမျိုးသမီးတစ်ဦးဖြစ်သည့် ဒေါ်နွေးသူဇာမှာ ဗုံးစထိမှန်ပြီး ၎င်းနေရာ၌ပင် ပွဲချင်းပြီးသေဆုံးသွားခဲ့သည်။ ထို့အပြင် (၁၀) နှစ်အောက်အရွယ် ကလေးငယ် (၂) ဦးအပါအဝင် အပြစ်မဲ့ပြည်သူ (၄) ဦး ထိခိုက်ဒဏ်ရာများ ရရှိခဲ့ပြီး ဘုန်းကြီးကျောင်း၊ စာသင်ကျောင်းနှင့် လူနေအိမ် (၂) လုံး ပျက်စီးဆုံးရှုံးခဲ့သည်။
သတင်းနှင့်ပြန်ကြားရေး
အာရက္ခတပ်တော်
46 125
+3
၂၀၂၆ ခုနှစ်၊ ဇူလိုင်လ (၂၃) ရက်နေ့၊ နေ့လယ် (၁) နာရီခွဲအချိန်ခန့်တွင်လည်း သံတွဲမြို့နယ်၊ ငပလီမြို့၊ လင်းသာကမ်းခြေရှိ AZ Family Resort ကို ဖက်ဆစ် အကြမ်းဖက် စစ်ကော်မရှင်တပ်မှ လေကြောင်းဗုံးကြဲတိုက်ခိုက်ခဲ့မှုကြောင့် ဘန်ဂလိုများနှင့် နေအိမ်များပျက်စီးမှု မှတ်တမ်းဓာတ်ပုံများ
46 125
+9
၂၀၂၆ ခုနှစ်၊ ဇူလိုင်လ (၂၃) ရက်နေ့၊ မွန်းတည့် (၁၂) နာရီ အချိန်ခန့်တွင် သံတွဲမြို့နယ်၊ ငပလီမြို့၊ ဂျိတ္တော (၅) ရပ်ကွက်ကို ဖက်ဆစ် အကြမ်းဖက် စစ်ကော်မရှင်တပ်မှ လေကြောင်းဗုံးကြဲတိုက်ခိုက်ခဲ့မှုကြောင့် အပြစ်မဲ့ပြည်သူများ ထိခိုက်ဒဏ်ရာရရှိမှုနှင့် အဆောက်အအုံများပျက်စီးမှု မှတ်တမ်းဓာတ်ပုံများ
46 125
ဖက်ဆစ်အကြမ်းဖက် စစ်ကော်မရှင်တပ်မှ သံတွဲမြို့အား ထပ်မံဗုံးကြဲတိုက်ခိုက်
၂၀၂၆ ခုနှစ်၊ ဇူလိုင်လ (၂၃) ရက်
ဖက်ဆစ် အကြမ်းဖက် စစ်ကော်မရှင်တပ်မှ သံတွဲမြို့နယ်၊ ငပလီမြို့ ၏ ဂျိတ္တော နှင့် လင်းသာကမ်းခြေ အစရှိသည့် အပြစ်မဲ့ အရပ်သားပြည်သူများ နေထိုင်ရာ နေရာ (၂) ခုတို့အား ဂျက်ဖိုက်တာများဖြင့် ရှေ့ဆင့်နောက်ဆင့် ထပ်မံဗုံးကြဲတိုက်ခိုက်ခဲ့သည်။
၂၀၂၆ ခုနှစ်၊ ဇူလိုင်လ (၂၃) ရက်နေ့၊ မွန်းတည့် (၁၂) နာရီ အချိန်ခန့်တွင် သံတွဲမြို့နယ်၊ ငပလီမြို့၊ ဂျိတ္တော (၅) ရပ်ကွက်ရှိ ပုလဲရတနာဘုန်းကြီးကျောင်း နှင့် အနီးပတ်ဝန်းကျင်တို့အား ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာ (၁) စီးဖြင့် နှစ်ကြိမ်တိုင်တိုင် ဗုံးကြဲတိုက်ခိုက်ခဲ့သည်။ အဆိုပါ ဗုံးကြဲတိုက်ခိုက်မှုကြောင့် ပုလဲရတနာဘုန်းကြီးကျောင်းနှင့် အနီးပတ်ဝန်းကျင်ရှိ နေအိမ် (၈) လုံး ပျက်စီးခဲ့ပြီး သံဃာတော်တစ်ပါးနှင့် တစ်နှစ်ကျော်အရွယ် ကလေးငယ်တစ်ဦး အပါအဝင် အပြစ်မဲ့ပြည်သူ (၆) ဦး ထိခိုက်ဒဏ်ရာများ ရရှိခဲ့ကြသည်။
ထို့အပြင် ယနေ့တစ်ရက်တည်း၌ နေ့လယ် (၁) နာရီခွဲအချိန်ခန့်တွင်လည်း သံတွဲမြို့နယ်၊ ငပလီမြို့၊ လင်းသာကမ်းခြေရှိ AZ Family Resort ကို ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာ (၁) စီးဖြင့် ဗုံး (၂) လုံး ကြဲချတိုက်ခိုက်ခဲ့သည်။ ၎င်းတိုက်ခိုက်မှုကြောင့် AZ Family Resort မှ ဘန်ဂလိုများနှင့် အနီးပတ်ဝန်းကျင်မှ ပြည်သူ့နေအိမ်အချို့ ထိခိုက်ပျက်စီးသွားခဲ့ပြီး ပြည်သူတစ်ဦး ထိခိုက်ဒဏ်ရာရရှိခဲ့သည်။
သတင်းနှင့်ပြန်ကြားရေး
အာရက္ခတပ်တော်
46 125
+4
၂၀၂၆ ခုနှစ်၊ ဇူလိုင်လ (၁၉) ရက်နေ့၊ ညနေ (၆) နာရီခွဲအချိန်ခန့်တွင် ပုဏ္ဏားကျွန်းမြို့နယ်၊ တောင်ပေါက်၊ ရေပေါက်ချောင်းခွဆုံ၊ တောင်ပေါက်ဘုန်းကြီးကျောင်း အနီးကို ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့မှုကြောင့် ထိခိုက်ဒဏ်ရာရရှိခဲ့သော သံဃာတော်များ
46 125
+9
၂၀၂၆ ခုနှစ်၊ ဇူလိုင်လ (၁၉) ရက်နေ့၊ ညနေ (၄) နာရီ (၆) မိနစ်အချိန်မှ (၄) နာရီ (၂၄) မိနစ်အထိ သံတွဲမြို့အတွင်းအား ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာများဖြင့် ဗုံးကြဲတိုက်ခိုက်ခဲ့မှုကြောင့် အပြစ်မဲ့အရပ်သားပြည်သူများ ထိခိုက်ဒဏ်ရာရရှိမှုနှင့် နေအိမ်များပျက်စီးမှု မှတ်တမ်းဓာတ်ပုံများ
46 125
+9
၂၀၂၆ ခုနှစ်၊ ဇူလိုင်လ (၁၉) ရက်နေ့ ၊ နံနက် (၁၁) နာရီခွဲ အချိန်ခန့်တွင် တောင်ကုတ်မြို့နယ်၊ မအီမြို့ အမှတ် (၂) ရပ်ကွက်နှင့် အမှတ် (၃) ရပ်ကွက်တို့အား ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့မှုကြောင့် အပြစ်မဲ့အရပ်သားပြည်သူများ သေဆုံး၊ ဒဏ်ရာရရှိမှုနှင့် နေအိမ်များပျက်စီးမှု မှတ်တမ်းဓာတ်ပုံများ
46 125
+1
၂၀၂၆ ခုနှစ်၊ ဇူလိုင်လ (၁၉) ရက်နေ့ တစ်ရက်တည်းတွင် အာရက္ခပြည်ရှိ မြို့ (၃) မြို့ကို ဖက်ဆစ် အကြမ်းဖက် စစ်ကော်မရှင်တပ်မှ လေကြောင်း ဗုံးကြဲတိုက်ခိုက်မှုများ ဆက်တိုက်ပြုလုပ်
၂၀၂၆ ခုနှစ်၊ ဇူလိုင်လ (၁၉) ရက်
၂၀၂၆ ခုနှစ်၊ ဇူလိုင်လ (၁၉) ရက်၊ ယနေ့ တစ်ရက်တည်းတွင် ဖက်ဆစ် အကြမ်းဖက် စစ်ကော်မရှင်တပ်မှ အာရက္ခပြည်ရှိ မအီမြို့၊ သံတွဲမြို့ နှင့် ပုဏ္ဏားကျွန်းမြို့ အစရှိသော မြို့ (၃) မြို့အတွင်းရှိ အပြစ်မဲ့ အရပ်သားပြည်သူလူထုများ နေထိုင်ရာ နေရာများအား လေကြောင်းမှ အကြမ်းဖက် ဗုံးကြဲတိုက်ခိုက်မှုများကို ရှေ့ဆင့်နောက်ဆင့် ပြုလုပ်ခဲ့သည်။
၂၀၂၆ ခုနှစ်၊ ဇူလိုင်လ (၁၉) ရက်နေ့ ၊ နံနက် (၁၁) နာရီခွဲ အချိန်ခန့်တွင် တောင်ကုတ်မြို့နယ်၊ မအီမြို့ အမှတ် (၂) ရပ်ကွက်နှင့် အမှတ် (၃) ရပ်ကွက်တို့အား ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာ (၁) စီးဖြင့် လေကြောင်းမှ ပေါင် (၃၀၀) ဗုံး (၃) လုံး ကြဲချ တိုက်ခိုက်ခဲ့သည်။ အဆိုပါဗုံးကြဲတိုက်ခိုက်မှုကြောင့် အပြစ်မဲ့အရပ်သားပြည်သူ (၅) ဦးသေဆုံးခဲ့ပြီး သံဃာတော် (၁) ပါးနှင့် ကလေးငယ်များအပါအဝင် အပြစ်မဲ့အရပ်သားပြည်သူ (၂၂) ဦး ထိခိုက်ဒဏ်ရာများ ရရှိခဲ့သည်။ ထို့အပြင် ခရစ်ယာန် ဘုရားကျောင်း (၁) ဆောင်နှင့် ပြည်သူ့ နေအိမ် အလုံး (၂၀) မှာ လေကြောင်းတိုက်ခိုက်မှုကြောင့်ပျက်စီးခဲ့ရသည်။
၂၀၂၆ ခုနှစ်၊ ဇူလိုင်လ (၁၉) ရက်နေ့၊ ညနေ (၄) နာရီ (၆) မိနစ်အချိန်မှ (၄) နာရီ (၂၄) မိနစ်အထိ သံတွဲမြို့အတွင်းအား ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာများဖြင့် (၅) ကြိမ်တိုင်တိုင် နာရီဝက်နီးပါးကြာ လာရောက်ဗုံးကြဲတိုက်ခိုက်ခဲ့သည်။ ထို့အပြင် ဂျက်တိုက်လေယာဉ်များပေါ်မှ စက်သေနတ်များဖြင့် ပစ်ခတ်တိုက်ခိုက်ခဲ့မှုကြောင့် အပြစ်မဲ့ အရပ်သားပြည်သူ (၄) ဦးတို့မှာ ထိခိုက်ဒဏ်ရာများ ရရှိခဲ့ပြီး လူနေအိမ်အချို့ ပျက်စီးခဲ့ရသည်။
၂၀၂၆ ခုနှစ်၊ ဇူလိုင်လ (၁၉) ရက်နေ့၊ ညနေ (၆) နာရီခွဲအချိန်ခန့်တွင်လည်း ဖက်ဆစ် အကြမ်းဖက် စစ်ကော်မရှင်တပ်မှ ပုဏ္ဏားကျွန်းမြို့နယ်၊ တောင်ပေါက်၊ ရေပေါက်ချောင်းခွဆုံ၊ တောင်ပေါက်ဘုန်းကြီးကျောင်း အနီးကို ဂျက်ဖိုက်တာ (၁) စီးဖြင့် ပေါင် (၃၀၀) ဗုံး နှစ်လုံး ကြဲချတိုက်ခိုက်ခဲ့သောကြောင့် သံဃာတော် (၂) ပါးနှင့် အရပ်သားပြည်သူ (၁) ဦး ထိခိုက်ဒဏ်ရာများ ရရှိခဲ့သည်။
ယနေ့ ၂၀၂၆ ခုနှစ်၊ ဇူလိုင်လ (၁၉) ရက်နေ့ တစ်ရက်တည်းတွင် ဖက်ဆစ် အကြမ်းဖက် စစ်ကော်မရှင်တပ်၏ အာရက္ခပြည် မြို့ (၃) မြို့အား လေကြောင်းမှ အကြမ်းဖက် တိုက်ခိုက်မှုများအတွင်း အပြစ်မဲ့အရပ်သားပြည်သူ (၅) ဦးသေဆုံးခဲ့ကာ ရဟန်းသံဃာတော် (၃) ပါးနှင့် အရပ်သားပြည်သူ စုစုပေါင်း (၂၆) ဦး ထိခိုက်ဒဏ်ရာများ ရရှိခဲ့သည်။
ဤကဲ့သို့သောလုပ်ရပ်များမှာ ရက် (၁၀၀) အတွင်း ငြိမ်းချမ်းရေး ဖိတ်ခေါ်သံ၊ တွေ့ဆုံနေမှုများအတွက် အပြောနှင့်အလုပ် ထပ်တူကျမှု မည်ရွေ့မည်မျှ ရှိသနည်း ဆိုသည့်အပေါ် မေးခွန်းထုတ်စရာများရှိသည်မှာ အထင်အရှားပင်ဖြစ်သည်။
ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) အနေဖြင့် ဖက်ဆစ် အကြမ်းဖက် စစ်ကော်မရှင်တပ်၏ ထိုးစစ်တိုင်းကို အာရက္ခပြည်သူတစ်ရပ်လုံးနှင့်သာမက မိမိတို့အား ယုံကြည်လေးစား အားကိုးတန်ဖိုးထားသော အဖွဲ့အစည်းများ၊ လူပုဂ္ဂိုလ်များ၊ နယ်မြေချင်းထိစပ်နေသော မိတ်ဖက်အဖွဲ့အစည်းများနှင့် အတူတကွ လက်တွဲကာ တုံ့ပြန်ဆောင်ရွက်သွားမည်ဖြစ်သည်။
သတင်းနှင့်ပြန်ကြားရေး
အာရက္ခတပ်တော်
46 125
+5
ဖက်ဆစ် အကြမ်းဖက် စစ်ကော်မရှင်တပ်မှ အာရက္ခပြည်၊ ဂွမြို့နယ်အား လေကြောင်းမှ ထပ်မံ အကြမ်းဖက် တိုက်ခိုက်
၂၀၂၆ ခုနှစ်၊ ဇူလိုင်လ (၁၀) ရက်
ယခုရက်များအတွင်း ဖက်ဆစ် အကြမ်းဖက် စစ်ကော်မရှင်တပ်သည် အာရက္ခပြည်၊ ဂွ မြို့နယ် ရှိ အရပ်သားပြည်သူများနေထိုင်ရာ နေရာများကို လေကြောင်းမှ ဗုံးကြဲခြင်း၊ ရေကြောင်းမှ စစ်သင်္ဘောများပေါ်မှ လက်နက်ကြီးများဖြင့် အကြမ်းဖက် ပစ်ခတ်မှုများကို ဆက်တိုက်ပြုလုပ်လျက်ရှိသည်။
၂၀၂၆ ခုနှစ်၊ ဇူလိုင်လ (၁၀) ရက်နေ့၊ နံနက် (၁၀) နာရီအချိန်ခန့်တွင် အာရက္ခပြည်၊ ဂွမြို့နယ်၊ ပေါက်တူးကျေးရွာနှင့် ဓနိအုပ်စု၊ ကုလားချောင်းကျေးရွာတို့ရှိ စာသင်ကျောင်းနှင့် အပြစ်မဲ့အရပ်သားပြည်သူများနေထိုင်ရာ နေရာများကို ဖက်ဆစ် အကြမ်းဖက် စစ်ကော်မရှင်တပ်မှ လေကြောင်းမှ အကြမ်းဖက် ဗုံးကြဲတိုက်ခိုက်မှုများ ပြုလုပ်ခဲ့သည်။
ဖက်ဆစ် အကြမ်းဖက် စစ်ကော်မရှင်တပ်၏ အဆိုပါ လေကြောင်းတိုက်ခိုက်မှုကြောင့် ဂွမြို့နယ်၊ ပေါက်တူးကျေးရွာမှ စာသင်ကျောင်းနှင့် လူနေအိမ်အချို့ ထိခိုက်ပျက်စီးခဲ့သည်။ ထို့အပြင် ဓနိအုပ်စု၊ ကုလားချောင်းကျေးရွာမှ အပြစ်မဲ့ပြည်သူများဖြစ်သည့် မောင်ဖိုးသားလေး (၃ နှစ်)၊ ဦးညွန့်မောင် (၅၄ နှစ်)၊ ဒေါ်မမလေး (၅၃ နှစ်)နှင့် ဦးအောင်သူဖြိုး (၃၀ နှစ်) တို့ (၄) ဦးသေဆုံးခဲ့ပြီး ဒေါ်သန်းမြ (၆၃ နှစ်) နှင့် မဝါဆိုမိုး (၁၇ နှစ်) တို့ (၂) ဦးမှာလည်း ဗုံးစထိမှန်၍ ပြင်းထန်စွာ ထိခိုက်ဒဏ်ရာများရရှိခဲ့ကြသည်။
အာရက္ခပြည်တွင် ယခုရက်များအတွင်း လေဆင်နှာမောင်းတိုက်ခတ်မှုကြောင့် ကျေးရွာအချို့ နေအိမ်များပျက်စီးခြင်း၊ မိုးအဆက်မပြတ်ရွာသွန်းမှုကြောင့် ပုဏ္ဏားကျွန်း၊ ကျောက်တော်၊ မြောက်ဦး နှင့် မင်းပြားမြို့နယ်တို့တွင် ရေကြီးရေလျှံမှုများ ဖြစ်ပွားခြင်း စသည့် သဘာဝဘေးအန္တရာယ်နှင့်ရင်ဆိုင်နေရသော ရေဘေးဒဏ်သင့်ပြည်သူများအား အရေးပေါ်ကယ်ဆယ်ရေးလုပ်ငန်းများ ဆောင်ရွက်ပေးနေရချိန်တွင် ဖက်ဆစ် အကြမ်းဖက် စစ်ကော်မရှင်တပ်သည် အပြစ်မဲ့ပြည်သူများကို လူသားချင်းစာနာခြင်းကင်းမဲ့စွာဖြင့် ယခုကဲ့သို့ ထပ်မံ၍အကြမ်းဖက်လုပ်ရပ်များ ကျူးလွန်းနေခြင်းအပေါ် မိမိတို့ ULA/AA အနေဖြင့် ကောင်းစွာ မှတ်တမ်းတင်ထားပြီး ပြင်းထန်စွာရှုတ်ချပါသည်။
ဓာတ်ပုံ- ၂၀၂၆ ခုနှစ်၊ ဇူလိုင်လ (၁၀) ရက်နေ့၊ နံနက် (၁၀) နာရီအချိန်ခန့်တွင် အာရက္ခပြည်၊ ဂွမြို့နယ်၊ ပေါက်တူးကျေးရွာနှင့် ဓနိအုပ်စု၊ ကုလားချောင်းကျေးရွာတို့အား ဖက်ဆစ် အကြမ်းဖက် စစ်ကော်မရှင်တပ်မှ လေကြောင်းဗုံးကြဲတိုက်ခိုက်မှုကြောင့် သေဆုံးသွားသည့် အပြစ်မဲ့ အရပ်သားပြည်သူများနှင့် နေအိမ်အချို့
သတင်းနှင့်ပြန်ကြားရေး
အာရက္ခတပ်တော်
46 125
+9
ဖက်ဆစ် အကြမ်းဖက် စစ်ကော်မရှင်တပ်မှ အာရက္ခပြည်၊ ဂွကမ်းခြေတစ်လျှောက်ရှိ အရပ်သားပြည်သူများရှိရာနေရာများသို့ စစ်သင်္ဘော (၄) စီးပေါ်မှ ရမ်းသန်းပစ်ခတ်
၂၀၂၆ ခုနှစ်၊ ဇူလိုင်လ (၈) ရက်
ရက္ခိုင်-ဧရာဝတီ အစပ် တိုက်ပွဲများတွင် စခန်းကုန်းများ တစ်ခုပြီးတစ်ခု လက်လွှတ်ရခြင်း၊ အထိအခိုက်အကျအဆုံးများနှင့် နေ့စဉ်ရက်ဆက်ရင်ဆိုင်နေရသော ဖက်ဆစ် အကြမ်းဖက် စစ်ကော်မရှင်တပ်သည် ဂွမြို့ရှိ စစ်ရေးပစ်မှတ်မဟုတ်သော အရပ်သားပြည်သူများ နေထိုင်ရာ နေရာများကို လေကြောင်းမှ ဂျက်ဖိုက်တာများဖြင့် လာရောက်ဗုံးကြဲခြင်း၊ ရေကြောင်းမှ စစ်သင်္ဘောများပေါ်မှ လက်နက်ကြီးများဖြင့် ပစ်ခတ်တိုက်ခိုက်ခြင်းများကို တောက်လျှောက်ပြုလုပ်ကာ အကြမ်းဖက်မှုများကိုကျူးလွန်ခဲ့သည်။
၂၀၂၆ ခုနှစ်၊ ဇူလိုင်လ (၈) ရက်နေ့တွင် နံနက် (၇) နာရီ (၄) မိနစ်ခန့်အချိန်မှစ၍ နေ့လယ် (၁၂) နာရီ (၄၅) မိနစ်အချိန်အထိ ဖက်ဆစ် အကြမ်းဖက် စစ်ကော်မရှင်တပ်သည် ဂွကမ်းခြေ နှင့် ဧရာဝတီတိုင်း ဘောမိကမ်းခြေ တစ်လျှောက်ကို စစ်သင်္ဘော (၄) စီးပေါ်မှ မရပ်မနား အစုန်အဆန် လှည့်ပတ်ပြီး လက်နက်ကြီး အကြိမ်အရေအတွက် (၈၇) ကြိမ်ခန့် ရမ်းသန်းပစ်ခတ် တိုက်ခိုက်ခဲ့သည်။ ထိုသို့ ပစ်ခတ်တိုက်ခိုက်မှုကြောင့် လက်နက်ကြီးကျည်အချို့ မှာ အပြစ်မဲ့အရပ်သားပြည်သူများ၏ နေအိမ်များသို့ ကျရောက်ပေါက်ကွဲခဲ့ပြီး ပြည်သူအချို့ ထိခိုက်ဒဏ်ရာရရှိခဲ့ကြသည်။
အဆိုပါပစ်ခတ်တိုက်ခိုက်မှုဖြစ်စဉ်အတွင်း ဂွမြို့နယ်၊ ကျိန္တလီမြို့ အမှတ် (၃) ရပ်ကွက်မှ ဒေါ်မထား (၄၅ နှစ်)၊ ဒေါ်သန်းမေ (၇၄ နှစ်)၊ မရတနာထွန်း (၅ နှစ်)၊ ဦးညိုထွန်း (၄၈ နှစ်)၊ မသင်းသီရိထွန်း (၁၇ နှစ်) နှင့် ဒေါ်မိဝိုင်း (၅၀ နှစ်) တို့မှာ ထိခိုက်ဒဏ်ရာများ ရရှိခဲ့ကြပြီး နေအိမ်များလည်း ပျက်စီး ဆုံးရှုံးခဲ့ရသည်။
၂၀၂၆ ခုနှစ်၊ ဇူလိုင်လ (၇) ရက်နေ့၊ ည (၁၀) နာရီကျော်နှင့် (၁၁) နာရီခွဲ ခန့်အချိန်တို့တွင်လည်း ဖက်ဆစ် အကြမ်းဖက် စစ်ကော်မရှင်တပ်မှ ဂွမြို့နယ်အား ဂျက်ဖိုက်တာ (၂) စီးဖြင့် နှစ်ကြိမ် လာရောက်တိုက်ခိုက်ခဲ့သည်။
ဓာတ်ပုံ-၂၀၂၆ ခုနှစ်၊ ဇူလိုင်လ (၈) ရက်နေ့တွင် ဖက်ဆစ် အကြမ်းဖက် စစ်ကော်မရှင်တပ်၏ စစ်သင်္ဘောများပေါ်မှ လက်နက်ကြီးများဖြင့် ပစ်ခတ်တိုက်ခိုက်ခဲ့မှုကြောင့် အရပ်သားပြည်သူများနှင့် နေအိမ်အချို့ ထိခိုက်ပျက်စီးခဲ့မှု မှတ်တမ်းဓာတ်ပုံအချို့
သတင်းနှင့်ပြန်ကြားရေး
အာရက္ခတပ်တော်
46 125
တိုက်ပွဲသတင်းထုတ်ပြန်ချက်
(နောက်ဆက်တွဲ တိုက်ပွဲသတင်းများ)
၂၀၂၆ ခုနှစ်၊ ဇူလိုင်လ (၇) ရက်
၂၀၂၆ ခုနှစ်၊ ဇူလိုင်လ (၂/၃) ရက်နေ့တို့တွင် ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ် (၂၂၇) ပွိုင့်ကုန်း၏ ကာကင်းစခန်းကုန်းနှစ်ခုအား အာရက္ခတပ်တော်မှ သိမ်းပိုက်ရယူနိုင်ခဲ့သည်။ အဆိုပါပွိုင့်ကုန်းစခန်းများမှ ကစဉ့်ကလျား ထွက်ပြေးနေကြသော ရန်သူများကို မိမိတို့မှ လိုက်လံချေမှုန်းတိုက်ခိုက်ခဲ့ရာ ၂၀၂၆ ခုနှစ်၊ ဇူလိုင်လ (၄) ရက်နေ့တွင် ထွက်ပြေးနေသော ရန်သူများနှင့် မိနစ်အနည်းငယ်ကြာ ထိတွေ့တိုက်ပွဲဖြစ်ပွားခဲ့ပြီး ရန်သူ့လက်နက်ခဲယမ်းအချို့၊ စစ်အသုံးအဆောင်ပစ္စည်းအချို့နှင့် ရန်သူ့အလောင်းအချို့တို့ကို ထပ်မံသိမ်းဆည်းရရှိခဲ့သည်။
ဖက်ဆစ် အကြမ်းဖက် စစ်ကော်မရှင်တပ်သည် မိမိတို့သိမ်းပိုက်ထားသောကုန်းများ နှင့် တိုက်ပွဲဖြစ်ပွားရာနေရာတို့အား ဂျက်ဖိုက်တာများဖြင့် အကြိမ်ကြိမ် လာရောက်တိုက်ခိုက်ခြင်း၊ ဒရုန်းများဖြင့်တိုက်ခိုက်ခြင်း၊ အဝေးမှ လက်နက်ကြီးများဖြင့် ပစ်ခတ်မှုများကို ဆက်တိုက်ပြုလုပ်နေခဲ့သည်။
တိုက်ပွဲနောက်ဆက်တွဲသတင်းများရှိပါက ဆက်လက်တင်ပေးသွားပါမည်။
သတင်းနှင့်ပြန်ကြားရေး
အာရက္ခတပ်တော်
46 125
+5
ရက္ခိုင်-ဧရာဝတီ အစပ်ရှိ ရန်သူ့စခန်းကုန်းနှစ်ခုအား အာရက္ခတပ်တော်မှ ထပ်မံသိမ်းပိုက်ရရှိ
၂၀၂၆ ခုနှစ်၊ ဇူလိုင်လ (၄) ရက်
၂၀၂၆ ခုနှစ်၊ ဇွန်လ (၁၇/၁၉/၂၁) ရက်နေ့များတွင် ဧရာဝတီတိုင်း ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ်၏ ပွိုင့် (၂၈၈)၊ ပွိုင့် (၁၈၈) နှင့် ပွိုင့် (၁၄၈) ကုန်းတို့အား အာရက္ခတပ်တော်မှ ဆက်တိုက် သိမ်းပိုက်ရယူခဲ့ပြီးနောက်ပိုင်းတွင်လည်း တိုက်ပွဲများမှာ အဆိုပါပတ်ဝန်းကျင်များ၌ နေ့စဉ်ရက်ဆက်ဖြစ်ပွားလျက်ရှိနေခဲ့သည်။ ဖက်ဆစ်အကြမ်းဖက် စစ်ကော်မရှင်တပ်သည် အဆိုပါ ပွိုင့်ကုန်းများကို ပြန်လည်ရယူနိုင်ရန်အတွက် စစ်အင်အားများကို ထပ်မံဖြည့်တင်းကာ ထိုးစစ်များကို မရပ်မနားပြုလုပ်လာခဲ့သည်။
ရန်သူသည် (၃၄၄) အမြောက်တပ်သို့ ပုသိမ်အခြေစိုက်တပ်ရင်းများမှ ထပ်မံ အင်အားဖြည့်တင်းနေသည့်နည်းတူ လေးမျက်နှာဘက်တွင်လည်း အင်အားဖြည့်တင်းလျက်ရှိသည်။ ထို့အပြင် ပုသိမ်-မုံရွာလမ်းပိုင်းစိုးမိုးရေးကိုလည်း တစ်ပြိုင်နက်တည်း ဆောင်ရွက်လျက်ရှိပြီး အဆိုပါလမ်းတစ်လျှောက်၌ တပ်ဖြန့်နေရာယူခြင်းတို့ကို စစ်အင်အားအများအပြားသုံးကာ ပြုလုပ်လျက်ရှိသည်။
အကြမ်းဖက် စစ်ကော်မရှင်တပ်သည် မိမိတို့နှင့်စစ်ဆိုင်ထားသောနေရာများအား အဝေးမှ လက်နက်ကြီးများဖြင့် ပစ်ခတ်တိုက်ခိုက်ခြင်း၊ လေကြောင်းမှ ဗုံးကြဲတိုက်ခိုက်ခြင်း၊ အသေခံဒရုန်းများဖြင့် တိုက်ခိုက်မှုများကို ဆက်တိုက်ပြုလျက်ရှိသောကြောင့် တိုက်ပွဲများမှာ ဆက်လက်ပြင်းထန်နေခဲ့သည်။
အာရက္ခတပ်တော်သည် ၂၀၂၆ ခုနှစ်၊ ဇူလိုင်လ (၂/၃) ရက်နေ့တို့တွင် ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ် (၂၂၇) ပွိုင့်ကုန်း၏ ကာကင်းစခန်းကုန်းနှစ်ခုအား ရန်သူ၏ ထိုးစစ်ဆင်တိုက်ခိုက်နေသည့်ကြားမှ ထပ်မံသိမ်းပိုက်ရယူနိုင်ခဲ့သည်။
၂၀၂၆ ခုနှစ်၊ ဇူလိုင်လ (၂) ရက်နေ့တွင် ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ်၏ (၂၂၇) ပွိုင့်ကုန်း၏ အနောက်ဘက် (၁.၁) ကီလိုမီတာခန့်အကွာ၌ တပ်စွဲထားသော ပထမကာကင်းကုန်းနေရာအားလည်းကောင်း၊ ၂၀၂၆ ခုနှစ်၊ ဇူလိုင်လ (၃) ရက်နေ့တွင် ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ်၏ (၂၂၇) ပွိုင့်ကုန်းမှ (၁) ကီလိုမီတာခန့်အကွာအဝေးရှိ ဒုတိယကာကင်းကုန်း(တာဝါတိုင်စခန်းကုန်း)တို့အား မိမိတို့မှ တန်ပြန် ထိုးစစ်ဆင်တိုက်ခိုက်ခဲ့ပြီး သိမ်းပိုက်ရယူနိုင်ခဲ့သည်။
အဆိုပါ ကာကင်းစခန်းကုန်းသိမ်းတိုက်ပွဲများအတွင်းမှ ရန်သူ့အလောင်းအချို့နှင့် လက်နက်ခဲယမ်းအချို့ကို သိမ်းပိုက်ရရှိခဲ့သည်။ အထိအခိုက်၊ အကျအဆုံးများစွာဖြင့် ပွိုင့် (၂၂၇) ကုန်းသို့ ကစဉ့်ကလျား ထွက်ပြေးနေသော တပ်မ (၆၆) လက်အောက်ခံ ခမရ (၁၀၈) တပ်ရင်းမှ ရန်သူများကို မိမိတို့မှ လိုက်လံချေမှုန်းတိုက်ခိုက်လျက်ရှိသည်။
ဓာတ်ပုံ- ၂၀၂၆ ခုနှစ်၊ ဇူလိုင်လ (၂/၃) ရက်နေ့တို့တွင် ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ် (၂၂၇) ပွိုင့်ကုန်း၏ ကာကင်းစခန်းကုန်းနှစ်ခုအား တိုက်ခိုက်သိမ်းပိုက်စဉ်အတွင်း သိမ်းဆည်းရရှိခဲ့သော လက်နက်ခဲယမ်းများနှင့် ရန်သူ့အလောင်းအချို့
သတင်းနှင့်ပြန်ကြားရေး
အာရက္ခတပ်တော်
46 125
+4
တိုက်ပွဲသတင်းထုတ်ပြန်ချက်
၂၀၂၆ ခုနှစ်၊ ဇွန်လ (၂၇) ရက်နေ့
ဖက်ဆစ် အကြမ်းဖက် စစ်ကော်မရှင် နှင့် အာရက္ခတပ်တော်တို့ ယခုရက်ပိုင်းအတွင်း ဖြစ်ပွားနေသော တိုက်ပွဲများအနက် ရက္ခိုင်-ဧရာဝတီအစပ်၌ တိုက်ပွဲများသည် ပိုမိုပြင်းထန်နေခဲ့သည်။
ဖက်ဆစ် အကြမ်းဖက် စစ်ကော်မရှင်သည် အာရက္ခဒေသ၏ ဂွမြို့နယ်အတွင်းသို့ ဝင်ရောက်နိုင်ရန် လေကြောင်းမှ နေ့စဉ် ဗုံးကြဲတိုက်ခိုက်နေပြီး ကုန်းလမ်း၊ ရေလမ်းတို့မှလည်း နည်းအမျိုးမျိုးဖြင့် ထိုးဖောက်ရန် ကြိုးစားလျက်ရှိသောကြောင့် ရက္ခိုင်-ဧရာဝတီ အစပ် နေရာများ၌ တိုက်ပွဲများ နေ့စဉ်ရက်ဆက် ပြင်းထန်နေရခြင်းဖြစ်သည်။ ရန်သူသည် (၃၄၄) အမြောက်တပ်နှင့် ပုသိမ်အခြေစိုက် တပ်ရင်းများမှ ထုတ်နုတ်အင်အား (၄၀၀) ကျော်ဖြင့် ထိုးစစ်ဆင်တိုက်ခိုက်လာခဲ့ခြင်းဖြစ်သည်။
ဤသို့ထိုးစစ်မှာ ယခုတစ်ကြိမ်မဟုတ်ဘဲ ကြိမ်ဖန်များစွာ ထိုးစစ်ဆင်တိုက်ခိုက်ခဲ့ပြီးဖြစ်သည်။ အာရက္ခတပ်တော်သည် ဖက်ဆစ် အကြမ်းဖက် စစ်ကော်မရှင်၏ ထိုးစစ်တိုင်းကို အကောင်းဆုံး ခုခံစစ်များနှင့်အတူ တန်ပြန်တိုက်စစ်ဆင် တိုက်ခိုက်ခဲ့သောကြောင့် ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ်၏ ပွိုင့် (၂၈၈) ကုန်း၊ ပွိုင့် (၁၈၈) ကုန်းနှင့် ပွိုင့် (၁၄၈) ကုန်းတို့ကို တစ်ခုပြီးတစ်ခု ဆက်တိုက် သိမ်းပိုက်ရရှိခဲ့သည်။
၂၀၂၆ ခုနှစ်၊ ဇွန်လ (၁၇) ရက်နေ့တွင် ပွိုင့် (၂၈၈) ကုန်းအားလည်းကောင်း၊၂၀၂၆ ခုနှစ်၊ ဇွန်လ (၁၉) ရက်နေ့တွင် ပွိုင့် (၁၈၈) ကုန်းကိုလည်းကောင်း၊ ၂၀၂၆ ခုနှစ်၊ ဇွန်လ (၂၁) ရက်နေ့တွင် ပွိုင့် (၁၄၈) ကုန်းတို့ကိုလည်းကောင်း အသီးသီး သိမ်းပိုက်ရရှိခဲ့သည်။ အဆိုပါသိမ်းပိုက်ရရှိသော ပွိုင့်သိမ်းတိုက်ပွဲအတွင်း ရန်သူ့အလောင်းအချို့နှင့် လက်နက်ခဲယမ်းများ၊ စစ်အသုံးအဆောင်ပစ္စည်းအများပြား သိမ်းဆည်းရမိခဲ့သည်။
တစ်ပြိုင်နက်တည်းတွင် စစ်တွေ၊ ကျောက်ဖြူမြို့ ပတ်ဝန်းကျင်၊ ရက္ခိုင်-မကွေးအစပ်၊ ရက္ခိုင်-ပဲခူးအစပ်၊ ရက္ခိုင်နှင့်ထိစပ်နေသော ချင်းပြည်၏ မင်းတပ်နှင့် ကန်ပက်လက်မြို့ အစပ်နေရာများ နှင့် အာရက္ခတပ်တော် လှုပ်ရှားရာနေရာအနှံ့၌လည်း ဖက်ဆစ်အကြမ်းဖက်စစ်ကော်မရှင်၏ လူလှိုင်းအသုံးပြု ထိုးစစ်များကြောင့် တိုက်ပွဲများပြင်းထန်စွာ ဖြစ်ပွားလျက်ရှိသည်။
ဓာတ်ပုံ- ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ်၏ ပွိုင့် (၂၈၈) ကုန်း၊ ပွိုင့် (၁၈၈) ကုန်းနှင့် ပွိုင့် (၁၄၈) ကုန်းတို့ကို တိုက်ခိုက်သိမ်းပိုက်စဉ်အတွင်း သိမ်းဆည်းရမိခဲ့သော လက်နက်ခဲယမ်းများ၊ စစ်အသုံးအဆောင်ပစ္စည်းများနှင့် ရန်သူ့အလောင်းအချို့
သတင်းနှင့်ပြန်ကြားရေး
အာရက္ခတပ်တော်
